رواية اغفري لي الفصل الخامس والثلاثون بقلم أوتار حزينة
قائد
حياتنا اني وليلى صارت جحيم المشاكل
زادت بيني وبينها وكمت اتعير بسالفه النسوان
اسكت مااجاوب حتى لاتنفعل
بعد اكثر ويصير بيها
شي
خليتها براحتها تحجي واطلع الي بگلبها وهالشي
استمر وتعبني كلش صداع كام
يصير براسي
شفت ضغطي جان صاعد درجه مايخوف
بس الدكتور كال انتبه للاكل
ولاتصير عصبي
واني جنت احرك بدمي من الي حجيته
والي كمت اشوفه منها
طلعت الصبح للشغل اشتغل وبالي يمها
خابرتها ماجاوبت كالعاده خابرت خالتي كالت
راحت للدوام واشوفها ماتكدر
سديت الخط ترخصت
ورحت عليها
وصلت نزلت ورحت للصيدليه فگيت عيوني
من شفت هذا الدكتور الي اعرفه
خاله عيونه عليها گاضبها
وقريب كلش منها
ليلى
شفت قائد وفزيت من شفته جاي علينا
بسرعه والعيون تخزر وبلحظه
دكتور رواد انسحب مني ولزگه بالحايط
صحت
«،،،قااائد اوكف لحظه
ماكو تخبل وكام يجر بيه ويضربه بالحايط
ويغلط ويفشر
ذاك كام يتلاوى ويا وتلازمو
الامن اجوي يركضون علي لزموهم وجروهم
واحد من الخ
«،،،هااي شصاير ليلى
سندت روحي على الاء من اجتي اشوفه تخبل
ويريد بس يلزمه هوسه
صارت وهو ماسكت
كام يفشر علي
ويضرب بالامن اخذوه من يمنا هو ويا
مشيت وراه ابجي
واشهك مااشوف نفسي غير واكعه بنص
الممر وفاقده الوعي
كعدت وره وين شفت نفسي على سديه
بغرفه خاصه سمعت ماما حجت
«،،،كعدت قائد
اجه بسرعه عليه سال
بخوف
«،،ها شلونج هسه
«،،مو زينه من السويته
جاوبته بشهكه كملت
«،،انت ليش سويت هيج ليش فضحتني
بالمستشفى الولد جان يريد
يساعدني مو قصده
شي
««،،،اي صدكت ولج لييش اني مااعرف هذا
عينه منج ومن زمان
جاوبني بغضب وكمل
«،،،گواد ااني ليلى حتى اغمض من الشفته
واكول هذا جاي يساعدج واني
اعرفه شنو هو وشنو نيته
«،،،مو وكت هالحجي سدو الموضوع هسه لان
ابوج بصعوبه سده وي الامن وهذا
الدكتور
ماما حجت بابا طب من وجهه عرفته صاير
عصبي بس من شافني كاعده كال
«،،،ها شلون وضعج هسه
«،،،زينة
«،،تكدرين تطلعين
«،،،اي
جاوبته هو كمل
«،،،يله ام ليلى خلي نطلع منا وانت يابه
مااريد منك تحجي كلمه وي الامن الولد طلعو
ولد اوادم ومااشتكو عليك لا هم
ولا ذاك الدكتور
قائد ماحجه شي اجه يريد يساعدني
سحبت ايدي منه ولزمت ايد
ماما ماحجه
شي طلع من يمنا بابا لحگه كالت
«،،،اي ظلي هيج بهل العناد الما هم يوكع
وذيج الساعه كومي ابجي علي
دموعي نزلت مشيت وياها احس النظرات
عليه خجلت كلش وكلت هسه
يصير عليه كلام من
وره السواه
صعدت يمه وسيارتي ظلت بالكراج
اهلي راحو لسيارتهم حرك
درت وجهي على
الجامه ابجي
بخنگه
ماحجه شي بس جنت احسه صاير
نار ولازم روحه بصعوبه وصلنا قبلهم
نزلت هو اجه بسرعه
راد يلزمني كلت
«،،،عوفني ماا
قاطعني جاز على سنونه
«،،كافي وجري عدل تره الخبال دگ بالراس
ماحجيت شي لزمني من خصري
ومشينا للباب فتحه طبينا اهلي اجوي ورانا
ماما اجت بسرعه راحت فتحت
قفل باب المطبخ
كعدني هناك هي كالت
«،،،خلي اجيبلج عصير حتى ضغطج
يستقر لان هابط كلش
بابا طب كعد اگبالي قائد يمه كله
بعصبيه
«،،،بس فهمني انت شوكت تبطل عصبيه
وتعرف تصرف صح
«،،،عم،،، هذا جان گاضبها شلون تريدني
مااتخبل واصير عصبي
«،،،الولد كال تخربطت ورادت توگع
وگضبها
«،،،وليييش،يگضبها لييش
كام يرعد من اعصابه بابا صفن علي
ماما كالت بخوف
«،،،قائد لايصعد ضغطك
«،،،خلي يصعد واجعلي بالموت اني خاله
عرضي اني يگضبه واحد غريب
لييش يابه شنو الي موازيني اخليها ادوام
وهي بهل الوضعيه
سكت ينهد من غضبه وكمل وياي
وجهه صاير دم
«،،كتلج لاتروحين انتي مو زينه ماكتلج
هالكلام
مارديت كمل بخبال
«،،جااوبي ماكتلج لاتروحين تره وضعج
مو تمام وخاف تتخربطين ماحجيت
وياج وانتي عاندتي ورحتي
«،،،بعد ماتروح بس اسكت
ماما جاوبته انهديت بي رغم
البيه
«،،،دوامي ماراح ااعوفه
«،،،ليلى اسمعي كلام رجلج
بابا حجه وكمل
«،،،انتي ماجاي تشوفين وضعج شلون
صاير ماشفتي وكعتي بالمستشفى وصار
الصار
«،،،محد گله تصرف هيج قائد فضحني
هناك وراح يصير عليه كلام والله
اليدري شراح يحجون
عليه
«،،،،،ااي اكعدي بالبيت واخلصي من
هالكلام
نتر بيه صحت بي
«،،والله ماااابطل من دوامي وبعنادك
الا ادوام باجر
ليلى
بابا صاح بيه وكام لحيله قائد رد
«،،،اختاري ليلى لو اني لو الدوام
حجه هيج وطلع من يمنا انهاريت بالبجي
اسمع اهلي يحجون عليه
يمامه
