رواية اغفري لي الفصل السادس والثلاثون بقلم أوتار حزينة
يمامه
الولد طلعو من يمنا اسمعها تحجي وي
خاله على خالها ووضعه مرت كم دقيقه
وسمعت صياح بره هي فزت
وكالت
«،،،هااي شكو شصاير
طلعت بسرعه اني وراها وخاله شفت
محمود طب يركض يصيح
«،،،ماما ااالحكي گتلو احمد ومحمد
«،،،يمممه ولدي
ركضت تعيط طلعنا وراها شفت
خمس ولد اكبر منهم بكم سنه
ملتمين عليهم ويكتلون بيهم
صرخت بيهم
«،،،،وولكم عووفو ولدي
عرفتهم مو من المنطقه وشايفه
مثل شكولهم بالشوارع
وذوله اكثرهم
يكبسلون وايدهم والسجين
هدت عليهم جرت واحد وضربته
دفعها بقوه وكعت بالگاع خاله ركضت
عليها تصرخ
رجعت بسرعه ادور على شي
اضربهم بي لگيت ربد كرك انكسر قبل
كم يوم شلته وطلعت اركض شفت
واحد ضرب خاله واللخ
ضرب حجي جبير
جيرانهم
تخبلت وهديت بالربد ضربت اقرب
واحد براسه وكع واحد جرني
من هدومي يريد يضربني
شاب من المنطقه
لزمه
وتلازم هو ويا هديت
على الي لازم محمد وضربته
بقوه على ايده عافه
يصيح
جنت بنص العركه ناس تفگ وناس تضرب
هوسه صارت وكم شاب من المنطقه
اجوي عليهم اسمع
صراخ ام احمد وخاله
واني بنص العركه واحد جرني من
شالي وصار بايده مادرت بال لان شفت
واحد هد على احمد بالسجين
رگضت على الحايط
ضربته برجلي كمزت علي ضربته
صارت بجتفه وكع بالگاع
كام هد عليه مااشوف
غير واحد يجره من هدومه
ووگعله ضرب
جان ابنهم تخبل من شاف وضعنا كتل
الي راد يضربني وهو يغلط
ويفشر علي
مهيب
جان باقي كم يوم وارجع لبيت اهلي بس العميد
كالو ارجعو لان كملتو تدريب
وصلت كم ولد بطريقي
ورحت لبيت اهلي جنت قريب منهم
ومااعرف شبي ملهوف
حتى اشوف
حنين لان عرفت هي رجعت وظلت
هالشهر يم امي هي وخااله
وابنها
طول وجودي هناك افكر بيها ولا
راحت من بالي اذكر كلامي اني وياها وابتسم
بدون شعور
هالبنيه عجبتني
لان قويه وماتخاف من اي احد
اني نقيب وسحلتني
سحل بلسانها
وياريت اكدر
اردها
يمها اضيع لساني واظل بس مركز
بالعيون والخلقه من تغضب تصير وحده
ثانيه تذكرني بذاك اليوم من شفتها تعارك
الولد وشلون
كاعده بالگاع والسجين بايدها
تخزر بعيون تلمع من
الغضب
طبيت الفرع فگيت عيوني من شفت عركه
صايره يم بيت اهلي وناس
تضرب ناس
زدت السرعه وصلت نزلت اركض عليهم
شفت احمد ومحمد حالهم حال
واختي تصرخ بنص
الرجال
عيوني راحت لحنين رگضت وضربت
رجلها بالحايط وكمزت على
واحد ،،،،ضربته تكوم بالگاع كام يريد
يضربها هديت علي
بمسدسي ضربته بجعبه براسه كمت افشر
واغلط عتيته من هدوومه
ودك بسلاحي
دوريه اجتي نزلو يركضون سحبو مني شباب
المنطقه سلموهم الويا الضابط شاف رتبتي وكال
«،،،شنو الموضوع سيدي وشبيهم ذوله
وياكم
خاله ام ياسين حجت اله هي وعم سامي
وعرفت ذوله معتدين على
ولد اختي وكاتليهم
صحت واني جاز على سنوني
«،،،،ولكم بيمن ادكيتو بنقيب مهيب بالقران
اليوم الي اخلي الصونده تلعب
على ظهركم واخليكم
فرجه لامه محمد
حجيت هيج وصحت
«،،«ااخذوهم منا واني جاي وراكم
«،«تمام سيدي
الدوريه اخذتهم من يمنا وحارث
اخذ عم سامي للمستشفى لان جانو ضاربي وجارحين راسه ومناك
يروح يشتكي عليهم يم المركز
«،،،يمه مهيب تعال
سمعت صوت امي انداريت طالعه وسانده روحها
على العگازه
طبيت بيتنا وسندتها اني واختي
تبجي وتدعي على ذوله هي وخاله ام ياسين
ااخذتها للمطبخ كعدت تردد
«،،الله يكسر ايديكم بجاه العباس ابو فاضل
«،،امين كسر الي مايگومون منه
خاله ردت شفت احمد خشمه ينزف
وراسه مجروح ومحمد هم وحالهم حال
نار صعدت لراسي وتخبلت ردت
اروح اعدمهم العافيه
بس جان لازم اخذهم
للمستشفى
دورت بعيوني على حنين ماكو سالت
«،،وين ام يمامه
،،،مدري ولكم شوفوها خاف صار بيها شي
رحت بسرعه للغرفه ورايه خاله ام
ياسين واختي شفتها تلف
ايدها بخاولي
وساتره شعرها
«،،تأذيتي موو
خاله سالت وراحت يمها اختي حجت
وهي تبجي
«،،،لو ما هي جان انكتل ابني
«««مابيه شي
ردت بس مبين عليها متأذيه كلت
«،،ام يمامه بس خلي اشوف جرحج
رادت تحجي بس خاله وخرت الخاولي
لميت ايدي بقوه من شفت جرح جبير
بايدها صحت
«،،ولج اانتي شنو عقل ماكوو براسج
صفنت عليه كملت بعصبيه
«««لووو ميته بنتج منو الها ووين راح تروح
نزلت راسها ماحجت شي خاله كالت
«،،امشي خلي اخذج للمستشفى
كلت
«،،ميسون امشي خلي ناخذهم للمستشفى
«،،ماايحتاج ااا
«،،ااااش ولا كلمه
صحت بيها وكملت
«،،بسرعه بدلن واامشن ويايه
يمامه
ابنهم من شاف الصاير بينا تخبل وكام
يصيح عمو طب وجهه مخطوف سال
«،،هاي شصاير ومنو ذوله الي
معتدين عليكم
«،،،نااس دايحه من نعل والديهم لا ابو
