رواية قصة وجدان الفصل السابع والثلاثون 37 بقلم انين الليل

عرفت بهاء اجه الكل اتوتر اله انا دخل بهاء ورا عمي مهدي وجه كلامه السعاد 

من رخصتج عمه ما الكم بت عدنا بت عمي الي وانا نهيت عليها وتالي ( صار يباوع الامه ) شغلي ويه الضمن عليه 

سعاد رادت تحچي هو رفع ايده // عمه روحي البيتج الزواج قسمه ونصيب وابنج ما اله نصيب عدنا

سعاد بعصبيه // تطردني من بيت ابوي ونمونه تره انا ما رايدتها هاي تصعد وتنزل تبقى بت سعدي بس ذاك الحمار 

كتل روحه عليها 

بهاء // خوش وهسه ما الكم نصيب يمنه والولد ابنج ( خزرني ) ما گال شي بالعكس كام وگلي تتهنا بيها 

وهسه اعذرينه ام غزوان 

رجاء // على كيفك يم... 

  صاح بااعلى صوته // اسسسس ولا واحد ايفك حلكه

طلع واني بقيت صافنه وارجف ساره تباوعلي وعماتي واگفات خالات ايدهن على حلگهن وعمه رجاء تطك باصابعها 

خوف عمه امل // ياستار شصاير 

بيبي // الصار صار بعد ما يفيد الحجي 

الكل يباوعلي بااتهام الى ان اتقربت مني نهاد وهي فاتحه اديناتها اثنينهن اتكلي //. فلشج كون امج حطمتني وانتي حطمتي بتي

ما عرفت ليش هيج حچت عمه امل ردت عليها // شبيج نهاد البنيه شخصها 

نهاد بعصبيه ورجفه // شخصها شلون مو هلنهى عليها 

انصاف // كافي نهاد شني ما تدرين كبل لايخطب بتج خطبها 

هزت راسها // اي وما رادته بيوم خطبته صاحت ما اريده 

بيبي // وگال انهى عليها وشلتو بتكم واطيتوها اله وتدرون كلش زين كال سنه والف سنه اخذها وما تاخذ غيري

نهاد // هسه عمه گرة عينج انتي وبناتج من يوم يومجن وانتن تكرهني وتكرهن بزري 

بيبي // مو طايح حظج وخاف كبل ما اكرهج هسه اكرهج قاطات 

امل // يمه استهدي بالرحمن 

بيبي // شبيجن شبعد الچن الولد خطبها وهسه نهى عليها

رجاء. // وشماله يركض وره وحده ما تريده شعوزها مرته 

بيبي // ها حچت رجوه البت گالت ما اريد اخذ ومن رادت نهى عليها حجي زايد لا تحچن اخذ ت كلامج انتي واختج 

وسكتت محد حجى ومحد سمعه وهالسمع شتردين يطك اصبع ايزفها بايده بت عمه وياخذها لو عدچ حچايه مثل اختج

رجاء// اي اختي ما جذبت وسعاد حچتها بت سعدي وانا لان بت سعدي ما اريد اخذها الابني 

بيبي // اي مو بكيفج انتي ذاااااك ابنج وامنعي 

ساره وصلت يم بيبي وهي مقهوره // جده چا انا مو بت ابنج وحامل ليش ياخذ عليه 

بيبي بهدوء // جده لا بيدي ولا بيدج ابوج بساعة الاطاج رجلج گال وگدامج انتي حاضره وسمعتي من كال 

وجدان ما تمشي اله انا ميت واخذها لو يصير عمرها خمسين

ساره // وانتي قابله (

بيبي // انا ما بيدي شي هو هلتشوفنه مسودن

صارن عيوني يجرن دموع وانا اشوف الكل متهمني اتقربت امل وهي اتكلي // لاتبچيين انتي ما عليج 

صرت اناشغ لمن ما دخل بهاء وصل يمي وكال بكلام كل الموجود سمعه 

- - الشيخ واگف راح يسالج تكليله قابله افتهمتي 

بيبي // جده على كي...

رد بعصبيه وهو ينفض اديناته // رحمه. الكل اهلج رحمه للكعبه لحد يدخل 

بيبي // شني لحد يدخل محد بعينك 

هز راسه // اي محد بعيني ما اعترف بااكبر واحد

اتقرب مني وهو ضام كفه // ولج تردين غزوان فضلتي عليه 

  نهاد // يجوز عاشگته وهالرضت بي 

باوع الها وهز راسه //. اي عاشكته وانا اخذها غصبا عليها 

   بيبي //. انجبي نهاد واحجي عدل 

بهاء// هسه ما اسمع نفس العدها حجايه تبلعها لا ما تعرفني شني اسوي ( باوعلي ) وانا اعلمج

ما عرفت شرد لان شفته بقمة العصبيه بيبي ردت //. هو شني اتعلمها فرخه جاهله وعبالها العرس حمره وكحله 

  رجاء // لا مو جاهله كلشي تعرف مو كالت ما اريده احرك روحي وما اخذه 

بهاء// وبعد شعدج طلعي يمه عبالچن نسيت ضامين عليه بس سهله ( باوعلي واشرلي ) تعاي ولج

باوعت وبيبي هزت راسها وكفت مشيت ورا وصلت للباب كلي // اوكفي 

طلع وخله الباب مردود والشيخ سالني اذا موافقه ان يكون زوجي باوعت وانا ابچي هزيت راسي وگلت = موافقه 

   الكل مصدوم بقيت ما اعرف شسوي لزمتني عمتي امل واخذتني الغرفت بيبي ودخل بهاء وهو يگول بعصبيه زايده // وينها 