ثاني يوم خاله راحت وحدها لبيت الحجيه
ماضغطت عليه ولا كالت روحي
وياي لان شافتني صرت
فد مره
ظليت وحدي بالبيت اني وياسين
ويمامه لهيت روحي بالشغل حتى مااظل
افكر بالصار بيه من اهلي ومن
ذوله وتبجي عيوني
غسلت فراشه لان شفت خاله مطلعته بره
خليته الما يذب مي يله اشره فوك
وراها غسلت زوليه الغرفه
لان دفت وشلنا
الفراش
ياسين جان نايم كلت من يكعد اسويله
ريوك واكعد يمه اتريك ويا
كملت كلشي وطلعت اكل بايت خليته
على الطباخ سمعت يمامه
تبجي رحت عليها كاعده
شلتها ابوس
بيها واردد بخنگه
«،،،محد مصبرني على هذا القهر والعذاب
غير انتي
بدلت الها وسويت ممه شربتها الها
وعفتها كاعده بللولو انطته
اليه ام احمد بنت
الحجيه
رحت شفت ياسين كعد شافني ابتسم
كلت
«،،،صباح الخير
اشر بايده
«،،،راح اسوي ريوك واجي اتريك وياك
اني ويمامه
هز راسه باي
«،،،رحت سويت اله خبز وحليب وخليت
شكر علي لان هو دائما يتريك هيج جنت
مااشتهي صبيت جاي واخذت نص
صمونه كلت اغمس وافك
ريكي بيها
وديت الصينيه يمه وعلكت التلفزيون
جبت خاولي مبلل ومسحت وجهه جنت
اشوفه مثل اخويه الجبير
واتعامل ويا بطيبه
لان ماشفت
من امه
غير كل خير وماانسى شلون رادني اجي وياهم
من شافني يم الكاظم
جبت يمامه باللولو وخليتها يمنا
يباوع عليه مبتسم اشر
بايده كلت
«،،،،اي كبرت صلاوات ووضعها صار احسن
رفع عيونه للسما
«،،،الف مره الحمد لله
بديت انطي اكل اشر عليه وعلى
الباب
«،،،مارحت اليوم لان تعبانه
هز راسه اشر اكعدي
«،،اي راح ارتاح اليوم
تريك وكمل كعدت يم يمامه اشرب
جاي وصافنه على التلفزيون
بس كلشي مااشوف
بالي كله يم الصار وشايله هم وين
ادور على شغل
جهازي دك كمت طلعت رحت للغرفه
جان على الشحن جان رقم
غريب كلت هذا
هو انطيته
رفض ،،،،وحضرته
رجعت يم ياسين ويمامه كعدت وره
مشوار هم دك كمت رحت علي
رقم ثاني دك وفصل
اجت رساله
فتحتها كاتب
«،،،تره راح اجي عليج اذا مافتحتي خط
حسيته تهديد واعرفه يسويها وسواها مرة دك
جاوبت بنتره
«،،،نعم شتريد
«،،،اريد اعتذر منج
جاوبته باستهزاء
«،،،ماتشوف روحك سحلت الرتبه هوايه
من وره اعتذراك
سكت كملت بنفس اللهجه
«،،كم مره جفصت وياي وتجي تعتذر حتى
هيبه الك ماظلت ولا للدوله
«،،،يولي لاتجفصين وياي تره گوة متحمل
روحي
جاوبني بغضب انهديت بي
«،،،بس گلي ااانت باي عين جاي تخابر
لاا وتهدد بعد اذا مااجاوب
تجي
««،ولج افهمي اني حجيت ويا من زمان
وصححت اله كتله انتي شريفه ومستوره
بس هو العار خلاج براسه
«،،ها عار يكول للخ عار
جاوبته باستهزاء رد بصياح
«،،،ااني مو عاار ولج
«،،اي واضح من السويته ومرتين يله سوي
الثالثه حتى انطيك شهاده تخرج
من مدرسه العارات
«،،حنيييين احترمي روحج تره اجاوزيتي
جثير
«،،ووواجاوز وطز برتبتك اذا بعد اتصلت
وخابرت
«،،،هينه ولج جايج بالقران اليوم الا
اشوفج الرتبه شراح تسوي بيج
سد الخط گلبي هبط وكلت والله هذا
مخبل وراح يسويها ويجي عليه
ردت اخابر خاله اريد اسمها
مااشوفه من خوفي
فزيت من الباب اندك كلت هاي ام
صادق اجت والله جابها راح اخليها يمي
وهو بس يشوفها ماراح يصرف
تصرف مو حلو
ركضت على الباب فتحته جمدت
بمكاني من شفته هو طبگته حيل خله
ايده واجه بيها صاح
«،،،اخ من خرب اهلج
رجعت ليوره من طب يخزر بيه ورگعه
ذيج الرگعه صحت بي
««،،والله اعيط والم عليك العالم
«،،،اي عيطي حتى اعتقلهم وياج
«،،،ااستحي على نفسك واطلع منا
احجي ويا وارجع ليوره اخزر بي وهو
يتقدم وعيونه تتفرس بوجهي
رد
«،،،اني مااستحي مو كلتي عليه عار وراح
تنطيني شهاده تخرج من مدرسه
العارات يله هاي الثالثه
سويتها واجيت عليج
وين شهادتي
اريدها
وصلت ليم غرفه ياسين طبيت بسرعه
رحت وكفت يمه انهد من غضبي
وكف يباوع عليه ابتسم وكال
«،،،،شلونك ياسينو
اشر اله
اجه علي وخرت من يمه بسرعه
شلت يمامه وحظنتها لصدري كعد يمه
شاف الريوك بالگاع گله
«،،،،تريگت يول
هز راسه باوع عليه وكمل
مبتسم
«،،،اريد ريوك ام يمامه
«،،،اسوي زقنبوت
ضحك بصوت ومسح شواربه صفن
عليه بنظرات تضحك كال
«،،،مقبوله منج لان جفصت بطنج
جثير
«،،،وانت كدها
«،،،هههه
هم ضحك رد
«،،يابه اعتذر منج واسف واخذت حگج
منه
«،،،مااريد كلشي منك بس تعوفني بحالي
«««عايفج اني شفتي مني شي من ذاك
اليوم لحد هاي اللحظه
جاوبته باستهزاء
««،،هاي اللحظه انت بيتنا
هم ضحك وشفت بعيونه نظرات
اعجاب درت وجهي منه كمل