الجابهم علينا
هو رد شاف ايدي تنزف والخاولي
تبلل صاح
«،،ولكم هااي جاي تنزف شنو ضربوها
«««اي اي من خرب صفحتهم لسابع جد
رد وكمل بصياح
««،يله بسرعه امشن
طلعنا ويا اني واخته وولدها الاثنين
خاله ظلت يم يمامه وامه وعمو يمهم
طول الطريق يسب بيهم ويغلط عليهم
ويلوم بيه لان خليت روحي
بنص العركه باوع عليه
بالمرايه وحجه
بعصبيه
«،،تهدي وارگدي لا يجي يوم تروحين
بيها وتعوفين بنتج يتيمه
بداخلي حسيت كلامه صح
ماجاوبت كمل
«،،،وانتو ولكم ليش هيج واحدكم صاير
فلم شبيكم ماجتلتوهم ماطلعتو دمهم
«،،،ولدي فقره مهيب
اخته ردت تبجي انهد بيها
«،،،اي ظلي احجي هيج وخنثيهم ولج
ااخ جم مره كتلج سجليهم بدورات مال
كراتيه حتى يعرفون يدافعون عن نفسهم
وانتي لااا اخاف عليهم لايصير بيهم شي
الما تخنثوا
«،،،كافي يول تره هبطت وراح اتخربط
صاح
«،،،اي طالعين عليج خيخه وخرگه
من خرب حظج انتي وياهم
اخذنا لمستشفى اهلي ولدها مابيهم شي
بس رضوض اني جان لازم اخيط
ايدي جنت مااعرف شلون
انجرحت بس عرفت
جرحي اجه من
سجين
المضمد كال
««««ماعدنا بنج
نتر بي بغضب
وشكو عجل فااتحيها لهل المستشفى واهلي
وذاك الحساب وماعندكم بنج
عزولها احسن الكم
«،،خيطه بدون بنج
حجيت رد بغضب
«،،انتي اكعدي واسكتي ومااريدج
تحجين ولا كلمه
سكتت اخته هم ماكدرت تحجي شي
لان جان صاير نار حجه
باعصاب وي المضمد
«،،شوفلها بنج وبيش،مچااان وجيبه
«،،تمام
طلع من يمنا هو كعد يهز برجلي والخزره
بين عيونه ذاك رجع وره مشوار
جايب البنج كال
«،،لگيت بن
«،،،اااي بيها الخير
استهزء الولد ماحجه شي
من بده يخيطه اخته ماكدرت تظل يمي
هو ظل يمي كل ساع يهدد
«،،اني الكم بالقران فلا اعوفكم
اليوم
خيطو اليه الجرح وانطوني دوه مال
التهاب ومسكن طلعنا ويا
يمشي بسرعه وكل ساع
يندار ويباوع علينا وصلنا
صعدنا حرك بشحطه اخته كالت
«،،مهيب عوفهم
«،،ماعليج اانتي بهل الشي
نتر بيها سكتت كمل بعصبيه
«،،اني يعتدون على اهلي ليش يابه
مگطم ماعندي احد رتبتي شكو شادها اتباهى
بيها جدام الناس
سكت ينهد من غضبه
«««وحگ هو الله اليوم الا اجلدهم جلده
اصلخ بي جلدهم
«،،،لو مو جايه احسن
«،،اي ظلي بهل الخوف وورثتي لولدج
شوفيهم شلون العيون تريد
تبجي وهم بعد جم
سنه يصيرون
شباب
«،،شتريد اهدهم بالشوارع ويعاركون
الناس
««،لا خليهم يمج واشبعي بيهم
من امداج انتي وياهم لو مخلفه بنات
هوايه احسن
كامت تبجي كمل باعصاب من
خزر ولدها بالمرايه
«،،،شدو عووودكم ولكم لا اني اعرف
شلون اشده بعصا خيزران يابسه وعلى
ظهوركم
عيونه اجت بعيوني كمل
«،،واانتي ولج جووزي من خبالج واركدي
فكررري بنتج اذا فطستي
وين تروح
ماجاوبت درت وجهي صاح
«،،ماااعجبج الحجي مو
«،،كافي مهيب شبيك تخبلت علينا
سكت من اخته صاحت بي وكلت هذا
شبي تخبل علينا وصلنا نزل
ويانا طبينا للمطبخ
امه بعدها كاعده وخاله يمها وابوه
حجه بعصبيه
«،،،يابه الكامرات مشتغله موو
«،،،اي
راح هو وابوه اخذ التصوير وطلع بسرعه
مهيب
اخذت الجهاز للمركز الضابط شغله
شفتهم شلون اعتدو على ولد اختي وشلون دفعوها ووكعت هي،وخاله
ام ياسين وعم
سامي
لميت قبضه ايدي والنار اشتعلت بيه بس
صفنت والكل صفن،،،،من شفتها
شلون اجت هي وتعاركت
وياهم الحجاب
انسحب
والشعر انثر مااهتمت ظلت ادافع
عن ولد اختي
«،،،هاي منو
الضابط سالني انتبهت وعكدت
حواجبي من شفت نظرات الاعجاب بعيونه
هو وكم منتسب طفيت الجهاز
بسرعه وكلت
«،،،مايخصك
««،،العفو سيدي
تندمت لان جبته وشافوها الخبال
دك بالراس كلت
«،،ذوله وينهم
«،،سيدي اشتكي عليهم وي الرجال
الجبير لان هم اعتدو علي وكم واحد من
منطقتكم واحنا ناخذ الاجرائات
القانونيه بحقهم
«،،اااني اخذ حگي منهم وهسه
صحت بي مشيت للسجن لحگني بس
ماحجه شي
صحت بمنتسب
«،،اافتح الباب
الضابط اشر اله فتحه طبيت لكيتهم
مجتفيهم وذابيهم بالگاع نزعت حزامي وجلدتهم اغلط وافشر عليهم سحبوني
منهم انهد من غضبي
منهم ومن هاي
الي ذابه روحها بنص الموت ومو دايره
بال لروحها ولا لبنتها
اشتكيت عليهم رجعت لبيتنا صاير
فد مره طبيت للمطبخ اختي كاعده هي
وام ياسين هي ماكو
«،،ها شسويت
ابويه اجه وي ثائر رجل اختي سال
«،،ها مهيب شسويت
«،،اشتگيت عليهم وانطيتهم المقسوم
جاوبته بضوجه وسالت
«،«حنين وين وشلون وضعها
«،،نامت خطيه اثر بيها الدوه من شربته
«،،اختي جاوبتني وكملت
«،،والله لو ما هي وولد المنطقه جان ولدي
راحو مني
««،اي شفت هذا الدايح شلون سحب
على احمد السجين وهي
فكته منه
خاله جاوبتها ثائر حجه وصاير نار
من ورة ولده
