رواية كوميديا سوداء الفصل السابع و الثلاثون بقلم ليل ادم
احمد : ( بعد ما حقنت جميله و مس غاده و حقنت نفسي تأكدت اني لازم افتح الباب لاني وصلت إلى مرحله صحيه صعبه جدا وكان يلزم الأمر تدخل أحد الأطباء لإكمال مراحل العلاج القادمه مع من يتبقا منا وبمجرد فتحي للباب لا اعلم ما حدث بعدها )
الدكتور علي: خالد انت لبس الجوارب ادخل أنا ثانيه وهكون عندك
الدكتور خالد: (فعلاً دخل بسرعه وتم تجهيز سرير تالت في نفس الغرفه ووضع احمد عليه وبدأ الجميع في متابعه احمد و جميله و مس غاده الصحية وكان يظهر لهم أن الحقن لم يكن الحل كمان يتوقع احمد )
الدكتور علي: خالد مش عايز أحس انك محبط احنا اهم حاجه عندنا الوقتي نبقيهم على حاله مستقره مش اكتر مش عايزين نوصل ل تدخل جراحي ابدا فاهم قصدي على الاقل احمد لو حصل تدخل جراحي ل احمد احنا كده خسرنا وجوده على الأقل لحد ما يتعافى نهائي
ريهام: ولو فشلنا يا دكتور علي هنعمل اي ما احنا مش علشان خايفين نخسره شويه وقت نقوم نخسره خالص
الدكتور علي: انتي بتقولي اي يا ريهام انت فاكره احمد دكتور شغال معايا احمد دا ابني وربنا يعلم أنا بحبه أد اي
الدكتور خالد: لازم يكون في حل يا علي مينفعش نفضل نعالج اعراض ونسيب المرض نفسه
الدكتور علي: صدقني والله كل واحد فينا نفسه في حل اي حل اكيد محدش مننا يتمنا يشوف احمد بالذات في الموقف ده
معتز: هو أنا ممكن اقول حاجه
الدكتور علي: قول
معتز: كان في حاله معانا هنا في المستشفى وبعد علاج الحاله كان الشكل العام بيقول أن الحاله على وضعها مفيش تحسن وقتها الدكتور أحمد قالي اسحب عينه من المريض سألته اي لازمه العينه و المريض نفسه لسه على حاله قالي يا معتز في أمراض عضوية بتسيب أثر على الجسم يفضل الجسم يحارب فيها لحد ما ينتصر إنما شغلك كا دكتور انت فعلاً عملته
الدكتور خالد: صح يا علي ما نسحب عينات دم منهم ونشوف الحاله وصلت لحد فين أنا بثق في كلام احمد واظن مفيش حد هنا عنده شك في قدره الدكتور أحمد
الدكتور علي: أسحب عينات يا خالد معنديش مانع بس قبل ما تسحب بص على الشاشه قيمات الجسم كلها وقعه مفيش جهاز واحد شغال بكفاءة كامله
معتز: بعد اذنك يا استاذ علي أنا هسحب العينات حتا لو القيمات كلها عكس كلامنا أنا مش هاخد بالظاهر من رد فعل الجسم ممكن يكون الجسم في معركه واحنا مش عارفين على الأقل لو تأكدنا أن كلام الدكتور أحمد صح نقدر نساعد الجسم في معركته بشويه عقاقير طبية
الدكتور علي: اسحب العينه يا معتز
في جانب آخر
مس سلوي: استاذه ريهام والد الدكتور أحمد و والدته طالبين يشوفوا ابنهم
ريهام: لا طبعا مينفعش حد يدخل احنا بنتكلم في مرض وبائي احنا هنتكلم معاهم من غير ما حد يدخل
الدكتور خالد: أنا هعقم نفسي وطالع اتكلم معاهم في مكتبي ريهام وأستاذ على خلصوا تعقيم وياريت تيجو نتكلم مع الناس
الدكتور علي: مفيش مانع معتز انت ومس سلوي عنيكم على الشاشه اي ظرف طارئ بلغوا بأسرع وقت
في جانب آخر كان فعلاً خرج الدكتور خالد وشاف الدكتور راشد عبد العزيز
خالد: دكتور راشد ازيك عامل اي
