رواية تاج الفهد الجزء الثاني (ابناء السيوفي) الفصل السادس والثلاثون
فجاه كلهم سمعوا صوت صرا_خ عالي جاي من بره ..
فهد نصار :ياربي هي العيله دي هتفضل صوتها عالي كده طول العمر
ايوب:ده صوت تاج بس بتصو_ت لي؟
اسيا:انتو لسه هتخمنوا مالها ..أجروا نشوف ف اي .
طلعوا كلهم يجروا ع بره وفهد السيوفي وماسه وورد كانوا طلعوا من اول ماسمعوا الصوت .
جريت ماسه بسرعه ع تاج وهي مر_ميه ف الأرض وحاطه ايديها ع بطنها وبتصر_خ بو_جع :ف اي مالك ياتاج اي اللي حصلك
فهد السيوفي:حاسه بي اي يابنتي ؟
تاج :سكا_كين بتقطع ف بطني مش قادره..
جميله :معلش ده بس من الفسيخ والرنجه علشان اول مره بعد كده هتكسبي مناعه
ضرب ايوب وشه بايده بيأس:وكلتي البت اللي عايشه عمرها كله بره فسيخ ياجميله ؟!!!!
جميله :مش بنت اخويا ولازم اخلي منعتها تاخد ع اكل بلدنا
فهد نصار:العيب مش ع جميله العيب ع تاج الطفسه.
تاج وهي بتصر-خ بألم:ماشي والله لما اروقلك يافهد
فهد السيوفي:بس هو ده وقته فريده كلمي الإسعاف بسرعه
بصتله فريده بمواقفه وطلعت موبيلها من جيبها وطلب الإسعاف .
جميله:كفايه يابت صرا_خ ودني وجعتني
بصلها ايوب بذهول :ودنك وجعتك!!!!دي البت بتمو_ت
جميله:ماتخليك ف حالك ياايوب ولا أقول أنا كنت بعمل فيك اي زمان وانت صغير .
ايوب:انت رجعتي علشان تذ_ليني وهو مفيش حد غيري كنتي بتحمي ؟؟
فهد نصار :ده مش وقته خنا_ق خالص ع فكره ياجميله
جميله بخب_ث:مالك ياابن سليم نافش ريشك علينا كده لي تحب اقول الوحمه اللي عندك اي وفين؟
فهد نصار:لاياجميله أنا مش ايوب علشان اسكت أنا متربتش وقليل الاد_ب ومش هيفرق معايا أنا اصلا مفضو_ح .
جميله:نفس بجاحه أبوك الله ير_حمه بجح .
قطع كلامهم صوت الإسعا_ف والشغاله بتفتح باب القصر ..
دخلوا المسعفين وقربوا من تاج وهما بيرفعوا وماسه ماسكه ف ايديها :متخفيش ياحبيبتي دي حاجه صغيره ان شاء الله..
فهد السيوفي:براحه عليها وانتو بترفعوها .
خدوها ف عربيه الإسعاف وماسه وورد ركبوا معاها
ايوب:أنا هحصلهم وابقي اطمنكوا من هناك بقا
فهد السيوفي:هي رايحه مستشفي اي
ايوب: مستشفي الفجر
فهد نصار:البت فجر دي اي حد عيان ولا تعبان يروح المستشفى بتاعتها وباقي المستشفيات التابعه لينا تعلن إفلاسها
بصله فهد السيوفي بغيظ وكمل كلامه لأيوب:طيب يابني أنا جي معاك
ايوب:مش هينفع يابابا يكون أول ظهور ليك بعد الفتره دي يكون ف مستشفي لازم نعلن بنفسنا الاول
اسيا:ماكل الناس عرفت خلاص اي يعني
ايوب :الناس عرفت بس لسه الخبر متاكدش بعتذر ليك يابابا بس اتحمل شويه .
اتنهد فهد السيوفي:ماشي يابني المهم ابقي طمني ع بنت خالك
ايوب :حاضر ..
