رواية عشك أل فراس الفصل السادس والثلاثون بقلم زينب نور
علي: من بعد فترة راح جدي للحج اتصل عليه نمر كلي تعال للبيت الثاني أنا منتظرك هناك
من صوتة عرفتة مو طبيعي ابدًا أنا وراهب وصلنا ثنينا بنفس الوقت
راهب:شكو
علي:علمي علمك ندخل ونشوف شكو
فتحنا الباب ودخلنا عدنا مفتاح دخلنا لـ صالة ماكو احد
علي:نمرر
اجانة صوتة من الغرفة
نمر:هنا تعالوا
راهب:الله يطيح حظك الكح***تابت وانتَ لا
نمر:انجب واكل خرا
راهب:ومرض حتى مرض شهل لعبان نفس هذا مو تبت وكمت تصلي وتقرا قران شرجعك
نمر:ضيمي رجعني غير
راهب:وشعندك من ضيم تحب وحدها مو كلنا نحب بس محد سوا هيج
نمر:اهوووو انجب عني مالي خلكك
راهب:واذا مالك خلكي المن متصل تعالوا وتعالوا
راد يطلع راهب لزمتة من ايدة
علي:اهداء شجاك تعال اكعد
شغلت الضوء وكعدنه يم نمر
علي:شبيك ليش رجعت لهذا الدرب شصار وياك
نمر :انتهت علاقتنا بعد
راهب:اي
نمر:انتهتتت شنووو اي انتهتت عافتنييي بعد ابوها لزمها وماكدرت اسوي شيء تعاركت ويا وماطلع بيدي شيء وانتهى كلشيييي
راهب:الطم على راسك
علي:راااهببب
راهب:خيولي يمسلت مو هذا كدامك تلاث اشهر ينبح وحده چا ليش ما شرب
علي:شني ينبح ولك جلب أنا
راهب:لا حشاك بس يعني هيج هي طلعت مني
علي:نمر مو كل ماتصير وياك مشكلة ترجع لهذا الطريق مو حل هذا
نمر:وشسوي يعني وين اولي
راهب:ولي عالج نفسك
علي:بسك انتَ شبيك اليوم
راهب:يقهررر
نمر:يلا شسوي كلولي شسوي
علي:مو احنه يمك هسة أنا من تكفخني الدنيا اجي يمكم وراهب كذلك انتَ شبيك تروح تركض لهذا الدرب
نمر:مدمن مدمن مدمن
علي:اخي افتهم عوف هاي السالفة والله العظيم مو حل وموزين عليك تتمرض
نمر: شلعت كلبي والله شلعت كلبي
راهب:شصار بينكم
نمر:احجي وياها تنتر بـ وجهي
علي:وانتَ ماقصرت
نمر:نعلت ابو ابو ابو ابوها لان من ورا عركتنا بنت الحيوان حضرتني وادكلي كلشي انتهى انوب هذا الحيوان ابوها عرف عندي تواصل وياها واجاني يرعد وأنا هم ماسكتت
علي:عاشت ايدك
راهب:كفو ابو الوصخ
نمر:راهب والحُسين اكوم افلش البطل براسك
راهب:غسل لـ هل وجهه هذا
علي:كاافيي وسم تخبلتوا
نمر:أنا تعبت من هاي الحالة احطلي طلقة براسي واخلص
ماحسيت غير راهب طفر من يمي ضربة راشدي
علي:خرا بـ يومك شكومك
راهب:راااح تخبلونييي الانتحااارر صاير عدكم طبيعي بس واحد كفختة الدنيا كال انتحر مو هوَ هذا حل
علي:بوية شمالك انچلبت اكعد وانجب خل نتفاهم صحيتة على زمانة بهذا الراشدي
نمر:هسة صحيت
راهب:تستاهل رايح أنا للبيت
علي:تعاااال اكعد بدون خبااال
راهب:انجب انتَ الراشدي كون هذا هم الك
نمر:كسر بيدك ان شاء الله صخنت
لـ 12:30 رجعت للبيت صعدت لـ غرفتي لكيت قمر كاعدة تاكل
علي:لا تشبعين لا تملين من الاكل
قمر:حاط عينك على لكمتي
علي:لا يابة اكلي الف عافية
سبحت وطلعت وهيَّ تاكل بعدين كامت غسلت واجت يمي
قمر:شخبار رودينا وايمن
علي:بخير الاسبوع الجاي اروحلهم
قمر:اروح وياك
علي:لا
قمر:حباب
علي:كلت لا نامي وباجر عندج مراجعة لدكتورة
