رواية كوميديا سوداء الفصل السادس و الثلاثون بقلم ليل ادم
ريهام: دكتور خالد اجتماع حالا لكل الأطباء و من فضلك المستشفى تتقفل حالا ممنوع دخول اي حالات و من دلوقتي نبعت بيان الي وزارة الصحة علشان نعرف الخطوه الجايه هتكون اي
الدكتور خالد: حاضر حاضر يا ريهام
في جانب آخر
احمد : (بدأ احمد ياخد مضادات الجلطات هو و جميله )
جميله: بقيت تمام
احمد : احسن بس مش زعلان إلا من حاجه وحده
جميله: اي هيا
احمد : يعني يوم ما أموت اموت معاكي
(و مبتسم )
جميله: بعد الشر عليك أن شاء الله محدش فينا هيموت
احمد : أنا بهزر معاكي يا جميله (وحط ايده على رأس جميله) بدأتي تسخني
جميله: انت ليه مش عايز تستعمل ترمومتر
احمد: أنا مش عارف احنا ممكن نقعد مع الوضع ده أد اي علشان كده لازم نتكيف مع الوضع افردي دراعك
جميله: أنا بخاف من الابر تصدق
احمد : ايدي خفيفه متقلقيش
الدكتور علي:(من الخارج) افتح الباب يا احمد أنا لابس الجوارب كامله متقلقش
احمد: استاذ علي أنا مش محتاج اي حاجه جوه هنا أنا طالب منك تتابع باقي الحالات ولو سحبت عينات مني ومن جميله هبعت لحضرتك علشان نتابع الفحص مع بعض
الدكتور علي: انت وجميله لو الوقتي قادرين على مساعده بعض خايف لو التعب شد عليكم محدش يقدر يساعدكم افتح الباب و اسمع الكلام
احمد : روح يا استاذ علي من فضلك
جميله: افتح الباب يا احمد هو صح
احمد : لو فتحت الباب يا جميله كل الطاقم الطبي هيدخل علينا منهم اللي واخد حذره ومنهم اللي مش واخد باله احنا بنتعامل مع أي وغير كده الاهتمام بينا ممكن يضعف حظوظ مرضا كتير عندهم نفس الإصابة علشان كده احنا لازم نكون عندنا وعي كافي لإدارة الازمه
جميله: خايف بس رد بصراحه انا خلاص رضيت باللي ربنا كاتبه الحمد لله على كل حال
احمد : طبعاً خايف اكدب يعني
جميله: ربنا يطمنك
في جانب آخر
الدكتور خالد: دكتور علي كل اهل بيت المريض عندهم نفس الإصابة
الدكتور علي: عددهم كام
الدكتور خالد: سبع أفراد
ريهام: وبعدين اعمل اي
الدكتور علي: لازم الوزارة تتحرك خلاص يا ريهام مينفعش الموضوع يمشي سر اكتر من كده احنا مش عارفين المريض اتعامل مع مين من معارفه الموضوع بقا وبائي يا ريهام كده خلاص
ريهام: أنا خوفي من العجز المالي لان اول بيان هيطلع من الوزارة هيكون تحول المستشفى الي حجر صحي انت فاهم بعد الكارثه دي اي اللي ممكن يتصرف علشان نقدر نفتح المستشفى من تاني
الدكتور خالد: يعني الوزاره هتتخلا عن المستشفى يا ريهام ولو حتا ده حصل من فضلك يا ريهام احنا دورنا ننقذ الناس مش نكتم عن الأخبار الصحيه وكمان مش اي اخبار دا فيروس وبائي
الدكتور علي: بس الفيروس ده جه للشاب ده منين ما لو الولد ده جاي من بره يبقا احنا في السليم الي حدا ما إنما لو الولد ده مكنش بره مصر يبقا احنا قصاد كارثه كبيره
مس سلوي: دكتور علي مس غاده تعبت اوي
الدكتور علي: خالد تعالي معايا
الدكتور خالد: معاك ياله
في جانب آخر
احمد شايف ناس داخله غرفه مس غاده تجري قفل شباك الغرفه خوفاً من قلق جميله
جميله: اي الصوت ده في اي بره
احمد: شكل في حادثه كبيره
جميله: طب ياله نخرج مستني اي
احمد : جميله اهدي انتي ناسيه ولا اي
جميله: (حطت أيديها على رأسها ) مينفعش نلبس جوارب كامله ونطلع
احمد : مينفعش احنا أصلا كلها ساعه ونبدأ نواجه صعوبة في الأكسجين تيجي تقوليلي نلبس جوارب
جميله: هو احنا ليه متأثرا ش زاي مس غاده
احمد : علشان مس غاده عندها مرض مزمن وفرق السن كبير
جميله: بس كده