«،،دايحين ساقطين والله لو اني هنا الا
اخلي طلقه براسهم واريد
الرجال ااي يجي
ويگلي ليش
كتلتهم
ابويه كال
«««استغفر الله ياربي هسه لو صاير بيها
شي بهل البنيه اني شراح اكول
لاهلها
«،،،يتيمه يايمه مالها اهل يسـألون
عليها
خاله جاوبته وكامت تبجي تردد
«،،صارلها شكد يمي محد دور عليها
لا عم بي خير ولا خال
««،،لاتبجين ام ياسين احنا وانتي اهلها
ابويه جاوبها كلت
«،،،اطمنو عليها كل مشوار خاف اصخن
«،،،اي
«،«منو ذوله ومنين اجوي علينا ووين اهلهم
عنهم
«،،يابه ذوله ماعدهم اهل خلف وذب
بالشارع هي تربي وهاك شوف تربيه الشوارع
شلون طلعت كلهم يكبسلون وايدهم
والسجين والموس
يضربك يريد
يقتلك ماعنده بيها لان عقله مو
براسه من السم الي
يشربه
««،اي والله اني شفت شكولهم تخوف
ومبين عليهم مو طبيعين
اختي جاوبت كمت مشيت للصاله
عيوني على باب غرفتها رحت لامي صايره
فد مره من وره ولد اختي وهي
اسمعها تدعي عليهم
وتتحسب
ثائر اخذ ميسون وولده وراح وره مشوار صعدت لغرفتي حتى ماتعشيت من وره الصار لو ميت
واحد من ولدهم لو هي
جان هسه اني ناصب
عزه باب بيتنا
ساعه 3 طلعت ونزلت لجوه كلها نايمه وكفت
يم غرفتها جان الباب شويه
مفتوح دحكت منها
شفتها غافيه على الجربايه يمها للو
وبنتها نايمه بي
دفعته ومشيت بهداوه عيوني
عليها وكفت مسافه صفنت على الشعر المنثور والخلقه من هي نايمه تبين
طفله ،،،،وكلها برائه ولا عبالك
هاي هي نفسها الي شفتها
تعارك والعيون
تخزر
بنتها تحركت كلت راح تكعد انسحبت بهدؤ
ورديت الباب بس ماسديته
سمعتها بجت كعدت
تحجي
«،،،لاتبجين هياني كعدت
حجت بحنيه وكملت
«،،هسه ماما تسويلج ممه
مشيت من يمها ورحت للمطبخ اخذت
بطل مي من الثلاجه سديته
انداريت هي طبت شافتني
وكفت سالت
«،شلونج هسه
«،،،زينه
مشت للسنك وكفت تغسل بالممه
كلت
«،،،ام يمامه بطلي اتذبين روحج بنص
الموت فكري بنتج هي ماعدها غيرج
«،،،اي
«،،،تره كاعد احجي جديات
«،،اعرف
جانت ترد مختصر وهي منطيتني
ظهرها كلت
«،،بعدج زعلانه عليه موو
«،،لاا
«،،يولي كتلج اني حجيت
اندارت والكلام ليش،ضاع من حلكي
من شفت العيون جاوبت
««،اني نسيت هالسالفه لخاطر اهلك
ردت اكول وخاطري بس كلت انجب بله
رديت
«،،اكيد حنين
«،،اي
«،،،يعني مو شايل گلبج عليه
سكتت ورحي اختنگت مشت من يمي وطلعت ذبيت حسره وكلت
«،،والله گلبها شايل عليه لان جفصت
وياها جثير
غاده
وره عشره ايام رجعت رانيه للدكتوره وامورها
بشرت بخير انطتها ابره وحده تضربها
هم بطنها وسويت هالشي
وخليتها ترتاح بيتها
اني شلت الببيت وياي عمه ردت بس
يصير حمل حتى تفرح بي
هي وجعفر
بهل الاربعين يوم اعتنيت بروحي سويت
دايت وكمت اسوي تمارين
رياضيه حتى
يروح الكرش وهم اخذت زيت
مال تشقق حمل حتى يروحن من بطني
خلصت اربعين يوم وكلت خلي
اروح صالون انظف وجهي كلت لحمزه
وخليت علي يم عمه ورحنا العصر
حفيت وسويت تنظيف بشره خصلت
شعري اشقر زيتوني غامق
طلع يخبل وشكلي
تغير
من كملت خابرته علي اجه صعدت
يمه صفن عليه وحجه
باعجاب
«،،،طالعه تضوين مثل الگمر
«،،هههه ماخليت شي ماسويته
اليوم
«،،الف عافيه سوي بويه مادام عيوني
راح تشبع من هالجمال
حجه وحرك كال
«،،تريدين شي قبل لانعكب
«،،لاا تسلم مااريد شي
رجعنا اشوفه كل ساع يباوع عليه
مبتسم كلت اضحك
«،،تره اكلتني بعيونك
«،،جاي اتعبيني بهل السوالف
«،،ههه ماسويت شي
ذب حسره وكمل
«،،غير لو تحس
سكتت وجنت مسويه اله مفاجأه كلت
««،وين جنت
«،،وجان تغير الموضوع
«،،حمززه عوفه هسه
«،،عايفه بويه وصابر
رد وكمل
«،،جنت يم شريكي بالمول اخذت ربح
الشهر
«،،احم يعني الجيب اليوم عامر
«،،ههه هو دومه عامر امري كولي شتريدين
«،،يعني هو شي بسيط
«،،كولي ياجمره گلبي وامري عيوني
الج
«،،اريد اسافر اني وياك يعني
نروح فد مكان بعيد بس اني وياك
سكت بعدين رد
«،،تصدكين جنت افكر بهل الشي قبل
شويه
«،،ههه القلوب سواجي
«،،اي لچن وين نروح
«،بكيفك بس اريد دوله بيها بحر
وخضره
««،،،تركيا
«،،،اااي من زمان اريد اروح الها
«،،،ادللي بس مو هسه خلي علي يشد
حيله سويه ونسافر
««،،اي لعد شلون مو هسه نروح خلي
شويه يكبر كم شهر وهم رانيه يستقر وضعها
وبعدين نروح
«،،،تمام متفقين
«،،وعد حبي
«،،وعد يضوه عيوني
ابتسمت ولزمت ايده كلت
«،،الله يخليك اليه ومايحرمني منك
«،،ويخليج اليه انتي وعلي
سالت
«،،،،جبت دوه الضغط مال جدو
«،،اي
باوعت ليوره اكو كراتين سالت
«،،هم جايب غراض
ابتسم وجاوب
«،،هالمره اي
صفنت علي كمل
«،،تذكرين من جنت اوديج للدوام واكلج
اكعدي يمي عندي غراض
ليوره