قمر:ليش
علي:الدكتورة مشتاقتلج يروحي انتِ
قمر:يا فدوة
علي:نامي اذا ما اخبلج تخبليني
قمر:اريد علج
علي:قمر نامي
قمر:يطلع بوجهه ابنك مدري بنتك علج
علي:خلي حتى كل ما تشتهين علج تاخذين منه
قمر:خبيث هاي لو مرتك الثانية
علي:چا ركضت الها ركض
قمر:اي طبعًا بس أني حظي
علي:نايم بالطين مو
قمر:اي چا مثل حظ ضرتي فوك النجم
علي:ديلا نامي
سكتتت شلت راسي كاعدة تباوعلي سحبت التيلفون اتصلت على راهب
راهب:ها خوة
علي:عزيزي طلب اذا متصير زحمة
راهب:بـ خدمتك
علي:الحبيب بنت عمك تريد علج جيبلنا علج
قمر:بالفرولة
علي:تشرط تريد بالفرولة
راهب:هههه صار هسة اروح
سديت التيلفون ورجعت راسي على المخدة وغمضت عيوني اجتني باستني بـ خدي
قمر:ابو عيون الملح فديتك والله
علي:بعد عيني انتِ بخدمتج أنا
قمر:شو تأخر
علي:لا حول لله هسة خابرت الولد
ربع ساعة واتصل راهب طلعت من البلكونة
علي:مابيه حيل انزل وعلي اشمرهن
راهب:عجوووزييي الزم يلا اذا طاح ما اجيبة بعد
علي:عزيز روحي باجر نتحاسب
راهب:اكل خرا هوَ ربع
علي:هههه مشكور ابو الجود
راهب:بـ خدمتك
اخذت العلج ودخلت
قمر:الله ريحتة تجنن
علي:صارلي فوك السنة وياج مايوم كلتي ريحتك تجننن
قمر:بدون ما اكول هو انت تخبل
ورا فترة رجع جدي وجدتي من الحج ومرت الايام بهدوء لكن وفاة جدي أثرت بينا بشكل مو طبيعي بيوم وليلة راح من عدنا
بـ نسبة الي جدي كان اغلى من والدي عندي كان حنون علينا كلنا احن من ابونا وامي وبالاخص أنا
انتهى واهسي وصرت مالي خلك شيء حتى البيت قليل نكعد بيَّ نشغل نفسنا بالدوام والشغل
لكن الى متى نبقى على هذا الحال لازم نتقبل الواقع بكل شكل من الاشكال
من بعد وفاتة صارت كعدة ورحت ويَّ الشيخ واكفين ننتظر أسيد وشاهين يجون ماحسينا غير الباب انفتح ودخل ولد كال أنا دخيل
دخلته لـ ديوان وسديت الباب اجو ورا زلم هواي وكلها مسحلة
_طلعوا لا اقسم بالله اخلي الفشك يلعب بـ صدوركم
الشيخ: اهداء واحجي عدل
_مابينا حجي هذا اللي دخل للبيت هسة اطلعونة
علي:تطلع روحك وما نطلعة
من بعد كلام هواي سحبوا سلاحهم ورموا ما انتبهنا ورانا غير من صرخت وردة صكر بالباب واكف والرمي صار على الباب
اجت طلقة بـ بيدة
الشيخ:صكرر بااباااا صكررر
شالة الشيخ الطلقة اجت بيدة لكن طفل يتحمل طلقة ؟
من شافوا الطفل وكع صعدوا سيارتهم وطلعوا
الشيخ:ابقى هنا علي الولد دير بالك عليَّ تنطي روحك وما تنطيي افتهمتت
اخذوا صكر للمستشفى دخلت للبيت صحت على وردة تسكت لان الناس التمت
علي:دخلنها جوا مابيَّ شيء هسة يجي وكافي عاد قمر حضري ماي
قمر:حاضر
دخلت للولد لكيتة كاعد كان عمرة صغير مو كلش جبير من دخلت مباشرةً كام
علي:استريح خوية
أثير :شصار
علي:كل خير
أثير:اكو شخص تأذة
علي:طفل ضربتة طلقة بـ يدة
أثير:الله يصخم وجهي بسببي بس والله ياخوية ضلم
اندك باب الديوان فتحتة قمر
علي:كعدوا امير وسوي جاي وعشة
قمر:امير ميقبل يكعد
علي:اسحلوا سحل
دخلت للولد كان خايف بشكل لـ درجة جسمة يرجف
