رواية عشك أل فراس الفصل السابع والثلاثون بقلم زينب نور
راهب: من بعد فترة خلص صبري بـ حبي لـ شهدي
كاعد بـ غرفتي واذكرت الموقف اللي صار وياي بـ ايام حرب داعش
بوقتها كنت كاعد وكانت صورتها عندي اخذتها من انوار بدون علمها وخليتها بمحفظتي
جنت كاعد على الساتر وطلعت الصورة اباوعلها وابتسم فززني الصاروخ من ضرب يمنا ابتعدنا عن المكان تأذينا بس مو كلش الصورة خليتها على كلبي وكانوا مخليها هيَّ على كلبي رجفت مو خوف على نفسي او خوفًا من الموت رجفت على صورتها
راهب:"أذنج للاغاني تلوك صوت المدفع يخوفج "
خليت الصورة بـ جيبي وكملنا طريقنا لـ تحرير المناطق وكنت كل وقت فراغي اطلع الصورة واباوعلها المصدر الوحيد اللي كنت اباوعلة وابتسم رغم كل المجازر اللي صارت كدامي
رجعت للواقع على صوت امي وهيَّ ادكول
ام ازهر:شنو هاي الصورة اللي بيدك
ضميتها بسرعة وكتلها
راهب:صورة تخصني
ام ازهر:تعال تغدة يلا
راهب:هسة اجي
نزلت هيَّ ضميت الصورة بين غراضي وقفلت الكنتور ونزلت اهلي كلهم موجودين
ازهر:انتَ شوكت تترقى
راهب:السنة الجاية
انور:بس انتَ مستحق هاي السنة
ابو ازهر :عليَّ عقوبة الاخ
ازهر:شمسوي
راهب:مامسوي شيء
ازهر:العقوبة اجت هيج بـ ثواب ام البنين
ابو ازهر:ماتعرف اخوك اكيد مسويلة سالفة
انور:ونمر
راهب:السنة لا انا ولا نمر تشملنا الترقية
انوار:والله خطية
راهب:اشمتي اشمتي
ورا فترة من الزمن حجيت لـ علي عن حبي لـ شهدي وكنت اعرف ردة فعلة لان اعرف علي شنو
ورا فترة قبل لا يتوفى الشيخ فراس
تواصلت ويَّ شهد من تيلفون انوار لكن هيَّ متعرف انُ أنا عبالها انوار
ومن بعدهي كدرت اسحبها للطريق بس كانت وكحة ما تنكدر
راهب:ااحجيي وياج
شهد:يلا احجي شتريد اريد اعرف وين تريد توصل
راهب:أنا راح اختصر الموضوع
شهد:تمام
راهب:شوفي راح ادز اهلي يخطوبنج اول شيء امي وانوب يجيكم ابوي يتفقون على كلشي
شهد:اي؟
راهب:اي شنو اي نزوج وراها
شهد:وأني شنو حايط نصيص ادز اهلك وتخطب وتزوج بلا منو كلك أني موافقة
راهب:وحك هوَّ علي اذا ما توافقين اسود عيشتج
شهد:عيشتي وردية وانتَ جاي تسودها والله يالله زواج ما اتزوج لا انتَ ولا غيرك واذا دزيت اهلك رفض رفض رفض
راهب:اي مو بكيفج هيَ رفض توافقين يعني توافقين ولا تخليني اتصرف غير تصرف
شهد:اي بلا اريد اشوف شنو اسوي غير تصرف
راهب:لج انتِ ليش عرمة
شهد:أني عرمة شوف ترا روحي طالعة روح شوفلك وحدها غيري البنات خير من خير تارساات الارض مالكيت غيري
راهب:اي مالكيت واخذج يعني اخذج وافقت او رفضتي مفهوم
شهد:لا مو مفهوم وبعد لتراسل ترا اروح اكول لـ علي
راهب:خفت حتى التيلفون طاح من ايدي چا ماترحين ادكولين لـ علي
شهد:صلف مو بيدك روح امسح كحلتك من عينك
كالت هيج وحضرتني بسيطة أنا الج تحجي على عيوني مكحلات من الله شسويلهن يعني
ورا أسبوع شفتها بالبستان
راهب:يابه هلا
شهد:لا هلا ولا مرحبا ولا طاري اللفة
راهب:ماتصيرلج چارة اخوج علي شطلعين مثلًا
شهد:راهب وخر عني خليني اروح للبيت ساعة السودة اللي طلعت
