رواية فصلية الضابط الفصل الخامس والثلاثون 35 بقلم زينب نور

•............ سمعنى صوت سيارات بالباب طلع ابويه ايشوف منو وسام ما موجود جنت واڪفه اباوع من الشباك 

شفت سيارتين نزلو منها رياجيل بيهم الي لابس رسمي وبيهم والي لابس زي العربي اشماغ وشفت وياهم واحد شايفته من جنت عند وارث 

واجت سياره ثالثه صفت ويا سياراتهم

سياره سوده عاليه نزل منها شخص ما مبين وجه داير ضهره شڪيت بي هو اريده ايدير وجه حتى اتأڪد هو لو لا حاولت اشوف صفحة وجه اردد معقوله وارث هذا ڪاعده اشوفه وما مصدڪه صار عندي تضارب بالمشاعر اشتياق على صدمه على فرحه على خوف ما اعرف شصار بيه 

أفرك بعيوني خاف يتهيألي كل هذا  

رجعت رڪزت بي لما دار وجه شفته

اي هو وارث هذا هو والله اجاني ما نساني  

احس گلبي ڪام يرگص صارت دكاته دمام 

مجرد ما شفته احس الدنيه ما واسعتني ڪدما مشتاقه الطوله 

اسمع ابويه ايرحب بيهم ويگول الهم اتفضلو اتفضلو هو اتقرب سلم على ابويه ودخل أخير واحد قبل لا يفوت التفت على البيت احسه يعرف بيه اباوعله ابتسمت 

رڪضت دخلت جوا دخل ابويه بدون ميباوع عليه گالي بويه حضري الچاي وماي بسرعه اجونه اضيوف

وطلع موبايله يتصل على 

وسام وگاله تعال بسرعه وخابر عمامك يجون همين

واخذ الماي ورجع يمهم 

حضرت الچاي ابسرعه ما اسيطر على حركتي شعور حلو بداخلي بس اكو خوف 

افتر بالمطبخ وأكل بأضافيري 

اريد اعرف وارث شعنده جاي 

معقوله رجع يطلبني من ابويه وارجع اڪول  

بس لا مستحيل ابويه وعمامي يقبلون 

شويه وسمعت صوت سيارة وسام وصل قبل عمامي اشوف وجه احتقن من عرف بوارث هنا وجايب مشيه ويا

دخل يمهم 

ورا بشويه وصلو عمامي ابو حازم ويا عمو ابو هشام بسيارته

ومن شفت تقي جاي وياهم احس انسحنت روحي وجعتني بطني اڪيد هم راح يتعارڪون وماخاب ضني عشر دقائق من وصولهم وعلت اصواتهم صارت الهوسه وصوت تقي رج الاستقبال وعمي ابو حازم يزمخ يسكت بي 

اباوع من ورا البرده اشوف وسام يدفع بتقي طلعه من الاستقبال 

وعمو ابو هشام طلع ورا يحجي علي ويرزل ويريد يضربه يكوله الله خالقك بس للطلايب ولمشاكل هدني ولك حلاوه للعرايك ابو المصايب وسام صار حاجوز بينهم 

منعو وماخلو يدخل جوا مره ثانيه

وصل يمهم حازم على دراجته جاي وڪف يمهم ايريد يفتهم شصاير 

وتقي احسه ايريد ينفجر يفتر بمكانه يسولف الحازم بانفعال يغلط ويفشر على وارث وعشيرته 

نص ساعه او اكثر وطلعو من الاستقبال وأولهم وارث طلع اشوفه مزعوج و عاگد حواجبه ويخزر بـ تقي ومن اقترب يمه ما اعرف شنو همسله 

                                            

              

                    

خلا تقي تنرفز اكثر يصيح ورا ورافع ايده يأشر:-تحلم تشوف طرف ثوبها يا عاار تحللللم ادفنك والله وما اخليك اتلوحها بعد

دار وجه وارث الى تقي رافع حاجبه مبتسم ابتسامه استفزازيه تك خد وغمزله متعمد يستفزه ايريد يخبله

