رواية عشك أل فراس الفصل الثامن والثلاثون بقلم زينب نور
ريم :وطن بـ حضني باوعت عليَّ وابتسمت رجعت بيه الذكريات الى الماضي
...
كنت كاعدة فوك بـ غرفتي اقرا بـ وقتها صهُيب كان متزوج غفران وأني كنت سادس انفتح الباب ودخلت مرح
مرح:كووميي ساعدينييي كوومي
ريم:وجع حتى وجع اطلعي برا وسدي الباب اريد اقرا
مرح:انتِ تقرين وأني ابتلي كوومي هزي طولج
ريم:مررح اطلعيي برا لا اكوم اسحلج سحل
انچلبت عليه الا ادكومين تشتغلين ويانة
هوس:اليوم اشتغلتي انتِ وشنو سويتي بس مسحتي الارضية خلي البنية تقرا وانجبي
مرح:اي اي كلها ادافع لـ ست ريم
جاسر:شكو شبيجن
ريم:جاي اقرا وهاي اجتني جنها مخبلة ضاربي بـ حجارة الا تشتغلين ويانة
جاسر:عوفي البنية تقرا وانزلي جوا وانتِ ريم اذا خلصتي عود ساعديهم يلا
نزلوا كلهم أني خلصت ونزلت أني ومرح غسلنا الكراج واكفين نغسل وصوت عالي برا
مرح:هاي شكو
ريم:اتوقع عركة
مرح:يبوي خل اروح اشوف الصوت من بيت جدي
شمرت الماسحة وراحت بس تريد تطفر الصوت كان من الديوان وعالي حيل من رجعوا بابا وجاسر وجسار
ام جاسر :شكو شنو هذا الصوت والصياح
ابوجاسر :صهُيب نهى على ريم
انصدمت صدمة عمري نهوة ؟ احنه معدنا هيج
جاسر:شلون ينهي اصلًا منو ينطي مراة وهو متزوج شني جايزين منها
صعدت لـ غرفتي واني مصدومة ومرح فرحانة فرح مو طبيعي
هوس:لج ناهين عليج انتِ شبيج فرحانة
مرح:اوي انجبي شحده اللي ينهي عليه بس فرحانة لان صهُيب يحب ريم غصبًا على راس هاي العكرب اللي عندة
ريم:وأني من المستحيل اتزوجة
مرح:ليش بلا
ريم:متزوج شنو خبلة أني اروح اخرب بيت البنية
مرح:باع الفطيرة لج هاي مو بنية هاي عكربة عساها لا شافت الخير بنت الفكر
ريم:انجبي تبقى مرتة وما ازوجة لو تطلع نخلة بـ راسة المغرور ابو خشم اليابس
مرح:ههههه نشوف تجي الايام اذا ماصار ابو خشم اليابس ابو الجهال وحبيب القلب أني ما افتهم
ريم:انجبي وكومي عني عايشين وين احنه حتى ينهي حضرتهه
مرح:كال اني همجي وانهي وبكيفي
ريم:اي بكيفة هيتو هي
من بعد فترة طويلة بعد ما طلك غفران
التقينا أني طلعت من غرفة بيبي وهوَّ نزل من فوك يلبس بـ ساعتة كان لابس رسمي شافني ابتسم كان بـ وقتها خطوبة أسيد
صهُيب:هلا بـ روح كلبي
باوعت عليَّ يخبل طالع وهوَّ حلو
صهُيب:يوم النا وتصيرين مرتي
ريم:احلامك حلوة
صهُيب:مثل وجهج جنهه كمير عرب
ضحكت على كلامة ماحسيت غير باسني بـ خدي وضحك
صهُيب:ام اللسان اعشكج
عافني وراح وأني ضليت بـ صدمتي المغرور ابو خشم اليابس اشوف منو تاخذك صعدت لـ فوك ادردم عليَّ وامسح بـ خدي
ريم:يلاااابسرعةةةة الشيخ يكول خلال خمس دقايق اللي متنزل بعد متروووح ابددد
التفت وراي الشيخ واكف على الدرج من الفشلة حسيت الدم صعد لـ راسي أشر على نفسة وكال
الشيخ:انه هيج كلت
وردة:حيللل هذا اللي يجذب
ضحك الشيخ وراح للغرفة كرصت وردة ودخلت يم البنات
من بعد فترة حيل طويلة تقدم صهُيب لـ خطبتي كنت مترددة بين اوافق او لا
اتصل عليه بليل من رقم عمتي
ريم:هلا عمه
صهُيب:يابعد كلب ابن عمج شلونج
ريم:هذا انتَ
صهُيب:اي بعد بيتي أنا شني ما قررتي
ريم:قررتت
صهُيب:اي وشنو
ريم:اكيد رفض يعني شتتوقع
صهُب:عادي ارفضي النهوة موجودة اخذج يعني اخذج
ريم:مو بكيفك
صهُيب:المغرور أنا اللي اريده اخذه
سديت التيلفون مستفز مو بيدك
ابوي رجعلهم خبر انُ ريم تريد تكمل دراسة وابدًا متريد تزوج
وانتهى الموضوع وصهُيب كال أنا ما ناهي وانتهت النهوة
ايام معدودة تقدم لـ خطبتي شخص يصير صديق مهند اخوي رفضت لكن مهند ادخل بالسالفة وصار يقنعني بكل الطرق وارفض الموضوع
والكُل رفض لكن مهند أصر على هذا الشيء كان مصمم انُ اوافق
متلكين احسن منه وافقي وتكملين دراسة وصديقي واعرفة وانواع واشكال
اللي عدنا الرأي الاول والاخير للبنية معلينا بـ عم اذا رافض او شخص ثاني
من بعد كلام مهند للاسف اقتنعت!!