علي:اهداء واحجيلي شنو صار وياك بالضبط
أثير:ياخوية أنا فلاح اشتغل بـ كاعي وأنا احب بنية لچن هيَّ طلعت مو خوش ادمية وذبت عليه سالفة جبيرة وهالجوا وراي اهلي واهلها يردون يكتلوني والبنية تصير بنت خالي وشردت منهم لا عندي اسلاح ولا عندي شيء اخذت طريقي وشردت واجيت عليكم كالت عليه أنا متعدي عليها وحامل مني وهيَّ جذب وهسة يردوني اتزوجها وكشت روحي منها
هيج سالفة مو سهلة شوية واجه امير كعد يم الولد وأنا طلعت خابرت الشيخ كال
الشيخ:الطلقة بـ يده ومابيَّ شيء حالتة زينه بس يبات لازم يبقى كم يوم ولا تخليي وردة او وحدها من النسوان تجي
علي:منو وياك بالمستشفى
الشيخ:كلهم الولد وابوي وعمامي
علي:ماشي
سديت التيلفون ودخلت وردة تلطم وتنوح
علي:يابة كافي مابيَّ شيء الولد شجاج
وردة:شلون مابيَّ شيء
علي:طلقة بيده ومابيَّ شيء حالتة استقرت وكم يوم ويطلع
وردة:اريد اشوفة
علي:هسة رجلج كال ولا وحدها تجي اكعدن واسكتن وصوتكم الولد كاعد بالديوان
دخلت لـ ديوان لكيت امير وياسر وايمن ومهند يم الولد
مهند:يعني هسة انتَ شارد من اهلك
اثير:ايي والله ياخوية
ايمن:اهلك شمالهم مستچلبين
علي:كوموا يردونكم هناك
ايمن:شني نريد نسولف
كاموا يدردمون كعدت يم الولد بليل اجو ابوي وعمامي وضلوا ويا أنا صعدت لـ غرفتي لان ثاني يوم التحق
قمر:يعني انتَ تعبان وتروح تلتحق شيصير بيك
علي:متعود
قمر:لا والله اصلًا التعب باين عليك خيولون لا تروح شنو ماكو غيرك
علي:ياحبيبتي غير واجبي ودوامي
قمر:هيج دوام مينراد علي والله مينراد تعب اربعة وعشرين ساعة كالوا عسكرية بس مو هيج
تحضر الغراض وأنا كنت بالحمام ازين لحيتي طلعت لكيتها تبچي وتسوي الغراض تقدمت يمها
علي:اقدم استقالة !؟
قمر:حلمك هذا
علي:فدوة الج بس لا تنزل دموعج
قمر: دير بالك على نفسك
علي:الله الحافظ يبعد خيط النفس
ثاني يوم توكلنا على الله واجبنا ملاحقة الارهاب كان بـ جبال حمرين
-سيدي مانكدر نسيطر عليهم
علي:ماكو شيء مانكدر عليَّ
تقدمت اول واحد كان نفق دخلت محد بيَّ
-لا يطلع مفخخ
علي:لا أمان
كان فارغ طلعنا اكلهم الجنود ضربتهم هستريا مال ضحك
كان عبارة عن اندومي وجبس ابو ثنين بربع
بس كمية كُلش جبيرة من الاندومي
-ههههه الجماعة عايشين على الاندومي
"ارهاب كيوت
علي: شوفوا شغلكم شباب
لزمنا اربعة منهم واحد شرد وين راح مدري اختفى
ورا ست ساعات لزمنا خاتل بـ حفرة ومخلي عليها تراب وتبن حتى ميبين
داعش:ما اطلع أني ما اطلع
علي:اطلع ولا تخليني افجر راسك
داعش:تقتلوني بس اطلع
علي:شسمك انتَ
داعش:يزيد
علي:لعنة الله عليك اطلع محد يوصلك الك الامان
داعش:خليهم يرجعون
علي:ارجعوا شباب انسحبوا
داعش:سلاحك
علي:هذا سلاحي شمرتة اطلع يلاااا
مد ايدة سحبتة وطلع
احد الجنود:صلوا على محمد وال محمد
علي:هههه اللهم صل على محمد وال محمد على كيفكم ويا
-سيدي نشربة بلنكوا
انتهى واجبي وطلعت للبصرة وصلت بـ 2:30 بليل
قمر كانت نايمة وتعبانة من الحمل نمت يمها كعدت الصبح هيَّ هم نايمة غسلت وطلعت كعدت هيَّ