احمد : طبعاً
الدكتور علي: (من خلف الباب) احمد يا احمد
احمد : نعم يا دكتور علي
الدكتور علي: انت كويس
احمد : دكتور علي هات مس غاده متقلقش أنا وجميله تمام
الدكتور علي: للأسف مفيش حل تاني جهاز الصاعق الوحيد في المستشفى جوه عندك ومش عايز أدخلها العمليات نخسر تعقيم الغرفه وتقفل الغرفه على كده
احمد : هات مس غاده أنا كويس والله
الدكتور علي: افتح الباب
احمد : لحظه واحده
الدكتور خالد: وسع يا خالد
الدكتور علي: خالد مفيش دخول احمد وجميله معاها خلاص
احمد : جميله أجهزي
جميله: أنا جاهزه
احمد : (سحب السرير جوه الغرفه ) حملي الصاعق
جميله: اضغط
احمد : كمان
جميله: اضغط
احمد : كمان
جميله: اضغط
احمد: رد الفعل كام
جميله: ٣٠ في المئة (وبتبكي)
احمد : مش هتموت يا جميله محدش هيموت تاني بصيلي وأنا بكلمك
جميله: حاضر حاضر
احمد : وحده الاكسجين بسرعه
جميله: امسك
احمد : دكتور علي ابعت أنبوب استرواح الصدر
الدكتور علي: لحظه واحده
احمد : اقفي ورا الباب هاتي الأنبوب
جميله: حاضر (وراحت عند الباب )
احمد : (بدأ في عمل شق في الصدر)
الدكتور علي: جميله الأنبوب
احمد : هاتي طرفه
جميله: امسك
احمد : أضغطي جهاز البي سي
جميله: تمام ماشي
احمد : ها عضله القلب أستجابت
جميله: تمام في تعديل في النسب
احمد: (مره واحده حس أنه دايخ حط ايده على السرير وحس بفقد التوازن )
جميله: احمد في اي
احمد : مفيش حاجه أنا كويس اهدي خالص
جميله: الضغط مرتفع جدا
احمد: اي
جميله: احمد الضغط طالع على قلبها انت كويس
احمد : اه اه أنا تمام هاتي ااااا هاتي سنتي (وهز رأسه كذا مره حتا يستعيد توازنه)
جميله: احمد هيجلها جلطه
احمد : سنتي فليس كب و اتنين ملي كورتيزون
جميله: حاضر
احمد : في الوريد يا جميله (وسند على الحائط)
جميله: ( لحظت عدم توازن احمد بعد اعطاء الدواء الي مس غاده جريت تسند احمد ) انت كويس
احمد : الأكسجين بيقل في جسمي
جميله: دكتور علي عايزين جهاز اكسجين تاني بسرعه
احمد : هاتي فليس كب تاني يا جميله
جميله: حاضر
احمد : ( ركب ل نفسه كالونا وطلب من جميله تركيب واحده ليها هيا كمان لتسهيل جرعات العلاج عليهم )
جميله: البس ماسك الاكسجين
احمد : هاتي مس غاده بقيت تمام
جميله: تمام فكره أنبوب الاسترواح كانت حلوه جابت نتيجة سريعه
احمد : ( هز رأسه)
في جانب آخر
ريهام: عمل اي
الدكتور علي: الحمد لله بقيت تمام الوقتي
ريهام: وبعدين هنعمل اي انت بتقول تمام وعارف أن كمان ساعه هترجع تتعب تاني وانا عندي دكتور ودكتوره و ممرضه معاهم نفس الفيروس اي مفيش حل هنقعد نعالج كل عارض ونسيب سبب المرض أصلا
الدكتور علي: قولي نعمل اي طيب يا ريهام انتي فاكره أن في يوم وليله خلاص هيكون في حل
ريهام: احمد وجميله أخبارهم اي
الدكتور علي: هو ده اللي وخد تفكيري مش عارف ممكن يستمر احمد و جميله أد اي على التماسك ده خايف الانهيار يكون سريع وفي نفس الوقت احمد بدأ يتأثر دليل على كده أن جميله طلبت وحده اكسجين تانيه
ريهام: خالد فين
الدكتور علي: مع اهل المريض بيمر عليهم
في جانب آخر
معتز : دكتور خالد هو ليه منبدأش نجرب لقاحات على المصابين
الدكتور خالد: علشان لحد الآن احنا حتا مش عارفين اي نوع الفيرس
معتز: اقولك حاجه أتمنا متزعلش مني
الدكتور خالد: قول
معتز: وجود الدكتور أحمد في المستشفى نفع وضر
الدكتور خالد: ازاي
معتز: نفع لانه فعلاً عبقري مفيش اتنين يختلفوا على موهبته وعبقريته وعنده ذاكرة حديدية تحس أنه كمبيوتر متحرك
الدكتور خالد: وضر في اي