راهب:ساعة البركة والخير لا عيني مترحين قبل ما نصفي حسابنا
شهد:ياحساب
باوعت عليها ابتسمت طلعت بس اللسان الخوف بين عليها كانت لابسة فستان ابيض وبيَّ اصفر وهيَّ تشع والعيون تكتل
راهب:تدرين
شهد:شنو
راهب:تدرين صار سنين انتِ هنا
أشرت على كلبي باوعت علية ودارت وجها لـ غير اتجاة
راهب:عايني عليه
غمضت عيونها ودارت وجها اكثر درت وجها بيدي
راهب:لا تصيرين عرمة فد مرة أنا ادري بيج وحكة وبصغرج شابعتني طابوك وغلط
شهد:كله منك انتَ متسكت عني
راهب:هههه شهدي وداعت هالعيون هاي السحلت كلبي عاشكج ورايدج الي
شهد:راهب وخر عني
راهب:شهد انجبي واسكتي
شهد:لااا تغلط
راهب:ههههه هذا مو غلط هذا غزل بـ طريقة أخرى
راح ادزلكم امي وحق لا اله الا الله اذا رفضتي عيشتج وعيشتي وعشية اهلج اسودها بيوم وليلة اخليج ماتعرفين راسج من رجليج
شهد:اذا طلع بيدك لا تقصر
راهب:صلفة والله صلفة بس احبج شسوي كلبي عاف الدنيا واجه يركض يمج السانج جنه اللسان دلالة العصر تجيكم امي ويلا للبيت
عافتني وراحت ابتسمت وكملت طريقي من رجعت للبيت حاجيت امي وما عارضت راحت العصر الهم ورجعت كالت
ام ازهر:يومين ويرجعون الخبر يمه
اتصلت على علي وطلعنا وكان ماعندة خبر بالموضوع لان من الدوام راح للبيت بدل واجاني
راهب:اي شني ماشني
علي:انجب واسكت
راهب:ابو الوصخ طالع اباوع بـ جهرتك احجي شعندك
علي:كلشي ماعندي بس تعاركت ويّّ رافد
راهب:لا انتَ تريد كوة يسحلونك سحل مطي انتَ مطي مچلوب مستچلب شبيكك
علي:يا اخي انجب تعاركت خارج الدوام
راهب:والله عليك الله
علي:راهب اكل خرا عاد
راهب:علمين تعاركت
علي:يريد ينقل بكيفة وتعاركنا
راهب:وانتم شعليكم بالنقل يابة مو ضباط طركاعة سودة بكلشي مخلين روحهم
علي:يا اخي ليش ما تاكل خرا عقوووبة ينقل
راهب:طيط
علي:وحريشي حتى حريشي
راهب:عوف رافد واكعد وانجب
علي:راهب اسكت عني ترا مالي خلك روحي شردت من البيت حتى ما اطلع عصبيتي بـ شخص اسكت لا تطلع بيك
راهب:بـ نعال
علي:على راسك يا كواد
راهب:والله انتَ خوش ولد بس لو تعوف العصبية والعناد
باوعلي وسكت ضحكت على نضرتة ومن بعدهي رجعنا للبيت رجعوا الموافقة
علي:ما تدخل جوا
راهب:اي مو بكيفك هيَّ
بوقتها كان مريض بس محد يدري بيّ من اهلة كان يشتكي من كليتة وحاولت هواي ويا انُ لـ دكتور لكن كان معاند بيوم الخطوبة تعاركت ويا حتى يروح وقافل مايروح
راهب:نشوف تالي عنادك وين يوصل
تم الخطوبة على خير وكان كلشي طبيعي وشهد بدأت تترك عنادها وخبالها الزايد وشوية وشوية تعقل
ورا فترة توفة الشيخ فراس ورا شكم شهر ام فهد
"توفى الشيخ فراس 12/29
وام فهد توفت 10/4
ونمر ابن علي انقتل 10/8"
صدمة فوك صدمة بـ وقتها كنت بالدوام واتصل علية اخوي انور
راهب:ها انور
انور:عرفت شصار ويَّ علي
راهب:لا شكو شصاير
انور:ابنة انقتل !!
راهب:شنووو شوكت ومنو قتلةة
انور:لحد الان مانعرف شيء غير انُ ابن علي انقتل
راهب:جايكم
من الصدمة طلعت بدون اجازة اريد بس اوصل علي شنو حالتة هسة شصار بيَّ منو قتلة طفل ينقتل!!