طلعت عمتي امل // هاي هي عمه على كيفك 

- - صيحيها 

عمه انصاف // يمه بهاء صل ع النبي وعلى كيفك 

حاجاني //. انتي هيي وينج

طلعت وره عمتي هو لزمني من ايدي وكال البيبي ///اطيني عباتج

بيبي باستغراب // شني 

هو // انزعي عباتج 

بيبي // شلك بيها 

اتقرب منها واخذها وهو يگول // احنه ابختج 

انطاني اياها وگلي // البسيها 

لبستها باوعلي اشر براسه // ياالله 

بيبي حاجته // جده وين رايح ؟

دار وحجى // مرتي ماخذها البيتي محد اله عندي شي

لزمني من ايدي مشيت وما التفت ولا احچي فتحلي باب السياره ركبت بيها وهو ركب وساق السياره بدون ما يحچي 

ويه احد يباوع بالمرايه طلع تلفونه واتصل وصار يحچي بعصبيه 

- - - الو مهدي خلي احمد يرجع لا والخلقك اسويها مذبحه وبتك اطلكها

    سد التلفون وبس نفسه اسمعه الى ان وصلنه للشارع العام ساق السياره بكل سرعه انا ساكته ما احچي 

وهو مره يعض شفته مره يطك ع الاستيرن مره ينفخ مر عليه الوقت طويل ومخيف 

الى ان وصلنه النفس البيت وكلي // ادخلي 

التلفون ما بطل اتصال بعدها غلقه وگال // طگو راسكم بالحايط يا ...يد

هو دخل قبلي للغرفه ما اوصف الكم الخوف الي انا عشته بذيج اللحظه كعد على الجربايه وانا كعدت بزاويه ع الارض 

الصمت هو سيد الموقف هو ساكت ويتنفس بقوه وانا ساكته ومدنكه عيوني تدمع وخايفه من اي حركه

صار يدخن واني بنفس كعدتي حاجاني 

- - - تدرين السگط من اجيت وكلت بت عمي وانا اولى بيها شرد عليه شگلي 

گلي بشماته وهويبتسم //بت عمك وانا اخوك ما ادري ما الك علم بخطبتها لان انا حاجي عليها من يمته عبالي تدري 

اخذها تستاهلها تتهنى بيها عيونه تضحك گبل حلكه يريد ايگلي مطيح حظك وكاسر عينك اتمنيته بس لو يحجي 

لو يكول ما تريدك انا بت عمتي واريدها جان كتلته مووت

وكفت واتقربت منه وحاجيته بخوف صوتي يرجف وانا كلي ارجف 

= بهاء اني من البدايه حجيتلك وانت سمعت باذنك وهسه اني صرت زوجتك وطوع امرك والك حق كولشي تسوي 

بيه كولي شنو الي يرضيك واني اسوي 

لزمت ايده هو دفعها ورد عليه 

- - ما يرضيني شي اله بالاول اشرب من دم ذاك النذل وبعدين اتصرف وياج ولحد ذاك الوكت ما اريد اسمعلج نفس

انصدمت من تصرفه وما صار بايدي شي اثاري الكلام مو مثل الفعل الواحد يحجي كل شي وهو ابحده بس من يصير يم 

الناس الي متأمل ومتوسم بيهم اشياء بعدين تطلع هاي الاشياء كلها سراب راسا ينقلب يصير شخص خايف مترقب 

بقيت ساكته ما رديت هو اتمدد ع الجربايه بملابسه واني بقيت كاعده ما اعرف شسوي مبين ما يريد اجي او اوصل يمه

الغرفه مفروشه زوليه زغيره واني دا احس اتكسرت من الكعده باوعت شفت فوك الكنتور مخاد وبطانيه اخذت مخده وبطانيه 

خليتهن بالكاع ونزعت القميص والتنوره كنت لابسه (اتك) بقيت بي والبست القميص فوكه بدون ما ادكمه واتغطييت 

وحاولت انام لكن ما كدرت بقيت بفراشي احس بي هو ما نايم وبنفس الوقت اعرف بكمية القهر والعصبيه الي حاملها 

لكن كل هذا الشي اني ما الي يد بي 

بقيت كاعده ما غفييت ما اعرف اليمته بعدها حسيت بي وهو ايكلي // اكعدي 

گعدت واني ارجف خوف وجوع وبرد وترقب واهانه وكل شي

باوعلي بنظره وسالني // انتي ما الج علاقه بي 

استغربت سواله بس جاوبته = لا 

- - منو يگول ما الج علاقه ويا ؟ 

فعلا اهنا اني انخذلت من سواله قويت نفسي =. وين العلاقه بالموضوع اني ما شايفته اله مره او مرتين وين اطلع 

وبالمدرسه لو عمو لو انت توصلنه 

- - احجيلي شلون اعتدى عليج شو ما مستوعب معقوله ما كدرتي تصيحين 

رديت بعتب = مو انت سمعت بااذنك 

زمخ عليه // عوفي السمعته وسولفيلي

= به... قاطعني 

هز راسه // لا تجيبين اسمي على السانج احجي بدون اسمي 

اتنفست والمراره بحلگي = اني وبيبي بيومها من اجه عمو وكال راح نروح لان انت مسوي حادث وانتي ابقي يم امي 

وراحو وياهم بيت مهدي اني كنت كلش خايفه عليك وبس ابجي وبيبي اتخربطت انطيتها علاجها ونامت 

