رواية عشك أل فراس الفصل الخامس والثلاثون بقلم زينب نور
..
"في الماضي"
رسُل: كاعدة ادرس وروحي طالعة دخلت ماما كالت
ام شاهين: شبيج تلطمين
رسُل:لا ينحفظ ولا ينفهم شلون بلا
ام شاهين:كومي انزلي بالحديقة واقري مو هنا كاعدة وتلطمين
رسُل:شنو الفرق الصوج بالعقل مو بالمكان
ام شاهين:لا بالمكان لازم تغيرين مكانج كومي وانجبي
اخذت كتابي ونزلت افتر وأقرأ لحدما اجاني اسد ابن عمي راجعلي وراح
اسد كان بـ نسبة الي حالة حال شاهين ومحمد وأيمن
مافكرت بيَّ يكون الي زوج أبدًا
وكانت براسي غير احلام ومواصفات غير شخص كان تفكيري بعيددحيل بذاك الوقت
ام شاهين:ها كملتي
رسُل:اي كملت
سبأ:حطي ايدج بـ ايدي سويها لـ وجه الله
رسُل: أني طالبة
سبأ:انتِ نعال
أسيل:يبووييي كافي اسكتن أني اشتغل بس لا تحجن دوختني
مرت ايامنا بكل ضروفها وهدوئها من اجه اسد وخطبني اول مرة رفضت رفضًا قاطع
لكن من شفتة متمسك بيه شعور بداخلي صار حلو
وكلنا نحب الشخص اللي يتمسك بينا فـ من شفتة هيج
بديت أنعجب مو حب أعجاب فقط
من اجه خطبوني مرة ثانية صاحني ابوي واخواني كاعدين كلهم
رسُل:ها بابا
ابو شاهين:تعالي بوية اكعدي عندي كلام وياج
كعدت يمهم وهوَّ بدا يحجي
ابو شاهين:بوية البنية أول وتالي لبيت زوجها شكد ماتضل عند اهلها هيَ لبيت زوجها اليوم اجه عمج وجدج خطبوج لـ اسد ابن عمج أنا بنسبة الي موافق أسد ونعم منه لكن الرأي الاول والاخير الج ولا تفكرين اريد اخلص منج اذا توافقين خير على خير واذا ماتردين براحتج هذا بيتجن واذا ما وسعجن احطجن بعيوني
ام شاهين:لا تخجلين ماما احجي مابيها شيء خلي ابوج يسمع الجواب منج
هزيت راسي بالموافقة وطفرت
من اجوا خطبوا ورفضت أني مادري شسويت ما استوعبت شنو حجيت طلعت مني الكلمة وخربت الاول والتالي ماعرفت شسويت بالضبط ما استوعبت الا من كرصتني ريم
ريم:شصخمتي
رسُل:مادري مادري
تركتهم وصعدت فوك وامي وبيبي يصيحون وراي صعدت لـ غرفتي الطم شصخمت أني شلون اسوي هيج باوعت من الشباك بعد الزلم واكفة وهوَّ واكف برا عيونة تجدح نار اي تستاهل تريد تعرس وتخطب روح اخطب
تناقض مو طبيعي صار عندي شنو شعوري بـ ذاك الوقت بالضبط ماعرفت ليش هيج سويت بالضبط ماعرفت هل هيَّ غيرة ؟
تندمت كد شعر راسي والكُل يلوم بيه ليش وليش هيج سويتي
بعد مارجع خطبني وافقت بسرعة لا اصخمها اكثر
تمت الخطوبة والعرس على خير ومرت حياتنا بهدوء
اسد:رسائلي
رسُل:ها أسدي
اسد:اسدج
رسُل:يااا شبيك
اسد:والله طيحتي حظ اسدج
رسُل:غلطة وصارت شسوي بعد
اسد:اي غلطة وأنا اتحمل نتائج هاي الغلطة
رسُل:هسة انتَ ليش ترجع للماضي خلينا بالحاضر احسن
اسد:اريد طفل
رسُل:ارجع للماضي احسن
شال المخدة شمرها عليه
اسد:اريد طفل
رسُل:أني مو كد مسوؤلية الطفل
اسد:ايباخ اريد طفل
رسُل:راح انزل جوا
اسد:الفاهية
نزلت يم البنات لـ 1:00بليل صعدت لكيتة يخابر هوَّ يفتر وأني افتر ورا لحد ما وكف وحط ايده على راسي
اسد:هاي هيَّ حبيبي ممنون منك ماقصرت الله وياك
سد التيلفون وأني واكفة هوَّ شطولة وأني قصيرة اوصل تقريبًا لـ صدرة
اسد:شبيك فصعون شبيك جنك نملة تفتر وراي شتريد
ضحكت ومرت الايام على خير ورا تلاث اشهر عرفت نفسي حامل
اجه سند لـ دنيا واجه ورا وطن
الثنائي
سند اكبر من وطن بشهرين صار اغلى شيء عدنا هوَّ سند
صار عمر سند سنتين وكبر وكبرت سوالفة وكاحتة ويا
من بعد ما تزوج علي ورا ما توفوا اصدقائه كاعدين جوا وبعدين صعدنا بـ غرفة شهد أني وريم وردة وشهد بس قمر صعدت لـ غرفتها
وبعد ما نزلت ابد
ثاني يوم نزلت ضايجة وحتى علي ضايج
من طلعوا الولد وعمتي وبيبي راحوا لـ صالة واحنه بالمطبخ
وردة:شبيج ضايجة
قمر:تعاركنا
رسُل:يبوي على شنو ولج
ضلت تبچي بدون متحجي شيء
ريم:فهمينا شبيج ليش تبچين
رسُل:شسوالج
شهد:ضربج
وردة:ملخج
ريم:طيح حظج احجييي عاااد
قمر:لا ضربني ولا شيء بس أني حيوانة
شهد:اي وشنو الجديد
قمر:امداج شوفوا البارحة مو صعدت لـ غرفتي من جنت كاعدة يمكم سمعتة يخابر استوقفني كلامه من كال