اول ما وصلت ورا بعشر دقايق اجه علي ويا مهيب ومهيمن وغياث
دخلوا قمر لـ جوا كانت فاقدة ونمر بـ حضن علي عبارة عن دم
اخذه ابو فهد من علي وحطاه على صدرة وبجه
ابوفهد:يعين الله كلبك يابوية طير من طيور الجنة شفيع الكم يابوية شفيع الكم الله يرحمك ياجدي يابعد روحي الله وياك الله وياك
ابو اسيد:لا حول ولا قوة الا بالله الله يصبركم ياعمي
ابو جاسر:خل ندفن الطفل قبل لا يصير الليل
علي:وامة
ابوفهد:خليها بوية لا يصير بيها شيء من تشوفة
علي:تتخبل اذا ما ودعتهه
ابوفهد:فاقدة هي يابوية اخذ ابنك وخلينا نتوكل
راهب:تعال وياي
اخذت نمر وعلي كان مصدوم لـ درجة حتى كوة يحجي ممتقبل الخبر ابدًا وحقة
كعد وخليت ابنة بـ حضنة صعد ويانة نمر ومادري منو طلع ورانا
بـ نص الطريق صارت الشمس على وجهة نمر علي شال ايده خلاها على وجهة نمر حتى الشمس ماتصير عليَّ كان صافن بوجهة
الموقف يقهر وشيء صعب
وصلنا النجف خلصنا كُلشي وشال ابنة ودخل زورنا نمر ومن بعدهي طلعنا للمكبرة اول ما وصلنا المكبرة حضنة حيل وضل يبچي
راهب:كول يالله خوية كول يالله
اخذته منه اخذه الدفان ودفنة انهار بالبچي بشكل ويمه كبر امه اللي بعده حتى ما مبني بعدة طين حتى مو تراب
نمر:يصبرك الله يابعد اخوك ينطيك الصبر من صبر اهل البيت شفيعك خوية شفيع الك وطير من طيور الجنة
كام وهوَّ مكسور لكن مابيدة شيء لازم يتقبل
نص الطريق هوَّ صافن بـ غير عالم
راهب:علي
علي بـ تعب:ها
راهب:تعرفهم ؟
علي:اي
راهب:همَّ نفسهم
علي:ثارهم القديم اخذوا مني بـ قتل أبني أنا اللي خليت نفسي بهذا الوضع وبسببي انقتل ابني وادمرنا بسبب هذا الشيء
نمر:اشش لتحجي هيج انتَ معليك بشيء هذا امر الله وثار نمر مايبرد
علي:"أنا چتال أبني مو همَّ أنا چتال أبني منين أجيب الثار
نمر:كتلككك انتَ معليك لا تحمل نفسك مسوؤلية شيء انتَ مالك ذنب بيَّ
راهب:انتَ معليك بشيء افتهمت
اكتفى بالسكوت وصلنا للبيت اكو ناس استخلاف مو فاتحة دخل جوا وأنا نمر طلعنا نمر كذلك وضعة مو شيء
راهب:شبيك نمر
نمر:راح اكلك شيء محد يدري بيَّ
راهب:شكو
فتح تيلفونة وطلعلي صور تقارير طبية
راهب:شنو هاي
نمر:أقرا
انصدمت من قريت التقارير نمر مريض بـ مرض "السرطان "
راهب:شنو نمر شنو هاي
نمر:مثل ماشفت عرفت هذا الشيء قبل شهرين
راهب:وليش ماحجيت
نمر :كل واحد بينا الضيم اللي عندة يكفي
راهب:وعلاج اخذت
نمر:الاسبوع الجاي ابلش بالجرع الكميائية
ضليت صافن بـ وجهة ماعرفت شحجي بالضبط صدمتي كانت قوية
نمر:ما اريد احد يعرف
راهب:ليش
نمر:اذا طبت عود اكلهم واذا لا وأنا متأكد هذا المرض محد يتشافئ منه عود انتَ كلهم وهمَّ يعرفون
راهب:بس
نمر:بدون بس راهب ما اريد احد يعرف وعلي هم كافي عليَّ تعبة وصدمتة بـ وفاة امة وابنة
من بعدهي بدأ نمر ياخذ الجرعة الكيميائية الاولى وبـ وقتها تعب بـ شكل مو طبيعي
هيج شيء ماكدرت اضم على علي
فـ كتلة انُ نمر مريض بـ هذا المرض
صدمتة كانت ماتقل عن صدمتي
علي:ياربي دخيلك اخذ من عافيتي وانطي
من ضل ياخذ الجرعة تعب وتعبت نفسيتة اكثر وكع شعرة وحواجبة بدون علمنا قدم استقالة