«،،اي
«،،،جان جذب هالشي
صفنت علي ورفعت حواجبي كمل
«،،جنت متقصد هالشي حتى
تجين تكعدين يمي
«،،صددك
«،،اي
«،،جنت تريدني اكعد يمك
يعني من ذاك الوكت عرفت بروحك
تحبني
«،،اي عرفت بروحي حبيتج من
ردت اطلگج وانتي رفضتي
دار وجهه عليه وكمل
«،،بذاك اليوم انه عرفت بروحي حبيتج
وعشگتج عشك مسودن
ابتسمت وجاوبته
«،،واني هم حبيتك وبجيت لان جنت
اعرفك تريد بنت عمك وتحبها
بس بعدين سمعتك
تحجي يمي
وانت عبالك اني نايمه
الذهول صار بوجهه ضحكت وكملت
«،،سمعتك شلون تشكي من حبي وبذيج
الساعه ردت اشمر روحي
بحظنك بس ماكدرت
لان جنت خايفه
من شعوري
«،،جنت مفضوح وانه ماادري
«،،ههه اي
الوجه ضحك مسح شواربه رد
«،،والله انه مو انه من اصيرن يمج
سكتت اشوفه مرتاح والوجه يضحك وصلنا
نزلت هو وياي طبينا سوه عمه
وبيبي بالمطبخ سلمت
وكلت
«،،علي نايم
«،،اي يمه كعد شرب ممه ورجع نام
«،،،هسه ابدل واجي اسوي العشه
«،،لا اليوم عشانا خفيف جبن وجاي
«،،،اي احسن لان مسويه دايت
«،،يمه عوفي انتي جاي ترضعين ابنج
وضعفتي بهل الشهر هوايه
«،،بيبي مااريد السمن اريد اصير رشيقه
«،،،جاتلجن هالسالفه وادورن خصر
ورجلين عود
«،،،ههه اي هيج احلى
«،،ماتحجي يبو علي
حجت ويا كال
«،،والله انه مااريدنها تضعف لچن خالها
براحتها
«،،اي انت هم عدالك كمت ادور معصعصه
«،،ههه لا تره وزنها حلو ولو انه احب
ذاك الوزن القديم
«،،،احلم بي
جاوبته ومشيت اضحك من يمهم طبيت
للغرفه علي نايم بسته
وصار اثر الحمره
بخده
حمزه طب سد الباب شافني
امسح خده كال
«،،ها طبعتي اثرج بي
«،،ههه اي
«،،چا ماتجين تطبعي بخد ابوه
رد بزعل وخر الشال وفليت شعري
صفن والعيون تغيرت مشيت اله بدلال
وكفت كدامه
وكلت
«،،،تريد بوسه
«،،،اكعدي راحه
«،،ههه ماتريد يعني
«،،،،غيده تره معطب
«،،بكيفك
انداريت لزمني من خصري وجابني
على ظهره باسني من رگبتي
وشمني بنفس
طويل غمضت
وكتله
«،،حكول هالكلمه
«،،عرگ جيدج مي زمزي
انداريت والعيون التقت باسني
من شفتي ولمني لصدره بقوه فقد
واني هم فزينا من سمعنا
دكه الباب وصوت
عمه
«،،،يله يمه العشه صار
«««اوف ولج وين اولي انه
سحبت روحي منه وكلت
«،،،بدل خلي نروح نتعشه
ذب حسره بدلنا وتعشينا هو راح يتعلل
يم جده ،،،،غسلت ولبست
سيت جديد وصيته من
بيج لونه احمر
لان اعرفه يحب هذا اللون عليه رشيت
عطر نازك وخليت بس
كحله
طفيت الضوه كعدت انتظره ابني
كعد شلته وكمت ارضعه نام وره مشوار
كمت خليته بجربايته
وغطيته
اني يمه هو طب يحجي بجهازه
شافني ارتبك وكام مايعرف شيحجي
سد الباب صافن عليه
كال
«،،،ها ابو حيدر باجر اي باجر عندي
شغل اترخص
سد الخط رجع قفل الباب وعيونه عليه خجلت من
نظراته ونزلت راسي ضحك
وكال
«،،انفك الحضر موو
مارديت اجه بسرعه عليه حظني
وباسني بلهفه ضاع وضيعني ويا وتخبل
بذيج الليله وحسيت
هاي جانت ليله عرسنا اني ويا
نمت بحظنه اسمع دكات گلبه ادك
بقوه خليت ايدي علي
لمني لصدره
وكال
«،،اللسان يحجي ويكول احبج
واعشگج والگلب
هم
رفعت روحي وبسته من خده الي بي
الوحمه غمض بست عيونه
وحده وحده كلت
«،،واني هم احبك حب مايوصفه قلم
حظني ورد بصوت متغير
«،،عوضيني غيده خليني اعيشن وياج
وتصيرين اليه اهلي وناسي
وعزوتي
جاوبته
«،،وانت هم صير اليه اهل وسند
وامان
جنات
خلال هالشهر كلشي تغير بيه نفسيتي
صارت احسن والابتسامه رجعت
لوجهي لان بيتي
رجع اليه
جنت اعرف يم الله مايضيع حق وحقي
رجعلي بفضل واحد لحد هسه
ماعرفته منو هو
كاعده وي اسماء نشرب جاي
وناكل لفات كباب طاوه
«،،هذا الكباب يخبل اكيد انتي سويتي
«،،،لا دانيه اني سويت هاي الفطائر
«،،،عاشت ايدج انتي وياها
«،،وايدج حب
شربت جاي كملت
«،،تدرين دايخه بهذا الي ساعدني
واريد بس اعرفه منو هو
«،،ماعرفتي لحد هسه
«،،لا والله ودخت واني افكر يعني انتي تعرفين
بس ابراهيم الي واكف وياي وتدرين
شسوه اليه وشفته تفاجأ من
عرف بهل الموضوع وكال
مو هو الي حاجي
وي الشيخ
سكتت وكملت
«،،وانتي تعرفين ابويه واخويه اخر همهم اني
«،،،اي والله اعرفهم
هبه طبت شايله اوراق اناقه فول ومكياج
طوخ وتحجي بجهازها بصوت عالي
وتضحك هالبنيه ابدا ماجنت
ارتاح الها لان خفيفه كلش وماعدها
حدود بعلاقتها وي الموظفين
تشاقه وياهم وماخذه
ميانه مو حلوه
وي الكل
خلت الاوراق كدامي وكالت
«،،وقعي ذني
«،،شنو ذني
«،،شغل القسم غير
«،،منو سلمه الج اني مو كلت خليل يشتغله
«،،ماكدر وسلمه اليه
اخذتهن ادقق بيهن حجت بضوجه
««،يمعوده دققتهن بس وقعي
«،،،لحظه
نترت بيها لان حجت وياي بهل الطريقه
كملت