«،،،انتي شي عجيب
مارديت كام وكال
«،،شفت ياسين اجيت عليك وام يمامه
ماظيفتني بريوك
كام ياشر علي جاوبه
««،اي والله علت عليها واسف واعتذر
الف مره منها
باسه من راسه وخله فلوس،جوه مخدته
مشى اباوع اله بحذر طلع
وكف بالحوش اندار
صفن عليه وطول
كال
«،،،ام يمامه اني رايح بدوره وراح اطول
ماارجع الا وره شهر
الي اريده منج تبريني
الذمه لان اذيتج
جثير ووو
گلبي هبط من حجه هالكلام كمل
«،،ديربالج على امي ولا تعوفيها
حجه هيج وطلع من يمنا سمعت طگه الباب
خليت يمامه بمكانها
طلعت ماكو
ذبيت النفس،المخنوك بصدري وكلامه
الاخير كام يتردد براسي
من رجعت خاله المغرب عرفت منها
هو رايح كاتل ابن خاله ومدمي والحجي
مرزله لان عرف من ذاك هو
حاجي عليه يمه وطارده
من البيت
حجيتلها هو اجه واعتذر مني وانطه
فلوس لياسين وراح يروح شهر بواجب
ووصاني على امه ردت
بقهر
«،،،اي هم خابرني واعتذر مني
سكتت وكملت بحسره
««،،كل حلو بي لوله وهو عيبه
الشرب والنسوان بس والله اني شفته صارله فتره بطل يشرب ومايروح للشقه كام يجي
يم اهله
«،،،الله يهدي
«،،اي يمه ادعليه انتي يتيمه والله يستجيب
دعائج وهو تندم وشفتي اعتذر منج
ومني
ماجاوبت كالت
««،،والله اليوم الحجيه بس تبجي عليج وانقهرت
كلش لان مااجيتي،،،والحجي
هم صاير فد مره من وره
الصار وكال اذا مااجيتي
باجر هو راح يجي
عليج وياخذج
يمهم
«،،خاله شلون اروح يمهم وانتي شفتي شسوه
هو وذاك
«،،،يمه اني مااريد اجبرج على شي
انتي بكيفج تريدين تروحين امشي ماتريدين
اكعدي هنا معززه مكرمه والرزاق الله
يجوز تلكين شغل بغير
مكان
صفنت عليها دمعتي بعيوني كملت
«،،بس ارجع اكلج ماراح تلكين مكان مثل بيت
الحجيه لان راتبج خير من الله وهم
مو مقصرين وياج بشي
ولا ويايه يعني يايمه الي تعرفي
احسن من الي ماتعرفي
وهذاك بعد السواه
بعد لايجي ولايشوفج خلقته ومهيب
عرف غلطه وانتي كلتي اجه برجلي واعتذر منج
ذبيت حسره رديت
«،،،مااعرف خاله دايخه مره اكول خلي،،،اروح
مره اكول لااا لعبت نفسي من ولدهم
ولا واحد بيهم بي خير مااعرف
حظ عمو لا خاله انطاهم
هيج عارات
«،،والله يايمه مهيب مو عار ذيب بعد امه
وسبع وعند عيناج لو احتاجيتي شي
بس كتلج هالسوسه البي
هي الي مخربه صورته
كدام الكل مانكول
غير الله يهدي
«،،امين
كلت هالكلام لخاطر امه وابوه لان مايستاهلون
ابنهم يظل،،،،بهل الاخلاق لان جنت
اشوفهم ينقهرون من وراه
واكثر من مره اسمعهم
يحجون ويا وهو ماخذها بضحك
شفته اليوم طب صاير نار بعدين كام
يضحك كلت هذا ماخذ الدنيا ضحك وونسه
وضارب الدنيا بعرض
الحايط
ثاني يوم الحجي اجه اعتذر مني وحلف
عليه الا ااجي وي خاله خجلت منه
كلش لان اكثر من مره اعتذر
مني وهو رجال جبير
وماشفت منه غير
كل الخير
والاحترام
قبلت ورحنا لبيتهم شفت سياره ابنه ماكو
وگلبي ارتاح الحجيه من شافتني
فرحت كلش باستني
وهم اعتذرت مني
تفاجأت من كالت الظهر هي تريدنا نجي
يمها ونجيب ياسين ويانا منا الما
اطيب
خاله ماااعترضت واني سكتت لان هم سمعت
منها ابنها راح بدوره مثل ماكال ومايرجع الا
وره شهر وهي ان شاء الله بهل الفتره
راح تصير زينة وادكوم على حيلها
وهم الراتب زيدته النا اني وخاله
لان راح نظل يمها شهر
بليل لمينا غراضنا والصبح عمو اخذنا
لبيتهم من هذا راح وفرغ بيتهم حسيت براحه
واخذت راحتي بالشغل وكمت
اتفنن بالحلويات والاكل
اطلع وصفات واسوي وعمو وهي فرحانيين
بي وبيمامه الي تدللت دلال مو صاير
منهم عمو جابلها حجله وهي
وصت على جربايه
جديده الها
ماعرفت شلون اشكرهم وجنت احاول
مااقصر وياهم تعبير عن شكري الهم
غاده
اخذت رانيه ورحنا للدكتوره بعد ماحجزت
مره ثانيه لان موعدها راح من وره
الصار فحصتها وطلبيت تحليل
الها ولجعفر
سوه وطلع مابيهم شي انطتها ابر تضربها
تحت الجلد بطنها لمده عشره ايام وراها
ترجع عليها وتشوف
وضعها
طلعنا هي خايفه ومتوتره كالت
«،،،وهاي شلون راح اضربهن
««،يمي ماعليج
«««ها تعرفين
«،،هههه عبالك نسيتي اني صيدلانيه
«،،ولج والله دخت من حجي الدكتوره
وخايفه كلش غاده لا هم مايصير حمل
«،،كولي يالله يمعوده وخليج متفائله
بالخير
«،،يالله يارب يصير عندي حمل وافرح
گلب جعفر
«،،وداعتج راح يصير وهسه تشوفين
«،،،الله يسمع من حلگج ويصير
بهل الشهر
شفت جعفر اجه سأل
«،،،ها بويه خلصتي
««،اي بقت بس غاده تروح للدكتوره مالتها
«،،اي يله امشينا