علي:كعدت ام عيون چتالـه واليحاچيها هنيالـة كعدت الحلوة اللي نكال عنها "من نال حُبها نال السبع مُـعـجزات"
قمر:ياروحي انتَ شوكت اجيت
علي:البارحة وانتِ نايمة يلا كومي ميت جوع
قمر:افا وأني مرتك
علي:هههه يلا
نزلت كدامها شوية ونزلت وراي راحت هي للمطبخ وانا رحت لجدتي بغرفتها كاعدة تقرا قران
من شافتني صدقت وكالت
الجدة:هلا بطولك
علي:فدوة اروحلج شلونج
الجدة:الحمدلله يايمه انت شلونك شوكت اجيت
علي:البارحة بليل شلون صرتي
الجدة:الحمدلله على الله
علي:والنعم بالله يلا كومي وياي نتريك
الجدة :يابعد روحي
انجمعنا على الريوك وصكر كانت ايدة شادهه على ركبتهه
علي:شصار على سالفة الولد وين صفى
ابوفهد:انكشفت البنية اجه ذاك الساقط المعتدي عليها وكشفها والولد رجع
علي:فلم هندي هذا
ابوفهد:شنسوي بعد عقول الوادم
علي:وشيخنا الصغير شلون صار
صكر:الحمدلله احسن
امير:المن طالع راسك مصلهم
صكر:بكيفي احسن ماضال نايم فوك
امير:انجب ادبسز
من بعد فترة طويلة قمر قربت ولادتها وكانت لازم عملية اذا تطلك ممكن تروح من ايدي
تحدد موعد العملية وكان الخوف مسيطر عليه من انُ اخسرها وممكن تروح من ايدي كلشي ولا هاي حتى الطفل ما اريدة
كان ولد تخليت عن كلشي في سبيل انُ مايصير عليها شيء
قمر:اذا صار شيء ابريني الذمة أني هواي تعبتك أني
علي:اششش شهل الحجي هذا تخبلتي شبيج انتِ راحتي ودوائي وقويتي وقمرتي افتهمتي انتِ ابدًا ماصرتي تعبي وراح اطلعون بخير ومابيكم شيء راح يجي ولي العهد وثمرة حبنا
قمر:اعشكك حيل
طلعنا للمستشفى وياها امي وامها دخلت للعمليات كعدت انتظر
وادعي ربي يطلعون سلامات اهم شي قمر تطلع بخير
ام فهد:يمه اكعد ثولتني
علي:بالي يمها يمه
ورا كم ساعة طلعت الممرضة شايلة الطفل وطلبت ملابس للطفل
اجو الشيخ ومهيب وابوي وابوها
جابت الطفل اخذتة منها قبل لا اباوعلة كلت للممرضة
علي:قمر شلونها
الممرضة:لتخاف حالتها كُلش زينة بس ينتهي البنج تطلع الحمدلله على سلامتهم
علي:الله يسلمج
باوعت على ابني وابتسمت شعور غريب وحلو
اجه ابو قمر اخذة مني وباسة وقدمة لـ ابوي
ابومهيب: أذن بأذانة
اذن بأذانه ابوي باوع عليه وكال
ابوفهد:مبروك بوية يتبرى بعزكم ودلالكم
رجعوا اخذوا علمود يخلوا بالخدج طلعت قمر كانت صاحية
علي:الحمدلله على السلامة ضي عيني
قمر:الله يسلمك يروحي وينة
علي:شوية ويجيبوا
سلموا عليها ومن بعدهي اجه الطفل اخذه الشيخ باسة وابتسم
الشيخ:اللهم صل علئ محمد وال محمد هذا الشبل من هذا الاسد الله يحفظة الكم وان شاء الله تشوفوا عريس
علي:بـ وجودك ان شاء الله
ثاني يوم طلعنا قفلت انُ تروح لـ هلها ضلت يم اهلها 13 يوم ومن بعدهي اجت كان نمر وياها
الشيخ صاروا عنده صكر وشبل "وهمس " اول حفيدة للعائلة اكبر من نمر
واسد عنده سند وصهُيب عنده وطن وأنا عندي نمر
نمر صار روحي من الدنيا تعلقت بيَّ بشكل مو طبيعي
اذا ادخل للغرفة وهوَّ نايم اروح اتحرش بيَّ حتى يكعد
ولي العهد صار روحي من الدنيا
.....................