علي:يروحي بابا ان شاء الله الخميس يمكم
عقل ماضل براسي فتحت الباب ودخلت باوعلي وكمل مكالمتة وكال
علي:ماشي روحي نامي هسة وأنا من اجي اتفاهم ويا لا تخافين
سد التيلفون واباوعلي بكل برود عكسي تمامًا
علي:شبيج
قمر بـ عصبية :منو هاي
فتح التيلفون وطلع الاسم كان مكتوب رودينا
قمر:مرتك ؟
علي:تتوقعين اخلف بـ كلامي واتزوج عليج
قمر:لعددد منوووو
علي:بنتي
قمر:بنتككك منيننن اجتتتت لا تخبلنييي
بكُل برود كام اخذ علاجي وكلاص مي وقدمهم الي
علي:اخذي علاجج وبعدين نحجي
اخذتهم منه شربت العلاج وهوَّ اخذ السويج والتيلفون ويريد ويعوفني بـ ناري
قمر:احجييي وياكك جااوبني منوووو هااايييي
علي:لا ترفعين صوتج وخلينا نتفاهم بدون عصبية ترا فيوز واحد براسي لا تخليني افجرة عليج
قمر:شتفجرررر فجررتت كلبي بسوالفككك وبرودككك بنتكككك منين اجت
علي:كفيلج الله ما احجي الا تكعدين وتسمعين مثل البشر
بدون تفكير او بدون وعي وتسرع مني مثل العادة كتلة
قمر:سالفة سَحر انتهت اجت رودينا هم راح اطلعلك سالفة جديدة
بدون كلام وكعد ويباوعلي ويضحك
علي:تعالي اكعدي وأنا احجيلج
قمر:ما اكعد الا تحجي
علي:أنا ما احجي الا تكعدين
رغم برودة المستفز كعدت وهوَّ يحجي
علي:رودينا بنتي بـ حرب داعش التقيت بيهم هيَّ واخوها ايمن
امهم واخوانهم ثنين تؤام قتلوهم داعش وابوهم صار ويَّ داعش ايمن و رودينا ضمتهم امهم من بعد ما التقيت بيهم وصلتهم يم القوات الامنية ويَّ العوائل من خلال هويتي وراحوا وأنا طلعت بوقتها كان عندي شغلة مهمة ولازم اخلصها قبل الوقت المحددد
من بعد حرب داعش نهاية 2016 تذكرتهم وبديت اسئل عنهم لكن محد يعرف عنهم شيء ولا أنا عندي معلومات كافية عنهم فقط اسمائهم واعمارهم كنت ما اعرفها شكد بالضبط
ورا ما انتهت الحرب دورت المخيمات كلها ومالكيتهم
طلعت لـ بغداد كان عندي شغل ازدحام بفلان سيطرة لمحة ولد ينطي شبهه لـ ايمن يحجي ويَّ الضابط ولازم شيء بيدة ومن بعدهي راح ورا السيطرة
وصلت يم الضابط وكنت لابس عسكري
علي:الولد اللي جان هنا واكف تعرف اسمة
_نعم سيدي اسمة أيمن
علي:وين راح
_نزل بهذا الفرع
طبكت السيارة بعيدًا عن السيطرة وترجلت ورحت للفرع اللي دخل بيَّ وأنا جاي امشي شفتة وتأكدت هوَّ كان كاعد جوا شجرة
عابرة على الشارع من احد البيوت ويا اخته هوَّ انتبهى عليه
علي:أيمن
أيمن بـ ضحكة:هذاا انتَ
اجه عليه حضني وهوَّ يضحك ويردد تعبت وأنا ادور عليك
علي:وين جنتوا دورت الموصل كلها وما لكيتكم
أيمن:من بعد ما طلعنا من عندك رحنا لمكان أمن فترة وبدأت العوائل تطلع لـ بغداد طلعنا وياهم وأني عندي فلوس مخليهم بـ جيبي مافكرت بشيء غير انُ نطلع ونخلص من صوت الرصاص رودينا كانت كُلش خايفة
من طلعنا العوائل كل واحد عنده بيت وكرايب الا احنه ضلينا بالشوارع من شارع لـ شارع صرت اشتغل حتى يصير عندي كم ربع ناكل بيهم واجت المدرسة وقدمنا واحنه كل اوراقنا عدنا واكو شخص ساعدنا بالتقديم
وكُل ما اطلع اخذ الهوية مالتك وياي واسئل عنك لكن محد كان يجاوبني من اسئلهم يكلولي شتريد منه وليش تسئل عنه ومنين جايب هاي
اكثر من مرة يردون يلزموني واشرد منهم وهيج ضليت ادور وعايشين بالشوراع أنا واختي اليوم رحت سئلت عليك بالسيطرة والضابط كلي
_هذا المحمداوي شتريد منه ليش تسئل عنه
أيمن:اريد اوصلة اله امانة يمي
_ياحبيبي هذا الولد من البصرة مو من بغداد اذا كدرت اوصلة ادزه الك
أيمن:رجعت لهذا المكان صار يومين كاعدين بيَّ وانتَ اجيت
علي:كوموا وياي يلا كفاكم من الشوراع
اخذت ايد رودينا وهيَّ تضحك ورحنا لـ سيارة رحت لـ شقة مالتي موجودة بـ بغداد
علي:راح تستقرون هنا فترة
نزلت جبتلهم اكل وبليل طلعنا اشتريتهم اللي يحتاجوا وطلبوا انُ يرجعون للموصل رجعتهم للموصل لـ نفس منطقتهم وكانت أمن ومستقرة تمامًا
كان اكو شخص من منطقتهم يريد يبيع بيتة اشتريتة الهم واشتغلت عليَّ هواي واستقروا بيَّ
وتبنيتهم وصاروا بأسمي والئ هذا يومنا وحاليًا أيمن احد طلاب كلية الشرطة راح يتخرجون بعد شكم شهر و رودينا طالبة اعدادية