معتز: خايف اقول حضرتك تزعل
الدكتور خالد: مش هزعل قول يا معتز
معتز : قبل ما احمد يوصل كان حضرتك والدكتور علي والدكتور عبد اللطيف والجميع كان كل واحد منكم بيطرح حل ويدور على حل لاي حاله مهما كانت صعبة مع وجود احمد حسيت أن كل واحد منكم رما الفوطه بقا احمد واخد الرايه وبما أنه على طول ناجح ومحدش منكم بعد اللي وصل ليه محتاج يثبت نفسه ف تمام لدرجه ان حصل عندكم تقل في التفكير اسف على كلامي بس ده اللي حصل
الدكتور خالد: عندك حق يا معتز الفتره اللي كان احمد معانا فيها كلها خليت كل واحد مننا بقا رافض يفكر في اي حل حتى لو الحاله خاصه بي بعيد عن احمد
معتز: للأسف
الدكتور خالد: بعد اذنك ( وخرج من غرفه الكشف)
في جانب آخر
احمد : اقفلي الاكسجين
جميله: بقيت احسن
احمد : الحمد لله أسحبي عينات لينا احنا التلاته يا جميله خلينا نشوف وصلنا لحد فين
جميله: حاضر ( وراحت تجيب السرنجات وفجأة وقعت على الأرض)
احمد : جميله جميله ( وحط ايده يجس نبض جميله حس أن النبض غير منتظم رفع جميله على السرير وبدأ في تعليق واحده الاكسجين ومراقبة حاله القلب و الأنشطة الحيوية )
خارج الغرفه
الدكتور خالد: احمد في اي عندك
احمد : جميله عندها هبوط حاد
الدكتور خالد : ارفع نسبه الوعي يا احمد وبلا تديها مستجرام
احمد : (مش مركز مع حد غير جميله مش سامع اللي بيتكلموا من بره وبدأ يتعامل مع كل طارئ يحصل مع جميله بس دون التدخل الجراحي لانه مدرك أن التدخل الجراحي معنا أن جميله خرجت بره الخدمه لحد ما تكون معافيه تماما من الفيروس ولا يمكن الاعتماد عليها إلا بعد شفاء الجرح
بدأت جميله في التعافي بس بنسب ضعيفة جدا وكان أحمد مستمر في علاج جميله رغم أن التعب اشتد عليه بدأ يأخذ نفس جرعات العلاج مع جميله يعطيها الجرعه ومثلها له والجميع في الخارج بدأ في تجهيز نفسه للدخول الي حجره احمد وجميله و مس غاده لكن لم يتمكن أحد من فتح باب الغرفه حتا بدأت جميله في عوده الوعي )
احمد : جميله انتي كويسه
جميله: (هزت راسها)
احمد : أنا معاكي متخافيش مش هسيبك
جميله: (ممسكه ايد احمد و بدأت تبكي واشاره الي رأسها أنها تشعر ب دومه شديدة)
احمد : حاضر استني لحظه (وبدأ احمد في رفع نسب الضغط وضغط الدم داخل الجمجمة و ضربات القلب)
في جانب آخر
الدكتور علي: احمد رد علينا طيب يا بني ادم
احمد : الحمد لله كويسه يا دكتور علي اهدا عليا أنا بتكلم بالعافيه والله
ريهام: افتح الباب ده انت ليه قافل على نفسك
احمد : يا استاذه ريهام والله لو فتحت الباب المشكله مش هتتحل بالعكس هتكبر أنا عارف انا بقولك اي
معتز: (بلوم شديد وخوف على احمد ) لما انت عارف انت بتقول اي مخدتش بالك من نفسك ليه بدال ما تتصاب انت عارف من قبل ما تدخل بالمريض انه عنده فيروس وبائي ليه أهملت لحد ما حصل كده
احمد : اللي حصل كان لازم يحصل يا معتز ربنا كاتب كل حاجه أنا عايزك تروح على غرفه الاستراحة تفتح الأبحاث وتمشي ورا علم الأوبئة وتلاقي حل لينا انتو معاكم وقت تقدروا تعملوا كده علشان جميله وعلشان مس غاده وعلشان الناس اللي هنا كلها انتوا تقدروا توقفوا الفيرس هنا قبل ما يطلع بره المبنى ونفووق على كارثه كبيرة
مريم : انت لازم تتماسك وتطلع يا احمد اوعي تستسلم احنا بنعمل كل اللي نقدر عليه بس محدش فينا عارف احنا بنوجهه اي