فهد نصار :استني أنا جي معاك
جميله:استنوا انتو الاتنين أنا جايه معاكوا اطمن بنفسي ع بنت اخويا ومش عايزة اعتراض أنا ميفرقش معايا صحافه ولااعلام
ايوب:اتفضلي احنا قولنا حاجه
فتحت جميله باب العربيه وقعدت جمب ايوب وفهد نصار قعد ورا وهو بيستحلف لجميله..
اسيا:طب بما أن كلهم راحوا مع تاج والنص التاني ف شغله ومفيش غيري أنا وفريده معاك عايزين نعمل حاجه مطرقعه كده
فريده:يابنتي اهدي شويه احنا لسه مطمناش ع تاج
اسيا: متقلقش عليها هتبقا زي الفل ده بس علشان معدتها اول مره تستوعب الاكل ده
فهد السيوفي :وحضره الظابط اسيا عايزه تعمل اي مطرقع بقا ؟
اسيا:مش عارفه بس اكيد هنلاقي حل
فريده:تيجوا نخرج نلف بلعربيه شويه بس مش هننزل منها علشان عمو فهد
اسيا:وهي دي كده حاجه مطرقعه!!!!
فهد السيوفي:مش هينفع نخرج علشان عمتكوا سيا نايمه فوق
اسيا:سيا خدت ادويتها ونامت ومعاها الممرضه الخاصه بيها وف حرس ف القصر يعني مفيش قلق عليها لو خرجنا شويه
فهد السيوفي:طب عايزين نروح فين
اسيا وعيونها بتلمع بحماس:قصر فهد السيوفي...
ف مستشفي الفجر ..
كانت فجر قاعده ف مكتبها وقاعد قدامها فارس .
فارس بذهول :يعني اي واحد مي_ت طلع عايش انتي بتخر-في يافجر ؟!!
شدت فجر من قدام فارس طاجن ام علي :اطلع بره ومتجيش تكلم معايا تاني طالما انا بخر-ف
فارس :طب ماشي منتكلمش تاني بس اي ذنب ام علي ف النص هاتي اكمل الطاجن يرضيكي الاكل المتبقي يجري ورايا يوم القيامه!؟
فجر بغيظ:اها يرضيني ..اقولك مفيش جواز الجوازه باظت
فارس : جوازه اي اللي با-ظت ماهي با-يظه من اولها اهي
فجر بصوت عالي:فاااارس
فارس بخفه:قلب فارس .
فجر:خد كمل ام علي
فارس:أنا بموت ف ام علي واللي بيحب ام علي ياأم علي باذن الله
ابتسمت فجر بكسوف:خلاص اتثبت ..اقعد نكمل كلامنا بقا
قعد فارس وهو بياكل من الطاجن:امممم يعني دلوقتي صاحب ابوكي ده اللي هو فهد السيوفي طلع عايش وكان محبوس ف قصره تحت الأرض وجميله اللي هي اخت مراته طلع عمك فاروق ده هو اللي حبسها علشان بيحبها فكرها روبانزل.
فجر:بالظبط كده
فارس:ده فيلم هندي مدبلج يجدع اي كل ده
فجر:أنا لحد دلوقتي مش مصدقه كل اللي حصل ..بس تعرف الحلو ف الموضوع اي؟ان باباك طلع معرفه قديمه وصديق قريب من بابا الله يرحمه
فارس:أنا متأكد أن بابا هيفرح اوي لما أخطب بنت صحبه .
فجر :احنا اتعرفنا ع بعض ف وقت قصير جدا ولما عرفت أنك طلبت ايدي من عيسي أتردد ف الاول علشان لسه يعني عارفين بعض بس لما عرفت من بابا وانكل فهد أن بابا كان صاحب اونكل خالد حسيت اني ارتاحت اكتر لأن اختيار بابا اكيد كان ديما صح
فارس :وانا اوعدك اني مش هخليكي تندمي ع ثقتك دي وهفضل شيلك ع راسي يافجر
فهد نصار:واي كمان ياحبيبي كمل
اتنفضت فجر من مكانها بفز-ع:انت دخلت أمته يخر-بيتك
فهد نصار وهو بيمسك فارس من قميصه:هتشلها ع راسك يروح امك وانا هشيلك من ع وش الارض
فارس:يااستاذ افهمني
فهد:أنا مش استاذ ياخويا انت شايفني ماسك عصايه وبمدك ع رجلك ف الفصل
فارس:طب ياكابتن افهمني أنا بس كنت بقولها ...