واني هماتين نمت واله الايد اتخلت على حلگي عبالي حرامي حاولت اقاوم لكن هو بكل قوته جرني ودخلني 

- - ما وخر ايده ؟ 

ما اتحملت اسىلته صرت اشهك واتنفس بالگوه وانا ابجي هزيت راسي = كان قوي واني من الخوف ما عرفت شسوي 

ما خلاني اتحرك ومن شفته وعرفته هددني يقتل علي كبالي ويقتل بيبي ويلبسها براسي وراس واحد مجهول لو يكول اني قتلتهم 

- - -:هذا الجبان ما يسويها 

= بس سواها هو موبس قتلني لا قتلنه كلنه

صار يعض بايده حييل وبعدها دفعني وصار يتلذذ بتعذيبي كان قاسي بكل معنى الكلمه عاملني معاملة الحيوانه 

ورغم كل هذا سكتت لان ما عندي شي اسوي بعد ان نهى كل شي اتمدد على ظهره وشعل جكاره وصار يحجي باستهزاء 

- —- المفروض اكون اسعد انسان بالدنيا لان خذيت الاحبها خذيت حلم حياتي لكن انا اتعس انسان عايش 

ياريتني بيوم السويت الحادث متت ولا انا ملعوب بعرضي وما اسوي شي

الدموع بس هي الي تجاوبه وصوت خفيف لكن كان جوابه صادم وهو يكلي بعصبييه 

- - اششش ما اريد اسمع حسج ولا حتى النفس الي تتنفسينه تذبينه يمي تدرين شنو انتي هسه بالنسبه الي 

ما اكدر اوصفج بس شي واحد لازم تعرفينه انا اكرهج واكره الكاع التمشيين عليها والنفس الي تتنفسينه 

مو بس غزوان عدوي ( هز راسه ) لا انتي هم عدوتي وعدوتي اللدوده بس خلي اخلص من غزوان الجلب 

وبعدين اقضالج 

جاوبته بخوف = بس ان... 

- - گلت لا تسمعيني صوتج خليني لازم نفسي لان من اكضج ما تدرين شسوي 

خفت حييل منه حجى وهو يدخن ويباوع للسكف // ترحين تنطمرين بالغرفه الثانيه ما دامني انا موجود ما اريد اشوفج 

واذا لمحت خيالج لا تلوميني بالاسوي بيج

تستمر القصة أدناه

طلعت من الغرفه الدنيا بارده واني شبه مجرده من الملابس وما اندل اي شي بالبيت الهوى بارد بالحوش مشيت حافيه 

ورحت للغرفه الثانيه ومن دخلت فتحت الضوى ما شفت بيها شي بس مفروشه زوليه وبساط ومخاد 

حسيت بنفسي كلش مو نظيفه طلعت للحوش اباوع رحت ركض للحمام فتحت الماي عبالك ثلج او اني ما اندل الكيزر 

غسلت رغم برودة الماي وطلعت رجعت للغرفه ما اوصف الكم البرد صرت ارجف فما كان مني اله ان خليت 

مخده ع الزوليه وتغطيت بالبساط الثاني الرجفه بكل جسمي لكن رجفة الخوف من بهاء اكثر خصوصا انو هو ممكن 

يروح ويفضحني كدام بيبي وعمامي وهنا اكيد راح يقتلوني 

لكن قبل ما يقتلوني احچي كول شي وعليه وعلى اعدائي

صرت ابجي واني ارجف وبصراحه ما ابجي على نفسي لان اعرف نفسي ما بيها مجال اول وتالي بهاء يقتلني واذا 

ما قتلني راح يخبر عاصف ومهدي وهذا يريدها من الله يقتلني ويتخلص مني حتى محد يشارك بته ابهاء 

   اني كل بجيي كان على علاوي اخويه شلون راح يعيش ومنو يرحمه لو هشام الي بالسجن من يعرف شراح يصير بي 

تخيلوهذا الي يصير وياي وليش اني بالذات هالشكل يصير وياي وكان الجواب لان ما عندي ام

صرت ابچي جوه الغطا واني اكول = اااخ يايمه وينج شوفي شصار بيه ليش هالشكل سويتي 

اول مره اكول كلمة يمه صرت مو بس ابجي لا اناشغ واعض بااصبعي واعتب عليها =. كان المفروض انتي هسه حاله مشكلتي 

   ليش تركتيني كله الخاطر رامي وهشام زين اني وعلاوي ما فكرتي بيه شسوي يووم محتاره. ومحتاجتج بس وين الكاج

بقيت ابچي واناشغ ما عرفت يمته نمت وشلون غفييت بسبب البرد صحيت الصبح واني اشوف نفسي بالغرفه ومتغطيه 

بالبساط احس بجسمي متكسر عبى صفحه وحده واحس ما عندي قابليه من الجوع والوجع وحتى المهانه والذله 

بقيت گاعده ما اعرف شسوي كل الي سويته لبست التنوره ودكمت القميص وطلعت رحت للحمام غسلت ورجعت كنت 

خايفه اروح اشوف بهاء وبنفس الوقت الجوع والتعب اخذو طريقهن الي 

ما اعرف بيش الساعه وما اعرف بهاء بعده بالبيت لو طالع

طلعت من الغرفه للحوش واني اباوع شفت غرفه زغيره مقابيل الغرفتين نسدوده رحت فتحت الباب بخذر شفته مفتوح دخلت 

شفت بيها طباخ ايو عينين وكاونتر ابو تلث بيبان فتحت اول باب بي جدوره وطاوه وفتحت الباب الثاني شفت اكو حمص 