راشد : الحمد لله تمام يا خالد الولد ماله انا عرفت من خلال السوشيال ميديا
الدكتور خالد: قصدك الدكتور أحمد ولا المريض اللي مات
الدكتور راشد : أنا بتكلم عن ابني يا خالد
الدكتور خالد: هو ابنك جاله نفس الوباء يا راشد
راشد: يا خالد الدكتور أحمد يبقا ابني
الدكتور خالد: نعم انت بتقول اي
راشد: هو انت يعني مكنتش تعرف يا خالد
خالد: والله ما اعرف إلا منك انت الوقتي طب ليه مكلمتنيش وقولتلي يا راشد انت سبت الولد لوحده كده وسطنا طب كنت تقول إنه ابنك على الأقل كانت المعامله معاه أختلفت قبل ما يجبرنا على حبه
راشد : ابني كويس يا خالد
خالد: أدعيله يا راشد
راشد : عايز أشوفه
خالد: راشد انت عارف احنا في اي
راشد : ام الولد هتموت عليه أنا مش هدخل حد انا بس اشوف ابني ومش عايز حاجه تانيه ممكن
خالد: البس الجوارب يا استاذ راشد وتعالي معايا
راشد : حاضر يا خالد
في جانب آخر
ريهام: لحد الوقتي وزارة الصحة مفيش منها رد أنا مش عارفه اعمل اي هتجنن
الدكتور علي: مكنتش متخيل اني هشوف أحمد كده ومش متخيل أن الموضوع يزداد سوء
ريهام: انت عارف اللي مطمني علي احمد وعليهم كلهم
الدكتور علي: اي
ريهام: أن احمد وجميله كانوا ممكن يعملوا اي حاجه في سبيل أنهم ينقذه اي شخص هنا حتا لو احنا عجزنا بس ربنا معاهم وأن شاء الله يرجعوا بألف سلامة
باب الغرفه اتفتح
الدكتور علي: لحظه واحده من فضلك مينفعش تدخل مين ده يا خالد
خالد : استاذ علي سيبه دا والد احمد
الدكتور علي: ولو يا خالد انت عارف حجم الكارثة اللي احنا فيها مينفعش اي حد يدخل هنا
الدكتور خالد: عرفت بقا أن محدش فينا كان يعرف يا دكتور راشد
الدكتور علي: الدكتور راشد مين
راشد : مش وقته يا علي بعد اذنك اشوف ابني وبعدين نتكلم
الدكتور علي: (بدأ يشبه ع الصوت علشان يعرف مين ده)
الدكتور راشد: ( بص على الشاشه وشاف قيمات احمد ) هو خد اي يا خالد
خالد : أتعامل مع الفيرس على أنه فطر اسود
راشد: وهو فعلاً الفيرس مات بموت المريض علشان يعتبره فطر اسود
الدكتور علي: فعلاً مات بموت المريض
الدكتور راشد : آخر عينه أتسحبت كانت امتا
الدكتور علي: من ربع ساعة بالظبط والنتيجة قربت تطلع
مس سلوي: دكتور علي بص على نسبه الوعي كده عند الدكتور أحمد
الدكتور راشد: طبيعي نسبه الوعي ترفع علشان الوقتي هو سامع صوت بيحبه وكان غايب عنه بقاله فتره عقله الوقتي بيعمل عمليه تركيز كامل في دقه الاصوات علشان يقوله الشخص ده مين
الدكتور خالد: طب قرب منه يا دكتور راشد اتكلم معاه
الدكتور راشد: مش هيستجيب يا خالد أنا عايز اشوف الفحوصات اللي أتعملت اخر مره بعد اذنكم ممكن
الدكتور علي: حاضر أول ما تطلع مفيش مانع
استاذ ريهام: هو حضرتك دكتور اي
الدكتور راشد : أنا كنت زميل الدكتور علي و استاذ الدكتور خالد اخر سنتين وكل واحد منهم خدم معايا الدكتور علي كان معايا في مستشفى ---------- خدم معايا سبع سنين
الدكتور علي: راشد عبد العزيز يخربيت عقلك اي الصدفه دي
الدكتور راشد: أول ما عرفت ان تكليف احمد معاكم فرحت جدا علشان أنا عارف خالد وعلي جدا وعارف أن احمد معاهم هيكون ليه مستقبل حلو جدا