«،،خلي ادقق لا هم عندج غلط
«،،،اترخص حب
سدت الخط وجاوبتني بغضب
«،،،يا غلط عيني تره شغلي اضبط منج
«،،اي نعم
جاوبتها باستهزاء تخبلت وكامت تصيح
عليه
«،،شنو هالاسلوب وليش،كااعده تستهزئين
بيه
«،،لاتصحين تره انتي بدائره حكوميه
اسماء حجت وكملت
«،،وبعدين شنو هالاسلوب الي تحجين بي
وياها
«،،لازم انتي المحامي مالتها
جاوبت بنتره
موظف طب اسمه مازن وهذا اكبر لوگي
هنا وابدا ماجنت ارتاح اله
لان شفت منه نظرات
مو حلوه
حاول يفتح حوار وياي بخصوص حياتي
من شافني ضجت وجاوبته بنتره
سحب روحه مني سأل
«،،،شكو شبيكم صايره مشكله
حجتله الصار باوع عليه ابتسم ورد
«،،يله لاتزعلين تره ست جنات دقيقه
بالشغل وماتحب اي غلط
«،،هاي شنو استاذ مازن انت هم ادكول
اغلط بشغلي
جاوبته بنعوصه لعبت نفسي منها
حجيت بروده
««،،شغلج كله غلط بغلط واستاذ ارشد
نبهني على هذا الشي
واعتقد نبهج اكثر
من مره هم
«،،اااي شوفي لشغلي واذا اكو غلط
اااحجي
صاحت بيه بصوت عالي استاذ ارشد
طب عاكد حواجبه
هي ماشافته لان منطيته
ظهرها كملت بنفس
النبره
««،،يله فضيهااا ودققي الشغل
مازن شافه حجه
«،،،اهلا استاذ
اندارت شافته ارتبكت حجه بهدؤ
بس بي نبره غضب
«،،،انتي شلون تحجين وياها هيج
نسيتي هي مسؤوله عليج
واكبر منج بالعمر
«،،استاذ هي حجت وياي باستهزاء ووو
فزيت من ضرب الميز مالتي بقوه وصاح
«،،،ولااا كلمه
سكت يخزر بيها وكمل
«،،اي شي ادكول علي ست جنات تسوي وبدون
نقاش ااافتهمتي
«،،استاذ خلي افهمك ست هبه موو
«،،انت شعندك هنا
جاوب مازن بنتره وكمل
«،،تفضل على شغلك وبعد لاتتدخل بشي
مايخصك
مازن فشل وطلع من يمنا نتر بيها
«،،اافتهمتي شحجيت
«،،اي استاذ
««،يله تفضلي وروحي لشغلج شوكت
ماخلصت ست جنات الاوراق هي ادزها الج
عرفته سمع الحجي كله هي طلعت من يمنا
الخلقه مگلوبه كلت
«،،استاذ اني ماحجيت وياها هيج الا
من شفت اسلوبها وياي بالكلام
«،،لاتبررين اني اعرف الموظفين الي عندي
جاوب وكمل
«،،مره ثانيه اذا جاوزت وياج بالكلام
بلغيني واني اعرف شغلي
وياها
«،،،لا مايحتاج استاذ اني اعرف اتصرف
وياها
«،،تمام
جاوب وطلع من يمنا اسماء اجت يمي
كالت
«،،،شلون رزاله تسوه عمرها هي وذاك اللوكي
مالتها
«،،،اسكتي اني فشلت لان فزيت من ضرب الميز
بقوه
«،،ههه اي شفتج بس والله عفيه بي
فرمتها هي ومازن الحقيره شلون تحجي
وياج ولا عبالك الواكفه كدامها
مسوؤله عنها
«،،،،هي ماتشوفني مسؤوله عليها لان اني ماخذه
مكان خديجه مؤقت
««،،اي مايخالف بس هم تحترم انتي اكبر منها
وهم ماخذه مكان مسوؤله القسم
«،،عوفج منها وخلي ادقق الاوراق واشوف
شغلها للخاتون
«،،،هسه تلگين بلاوي
ابتسمت كعدت ادقق وشفت البلاوي
دزيت على خليل وطلبته منه يرجع يشتغله
من جديد
ليلى
السواه قائد بدكتور رواد خلاني اخاف لا
هم يرجع يتعارك ويا بس ارجع
للدوام اخذت اجازه
شهر حتى هم ارتاح ووضعي يستقر شويه
هو ماحجه شي سكت وما لح على
سالفه كعدتي نهائيا
منه
بليل كاعده احجي وي غدو
واضحك
«،،،،،بله صدك حمزه ينغار من علوش
هههه ولج كلهم هيج مو بس هو
قائد باوع عليه وابتسم كملت
«،،،هههه اي وبعد وبعد راح يزعل قائد
كلشي،ماعدنا وجان ينغار وشايله
هم من يجي ابني شراح
يسوي بيه من
وراه
«،،،العب بيج طوبه اذا التهيتي بي وعفتيني
اليه
جاوب وخربت ضحك كلت
«،،،ها سمعتي ولج يتحلف بيه ههههه
حمزه هم يتحلف يمممه منهم
اليكول متفقين
علينا
سمعت ابنها كام يبجي ترخصت وراحت
هدد والعيون تضحك
«،،اذبحج ولج اذا عفتيني والتهيتي
بالزعطوط مالتج
«،،جاي تهدد قائد افندي
«،،،اي وتهديد شديد اللهجه
جاوبني وقرب مني ردد
«،،انتي الي وبس ياشريان گلبي
«««ومن جماااان
خرب ضحك واني ويا رد
«،،،شفتي تره مو بس اني اغار حمزه هم طلع
مثلي
«،،ههه اي وصاير يزعل على غدو
«،،،خلي ادكول اله تورطنا بعد وراح ناكل
تبن
«،،لا بله انتو الي تورطتو مو ليش ماادكول
احنا الي تورطنا وانتو شكو عليكم
شايلي بطنكم لو انتو الي
راح تجيبو
«،،هههه هم صدك
«،،، انتو الي ورطتونا وفوكاها بس تزعلون
علينا
«،،،ماراح ازعل بس اسكتي
«،،،لا وعايزه تزعل قائد افندي وعلى شنو
تزعل الابن ابنك ولازم تتحمل
كلشي علموده
«،،،وجان تبدي تنكد عليه
«،،ها اني هسه صرت نكديه
«،،لا يابه اني
«،،«جاي تستهزء موو
«،،،لا واني اكدر
«،،لا النبره واضحه
«،،،مشعوله الصفحه الهرمون شوكت يطفى
عندج
«،،،ماايطفى دومه مشتغل
«،،اشتعل اهله
«،،تحجي على هرموني ليش
«،،،اكلج نامي
«،،،بكيفك انام
«،،يامال الجتله كافي تره راح اجرم بيج
«،،خلي اصبع واحد وشوف شاسوي