وعدس وشكر وجاي فتحت الثلاجه ما بيها شي ينوكل ابد بقيت صافنه شسوي شااكل طلعت القوري وخدرت جاي 

اقلها شويه راسي يركد عليه وبلكي ادفا

كملت صبيتلي جاي وصرت اشرب بعد ان رجعت للغرفه 

نفس الشي اتمددت صدكوني اديه متربطه وما اعرف شلون اتصرف وكلماته ترن بااذني  

- —- اكرهج وما اريد اسمع الج نفس 

       احچي = شنو اسوي وشلون احمي نفسي من بهاء بهاء الي خذلني وذلني والي طلع كل كلامه كذب

صدكوني البارحه ما شفت بهاء ابو ضحكة الحلوه الي حبني والي كنت اشوف بعيونه شگد هو يحترمني لكن شفت 

بهاء الوحش الي بس يريد يطلع رجولته وينتقم من غزوان وبعدها ينتقم متي 

    بقيت كاعده والرجفه ما عافتني منا برد منا خوف المفروض هسه اكوم احمي ماي بجدريه واسبح لكن خايفه 

صارت تتهيأ اشياء كنت لا يمكن اتخيلها بس اكيد بلحظة غضب يسويها بهاء

ما فكرت انهزم لان هذا مو حل بالنسبه الي ولو بالوقت الحالي واعرف بس انهزم بهاء يلگاني 

هاي انا الي اكثر من ساعه گاعده وماكو اي حركه بالبيت وكفت على حيلي وكلت = اگوم اشوف شسوي والي يصير يصير

طلعت من الغرفه واتمشيت بكل هدوء بالبيت شفت (نعال ) تكرمون رجالي قديم لبسته رحت دخلت للغرفه ما لكيت بهاء 

وطلعت للحمام باوعت اكو كيزر زغير هاي اني من كد الخوف الي مر بيه ما انتبهت شفته مشتغل بسرعه رجعت 

اركض ع الغرفه فتحت الكنتور ما لگيت بي شي احتاريت شلبس ملابسي مو نظيفات وحتى من اغسلهن شلون ابقى 

بهالبرد ما كان گدامي اله اسبح وارجع ملابسي عليه وهذا الشي قززني ولعب نفسي لكن مظطره اول شي غسلت 

ملابسي الداخليه وشريتهن بالحمام ع التعلاكه وبعدها سبحت عبالك صار عمر ما سابحه ورجعت لبست الاتك والقميص 

وانا انتفض من البرد رجعت للغرفه مالته واخذت عباتي الي هي عباة بيبي نشفت بيها شعري وجسمي 

واخذت البطانيه ورحت للغرفه الثانيه كعدت بعد ان سديتها عليه وانا انتفض من البرد اتغطيت بالبطانيه ولافه شعري 

بالعبايه دفيت شويه بس لازم اكو هيتر او صوبه لكن ماشفت

ما اسولف الكم على الجوع والتعب فكرت انو ممكن بهاء يريد ايموتني من الجوع حسيت بحركه بره بقيت بمكاني 

ما اتحركت ما اعرف منو الاجه بقيت عيني ع الباب الى ان انفتح شفته واكف ونظرات الكره بعيونه حاچاني باستهزاء 

—- ها سبحتي ياعروس مبرووك ماكو جكليت اطشه فوك راسج

اووف مقدار الاستهزاء ما رديت اكتفييت مدنكه هو گال 

—— جبتلج زقنبوت وهاج 

شمرلي علاكه وطلع فتحتها لكيت بيها دشداشتين قديفه راسا لبست وحده وكانما انقذني بهاي اللحظه بدون شعور 

لبست وحده ولان شعري مبلل لا زلت ارجف من البرد ويه اي حركه خليت الثانيه على شعري حتى ادفا 

رحت للمطبخ وفتحت الثلاجه جايب جبن مثلث وطماطه وخيار وشفت ع الكاونتر خبز 

بسرعه حميت الجاي واخذت خبزه وجبنه وصرت اكل بالمطبخ ما افكر بشي لان اني خاويه من الجوع وبيش افكر 

ليش هو بقى شي افكر بي 

اني ضايعه حرفيا ضايعه ومحكوم عليه بالموت ولازم انتظر هذا الحكم

اباب المطبخ وگفت شفت حطب موجود يم السياج رحت امشي واباوع بلكي الگى شي اشعل بي الحطب شفت تنكه 

مشعول بيها خليت بيها شكم خشبه ودنيتها من الحطب وجبت الجداحه وحاولت اشعل لكن دون فائده شفت عيدان ناعمه 

زغيره لميتهن وشعلتهن بالتنكه ااشتعلن وصرت انفخ لان داىما اشوف عمو جابر هالشكل يسوي اشتعلت النار وحسيت بالدفو 

وهنا المشكله اشلون اشيل التنكه بايدي اكيد راح تحترك 

  

اخذت خشبتين موجودات يم الحطب وصرت ادفع بيها شويه شويه الى ان وصلتها للغرفه وزحت الزوليه 

وخليتها ع الكاع وكعدت اتدفى مره اتمدد مره اكعد الى ان نمت كعدت فايت وكت فتحت عيوني عبالي بحلم 

لكن سرعان ما استذكرت كل شي مر گدامي بقيت متمدده واتثاوب مره اغمض عيوني مره افتحهن وهو ما موجود

واجه الليل رحت اتوضيت ورجعت شفت مصلايه يم الشباك وبديت اصلي وما كدرت. امنع عيوني من البجي  

الي صار والي لا يمكن انساها نظرة الاستهزاء من انفتح الباب وهو يشوفني اصلي وكانما ايگلي. 