قطع كلامه بوكس ف وشه من فهد وقعه ف الارض ...جريت فجر ع فارس اللي واقع ف الأرض:انت كويس
فارس وهو حاطط ايده ع وشه بو-جع:ااااااه مين الهمجي ده
فهد نصار:انتي بقا هعلقك ع باب القصر لحد ماتتعدلي
فجر:وانا عملت اي لكل ده انت اللي اسلوبك همجي وداخل عليا مكتبي زي بتوع الاد-اب
فهد:وهو يصح تقعدي مع راجل غريب لوحدكوا ف المكتب؟
فجر:فارس مش راجل
فارس وهو بيحاول يقوم:نعم !!!انتي بتقولي اي اسكتي يافجر كلامك بيجيب مشا-كل
فجر:قصدي يعني مش راجل غريب ده زميلي ف المستشفي وغير كده باب المكتب مفتوح قدامك
فارس: ياكابتن أنا فارس الاسيوطي دكتور جراحه ومتقدم للدكتوره فجر من اخوها عيسي السيوفي وكنت جي بتكلم معاها هنا علشان اعرف هنيجي أمته .
فهد:وده يخليك تقولها هشيلك ع راسي ؟
فارس:اللاه مش بحترمها وبقدرها وكله بحدود
دخل ايوب المكتب وهو بيبص عليهم بستغراب:مين ده ومين اللي مشلفطه كده
فجر:انتو جايين تعملوا اي هنا مش المفروض بتكونوا ف شغلكوا.
فهد نصار وهو بيفتكر:ده انا نسيت كنت جي اقولك أن تاج ف المستشفى عندك
شهقت فجر:تاج لي مالها
ايوب:اهدي خلاص بقت كويسه جميله الجميلات اكلتها فسيخ ورنجه وحصلها تسمم والدكاتره بيعملولها غسيل معده دلوقتي
فجر:رنجه وفسيخ !!هي تاج مش هتبطل طفا-سه بقا
فارس كان واقف بيبصلهم بستغراب وهو مش فاهم حاجه لحد مابصله ايوب :مين الأمور ده بقا؟
فارس:ع حسب بتسأل علشان تعرف أنا مين ولاعلشان تضر-ب؟
ايوب:اضر-ب!!انت بتقول اي هو مجنو-ن
فجر:ده فارس اللي طلب ايدي من عيسي ..ودول اخواتي يافارس فهد نصار وايوب السيوفي ظباط شرطه
فارس وهو بيحسس ع مكان البوكس:واضح طبعا أنهم ظباط أهلا وسهلا المستشفى نورت
ايوب:هو انت كويس ومين اللي عمل فيك كده
فارس وهو لفهد:تقدر تقول اها كويس ..لا ده ونش داس ع وشي
ايوب:الف سلامه عليك ..ع العموم لو هتقدر تيجي ف المعاد باليل ممكن ناجلها وقت تاني
فارس:لالا ناجل اي ياراجل أنا زي الفل هروح احط شويه تلج والموضوع اتحل عن اذنكوا.
خرج فارس من المكتب تحت نظرات عيون ايوب ..
ايوب:انتي لحقتي جننتي الواد ؟
فجر :أنا مالي ده فهد اللي داخل زي الطور
فهد:لمي لسانك يافجر بدل مااخلي المستشفى كلها تتفرج عليكي وانتي متعلقه
ايوب:اممم يعني فهد اللي معلم عليه كده لي بقا ؟
فهد:ماخلاص ياض هي حكايه يلا خلينا نشوف الهانم التانيه
خرج فهد نصار وايوب شد فجر من قفاه :قلبي مش مرتاحلك يابت شكلك عمله مصيبه
فجر:يابني حاول تفهم اني اكبر منك عيب كده
ايوب:دول هما كام شهر هتذلينا بيهم ؟
فجر:لااذلك ولاتذ-لني أنا هروح اشوف البت تاج الطفسه .