وبدون ما ينتظر احد صعد سيارته وراح قبلهم

ولبقيه سلمو على ابويه وعمامي وصعدو سياراتهم وراحو 

وتقي فاير دمه ايروح ويرجع ما يثبت بمكانه 

يصيح على عمامي يڪول الهم

:- ولڪم صلفف رجال صلف مستهتر بيا وجه كولولي جاي ويخطب بيااا وجه ليش ما طيحتم حظه انتم مستحين من عنده لو شنو فهموني اطلعو انتم منها وخلووني اني ويا نتجازه معليكم بسالفه يعني بڪل عين صلفه بعد ما عدم حسام جاي ياخذ اخته 

وعمامي يحجون علي ويسڪتون بي وابو متخبل من تصرفاته يزمخ بي يكوله انت لا تدخل معليك بكل السالفه 

وابويه يڪوله

:-هو منو الينطي مره من ڪل عقلك لو يجيب الدنيه كولها ما انطي يغني بدون ابيوت بس انت يا عمي اكرمنا بسكوتك ومعليك بالسالفه لا تدخلنه بمشاكل احنا بغنى عنها 

وعمي ابو حازم يڪول الابويه 

:- ابو وسام فضها من يمك و اذا تقي بعده ايريد ندى خلي يتزوجها ويفض السالفه الضاهر هذا ميبطل ڪل يوم ولثاني ايدز احد ويحرجنه ڪدام الوادم وكل يوم جايب ويا عالم نستحي انردهم 

زوجها واخلص هذا افضل حل 

اشوف الڪل سڪت يعني عجبهم اقتراحه

رجعت شايطه الغرفتي احير شأسوي بروحي معقوله ايجبروني على تقي بس حتى ما ينحرجون و وارث ميرجع يطلبني منهم 

شويه وندك باب غرفتي سمعت صوت وسام صاحني اطلع 

عدلت حجابي وطلعت ويا گالي 

:- ندى عمامي يردون يسولفون وياج 

بموضوع 

هزيتله راسي ومشيت ورا واني اعرف شيردون من عندي 

دخلت سلمت عليهم وڪعدت يم وسام 

متوتره افرك بأصابع ايدي 

سئلني عمو ابو حازم على صحتي ومبتسم بوجهي يحاول يمهد الطريق للموضوع 

گالي:- عمو ندى احنا جاين نطلب ايدج من أبوج انريدج مره الابن عمج تقي 

بسرعه رفعت راسي اجت عيني بعين تقي اباوعله مركز بوجهي ايريد يعرف شنو ردة فعلي خزرته ونزلت راسي 

رجع عمو گال:- شوفي بنيتي منريد اتصيرين للغريب وانتي باعتبار صرتي مطلقه فـ بعد مايجيج شاب اكيد لو على شرج لو ميته مرته 

وهذا أبن عمج رايدج وهو أوله بيج من الغريب 

وتقي ما يتعيب الف ابنيه تتمنى وراح اتصيرين بحياته الاولى والاخيره

ها هسه شدكولين بنتي تقبلين لو لا 

ساكته اباوع للكاع اعرف كلامه صحيح بس ضجت خنگتني العبره واشوفهم ساكتين منتظرين جوابي 

            

              

                    

عصرت ايد وسام ونزلت راسي حيل ونزلت ادموعي 

ڪالهم وسام:- انطوها مجال اتفڪر 

ونردلكم جواب 

عفتهم وطلعت ابسرعه اسمع عمو ابو هشام يكول الهم

- ولو هو مبين جوابها بس هم ننتظر الخاطر هذا الاغم الما يقتنع ولا راضي يبطل من هل سالفه 

شويه وطلعو راحو 

وابويه وسام دخلو للبيت مبين بوجهم الضوجه 

كعد بالصاله صاح عليه ابويه رحت يمه كاعد هو وسام 

اعرف شيردون من عندي يردون يقنعوني اوافق على تقي 

صاحني ابويه اڪعد بصفه اجيت ڪعدت قريبه علي

گالي:- بابا نداوي اني ما اجبرج ولا اضغط عليج ابراحتج واني راح احترم جوابج اذا وافقتي او لا 