شلون وحده مثلج اتصلي 

بقيت اصلي. وادعي ربي ان يسويلي حل الهذا الشي الي اني بي.  

بقيت گاعده بالغرفه وما طلعت للصبح. حسيت بحركه بره كعدت باوعت من الشباك بعد ان صرت على صفحه شفته 

طلع وسد الباب 

وبيومها ما رجع ولا ثاني يوم وبهاي اليومين طلعت شفت البيت وحاولت. اكون طبيعيه واتعايش بواقعي وعرفت انو 

بهاء مو بنيته ان يحجي ويفضح الصار او بعده ما مقرر وهنا كعدت افكر واحجي ويه نفسي بحقد

= ما دام هالشكل اتصرف. وياي واحتقرني وحتى كرهني واني الي وثقت بي اني هماتين اذا كشف. الي صار انكر 

واكول لويش ما حچى من اول يوم هو اخذني بس حتى ينتقم مني لان رفضته 

لان بصراحه. بهاء فاجئني بتصرفه صحيح اي واحد بمكانه. ايسوي هالشكل واكثر لكن اني اعترفتله وانطيته الدليل 

بدل ما هو يساعدني ويكون لي سند اذاني وذلاني

ضربت على گصتي = نسيت الدليل هذا الشي مو بصالحي اذا كلت يكذب يسمعهم التسجيل وهنا يتكشف غزوان 

واحتمال اني (بلعت ريكي ) يقتلوني

بقيت مره ابجي مره اسكت مره افتر بالبيت استكشفه. وبديت انظف بالبيت وبديت بغرفته الي رحت الها وعدلت 

فراشها ورتبت. ملابسه وشفت ملابسه ع الجربايه وخليتهن حتى اغسلهن وكنستها وطلعت غسلت الملابس وشريتهن ع التعلاكه ودخلت للمطبخ سويتلي جاي وطلعت. خبز واكلت وهذا الشي بس حتى ابقى على قيد الحياة

كنست الحوش ورجعت للغرفه وبيومها ما اجى واني مترقبه لكل حركه ولان الي مر بيه والي عشته بهاي. اليومين 

ما استاحشت رغم اي شي ما يمي لا صوت ولا اسمع شي ولا تلفزيون بس خفت لان ابحدي 

  قفلت باب الغرفه مره اتمدد مره اكعد افكر اكثر شي اذاني (علي )اخوي 

ما منعت عيوني من البچي ولان ما املك اي شي غيره ونمت وكان نوم متقطع بين الخوف من المكان 

والخوف من الي راح يصير

والصبح گعدت صليت ورجعت نمت. شويه ونفس الروتين سويتلي لفه وجاي يعني صار يومين اني. على خبزه وجبنه وجاي 

وهماتين شعلت نار وعرفت. هذا المكان صار امر واقع يعني هذا صار مكاني 

الصبح كعدت ومثل يوميه. اخذت ملابسه الي غسلتهن صفطتهن ورجعتهن للكنتور ورجعت كعدت لان ما عندي شي اسوي 

ولان قافل الباب الخارجي من بره فما گدرت اطلع واشوف المكان

قبل الظهر بشويه اجه باوعت من الشباك راح للمطبخ وخلا العلاكه وبعدها فات للغرفه حتى ما كلف نفسه ايمر ايهنا 

بقيت كاعده ما اعرف اطلع اشوف شنو الي خلا او ابقى ارتايت ابقى واشوف شنو حيتصرف وياي وفعلا انفتح الباب 

بقى واكف وهو ايگلي بعصبيه 

- - ممنوع تدخلين للغرفه ولا تغسليلي هدم واحد 

   رفعت راسي جاوبته = بس شفتهن مشمورات عرفت يراد اغسلهن 

  خزرني وعض شفته //. بت الكلب مو كتلج ما اسمع صوتج ومو انتي الي تغسلين هدومي 

ما هانت عليه نفسي = اذا الهلدرجه ما تريد تسمعني رجعني طلكني اتخلص مني

اتقرب مني ولزمني من ركبتي بصابعه وهو صاك على اسنانه 

- - شكد جسره وصلفه 

دفعني وكعت وهو صار يضربني ويگلي / ولج كلت لا تحچيين اكرهج افتهمتي شنو يعني اكرهج ومبقيج على 

ما اخلص شغلتي مو ميت عليج

صرت اخلي ايدي على وجهي اتحاشا الضرب وهو ايكول // اكرهج انتي وحده نكسه مو نظيفه حتى اتغسلين ملابسي

ظل يرفس برجله على صفحتي وكفت واني گوه اتنفس = ما دام هالشكل روح افضحني وافضح النذل وياي 

خلي ايقتلونه ويقتلوني خليني ارتاح 

  لزمني من شعري // مو كتلج لا تحجيين 

  جاوبته بتعب = راح احجي بس هالمره روح افضحني وخلي يشوفون الرجال الي ستر عليه شدا يسوي بيه اني 

ما كذبت عليك ولا قشمرتك انت انت الي اصريت تاخذني وعبالي ...

سكتت لان خانتني دموعي 

ترك شعري // شعبالج عبالج اشوفج ذيج انتي وجدان العشگتها الجنت مستعد اسوي كل شي الخاطرها لا غلطانه 

ما صرت اشوفج اله وحده رخيصه وحده ...