الدكتور علي: أنا مش مصدق احمد ابنك ينهار ابيض على الصدفه ومش عارف ازاي ولا مره ربط الإسم ببعضه
استاذه ريهام: احمد ابن حضرتك للأسف مفيش ولا مره حاب سيره حد منكم علشان كده مكنش حد مننا يعرف
باب الغرفه اتفتح
معتز : كلام الدكتور أحمد صح والجسم بيعالج الأعراض بعد التخلص من الفيرس
الدكتور راشد: وريني الفحوصات دي كده
معتز: مين حضرتك
الدكتور علي: أدي الفحوصات للدكتور راشد يا معتز
معتز: اتفضل
الدكتور راشد: ( بدأ في قرأت الفحوصات وبعد الانتهاء) ارفع نسبه الوعي اقصي حاجه ممكنه
الدكتور خالد: تحت امرك يا استاذ راشد
الدكتور علي: مس سلوي بسرعه تلات جرعات أزور
الدكتور راشد: ومعهم اربعه سنتي مقوي عام كامل من الاصفر كل واحد جرعه بسرعه
مس سلوي: تحت امرك يا دكتور
الدكتور راشد: خالد علي كل المصابين ينتقلو في الغرفه هنا معتز بسرعه عينات الدم بتاعت المريض المتوفي لازم الكل ياخد المصل حالا
معتز: تحت امرك يا دكتور
الدكتور راشد: استاذه ريهام ارفعي الحاله القسوة في المستشفى التعقيم كامل لكل المبنا احجزي كل الأشخاص اللي داخل المستشفى في مدخل الطوارئ ويتم سحب عينات حالا وتتحلل ونعزلهم بعيد عن بعض اللي يطلع عنده الفيرس يدخل ياخد المصل والسليم يطلع من المستشفى لحد ما التعقيم ينتهي
استاذ ريهام: تمام مفيش مانع بس الطاقم الطبي يمشي ازاي
الدكتور راشد: يمشي احسن ما نتحول كلنا الي مصابين في لحظه اتفضلي بسرعه ياله
الدكتور علي: الجرعات وصلت
الدكتور خالد: في سبع حالات غير التلاته دول
الدكتور راشد: أعزل كل الحالات معانا هنا اللي مخدش المصل ياخد واللي خد نكمل معاه بنفس جرعات الأطباء المصابين اللي معانا
الدكتور خالد: تحت امرك يا دكتور
وبدأ فعلاً الجميع ينفذ كلام الدكتور راشد زاي ما قال و تم الكشف عن حالتين كمان داخل المستشفى مصابين بنفس الفيرس و تم دخولهم إلى غرفه الحجر مع الطاقم الطبي و سريعاً تم تلقيح الجميع ضد الفيرس وتم إخلاء المستشفى من الجميع عادا المصابين و باقي الطاقم الطبي الموجود مع الدكتور راشد وفي الصباح كان بدأ احمد في التعافي وجميله أيضا وكانت مس غاده لسه مش في كامل وعيها بس المؤشرات في الاتجاه الصحيح
الدكتور علي: برافو عليك يا دكتور راشد وجودك كان في الوقت المثالي لينا كلنا
الدكتور خالد: الشخصية القيادية اللي عند الدكتور راشد كانت السبب في أننا نعدي الازمه الحمد لله
استاذه ريهام: أنا كنت مرعوبه من فكره ان المستشفى تبقا فاضيه علينا مفيش طاقم طبي إلا انتم وبس بس بصراحه الحمد لله كانت فكره كويسه جدا منك يا دكتور راشد
الدكتور راشد: الحمد لله المهم الوقتي ربنا يكمل بالخير ويبتدي يكون في نسبه شفاء تعطي الضوء الأخضر لينا ونطمن من طريقها
مس سلوي: دكتور علي احمد فاق
الدكتور علي: بجد
مس سلوي: اه والله وجميله كمان
الدكتور خالد: ياله بسرعه ننزل نشوف حالتهم الصحية
في جانب آخر وبعد نزول الجميع
الدكتور راشد: حمدالله على سلامتك يا بطل عامل اي
احمد : (مش مصدق وجود والده هز رأسه أنه تمام)
الدكتور راشد: امك خاربه الدنيا عليك أنا وديتها شقتك عايزك تتحسن بسرعه علشان هتموت وتشوفك أنا مصبرها بالعافيه