بس خلي اڪولج فدشي واخذيها نصيحة من أبوج اني اريد مصلحتج واتمنالج الخير وأعرف بتقي هاويج وبعده رايدج والا ما بقى مصر يرجع يخطبج حتى بعد ما رجعتي وطلقتي من ذاك الگو....... اد

الما يسمه 

رفع ايده على راسي يمسح بي  

اني ساكته ومنزله راسي خجلانه من عنده رجع گالي 

:-وانتي يابويه اختاري الي يحبج لا تختارين الي تحبي ترا راح تتعذبين هوايه

و وسام أيد ڪلامه گالي:- نداوي تعرفين بمعزتج عدنه ميحتاج انڪول ومثل ما گال ابويه محترمين رأيج سوا قبلتي اوو

رفضتي 

بس اخذيها من عندي نصيحه وافقي على تقي وأڪدلج ما راح تندمين والله تقي شاريج وأبن عمج احسن الج من الغريب 

ونشرط علي يخليج ترجعين تدرسين واڪيد ما راح يعترض 

اخذت نفس وگلتلهم:- الله ايخليكم افهموني ما اريد اتزوج ولا اريد ارتبط بأحد لا بتقي ولا بغيره 

من الحيره الي اني بيها رفعت أيدي على وجهي وبجيت 

گالي ابويه:- لا تبجين بابا ما ڪاعدين انجبرج فقط ننصحج حالياً ما تڪدرين تردين جواب اخذي راحتج بالتفكير وڪوليلي ماشي بابا طبطب على ضهري 

گمت منهم دخلت للغرفه 

افتر بيها اروح وارجع لما تعبت 

اشلون افهمهم اني احب الجان سبب بأعدام اخوي 

اوشلون اقنعهم روحي ما تقبل تنساه 

لليل رحت شفت موبايلي قبل لا أنام لكيت 59 رساله من رقم غريب 

و26 مكالمه فائته من نفس الرقم 

ما اعرف ليش حسيت هذا وارث 

دخلت اقرا بالرسائل وفعلاً ما خاب احساسي هذا وارث 

من خلال محادثته ولتناقض العنده رساله يترجاني أجاوبه 

ورساله يغلط عليه ويتوعدلي 

ورساله يهدد بيه اذا اقبل اتزوج غيره ولو قبلت بتقي 

قريت أخر رساله ڰمزت وڪفت على طولي اتلفت 

خفت وأيدي ترجف 

ڪاتبلي :- أني ورا بيتكم بالبستان راح انتظرج يم النخلات اريد اشوفج واحجي وياج  

شمرت الموبايل بعيد عني وكعدت أكل بأضافيري منين حصل رقمي زين معقوله منتظرني هسه شلون اطلعله لو لا

لا ما اطلع اذا يلكفوني ابويه لو وسام يذبحوني 

رجعت اخذت التليفون اباوع لساعه بـ11 

من الحيره وأفكر اشلون حصل رقمي واخذا 

رحت اتصلت على أيمان اريد اسولفلها 

بسرعه جاوبتني 

سولفتلها كلشي صار اليوم 

احسها تعرف ما تفاجئت 

گالتلي 

ايمان:- ندى اسفه حبيبتي والله ما اعرف شڪولج بس وارث يعرف بيج مسويه صفحه على الفيس بوك ودخل على صفحتي بالفيس من خلال صفحتج لان بس اني امصادقتج 

وراسلني وترجاني انطي رقمج ما قبلت بألاول بس كسر خاطري من بقى ايلح وگالي لان ايحبج أيريد يوصلج وعالساس انتي مراسلته قبل فتره قنعني 

ونطيته اله

            

              

                    

:- لج اشسويتي انتي تعرفين هسه هو وين ولج ورا البيت ويريدني اطلعله كاعد ايهدد بيه اذا ما طلعت اله يدخل للبيت ويجيني كوليلي شأصرف خايفه لا يعرفون ابويه او وسام شيسون بيه 

حسيتها خافت اكثر من عندي 

وتكول:- يمه عزه بعيني اشسويت اني ندى صدگيني ما ادري بي يجيكم عبالي بس ايخابرج والله 