هز راسه وطلع من الغرفه افتهمت من كلامه انو بهاء مستحييل ايحبني ولا يشوفني زوجه اله ولا يفكر يبني وياي بيت واسره 

بهاء يشوفني وحده ناقصه لكن هو ما مفرق بين الي تكون ناقصه باارادتها وبين الي تكون مجبوره او مغصوبه 

ومن يومها ما صرت اروح الغرفته انظفها ولا اصلا اشوفه من يدخل او يطلع يعني البيت عباره عن زنزانه وحده اني بيها 

وغرفته هو بيها لكن ما يمنع من يجي اباوع من الشباك ومن يطلع اباوع حتى اكدر اروح للحمام او للمطبخ 

     الوحاشه قتلتني الصمت الي اعيش بي لذلك صرت احجي ويه نفسي واقرا آيات دائما ارددها 

وامثر شي اصلي صحيح ابچي لكن مجرد ما اصلي وادعي احس براحه 

هالشكل صارت حياتي

يمكن مر اكثر من تلث اسابيع على وجودي اهنا وكان هو موجود الضحى طلع واسمعه ايگله 

- اي هسه انت وين 

- - زين جاي على ما اوصل خابر كريم ورحيم 

- - ما اتاخر بس گلي اكيد ما بيك شي 

- - الحمد لله راح اجي هسه

عرفت عمو عاصف صاير ويا شي ومن سمعت كريم ورحيم يعني هو ابغداد ف اكيد هو راح البغداد انتظرت بالغرفه 

ربع ساعه او اكثر وبعدها طلعت للحوش وهنا رحت للباب الخارجي ردت اطلع واشوف المكان وهاي يوميه اسويها والكا قافله 

يعني هذا قافله عليه ساجني اهنا زين ليش اذا بنيته ينتقم مني او يفضحني حتى ايقتلوني ما كان بقى ساكت كل هذا الوقت 

اخذت شويه حطب وشعلته وصرت اتدفى علي وفكرت لو اشعل كل هذا الحطب هم احد يشوفه ويجي ينقذني

بصراحه ضحكت على نفسي على هذا التصور

اشتاقيت البيبي والعلاوي والعمي عاصف لكن شلون اطلب منه اشوفهم اكيد همه راح يجون يشوفوني اي اكيد بيبي 

ما معقوله نستني او علووش اكيد يطلب من عمي عاصف يجي ويشوفني 

ما اعرف شلي صار وراها بيوم اجه هو مر الظهر وخله علاگه بالمطبخ وهالمره بيها طماطه وخبز وراح وثاني 

يوم اجه بالليل وجايب ويا صمون وجبن بات وطلع الصبح وما رجع اله ثاني يوم وفسرت هذا الشي بما انه اني زوجته 

صار يوم يجي يبات اهنا وليله عد ساره

ومر اكثر من شهر اني ما حاجيه ويا ولا ويه اي احد ولا شايفه احد يعني مسجونه بسجن انفرادي 

لا اشوف احد ولا احجي ويه احد وبيومها كانت الدنيا بارده ومطر واني شعلت حطب بره رغم المطر ما طفى وبعد 

ان صارت جمريه دخلتها للغرفه وفتحت الباب شويه حتى الغرفه تتهوى ورحت للمطبخ گليت طماطه وطلعت خبز 

وجبت قوري الجاي

اجواء شتا صرت اكل اجه هو فتح الباب ودخل الغرفته من كملت شلت الصينيه للمطبخ ورجعت اشرب جاي اتفاجات 

بي بالغرفه كان ايصب بالكوب جاي اني ما عقبت بقيت واكفه. لان بصراحه خفت ان اكعد ويظل يحجي او ان اروح 

وما اعرف شنو رد فعله هو يشرب بالجاي ويباوعلي واني واكفه ما اعرف شسوي حاجاني بدون ما يباوع الوجهي 

   - - ليش واكفه تعاي اكعدي

رحت كعدت بعيد عنه بقى هو يتحمى ع الجمريه ويدخن ويباوع بموبايله ورن تلفونه هو رد // الو 

هلا عمي 

لا صار عندي شغل ما كدرت اجي 

حسابات وكذا والمطر فما صار لي طريق. اجي 

اي جا وين 

عادي ما عليها. شي ابقى انت يمها 

هلا. بيك وانت من اهله

بقى كاعد واني ع الجهه الثانيه بالزاويه نعست اتمددت. على البساط واتغطييت بالبطانيه ودرت وجهي نمت 

حسيت. بايد تتلمسني ونفسه قريب مني نام وياي لكن ساكت اي عاطفه ما حسيتها منه هو خلى ايده على وجهه 

واني بقيت بمكاني ما اتحركت مرت فتره درت وجهي شفته. نايم بصفي والدنيا زادت بمطرها. غفيت وحسيت بي حضني 

كعدت الصبح. ما لكيته اصلا بالبيت كله ما موجود فتت سبحت وبدلت. دشداشتي وغسلت هاي العليه وصار كل. 

