رواية قصة وجدان الفصل الخامس والثلاثون 35 بقلم انين الليل

لزمني بهاء من كتفي وكلي // اركبي بالسياره 

عتييت ايده بخوف وجاوبته =. وصلت ماكو داعي 

سحب ايدي وركبني بالسياره بدون ما يحچي وركب ودار السياره وصار يسوق بسرعه جنونيه خوفتني صرت اگله 

= انت وين ماخذني رجعني للبيت 

هو ساكت والسياره عبالك طايره = هاي شبيك رجعني للبيت والله اگول العمو عاصف 

بدون ما يباوعلي جاوبني بعصبيه // اششش ما اسمع نفس 

حسيت بكلامه تهديد جاوبته = ات شتريد مني او وين ما خذني

بقى ساكت فكرت بيني وبين نفسي = هذا اكيد سمع بغزوان خطبني 

اتذكرت كلامه بعدين طمنت نفسي ما دام عمو عاصف وافق ما لازم اخاف وخلي اتصرف بهدوء 

انتبهت نزل بطريق يشبه طريق بيت جدي لكن بعيد عنهم وبالجهه الثانيه وهذا ما شايفته وهناك كان اكو هواي اشجار 

ونخل دخل ابين الاشجار شفت بيت موجود بي وصلنه وكان السكون 

هو سيد الموقف نزل وفتحلي الباب وكلي // انزلي 

  رديت بهدوء رغم خايفه = وين جايبني ؟

  اتنفس بعمق //انزلي هنه كلمتين احجيهن تفتهمين مني وافهم منج

نزلت وهو فتح باب البيت وكلي // فوتي 

هالمره خفت هواي جاوبته =بهاء اهنا خلي نحجي 

ابتسم بسخريه // شنو خايفه مني 

= بهاء ليش جايبني لهنا شتريد مني

هالمره لزمني حييل من ايدي خوفوتني للبيت كان بيت بسيط ساحه ومقابيلها غرفتين ومطبخ وصحيات  

يعني يشبه البيوت القديمه ومبين بي ناس لان نظيف 

دخل للغررفه وهو لازم ايدي ما يقبل ايهدها وكلي // سولفي 

باوعت غرفه نوم بسيطه هو گعد على چرباية ام النفر واني بقيت واگفه مذهوله خايفه وريگي صار عبالك 

خشبه من الخوف رد عليه // سولفي وجدان 

هزيت راسي = شسولف ؟

اتقرب مني ويعاتبني بحرگه // ليش ولج ليش مو گلتي ما اريد اتزوج تجذبين عليه وتقشمريني وتقبلين بغزوان 

بقيت مدنكه والم بحلكي هو حجى بعصبيه وياشر باايده // هسه هسه اتكليلي ليش شصاير لا تسكتين تره بعدج ما تعرفين 

منو بهاء 

= اني قبلت بي ابن عمتي وهو حباب 

رفع حواجبه // ها ابن عمتج وحباب وانا ابن عمج ( لزمني بديناته اثنينهن وصار يهز بيه من اكتافي )كليلي منين عرفتي 

منين تدرين بي انتي كدام عيونه وين شفتي حباب 

جاوبته بعصبيه وابين القوه = اني مليت مليت گاعده ابيت ما حسيت بي بيتي شكبرني انام بغرفة بيبي واسمع الحجي 

بااذني يمته الله يفكنه منها شكو خالينها عدكم بالبيت وهوااي كلام

هز راسه // اي هاي التحجي وتكول يمته الله يفكنا هي نفسها الخطبتج الابنها 

باوعتله = مو بس هي الكل امك وخالتك وعمك ومرتك واختك كلها ما تريدني شكو باقيه عد ناس ما تحبني 

وما تطيقني خليني اشوف حياتي واستقر 

دخن جگاره // هذا مو عذر من يوم الاجيتي تدرين بخالتي وامي ما يردنج هسه اتفطنتي 

    = اي لان اول ما اجيت جنت زغيره وانت بعينك شفت شصار بيه بعدين انت مو تزوجت عوفني اشوف حياتي

خزرني // ياهو اليعوفج من كل وعقلج ولج اكتلج واكتل روحي وما اعوفج 

بلعت ريگي = بهاء انت تزوجت وساره حامل خليني اني اواجه مصيري لاتخرب بيتك 

ابتسم بخبث // شوف ياهو التحجي ولج اذا ساره حامل فغزوان عده ولد 

اتقرب عليه طلع مسدس // شوفي ولج بهذا طلقه براسج وانوب الثانيه براسي وهسه اتفهميني ليش 

هزيت راسي بخوف = ماكو شي اضربني اكتلني اني موافقه بغزوان

اتقرب مني وهو ينفخ الدخان ويتنفس بعمق // لا ليش اضربج واكتلج انهبج 

خفت من الكلمه لان ما اعرف معناها = ش شنو 

هز راسه وابتسامه على وجهه // اي انهبج يمكن ما سامعه بهاي المفرده هي تشبه الخطف بس شنو انتي جايه بارادتج 

بالعرف العشائري تنكتلين وحتى الناهبج هم ينكتل 

عاد انتي بس اليوم وتصيرين مرتي 

عض شفته ورفع حواجبه وياشر بااصبعه // ها ومحد اله حق عليه لا حكومه ولا عشيره لان انتي بت عمي وسبق 

وخطيتج وانتي رفضتي لان تردين اتكملين دراسه وتانيين اخوج ف اكبر واحد ما يوكف بوجهي 

حجييت بتهديد وخوف. = اشتكي عليك 

ضحك باستهزاء// ههههاي هذا اذا لگوج وما يلگونج اله وانتي مرتي وماخذ كل شي منج وبارادتج

كعدت بالكاع وخليت ايدي على حلگي وصارن ادموعي ينزلن هو گعد اكبالي واتنفس 

- - هذا التسوينه كله ما يفيدج حاجيني ليش قبلتي بغزوان ليش فضلتي عليه 

رفعت راسي = احبه 

جاوبني بعصبيه // اكلي تبن. واحجيلي الصدك تره انا ما عدي شي اخاف علي 

= عندك مرتك وابنك الجاي بالطريق عوفني وخليني اشوف طريقي لا تدخل نفسك بمشاكل ويه عمامك على مودي