سديته من عدها 

وطلعت اشوف الوضع شفت أبويه نايم ابغرفته 

و وسام هم گاعد ابغرفته يلعب بموبايله 

وجهال منيمتهم قبل ساعه 

رجعت لبست حجابي بس جسمي يرجف من الخوف 

ولخوفه صارت مغص وجع ب بطني 

فتحت الباب على ڪيف بدون محد ايحس وموبايلي بس رجاج ايدك صامت بأيدي طلعت اشوف صدك موجود لو لا شفت نفس الجڰاره وبنفس المڪان الڪل مره اشوفها 

رمشلي بفلاش الموبايل مرتين ضليت واگفه بمڪاني الخوف ثلج مطارفي 

رج الجهاز بأيدي أباوعله  

فتحت خط وخليته على أذني اباوعله ڪدامي يسحب بالجڰاره

اجاني صوته يحجي بصوت خافت  

:- شبيج واگفه تعالي صار ساعات منتظرج مو طيحتي حظي وحظ عشيرتي تعالي عاد وفضيها

واني اسمعه امشي بخطوات ثگيله 

وصلت قريب عليه ميزت ملامح وجه ذب الجڰاره وسحكها برجله اتقدملي سحب ايدي بقوه اله لطشني بي 

دفعته وبتعدت ليوره 

بس النفس ينسمع لا اني ولا هو نحجي 

رجع اتقرب عليه سحب راسي بثنين اديه وخلا گصته على گصتي وهمسلي بصوت خفيف

:- اااخ يابويه شكد مشتاقلج 

حس برجفة جسمي ابتعد من عندي 

كتله:- شجابك وارث ليش اجيت 

اشرلي على گلبه وگالي

:- هذا الجابني مايقبل ينساج ويقتنع انتي مترديني وعفتيني

:- الله يخليك انساني لا تعذبني وياك انت تعرف مستحيل ننجمع مره ثانيه والله ڪاعده احارب نفسي حتى اعيش حياتي طبيعيه ومثل باقي البنات 

وهاا خلي اگطع الأمل عندك ترا انخطبت وراح اتزوج 

:- المنو انخطبتي بله.. 

يعني تردين تزوجين.. 

ابن عمج العاار مووو.. 

يعني نفذ تهديده وخطبج وانتي وافقتي؟ 

رفع اديه على راسه يشلع بشعره ولغضب مبين بوجه اتقربلي اڪثر ويحجي وياي بصيغة التهديد گالي 

:- ندى تعرفين اذا عرفت بيوم من الايام مزوجته اشأسوي والله اموته گدام عينج اسود عيشتج مثل ما سودتي عيشتي 

ما تتخيلين شنو أسوي ارتكب بيكم مجزره وحق لا اله الا الله امثل بيكم تمثل  

انتتتتي الي وتبقين الييي الأخر يوم بعمرج لو الحضني ترجعين لو للگبر ماكو حل ثالث افتهمتيني 

:- اهااا يعني تريدني ارجع الحضنك وانت سبب دمار عايلتنه وانت سبب بأعدام حسام انجوم السما اقربلك مني وارث استوعب عاد بيناتنه ثارات اتكفه الشر وابتعد عني وبعد لا تتصل ما اريدك افهمها 

زلمني من ايدي نترتها من عنده 

            

              

                    

وعفته قبل لا يحجي بعد شي ثاني ورجعت ارڪض دخلت للحوش الهث اهفي على وجهي گلبي احسه مثل الدمام أيدك ابقوه

بس والله اكذب عليك اصلا ميته اني عليك اريدك

بس هيج احسن الي والك كافي مشاكل

ورا شويه سمعت صوت دراجه وصوتها ابتعد يعني هو راح 

فتحت الباب ودخلت اتختل الغرفتي 

سديتها وبعد باد حيلي كعدت بالكاع اعصر بملابسي وابجي بحرگه شأسوي يالله تعبت تعبت مابيه بعد 

ذيج اليله ڪوه ڪدرت انام 

بعد ما مسحت ڪل رسائله ورقمه انطيته حظر ومسحت الفيس بوك وترڪت الموبايل نهائياً 

وقررت اني احل الامور بطريقتي واخلي الكل يسكن ويبتعد من عندي 

كعدت سولفت ويا وسام انو اني موافقه على تقي بس بشرط ما اريد هسه لا خطبه ولا زواج لما اكمل دراستي بس خلي يسكت ويبتعد عني تقي لما اتقبله بحياتي 