قمر:وليش محجيت
علي:شحجي اروح اصيح بالشارع انا تبنيتهم وساعدتهم لو شنو بالضبط وياريت منج مرة الُخ قبل لا تحجين تفكرين وسالفة سَحر انتهت وراحت والغلط مو مني وتسارعج بالكلام بطلي ترا صبري اله حدود وانسى كل حبي وقت عصبيتي فـ لا تخليني أذيج بالكلام او الافعال
قمر:ليش هي سهلة تخابر وبنتك ومااعرف شنو منو يعقلها فهمني منو
علي:العاقل يعقلها
قمر:القصد
علي:مثل ما فهمتي لا تضلين تعيدين بسالفة سَحر وخلينا بعيدين عن المشاكل
ومن بعدهي كلمة مني وكلمة منه تعاركنا
وردة:والله تستاهلين نعال مكطع لج انتِ ما اتوبين
قمر:شسويت أني يعني والله حقي
ريم:قمر مو كُلشي عصبية وصياح تفاهمي ويا
قمر:شسوي يعني والله تعبت
رسُل:هاي التريد النعال يتكطع على راسها لج مصارلكم سنة شبيج تفاهمي ويَّ الولد واكلي تبن ترا هو عصبي وانتِ عصبية نار بـ نار
قمر:لا مو عصبيه أني
شهد:مخبلة مو عصبية
قمر:ادبسززز
شهد:هاي كلمتو
قمر:زوجي سر سعادتي فديت كلامة
ريم:خبال
شهد صعدت لغرفتها تقرا واحنه بلشنا تنظيف خلصنا وكعدنا بالمطبخ ريم وردة همَّ اللي طبخوا واحنه يمهن خلصنا وكعدنا كلنا دخل امير
امير: يممةةة مجتمعاااات الخوانممم مجتمعاتتت
وردة:شكو شبيك
امير:اربع جناين بالبيت لا عركة لا شيء شبيجن تعاركن اتمالخن
رسُل:اسم الله علينا
امير:هسه ذني حياية بنات عم انتِ شبيج تعاركي
قمر:أني امراة مسالمة
امير:يحجن عليج
قمر:عادي خليهن
فتح الثلاجة اخذ خيار وتربع على الكاونتر وياكل ويحجي
امير:چا امي وين ما تتعارك وياجن وين اكو بيت بيََ سبع نسوان ما يتعاركن
وردة:هسه تضربنا عين
يمه ماعون شالة وشمرة انكسر
ريم:عزاا ماعون عمتي العزيز
امير:يمةةة الحكييي الخوانممم كسروااا ماعونججج الجديدددد
على صوتة اجت عمتي
ام فهد:يمه اسم الله خو محد تأذت منجن خيولي فدوة الجن انكسر الشر
امير:يمه ماعونج الجديد شنو فدوة الهن ياشر هنة شر يمه اطرديهن كلهن وزوجي ولدج
ام فهد:اسم الله انتَ شعندك صاعد هنا لا تكسر الكاونتر شكبرك انزل
وردة:ترا والله هو شمرة وكسرة
عمتي ضربت صدرها واندارت على امير ضربتة على كتفهه واخذت الخيار منه مخلي السلة كلها بـ حضنة
ام فهد:دهر صابك ماعون امي هذا من فلك طردك ياكل خيار مشترينا بس الك احنه ابو حلك انزل عن الكاونتر
امير:نووويرةةة ترررا انا ابنججج شبيججج
ام فهد:شبت بيككك انززلل
دخلوا علي والشيخ شافوا عمتي تكفخ بـ أمير والماعون بالكاع وسلة الخيار بيد عمتي واحنه ميتين ضحك
الشيخ:شكو شصاير
علي:شنهاي الحرب انتن على شنو تضحكن
امير:كتلتني نويره كتلتني لان اكلت اربع خيارات
ام فهد:يععع فلك طرك ولكم يمه كسر ماعوني الجديد بس هذا ضل عندي من ورا كل ساعة كاسر واحد واكل الخيار وشوف شكبرة وين كاعد جنه ثور
علي:يستاهل
الشيخ:يلا يمه ميخالف عوفي يولي
امير:دقيقة ما اضل هنا
علي:راح تهج
امير:لا راح اروح لـ غرفتي
اخذ خيارة وصعد الولد دخلوا وعمتي هم راحت واحنه كملنا الغدة اجو عمو وجدو واسد وصهُيب
صهُيب:شنو غدانا
ريم:بامية
صهُيب:بانية
ريم:بامية
صهُيب:بكيفج هي شني بانية يعني بانية وابنج وين
ريم:يم بيبي كاعد
رسُل:صهُيب عمو يريدكم بالغرفة
صهُيب:ياستار اجتماع مغلق راح يغدينا كبل لا نتغدى
راح صهُيب خلصنا كُلشي ومحد بين راح صكر صاحلهم اجو كلهم كعدوا بدون صوت بس عمو كان عصبي ماعرفنا شنو الموضوع واذا عمو عصب كلها تسكت
امير:ليش هدوء
ابوفهد:اكل واسكت
امير:شسويتلهم بالغرفة
الشيخ:اميرررر
امير:انتَ وابوك حصرتوهم بالغرفة مدري شسويتوا بيهم
علي غص بالاكل وصهُيب بالمي و اسد ضحك ودنك
الجد:بسك ولك اكل واسكت
امير:شني موحلو الهدوء
خلصنا الغده قمر غسلت المواعين وأني أخذت الجاي اجه اسد اخذه مني
اسد:صاير نادر فصعون
رسُل:عمود الكهرباء من يوم يومي نادرة
اسد:فصعوني عدل شالك ولا تصير نادر وتقدم جاي خوش
اخذه مني وراح ورا فترة قصيرة كاعدة فوك اجه اسد كال
اسد:ابوي اليوم هم حجه شيء
رسُل:لا اصلاً هوَّ قبل شوية اجه مدري وين جان