بيك
خله اصبعه على خدي وكال بضحك
«،،هذا خليته شراح تسوين بي
بسرعه جريته وعضيته بقوه صاح
«،،ااخ خرب صفحه اا
خزرته غير
«،،اهلي
«،،،عيب تحجي على اهلك
وجر عدل لا انكد عليك
بهل الليله
«،،،ولج بيج بخت وحامل لو ماا
«،،،اي نعم شسوي
«،،،ابوسج
باسني من خدي ضحكت كال
«،،هو گوة والله مااكدرلج
خله عيونه بعيوني الوجه يضحك
كمل
«،،احبج ولج شما سويتي بيه واحب نكدج
وخبالاتج عليه واموت بيها
لان تذكرني بذيج
الايام الحلوه
ابتسمت وجاوبته
«،،تذكر شجنت اسوي بيك وانت تجي
ترضيني
«،،اي وجنت من انحضر ارزل
روحي اكول ولك
انت ليش
ماتسكت وتاكل خره وادكول
اي وانت الغلطان
«،،ههه لا حشاك
سكت واني هم عيونه راحت لشفتي
كال
«،،،مشتاگ ياشريان گلبي
قرب وباسني لمني بحظنه وعشنا ليله
حلوه
قائد
روحي ردت اليه من تراضينا اني وليلى
هي بس الي تگلب عالمي وتخليني
اضرب التل ومااندل
هي بس الي
تضحگني وتبجي عيوني
كاعد وي الولد بكافي مبتسم اذكر كلامنا البارحه
والصار بعدين
حسين كال
«،،نحن هنا يمعود مو كافي سارح وي
الطليان
،،،قصدك وي الحب مالته
مهيب حجه بضوجه دفرته وكلت
،،،وانت شكو ضايج ولك
سكت ماحجه شي حسين كال
«،،ها غراب شمسوي صرت اخاف من هالنظرات
والخلقه من تنگلب اكول مسويله
مكسوره وجاي يبجي
يمنا
ذب حسره وكال
«،،ولكم اني راح اتخبل من الجاي اشوفه
«،،،شنو الشفته يابه وتريد تتخبل من
وراه
حسين ساله رد
«،،ولك اخ مو بنيه هاي ذيبه ونسره
««،،منو ام يمامه
«،،اي ولكم اكو غيرها
«،،شسوت هالمره هههه هم مسحت بكرامتك
الگاع
حسين رد كملت
«،،ها ولك هم صخمت وجهك وياها
«،،،لااا
نتر ضايج كمل
«،،انسوه ذيج السالفه ولاتخلوني اتندم
حجيتها الكم
«،،،صار ادلل بس احجي شصاير
وريح گلبنا
«،،ولك حسين شاحجي واني لحد هسه
مو مستوعب الشافته عيوني
سكت وكمل
«،،ولكم شباب من ذوله الدايحيين الي
يكبسلون طبو منطقتنا ابن اختي احمد واخوته
بره يلعبون طوبه ضارب واحد
بدون قصد وذاك هو
وجماعته كاضبي
هو ومحمد وچاتليهم
«،،صددك تحجي
««،،،اي ولك اي وهاي من شايفتهم هيج
هدت عليهم بربد كرك مكسور
وفاكتهم
مهيب
حجيت هالكلام وشفت بعيونهم نظرات
الاعجاب ضجت وورثت جگاره
اخذت نفس طويل
عطبت بي گلبي
قائد كال
«،،،وهي خما تاذت
««،واحد منهم ضاربها بسجين وجارح ايدها
جاوبت قائد حسين سال
«،،ولك الجرح خما غميج
«،،اي واخذتها هي وولد اختي خيطوه
الها
«،،وذوله شسويت الهم
جاوبت حسين
«،،لعبت الحزام عليهم وطلعت حرگه گلبي
بيهم
«،،زين ماسويت اشتكيت عليهم
اي قائد اني وبيت عم سامي وكم بيت من
الجيران
لان اعتدو على ولدهم
«،،خرب ولك ذوله شنو عصابه ويفترون
بالشوراع
حسين حجه وسال
«،،،وانت ضايج من وراها مو
صفنت علي من ابتسم كمل
«،،يول عبالك انت وكعت على وجهك
ومحد سمى عليك
«،،لا يابه شنو وكعت اكلك معجب بقوتها
اي غير شي ماكو
،،،اي نعم اريد اصدق يابه اذا ماطلعت
تحبها اني كلشي ماافتهم
جاوبني يضحك كلت
««،كتلك ماكو هيج شي وبعدين هي
وين واني وين فرق جبير بينا
«،،ليش يعني قصدك لان ارمله وعدها بنيه
وتشتغل بيتكم
«،،لا قائد مو هذا السبب
«،،عجل شنو السبب
حسين سال رديت
«،،،السبب هو العمر اني اكبر منها بهوايه وهي
تموت مني تشوف دم سنونها
ولا تشوفني
«،،اي من جفصاتك وياها يالبومه
حسين رد قائد كال
«،،،بله العمر عوفه اكو جثير ازوجو الرجال
اكبر من المره بس مال تكرهك
هاي مالها دوه
تذكرت كلامها وذبيت حسره
«،،ولك اشو تتحسر احجي طلع
الي بگلبك لايروح يكتلك وتفطس
حسين حجه يضحك
«،،اخ ولكم كتلها خما بعده گلبج شايل
عليه وسكتت يعني شنو
بعده گلبها اسود
وحاقده عليه
«،،حيل بيك وابو زايد الي يجي من ايده
الله يزيده
دفرت حسين وكلت
«««كوم ولك ولي منااا اني معطب وانت
جاي تحرگني بعد اكثر
«،،ههه لا راح اسكت
««،اي انجب واكعد من خفت هالخلقه اليكول
عدو اليه مو صديق
«،،،ههههه والله انت مو خالي
«،،،خرب خالي وخرب عمي قائد سكته
تره راح اكوم اجفص بمصارينه
«،،اسكت يمعود وجفي شره لهل المخبل
«،،والله بس اني صاحي بينكم
جاوب قائد يضحك جهازه دك جاوب
كال
«،،اي جاي حب
غميته وكلت
««،اي روح ياطلي
مشى يغني
««،اسود گلب ثاريك بس ابيض هدوم
والحقد بين بيك من اكعد واگوم
«،،نعل اااهلك
كمت علي قائد گضبني ذاك ركض
خربان ضحك صحت
«،،ااني اعلمك گواااد
«،،اكعد ولك فضحتنا
«،،،قائد هذا فد يوم ادوس بطنه
«،،ههه ولك عوفه شبيك اليوم جاي
متخبل علينا
كعدت وورثت جگاره اللخ سال
«،،يول اني جاي اشوفك صارلك فتره
بس تصفن وبالك مشغول
بهل البنيه يعني