- - خاف تتشاقين ما عليه مل مشاكل بالعكس اصلا راح يكلولي عفيه 

=. انت خاطفني تتصور عاصف يسكت 

- - ما يهمني اكبر واحد والكل راح يعذرني لان يعرفون انا خطبتج وانتي ما قبلتي وهسه. خطبج هذا السكط وانتي 

قبلتي وانا ما هانت عليه رجولتي نهبتج 

= واني ما اريدك 

نفخ الدخان وسحك ع الجگاره // ها وووتردين غزوان 

=. بلي اريده واريد اتزوجه

ضربني راشدي // ولج وجدان انا الاعرفج وجربتج وراقبتج ومشيت وراج غزوان ما تلبسينه نعال برجلج ليش 

هسه قبلتي بي 

لزمت خدي = قبلت اريد ارتاح 

- - ترتاحين تقبلين بغزوان السكط حتى ترتاحين 

استعطفته وابجي. = عفيه خليني ارجع للبيت وانت انتبه المرتك و...

قاطعني بعصبيه // انعل ابو مرتي. لاتفكرين اذا ما تحجيلي اخليج ترجعين وعادي. ما. اهتم الاكبر واحد وطبج طوب 

وصل يم الجربايه // يكون بمعلومج اهنا تبقيين واي احد ما يلكاج عود خلي غزوان ايفيدج لو ايگلبج 

من ارجعج مكسوره

تمدد ع الجربايه وخله زنده على عيونه بعد ان نزع قميصه وبقى بس بالفانيلا الداخليه وبعدها دار وجهه واني بقيت كاعده 

ما اعرف شسوي صرت ابجي بحركه لمن ما نزل من الجربايه واتقرب مني وحاجاني بهدوء

- - لا تبجيين اي شي ما يفيدج اگدر هسه كل شي اسوي وراح اسوي بس اريد اعرف ليش ما قبلتي بيه ليش نقصتي من رجولتي 

گدام اهلي ليش زغرتيني وخليتيني بلحظتها ما اسوى شي شبيه انا افشل مو خوش ولد مو حلو فد يوم سمعتي عليه 

او شفتي مني شي مو زين تدرين بيه اعشكج شنو اعشكج اموت عليج وانتي هم اتحبيني بس بيش جازيتي عشكي الج 

فشلتيني حتى كدام نفسي تالي قبلتي بواحد زايعته الكاع وجاي تتوسليني (هز راسه ) لا تصدكيين اهدج مثل ما كسرتيني 

اكسرج وما اهتم الاي احد

بدون ما اباوعله = اني ما اريدك 

- - ها وتردين غزوان 

= اي اريده 

- - ليش تردينه اطيني سبب واحد تردين بي غزوان بيش احسن مني لا تسكتين كليلي اذا على الفلوس انا اتجر منه 

واذا ع الجمال انا احلى منه واذا ع الرجوله ولج انا ارجل باالف مره منه ولج من شفته يمج بالمدرسه من اتاخرت 

عليج خابرته ورجعتله حتى خشمه كسرته 

وهسه اتگليلي احبه

بقيت ساكته ما اعرف شحجي هو صار يلح عليه وهالمره بعصبيه // احجي ليش تردين غزوان شصاير وياج 

لا تظليين ساكته احجي ليش غزوان بالذات شمسويلج كولي ليش شنو معتدي عليج

بدون تفكير رديت = اي معتدي عليه

انتبهت الكلامي واني اشوف شلون بهاء اتفاجا بكلامي اتقرب عليه وهو يسالني // شنو معتدي عليج 

  هزني من اكتافي شحجيتي // غزوان معتدي عليج 

دنگت ما جاوبته // ولج احچي لا تسكتين احچي

صرت اتنافض مثل السعفه عرفت باان بعد ماكو مجال اضم الحقيقه هزيت راسي

- - لاتهزين راسج احجي 

جاوبته وانا اعرف انو بهاء راح ايموتني = ايي معتدي عليه مو تريد تعرف ليش رفضتك وقبلت بي لان غزوان معتدي عليه

فتح عيونه وجهه صار اصفر شفايفه يبسن وما رمش الحظه حسيت انو بهاء خلص مات لكن سمعت شلون اتنفس بعمق 

وهو يباوعلي غرز اصابع ادينه بركبتي وحصرني ع الحايط حاولت ابعد ادي عني لكن بدون فائده رجليه ايفرفرن 

واني اتحرك حركه عشوائيه لمن ما شفت المكان صار اسود واتذكر الهوى انقطع عني وحتى طلعت الساني 

عرفت انو اني متت خلص لكن حسيت بضرب على خدودي واسمع صوته كأنما يبچي // اگعدي فهميني

اتنهدت وانا احاول اتنفس صرت اتنفس بعمق مره من خشمي ومره من حلگي جاي. اجاهد اجر النفس كحييت وفتحت 

عيوني وشفته گاعد يمي // اگعدي ولچ اكعدي احچيلي گبل لا اموتج خلي اعرف الحقيقه 

جاوبته بتعب واني الهث = موتني بهاء موتني خلي ارتاح 

يبجي ويحاجيني. // ترتاحين وانا اتعذب كافي لا تحجيين زايد وگليلي يمته وشلون وليش

بقيت ساكته // ولج لا تسكتين غزوان غزوان معتدي عليج غزوان بايك عرضي 

  شك فانيلته وصار يضرب راسه بالحايط ويحاچيني بهستريا // احچي ولج دين ما ظل براسي احچي لا هسه 

ما اخلي اثر الكل اهل غزوان

باوعتله واني ابچي دموعي بنزلن بدون صوت هو گلي // ولج كتلتيني احجي 

صار يضرب راسه بالحايط //احجي خلي افتهم 

      = وتالي من تعرف شتسوي 

- - ما عليج تالي شسوي فهميني 

اتنفست بعمق وحاچيته = بيوم الحادث مالتك 

عكف حواجبه //. ياحادث ؟

= الحادث مال بغداد 

- هاا واعدتي واجاج

باوعتله = شوف حتى انت بعدني ويه اول كلمه شوف شكتلي واعدتي 

زمخ عليه // احچي بدون ما تعلقيين احچي ولج 

مسحت دموعي بظهر ايدي = بيومها بيبي مرتفع عدها السكر وصخنت واني بقيت يمها اني وعلي انطيتها علاجها 