علي:ليش قدمت
نمر:المن ضال بعد مامني فايدة وايامي معدودة واروح لـ دار حقي
راهب:بلا هذا الكلام لا اكوم اترس حلكك خرا
نمر:هههه جلاب راح اشتاقلكم
علي:نمرررر
نمر:راح تشتاقون لـ سوالفي و
قبل لا يكمل ضربة علي على حلكة هوَّ ضحك
علي:كافي لا تمسلت
ورا فترة قليلة تعب نمر اكثر واكثر علي بيومها كان مو ويانة ورحنا أنا نمر حتى ياخذ الجرعة بالمستشفى من طلعنا كان تعبان
نمر:وين السيارة مخليها
راهب:بالكراج
نمر:مابية امشي بعد روح جيبها وانتظرك هنا
راهب:مو تعبر الشارع
عبرت الشارع لـ صوب الثاني والحادث صار ما شفت غير نمر انشمر من الشارع لـ شارع الثاني
ركضت عليَّ انتهى بيدي
راهب:نمررر خويةةة نمرررر
المستشفى كان قريب فـ بسرعة شالوا اتصلت على اهلي وعلى علي
توفى نمر 11/8
راهب:"نمرررر
دفعت الدكتور وكعدت يمه لازم ايدة
راهب:نمر خوية مو هيج اتفقنا وعلي مو هيج يابعد اخوك احجي وياي نمررر مو وقت الموووت مو يومكك هذا نمر مو يومككك
اجة علي بعدني عنه حضنا بعض وبچينا على صاحبنا الراح بهل السهولة على صاحب سنينا اللي ويانة بـ كلشي بيوم وليلة راح نمر من أيدينا بيوم اسود وساعة سودة
عمي اول ما كالوا توفى نمر ضربتة جلطة وكع بالمستشفى
من وصل الخبر لـ اهلة تخبلوا بـ معنى الكلمة
ماتقبلوا الخبر احنه ماكدرنا نتقبل الخبر يدفون بيَّ وأنا عيني ادور نمر بين الواكفين نزل علي للكبر قرا زيارة عاشوراء
وراح نمر حالة حال الراحوا بيوم وليلة صدمتنا كانت قوية نمر صويحب روحنا ويانة بـ كلشي ضحكتنا وسوالفنا وفرحتنا نمر
راح وانتهت حياتة
ترك امة وحبيبتة اللي مالحكوا يفرحون
تركها بالدنيا تنوح وحدها وتبچي على حبيبها
تركنا احنه اصدقائة نبچي ونعاتب لكن ماكو رد من نمر
كانت اله ذنوب هواي ما ننكر لكن بالفترة الاخيرة تأب
انتهت حياة نمر وراح لـ دار حقة
"طولك حلو مو مالة تراب"
"حكي من اكثر عليك العتاب"
"بالروح ينزف باقي الصواب "
"جرحك بروحي لا تضن طاب "
ياصاحبي
..........................
قمر: اختفت ضحكتة من ضربة طلقة بـ النحر صار الدم على وجهة صرخ ومن بعدهي سكت
-هههه لوية أذن للوالد
فتحوا ايدي وطلعوا بسرعة تقدمت على ابني خليتة بـ حضني دمة صار بيدي
قمر:نمر ماما يروحي افتح عيونك ياروح امك انتَ ولككك نمرررر
خليتة على صدري وأني اصرخ واللطمم ابنيي راح من ايدي ابني انقتل كدام عيني انقتل بدون ذنب دم ابني صار بـيدي صرت اضرب على وجهي واصرخ اريدة يكعد خليت الممة اريدة يتقبل
لكن الدم كان حتى على حلكة مسحت الدم بأطراف شالي اللي كان على ركبتي ردت بكل الطرق يكعد يبچي يتحرك ما اتقبل ابني راح
صرخت وضربت على وجهي ردت يكعد وماكو نتيجة دخل علي باوع علية بـ صدمة
قمر:قتلوووواا نمرررر قتلوووااا ابنيييي
شلتت ايدي اللي كلها دم ضل يباوع علينا بـ صدمة رجعت ابچي خليت نمر على صدري وحضنته حيل
ورا مااعرف شكد وقت اجهه علي اخذ نمر من حضني
قمر:لااااا ابنييييي لاااااا لتاخذةةةة لااااا
دخل اخوي مهيب حضني حيل
مهيب:كافي يروحي كافي
قمر:راااح ابنيييي قتلوووا ابني كدااام عينيييي قتلووا حرمونيييي منهةةةة