بـ وقتها صهُيب كان ملتحق كانت خوفة بـ كلبي وتندمت لان وافقت دموعي كانت بـ طرف عيني الشعور اللي عشتة مو طبيعي ومتناقض بـ شكل
دخل الولد حتى يلبسني الحلقة بس شفتة وكعت دموعي مسحتهم بسرعة كعد يمي وراد يلبسني الحلقة وصوت الرمي بالباب كان قوي بـ شكل مو طبيعي هوَّ مباشرةً خلاني جوا ايدة حضني دخل صهُيب لابس عسكري بس شفتة ابتسمت لا اراديًا
صهُيب:ولك اموت ولا تصير الصيدة للغير هاي الي ودير بالك تكرب عليها
دفع الولد وسحبني من ايدي نضراتة كانت مخيفة
صهُيب:ترفضيني علمود هذا لا والله ما حزرتي لا انتِ ولا اخوج الحيوان
غطاني ما اعرف بـ شنو وصاح على علي دخل السيد وابوي وجدي وعمي والشيخ عقد السيد وأني ارجف هذا مخبل الولد طلع واهله طلعوا لكن من كلامة مافهمت شي غير انُ بسيطة يـ مهند
عقدنا واحنه واكفين بس تخيلوا كُل هذا جسمي يرجف خلص السيد اخذ الحلقة اللي لبستها شمرها وسحك عليها بـ رجلة ولبسني حلقة جديدة وابتسم
صهُيب:روح كلبي
ابتسمت على كلامة ماتوقعت هيج ابدًا من بعد ايام توضح ذاك الشخص لازم شيء على مهند ومخليني أني بـ نص ماعرفت شنو الشيء بالضبط
من بعد ايام انحل الموضوع وترزل مهند وهوَّ يضحك مستقبل الرزالة بكُل رحابة صدر
ازل:لج غير اكلنا هبطة معدلة
ريم:انجبي ليش تأخرتي يلا اجيتي
ازل:رحت ابدل ولزمني اسد كال سوي چاي اجوا خطار هسة يردون چاي بعدني جاي اسوي ودخل صهُيب كال
صهُيب:شكو شنو هاي الهوسة شعدهم بيت عمي
ازل:ها
صهُيب:انطرشت شعدهم بيت عمي
ازل:خطوبة
صهُيب:منو
ازل:ريم
لج كان يشرب مي سمع اسمج وكع الكلاص من ايدة
صهُيب:ريممم والله اليوم اسود عيشتهم
طلع بـ ملابسة ثواني وصار الرمي ماضل بيه حيل اجيكم بعد
ريم:ههههه حقج أني انهبطت
مرح:وذاك عود حنون حظنها
ريم:سدي حلكج
ورا فترة تزوجنا وصار عندي ولد اللي هوَّ وطن كاعدين على الريوك كالت بيبي
الجدة:بلا انتن شوكت تخلفن صارلجن ثلاث سنوات
رسُل:بيبي جهالنا صغار
الجدة:يعععع شنهي صغار خلفن شمالجن بنات تالي وكت
امير:مو كافي ذول لغوة علينا
الجدة:شمالهم لغوة الاطفال احباب الله
امير:اي ليش احباب الله لان بس الله يحبهم
الجدة:جبح لهل الوجهة شوفهم شحلاتهم
سند:هيَّ ثنيه هذا مو طب (طيب)
امير:اي هذا هندسة ابو الوصخ بعده بطول اصبعي ومايعجبة الاكل
اسد:شعليككك انتَ طالع على عمه مايحب البيض
علي:بعد عمك وكلبة
العصر كاعدة بـ غرفتي اقرا قصة وطن يمي يلعب بـ تيلفون صهُيب
فـ صار موقف بالقصة وضحكت
وطن :يمه تخبلتي تضحكين وحدج
ريم:الله يطيح حظك امك أني احترمني
وطن:چا انتِ تضحكين
ريم:كوم يلا عوف التيلفون وروح العب جوا ويَّ الجهال
وطن:بس اطلع اتعارك ويَّ باقر ومحسن الوصخ
ريم:وانتَ النظيف عمك علي هنا اكعد عاقل لا تنكتلون