قمر : من بعد ماصار عندي نمر صار روحنا من الدنيا
علي كان وياي احن حتى من اهلي
هو روحي وعمري صرت هايمه بـ علي
حبي اله مايتوصف لا بـ كلمات ولا بـ شيء
طلعت من الحمام سمعت علي اجه شال نمر من الكاروك كان كاعد باسة وكال بـ ابتسامة
علي:ياعنبر ياتعب ضهري
زرعتك والشمس تلهب
يا اول حصد للروح
مدلل بالكلب تلعب
ابتسمت على كلامة تقدم عليَّ وكال
علي:شلونج يبعد النفس
قمر:ياروحي الحمدلله احسن
بيوم من الايام نمر كان نايم وعلي طالع بليل كعدت ارتب الكنتور اكو خانة تخص علي ابد مفاتحتها دفعني فضولي الها
فتحتها كان المفتاح بيها
كانت عبارة عن دفاتر وكتب وتيلفونات ثنين
واكو حتى ملابس لكن بيها دم !!
اخذت التليفونات واكو دفترين فتحتهم واحد من الدفاتر بداية مكتوب "رحلة حياتي " والثاني مكتوب كذلك بالبداية "شهدائنا "
فتحت اول تيلفون كان مابيَّ فارغ وبدون رمز والثاني كذلك بدون رمز لكن بيَّ برامج وارقام كلهه مسجلة اللي وجع كلبي انُ كلها شهداء!!
الشهيد م،اول عمر
والشهيد النقيب اسمر
والشهيد ملازم همام
والشهيد ملازم عمار
والشهيد ماهر ومسلم وحسن
وشهيد فلان وفلان وفلان كُلش هواي وتجمعهم محادثات وصور كثيرة
دخلت للصور ڤيدواهات متتصدك جرائم داعش بكل الانواع
الفيديو اللي استشهد بيَّ عمر
واسمر وهواي شهداء
لكن من بين ذول كلهم رحت لڤيديو
كانت عليَّ لطمية لـ باسم الكربلائي
كان صعب جثثث مقطعة بالكاع
وعلي كان كاعد يبچي لكن مخلي عليهم صوت
ماذا أرى يا أخوتي
مجزِرينَ بالعَرأ
والدمُع من عيني الا يقيمكم من الثرئ
أه أما يهيجكم بالظعنِ شمرٌ قد سرئ
يا كافلي هذهِ أنا ضهري انحنى ولا ترى
أين الوعود اين
أن قطعوا الكفين
القصيدة كانت جدًا مؤلمة وتقريبًا تنطبق على المنضر
مجزرة مخيفة جدًا جثث مقطعة قطعة قطعة
سديت التيلفون وفتحت الدفتر اللي عنونة رحلة حياتي
كان عبارة عن حياة علي بالكامل وبأدق التفاصيل
ابسط التفاصيل مكتوبة
حياتة شنو شاف وشنو عاش وشنو صار ويا بالضبط
يكتب الوقت والعنوان واليوم والتاريخ بالكامل
كاتب احساسة شنو كان وشعورة شنو
شنو اشتغل وشنو شاف
وشلون انضرب
وشلون بجه بفلان ليلة
وكيف عايش كُل حياتة
كلها مكتوبة بهذا الدفتر حتى طلعاتة ويَّ راهب ونمر وكلامهم
آخر شي كاتب اخر الاحداث اللي صارت ويا بحياتة وبيومة
أنصدمت ماكنت اعرف انُ علي يكتب وكاتب اشعار كُلش هواي
منها الغزل ومنها الحزينة والعتاب وكثير منها
محسيت غير الدفتر انسحب من ايدي
علي:شسوين
قمر:ولاشيء
علي:على شنو تبچين
قمر:فتحت التيلفون وشفت فيديو
باوع على التيلفونات اخذهم واخذ الدفتر مني خلاهم بـ مكانهم ورجع يمي
علي:ليش رحتي طلعتيهم
قمر:ليش خافيهم عني
علي بـ تنهد:ماضي وانتهى ليش حتى تقرينا واتعبين
قمر:وانتَ من تكتب ما تتعب
علي:لا أبدًا الكاتبة افرغ بيها كُل طاقتي السلبية بدون ما اتعب احد وياي
