رواية كوميديا سوداء الفصل الخامس و الثلاثون بقلم ليل ادم
الدكتور خالد: استاذ علي مينفعش نبلغ اي حد غير لما نتأكد فعلاً أننا قصاد فيروس وبائي
الدكتور علي: تمام يا خالد بس ياريت من هنا لحد ما نتأكد نعمل كل الاحتياطات على أنه فيروس وبائي يعني كل مكان دخل في المريض لازم يتم تطهيره بكل الطرق مس غاده لازم نبدأ معاها من دلوقتي نتابع كل التطورات اللي ممكن تعدي عليها مش عايزين نخسر حد
في جانب آخر
احمد : جميله قربي الأكسجين مستوى الاكسجين في جسمه منخفض جدا
جميله: ضربات القلب سريعه بشكل كبير
احمد : معدل الاكسجين الأول بدال ما يحصل اختناق أو موت الدماغ
جميله: تمام لحظه واحده
احمد : فين ابره الڤيسكون
جميله: خليك معاه أنا هجيب كل حاجه تحتاجها
باب الغرفه اتفتح
احمد : (بصوت عالي) محدش يدخل محدش يدخل يا دكتور علي من فضلك خليك بره
الدكتور علي: (قفل الباب وتابع من بره حاله المريض)
احمد : احقني الڤيسكون مباشر مفيش وقت للمحلول
جميله: قلبه مش هيستحمل يا احمد
احمد : ولو صبرنا مش هيستحمل خالص برضوه ياله يا جميله
جميله: حاضر اهدا
احمد : (سحب عينه من المريض علشان تروح معمل الأبحاث للوقف على مدا خطوره الوباء)
في جانب آخر
ريهام: مين رفع الحاله القسوة في المستشفى في اي يا دكتور علي
الدكتور علي: ربنا يستر يا ريهام شكلنا داخلين على مرض وبائي جديد
ريهام: فين الحاله دي
الدكتور علي: جوه في غرفه الكشف
ريهام: مين معاه
الدكتور علي: احمد و جميله
ريهام: احمد طب هو وخد حذره ولا لا افتح الباب يا دكتور علي خلينا اشوف لبسين واقي ولا لا
الدكتور علي: ريهام من فضلك اهدي كفايه احنا ع اعصابنا
في جانب آخر
جميله : احمد الحق بسرعه بيموت
احمد : (وقف في ذهول مش عارف يتحرك في أنهي اتجاه مش عارف سبب انهيار الجسم )
جميله: يا احمد قلبه هيوقف انت ساكت كده ليه اتكلم
احمد : علقي كيس دم يا جميله وجهزي محلول جفاف وسنتي ونص سيتامول
جميله: خد علق الدم هعلق أنا المحلول
احمد : في السيتامول أنا هديله
جميله: خد اهو
احمد : هو مش بيتحسن ليه هو في اي (وضرب بأيده على الحيطه)
جميله: المياه بتتجمع على الرئتين مجر التنفس بيتقفل هيتخنق
احمد : هاتي مشرط رقم عشره حضري أنبوب تصريف يا جميله
جميله. : خد المشرط
احمد : هاتي الخرطوم
جميله: خد
احمد. : راقبي الاكسجين من تاني
جميله: التصريف شغال بس لسه في مياه بتتجمع
احمد : وقفي المحلول خلي الدم بس اللي شغال
جميله: حاضر
احمد : مفيش تحسن خالص
جميله: الأنشطة الحيوية بتقف هو في اي بجد
احمد : مش عارف حاجه
جميله: اتصرف يا احمد مفيش حاجه اسمها مش عارف حاجه قلبه بدأ يتفرغ من اي نشاط كهربائي
احمد : هاتي جهاز المجاز يا جميله
جميله: هتعمل جراحه مجاز هنا في العيادة يا احمد
احمد : (بصوت عالي) مش بتقولي اتصرف والراجل بيموت في ايدي هاتي الجهاز يا جميله خلصي
جميله: حاضر
احمد : ( قلع البالتو وخد المشرط وبدأ يفتح في فخد المريض جرح بطول الاتنين سنتي)
جميله: الجهاز يا احمد