طلعت فجر من المكتب وايوب طلع وراها ..
ف اوضه تاج ف المستشفى
ماسه بعتاب:فسيخ ورنجه ياتاج هي حصلت
تاج بالم بسيط:ماخلاص بقا ياماما مكنوش كام واحده كلتهم
زين بسخريه:كام واحده !ده انتي واكله اربعه كيلو لوحدك يابنتي حرام عليكي معدتك
تاج:ماجميله هي اللي قالتلي لازم اجرب وبصراحه طعمها عجبني
خبط زين كف ع كف :جميله رجعت بشقاوتها
ابتسمت ورد :ولسه ده التيم كله كمل باسيا وفجر وجميله وتاج تخيل أن جميله بقا ف منها تلات نسخ ؟؟!
دخلت جميله وهي شايله كيس ف عصاير وماسكه واحد بتشربه ف ايديها:قاعدين بتقطعوا ف فروتي وانا مش موجودة محدش قالكوا أن دي نميمه وحرام تيجوا عليا بالباطل
فهد نصار:وانتي حد يقدر يجي عليكي
جميله :حساك بتتريق عليا ياابن سليم وكده عيب
فهد نصار بخبث:هو عيب فعلا اني اتكلم مع حد ف سنك ف بالاسلوب ده
شهقت جميله وهي بتقف وزين جري بسرعه مسكها:نعم ياابن سيا بتقول اي مين اللي ف سني ياعيل انت ده انتو كلكوا كنت بحميكوا انت هتكبر ع يالاااااا
صقفت فجر بحماس:اديلوا ياجميله جت اللي هتربيك
زين :خلاص ياجميله عيل وغلط
فهد نصار:لا مغلطتش أنا فعلا بعتذر ع اني بكلمها بالاسلوب ده وهي أكبر مني
ورد:يابني انت عايز تتهزق لي ؟
جميله:سيبوا يقول اللي هو عايزو علشان لما امسكه ارنه العلقه المظبوطه ميقولش ااااه
قلد فهد نصار صوت جميله وهو بيقول:ااااه
ايوب:ده احنا داخلين ع ايام هباب مع جميله ..
قطع خناقتهم صوت الباب وهو بيتفتح ودخل عيسي بلهفه وهو بيبص ع تاج :اي اللي حصلك انتي كويسه ؟
تاج: متقلقش انا بقيت احسن شويه تعب بس
عيسي بحنان:شويه تعب اي بس ده وشك مرهق وتعبان ..وبعدين مقلقش ازاي هو احنا عندنا كام تاج
جميله كانت واقفه بصلهم وهي حاطه ايديها ف وسطها:مالك ياض مسهو-ك ع نفسك كده لي انت مش مظبوط ياض ..
عيسي:أنا آسف مخدتش بالي من وجود حضرتك
جميله:حضرتي ؟!!!اي الواد اللي متربي مرتين ده
عيسي:الدكتور قال اي لحضرتك ياخالوا
زين:تسمم وعملت غسيل معده
ضم عيسي حواجبه بستغراب:تسمم !!انتي كلتي حاجه مش نضيفه
تاج :ابدا والله دول يدوب شويه رنجه ع فسيخ وبصل بس
فتح عيسي عينه بصدمه :بس؟!!!!كل ده وبس ..ازاي تأكلي حاجه زي دي وبالكميه دي وانتي عمرك ماكلتيها
تاج:قولت اجرب .. وبعدين انت سايب شغلك وجي لي مين الي قالك
عيسي:ايوب بلغني وبعدين فداكي اي حاجه
جميله:عم قيس ياريت تلم حنانك ده علشان بقا اوڤر
حمحم عيسي بإحراج وهو بيعدل كرڤتاته :أنا مش قصدي بس كنت خايف عليها .