احمد : يا مريم أنا مقدرش البس الجوارب كامله أنا عندي صعوبة في التنفس أنا بتكلم معاكم بالعافيه لو عايزين تساعدوني بجد عايز الجهاز بتاعي وعايز أبحاث علم الأوبئة عندي هنا وحد يشوف عينات دم المريض صاحب الفيرس عايز اعرف الفيروس مات في دمه بعد موته ولا لسه نشط كل ده لو تحت ايدي اقدر أتحرك
مريم : دكتور علي انت شوف المعمل وأنا هجيب ل احمد كل حاجه
الدكتور علي: حاضر
وفجأة سمع احمد صوت انذار القلب اشتغل عند جميله
احمد : ( راح على جميله جري وبدأ في إنعاش القلب عن طريق اليد و رفع جهاز البي ار الي أعلا مستوي وبدأ في كشف نشاط القلب و الدماغ وحقن جميله عن طريق الوريد ببعض العقاقير الطبية لتحفيز القلب على النشاط استمر الوضع قربه العشر دقائق حتا استعاد القلب وضعه الطبيعي أدرك وقتها احمد أن الموت يحول بينه وبين جميله مما أثر على نفسيته بالسلب الشديد وبدأ احمد يشعر بأرتفاع درجة حرارته و احمرار العين و دوار شديد جدا وخفقان في القلب )
مريم : احمد الحاجة إلى طلبتها اهي
احمد : (حاول الوقوف لكن الدوار كان أثر على طاقته )
مريم : احمد رد عليا انت كويس
احمد : ( حس أنه لازم يفتح الباب لأن الفيرس تملك منه ولن يستطيع مساعده أحد )
جميله: ( بصوت منخفض) احمد
احمد : ( يحاول الاقتراب من جميله حتا لا تشعر بالخوف ويزداد وضعها سوء ) أنا جمبك يا جميله
جميله: (خدت ايد احمد وضمتها الي حضنها)
احمد : ( و كأن شئ ما يحدث في قلبه تجاه جميله شيء لم يشعر به من قبل)
جميله: رغم انك بتحب تضحك عليا بس أنا عمري ما حبيت حد قدك أنا بحبك يا احمد
احمد : والله ابدا أنا بهزر معاكي يا جميله انتي اول حد عيني تقع عليه هنا انتي ناسيه انك شريكتي في كل مصيبه كنت بعملها هنا
جميله: خليك جمبي يا احمد
احمد : ( تابع الإشارات الحيويه ل جميله وهيا تنهار أمام عينه بسرعه شديده ولم يتمالك احمد نفسه وبدأ في الانهيار على جميله وهو يكلم نفسه بصوت مرتفع) فين الموهوب اللي بتقوله عليه فين اشطر دكتور جراحه قلب وهو فاشل مش عارف يعالج اقرب الناس ليه حد يرد عليا انتوا بره بتعملوا اي والحالات عماله تموت حد يتصرف
الدكتور خالد: احمد اهدا انت بتتعب نفسك اكتر احنا بنعمل كل حاجه نقدر عليها احنا مش عايزين نخسر حد منكم اكيد
احمد : محدش ليه دعوه بيا ابعد عني
جميله: (بتشد على ايد احمد علشان يهدأ وضع احمد رأسه على كتف جميله وكان في حاله نفسيه لم يصل لها طوال حياته )
الدكتور علي: فحوصات دم المريض اللي مات ظهرت يا احمد احمد رد عليا وسع يا خالد عايز اشوفه
خالد : تعالي كلمه انت يا علي
الدكتور علي: احمد اسمع كلامي الفيرس بيموت بمجرد موت المريض يعني ممكن نتعامل معاه على أنه فطر اسود
احمد : (رفع رأسه و انتبه الي كلام الدكتور على وراح تجاه نافذة الباب ) عايز جرعه دم من الدم اللي سحبناه من المريض بعد وفاته
الدكتور خالد: هتعمل بيها اي
احمد : من غير ما حد يسألني عايز تلات جرعات منهم حالا بأسرع وقت
الدكتور خالد: خلاص تمام تمام اهدا
احمد : (رجع إلى جميله) جميله جميله جميله انتي مش هتموتي ردي عليا جميله افتحي عينك لا مش هيحصل لا مش هسيبك (وبدأ يرفع كل اجهزه البي ار الموصله على قلب جميله و تنشيط القلب عن طريق بعض العقاقير الطبية) جميله ردي عليا افتحي عينك انتي مش بتقولي مش هسيبك وعلى طول تقوليلي أنا في ضهرك اي زهقتي مني خلاص (وراح الي نافذه الباب وبصوت عالي) المصل اللي طلبته فين حد يرد عليا
الدكتور علي: احمد مد ايدك خد اهو
احمد : ( خد المصل وحقن جميله و مس غاده وحقن نفسه وبدأ يتابع سير نظام القلب بعد الحقن هو والجميع متمنين نجاح فكره أحمد في علاج الوباء )