احمد : (بص حوليه يشوف جميله كانت جميله لسه بتبدا تفوق)
مريم : ألف سلامه عليك يا احمد
احمد : (بيتكم بصعوبة) الله يسلمك
الدكتور خالد: يعني الدكتور راشد يبقا والدك ومش عايز تقول
احمد : مكنش عايز اني اقول لحد هيا جميله كويسه
الدكتور راشد: كويسه و جمبك اهي بس لسه بتتحسن
جميله: (أول ما فتحت عينيها ) احمد فين
احمد : (أول ما سمع صوت جميله ضحك ) أنا جمبك يا بومه
جميله: (مبتسمه) برضوه بومه
الدكتور راشد: شكله مطلع عينيكم صح
استاذه ريهام: عايزه اقولك أن احمد ماشاء الله عليه من أول يوم معانا واحنا يا في القسم يا الوزارة كلها عندنا هنا بسببه يا عامل مشكله مع اهل مريض حاجه يعني من الآخر
الدكتور راشد: مفيش مكان تروحه اسأل عنك حد يقولي حاجه حلوه (وبيضحك)
الدكتور علي: عايز اقولك يا راشد أن احمد هنا بالنسبة لينا كلنا اهم دكتور في المستشفى مش دكتور امتياز لا خالص والله ماشاء الله عليه انت عارف يا راشد أنا عايز اقولك أن احمد كا دكتور احسن منك ومني كمان ولا تزعل
الدكتور راشد: من وهو صغير كان نفسي اشوفه دكتور لانه ذكي جدا وعنده موهبه في الحفظ يعني ممكن يحفظ آلاف الإجراءات الطبية مجرد بس ما يقرأ عنهم ما ينقص احمد بس هو العملي يطبق الإجراءات دي على أرض الواقع علشان كده مبسوط بالنتائج اللي وصل ليها معاكم
احمد : (عايز يقوم من مكانه بس مش قادر)
الدكتور علي: لا لا لا مش دلوقتي انت لسه بتتعافى بلاش تستعجل
الدكتور راشد: سيب كل حاجه تمشي بصورة طبيعية يا احمد علشان تقوم اسرع
احمد : أن شاء الله حاضر
الدكتور راشد: مس غاده عملت اي الوقتي
مس سلوي: في تحسن بس بنسب بسيطة
احمد : علشان مس غاده عندها أمراض مزمنة
الدكتور راشد: اه فعلاً
احمد : فين فحوصات مس غاده
الدكتور راشد: يابني ما احنا معاكم اهو هو انت لازم تدي رايك
الدكتور علي: سيبه علشان يكون مرتاح أنا عارف احمد امسك فحوصات غاده اهي
احمد : فتح الفحوصات ( وبص عليها وطلب قلم )
الدكتور علي: خد قلم اهو
احمد : مس سلوي أعملي التحاليل دي ل مس غاده
الدكتور راشد: وريني كده (وشاف احمد كاتب اي ) عايز تعمل ايكو على القلب ليه الموضوع كان فيرس وبائي
احمد : لا أنا لما كنت متابع مس غاده كان عندها مشكله في القلب مقدرتش اوصل اي هيا المشكلة وده سبب أنها لسه مش عارفه ترجع من تاني زاي ما أنا رجعت و جميله رجعت
الدكتور علي: يمكن فرق السن اللي بينكم يا احمد هو السبب
احمد: مس سلوي من فضلك روحي التأخير اكتر من كده خطر على حياه مس غاده
مس سلوي: بعد اذنك يا دكتور راشد
الدكتور راشد: اتفضلي
استاذه ريهام: هو على طول كده يا دكتور راشد مفيش كلام بيدخل دماغه على طول هو صح واي حد غلط
معتز : بس على طول بيطلع صح يا استاذه ريهام
الدكتور راشد: بس يا دكتور معتز انت في مستشفى قطاع عام و كتر التحاليل و الفحوصات بيكلف المستشفى جدا وخلي بالك كل ده بيضعف وضع المستشفى المادي جدا
احمد : وأنا قولت مليون مره أنا مش جاي احافظ على كراسي أنا جاي أساعد في إنقاذ الناس
وفجأة حصل تشنجات مرعبه في جسم مس غاده والقلب بدأ في التوقف العام