جميله وهي بتشاور ع فهد:شايف الناس المحترمه مش انت
يابجح
فهد نصار:أنا اطمنت ع تاج الحمدالله اروح اشوف شغلي بقا بدل ماارتكب جنايه
جميله:شوف الواد اللي بيبرطم
ايوب:هو قالك حاجه ياجميله ده ؟!!
جميله:وانت مالك ..ولا ازاي مانت بجح زيه وقليل الادب
ايوب :خدني معاك يابني دي مابتصدق تمسك ف خناق حد
"ف قصر السيوفي "
فهد السيوفي:قصر اي اللي نروحه يااسيا
اسيا:علشان خاطري يابابا
فريده:وبعدين احنا منعرفش المكان فين
اسيا:بابا اكيد عارف انا متاكده من كده
فريده:هيعرف ازاي الطرق اتغيرت بعد السنين دي كلها
فهد السيوفي:لا أنا عارف الطريق كويس مهما اتغير الزمن ..تعالوا هنروح سوا
صقفت اسيا ع ايديها بفرحه :هروح اجيب الموتسكل بتاعي ونروح مع بعض
فهد السيوفي بذهول:موتسكل !!!انتي بتركبي موتوسيكلات ؟
اسيا:أنا واخده جائزه ف سباق الموتوسيكلات خمس مرات ده غير اني بعرف اتعامل معها كويس اوي لاني بحبها
فهد السيوفي:كمان!!من اول يوم جيتي ف ع الدنيا وانا شوفت فيكي دكتوره الاطفال الهاديه ..بس للاسف من اول ماجيت وانا شايف عكس اللي كنت بشوفك بي ف خيالي فهد ابن سليم ضيعك
ضحكت اسيا:تربيه ابن سليم بقا لازم اطلع بميه راجل
فهد السيوفي:هنروح بالعربيه علشان نعرف نبقا ع راحتنا وبعدين نشوف موضوع الموتسكل بتاعك ده
ركبت اسيا ف كرسي السواق وفهد جمبها وفريده ورا ..فهد كان بيوصف الطريق اللي جه من مع عيسي وآسيا ماشيه ع وصفه ..لحد ماوقفت قدام قصر كبير وقديم .
نزلت اسيا من العربيه ووقفت جمبها فريده وهما بيبص للقصر
فهد السيوفي:القصر ده يما شايف وعدا عليه حكايات فرح،وزعل ،وازمات ومشاكل،وذكريات جميله كتير ،القصر ده حيطانه يما شافت ويما اتحمل كتير .
فتح فهد السيوفي البوابه الخارجية ودخل وجمبه اسيا ومن الجمب التاني فريده .
شاور ع اوضه ف الجنينه لفريده:دي اوضه أو تقدري تقولي مرسم لحسام اصريت زمان اني اعملهوله هنا لان اغلب وقتنا كنا بنقضي ف قصر السيوفي الراحه والأمان والدفي كانوا ف القصر ده .
دخل فهد لجوا وهو بيفتح باب القصر الكبير وآسيا وفريده بيسمعوا كل كلمه فهد بيقولها بابستامه وعيونهم بتلمع من الدموع
فهد السيوفي:دي القاعه الكبيره اللي العيله كلها كانت بتتجمع فيها شهدت ع كل لحظتنا
بصت اسيا ع بقع الدم السوده والتراب اللي موجود:دي اللي حصل فيها المذ_بحه مش كده
ارتعش جسم فريده بخو-ف فاضغط فهد السيوفي ع ايديها وهو بيطمنها:اها حتي لحظه المو_ت كانت شاهده عليها
طلع فهد السيوفي ع السلالم وهو بيفتح جناح كبير ف العاب كتير وسراير اطفال وعليهم تراب :دي اوضتكم وانتو صغيرين ده سرير فجر وده سريرك ياسيا ودول سراير عيسي وايوب .