لطمت على وجهي اخذوا بعد مارجع صرت الطم
لمني مهيب لـ صدرة ويحاول يهديني لكن نار كلبي مستحيل تطفى
قمر:هوَّ السبببب هوَّ كلهمممم حجوووا ويا كلولة اترك القضية وعاند عاااند رااااح ابنيييي رااااح
مهيب:كاافييي شعلية الولد لا تحملي ذنب مو ذنبة اششش ولا صوت
انطفت الدنيا بعيني وماادري شصار بعد كعدت لكيت نفسي بـ غرفة عمتي ويمي ماما وبيبي والبنات وكلهن
قمر:ابنييي ويييننن ابنييييي
كمت وأني اصرخ اريد ابني اريد اودعة لـ اخر مرة لكن مالحكت اخذوا ودفنوا مالحكت اودعة للمرة الاخيرة اشوفة بيها
بچيت ولطمت لكن شيفيد والراح ابني
يكلولي الثار شيفيد الثار وابني ميرجع بعد
كنت انتظرة يكبر سهرت ويا يوم يوم وساعة ساعة
وراح وياريت موت الله ممكن اتقبل لكن قتل وبـ طريقة مخيفة بـ شكل مو طبيعي ام وتشوف ابنها ينقتل كدامها ومتكدر تسوي شيء
شنو يصير بحالها الطلقة اجت بالنحر تمامًا صرخ اخر صوت ومن بعدهي سكت شنو راح يصير بـ حالي
صعدت لـ غرفتي ملابسة والكاروك (المهد)خالي كلشي يخصة كان موجود فتحت تيلفوني صور نمر من كان عمرة ايام الى اخرر يوم وقبل لا ينقتل بـ ساعة أني صورتة
حملت علي الذنب كنت منهارة بكُل معنى الكلمة ماعرف شنو اسوي صرت مخبلة اييي مخبلة ساعة ابچي وساعة اضحك ساعة اتقبل ابني مات وساعة لا مااعرف شنو اسوي بالضبط
ورا فترة كنت كاعدة يم الكاروك ابچي ودخل علي كمت يمه صرت اضرب على صدرة بـ ثنين ايدية واصرخ بـ وجهة
قمر:انتَ السبب انتَ راح ابني بسبكك مو كالوا اتركك القضية ليش عاندتتت ليشششش
علي:اششش خلص اهدائي اي أنا السبب بس اهدائي
لزم ايدي وحضني حيل حضنتة وبچيت بكُل حيل عندي
علي:خلص كافي اهدائي والله مايبرد ثاره
قمر:وشيفيد الثار والميت ابني
علي:نمر ميت وچتالة يشم الهواء ماتصير هاي أنا راح اروح لو ارجع لو لا ديري بالج على نفسج
قمر:وين رايح وين تعوفني وأني بهذا حالي محتاجك يمي مو كافي نمر راح
علي:لا تخافين بس ديري بالج على نفسج ضي عيني انتِ
تركني ودخل بدل ملابسة لبس ملابس كلها اسود بـ اسود طلع المسدس حط بيَّ رصاص وحط كم وحدها بجيبة ولبس شفقة وكفوف
باسني وانطاني ورقة وابتسم
علي:ديري بالج على نفسج بيها شعر احبج هواي
تركني بدون ما يسمع جوابي وطلع صحت ورا ارجع لكن ما رجع زاد خوفي من قريت الشعر كان مكتوب
"وخاف اموت
نامي يمي وبوسي كبري ودعيني
ولا يضل بالج عليه حتلو ميت
احبج وابد مايبرد حنيني
وادري بيج شكد حنونة
وخاف اتعبج لا تجيني
هاي دنيا
وكلها تمشي ابريني ذمة
وسامحيني
يجوز اروح من اديج
وانتِ بعدج بين ايدية "
من شفت الشعر جسمي كلها ضل يرجف اخذت تيلفوني واتصلت عليَّ جاوبني
قمر بـ دموع :ارجع عليك الله ارجع
علي:ما ارجع يروحي ولا تخافين
قمر:وين رايح كُلي وين رايح
علي:بعدين تعرفين
غلق التيلفون كعدت حيلي مهدود فوك مصيبتي يارب دخيلك رجعة سالم مابيه حيل بعد اذا صار بيَّ شيء والله اتخبل لو اموت
ضليت انتظر وهوَّ ماكو صار الليل وماكو
امير:ماكلج وين رايح
قمر:لا
اسد:اتصل على راهب
امير:همَ ما يجاوب ونمر يكول مادري بيهم