قمر: ماجنت اعرف هالكد متعوب كالولي متعوب بس مو لهاي الدرجة
علي:جنت متعوب وهسة الحمدلله بعد الصبر ارتاحيت وتيسرت حياتي
مرت ايامنا بـ هدوء انتبهت على نمر من يبچي يختنك ومرات حتى يفقد يوم عن يوم تزداد الحالة اكثر واكثر
علي:باجر ناخذة لـ دكتور الولد بيَّ شيء مو طبيعي
وبالضبط ثاني يوم اخذنا لـ دكتور وصدمني صدمة عمري من كال
الدكتور:ابنكم عنده فتحة بالقلب والعملية بهيج عمر صعبة
طلعت من يم الدكتور وأني حاضنتة وابچي
قمر:ورثتها مني ياروح امك اخذتها مني ياروحي
علي:كاافييي شبيج تخبلتي مابيَّ شي فترة وتخلص نسويلة عملية
قمر:عملية بهذا العمر شيصير بيَّ
علي:هذا اللي كاتبة الله
من بعد فترة قصيرة اهلي رجعوا لـ بغداد فجاة قررووا وراحوواا لـ بغداد رجعوا استقروا هناك
نمر حالتة كانت تزيد متنقص أبدًا
بيوم كاعدة ويا الساعة بـ 2 بليل وعلي كاعد يشتغل بالحاسبة ماعرف شيسوي اتصلت عليه سارة بنت خالي اول مافتحت الخط اجاني صوتها وهيَّ تبچي
سارة:الحكييي قمر مصيبة
قمر:شكووو ساارة خوفتيني ترا
سارة:تعالينا قمر تعالييي
قمر:وين اجي لج تخبلتييي احجيييي شكو
سارة:ما اكدر احجي على التيلفون لازم تجين ولا ادكولين لـ شخص أني اتصلت عليج وطلبت تجين
كالت هيج وغلطت الخط خلتني الطم علي سمع المكالمة
قمر:خلي نروح حباب
علي:شفتهمتي حتى ترحين
قمر:الله عليك اكيد صاير شيء سارة متتصل وهيج وضعها اخذني لـ بغداد عليك الله
علي:نشوف تاليها كومي يلا حضري غراضج
خليت نمر يمه وحضرت غراضي بس اللي ضروريات طلعنا بـ 4:30 الصبح ابد مانمت
وصلنا بغداد الضهر رحت لـ اهلي وعلي كال عندي شغل وراح اتصلت على سارة كالت تعالي يمنا خليت نمر يم اهلي ورحتلهم سلمت وصعدت يمها
قمر:فهميني شكو شصاير وياج
سارة:ولج انضحك عليه قمر انضحك عليه
قمر:انضحك عليج بـ شنو فهميني
سارة:حبيت شخص على الانستا وحب سنتين ولججج ادزلة صوري بس والله العظيم مبيهم شيء والله لابسهه حجابي وملابسي مستورة بس تعرفين اهلي ممنوع انشر صوري او ادز لـ شخص ولج هسة الحقير يهددنييي ينشر الصور ولج كوليلي شسوي والله اهلي يذبحوني
بعدني اريد احجي ودخلت اختها سرور تسحل بـ نفسها سحل وودموعها على خدها
سرور:مصيبتج اهون من مصيبتي احنه ثنينا راح نموت
قمر:شصاير وياج شبيج
سرور:ههههههه أني عار أني لازم اموت
سارة كان عمرها 20 وسرور عمرها 17
سارة:شنو ولج احجييي شصاير وياج احجييي
سرور :اغتصبوني
كانت صدمة لـ درجة انُ ما استوعبنا الخبر
سارة:ولجججج انتِ شتحجيننن شتحجينننن
سرور:ههههه اييي اييي اللي ميخافون الله اكبر من ابوي وسوا هاي جريمتة الوحشية أني مالي ذنب والله العظيم رحت للاسواق وصار اللي صار
قمر:صخاامم بوجهييي الله ينتقم منه
سارة:قمررر ساعدينا فدوةة
قمر:طبعًا ما راح اتركجن