اسد:اها زين هم اجه احد للبيت
رسُل:مثل العادة خطار لـ ديوان
اسد:خوش
رسُل:ليش اكو شيء
اسد:لا بس هيج اسئل
رسُل:احلف عليكم انتَ وصهُيب وعلي وراكم مصيبة
اسد:ياهو احنه لا يابه مصيبتيش الله يكفينا الشر اصلًا صار فترة كل واحد ملتهي بـدوامة
رسُل:والله كلبي يكولي وراكم شي
اسد:لا يبُا كلشي ما ورانا
كعد يلعب ويَّ سند شوية ودك تيلفون اسد
اسد:شوفي منو
رسُل:عمو
اسد:دخيلك ياعلي
اخذ التيلفون جاوبة
اسد:نازل يلا
رسُل:شكو
اسد:مادري الله يستر
نزل هوَّ خليت سند يلعب ونزلت ورا وكفنا على الدرج وردة وراها أني ويمي ريم ورانا قمر وشهد
شهد:عركة لو نقاش
ريم:نص ونص
ابو فهد:انتم الثلاثة ترا أنا تعبت منكم ومن عنادكم
اسد:شمسوين يابة
ابوفهد:ماتعرف شمسوين
صهُيب:هسة انتَ صارلك يومين توكفنا وترزل بينا وكلشي مانفتهم غير تفهمنا شكو
ابوفهد:ماتعرف شكو حضرت الضابط المحترم
أمير:ترا أنا مليت
ابوفهد:اخوانكم المحترمين مايبطلون سوالفهم
امير:شمسوين
ابوفهد:شوف شمسوين هاك هاي الاوراق وشوف
قبل لا يلزم الاوراق امير اخذهم اسد وخلاهم ورا ضهرة
اسد:منيلك ذني
امير:هسة خل اشوف
ابوفهد:شوفوا ولكم والله العظيم اذا ماتحترمون نفسكم وتعوفون هاي العصابة اللي مشكلينها بينكم حظكم اطيحة مو عبالكم كبرتوا وتزوجتوا وخلفتوا
صهُيب:يابة احنه مو كل مرة نعيد نفس الكلام على شنو هسة جامعنا وشابعنا مكفخة
ابوفهد:كلبي ورم منكم ومن مصايبكم اذا صار بيكم شيء أنا شيصير بيه هاي امكم فكروا بيها ترحون لـ دوام وترجعون هي دموعها على خدها وتبچي وتدعي جدكم جدتكم نسوانكم وجهالكم صغار وانتم شامرين نفسكم بهاي السوالف بلا هذا شغلة خطر على كولتكم ويطلب هيج انتم شوداكم يم شغلة
اسد:واجب مشترك
ابوفهد:قنعتني
اسد:لا اقنعك ولا شيء الف مره كلنا لا تدخلون بينة وخلونا بـ شغلنا شنو هالسوالف هاي بعد كل يومين وكبرنا كافي عاد
ابوفهد:تبقون بـ نضري صغار لو شكد مايصير عمركم تبقون صغار افتهمتوا وهاي السالفة اتركوها بعد
امير:هي ياسالفة
ابوفهد:اكو سوالف جديدة واجب مشترك على حسب كلامهم و
علي:والقينا القبض على واحد تاجر مخدرات ويعتبر من اكبر التجار دوليًا لكن اللي مخوف سيادة الوالد انُ ورا ناس وممكن تمحينا من الوجود هذا الكلام اللي وصل للوالد
ابوفهد:أنا متأكد انتَ اللي مسوؤل عن هاي القضية
علي:اي طبعًا
ابوفهد:انتَ شغلك بالارهاب شوصلك لـ ذول
علي:منو كلك شغلي بس ارهاب ومنو ضاحك عليكم وكايل انُ الضابط مسوؤل عن ارهاب او عن جرائم معينة وخلص بعد التجار اخطر من الارهاب والمخدرات خطرة ومن واجبنا هذا الشيء وأنا اييي قضية تجيني استلمها بدون تردد وشيصير خل يصير ما اختأريت العسكرية وهذا الصنف علمود منصب او رتبة
ابوفهد:الله ينطيني الصبر عليكم
تركهم عمي وراح للغرفة جدو محجه شي والشيخ كان طالع امير طلع وبيبي وعمتي اكفتوا بالسكوت
اسد:ماادري لـ شوكت نبقى على هذا الحال
علي:ابوك ميفيد ويا
ام فهد:ابوكم خايف عليكم ليش ما تفهمون
علي:هذا شغلنا انتم افتهموا هذا الشيء
نزلنا كعدنا يمهم كلهم أعصاب دخل الشيخ سلم شاف الولد معصبين وجدو وبيبي وعمتي ضايجين وعمي مموجود
الشيخ:شكو شصاير
حجتلة عمتي اللي صار باوع على الولد وكال
الشيخ:جيب الاوراق
اخذهم من اسد وكعد يكلب بيهم
الشيخ:مابيها شيء مالة داعي كل هاي العصبية والخوف
ام فهد:شلون مابيها شي يايمه
الشيخ:يمه أنا اعرف ابوي منو يوصلة هذا الكلام ويخلي هيج يعصب ولدج ما ينخاف عليهم ابد وأنا ادري بالوضع كلش زين ولو احس اكو خطر على حياتهم ماراح اخليهم يكملون هذا الدرب بس ماكو شي مجرد كلام مزيف اغلب الضباط يستلمون هيج قضايا واخطر بـ مراتب مالة داعي تدخلون بشغلهم همَّ يعرفون شيسون
الجد:لچن يابوية على كلام ابوك الوضع موسهل
الشيخ:مشكلة ابوي الابدية انُ يسمع من طرف واحد ويصدك مباشرةً وانتم خوية كملوا طريقكم والله الحافظ امشوا على طريق الحق وهاي هي
انغلق الموضوع تمامًا ومرت الايام على خير
.....................................