اخذنا للعياده نزلت اني وياها طبيت فحصتني
وكالت
«،،وضعج زين بس يرادلج مقويات لان كلتي
نزفتي هوايه وخلولج دم
«،،اي دكتورة
«،،تمام هذا علاجج اخذي ومابيج
غير العافيه
«،،تسلمين
طلعنا من يمها دنيا ليل وتاخرنا كلش
رجعنا ساعه عشره بالي،يم علي
لان رضعته وعفته
يم عمه وبيبي
اني جبت اله حليب صناعي كلت خاف
من اروح للدكتوره ينطوه منه
حمزه خابر مرتين اخر شي كتله
،،،راجعين علي شلونه
«،،رضع ممه ونام
شلت هم وخفت لايعوف صدري واني
جنت اريده يرضع طبيعي كلت
«،،مابقى شي ونوصل
«،،تمام يله انتظرج ماتعشيت لحد
هسه
«،،،شجبت عشه
سالت مبتسمه رد
«،،لفات صاج لحم
«،،ههه تعرف نقطه ضعفي
««،اي چا شلون اعرفج اكثر من روحي
رحت للواتس كتبت
«،،من فدوه اروح لروحك يبعد روحي
قراها سد الخط وكتب
«،،بويه عوفي الغزل تره عطبت وانتي
محضوره عليه
عضيت شفتي وخجلت
«،،،ياجمره گلبي مشتاگ والشوگ راح
يخليني اروحن انام يم جدي
«،،تكدر حمزه
«،،،ههه اي
«،،،كول والله
«،،،صار بيها حلفان واكلج لا والله مااكدر
«،،،،لعد اكعد واسكت
«،،بيج بخت وهيج ضعفتلج
«،،،غير تحبني
تاخر وكتب
«،،مو حب هذا ياغيده گلبي تعدى
هالشي وصرت هايم بيج وعاشگج
عشگ جبير
گلبي كام يدك بسرعه مااعرفت
شاحجي كتب
«،،انتي لو تريدين روحي انطيها الج
لان شفتج شسويتي من راد
ابن عمي يچتلني
عيوني غوركت وكتبت
«،،اموت اني ولا انت لان اعرف بروحي
ماراح اكدر اعيش بدونك
قراها طول بعدين كتب
«،،اخ ولج بيش اجازيج هو اكو اغلى
من الروح اكولن ترخصلج
لو ردتيها
وصلنا كتبت
«««وصلت حب
«،،تمام
نزلت كلت لرانيه
«،ميته جوع وعطشانه كلش
«،،اي تعبنا اليوم وتاخرنا
طبينا للمطبخ ماكو احد شربت مي رحنا
للصاله عمه وبيبي كاعدين يشوفن مسلسل
تركي سلمت وعفتها تحجي
وياهن على حالتها
جعفر كعد يمهن
رحت لغرفتي طبيت حمزه كاعد
وعلي يمه متمدد وغافي
كام من شافني
وابتسم كلت
«،،هلو حب
«،،هلا بضوه عيوني ورمشها
بس گلي هيج رحت لحظنه لمني
بي شالني لفوك وباسني من
رگبتي من يسوي
هيج اموع ووضعي كله يتخربط وخرت
منه وصفنت بعيونه الوجه
يضحك ومرتاح
كلت
«،،احبك ابو علاوي واموت عليك
««،،وانه هم اموت بيج يا جمره گلبي
باسني من شفتي وطول حسيته فقد
وخرت منه اردد بضحك
««،حمزه اكعد راحه
ضحك وجاوب
«،،مو كتلج خلي اروحن يم جدي
«،،ازعل تره
««،لا كلشي ولا زعلج يتعب گلبي
«،،،ههه لعد جر عدل
«،،جرينا بويه هو انه اكدرلج
صفنت علي يحجي والضحكه
تارسه وجهه كلت
«،،ريتني ماانحرم من هالضحكه
الحلوه
«،،غيده اكعدي راحه تره جااي تتحارشين
هوايه وانه والله صاير
نار ومعطب
لميت شفتي حجه بضحك
«،،وحركاتج الحلوه هم بطليها
«««راح اني اروح يم بيبي وعمه لان
الوضع صاير خطر
«،،،تكدرين
«««،هههه لا
«،،چا اكعدي واسكتي لا انه اكدر ولا انتي
علي كعد وكام يبجي عفت حمزه
وبسرعه رحت علي كعدت وخليته بحظني
اردد
«،،هلا يگلب ماما كعدت وتريد ترضع
يمه من فدوه لهل الوجه
الحلو
كمت ابوس بي انتبهت حمزه صافن
عليه نتر بزعل
«««اشوفنج هديتني ورحت بسرعه لابنج
««،ههه يمه بس لا تغار منه
ابتسم ورد من كعد يمي ورد
«،،،اي والله اغار عليج من اهلج لو باسو
خدج وهذا هم اشوفن
روحي كمت اغار منه
صفنت علي كمل
«««انتي بس اليه ياغيده لو خلفنا عشره
مااريدنج تهديني وتروحين الهم
«،،،ههه عشره حمزه شماخذ ارنبه
ضحك وجاوب
«««منج اريدن بزر هوايه لچن مااريدن
اتعبج خمسه كافي
«،،،هم هوايه قلل
«،،بويه اربعه
«،،ههه تره جاي اجذب عليك لان
اني هم احب اسويهم فريق
«،،لا مااريدن هو واحد ولعب بحالج
لعب وخلاني انه الجبل اهتز من خوفي
عليج
ابتسمت وبسته من خده وكلت
«،،لاتخاف عليه اني قويه تره
ابتسم وكال
«،،وانه اشهد ام علاوي
ردت ارضع ابني من رجع يبجي
كلت بخجل
«،،احم عيونك
«،،،ههه راح اروحن يم جدي
«،،اي روح بس ارجع حباب لاتخليني وحدي
وي هذا الوكح
«،،ههه ابشري ماراح اهدج وحدج
وي علاوي
بعده يم الباب تحارشت
«،،جنت بوكح واحد صرت باثنين
والله يساعد گلبج ياغيده يامسگينه
عض شفته والعيون توكحت
كلت خربانه ضحك
«،،حمزه روح
«،،اعلمج ولج وشوفي شراح اسوي
بيج من تگضي ايامج
طلع خربان ضحك ابتسمت وكعدت
ارضع ابني ليلو اجت
بالي كلت
انيم علي واتعشه واخابرها
من كملت كلشي كعدت حمزه يمي
خابرتها جاوبت
بصوت متغير
«،،هلا غاده
«،،هاي شبيج صاير شي
«،،،تعبانه وجاي اموت
«،،اسم الله شبيج احجي