احمد : دخلي الأنبوب في الشريان
جميله: حاضر
احمد : اهدي يا جميله متهزيش ايدك الشريان لو انفجر هيموت
جميله: سيب الكماشه أنا مش هقدر دخل الأنبوب انت
احمد : هاتي امسكي الكماشه كويس
جميله: تمام ابدأ
احمد : عينك مش عليا عينك على الجهاز يا جميله أول ما يوصل ل الشريان التاجي قولي
جميله: ماشي خلاص وصلت
احمد. : شغلي الجهاز بسرعه عاليه
جميله: جي ار ولا بي ار
احمد : لا جي ار
جميله: شغلته
احمد : (مسك ايد المريض وبدأ يشعر بالنبض)
جميله: تمام الوضع مستقر
احمد : افصلي الجهاز
جميله: اسحب الأنبوب خلاص
احمد : سيبي الجرح أنا هخيط الجرح عايز سنتي ونص أدرينالين بسرعه
جميله: حاضر
احمد : الحمد لله الوضع استقر الي حدا ما
وفجأة صوت انذار القلب اشتغل
جميله: اي ده في اي تاني
احمد : إنعاش قلب بسرعه بسرعه
جميله: امسك
احمد : حمل
جميله: حملت اضغط
احمد : تاني يا جميله
جميله: اضغط
احمد : كمان
جميله: اضغط
احمد : هاتي الادرينالين بسرعه
جميله: اهو
احمد : حملي الجهاز يا جميله هحقن القلب وهخده منك
جميله: جاهزه ياله
احمد. : تمام هاتي
جميله: اضغط
احمد : تاني
جميله: اضغط
احمد : (ساب الجهاز من ايده على الأرض وبص الي جميله ساعه الوفاة ١١ صباحاً)
جميله: يعني اي مات
احمد : (قعد على الأرض مش بيتكلم)
جميله: رد عليا خلاص مات يعني بعد كل المحاولات دي
احمد : أسحبي عينات لينا يا جميله و أبعتيها المعمل وجهزي المتوفي علشان يخرج معقم
جميله: انت بتعمل اي
احمد : ( قفل الباب برمز علشان محدش يدخل عليهم لو حاملين الفيروس)
جميله: انت ليه بتعمل كده احنا كنا لبسين مسكات
احمد : اسمعي الكلام و أسحبي عينات لينا و خدي دم من المتوفي أد ما تقدري عايز اعرف الفيروس بيموت مع موت حامله ولا بيكمل
جميله: حاضر
باب الغرفه بيخبط فتح احمد نافذه من الباب
الدكتور علي: انت قافل الباب ليه افتح
احمد : محدش يقرب من الشباك هبعت عينات دم لينا أنا وجميله و للمتوفي
الدكتور علي: (بصدمه) هو مات
احمد : مش وقته المهم عينات دم المتوفي عايز اعرف ان كان الفيرس بيموت بموت حامله ولا لأ
الدكتور خالد: طب طلع الولد أهله يستلمه
احمد : جميله بتجهزه وطالع بس محدش يلمس اي حاجه ومش عايز خبر وفاته يوصل ل مس غاده مش عايز نفسيتها تتعب
مس سلوي: دكتور علي مس غاده حرارتها مرتفعة جدا مش عايزه تنزل
احمد : روح بسرعه ألحقها وخلي بالك الأكسجين هينزل في جسمها و جهز أنبوب التصريف
الدكتور علي: تمام ماشي خالد معايا
جميله: ( بتجهز المتوفي ومش مصدقه اللي وصلو إليه مره واحده)
ريهام: احمد انتوا بخير
احمد : احنا تمام بس العينات دي تيجي تقرير عنها حالا يا جماعه
ريهام: بنفسي هتابع التحليل
جميله: احمد خلاص جاهز
احمد : ماشي يا جميله ( وشاف جميله بتبكي)
احمد : اهدي مالك في اي
جميله: خايفه
احمد : متقلقيش أنا معاكي وربنا قبل اي شيء معانا
جميله: هنعمل اي لو طلع عندنا اصابه
احمد : اكيد لما نعرف بدري ممكن يكون في حل