ونامت اصلا يمكن صارعدها اغماء واني هماتين غفييت ما حسيت اله على ايد اتخلت على حلكي وانسحبت 

كانت ظلمه وهو يجر بيه الى ان اخذني البيتك من الخوف انربط الساني حاولت ابعده ما گدرت ظلمه وخوف 

حاولت حاولت بس ما كدرت وهو يضربني اعتدى عليه ومن فتح الضوى شفته غزوان اتفاجات ماكدرت احجي 

هجمت علي وانا بذيج حالتي بس شنو ممكن اسوي صرت ابچي واگله ليش شنو سويتلك راح افضحك راح اعيط 

ضحك بكل برود وگلي صيحي منو يسمعج طلقه بعلي وطلقه بحبوبتج وگدام عينج والبسج التهمه خصوصا وانا 

رجال رايح البغداد الابن خالي التحفه مسوي حادث

وگفت بصعوبه وحجييت = راح اعيط بااعلى صوتي والم عليك الناس 

لزمني من ايدي ويضحك باستهزاء // صيحي ياحلوه رجال طالع سمعت باابن خالي مسوي حادث واجيت استفسر 

وشفت واحد دخل للبيت ومن لحكته لگيته نايم وياج شافني شرد 

صيحي ياحلوه خلي افضحج ويذبحونج وعلاوي خلي عليه انا اعرف شلون اتخلص منه اقلها ما اخلي السعدي ذكر 

صيحيني وداعتج اله اخليج تشتهين الموت وما تحصلينه 

    سالته = ليش هيج تسوي وياي اني شمسويتلك ؟

        جاوبني وهو يضحك // كل شي مسويتلي وهسه صيري ذكيه وحبوبه وخلينه كل فتره نشوف النه زويه ونتونس براحتنا 

  هجمت علي وانا اكله = ياحقير يانذل ياساقط 

       رد بنفس استهزاءه // بعد انتي گلتيها حقير ونذل وساقط 

  وعافني وراح واني ما اوصفلك حالتي بين الخوف والرهبه والصدمه اتمرضت وعمه امل اجتي واخذتني للدكتور 

اني وبيبي 

  بهاء// ليش ما من رجعتي عطتي حشمتي جدتي 

= بيبي كانت بغيبوبه واني خفت من اعيط يكتل علي لان محد موجود بيت مهدي كلهم راحو ومن اعيط منو يسمعني 

وحتى لو سمعوني منو يصدكني

بهاء عض شفايفه // يعني انتي من تبجيين وما تنامين من هذا الصار بيج 

هزيت راسي = اي بيش تريدني احلفلك حتى بليلتها رحت العلاج بيبي وشربت حبوب ردت انهي حياتي وشفت الصار بيه 

- - هم رجع ؟

= منو ؟

- - منو يعني ابن عمتج 

هزيت راسي = لا ابد ما شفته من يوم الحادث

- - وليش قبلتي اخطبج 

= يمكن غباء او لان انت حسستني بالامان وانو تكونلي سند وكتلي قابل بيج شما تكونين حاولت اتناسى الصار 

وبس نتزوج او نعقد راح اگلك 

- - جنتي ناويه اتگليلي 

هزيت راسي = اي اي بيش تريدني اقسملك ردت اگلك وره الخطوبه اعترفلك بكل شي اقلها حتى لو تعوفني 

راح اامن على نفسي منه 

- - مادام هيج تفكرين ليش خربتي الخطبه ؟

= بالمدرسه لمن ما اجتي اخته وانطتني ظرف كلتلي امي دازته الج استغربت فتحته شفت ورقه فتحتها لكيته منه مو من امه 

كاتبلي سمعت بيج خطبتج الجمعه على ابن خالي مبرووك ياحلوه بس يمكن نسيتي الي صار بيناتنا حبيبتي لاتتهورين بهاء ما راح يرحمج من يعرف وانا راح انكر لان انا لا شايفج ولا كاعد وياج اسمعي هي كلمه ورد غطاها ترحين وتكليلهم ما اريده واذا ما تكولين قبل ما تعقدين كلمه مني باذن امي سعاد اعتقد تعرفينها راح تحجي وتگول ابني شايفها يوميه ويه واحد تواعده 

وانا افضحج واكول يوميه بالليل اشوفها تروح للبيت الفارغ واشوف زلمه يدخل عليها ومن اتكليلهم انا راح انكر واكول 

تريد تحمي روحها اخذوها للطبيبه واتاكدو شكم مره بمره شايفج وناصحج بس ماكو فايده وياخذونج للطبيبه 

وهناك ينكشف شرفج وعفتج وانتي ياحلوه شراح اتكليلهم انا

 ومنو يصدكج لو ينطيج مجال تحچيين راح ايكتلونج فنج ليش لان انتي سكتي ولبستيني تهمه انا بري منها 

صدكني بهاء ما اكذب عليك هذا الصار بيش تريدني احلفلك

خلى ادي على اذانه // اششش ولا كلمه 

= لا خلي احجي وروح افضحني واقتلني بايدك اقلها اضمن انت قتلتني لان عرفت الحقيقه وما وصلتلك ملفقه 

غمض عيونه وصار لازم راسه ويضغط علي واني كعدت بالكاع اباوع اله بخوف وترقب وهو يعض بااصبعه 

كام نزع الفانيله مالته ولبس قميصه وگلي // كومي امشي اوصلج

ركب بالسياره وركبت بصفه وصار يسوق والجكاره بحلكه لمن ما وصلنه نزلني من مكان ثاني وگلي 

دوري من يم المراح فوتي للمضيف اكعدي بي شويه وتالي ادخلي للبيت واذا امي نشدتج گولي 

عدي امتحان صعب صعب حييل وجاي ادرسه 

= وبيبي شكللها هسه اكيد مخبره عاصف 

- - ما عليج ما راح تلگينها فوتي واذا نشدج عاصف گليله رحت ادرس بالمضيف

نزلت ودخلت للمضيف بقيت يمكن عشر دقايق وتالي دخلت للبيت ما لگيت احد فتت الغرفة بيبي الي ما لگيتها بس 