فرح وسام ووصل التقي الي اريده 

وتقي وافق على شروطي 

ومارست حياتي الطبيعيه ما انطي مجال النفسي ارجع افڪر باي شي ملتهيه اقرا بڪتب الثالث وزهور رجعت للبيت وفرحانين بالصغير وسام سما حسام على اسم المرحوم وصار عدنه حسام الصغير وسبحان الله كلش يشبه نسخه من عنده شگد صار عزيز عند الكل وعندي صار مثل الهوى ما اشبع من عنده هو ونستي صار شايلته و ابوس بي 24 ساعه واني متبنيته زهور مالها دخل بي اتعود عليه ويحبني اكثر من امه هي بس ترضعه وتنطينيا 

ومشت الايام لا تقي رجع فتح موضوع الخطبه ولا احد ضغط عليه بس يعرفون موافقه على تقي ولكل ساڪت الطرفين واصلاً بطل يجينه تقي مثل قبل لان يستحي من ابويه و وسام وهذا الشي ريحني خدرت الطرفين هم تقي وهم وارث ميعرف موافقه على تقي

وبين فتره وفتره انزل برنامج الفيس بوك بس حتى ادخل على صفحة وارث اشوفه وارجع امسحه بسرعه ومرات بليل اطلع اباوع النفس المكان اليوكف بي وارث ويباوعلي بين النخلات

وشكم مرة رحت وكفت بنفس المكان شفت اكو اثار گطوف جڰاير يعني جاي لهنا واكيد شايفني 

وبين فتره وفتره تتصل ارقام على موبايلي هوايه بس ما اجاوب ابد على اي رقم غريب واني جنت متأكده وارث هو اليتصل لما كسرت السيم كارت حتى ما يرجع يتصل 

وقررت اعيش النفسي واتبع طموحي واوصل الهدفي بمساعدة ابويه وتحفيزه الي 

قدمت خارجي وأمتحنت ولحمدالله ڪدرت انجح بفضل الله ثم أبويه و وسام ابد ما قصر وياي وابويه هو الفرحان اكثر من عندي احسه مفتخر بيه ويشجع بيه اكثر واكثر 

وجبت ڪتب السادس وهم بلشت اقرا بيهن ودخلت دورات لشڪم ماده 

وأنيسي حسومي ڪبر صار عمره سنه  

وما انتظرت دخلني أبويه مدرسه أهليه ودرست سادس اختاريت الأدبي واحس بس دااحس اكو احد دايراقبني من بعيد لاحظت هلشي كل مره اطلع اشوف نفس السياره توكف بعيد وشخص بيها مبين شكله زين شكد ردت اعرف منو بس ما يقترب عليه من بعيد وابويه لاحظ هلشي وصار هو بيده ياخذني للمدرسه ويرجعني بأيده للبيت 

طلعت معدل عالي بس اختاريت القانون واحقق حلمي اكون محاميه

مابقى شي وراح ادخل جامعه 

كاعده افكر شكد مرت الايام واني مبتعده عن العالم وعن كلشي وصلت الاخر محطه وهي الجامعه ماباقي هوايه وادخلها وافكر شنو اشتري ملابس وشنو اجهز واتفقنا اني وصديقتي زينب وياي هم تدرس الوحيده هي الصادقتها وبقينه نتواصل اني وياها احسها قريبه عليه وتفهمني واني وياها مخبوصين بالجامعه وشنو نشتري فرحانه اشوف نفسي كدرت اوصل الهيج مرحله ؛ 

لما فديوم بليل ڪاعده وحسومي يمي يلعب بالعابه وخابص الجو يدردم يمي ميخليني اركز وأحضر شنو البس باجر العيد ميلاده صار عمره سنتين وفرحانين بي اتصل عليه رقم ما جاوبته

رجع يتصل مره ومرتين صار عندي فضول افتح خط واعرف منو هذا المتصل............

الفصل السادس والثلاثون من هنا 

شكرا لزيارتكم عالم روايات سكيرهوم