ما يجي بهاء ياخذ حقه مني ويگوم بدون ان يحاجيني ولا انا احجي ويا 

مرات يكون هادئ صحيح ما يحجي ولا يباوع بوجهي لكن ياخذ حقه كرجل ويروح للغرفه او مرات يبقى نايم 

لكن مرات اكره اللحظه الي انولدت بيها يتصرف وياي بحقاره يسوي امور تخليني اكره نفسي ناهيك عن الغلط والسب والضرب 

بوكتها احتقر نفسي والومها ليش بقيت ساكته ما فضحت غزوان الحقير يمكن لو قاتليني ارحم ولا هذا الشي الي يصير وياي

اعرف بي يكرهني وما يطيقني لكن الي معجبني ليش مخليني عنده ليش جاي يعذبني ويهين بيه 

ليش ما يرجعني يطلكني ويحجي كل شي اقلها اني اعرف مصيري شنو وهو هم يرجع الحياته قبل ما يرتبط بيه

صارلي تقريبا شهرين ونص ايهنا بهذا السجن من اول ما اتزوجت ما اجتني الدوره وهالايام الصبح احس بدوخه وتلعب نفسي 

وما اشتهي اكل واحب ابقى متمدده فكرت يجوز هذا حمل صار عندي يجوز ياترى اذا فعلا حامل شنو رد فعل بهاء 

اكيد يفرح ويغير تصرفاته وياي وصرت اسال نفسي اكله 

لا ما احجي اذا حامل راح يكتشف هذا الشي اكيد بطني تكبر

بيومها الدنيا مغيمه وصارت تمطر بس مو قوي مطر خفيف بعد المغرب بشويه اجه بهاء وكلي 

  - - - حبوبتج تعبانه وتريد تشوفج نروح ساعتين ونرجع اي كلام زايد ناقص اكص السانج شلونج زينه مرتاحه 

اي مرتاحه ليش ما تجينه بهاء عنده شغل ويجي تعبان وين كاعدين ماجرلي بيت بالولايه يا منطقه ما اعرفها بس يم محله 

  اشويه عنه اي شي ثاني اعتبري نفسج عايشه باقي عمرج معوقه افتهمتي

ما تصدكون فرحتي واخيرا اروح اشوف علي اخويه اشوف بيبي رحت بدلت بسرعه واني افكر 

= اكللهم والي يصير يصير اكيد عمو عاصف راح يساعدني اي اكيد ايساعدني لكن هماتين راح يتعاركون 

ويجوز يصير شي ما محتسبه بي 

= لعد احجي البيبي 

   = اي احجيلها (هزيت راسي ) لا بيبي شفت وجهها شلون فرح وشكد دافعت عن بهاء 

= شسوي اسكت ما اكدر اسكت اني هاي تلث تشهر مسجونه بذنب ما مسويته

سمعت صوته // ياالله خانم اذا خلصتي فضينه خلي نمشي 

طلعت لابسه الدشداشه الي جابها والحذاء مال الخطبه وعباية الراس بعد ان لفيت شالي ركب بالسياره وركبت يمه 

لكن هو كلي // انزلي اركبي وره 

ورحنا البيت جدي الطريق كله ساكتين ما واحد حجى ويه الثاني وصلنه ما اتمالكت نفسي واني اشوف علاوي واكف 

  والحزن على وجهه حضنته وصرت اناشغ من البجي هو دحل // وين جدتي جده جده 

بقيت ابوس بعلي بخده وبركبته وبايده واني اكله

= شلونك حبيبي 

رد عليه بحزن وعتب // زين 

صرت ابجي = علووش مشتاقتلك 

اجاني صوت بيبي // بس علووش مشتاقتله واحنه 

شفتها فاتحتلي اديها رحت اركض حضنتها وبستها بخدها وبايدها وهي اتكلي بعتب // هيج الرجل نساج حبوبتج 

ما جاوبتها ما عندي جواب الها اخذتني من ايدي الغرفتها //اكعدي يروحي شلونج 

   بلعت ريگي = الحمد لله زينه 

  بهاء// هاي جبتها الج حتى ترتاحين 

بيبي رفعت العكازه // ولك شمالك هو الزعل اللاوين ؟

  بهاء // مو زعل جده بس شغل لا تنسين انا اكد على بيتين

اجه صوت عمو عاصف :: ياالله السلام عليكم 

ردت اكوم هو كلي :: اكعدي بابا اشلونج 

= تمام الحمد لله 

  دار على بيبي :: شني وينهن يمه ؟

- - راحن يم ساره كالن مريضه 

  لملم حلكه :: اليوم اتمرضت ساره ما گدرن يتانن 

   - - يمه عوفهن بكيفهن 

هز راسه وكال العلووش :: رووح جيب صينيتين خلي نصب العشا 

بيبي // روح انت وبهاء للديوان وهسه وجدان تصب العشا ويجيبه علاوي كومي جده صبي العمج ورجلج

رحت للمطبخ عمي عاصف وهو طالع :: خلي الصينيه الزغيره النه 

هزيت راسي ودخلت للمطبخ خليت الصينيه الي بيها كباب وتكه دجاج ومقبلات انطيتها العلاوي وكتله 

= ارجع اخذ الببسي والكلاصات 

واني خليت الصينيه الثانيه واخذتها يم بيبي واخذت الببسي 

خليتهن وگعدت ريحة الكباب شهتني ولان صار تلث تشهر ما ماكلته لكن ما گدرت اكل اخذت بس تكه دجاج سويتها 

لفه وصرت اكل ىشربت ببسي واعرف بيبي جاي تراقبني سالتني // شلونه بهاء وياج ؟

هزيت راسي = زين بيبي 

- - شو يتراوالي اتجذبين عليه 

بلعت ريكي = لابيبي ليش اكذب عليج 

- - - وجدان لا تضميين عليه تره الهسه ضامه بگلبي وساكته ليش سويتي بينه ذاك المنصف من گلتي ما اريده 

وتالي نهى عليج والهسه ما يحاجي امه واخته وحتى مرته رد جنزها وانتي ضعفانه ومتغيره وصايره سوده شسادي عليج 