علاوي نايم اخذت ملابس وبدلت بدون ما اغسل واتمددت ع الجربايه واتغطيت وصرت ابچي ابچي حييل وانا احچي 

ويه نفسي وادعي على روحي بالموت 

ما غفييت لكن سويت روحي نايمه سمعت رجاء 

شني اليوم محد بالبيت

فرح // شني يمه 

- - حبوبتج وابوج ما ادري وين راحو والهسه ماكو وحتى بت عمج هم ماكو 

- - ياا وين راحت هاي انوب ؟

رجاء // ما ادري ما اجت بس اخوها اجه ونام حتى اكل شويه

- - جا وين راحت 

هزت ايدها // شمدريني 

فرح // شني شمدريج يمه ومن تجي جدتي وتسال عليها شتكليلها 

- - جا انا اسرح بيها شمدريني عود يجون ويشوفونها وين 

فرح // يمه خلي اخابر ابوي اكله بت اخوك ما موجوده 

- خاف راحت وياهم ؟

- - اي خلي اطي خبر احسن

اهنا قررت اطلع من غرفة بيبي شافتني فرح // ها انتي اهنا 

هزيت راسي وفركت عيوني واتثاوبت رجاء سالتني /. وين جنتي ؟

اشرت على الغرفه = اهنا نايمه 

- - شني نايمه انا شكثر تانيتج 

= عمه بالديوان البراني باجر عدنا امتحان رياضيات وما ردت ادخل واتغدا والتهي بعلاوي انعس وانام رحت قريت واجيت 

لگيت محد موجود هم ع الواهس نمت 

رجاء// ههههه مو بعد يومين خطوبتج بعد عليش تقرين 

ما لحگت ارد حتى سالتني فرح // عيونج حمر وخدودج اليشوفج يگول باچيه 

= يمكن بداية فلاونزا بس بيبي وين 

عمه رجاء // راحت هي وعاصف ما ندري وين

رحت غسلت ورغم خاويه من الجوع بس ما اشتهييت اكل شاكل وانا ما ادري شراح يصير 

رجعت للغرفه كعدت حاولت افتحلي كتاب لكن ما گدرت والمن اقرا وانا مستقبلي مجهول 

بقيت متمدده على الفراش وصار مغرب كمت اتوضييت وبديت اصلي واني الي صار وياي اليوم والي صار قبل سنه 

وامي وهشام ورامي كله كدامي بس هالمره كانت الصور مخيفه مخيفه هواي

كملت صلاتي واني بترقب وحتى ما رحت للمطبخ اساعد عمه بتحضير العشا وفرح. اتگللها // ياالله يمه خلي نروح 

رجاء// شلون نروح ونعوف البت الوحدها 

طلعت وحاچيتها = عمه روحي ما عندي شي 

رجاء// لا خاف تجي حبوبتج وعمج ويحچون 

= ع شنو يحچون هياته البيت 

- - چا خوش غداج ع الطباخ اذا تردين احمي واذا ما تردين فكي. الثلاجه وسويلج عشا انتي واخوج 

= شكرا عمه

راحن واني بقيت شفت علاوي گاعد يباوع التلفزيون الصاله رحت يمه = شنو اليوم ما عندك دراسه 

- - درست ابحدي 

= ها من يمته 

- - ااانتي اتا خر تي واني كتبت وقريت المحف وظه 

= حفظتها 

- - اي ال معلمه قرتنه و اني حفظتها 

= روح جيبلي كتابك خلي امتحنك بيها

كام واني احچي ويه نفسي = يجوز هاي اخر مره اقريك واخر مره اسولف وياك واشوفك 

اتحسست ركبتي الي قبل شكم ساعه انقطع عنها الهوى وجاب علي الكتاب وصار يقرا المحفوظه واني ولا يمه كلساع 

اكله عيدها وارجع اصفن الى ان ضاج وهو ايگلي. () وجد ق ر يتها عششر مراات واتي. ولا. يمي 

جاوبته بابتسامه حزينه = لا علاوي اني اتعمدت. اخليك تعيدها وتعيدها حتى تسمعها للمعلمه ولا غلطه 

وصار يقراها ورغم الي مريت بي لكن حسيت ابعض الراحه لان علي بدا يعتمد على نفسه ويدرس 

الي اقصده بوجودي وعدم وجودي. يعني يكدر شويه يعتمد على نفسه 

بقيت. كاعده الى ان سمعت صوت عمو وهو ايكول :: ياالله

دخل وكفت والخوف مسيطر عليه وهو كال :: السلام عليكم 

= عليكم السلام 

وبيبي ويا سالها :: ها تكعدين اهنا شويه لو ترحين الحجرتج 

- - لا وديني الحجرتي احسن 

بقيت واكفه وهو دخلها للغرفه واسمعها اتكله // هسه اصير زينه ما بيه شي 

:: سلامتج يمه 

رحت وراهم وكفت واني اشوفه شلون يساعدها وهي تريد. تتمدد ع الجربايه بقيت واكفه شافني هو سالها 

  :: يمه ما تردين نسويلج شي. 

ردت بتعب // لا ما اشتهي 

:: حتى لو كلاص حليب 

- - عود من اشتهي اگولن

طفى الكلوب. وباوعلي طلع واني طلعت ورا. سالته = عمو شبيها بيبي 

:: ارتفع سكرها واخذتها للطبيب 

= بس عمه تكول رحتو العمه امل 

هز راسه :: اي رحنه الظهر نشوفها اتغدينه انوب حبوبتج طاحت واخذتها للطبيب 

= وعمه اشلونها 

:: زينه. 

= اسويلك عشا. 

:: ما اشتهي انتي اتعشيتي ؟

هزيت راسي وكانما اتذكرت شكد. انا جوعانه 

:: فوتي سويلج عشا انتي واخوج وانا سويلي جاي 

= هو اني راح اخدر جاي واخلي جبن 

راح الغرفته. واني خدرت الجاي وخليت جبن وقطعت طماطه وكان اكو. كرفس خليته ورحت العلووش 

= ياالله حبيبي تعال نتعشى 

اجه. علاوي للمطبخ وسمعت باب غرفة عمو انفتح وطلع منها غاب اشويه واجه بايده علاكه وهو يكول. 