مال فهد ع الأرض وهو بيجب مسد_س لعبه وبينضفه من التراب:وده بقا مسد_س الرائد فهد نصار كان حلم من وهو صغير يطلع ظابط واهو حقق الحلم ده
قرب ع المكتب الصغير وهو بيفتح الدرج بصعوبه وبيطلع منه سكتش صغير :ودي كراسه فريده اللي كانت بتحب ترسم فيها
..كل واحد منكوا لي ذكره هنا مش بقولكم القصر ده ياما شايف حكايات وذكريات
فريده بابتسامه هاديه:حمال اسيه من زمان
طلع فهد السيوفي من الجناح وهو بيضحك ع فريده وطلع سلمتين وفتح باب الجناح التاني:ده بقا جناحي أنا وتاج الله يرحمها
دخلت فريده وآسيا وهما بيبصوا ع الجناح بنبهار رغم كميه التراب اللي موجود ف قربت اسيا ع الصوره اللي شافها عيسي :دي ماما مش كده ..شبه جميله اوي
فهد السيوفي:هي احلا كمان ولدتك ديما ف عيني حلوه وبرغم الشبه اللي بينها وبين جميله الا اني كنت ديما بشوف تاج مميزه
ابتسمت اسيا:الله يرحمها كانت محظوظه بيك
فهد السيوفي:أنا اللي كنت محظوظ بيها
فريده:طب مفيش صور ليها تاني ؟
شاورلهم فهد السيوفي وهو بيشيل ملايه السرير وبيرميها بعيد علشان التراب ..
قعدوا ع السرير وفهد جاب الالبوم الصور وقعد جمبهم:هنبدا من اول صوره لما كنت أنا وحسام وسليم موجودين من اول الحكايه خالص ومع كل صوره هتتعرفوا ع اهلكم لحد مانتو جيتوا ع الدنيا..
ف ڤيلا خالد الاسيوطي
خالد:يابني ارحمني انت مش بتقول أن واحده قريبتهم ف المستشفى ازاي بقا هنروح نتقدم النهارده
يافارس:دي حاله تسمم يعني مش كبيره وكمان هي كويسه وانا خدت معاد بليل وبعدين أنا رايح أخطب فجر مش اللي ف المستشفى
خالد:أنا كل ده مش شغلني أنا اللي عايز اعرفه اي اللي شلفط وشك بالمنظر ده
فارس:ياحاج ماقولتلك اتخبطت ف الحيطه
خالد بسخرية:عيل أنا علشان اصدق كلامك ده
فارس :من الاخر اتخنقت مع فهد نصار ابن سليم نصار
خالد:واي السبب
فارس :علشان شافني قاعد مع فجر ف المكتب بس والله الباب كان مفتوح ..بس اللي فهمته من فجر أنه بيغير ع أهله بيته اوي يعني علشان كده روقني
خالد:والله كويس أنه عمل كده علشان تتربي بقا
فارس:برضو هنروح النهارده عن اذنك بقا اروح ابلغ الواد حمزه بدل ماهو نايم ليل ونهار كده
طلع فارس ع السلم وهو بيصقف وبيرقص ..وخالد خبط كف ع كف :يارب صبرني ع الخلفه الندم دي .
ف شركه السيوفي..
تيام كان قاعد ف مكتبه وغزل قاعده معاها بتوتر وفيروز واقفه عند ترابيزه الاجتماعات بتخلص اوراق الصفقات
تيام:ياحبيبتي انتي مش خلاص اطمنتي عليها وبقت كويسه لي القلق بقا
غزل:اختي الصغيره برضو ياتيام ولازم اقلق عليها
تيام:أنا قولتلك تعالي نروح نطمن عليها انتي اللي رفضتي
غزل:مش هينفع أننا كنا نسيب كل الشغل ده ع فيروز ..خلاص متقلقش انا بدأت اهدا اهو يلا بقا نكمل الشغل ..لان الدواء****ده مبقاش يتعمل ف المعمل وكده بقت ازمه
تيام:عيسي قال إن الدواء ده بذات هيتعمل ف شركات زين الدالي لأنه متمكن ف اكتر مننا
قطع كلامهم صوت خبط ع الباب فاسمحت فيروز بالدخول وهي باصه ف الورق اللي قدامها بتركيز:لو ف اي اجتماعات الغيها يانرمين(السكرتيره)أو شوفي تيام باشا لو قدر يحضر تمام
يونس :امممم تؤمري بحاجة تانيه؟
اتنفضت فيروز من مكانها وهي بتبص ليونس بصدمه ..قلعت نضارتها الطبيه ..فابتسم يونس:ياخرابي علي العيون الغزلان اللي قلبي دايب فيهم .