علي: جاوبت على التيلفون كان نمر
علي:ها نمر
نمر:مسلم وحسن بالمستشفى صار وياهم حادث
علي:شووكت!؟
نمر:اليوم الصبح تعال بسرعة
بدلت ونزلت وصلنا المستشفى الولد كلهم هناك كعدنا ننتظر الدكتور
الدكتور:ما اكدر انطيكم امل حالتهم جدًا خطرة سوينا اللي علينا والباقي يم الله ادعولهم
ورا كم ساعة كالوا توفوا مسلم وحسن اخوان
بنفس اللحظة وكع ابوهم ضربتة جلطة
صدمة ورا صدمة ماهر ورا مباشرةً حسن ومسلم !!
انتهت الفاتحة ولكن بالكلب مستحيل تنتهي نار الفراك ماتطفي ابدًا
صار واجبنا أنا واسد وصهُيب على تاجر معين كان من اخطر واكبر التجار مجموعة من الضباط من مختلف الاصناف اللي مسؤؤلة عن هذا الشيء
أسبوع كامل وعدة اشتباكات يلا كدرنا انُ نلقي القبض عليَّ
لكن لكُل واحد هيج قوة اكو ضهر ساندة وضهر قوي
توكلنا على الله وسلمنا للقانون واحنه نعرف انُ ممكن نتأذة
لان بلدنا مو دائمًا ويَّ الحق
رجعت للبيت نمت كعدت على صوت التيلفون ابتسمت رودينا
علي:هلا يابة
رودينا:هلا بيك شلونك
علي:أنا زين انتِ شلونج ايمن شلونة
رودينا:الحمدلله بخير مشتاقيلك وأيمن هاي الايام صاير ميتفاهم
وأنا احجي وياها اجت قمر نهيت المكالمة ويّّ رودينا واستلمتني لزمت أعصابي لان اذا حجيت وهيَّ تحجي بعددما اسكت وممكن تكبر المشكلة اكثر واكثر انتهت بزعل من الطرفين !
اجه يوم الخميس كعدت الفجر صليت ودخلت سبحت وبدلت وأنا واكف امشط كعدت قمر باوعت عليها وتجاهلتها
قمر:اروح وياك
علي:رايح سياحة أنا وين ترحين طريق شطولة
قمر:حباب اتعرف عليهم
علي:بعدين
قمر:عليك الله
علي:شعندج رايحة
قمر:اتعرف عليهم مرت ابوهم واصير امهم
علي:همَّ يعرفونج عود شوفيهم بالصور
قمر:مااريد مااريد والعباس اروح واذا ما اروح ما اخذ علاجي والله
علي:طفلة انتِ
قمر:اي
علي:كومي بدلي يلا امري لـ الله الواحد الاحد
قمر:خاااببب يمه فديتتت عيونك الملح أني
غسلت وسبحت وبدلت وأنا كاعد انتظر
قمر:ما نبات غير
علي:نبات الطريق طويل وعندي شكم شغلة
قمر:يلا عادي
طلعت جنطة كانت محضرتها
علي:حلو محضرتها
قمر:اييي
علي:يلا خل نتوكل
شلت الجنطة ونزلت وهيَّ وراي الشيخ كان بالاستقبال يصلي صبحت عليَّ وكتله هو عندة علم بالموضوع
الشيخ:الله وياكم سلمنا على ضابط المستقبل ودكتورتنا
علي:يوصل
توجهنا للموصل وقمر الفرحة على وجها
علي:انتِ غير زعلانة
قمر:زعل الحبايب كذاب
علي:لا تسرعين مرة ثانية وتحكمين
قمر:ياحبيبي انتَ تخيل شكد صعبة
علي:ياروحة لـ حبيبج افتهمي يلا تلغين
قمر:يلا احاول
وصلنا الموصل اول ما دخلنا كالت
قمر:شو بعد اكو مناطق خرابة
علي:يشتغلون بعدهم واكو مناطق انتهت ماتصيرلها چارة
دخلنا المنطقة البيت كان ركن طابقين
قمر:ماشاءالله
علي:يلا انزلي
قبل لا ادك الباب فتحة ايمن وهوََ يضحك ضرب التحية وكال
أيمن:سيدي الغالي نورت
علي:هههه بطلي شلونك
ايمن:مشتاقلك
سلم على قمر ودخلنا اجت رودينا
رودينا:هسة نور بيتنا كُل الهلا
علي:شلونج ام اللسان
رودينا:والله مشتاقتلك صار قرابة الشهر مجاي علينا
علي:حقج بس شسوي انشغلت
سلمت على قمر وكعدنا
رودينا:اسم على مسمى صُدك قمر
قمر:ياعمري انتِ
أيمن كان مخلي راسة على صدري حضنتة حيل وكتله
علي:تعبان شنو
أيمن:ايي والله
علي:من التدريب
أيمن:من كلشي تعبان نفسيتي تعبانة
علي:رجعنا لـ نفس الموال
أيمن:لا بس مرت عليه ايام كنت محتاجك بـ شكل مو طبيعي بس الكلية تعبتني
علي:مصنع الابطال يابوية ان شاء الله كم شهر وينتهي كلشي وتصير احلى ذكريات ولا تفكر بشيء أنا راح اكون وياك دائمًا
أيمن:انتَ ليش خليتني على الداخلية مو على الدفاع
علي:الداخلية شغلك يكون داخل محافظتك حتى تروح وترجع للبيت اما الدفاع متعددد الاصناف وشغلك خارج المحافظة وهذا الشيء مو الصالحك و رودينا ميصير تنترك وحدها بالبيت