:: هاك عمو جبتلك هذني الك همزين اتذكرتهن جان نسيتهن بالسياره

خلاها ع الطاوله واخذها علاوي فتحها كانت بيها لفات كباب وبركر هو حاجاني. 

:: انا جبت الج واله اتعشو بيهن 

= وانت 

:: ما اشتهي 

= حتى اني هماتين ما اشتهي. حاكل شويه جبن 

:: ليش اكلي لفه جبتهن الكم 

= عمو اكل ويانه 

باوعلي وهززراسه. اخذ لفة كباب وكلي :: صبيلي جاي

صبيتله وخليته گدامه وهو طلعلي. لفة بركر ولفة كباب اخذت. لفة البركر وصرت اكل بعدها لميت العلاكه 

خليتها بالسله 

وشلت صحن الجبن خليته بالثلاجه كلي :: جيبيلي جاي باستكان 

صبيتله واخذته للصاله كان بايده التلفون. خليت الجاي ع الطبله وبقيت واگفه صار يخوط بالاستكان. سالته 

= بيبي تبقى ما تاكل 

:: شويه واشوفها 

رن تلفونه باوعله وجاوب اني رحت گعدت والكتاب بايدي 

:: هلا عليكم السلام 

:: الحمد لله بخير 

:: لا ما كدرت اجي هالايام ملتهي. 

:: اي دومي ملتهي مو شي جديد صاير شي 

:: خوش من تصيرلي فرصه امرن

ما اعرف ليش حسيت عمو دا يحچي ويه رقيه حتى صدى صوت التلفون نسائي هو انهى المكالمه وراح الغرفة بيبي 

رحت ورااتحسس جبينها ورجع گلي :: نايمه خليها 

هزيت راسي سالني :: ليش ما تطلعين العلاوي البلي يلعب بي 

= عمو اريده يدرس من اطلعه يصير كل شغله انو يلعب وهذا الشي اياثر على مستوا 

:: ههههه اليسمعج يگول مستوا اعدادي شبيج بابا تره الولد ثالث ابتدائي 

= عمو احسن من هسه انتابعه حتى يگدر يعتمد على نفسه 

:: عفيه عليج 

اخذ الريمونت وسالني :: اذا تردين روحي اقري بغرفتي. 

ابتسمت وگتله = مالي خلك اريد اكعود ايهنا 

:: ليش ضحكتي. ؟

= عمو ما صرت تكول حجره تگول غرفه 

:: اي اشوفها احلى 

=مو؟

هز راسه :: ايي 

كعدت وهو يدور بالقنوات لمن ما خلا ع الاخبار سالني :: خو ما متابعه مسلسل وانا درته 

هزيت راسي = لا عمو ما متابعه شي 

كعد يسمع. للاخبار واني احجي ويه نفسي :: اشو عمو ما سالني على شي. مو ع اساس بعد تلث تيام الخطبتي 

= ياخطبه ولج. هذا بهاء اول وتالي يفضحج وشوفي 

= احچي العمو ع الصار 

نفخت بحسره = شكله اكيد بهاء راح ايكله

تدرون اني نفسي. حاسده نفسي على طبيعتي يعني ما اعرف بهاء شراح يتصرف ويجوز يفضحني ويقتلوني واني عادي 

صدكوني اني بداخلي خايفه ومرعوبه لكن امثل القوه الخاطر علي لا ينتكس مره. ثانيه 

حتى بهاء من يريد يفضح الشي العرفه واكيد ما راح يسكت بس اطلب منه حتى لو يردون ايقتلوني ياخذوني. بعيد 

عن علاوي ويقتلوني 

لان اعرف هذا عرف ولازم يطبقونه 

سمعت صوته :: هاج الريمونت دوري انا رايح الغرفتي 

كام وكلي :: شوفي حبوبتج كبل لاتناميين خاف تريد الها شي 

= اي عمو

:: تصبحين على خير الصبح انا اوديج للمدرسه 

= تمام بس خابر الخط كله انت توصلني 

:: اي الصبح ان شاالله

ما اعرف شلون خلص اليوم الفجر حسيت بيبي كعدت للصلا اني هم كعدت حاجيتها 

= اساعدج 

لا رايحه اتوضا 

شفت كلامها وياي عادي من راحت للحمام اني رحت وراها لان خفت لا تروح تدوخ وتوگع خليتها الى ان اتوضت 

ورحت قبلها فرشت الها المصلايه وهي تدعيلي // الله يرضى عليج 

حبيت دعائها ورفعت ايدي ورددت = آميين

اتوضييت واجيت اصلي ومن كملت صرت ادعي واني اباوع للغرفه لان دا احس راح افارقها وما ارجع الها ابد 

انملت عيني بالدموع واني رافعه ايدي =. ياربي ساعدني 

رجعت اتمددت وغطيت وجهي صحيت على صوت بيبي تندهني // شني اليوم ما تداوميين 

فتحت عيوني وبيبي سالتني // مو عدج مدرسه 

كعدت واني اهز براسي // ياالله كعدي اخوج هم ياالله لا يجي الخط 

- - كوم علي علي جده ياالله راح يجيك الخط 

سالتها =. بيبي شلون صرتي 

هزت راسها //. على الله

نزلت علي من الجربايه ودخلته للحمام وغسلت وجهه وخليت يفرش اسنانه واني احچي ويا 

= اليوم ما لحكنا نسبحك ياالله من تجي 

بللت شعره وبسرعه بدلتله واني اخذت ملابسي وبدلت بالحمام ورجعت هو اخذ مصرفه الي ع الميز وهذا الشي اتعود 