جميله: مس غاده شكلها حالتها صعبه ومع ذلك لسه منقول ليها الفيرس من ساعه بس
احمد : اهدي أنا مش عايز اقرب منك اكتر من كده ل اكون مصاب وانتي سليمه اهدي يا جميله
مس سلوي: دكتور احمد فحوصات المتوفي ظهرت حالا
احمد : دي اللي قبل الوفاه ولا اللي بعد الوفاه
مس سلوي: اللي قبل
احمد : هاتيهم من تحت الباب
مس سلوي: خد
جميله: كان في اي
احمد : تجلط دموي و تكيسات دمويه على الرئه تصلب الشرايين
جميله: علشان كده مكنش في تحسن
احمد : الفيرس ده شبه الفطر الأسود
جميله: بس ده جيل جديد شكله
احمد : باين كده بس كده على الأقل فهمنا احنا بنحارب اي
جميله: بالظبط
احمد : مس سلوي
مس سلوي: نعم يا دكتور احمد
احمد : روحي بسرعه للدكتور علي قوليلوا بلاش محلول جفاف علشان التجلط بينشط عليه أديها برستمول و أسبوسيد مائي و علقي كيس دم يخلص تعلقي التاني بسرعه يا مس سلوي
مس سلوي:: حاضر
جميله: أنا قلقانه اوي خايفه يحصل لها حاجه
احمد : ربنا يستر افتحي بوقك يا جميله ( وبدأ يقيس درجة حرارة جميله )
جميله: تمام متقلقش أنا حاسه بنفسي
احمد : عايزك لو حسيتي بأي حاجة تتكلمي انتي فاهمه
جميله:: حاضر متقلقش عليا والله أنا بقيت كويسه
الدكتور علي: احمد
احمد : (جري على الشباك ) عملت اي
الدكتور علي: الحمد لله الحاجات اللي طلبت من سلوي تقولي عليها أنقذت الموقف
احمد : طب الحمد لله بس خلي بالك الفيروس بينشط نفسه وبيرجع اقوي من الأول مره واحده ويهاجم القلب على طول
الدكتور علي: طلع المتوفي طيب
احمد : ابعد عن الباب في حبل ربطه في الترول شد منه
الدكتور علي: حاضر متقلقش أنا كده كده لبس الجراب كامل
احمد : احسن حاجه مش عايزين نلبس كلنا الفيرس هنموت موت جماعي كده
الدكتور علي: أن شاء الله مفيش حد هيتصاب
الدكتور خالد: (خرج من غرفه مس غاده)احمد انت تمام
احمد : مش عارف انا مستني التحاليل بتاعتي أنا وجميله
الدكتور علي: جميله حبيبتي اوعي تقلقي أن شاء الله خير
جميله: أن شاء الله
احمد : ابعد عن الباب المتوفي خارج
الدكتور علي:(خد طرف الحبل وأمر المسعفين وضع الجثمان في عربيه الإسعاف ونقله الي المقابر مع أهله دون التدخل من اي شخص غير مؤمن طبياً)
مس سلوي: دكتور علي فحوصات احمد وجميله طلعت
الدكتور خالد: هاتي يا سلوي ( وشد الفحوصات يقرأ وبص الي احمد بصدمه )
احمد : ( حط ايده على رأسه) كنت حاسس والله
جميله: اي يا احمد مش سامعه بتقولوا اي
احمد : تعالي يا جميله بس اهدي ( وحط ايده على كتف جميله ورجع بيها بعيد عن نافذه الباب )
جميله: احنا هنموت مش كده
احمد : لا أن شاء مفيش حد هيموت اهدي بس علشان اعرف اتكلم معاكي
جميله: يعني خدنا الفيرس
احمد : جميله خلينا نبدأ مع بعض من دلوقتي محدش هيدخل علينا هنا خلينا نساعد بعض
جميله: احمد انت تعبان انت عينك حمره كده ليه
احمد : اهدي بس علشان اعرف هنعمل اي
جميله: احمد انت بتخطرف انت بقالك نص ساعة مش طبيعي والله (وحطت أيديها على جبين احمد ) انت مش حاسس بنفسك يا احمد
احمد : هاتي الاسبوسيد مائي بسرعه وتعالي نحقن بعض 🔥