سرور:لا أني لازم اموت
قمر:انجبي وحلكج سدي افتهمتي
سارة:أني شغلتي صارت سهلة سرور شلون
سرور:خابري زوجج خلي يساعد سارة وأني خلوني اولي
عشنا خوف مو طبيعي اتصلت على علي بسرعة جاوب
علي:هلا بـ ضي العيون
قمر:علي اريدك بـ موضوع كُلش ضروري
علي:شكو بوية شصاير
قمر:تعال يم بيت خالي من توصل اتصل عليه واطلعلك
علي:جايج
كعدت انتظرة سرور وسارة وحدها حاضنة الثانية ويبچون اكثر من نص ساعة واتصل علي نزلت بسرعة سلمت وطلعت لكيتة برا بالسيارة كاعد
علي:شكو شبيج وجهج اصفر
قمر:مصيبة واريدك تساعدني
علي:دخيلك ياعلي احجي
حجيتلة الموضوع كله اللي صار ويَّ سارة واللي صار ويَّ سرور عض شفتة الجوا وكال
علي:سالفة سارة مكدور عليها اهل الابتزاز يحلوها لكن سرور
قمر:خلينا نحل وحدها وحدها
علي:روحي لـ سارة واخذي منها رقمة وحساباتة ودزيهم الي والمحادثات وكلشي هسة اخابر ولد صديقي وهوَّ يتصرف
اتصلت على سارة وكتلها دزيلي كلشي ونفذت كلشي
قمر:وسرور
علي:شبيدي عليها اللي اكدر عليَّ بس اللي مغتصبها يتحاسب بالقانون شريد اسوي اكثر
قمر:مخلية بـ راسها فكرة الانتحار
علي:ياروحي أنا شبيدي
ضلت سالفة سرور العوصية وفعلًا شنو نكدر نسوي البنية ادمرت دمار
علي:أيمن يحبها
قمر:يا أيمن
علي:أبن عمي
قمر:اي وشنو
علي:يزوجها
قمر:ومنو كال يقبل
علي:يقبل انزلي خليج يم اهلج وأنا رايح للبصرة لو صايبة لو خايبة
ضليت يم اهلي ثلاثة ايام يوم الرابع خابرني علي كلي روحي لـ بيت خالج وكوليلهم جاينهم خطابة
الفرحة كانت كُلش جبيرة رحتلهم وبسرعة بسرعة رتبنا البيت وحضرنا كُلشي كان عبالي بس يجون يخطبون مو كُلشي رسمي
لكن من اجو صارت خطوبة رسمية
سرور:هو يعرف
قمر:اكيد
سرور:يارب دخيلك
تمت الخطوبة على خير من رجعنا سئلت علي
قمر:يعرف باللي صار
علي:اي كلشي يعرف
قمر:وتقبل
علي:غصبًا على راسة
قمر:لا صُدك
علي:شوفي عيوني انتِ وخليها بـ راسج احفاد فراس اذا عشكوا يتسودنون كلشي مايهمهم غير انُ ياخذون حب حياتهم
قمر:فديتك
من بعد فترة تزوجوا سرور وأيمن ورا ايام من زواجهم تزوج مهند كان عرسهم سكتة اخذ بنية من كربلاء
من بعد فترة طويلة عمتي بـ وقتها كانت تعبانة صحتها مو شيء
ام فهد:يمه أنا راح انام ارتاح شوية
راحت هي واحنه كملنا الغدة وشغلنا كلهه اجو الولد وعمي وعمتي بعدهي نايمة
الشيخ :چاا أمي وين
وردة:كالت راح انام
الشيخ:ليش ما كعتوها
أني كنت واكفة فـ كتله
قمر:أني رايحة اكعدها
رحتلها كانت نايمة وعمتي نومها خفيف حاجيتها وأني واكفة بالباب متحجي شغلت الضوء وحجيت وياها متحجي
تقربت عليها وجسمي يرجف لزمت ايدها كانت ثلج هزيتها حيل ردتها تكعد لكن لا توفت عمتي
قمر:عمةةةةةة عمةةةةة
على صوتي اجوا كلهم حاولوا وياها لكن ماكو
ابوفهد:أنا لله وأنا اليه راجعون