يوميه يلكى مصرفه على ميز بيبي سالته // اسويلك حليب 

هو هز راسه يعني ما اريد سالت بيبي = اجيبلج كوب حليب 

هزت راسها // لا شربت عمج سوالي اذا اظلن عليجن يكتلني الجوع

اخذت المشط وصرت امشط واجه صوت فرح // صباح الخير ياوجه الخير 

واتقربت وباستها وبيبي ترد $ب هله بيج 

اشلونج حبوبه 

زينه جا ما مريتي عليه البارحه 

جده رحنه البيت بهاء ورجعنا فايت وكت شفنى الكلوب طافي كلت نايمه 

وهاي انتن يوميه ترحن البيت بهاء 

اي جده نروح هناك يم ساره وبهاء 

ها جا ونهوده ومهدي وفروخهم ما يجون 

جده نلتم كلنه نسولف ونضحك ياالله اجاني السايق بيباي

بيبي هزت ايدها // بيباي خوش تعلمتيلج كلمه من الكليه بيباي 

ابتسمت وردت // جا شبيه كل الناس تباوعلي بااعجاب لان عرفوني بت عاصف هو لو بس تقنعينه يشتريلي سياره 

بيبي باستهزاء// تفوتي لا يسمع ويبطلج 

جاوبتها بضحك // حبوبه اتشاقى وياج شلقصه صايره ما تتشاقين 

راحت وبيبي تهز بايدها باوعتلي // وانتي شمتانيه ما ترحين فاهيه ع السوالف 

= مو عمو بعده بغرفته 

- - ياهو هذا البغرفته من فجر الله طلع وهسه متانيج (هزت ايدها ) هههي هي غرفته 

اتقربت منها وبستها وطلعت ما اعرف افسر تصرفي خوف او محبه او يمكن بعد ما اكدر ابوسها

طلعت وعمو منتظرني سلمت = صباح الخير 

:: صباح النور 

ركب بالسياره واني ركبت وساق ومن طلعنه ع العام سالني :: امس شبيج 

ارتبكت وگلبي وكع برجليه بلعت ريگي = شبيه عمو 

:: عيونج مورمات وحمر شكد باجيه 

= عمو ما باجيه يمكن فلاونزا 

:: و ها او وينها. الفلاونزا 

= عمو اتذكرت هشام مشتاقتله (لا اراديا بچييت ) 

اتنفس :: لاتبچيين لو بيدي اخذج اله يوميه بس ما اگدر 

= ليش عمو ؟

:: بابا مكان ما يليق اخذج بي مايصير وحتى اخوج ما يقبل انتي بس اهتمي بدراستج وانجحي ما تحسين اله هو طالع 

وجايج وكلنه نفرح 

استغربت من كلام عمو عاصف وتصرفاته شنو ادرس شنو اكمل مو عكب باجر خطبتي 

وصلنه وقبل ما انزل سالني :: عندج مصرف 

هزيت راسي =. بلي 

طلع فلوس :: هاج اخذيهن 

= عمو شلي بيهن اصلا ما اشتري من الحانوت 

    :: وليش ؟

رفعت كتفي = ما احب الاشياء العدهم 

   :: وليش ما تكليلي اشتريلج من بره 

= لا عمو عادي ارجع واكل اساسا ما اجوع 

   :: مي خالف اخذيهن (لملم حلكه واتنفس ) يجوز ما اكدر امرلج وبكل الاحوال اخابرالسايق 

هزيت راسي وجاوبته = تمام مع السلامه 

:: مع السلامه ديري بالج

ابتسم وحرك سيارته ودخلت للمدرسه وافكر ابهاء شراح يتصرف اكيد راح يحچي العمو عاصف والبيبي وبكل الاحوال 

راح تصير فضيحه وراح غزوان النذل ينكر 

راح تتساءلون بكمية البرود الي عندي هاي مو برود لا لكن المصايب الي مريت بيها كفيله باان تخليني ما اهتم الاي شي 

رغم وجود خوف كبير بداخلي وترقب من الي راح يصير واعرف نفسي بااي لحظه ممكن انفضح وانقتل لكن اني حالي 

حال المحكوم بالاعدام حكم قطعي فبااي لحظه منتظر تنفيذ الحكم

اجني بنات الصف وسالني // صدك خطوبتج الجمعه 

وقبل ما اسال منو كللجن جاوبتني وحده منهن // رحمه مسولفه الاختي وياها بالصف. 

هزيت راسي لان ما اعرف شنو الي راح يصير سالتني وحده 

تبطلين من. المدرسه 

هزيت راسي = لا ما ابطل اول شرطابقى بمدرستي 

- - واذا اصر عليج اله تبطليين 

هزيت راسي = لا اني. من. اجتي عمه حجت ويه بيبي او وياي كتلها اوافق بشرط اكمل وهي كالت احنه موافقين

وبعدها حاولت اغير الحديث الى ان اجتي المدرسه وصارتتشرح واني ولا يمها ما اعرف شلون خلص اليوم 

ما اجه عمو عليه ركبت ويه الخط نزلت وصرت. امشي واني احچي ويه نفسي 

= على شنو بيبي زعلانه عليه وما تريدني اتزوج هو حتى مو مثل بناتهم وحده يوصلها اخوها ولا فد يوم گلوله 

وصلها وياك والثانيه ابوها اجرلها تكسي ياخذها ويجيبها واني مستخسرين شكم دينار زايد اهنا ينزلني ابو الخط 

واجي مشي واذا حجت شنو شعوزج شمحتاجه. خاف جوعانه عطشانه 

هزيت راسي واتنفس = اكيد بيبي تعرف بااخلاق هذا الكلب غزوان. لذلك رافضه وما قابله

دخلت للبيت ومن وصلت للغرفه شفت عمه رجاء يم بيبي وتسولف //. عمه عوفيها تاخذه ايجوز رايدته 

بيبي //. خافي من الله رجاء يمته شايفته ورايدته 

   رجاء// چا ليش كبل الخطبه بيوم گالت ما اريد بهاء 

  بيبي ///من بختج وبخت اختج من گالت ما اريده هالاخذ بت اختج 

رجاء// اي اخذها ويحبها يموت عليها وان شاالله يترسلي البيت جهال 

بيبي // ان شاالله چا ما ودنه

رجاء// عمه لا تضوجين مو زين عليج تطيحين خليها تاخذ وتمشي العلينه سوينا 

بيبي /// تاخذ لا تخافين 

رجاء// علوا شعلينه بيها اهم شي كون بهاء ما يسمع 

بيبي // ليش بهاء شبعدله والا سمع مو تگولين يحب مرته يموت عليها بعد شله غرض بالفرخه 