الجدة:الله يستر
يومين بالضبط يلا رجع
ابوفهد:وين جنت
باوع علينا كلنا وكعد وكال
علي:كتلت كتال ابني
لطمت على خدي من سمعت الكلام
اسد:شسويت !!؟
علي:كتلت كتال ابني نفس ماضرب نمر طلقة بالنحر ضربتة بـ نفس المكان
صهُيب:صخم الله وجهك على هاي السالفة شلون ولك
علي:لا تخافون مو غبي أنا حتى اخلي القضية تتلبس براسي واخسر كلشي
صهُيب:فهمنا شسويت
باوع علينا واحد واحد وتركنا وصعد فوك
ابوفهد:لا حول ولا قوة الا بالله شلون بيه أنا ويَّ هذا المسودن
صعدت ورا لكيتة بالحمام يسبح المسدس كان على الميز اخذتة فتحتة كان خالي من الرصاص ويمه رصاصتين فقط
علي:شسوين
فزيت على صوتة رجعت المسدس لـ مكانة ورحت وكفت كبالة
قمر:جاوب شلون قتلتة
علي:تعبان واريد ارتاح صار يومين ما نايم وخري عني
قمر:جااوبنييييي شسوويت مووو كافيييي خسرررت نمرررر
علي:ماسويت شيء مو يكولون وبشروا القاتل بالقتل أنا طبقت هيج وقتلتة مثل ما قتل نمر خلال 11 يوم طيرت راسة
قمر:دمرت نفسك
علي:أنا علي ادرس الشغلة يلا اسويها مو غبي واروح احطها بـ راسي خليت كيدهم بـ نحرهم
مافهمت شيء من كلامة تركني وراح حتى ينام وأني بقيت بـ صدمتي
علي:اخذتي علاجج
من كالي يلا تذكرت من وفاة نمر لليوم أني مماخذة العلاج هزيت راسي بـ لا كام من مكانة اتجهة للعلاج عكد حواجبة وكال
علي:صار شكد ماماخذة علاجج
قمر:من وفاة نمر
علي:عفية عاشت ايدج
جاب العلاج شربتة وهوَّ كعد يمي
قمر:مو كلت راح انام
علي:تتوقعين اكدر انام
قمر:ماادري
علي:كومي نامي
راحت عيوني على مكان نمر ونزلت دموعي
رحت يم الكاروك وبچيت حيل علي كان كاعد بـ مكانة يباوعلي
صرت كل ليلة ابچي على نمر الليل ما انامة ومن بعد وفاتة ساءت حالتي اكثر واكثر وكلبي ضل يوجعني اكثر وحتى العلاج صار ميفيد
علي كان دائمًا وياي ابدًا ما تركني بس كان عليَّ ضغط بالدوام مو طبيعي
من بعد وفاة نمر ابني توفة نمر ابن عمي كانت صدمة حيل بـ حادث ضربتة سيارة
ريام كانت صديقتي واعرف حبها لـ نمر واعرف نمر يحبها لكن ابوها كان قافل قبل لا يتوفى نمر بـ شهرين رجعت علاقتهم كانت دائمًا تحجي عن نمر وحبهم لـ بعض
ريام:البارحة بالجامعة وهوَّ اجة عليه من طلعنا صادف مراة جبيرة بالعمر كلهه خاله
الحجية:ها يمه
نمر: سؤال أنا اخذ هاي المهجومة لو لا
الحجية بـ وقتها ضحكت ضحكنا على ضحكتها وبعدين رجعت كالت
الحجية:الله كريم يمه الله كريم
نمر:ادعيلي عليج الله وانتِ مراة جبيرة ومن اهل الله ادعيلي الله يهدي ابوها واخذ مهجومتي
وبـ وقتها صار منو يشوفة بالشارع يكولة ادعيلي اخذها عليك الله حتى الطفل يروحلة ويكولة
اجه هذا الموقف على بالي وحال ريام من وصل خبر وفاة نمر شنو راح يكون حالها
من رحت لـ بيت عمي مرت عمي وبناتها بكل معنى الكلمة انتهوا وعمي ضربتة جلطة اخوانة صاروا يلطمون لطم نسوان
ومن جابوا التابوت كلهم وكفوا على التابوت ويلطمون لطم نسوان اصدقائه واخوانه والكُل
حزن الجنوب اللي مامثله حزن ابدًا
كولاتهم ولطمهم توسطوا اخوانة واصدقائة النسوان وصاروا يلطمون على التابوت وامة هيَّ الي ادكول
عطلولي الولد خلوني اشوفنة