من تكعد تحجي بيها ولاحظت
عليك كلشي يتغير بيك
من اجيب طاريها
«،،ماكو شي من الي بالك
«،،واذا اكو شكو بيها
«،،قائد كتلك اعجاب غيره ماكو
سكت بعد ماحجه شي التهينا نحجي
بغير موضوع بس بالي كله
يمها
جهازي دك جان ابويه جاوبت
«،،ها يابه
«،،ابني تعال للبيت جماعه راح تجي
علينا من وره ذوله الساقطين
،،،تمام جاي هسه
ترخصت من قائد كام وكال
«،،اني هم راجع
رجعت لبيتنا وصلت نزلت رحت للاستقبال
ابويه كاعد هناك سلمت وكلت
«،،شوكت يجون
«،،بعد شويه
«،،،تمام بس يابه تنازل ماكو الي يحجي
وياك گله ناخذ حگنا بالقانون
«،،،اي عجل شلون بحال فلوسهم
اني وهم جاتلين ولد بنتي
وساحبين سجين
عليهم وضاربين
حنين
«،،اي يابه ثائر جاي
«««اي خابرته وكال جاي
«،،تمام
كعدت اهز برجلي انتظر ذوله يجون
وره مشوار ثائر اجه ويا خوالي
نفس،،،،،الكلام كتله ونفس
الرد كاله مااتنازل
وراه بربع ساعه الجرس اندك طلعنا
كلنا استقبلنا ناس معكله اخذنهم
للاستقبال كعدو جبيرهم
حجه
«،،،احنا جايين نتعذر منكم على سالفه
ولدنا الي سوها بولدكم
«،،،اعتذراك مقبول لان اجيت وطبيت
بيتنا
ابويه جاوبه الوجوه شويه فگت
نفسه حجه
«،،وهم احنا واكعين عليكم ونريد منكم
تتنازلون عن ولدنا وشتريدون
احنا حاضرين
«،،بهاي اكلك اسف مااكدر اتنازل
ابويه رد الوجوه انگلبت كمل
«،،اني مو بحال فلوس ولا رايد منكم فصل
لان السوو ولدكم جبير بحگنا
سكت وكمل
«،،باي حگ هم يطبون منطقتنا ويعتدون
على ولد بنتي
«،،ابنكم ضرب ابنه بالطوبه
«،،ضربه بطلقه يعني
نترت بواحد بكبري ابويه اشرلي كمل
«،،اي صح ضربه بالطوبه بس ابن بنتي
اعتذر منه وهو ماقبل اعتذاره
وجتله هو والويا
واخوه هم
«،،ااي وابنك ماقصر ماراح للمركز وبحجه
الرتبه مالته كتلهم بالحزام
نفسه حجه ابويه رده
«،،عوف الرتبه على صفحه لو انت بمجانه
ماتسوي هيج
سكت نتر بي
«،،اشوفك سكتت مالك جواب
«،،حجي احسبها علينا وكول جهال
وغلطو
«،،لا مو جهال ذوله كبار ويعرفون الغلط
من الصح
رد هالكلام خالي جواد حجه
«،،چا اذا ادكول عليهم جهال وصغار ليش
ماگضيتوهم بالبيت وعلمتوهم
الادب
محد رد خالي عابد كمل
«،،لا وشايلين سجاجين بعد وساحبيهن
على ولدنا وضاربين البنيه الي
تشتغل يمهم
«،،طيش شباب
«،،لا قله تربيه
نترت بغضب العيون صارت عليه وذاك
الي بكدي خزرني كمت لحيلي
اخزز بي وكلت
«،،نزل عيونك ولك لااا اجي افكسهن
فز وصاح
«،،،قرب وشوف شلون مااني افسك
عيونك الك
هديت علي ثائر وابويه وعمامي وكفو
بوجهي جبيرهم دفعه وصاح
بي
«،،ااطلع ولي مناا
طلع يهدد بيه ابويه صاح
«،،ااسمعو كلكم اي شي يصير على ابني
انتو المسؤولين عليه والسوه
ولدكم راح ناخذه
بالقانون غير
هالكلام
ماعندي
اعتذرو من عدنا وطلعوا اختي طبت
صايره فد مره حجت
«،،يابه حلوها بالتراضي لا يرحون
يسون شي لمهيب لو ولدي وثائر
«،،،منو يسووي ولج تاايهين احنا الهم
صاح بيها وكمل
«،،،والله لو ما انتي وهذا خوفج الا اني
داك بيوتهم من زمان
««،ادري هالنار ليش خلف هيج
ولد
حجيت بغضب هو رد
«،،،من وراها هييي بس خايفه وترجف
على ولدها وواحدهم صار
بكد الثور
«،،ااني ام وخايفه عليهم وعليكم
،،،،لاااتخافين الروح لو بحظنج يجي ربج
وياخذها
صحت بيها طلعت تبجي خوالي حجو
«،،،اسمع ابو منير احنا راح نبلغ شيخنا
والكبار بهل السالفه وانت
هم بلغ شيخك
بيها وشوف شراح نسوي بيهم
بيتنا بويه وكاعدين
يهددون بينا باطل
والله مو زلام
احنا اذا مااخذنا حگ ولدنا
ووحگك وياهم
«،،،اي هو هم هيج هسه اخابر شيخ
تميم واگله عبالهم اني مكطم
ماعندي احد وعشيرتي
لو حجيت كلمه
تجي تسد
الشمس
يمامه
جنا كلنا واكفين بالصاله الحجيه ماقبلت
تظل بالغرفه سمعنا الحجي
ومن تهدد ابنهم
تخبلت وكامت
ادك على رجلها وادكول
«،،،ولجن هذااا هدد مهيب وذوله مبين
شرانيين وراح يسوله شي
من طلعو اخته راحت لجوه هي رادت
تروح بس ماكدرت ادكوم
حجت وهي تبجي
«،،ماابيه حيل اكوم حيلي راح وتخيطت
رجلي
ضربت على رجلها الزينة وكملت
«،،ولكم فوك السويتو بولدنا جايين
تهددونا بيتنا
عمو اجه راه رجال كبار بالعمر وابنهم
ورجل بنتهم ردت اروح من يمهم
اني وخاله الحجي اشر
عليه كال
«،،شوفها هالبنيه من الله يستر عليها
لوما هي جان جتلو احمد
««،بارك الله بيج بنتي وحگج ماراح يضيع
ناخذه الج من شواربهم
ماحجيت شي من حجه خالهم الجبير كمل
من شاف وضع الحجيه
«،،هاي شبيج زينب وليش هالبجي
والصياح
«،،تسالني جواد وانت سمعتهم شلون
هددو مهيب
«،،واحد هدد وماقبلو اله اهله
««،اي وهذا الواحد اني خايفه منه
«،،شوفو واعرفو اختي طالعه المن بهل