رجاء// عمه احنه ابختج ابني مسودن ومن يسمع بااسمها يصير عبالك مخبل تكولين مسواله سحر 

بيبي باستهزاء // الا ع السحر فوجدان بعدهي ما تندل درب السحر مخليته الغيرهن

رجاء// عمه ما علينه مشي البنيه بلكت ينتبه المرته وبيته 

بيبي // تره بهاء ما مقصر لا من مرته ولا من بيته هاي سوالف نهوده تريده مثل مهدي 

رجاء// عمه ليش تظلمين بختج چا لو اختي مثل ما تكولين ما سوتلي چاره اليه انا اختها 

بيبي بهدوء ما يخلو من الحده // ما تسويلج جاره وانتي تدرين ليش وانا ما ظالمه بختي 

رجاء// عمه هسه عوفينه من نهوده خلينه بعرس وجدان 

- - تعرس لاتخافيين 

- - اي عمه وكون بهاء ما يدري اله من تعقد 

- - ان شاالله يصير خير

دخلت = السلام عليكم 

من شافتني كالت // هلا الطيب بذكره عليكم السلام 

وصلت يم بيبي = شلونج بيبي. 

هلا بيج 

عمه رجاء//. چنا نحجي انا وحبوبتج اگول لازم اخذها للسوك واجرلج بدله واخذج للصالون 

هزيت راسي بعدم اهتمام = لا عمه. ما اروح لا صالون ولا البس بدله 

- - يا ليش شني لا غير اناجرلج بدله مالت مهر 

= لا عمه ما اريد اتاجريلي عندي كوستم جابه الي عمو من راح البغداد واحد الي واحد الفرح 

بعده جديد اني ما لبسته 

- - شلون يصير

= يصير عمه البسه واني اسوي شعري 

- - هو هذا شلون حچي 

= عمه هي مو حفله بس خطبه عود بعدين اسوي حنه وعرس 

— - يا وانا من حاجتني عمتي. ما صدگت 

= على شنو ؟

- - تگول ماكو حفله

هزيت راسي ورحت اخذت ملابس وفتت لحمام غيرت ملابسي وغسلت النزعتهن ورحت شريتهن مثل يوميه وبيومها 

عمو عاصف ما اجه ع الغدا وبالليل عمه رجاء وفرح كالعاده راحن البيت بهاء واني سويتلي عشا اني علاوي وبيبي 

رادت اسويلها كوب حليب من كملنه اجه بهاء يم بيبي مبين التعب على وجهه والعصبيه وصل يمها وباس راسه 

وهو ايگللها // اشلونج حبوبه 

- - هلا بيك ياروحي اشلونك 

- - الحمد لله  

شلت الصينيه وبيبي سالته // متعشي 

هز راسه وجاوب بقهر // اي جده شبعان حييل. بس اريد جاي 

بيبي باوعتلي ///كومي سوي جاي الابن عمج

اخذت الصينيه وانا تقريبا ارجف وجاي احمي بالجاي. حسيت بي وراي درت وجهي شفته يتنفس وهو عاض شفته 

اتقرب مني وطلع. تلفون من جيبه گلي 

- - هذا تخلينه بجيبج بدون محد ايشوفه وهسه تاخذين تلفون حبوبتج تتصلين بي. باچر يجي بحجرة الماطور 

= يا ماطور ؟

- - ماطور الماي الوره المراح. هو يندلها يسالج شتردين 

گليله اريد احچي وياك بشغله گبل لا تخطب ومن يجي تستدرجينه بالكلام اريد اسمع منه السمعته منج بااذني حتى. 

اعرف اتصرف

جاوبته بخوف = بهاء اني ما اقبل بسببي تتهور 

عكف حواجبه // اشش هذا حچي المسلسلات ما اريد اسمعه 

= افرض عمو عاصف هو الي راح يجيبني من المدرسه 

- - عادي بدلي وگولي. اريد اروح ادرس بره تفتحين هذا التسجيل وديري. بالج تخلينه يشوف التلفون 

= يعني وين اخلي ؟

- -:بجيبج هو يسجل بس تدوسين على هاي

هزيت راسي = زين بهاء ليش ما تجي تسمع الكلام اباذنك 

- - ما الزم نفسي اكظه واموته وانا ما اريد احد يدري 

هزيت راسي هو رد عليه بطريقه ما اعرف اوصفها // بس انا احييج على هالقوه العدج تمشين عادي ولا هامج 

= لان ما عندي بديل فغصبا. عليه لازم ابين نفسي قويه وما مهتمه

- - رايح وجيبيلي الجاي واخذي نقال بيبيتج لا تتصلين لمن ما اجي 

= مو خاف بيبي تحس 

- - ما عليج بيها

راح گدامي واخذتله الجاي بيبي تساله // وين چنت 

- - رحت للحمام 

قدمتله چاي = بيبي. 

هاا 

= رايده نقالج شويه 

ليش تخابرينمن 

= صديقتي وياي بالصف مااعرف اليوم المدرسه شنو مطيتنه تحضير وباجر اكيد تگومني ما اريدها تحجي عليه 

- - هاج بس ردي الي 

= ان شاالله 

اخذته وصرت ادور بالاسماء. هو اجه وراي = بيبي لا تشك 

- - گتلها اريد بعد چاي طلعي الرقم 

= ما كو.

اخذه مني وكتب رقمه طلع اسمه اتصل هو رد // هلا جده 

حاجيته بخوف = اني وجدان 

هلا حبيبتي شعجب 

= رايده اشوفك 

شني ؟

= اريد اشوفك قبل الخطبه عندي كلام وياك. 

بس كلام لو مشتاقتلي 

= اريد احچي وياك لازم اشوفك 

شصاير ؟

= ما صاير. دا اگولك اريد اشوفك عندي شي مهم لازم تعرفه

ضحك // هههههاي لاتكليلي حبله 

= اگولك كافي تستهزا تجي واشوفك قبل الخطبه 

وين اجي ؟

= باچر يم غرفة الماطور الي يم بحيرة الاسماك. 