أيمن: اريد اخلص بـ أقرب وقت علمودها
علي:ان شاء الله ماضل شيء
رودينا:أني شنو بنت البطة السودة محد يحضني
قمر:تعالي يروحي معليج بيهم
رودينا:فديتك والله تعالي خليهم الضباط وحدهم
علي:بعتيني
رودينا:لا بس استبدلتك بهذا القمر اللطيف
يومين ورجعنا للبصرة من ردنا نطلع الفجر رودينا وقمر سونها مناحة
علي:بابا شجاكم كافي
رودينا:تعالي كُل مره اوك
قمر:اكيد بروحي
علي:اقفلي بابج بابا ولا تخافين عمامج موجودين والتيلفون خلي يمج والبيت مأمن بس تحسين بشيء ارفعي التيلفون وان شاء الله كم يوم وارجعلج
رودينا: ان شاء الله
قمر:ليش متجين ويانة للبصرة
رودينا:لا ما اكدر احس ما اكدر اعيش غير بالموصل
علي:يلا قمر هذا مصرف خلي يمج وايمن ان شاء الله بس ذني الاشهر وينزل
سلمنا وطلعنا الطريق طويل وأنا ما امشي سرعة خوفًا على قمر
علي:ضي عيني بيج شيء
قمر:رودينا احسها صغيرة حيل ومووكد هيج شيء بحاجة ام يمها انتَ صح ممقصر بس البنية تحتاج امها دائمًا وهمَ شافوا هواي شغلات بـ صغرهم كسرت خاطري
علي: رودينا هالمرة استحت منج وما تقربت مني كل مرة ماتنام الا وهي تبچي بـ حضني وتنوح على امها
قمر:وهذا الشيء يصير
علي:بنتي مو غير شيء ومتبنيهم وبـ أسمي
قمر:شيء صعب عليها أيمن ممكن شوي احسن بس هي وهسة ضلت وحدها
شلون تأمن عليهم
علي:موفرلهم حماية اجسادهم بعيدة عن البيت لكن عيونهم قريبة والمنطقة اللي ساكنين بيها عمامهم
قمر:زين ليش عمامهم ميتكفلون بيهم
علي:كواويد غير يكولون ماعدنا ومانكدر نعيشهم وحقهم اذا كل واحد بيهم مخلف درزن مال جهال
قمر:مااعرف الشغلة مو سهلة الموصل بعيدة عن البصرة وانتَ ليش خليت ايمن يروح كلية شرطة
علي:هوّ راد وكان التقديم مفتوح على نفس صنفي وما قدمتلة رحت قدمت على وزارة الداخلية وانقبل
قمر:ليش ماخليتة وياك
علي:شوفي حالي حتى انتم ما اكدر اشوفكم مثل الناس التحق وارجع اداوم بـ محافظتي اخلي وياي و رودينا منو يبقى يمها الداخلية دوام من 8 الصبح لـ ضهر ينتهي
قمر:جنت اتمنى اصير ضابط مثلكم بس شفت التدريب وبعدين مرضي ميقبلوني كعدت وسكتت
علي: اقدملج
قمر:عسكرية
علي:انطمي باباتي اقدملج بالمجال الطبي
قمر:هسة لا ما اريد
علي:ليش
قمر:خليني اتحسن
علي:ماجاي تتحسنين على العلاج
خلت راسها على الجامة وحجت بـ غصة
قمر:لا
علي:وليش ماتحجين
قمر:كافي عليك مصايبك مو اجي أني هم اتعبك اكثر
علي:من كل عقلج بابا الروح ترخصلج انتِ والله اتبرعلج بـ كلبي باجر اخذج لـ دكتورة واذا ماكو نطلع خارج العراق واريد اشوف شلون ماكو حل وماكو عملية
قمر:تتبرع بـ كلبك
علي:هههه يرخصلج حتى كل ما يدك تذكريني
قمر:عليييي
علي:عيونة
قمر:لا تحجي هيج
علي:هم صوجي اريد اتبرعلج
وصلنا البيت الضهر كلهم نايمين ورا كم شهر تخرج أيمن
رحنا أنا وراهب سحلتة وياي كوه من الدوام ورحنا فـ وصلنا متأخرين
كان الاستعراض منتهي دخلنا لـ جوا أيمن يدور عليه بس شافنا اجه بـ اتجاهنا ضرب التحية رديتها اله تقدمت عليه
علي بـ أبستامة:مبروك بوية يوم اللي اشوفك بأعلى الرتب
حضني وهوَّ يبچي صار راسة بـ ركبتي
أيمن:انتَ انتَ اللي سويتني هيج انتَ اللي وصلتني لـ هنا بـ فضلك والله بـ فضلك انتَ اب ونعمه الاب
علي:الفضل لـ الله بطلي وانتَ بطل وصلت لـ هنا بسبب اصرارك وقوتك أنا مالي فضل عليك باوع عليه أيمن كافي بچي ما ادري بيك هيج ضعيف ودمعتك سهلة
أيمن: تنزل بس يمك اصير طفل والله
سلم على راهب وطلعنا للموصل نمر كان هناك متكفل بـ كُلشي صارت اله احلى مفاجاة حفلة بسيطة اله وجلسة تصوير
رودينا:اخي صار ضابط
ايمن:ياروح اخوك انتِ
رجعنا للبصرة بـ وقتها كان عندي دوام تعبت حيل لكن فرحتي بـ أيمن كانت اكبر ونستني التعب
اول مادخلت البيت سمعت صوت الهلاهل
أستغربت عبالي عرس وأنا مادري
علي:شكو
ام فهد:مرتك حامل
علي بـ صدمة:حامل !