  بجيت = بيبي ماكو شي اني زينه 

  - - چا ليش تبجيين شضامه عليه 

    جاوبتها بخوف = بيبي ما ضامه عليج شي 

   بيبي بقلة صبر //جا ليش تبجيين 

     مسحت دموعي = مشتاقتلج ومشتاقه العلاوي 

   هزت راسها //ادري وادري اعناد بينه ما يجيبج ليش ما اكلتي كباب

    راسا رديت بدون ما انتبه = تلعب نفسي 

   بيبي فتحت عيونها // حامل ؟ 

  باوعت الها ورفعت اكتافي يعني ما ادري 

  سالتني // شني الشهريه شكد صار ما جايتج 

هزيت راسي رجعت سالت // ابد ما اجت على وكتها 

  =. لا بيبي ابد ما اجت 

هاي التلث تشهر ما اجتج 

     هزيت راسي هي گالت // حامل ؟

    = شمدريني 

   - - ما اتحللين هسه اكله ياخذج 

      

اتذكرت شي انو اني لازم الي ابلغه ماچيتها باستعطاف = بيبي 

  ابتسمت // ها جده 

  = حبابه الله يخليج لا تكلين البهاء يجوز اني حامل 

   - - ليش خلي يفرح بسنه راح يجوله اثنين جهال 

   = مي خالف بيبي اريد اسويها اله مفاجآه 

   رفعت ايدها بالدعاء// الله يفرحكم

حضنتها وشلت الصينيه وجبت الها جاي وطلعت من الكنتور ملابس الي تراكين ودشداشه نص وطلعت ملابس داخليه 

خليتهن بعلاكه كبيره بيبي تباوع الي بفضول من خليتهن يمي سالتني 

- - شنو الاخذتيهن 

  = ملابسي بيبي 

- - شني ما عدج 

    هزيت راسي = لا بيبي بهاء اشترالي اشكال بس ذني احتاجهن 

   هزت راسها // ها خووش 

مدت ايدها على جيبها // هاج جده

كانن فلوس سالتها = شنو ذن 

- - مصرفج خلا عمج عاصف وهذني مني 

بالبدايه كلت ما اخذهن لكن بعدين فكرت ايفيدني ضميتهن بجيب التراك وبقيت كاعده الى ان سمعت صوت بهاء 

- - ياالله نمشي 

   بيبي // بعد وكت وين رايحين 

  جاوبها // لا وراي شغل من غبشه وهم لاتمطر قوي وينكطع الدرب اسمحولنه ياالله يابه 

طلع كدامنه واني الدمعه بعيني = حتى ما شفت علاوي

طلع قبلي واني حضنت بيبي الي گالت // بهاء عصبي بس كلبه ابيض اتحملي وشوفي شلون يصير انوب من يسمع بيج 

حبله شوفي شلون يفرح من توصلين كليله وشوفي شكد يفرح 

ابتسمت = ان شاالله ما اوصيج على علاوي 

- - لا تخافيين يمي ويم عمه وانتي تره سبة وكت ويجيبج اهنا

بستها وطلعت شفت علاوي واگف وعاصف ويا وبهاء ايكله // يمعود ياهو فارغله 

:: اي بس لازم نروح نشوفه كل فتره 

- - بكيفك عمي انا بالنسبه الي كمت بالواجب خو مو يوميه اعوف شغلي واجي اشوفه 

هز راسه :: اي حقك 

- - من تروحله كله بهاء يسلم عليك 

  :: اي ان شاالله (باوعلي ) ها بابا ما محتاجه شي 

هزيت راسي 

::شنو ؟

= ما محتاجه شي شكرا عمو 

  - - ياالله اركبي فيمان الله 

:: الله وياكم

   حضنت علاوي فتحلي الباب الوره وهو ايكل العاصف // ما تقبل تركب يمي تكول مكاني هذا احبه 

   عاصف ابتسم :: خليها براحتها. 

   رفع ايده بالسلام وساق السياره وكالعاده السكوت هو الساىد ابيناتنا واحجي ويه نفسي = لازم يعرف بحملي بلكي يتغير 

  = اكيد يتغير هو يحبني وحقه من يتعامل وياي هالشكل

صرت امني نفسي رغم تجيني الدوخه لكن اتمالكت نفسي الى ان وصلنه للبيت هو قفل باب الحوش ودخل الغرفته 

واني فتت غسلت ولبست تراكي الي جبته وياي من طلعت صارت عينه بعيني اني دخلت للغرفه وهو رراح للحمام 

كنت متمدده نفسي تلعب وراسي مفتر يمكن من السياره 

لمن ما هو اجه يمي واتمدد بصفي وسالني // هذا اللبس منيلج ؟

   - - بيبي جابته الي

هز راسه وصار يتلمس بيه المشكله بروحي الي ما اعرف اوصف حالي بين لعبان نفس بين دوخه حاولت الزم نفسي 

بس معدتي گلبت بمجرد ما ابتعد عني اني ركضت للحمام واني اهووع من معدتي لعبت نفسي منه غسلت واتمضمضت 

وطلعت بالحوش رغم بارده صرت اتنفس قوي 

رجعت شفته منتجي على صفحته والجكاره بحلكه سالني // شبيج ؟

  جاوبته بتعب = راسي يوجعني وتلعب نفسي 

رد عليه باستهزاء // شنو حامل ؟

هزيت راسي = اي بيبي اتگلي انتي حامل 

وكأنما هذا الخبر مستحييل يكون مفكر بي او رايده فتح عيونه وگعد يحجي وكلامه نزل عليه مثل الصاعقه 

///////////