شهد:مامااااااا لاااااا مامااااااا لاااااااا لااااا فدوةةةةة لاااااا حاجينييييي فدوةةةة لاااااا اتركيناااا
توفت عمتي !! كانت مو بس عمه النا كانت ام
صرخت شهد وامير كانت تبچي الصخر
همَّ اخر العنقود ومتعلقين بيها حيل
وخاصةً امير كان متعلق بـ عمتي
رابع يوم الفاتحة كاعدين جوا والحزن مخيم علينا نمر كان نايم فوك بالغرفة فـ كلت لـ شهد تشوفة وياها وهيَّ صاعدة
دقايق معدودة ونزلت شهد وشايلةة نمر وهيَّ تبچي وتصيح
شهد:عليييي الحككككك ابنككككك
ركض عليها علي بسرعة نمر كان فاقد ضربة ماكان يصحى حيلي راح على ابني اخذة الشيخ وضربة حيل يلا بجهه
الشيخ:اخذ ابنك لـ دكتور لا يصير بيَّ شيء العصر اخذه
حالتنا كانت تعبانة حيل وعلي مكسور على امة بـ شكل العصر اخذنا نمر
الدكتور:شكد عمرة
علي:خمس اشهر
الدكتور:لازم تسويلة عملية بـ اقرب وقت
علي:نسويلة بس وين احسن مكان
الدكتور:اكو تركيا وايران والهند لكن اكو دكتور بـ محافظة ... تكدر تروحلة وتسوي العملية هناك
طلعنا من الدكتور الدنيا مسودة بـ عيني ودموعي على خدي حضرنا غراضنا لكن علي مايترك سوالفة ابداً
على حسب اللي فهمتة انُ مستلم قضية جديدة تخص شخص ماعرفتة منو لكن جبير حيل خابرة راهب
راهب:عوووف العناددد ولو لمرة وحدهاا بحياتككك ذول مو سهلين
علي:على روحهم مو عليه
راهب:تخبلتتت انتَ شبيككك اتركك القضية لا يأذونك وانتَ رايح لـ هيج محافظة
علي:كلشي ما يسون
هواي حجه ويا لكن ميفيد تعارك ويا وسد التيلفون التهديد كان يوصلنا مثل شربة المي
قمر بـ دموع:اتركككك القضية كاافييي عوووف العناد
علي:لا تدخلين بـ شغلي خليج بعيدة
قمر:واذا صار علينا شيء
علي:لا تخافين مايصير شيء واذا خايفة على نفسج اكعدي واسكتي ابني أنا اخذه وحدي
قمر:هذا اللي طلع وياك خايفة على نفسي ماشي نشوف وين توصل وياك
كلهم حجوا ويا لكن ماكان يفيد أبدًا ولا ياخذ الكلام طلعنا للمحافظة اللي موجود بيها الدكتور
وصلنا هناك بليل نزلنا لـ بيت
قمر:المن هذا البيت
علي:بيتي
قمر:حتى هنا عندك بيت
علي:جديد هذا
دخلنا للبيت كنت كُلش تعبانة شربت نمر الممة والف الحمدللة كدر يشربها ثاني يوم بليل
علي:راح اروح للمستشفى اكو اوراق اكملهم واجي ما أتأخر
قمر:هسة تروح
علي:اي تخافين
قمر:لا من شنو اخاف الله وياك
راح علي ونمر كان بالغرفة جوا دخلت للحمام اغسل ملابس سمعت الباب انفتح
قمر:شنو رجعت نسيت شيء
ماحسيت غير اربع زلم صاروا كبالي كلهم مغطين وجوهم ولابسين اسود
-ولا صوت
حاولت اصرخ لكن اسرع مني وسدوا حلكي سحبوني للغرفة واحد منهم ضربني راشدي باوعوا على نمر
-اوووو هذا ابنة
تخبلتتت اريد اصرخ ماكنت اكدر وكتفوا ايدية وكف كبال نمر وجهه السلاح على نمر وهوَّ كان يباوعلة ويضحك
ثواني واختفت هاي الضحكة من ضربة طلقة بـ النحر
............................
شكرا لزيارتكم عالم روايات سكيرهوم