الخوف
هو رد بضوجه نترت بي
«،،ووولك ااانت مااخذ الدنيا بحيلك وذاك
اليوم ردت تموت ولوما البنيه
ذيج من الله ينطيها العافيه
تجي وتفكك من
الموت جان
هسه انت جوه التراب
عيونه صارت عليه انسحبت ورحت
للغرفه كعدت يم يمامه وصفنت
عليها اذكر كلامه
واكول
كلامه جان صح لان لو صاير بيه شي
هي وين تروح وشراح يصير بيها اذكرت
وصيه اختي وشلون وصتني عليها
دموعي نزلت وكمت ابجي واتخايلها
بين ايدي تنازع الموت واتوسل
بيها ماتعوفني تالي
عافتني وحدي
وخلت بركبتي
امانه جبيره
بنفس الليله هو اشتكى على هذا الي
هدده وذبه بالسجن وي ذولاك
الجو توتر بيهم من وره هاي السالفه
ومرت ايام وهو داك رجل ومايقبل يتنازل عن
الولد
الحجيه جانت ماتقبل اسوي شي من وره جرح ايدي وخاله هم بس اني جنت اكابر واكول
مابيه شي واشتغل حسيت بهل الايام
جرحي التهب وكمت اصخن
ماحجيت شي
خجلت اشكي الوجع ااي اني بي وهم جانو
ملتهين بهاي المشكله ومو منتبهين
اليه
بليل حسيت حرارتي صعدت فد مره نايمه
وافز كل ساع كعدت صايره فد
مره واحس جسمي يطلع
نار وصايره تنور
كمت ردت اوكع ،،،كمت
اتنفس بسرعه ردت بس اروح
للحمام حتى اسبح
بمي بارد
سحلت روحي للباب فتحته مشيت
بصعوبه عيوني غوشت
ولزمت الحايط من
الدنيا افترت بيه
شفته هو نزل
بسرعه وصاح
«،،هااي شبيج حنين
انهاريت هو لزمني
مهيب
نزلت لجوه اريد مي شفت حنين طلعت
مااعرف شبيها لزمت الحايط
بسرعه رحت عليها
وكعت كضبتها
من گفه هدومها حسيت حراره
تطلع من عدها صحت
«،،،ولج هااي شنو صايره نار
كامت تفز بين ايدي صحت
«،،خاااله ياااابه
شلتها من صارت فد مره هم اجوي بسرعه علي
«،،،،يممه هاي شبيها حنين
«،،،صاايره ناار وينكم عنها ماااكلت
انتبهو الها
صحت بغضب ابويه كال
«،،ولك غسلو الها بمي بااارد بسرعه
شلتها للحمام كعدتها على الكرسي
تكعد علي امي كلت
«،،،حنين تحملي هسه نبرد جسمج
فتحت المي البارد عليها فزت وعاطت
خاله كالت
«،،اسم الله يمه الزهره تحملي بنتي بس
نبردج
مالت گضبتها خاله بللتها بالمي وكالت
«،،مهيب يمه كافي خلي نلفها بالمنشفه
ونطلعها
«،،اي خاله بس،بدلي الها خلي ناخذها
بسرعه للمستشفى
شلتها منتهيه لا فتحت عيون ولا
حركت ايد طلعت
بيها ابويه
يروح ويجي يم الحمام كلت
«،،يابه طلع السياره بسرعه
«،،اي ابني
اسمع امي تصيح
««،،ولكم شبيها البنيه وشجاها
«،،،،تخربطت وراح ناخذها للمستشفى
ابويه رد وراح لبره
خليتها على الجربايه بنتها كامت تبجي
كلت
«،،،خاله بسرعه بدلي الها
«،،،اي يمه اي
شلت بنتها وووديتها لامي طبيت
كالت بخوف
«،،،ولك شبيها حنين
«،،مصخنه وصايره فد مره
خليت يمامه بحظنها كامت تبجي
كالت
،،،هاي اكيد جرحها التهب
«،،،كتلكم ديربالكم عليها ليش،محد انتبه
الها
جاوبت وطلعت صعدت لفوك بدلت
اخذت محفظتي ونزلت بسرعه رحت يم
غرفتها سالت
«،،ها خاله كملتي
«،،اي يمه تعال
طبيت جانت بحظنها مغمضه كلت
«،،تكدر تمشي
«،،،حنين يمه تكدرين تمشين
سالتها
ماجاوبت كامت رادت توكع تقدم
هي گضبتها ومشتها وياها مغمضه وتجر
برجلها اني امشي بصفها خايف
لاتوكع
وصلنا لسياره ابويه كال
«،،،سلامتج بنتي ماتشوفين شر
ماردت لان وضعها جان فد مره
خاله ساعدتها وكعدت ليوره خاله يمها
صعدت وحركت بسرعه شفتها
تمددت بحظنها حجت
بخوف
«،،هم صخنت
«،،هسه نروح للمستشفى الاهلي وهم ينزلون
الها الحراره
«،،،اي يمه
«،،خاله ليش ماانتبهتو عليها مو كلت
تره راح اصخن
«،،والله يايمه التهينا بسالفتكم وي ذوله
الدايحين
«،،انعل ابوهم لا بو الجابهم يريدوني
اتنازل وهم شوفي شمسوين
بيها
وصلنا نزلت قبلهن فتحت الباب ادحك
الها صارت فد مره خاله
اجت من الجهه الثانيه كالت
«،،،يله حنين امشي
ماكو استلام كلت
«،،ماتكدر خاله خلي اشيلها
شلتها وركضت بيها للطوارئ خليتها
على سديه دكتوره اجت
سالت
««،شبيها البنيه
هي انجرحت قبل فتره وعبالك جرحها
التهب
فحصت الجرح كالت
«،،،،،هاي شنو ليش هيج ملتهب وحرارتها
فد مره صاعده
حجت وي ممرض بسرعه راح من يمنا
رجع جايب ابره ومغذي خلوه
الها والابره بي
كعدنا يمها ادحك الها مبين عليها التعب
والمرض ورة مشوار خاله كالت
«،،اروح اغسل وجهي واجي
«،،تمام
طلعت من يمي ظليت وحدي يمها سمعتها
كامت تهذي كمت ورحت يمها
«،،لااا
حجت بصوت ناصي
«،،،لااا يابه لاتضربني عوووفني
عكدت حواجبي من سمعت هذا الكلام
سكتت وكامت تشهك وتبجي
كالت
«،،لاتعوفيني
كامت تحرك ايدها مثل واحد يريد
يگضب. شي خليت ايدي
يمها گضبتها بهداوه
وكالت
««،،،حنين لاتعوفيني
شكرا لزيارتكم عالم روايات سكيرهوم