امير:اييييي مبروكككك راح يجي زنكيل مثلك
علي:الله يبارك بيك
رديت عليَّ وأنا بـ صدمة وفرحة باوعت على قمر كانت واكفه مبتسمة
نسيت اللي واكفين كلهم وتقدمت عليها حضنتها حيل وهيَّ تبچي وتضحك بـ نفس الوقت
صدمتي كانت انُ من رحنا للدكتورة كالت
الدكتورة:حالة زوجتك جدًا صعبة والعملية متصيرلها بالعكس راح تأذيها واكوو شغلة ثانية لازم تعرفوها
علي:شنو هي
الدكتورة:ممكن ميصير عدكم جهال
علي:وشدخل هاي بـ هاي
الدكتورة :زوجتك قلبها جدًا ضعيف يعني ممكن تصير عدها مضاعفات فترة الحمل او الطلوك لكن النسبة الكبرى انُ ممكن زوجتك ميصير عدها طفل ابدًا
هذا كان كلام الدكتورة اللي رحنالها قبل شكم شهر
تركناها على الله وين ماتوصل خل توصل
علي:هذا ابنك بس نايم
الشيخ:بعده صغير
علي:شبيل كوم اكعد
وردة:لا حباب لا تخرب الاسم اسمة شبل مو شبيل
علي:شبيل احلى بوية ليش سميتة شبل
ابوفهد:الاسم عاجبني هذا الشبل من هذا الاسد
علي:لو مسمي ابن اسد شبل
ابوفهد:مالحكت
علي:لو منتظرني
ابوفهد:انتَ ابنك نمر
امير:شني حديقة حيوانات
ابوفهد:انجب انتَ
علي:رادو يسمونك جحش بس استحوا منه
امير:اخوي الجبير تمون
علي:غصبًا عليك
"نرجع بالاحداث قبل عرس علي "
وردة :بعد عدة سنوات
عرفت نفسي حامل ماكنت متأكدة
وردة:شيخي
الشيخ:عيني
وردة:اريد اروح لـ دكتورة اسوي تحليل حمل
كان بين النايم والكاعد وصكر يمه يلعب بالسبحة من سمع كلامي كعد
الشيخ:حامل
وردة:مادري يمكن اريد اتأكد
باوع على الساعة بـ 4:00
الشيخ:كومي بدلي هسة نروح
وردة:لا مو اليوم
الشيخ:لا يبعد رويحتي اليوم يلا كومي
وردة:وصكر
الشيخ: نشمرة بالشارع ناخذة ويانة كومي يلا بسرعة
بدلنا ونزلنا محد كان موجود بس أمير كان بالاستقبال
امير:راح يجي ضيف جديد
الشيخ:اذا احد سئل عليه كله راح لـ سوك
امير:مااعرف اجذب اكله اخذ مرتة
الشيخ:انجب
صكر كعد بـ حضن ابو متعلق بيَّ بشكل مو طبيعي وطلعنا انتظرنا دورنا اخذت تحليل وفعلًا طلعت حامل
فرحة الشيخ كانت كُلش جبيرة متوقعت راح يفرح هيج ابدًا
وفرحتهم كلهم عبالك اول طفل راح يجي للعائلة
فترة الحمل كانت صعبة بكُل ضروفنا وموت شمس تعبنا اكثر
ورا تسع اشهر اجه موعد العملية واجه لـ دنيا
وردة:شنو راح تسمي
الشيخ:شبل
ام فهد:مو جنت تريد تسمي الاكبر
الشيخ:ابوي عاجبة اسم شبل
سموا شبل وصاروا عندي صكر وشبل
صكر:هذا عنون
وردة:اي ماما بعده عنون
صكر:اريده
وردة:شتريد
صكر:هذا العنون
وردة:اي هذا يمك
صكر:لا اريد غيرة
الشيخ:ولا يهمك بابا بس تطلع امك الاربعين نجيبلك ثاني
وردة:ياااا
الشيخ:هههه بدلي لـ صكر اخذه وياي لـ ديوان حتى ما يتعبج يبقى بس شبل يمج
ورا فترة صار عرس علي وحياتنا مرت بهدوء يوم عن يوم يكبر شبل
رحت لـ اهلي وملتمين كلنا من وفاة شمس أسيد تغير هواي كلامة قليل ميكعد ويانة هواي دائما وحده يعني حيل تغير
أسيا صار عدها ولد اسمة الحسن
واسر عندة ولد اسمة تميم
أما فرح فـ اكتفت بـ دراستها لكن متبطل سوالفها بس متقربت يم علي بعد
أسيا:صُدك وردة سَحر هم تجيكم
وردة:لا ابد غير انطردوا شكو بعددجااينن
أسيا:لج ذاك اليوم اجو يمنا وابوها يتعود لـ علي وهيَ ادكول هاي قمر متستاهل علي
وردة:متبطل سوالفها
فرح:بس صح كلامها احس علي يحب قمر بس هي لا مو مثل حبه الها