واكله بـ شاربك لا تكطع الضنة
وانه بـ عازتة واليوم اردينة
وضيعنا الحلوة عيونة
واحد من اصدقائة على التابوت وكف وصاح
_خوية مو يومك هذا اسم الله على اسمك
وغيرها هواي وهواي لطموا لطم نسوان شالوا التابوت وصاح الثاني
_اخذوا ويَّ المفارك وداعية يريد يشيل والشيلة افراكية
تركتهم ودخلت جوا أني ورسُل ريام كانت كاعدة على الدرج كلها كانت برا بالحديقة
رسُل:ريام
ريام:ولجججج رسُل رااااح العزيزززز راااححح ولججج نارررر كلبييي ناررر بكلبييي ناررر راااح حبيبي راح ولججج كلبييي كلبيييي
صارت تضرب على وجها وتبچي ماكدرنا نسوي شيء غير انُ نبچي وياها ماكدرنا نهديها وشنو يفيد كلامنا حقها
ريام:كال ما عوفج ما اعوفج وتركني وراح اخواتة وامه وكلهم يكدرون يبچون ويلطمون الا أني مو حقي منووو اني حتى ابچي والطم واصرخ ولككك نمررر ااخخ شسويت بيه وين عفتني بين المايخافون الله جنت ما اخاف هو بـ ضهري هسة عافني وراح ربيييي دخيلكككك مو كد الفراك يارب دخيل اسمك رده اليه يارب
كلامها كان يبچي الصخر
تركها وراح نمر تركها تفرفح ورا مثل الطير المذبوح
تجي يمنا تبچي وتروح لان يم اهلها ما تكدر
ريام:هسة ابوي تندم يكول هواي قهرتة وضوجتة هسسة بعددما راح اااخخ ياعزيز روحي ااخخ والله اتمنى لو يرجع ساعة وحدها بس ساعة ويشوف شنو صاير بـ حالي
..............
علي: من عرفت نمر بيَّ فتحة بالقلب خوفي زاد عليَّ اكثر واكثر
لكن ماكان باليد حيلة غير انُ اصبر واشوف تاليها...
وفاة أمي اللي كسرتني فوك كسرتي وتعبتني فوك تعبي ماكنت متوقع امي راح تروح مني بهل السرعة هاي وبـ ذاك الوقت كنت محتاجة حيلل
كنت محتاج مثل كل مرة من أتعب اروح يمها وارجع طفل ويبچي بـ حضن امه
لكن اخذتها المنية وراحت لـ رحمة الله
ولازم اتحمل واتقبل الواقع بكُل شكل من الاشكال قبلت او لا الواقع لازم اتقبلة
اربع ايام فقط من وفاة أمي توفة أبني بسبب ' ثار '
اللي يعيش بهذا البلد لازم يعرف انُ من راح يكون ضد الباطل ومن راح يخلي راسة بـ راس شخص على كولتهم«ضهرة قوي او راسة جبير»
بـ معنى اكبر منك ولا تخلي راسك بـ راسة راح تتأذى هواي
لكن ما اقتنعت وحاولت اوصل لـ هذا الشخص تحديدًا لكن كانت الطرق طويلة والعثرات كثيرة رغم هذا ما وكفت
من وصلت لهذا الشخص وعرفت شنو هوَّ
رجع بيه الماضي هذا الشخص احد افراد العصابة اللي كان ويَّ سامي وهديل وقحطان وغيرهم وغيرهم هذا واحد من افرادهم لكن اقوى منهم
القينا القبض عليَّ بالقانون وضغطوا علية كُلش هواي
من خلال التهديدات والتخويف ومحاولات الاغتيال
لكن أنا سملتة وعتبرت نفسي طلعت من القضية
لكن بـ عقلهم غير شيء واخذوا مني أبني قتلوا بـ دم بارد وضحكة مستفزة
لكن تعلمت ما اسكت عن الحق لو تروح روحي
من بعد وفاة ابني وحال قمر اللي صارت ايام وليالي ما تنام بديت احسها عقلها راح
مرة تكعد تبچي ومرة تضحك مرة تغني ومرة تلطم تجيب المخدة تخليها بـ مكان نمر وادكلي اسكت نمر نايم لا يفز شينومة بعد وأني تعبت اريد انام
وتتركني وتروح تنام وتفز بليل تسوي ممة لـ نمر وتنطيها للمخدة!!