حمزه باوع عليه كالت
«،،ولج مااعرف شاحجي ضعت غاده
وكمت اذي قائد بالكلام
«،،،وليش تأذي بالكلام احجي
ليلى شصاير
««،منو يمج
باوعت لحمزه افتهم كام وطلع من يمي
كلت
«،،ماكو احد
«،،اكيد غاده
«،،والله ماكو احد احجي شصاير
«،،ولج طلع يعرف نسوان
«،،يمه عزه ولج صدك تحجين
«،،اي اي غاده
««،،،يعني شنو اكتشفتي هو يخونج
«،،،،لاا مو هنا بالمانيا
«،،،يعني عنده علاقات وي بنات
هناك
«،،لا من صار الصار بينا وراح لهناك عرف
بنات
«،،،،لحظه ليلى يعني قصدج
السالفه قديمه ومن انفصلتو هو عرف
بنات
«،،،اي
صفنت وسالت
«،،،،وانتي شلون عرفتي
هو حجه اليه
«،،وليش حجه الج وهي السالفه قديمه
«،،،كال اريد ارتاح ومااظل مجذب عليج
بهل الشي
«،،،وانتي شسويتي جفصتي بطنه منو
«،،ولج خاني وعرف بنات
«،،اكيد ماجان بوعي لان انتي كلتي
مره خابرج سكران وشارب
«،،،اي گلي جنت اشرب الما افقد الادراك
واشوف روحي وي وحده
«،،شفتي يعني ماجان بوعي والي مو بوعي
حتى قتل يقتل
«،،«غاده اني اعرف هالشي بس صعبه
عليه اسمع هو جان يخوني
هناك واني ابد
ماخنته ولا فكرت احب غيره
«،،ليلى انتي تعرفين قائد شكد جان يحبج
واكيد من شاف الشافه فقد
الادراك والوعي وكام
يشرب حتى
ينسى وهالشي هو الي خلاه
يعرف بنات غيرج بس
الي بگلبه منو
سكتت اني جاوبت
«،،انتي الي بگلبه وانتي وبس الي
حبها صح هو غلط وغلطه جبير بس
لاتنسين هو رجال والشافه
خبله وخلاه يعيش
هناك بضياع
«،،،كلي غاده اني ضعت هناك وصرت
واحد ثاني مخبل مو صاحي
كامت تبجي كلت
«،،،لاتبجين وكافي مشاكل ويا تره انتو
تعبتو هوايه يله صرتو واحد للخ
«،،غاده شلون انسى السمعته منه
«،،انسي اني مو نسيت السواه حمزه بيه
وهو هم جان يريد بنت عمه
ويحبها بس بعدين
حبني اليه وگلبه
صار بس،اليه
ماردت كملت
«،،ليلى الرجال مو مثل المره احنا بطبعنا
طيبات وننسى بسرعه اسائه
الرجل النا بس
هم صعبه
ينسوها وقائد مانسى عاش
بذيج اللحظه الي شافج بيها وي ذاك
ابن خالج وماكدر ينسى
حاول يهرب من واقعه
بالشرب وجانت النتيجه هي
ضياع بعد اكثر
«،،،اي اعرف هالشي وكاله اليه اكثر
من مره واعرفه يحبني
«،،اي هو يحبج بجنون ويغار عليج
««،وهالغيره من زمان وشفتها اليوم من
گتل دكتور رواد
فكيت عيوني وصحت
«،،،شنوو كتل دكتور رواد
،،،اي غاده ولعب بي طوبه
«،،،ولج لييش،گتله
حجتلي الصاير صفنت وكلت
«،،،وهذا شلون يلزمج وباي حق
«،،،انتي مو تعرفي لزكه
«،،،اي اعرفه مو راحه وكتلج علي من
زمان هذا عينه منج وقائد مو غشيم
تره يلكفها وهي طايره
مثل العندي
«،،،اخ ولج راح اموت من قهري مخنوكه
غاده من هالزعل ودمعتي
مانشفت
«،«،ارضي ويا ليلى تره مو زين علي
القهر ماشفتي شصار بي من وراج من
سمع راح تنخطبين لغيره
«،،والله خايفه علي بس شلون اكدر
اسامحه وهو سوه هيج
«،،،انتي سامحتي على ذيج السالفه
شلون ماتكدرين تسامحي
على هاي
سكتت كملت
«،،،ليلى روحي رضي وانسي وعيشي
حياتج مثل ماردتي كافي
يضيع من عمرج ايام
وانتي تفكرين
بشي صار ماضي
زادت بالبجي سمعت صوته صاح
بخوف
«،،،،،هاي شبيج تبجين
«،،ماكو شي
جاوبته وكملت وياي
«،،اروح غاده
«،،روحي وارضي ويا لاتروحين تخسري
واني اعرفج بس يصير بي
شي لاسامح الله
راح انتي تتاذين مو غيرج
«،،اي
«،،باي حب
سلمت وسديت الخط رحت للواتس
كتبت
«،،اين انت ياحب قلبي
«،،اجيت
««،ههه يله تعال خلصنا سوالف
«،،سوالفجن ماتخلص بويه
«،،عندك اعتراض
«،،لا انه اكدر احجي
«،،ههه عبالي
طب مبتسم اجه ليمي كعد ومال
عليه سال
«،،،ها شبيها حرمه قائد
«،،اسرار عيب تنحجي يمك
«،،ههه صح والله
«،،بس راح احجي لان انت صندوق
اسراري
«،،،احجي اسمعج
حجيتله الصاير كال
«،،،هو ماضي صار ليش نبشه
«««مخبل هي بصعوبه رضت وياك ليش
نبشت ماضيك يمها
«،،،هذا يريد يرتاح
«،،،اي اني هم اكول هيج
جاوبته وكمت اثاوب كال
««،نامي بويه اليوم تعبتي
««،،هو هم هيج عينك على علاوي اكوم
اغسل وافرش سنوني
«،،روحي
غسلت وجهي بغسول وفرشت
طلعت رحت للميز خليت سيروم سال
«««عدالك وجه رانيه مختلف عن الاول
««،اي شفته جبتلها عصارتين گلبت
خلقتها
««،اي خطيه جانت ضايجه من وجهها
گلش
سكت صافن عليه شلون كعدت
يمه ادهن ايدي ورجلي وراها جذلت
شعري صفح وهو بعده
يتابعني بعيونه
كلت
««،اشوفك صافن عليه
««،،مايحتاج هذا گله لان انتي حلوه من الله
«،،،حبيتني لان حلوه
سالت رد وعيونه بعيوني
«،،،،لا حبيتج لان انتي قويه