شنو مسويتلي كمين 

= ع شنو الكمين هاي فوكها. فوك متريد تستر عليه تجي مو 

اي اجي 

= اسمعني مو احد يشوفك 

ليش ما ترديناحد يشوفني ؟

= مالي خولك الحچي المن جاي وشعنده 

راح تصيرين مرتي واليححي. اخلي النعال بحلكه 

= شوف غزوان لازم اشوفك عندي كلام لازم اتسمعه. ونتفق حتى اتگوله كدام الناس 

جاوبني بعصبيه ما تخلو من التهديد // ولج وجدان ديري بالج تره ما عدي شي اخسره. 

= شقصدك ؟

خاف تردين اتصيحيني تره انتي مخابرتني وانتي ندليتني ع المكان. 

= اصيحك واني بهاي حالتي 

اي مو افهمج تره انتي التتندمين 

= اعرف هسه باجر من احل الگاك ياالله خلي ارجع التلفون البيبي باااي

جاوبني // ها الهسه. محد. مشتريلج تلفون شو بناتهم ازغار وكبار عدهن تلفون 

  = محد اشترالي واني هماتين ما اريده شلي بي هاي بيبي جاي دا اتعيط عليه خلي اروح ياالله بااي 

- بااي 

نهيت المكالمه واني احس نفسي دا تلعب من صوت غزوان صرت ارجف وبهاء ما حرك ساكن. اخذت التلفون البيبي 

ورحت للمغسله غسلت وجهي. وصرت اتنفس بعمق بيبي سالتني 

ها حاجيتي صاحبتج 

= اي بيبي. وانطتني الواجب 

خوش اخذي كتابج وروحي للهول اقري

ما اعرف بيبي ليش هالشكل تتصرف وياي اخذت الكتاب وطلعت بهاء بقى شويه يمها وبعدها گال 

اتصبحون على خير 

طلع من الباب الثاني وبقيت فاتحه الكتاب واني بغير عالم صدقا ما اعرف شسوي روحي فارغه عيوني ما تقبل تبجي 

وفوك كل هذا مترقبه ومتوقعه موتي بااي لحظه اجه عمو عاصف مبين علي التعب كال :: السلام عليكم 

وكفت = هلو عمو 

:: هلا بيج وين امي 

= بغرفتها 

دخل وهو يگول :: ياالله اشلونج يمه

بيبي // هلا بيك يابعد امك الله يساعدك 

::هلا بيج حجيه 

تعاي وينج 

= ها بيبي 

- - عوفي كتابج ما دري شني وشوفي عمج يريد عشا شوف شتسويله 

:: لا يمه متعشي شبعان 

جاي 

هز راسه :: اي اريد جاي 

سويله جديد

رحت غسلت القوري وخليت شوية ماي وفتحت الطباخ خدرت الجاي وصبيتله وجبته بيبي گالت 

جان خليتلج كعكات العمج 

:: شبعان يمه 

ادري شبعان شغل وجگاير وتاليها المن للنايمين للظهاري 

نفخ وصار يخوط بالاستكان رجعت للصاله وهو يحچي 

:: على كيفج حجيه شبيج. ويه البنيه 

خليها اتولي چلبه 

:: يمه ابنيه تريد تعرس حرام نوگف. بوجهها 

وما لكتلي اله ابن ناظم 

:: يمه راضيه بي 

بيبي بنتر // وانت انت شو متعجبه. ساكت الها

:: حجيه حرام ما اوكف بنصيبها 

بيبي بعصبيه // صيبه اتصيبها گتلك. خليها اتولي گتلك وديها الاهل امها بس شسويلك 

:: يمه. احنه ابختج. يااهل امها عوفي الكلام خليها تمشي بحال سبيلها 

  بيبي بهدوء// عاصف الولد عد مره وعده ولد منها 

:: وانا ما عدي حظ وبخت لا اكله يطلك مرته ولا اوكف بقسمتها هذا هو رضت تاخذ على شرج تاخذ وهو بكيفه 

ايخلي مرته ايطلگها شي. ايخصه 

بيبي // ها وانا ما الي راي 

:: يمه راييش الله يخليج البت راضيه بي وهي. يتيمه ما نكسر بخاطرها

بيبي // بس هي كسرت بخاطر ابن اخوك 

:: او وينه ابن اخوي شني بقى متانيها. عرس ومرته حامل تدرين ذكرتيني انا الهسه ما گتله على خطبة وجدان وهلمحتار 

بيبي // فكنا شتگله هو شلونه ويه غزوان يشوف دم سنونه ولا يشوفه انوب اتكله خطب بت سعدي. وداعتك اتصير 

الدموم للركب 

:: ها تردينه انضم علي ما تعرفينه لابن ابنج 

بيبي // بكيفك يمه بس من يدري يسويله مشكله وفوك من الناس شكلك اتكاتلو على مود مره 

:: خوش البت تمشي بحال سبيلها وانكله 

- - يمته اتكله ؟

:: يخطب ويعقد واحاجي حتى لو نهى بعد هي مرته خو ماتتطلك منه 

بيبي // اي حتى رجاء گالت خلي يعقد ياالله اتگلوله 

:: خايفه على بت اختها. خاف يسمع ويتعارك وياخذها 

- - ومهدي شگال من سمع 

:: راكصلها بجفيه وهو اليگلي لاتخلي بهاء يسمع 

بيبي اتحسرت // اووف شدعي عليج ولج وجدان تبدلين بهاء ابغزوان 

:: يمه شبي ؟

- - هسه صار شبي نسيت مو انت ذاك اليوم تكول لاكاني ابو مرته وشكالي منه وگال يشرب ويلعب اقمار 

وكل المكسرات بي وانت حتى مو مثل گرايبنه حده للمضيف حتى من يجي يريد يسلم انا اروحله للمضيف 

:: اي حجيه 

- - جا شو اتگلي اي وتريد اطي مره 

::حجيه المره هي راضيه شني شكلله البت تريد تتزوج شگللها

بيبي // مو بكيفها كسر راسها وطيح حظها 

:: يصير خير ايحلها الحلال 

////////////////////////////

شكرا لزيارتكم عالم روايات سكيرهوم