هذا حال قمر كان مرتي ماتقبلت الواقع وعايشة بـ وهم وحلم
وابني راح بـ دم بارد وحركت كلبي وأنا اشوف اللي صار بسببي
حلفت اخذ الثار لو اخسر الاول والتالي لو اخسر روحي ثار ابني مايبرد
اشتغلت ليل ونهار على القضية رغم ضروف البيت لكن ما تركت القضية ليل مع نهار الى ان وصلت للشخص المطلوب هو نفسة اللي قتل نمر كذلك تابع للعصابة
طلعت بـ واجب القي القبض على هذا الشخص لكن درستها صح
وخليت تكؤن اشتباكات بينة وبينهم وضربتة طلقة بـ نحر بالضبط بـ نفس المكان ابتسمت من شفتة وكع وهوَّ يرفس مثل الجلب
"الخطة "
راهب:شراح تسوي
علي:ادخل بينهم
نمر:شلون
علي:اتنكر وادخل بينهم من طرف هذا الخسيس و توصل اخبار راح يجون عليهم وهذا الخسيس يكول واجهوهم
نمر:شنو هاي تضبط؟؟ سهلة حيل
علي:هه معليك تضبط وداعتك
اشتغلت عليها هواي يلا ضبطت من خلال دلائل وصوت وصور وتنكر وانواع واشكال يلا كدرت اضبطها
قتلت قاتل نمر لكن ما طفت ناري ابدًا
تركت كُلشي من عرفت نمر صديقي مصاب بهذا المرض
التهيت ويا حاولنا هواي لكن أمر الله وهذا اللي صار
كسرتي ابدًا مو سهلة امي وابني وصديقي من جهة
ومن جهة ثانية مرتي اللي تعبت وصار وجع كلبها حتى العلاج ما يسكنه والدكتور بكل مرة يرفض رفضًا قاطع انُ يسوي العملية تواصلت ويَّ دكتور بالخارج ونفس الكلام
ومن جهة أنا اللي تعبت وعلى ساعة انتهي وتنتهي حياتي بالكامل
تعب كلبي وأنا اودع بيهم واحد ورا الثاني وياكلب هذا اللي يتحمل فقد العزاز بهل السهولة صرت احس نفسي حتى بدون كلب واحساس ومشاعر
علي:واصل مرحلة تخوف رايد روحي أكتلها "
راهب:الك الله يعاين على كلبك ويرحم بـ حالك ياخوي
علي:الله كريم تهون ماتضل هيج لابد تنتهي بيوم ونرتاح
راهب:اكل خرا وانجب وعوف سوالفك وعوف الموت لا اكطع النعال على راسك
علي:كواد وساقط شتوقع منك
راهب:اختك شلونها
علي:اكل خرا شعليك بيها
راهب:مرتي ابو الوصخ
علي:سد حلكك اشرفلك
ورا شهرين من وفاة نمر التحقت للموصل وأنا هناك خابرتني قمر
علي:هلا بـ ضي العيون
قمر:بعد التحية والسلام
ارجوا الموافقة على طلب الخروج الى السوق مع اخاك واختك علمًا ان سبب الخروج لـ شراء الدواء وايضًا بعض الاحتياجات للمنزل ولي
زوجتك المخلصه دومًا وليس يومًا
علي:عمليات ..
لا مانع لدينا من الخروج مع مراعاة اللبس المحتشم والمكياج
قمر:شكرًا سيدي على الموافقة نموت على حضرتكم
علي:ولكم مني فائق العشق
سديت التيلفون وأنا اضحك رجعت اكمل شغلي بليل راسلتها كتلها رحتي
قمر:لا ما رحت
علي:ليش
قمر:مالي خلك وتعبانة
علي:شبيج تعبانه بيج شيء
قمر:حامل !!
علي:كولي والله
قمر:والله
علي:الف الحمدلله وشبيج ما فرحانة
قمر:مادري تعبانة ومالي خلك شيء ماتوقعت بهل السرعة
علي:هههه الحمدلله ديري بالج على نفسج
قمر:شوكت تنزل اشتاقيتلك
علي:مو كدي ان شاء الله بعد شكم يوم
قمر:ان شاء الله
حجيت وياها شوية وبعدهي راحت ثاني يوم اتصل عليه الشيخ وصوتة كان مو طبيعي من بعد السلام كال
الشيخ:زوجتك تخربطت تعال شوفها
علي:شنووو متخربطة شبيها ليش
الشيخ:تعال وافهم منها
غلق التيلفون طلع وياي راهب وكذلك كان مو طبيعي
علي:رااهب اعصابي تلفت ترا تعرف شيء وضام عني كلبي واجعني وما مرتاح
راهب:ياخوية لو اعرف شيء تتوقع اكدر اضم عنك أنا حالي من حالك نوصل ونشوف
الطريق حسيتة صار شطولة وزاد خوفي اتصل ما تجاوب باوعت على ايدي اول مرة ترجف بهل الشكل هذا
وصلنا البصرة اول ما نزلنا ...
..........................
شكرا لزيارتكم عالم روايات سكيرهوم