ابتسمت كمل
«،،انتي ماتعرفين شسويتي بحالي
لعبتي بيه لعب وخليتني
اعشگج بدون ماادري
«،،واني هم حبيتك بدون ماادري
سكتت وكملت بضحك
«،،حظك حلو يبن علي وخليتني احبك
«،،،حبيني ياجمره گلبي لان انه استاهل
انحب
ليلى
سديت الخط وي غاده قائد يمي
مبين علي تعبان والوجه صاير دم كال
«،،كافي بجي رحمه لاهلج تره تعبت
من هالوضع
مارديت كعد يمي كمل
«،،يولي والله اغار عليج موت ومو بأيدي
هالشي اني مخبل بيج صرت مجنون
من وراج ومن وره حبج
باوعت علي يحجي بحرگه دم ردد
«،،شاسوي كولي احجي شلون اكدر اخليج
تنسين السمعتي مني
نزلت راسي دموعي تنزل ماامسحها
مد ايده على خدي غمضت كال
«««كافي يايابه والله اني مااستاهل هالدموع
««،تعبت قائد
جاوبته بشهكه وكملت
«،،تعبت من السمعته وقهرني كلش زعلي
اني وياك
««واني هم تعبت من الزعل وكمت مااعرف
شلون ارضيج
جاوب وقرب مني كال
««والله ماكو بگلبي غيرج انتي وبس
الي حبيتها والما يخلوني بالگبر اظل احبج
گلبي وجعني وكلت
««،لاتذكر الموت مااريد اسمع هالشي
اعرف بروحي اذا صارلك شي
اني مااظل طيبه
وجهه فك وصفن عليه كملت
«،،انت ماتعرف غلاتك بگلبي شنو
«،،لا اعرف الي تذبح روحها وتريد تموت
ورايه هي مخبله بيه
انهاريت بالبجي اخذني لحظنه مارفضته
لمني بي وجنت محتاجه لحظنه
لزمته من هدومه رددت
«««مااريد بعد زعل تعبت بهل الايام
وضعت قائد
«««ماكو زعل بس اسكتي لاتظلين تبجين
وخر مني يمسح بدموعي ويردد
«،،كافي يابه والله عيونج راحن وراح تعمي
هالعيون الحلوه
بذيج الليله تراضينا وكلت الايام هي تنسيني
السواه مثل مانسيت ذيج
السالفه
جنات
تفاجأت من امي خابرت واني يم بيت اختي
وكالت شيخ عشيرتنا دز على ابويه حتى
يكعدون وي كريم واهله بحضور
شيخهم علمود بيتي
ابراهيم سالني
«،،،زين منو راح اشتگى علي يم شيخ
العشيره
«،،،مااعرف امي هم سالتني عبالها
اني كتلها لا مارحت ولا دزيت احد
صفن على اختي كالت
«،،خاف مهند رايح بدون مايدرون بس لا هذا مايسويها
«،،،،اي اخوج مابي خير بس علينا يصير
رجال
جاوبتها دايخه بهل السالفه ابراهيم
سال
«،،زين منو راح يروح
،،،،الشيخ طلبك الك وابويه ومهند
بلكي ياربي يكدر يرجعلها
البيت
«««هذا طالبنا شهود على هاي السالفه
جاوب اختي كالت
«،،وراح تشهد الها مو
،«،،عجل شلون غير احجي الحگ
«،«كفووو منك ابو يوسف
جاوبته ضحك ورد
«،،،يولي هذا حگ الله واحنا شهود
في الارض ولازم نشهد بالي نعرف
يعني اني اعرف هالشي
ليش اجذب
عيوني واحجي غير شي
«،،،اي بعد عيني انت احجي تره لا ابويه
ولا اخويه بيهم خير ويعرفون
يحجون
«،،عوفوها عليه وماعليجن وان شاء الله
اذا هو خله مخافه الله بين
عيونه يرجعلها البيت
««،يارب يالله يكدرون يرجعوه الها
اختي جاوبته واني صافنه هذا منو الي
حجه يم الشيخ واشتگى علي
اهلي ماجانو يعرفون
وابراهيم هم
دخت بهل السالفه وحجيت لاسماء
من دوامت وره يوم كلت
«««اني بس اريد اعرف منو الي اشتگى
علي يم الشيخ
«««اكيد ابراهيم بس مايريد يحجي
«««لا اسماء لان هو تفاجأ مثلي
سكتت كملت
«««منو الي رايح علي ومشتكي
««،مو مهم الى اشتگى المهم بيتج
يرجع الج
ذبيت حسره وجاوبت
««،مااعتقد راح يرجعه اليه لان ساومني
علي كال ارجعي اليه ارجع
بيتج الج
««،،الله شكد طلع حقير وجلب
«،،اي اسماء ولا عرفته يعني كمت اشوفه
واحد ثاني
عمو جمعه طب كال
«««ست جنات المدير يريدج
«««تمام
كمت ورحت اله السكرتير فتح الباب
كال
«،،تفضلي ست
«،،شكرا
طبيت هو كاعد يگلب باوراق سلمت
علي
،،،صباح الخير استاذ
«،،صباح النور ست تفضلي اكعدي
اكمل الي بايدي ونحجي
على الشغل
كعدت منزله راسي اسمع الورق يتگلب
بأيده سال
«،،،شلونج اليوم
«،،الحمد لله احسن
«،،يستاهل الحمد
جهازه دك جاوب ابتسم
«،،،هلا بابا لا مااتاخر اي اجيبلك
وياي من اجي بس،صير عاقل ولاتعب
جده وديربالك على اختك لاتاذيها
تره ازعل عليك اي عفيه بالبطل ابني
«،،،هلا يمه لا مااتاخر اليوم تمام اجي
ونتفاهم
ملامح وجهه تغيرت كمل
«،،،عندي شغل يمه ولازم اروح
سد الخط وسمعته ذب حسره وقع
كم ورقه وكال من سد
الملف
«،،هذا دققته اريده يتنزل ملف
بالحاسبه
«،،تمام استاذ
اخذته منه كال
«،،ست انتي سوي لاتسلمي لست هبه
تره شغلها مو مضبوط ومااعرف هاي
وين دارسه وشلون توظفت
«،،،هي جديده يعني تحتاج وقت
يله تضبط الشغل
«،،،اي الما تخرب ميزانيه الدوله يله
تضبط شغلها