جه تيام من ورا:دكتور يونس اهلا وسهلا
لف يونس ورا وهو بيحمحم بإحراج وبيهمس ف سره:يارب مايكون سمعني
تيام بعدم فهم لأن مكتبه بعيد عن ترابيزه الاجتماعات:بتقول حاجه ؟
يونس :ها لا مبقولش بس قولت اجي اطمن بنفسي ..لان ف اشاعات طالعه غريبه كده
فيروز:بس دي مش اشاعات دي حقيقه
يونس:حقيقه زي هو ممكن انسان يرجع من المو_ت !!
تيام:مش لما يكون البني ادم ده اصلا مي_ت إنما هو كان عايش ولسه عايش وربنا يديله طولت العمر والصحه
يونس:حقيقي انا مش مصدق من لما سمعت الخبر الدنيا مقلوبه بجد .
تيام:محدش فينا مصدق بس اهو بنحاول نستوعب
يونس بابتسامة:طب بما أن الدنيا تمام أنا عايز اجي اتقدم لدكتوره فيروز
بصت فيروز ف الأرض بإحراج فاغمزلها يونس ورجع كمل كلامه:اجيب السيد الوالد أمته ونيجي ؟
تيام بسعاده:تنورنا النهارده بليل علشان يكون الفريق اكتمل
يونس:فريق اي ؟
تيام: النهارده خطوبتي أنا وغزل ..وكمان اخواتي الصغيرين خطوبتهم النهارده فاتكون الفرحه فرحتين وكمان علشان تتعرف ع فهد السيوفي .
يونس :ربنا يديم الفرحه ..انا حقيقي اتمني اتعرف ع شخصية زي شخصيه فهد باشا وأنه عمل عيله الكل بيحبها كده
مد تيام ايده وهو بيسلم ع يونس:تمام يبقا معادنا باليل واحنا ف انتظارك .
ف قصر السيوفي ..
ف المخزن تحت ..
ايوب:طب لما نشوف بابا فين الاول وبعدين نسلمها لشرطه
فهد نصار وهو بيفك عشق:اسيا كلمتني وقالت انها راحت القصر هي وفريده وهو معاهم ..وبعدين كده افضل علشان مش عايزين هيصه وشوشره نسلمها بسكات وغير كده اسيا مش هتسيبها بسهوله .
ايوب :تمام أنا كلمت ايمن وبلغته وهو قالي أنه ظبط الدنيا ف القسم و...
قطع كلامه صوت موج وهي واقفه ورا :بتعملوا اي بقا هنا ياحلوين
ايوب:روحي منك لله قطع-تيلي الخلف مش تعملي اي حركه بدل ماانتي بتكبسي زي بو-ليس الاد-اب كده
موج:اي اتخضيتي ياظبوطه ..صحيح ع راي عمو فهد دخلت شرطه ازاي
فهد نصار:سكت خطيبتك ياايوب بدل ماار-بطك انت وهي هنا واسيبكوا لصبح ..عايزين نخلص
ايوب :ياريت تر-بطنا مع بعض ده انت تبقا عملت الواجب مع اخوك ياجدع..هو انا اطول اتربط مع الموج
موج:احترم نفسك بدل مااقول لابوك يظبطك
فهد نصار:تعرفوا تسكتوا ياتغو-را بره وانا هتصرف ف المصيبه دي لوحدي
موج:خلاص متز-عقش هنساعدك .