وردة:ثنينهم يحبون بعض وقمر تموت على علي وبعد شكم شهر جايهم طفل والله ليفرق بينهم
فرح:اي انتِ ضلي ضلي دافعي عنها ليل ونهار
وردة:انتِ بيج عرج من خالج ابو فؤاد ابد مو علينا
هوس:خليها يمعودة شتحجين ميفيد
وردة:خليها بيد اسر وهيَّ تمشي عدل
ضليت يمهم كم يوم ورجعت قمر صارلها شهرين وهيَّ حامل كاعدين بالحديقة ودخل جدو كال
الجد:جمعة خير يارب
الجدة:هلا بيك حجي تعال اكعد ويانة
الجد:جايبلج شلون خبر
الجدة:خير ان شاء الله
الجد:حضري روحج راح نروح للحج
الجدة: صدك تحجي الف الحمدلله والشكر يارب
ورا فترة طلعوا الحجاج راحوا جدو وبيبي للحج كنا ننتظرهم يوم يوم حتى يرجعون واجه يوم رجعوهم
بالفترة اللي راحوا بيها حياتنا مرت هدوء تام كل واحد بشغلة وبدون مشاكل ابدًا
واكفين ننتظرهم يجون تأخروا وناس كُلش هواي وهوسة أمير وكف على مكان عالي ويصيح
امير:جددييي ضاااع بـ مكةة
اللي واكفين كلهم ضحكوا شوية ورجع كال
امير:لقد تاها جدي في شوارع عرعر
ام فهد:ولك بسك فشلتنا
امير:هل ترون هذا يا ابطال لقد تاها جدي في طرق يثرب ولم يأتي الينا والله ماله أمان ضاع الزلمة
ياسر:اجه ولك اجه
امير:لقد قدم جدي الينا هلا بـ جدي هلا بـ بيهم هلا
ومن بعد اربع اشهر نفس كعدتنا بالضبط كان جدي يمنا كام كال راح ادخل جوا انام شوية احس روحي تعبان
دخل جدي حتى ينام دقايق معدودة وصرخت قمر هزت البيت
ركضنا لـ جوا كان واكع بـ باب الغرفة
ابوفهد:بوويهه بوويه حجييي حاجينيييي
ماكان يرد اتقدم الشيخ اخذة من عمي باسة بـ راسة وكال
الشيخ:الله وياك يالربيتنا أنا لله وأنا الية راجعون !
حط راسة على صدرة وبجه اعتلت اصوتنا بالبچي والصياح
راح جدنا راح الحنوون راح اللي تعب علينا اكثر من اهلنا واحن علينا منهم
الخبر كان صادم حيل الكل انهار
لكن الاكثر هوَّ فهد اول مره اشوفة هيج رغم ما بجه لكن باين عليَّ ذب عكالة ومتلثم والعيون دم حتى حجي ميحجي
كلهم جانوا منهارين أمير حاضن التابوت ويبچي
محد كدر يتقبل الخبر
لكن ها يا ترى ملك الموت يكتفي فقط بـ جدنا ؟
من بعد الاربعين وحالتنا كانت صعبة
الشيخ:اسد وصهُيب وين
علي:بالدوام
الشيخ:وانتَ اليوم ماعندك دوام
علي:لا
الشيخ:كوم بدل ملابسك وتعال وياي
علي:وين
الشيخ:عندي كعدة
كام علي بدل ونزل بعدهم بالباب يردون يطلعون بس كان الباب مردود رد اندفع الباب ودخل ولد شاب
_دخيل عدكم ياشيخ
الشيخ:حياك
أشر الشيخ لـ علي دخلة لـ ديوان وهمَّ طلعوا صار صوت عالي
ام فهد:اصعدي كعدي امير
شهد:شيكعده
ام فهد:اسحلي سحل
شهد:خاف هوَّ يسحلني
صعدت شهد شوية ونزلت كالت ميقبل يكعد يكول خيولون يتعاركون ويكعدون
الولد بالديوان ولدنا برا ارتفعت الاصوات الخوف احتل كلوبنا
قمر:يالله دخيلك
ريم:شراح يخلصها بعد
شهد:غير يجي واحد يحجي شصار
صكر وسند وطن ويمهم شبل كاعدين بالاستقبال
والاستقبال اله باب يطلع للحديقة ولـ برا
فتحة صكر وطلع
وردة:عززاا العزانيييي صكررر
رحت من باب الاستقبال دخلت سند و وطن وصكر فلت من ايدي وفتح الباب وطلع
وردة:عززاا العزاج وردة
ام فهد:جيبلي عباتي خل اطلع لا يصير شيء بالولد همَّ ملتهين
قبل لا تطلع عمتي صار رمي كُلش قوي
وردة:ابنيييي عمةةةة ابنييييي
................................
شكرا لزيارتكم عالم روايات سكيرهوم