حجاها مبتسم اني بدون شعور ابتسمت
انتبهت بعدين كلت
«،،،اني اسوي استاذ واترخص
مشيت كال
«،،،لاتضغطين على روحج كملي
براحتج
«««تمام
فتحت الباب اريد اطلع صار
بوجهي واحد طويل وخرت بسرعه هو طب
استاذ ارشد حجه
«،،،الله حيو ابن العم
«،،حي الله اصلك شيخ
طلعت من يمهم رجعت للغرفه بديت
اشتغل وبالي يم سالفه
بيتي
ثاني يوم صارت الكعده كاعده على
نار وحالي حال توترت وكمت اروح واجي
بالصاله اختي يمي هي وولدها
تدعي يرجعلي بيتي
وتصيح بيهم
«،،،،كولو امين ولكم
«،،،امين ماما
وره كم ساعه ابراهيم خابر اختي
عاطت بفرح
«،،،ولج بيتج رجلعج كلووووش
كامت تهلل كعدت ابجي من فرحتي
اجه وجه السعد وكعد حجالنا
الصار بالكعده
شيخنا مشهد ابوه لكريم واخوته البيت
منو اخذه وشاهدين اليه هم
وابويه وابراهيم مهند
مو قابل يروح من
وره سالفه السياره والله الغني عنه
كريم مو كاادر يجذب اهله لان صار حلفان
بالقران وهم خافو من هالشي
من شاف وضعه صار
مو حلو كدام الشيوخ والناس الي
كاعده كال
«،،،البيت ارجعه الها بس خلي ترجع
اليه
الشيخ مالتنا متخبل مرزله لان ساوم
كدامهم ووضعه صاير فد مره عاد ابوه كايل
«،،،البيت بيتها وابني مو بحاله ومن باجر
يرجعه الها
ابراهيم مشى بهل السالفه وماشفت كريم
وكل محامي جاب اوراق ملكيه البيت
باصم ومتنازل عنه اليه
بس بصمت حسيت ربي نصرني علي
وفرحت كلش،،،،اخذت سند بيتي
ومشيت وي ابراهيم
واختي مو مصدكه تعبي رجعلي
وكلت مال الحلال ابد مايضيع يم الله
من فرحتي عزمتهم على عشه بمطعم،
لبست احلى شي عندي ورتبت روحي شفت
خلقتي انگلبت من رجعلي
بيتي والضحكه
رجعتله
طلعنا كلنا ولده يمي
بسيارتي وهو ودانيه بسيارتهم يوسف
كال
«،،،خاله وره العشه نريد نفتر
«،،،من عيوني اليوم افركم من هاي
الفره الزينه
نبأ كالت
««،،اي والله لان صارلنا هوايه مو طالعين
«««ادللو اليوم اعشيكم بره واشتريلكم
هوايه حلويات والسهره يمي
«،،،اااي احلى سهره اليوم وياج
قيس صاح بفرح يوسف سأل
«،،،خاله راح تعوفينا مو
«،،،،يا ليش اعوفكم
«،،،يعني راح ترجعين لبيتج
«،،لا اظل يمكم ذاك راح اجره
«،،صدك خاله
غزل سالت بفرح جاوبت
««،اي لان تعلمت عليكم وبعد مااكدر اعوفكم
باسوني ثلاثتهم من خدي خربت
ضحك وكلت
«،،،ولكم راااح اسوي حادث
««،،نحبج خالتو ونموت عليج
«،،،واني هم احبكم واموت عليكم
وصلنا للمطعم كعدنا بحديقه طلبنا الاكل
دانيه سالت
«،،عبالك المطعم جديد
«،،اي مال حجي سعيد
ابراهيم جاوب وكمل
««،،تعرفي يصير عم غانم رجل خالتج
رباب
«،،،،ها اي صدك
باوعت عليه وكالت
««،اكلج ليش مانروح الها والله مشتاقتلها
كلش
«،،،اي عادي نروح ليش،لااا
وره لحظه سألت
«،،،هذوله منو
رفعت راسي شفت رجال بزي
عربي دشاديش وعبي يمشون واكو حمايه وياهم
كعدوا مسافه عنا انتبهت استاذ
ارشد وياهم بس ماعرفته
لان متغير بهل
الزي شافني
نزلت راسي اتجنبت اباوع اله ابراهيم
كال
«،،،،هذا شيخ قاسم بس الويا ماعرفتهم
««،،،ويا مديرنا استاذ ارشد
دانيه دغتني سالت
«،،ياهو منهم
««،ابو عبايه جوزي الي گبالنا بس
لاتباوعين عيب
«،،هو شنو شيخ
ابراهيم سال جاوبته
«،،،اي سمعت يصيحو شيخ
«،،ها مبين عنده هالهيبه
ماارتاحيت لان هو صار اگبالي رفعت راسي
ملتهي بالحجي وي
واحد
التهيت بجهازي العشه اجه يوسف
تحول يم ابوه وصار
اگبالي
كمت مااشوفه ارتاحيت وبديت
اكل واحجي وياهم اخذت راحتي بالحجي
اضحك واشاقه وي ولد اختي
من كملنا كلت
«،،خلي نروح نشتري حلويات وتعلوله
ونفتر احسن من الكعده
«،،اااي
الجهال صاحو بفرح ابراهيم كال
بضحك
««،انتي اخذيهم وخليني اترومنس اني
اختج بهل المكان الحلو
كمت وضحكت كتله
«،،اخذ راحتك اخويه
انتبهت هو صافن عليه بعدين دار
وجهه مشيت من يمهم وياي الجهال كايده
نبأ نفس الرجال الشفته بالمصرف
ابن عمه صار كبالي
جاي ويا اثنين
شافني عرفني نزلت راسي وطلعنا
من المطعم فريت ولد اختي واشتريت
الهم شغلات مال رسم لان هم يحبون هالهوايه
ورجعنا متاخرين باتو يمي
وجان جمعه ماكو دوام سويت ذاك الغده
المرتب هبيط لحم وبرياني واجوي
اهلهم تغدو يمي
ارشد
امي جانت تلح عليه بسالفه الزواج
ورادت مني اخذ بنت خالتي
رفضت هالشي وكتلها
ماراح اخذ من
الگرايب ابد
جانت تعرف البيه بس هم ماعافتنني
بحالي تريدني استقر يم مره
تلمني اني وجهالي
جنت اريد ازوج بس مو الي تريدها لا
بالي جنات لو هي لو ما ازوج