شالوا عشق من ع الارض وهي مغيبه عن الوعي من التعب حطوها ف العربيه وراحوا التلاته ع القسم ..وأيمن صاحبهم بلغ أنهم لقيوها مرميه ع طريق صحرواي وان ناس كانوا خاطفينها علشان سر-قوا اللي معاها ...وبكده بعدت كل الشبهات عن عيله السيوفي ..اتنقلت عشق لمستشفى وعليها حراسه شديده والمحكمة اجئلت الحكم عليها هي وفاروق .
ف قصر فهد السيوفي.
بعد مرور يومين .
كان اصدار الحكم ع فاروق بالمؤبد وعشق بالاعد_ام ..الكل كان فرحان علشان عشق ..وف نفس الوقت مش قادرين يفرحوا في فاروق بس ده العدل وكان لازم يتنفذ
رجعوا كلهم من المحكمه وجميله طلعت ع أوضتها..طلع فهد نصار وراها
خبط فهد نصار ع باب جناح جميله فاسمحت بالدخول وهي بتمسح دموعها
قعد فهد جمبها ع السرير :تعرفي اني بحبك اوي رغم انك ديما بتهزقيني
جميله بابتسامه هاديه:أنا معنديش اغلا منكوا ..تعرف أنا وابوك كنا ديما كده ناقر ونقير يمكن علشان كده بحب انكشك
فهد نصار:لسه بتحبي بعد كل اللي عمله ؟
جميله عيونه لمعت بدموع:ومش عارفه اكره وحبيته اكتر لما عرفت اللي عمله معاك انت واخواتك فاروق طيب بس الطمع ف الوقت ده كان عامي قلبه وعنيه
فهد نصار:مش هقدر اقولك هتنسي بس الو_جع اللي ف قلبك ده هيدواي مع الوقت
قطع كلامه دخول اسيا :بابا عايز الكل تحت .وانتو قاعدين هنا
جميله :أنا نازله اشوف ف اي ماهو القصر ده مش هنخلص من مصا_يبه
نزلت جميله وجت اسيا تنزل وراها شدها فهد من ايديها وهو بيبوس خدها:اي حته سيباني كده بقالك كام يوم ولا كاني جوزك
اسيا:ماهو حضرتك مش فاضيلي شويه مع امك وشويه مع ورد وشويه مع جميله وانا ع الرف
فهد نصار:علي الرف فين بس !!ده انتي اللي ف القلب والعقل
اسيا:كل بعقلي حلاوه ماهو ده اللي باخده منك
فهد نصار:واكل بعقلك حلاوه لي مااكلك انتي
ضحكت اسيا بصوت عالي وهي بتبعد فهد عنها:مش وقته فهد السيوفي لو طلع هيطردنا بره القصر تعاله نشوف عايز اي
نزلت اسيا وفهد معاها ...كان الكل متجمع تحت وفهد السيوفي واقف قدامهم
فهد السيوفي:بعد الحكم لازم نتحفل علشان كده هكلم شاهين باشا وخالد الاسيوطي علشان نعزمهم ع الغدا ..لو حد فيكوا ورا اي معاد ياريت يلغي النهارده علشان هنتجمع مع بعض .
جميله :كل الستات والبنات اللي ف القصر ورايا ع المطبخ علشان هنعمل عزومه تشرف ...والرجاله جهزوا السفره والقعده علشان السهره صباحي .
بعد شويه جه خالد وولاده ومراته دخلت مع الستات المطبخ ...وبعد شويه جه شاهين وابنه وقعدوا مع الرجاله لحد مالاكل جهز واتجمعوا كلهم ع سفره واحده وكل واحد قاعد جمب خطيبته بيهزروا وصوت ضحكهم عالي ومالي القصر بهجه .
فهد السيوفي كان بيبص لكل واحد فيهم وهو مرتاح أنه شايفهم مبسوطين أتمني من قلبه لو العيله كلها كانت موجودة بينهم ...
ف اوضه في المستشفي نورها ضعيف وصوت اجهزه شغاله ..فتحت عيونها الزرقاء بتعب وهي بتنادي بصوت ضعيف :فهد ...