وصلتني اخبار بيتها وعرفت رجعلها
خابرت شيخ مثنى وشكرته
على وكفته وياي
جنت معزوم بمطعم جديد وطلعنا اله
اني وولد عمي وقاسم صديق،اليه
من الطفوله كعدنا والصدفه
مدري القدر خلاها جدامي
شفتها كاعده وي ناس تحجي وتضحك
ومبين عليها فرحانه كلت
بگلبي
«،،،افرحي يبعدهم جعل هالضحكه
ماتفارك هالوجهه
شفتها كامت وطلعت وياها الجهال عيوني
ظلت عليها الما راحت ذبيت
حسره قاسم كال
«،،اشوفك تتحسر بس لا بلاك ربك
بعشگ
مارديت لان ابن عمي قصي اجه
كمت من قرب سلم وكال
«،،،تاخرت عليكم
«««اي اكعد حتى نطلب عشه
قاسم رد علي كعدو يحجون ماافهم
شي بالي يمها وشاغله فگري
اريد احجي اكول
اني رايدج على سنه الله ورسوله
بس،خفت لا ترفضني
وتجرح گلبي،مره
اللخ
تعشيت ورجعت للبيت كعدت بغرفتي
صافن على اسمها وكلامي
وياها اريد احجي
اخابر بس باي
حجه
اتذكرت الشغل الي وصيتها عليه
راسلت
«،،مساء الخير ست جنات
انتبهت الوقت 1 بس،جانت
كاعده كتبت
«،،،اهلا استاذ
«،،اسف واعتذر منج ماانتبهت للوقت
«،،،عادي اني كاعده
«،،خير بيج شي
«،«لا تفضل استاذ رايد شي
ذبيت حسره وكلت
«««رايدج الج تجيني وتنورين بيتي
وگلبي
كتبت
«««دققتي الملف
«،،،اي ونزلته بالحاسبه بقت كم شغله
بسيطه اسويها وادزه الك
«،،،تمام اخذي،وقتج ولا تستعجلين
«،«اي
كتبت
«،«اترخص وتصبح على خير
«،،وانتي من اهله
راحت واني جنت اريد احجي بعد
اطلع الي بگلبي بس ماكدرت لان اعرفها بعدها
عليله من الي سواه ذاك وتحتاج وقت
يله اطيب
يمامه
مرت ايام طويله،،،، واحنا بيت الحجيه
ام احمد اجتي كم مره وجانت فشلانه مني
بس شويه شويه نسينا السالفه
هي جانت حبابه كلش وفطيره بس تضحك
وتحشش من تجي تسوي
جو بالبيت هي
وولدها احمد ومحمد ومحمود
تعلك اغاني وتركص هي وياهم وعمو
يلزم السبحه يركص جوبي
جنت اباوع الهم واضحك لان الجو جان
كلش حلو ،،،،،،وحسيت بجو العائله الي اني
مفتقدتها
العصر اذن صليت وي خاله وطلعت
اسويلهم عصريه هي جانت يمنا وولدها رحت
للمطبخ خدرت جاي احمد طب
كال
«،،،،حنين اريد كيك من هذا السويتي
«،،ادلل هسه اخلي بالعصريه
«،،اي بس مااريد جاي اريد ببسي
«،،،هسه اطلع الك ولاخوتك
كعد يمي يلعب لعبه بوبجي واشوف
منفعل صاح
«،،لاا خرب بالحظ كتلني
ابتسمت باوع عليه ضايج كال
«،،شلون وياهم كلما اطب اللعبه انگتل
اذكرت منتضر اخويه هم يلعبها وجنت
اشوفه مثله يضوج من ينگتل
باللعبه اشتاقيت اله
وعيوني غورگت
«،،اريد اشوفه بس مااكدر اعرفه راح يحجي
ولسانه يزلك بحجايه يمهم
سويت صينيه للحجيه واخذتها الها
طبيت بنتها يمها سمعت
«،،يعني عمتي من اجت حجت وياج
على نبأ
«،،،اي كالت ليش ماتاخذيها لمهيب
خليت الصينيه يمهن
«،«تسلمين يمه
«««،الف عافيه خاله
«،،حنين اني هناك بيتنا التزم بالدايت
بس من اجي هنا يفلت كلشي عندي من الحلويات
الي تسويها واكل خاله الطيب
ابتسمت وكلت
«،،بس تره انتي مو سمينه
«،،صددك
جاوبتني بفرح باوعت لجسمها ردت
«،،بله صدك حنين تشوفيني مو سمينه
«،،منيلج يايمه سمن صرتي مثلي الكرش ناصل
والزنود بيهن خمس كيلوات
لحم
«،،هههه والله يايمه انتي صايره دعبله من
الكعده والراحه
«،،اي والله وخطيتي هم بركبه حنين وام
ياسين
«،،اني شعليه خاله
جاوبتها اضحك ردت بضحك
«،،يمه اكلج طيب هاج شوفي احجي
وياج واكلت قطعتين كيك وبعد اريد
«،اكلي خاله والف عافيه باجر ترجعين تتحركين
وتضعفين
«،،هههه من دبش
بنتها جاوبت تضحك كملت
«،،اي وشكلتي لعمتي
عفتهن طلعت سمعتها جاوبت
«،،كتلها مهيب مايريد من الگرايب يريد
غريبه
شفت يمامه نايمه رجعت للمطبخ سويت
صينيه للولد واخذتهم الهم
كعدت اني وخاله نتعصر سالت
«،،شراح نسوي عشه
«،،الحجي كال لاتسون من يرجع من معمل
النجاره يجيب ويا كباب شوي
«،،ها تمام
ارتاحي يمه ماعدنا شي
«،راح اسوي مقبلات وفطائر
ابتسمت وجاوبت
«،،ماتعرفين تكعدين وترتاحين
«،،مااحب اكعد هوايه احس جسمي
يتكسر
محمود طب شايل الماعون كال
«،،حنين اريد بعد كيك
««،،اي
كمت انطيته وراح يم اخوته المغرب اني
ملتهيه بالفطائر هم طلعو لبره
احمد كال لامه الجانت
كاعده يمي
«،،راح نلعب طوبه بره
«،،اي رحو
طلعو من يمنا اسمعها تحجي وي
خاله على خالها ووضعه مرت كم دقيقه
وسمعت صياح بره هي فزت
وكالت
«،،هااي شكو
طلعت بسرعه اني وراها وخاله شفت
محمود طب يركض يصيح
«،،،ماما ااالحكي گتلو احمد ومحمد
شكرا لزيارتكم عالم روايات سكيرهوم