وطن:چا عمي علي ما يبسط بس اسد والشيخ وبابا اذا عصبوا
ريم:وقبل يومين
وطن:اي صح اذكرت بس رجع راضاني
ريم:أني لو منه اشمرك من فوك
وطن:چا غير أنا ابنج
ريم:لا اذا كنت عمك مو هسة
وطن:ها والله أنا احبج انتِ روح كلبي
ريم:يبويي يروحييي انتَ
صهُيب:انجب ولك
وطن:اجهه رجلج يمه
صهُيب:ابو اللسان
راح يركض على ابو تعلق بـ ركبتة شاله صهُيب ويضحك ويبوس بيَّ وطن يضحك
صهُيب:روحي من الدنيا انتَ
ريم:لا والله
صهُيب:وانتِ روح كلبي وشريانة يكدر الكلب يعيش بدون شريان ؟
وطن:تغار امي
صهُيب:شفت بوية ماتخليني اتغزل بيك
وطن:على عنادج
يباوعلي ويطلع اللسانة وحاضن ابو
بعد يومين صارت كعدة من ضمنها اجت هدية احنه معروفين انُ لا ننطي ولا ناخذ هدية مراة لكن هالمرة الشخص اصر على الشيء بـ وقتها اللي موجودين الشيخ وصهُيب اسد وعلي بالدوام وامير ميحضر كعدات دائمًا
ابوفهد:الهدية لو صهُيب لو فهد ياخذها
صهُيب:سيارة هيَّ مو بشر مو
ابوفهد:أبوها انطاها هدية واحد منكم ياخذها انتم الخمسة
أمير:طلعوني منها لا كد الزواج ولا كد المسوؤلية أنا روحي كوة متحمل مسوؤليتها
ابوفهد:فهد واسد وصهُيب وعلي واحد منكم ياخذها
الشيخ:ولا واحد ياخذها والهدية مرفوضة
امير:انطيها لـ فؤاد
صهُيب:انطم انتَ توزع بكيفك
الشيخ:عدنا نسوان ومكتفين بيهن تارست العيون والكلوب ما ناقصهن شي حتى نروح نجيب على راسهن مراة والبنية مو سعلة هي لو كيلو طماطة حتى يوزع بكيفهة وكتله هديتك مرفوضة
ابوفهد:وهوَّ ماقبل
الشيخ : مو مشكلتي أنا اترخص اريد اصعد ارتاح وبعد شوية اروح لـ دوام
صعد الشيخ لـ غرفتة واحنه ضلينا واكفين ايدنا على كلبنا لا تنذب بـ راس واحد من زلمنا وردة صعدت ورا الشيخ بقينا أني وقمر ورسُل
ابوفهد:اخذها انتَ صهُيب
صهُيب:وليش بلا عندي مراة
ابوفهد:ينكسر خاطر الرجال وخاطر البنية
صهُيب:وشعلية أنا كايله وزع بناتك وخلي ينكسر اهم شي خاطر مرتي ما ينكسر
ابوفهد:هيج خاطرها عزيز ماتكدر تكسرة
صهُيب:ينكسر من صدري ضلع ولا ينكسر خاطرها
أبتسم عمو على كلامة وهز راسة وكام وصهُيب صعد فوك
قمر:يلا ورا رجلج
رسُل:ولا كلمة يلا وراه بسرعة
صعدت ورا صهُيب لكيتة يخابر
صهُيب:وهاي شوكت شو ما ادري
ريم:شنو
صهُيب:انجب ، لا عزيزي العفو مو عليك على ابني المهم كمل
ضحكت وكعدت انتظرة يخلص المكالمة
صهُيب:يم علي هاي السوالف خابرة واتفاهم ويا
سلم عليَّ ونهى الاتصال باوع عليه وكال
صهُيب:ماتعرفين تستكين الا تحجين
ريم:طبعًا شكو شعندك
صهُيب:شغل وطن وين
ريم:يلعب جوا
حط تيلفونة على الشحن واجه تمدد وحط ايدة على عيونة
ريم:راح تنام شنو
صهُيب:راسي كام يوجعني
ريم:منو راح ياخذها
صهُيب:محد رفضها الشيخ وكال أنا اتكفل بالموضوع بعد
ريم:ماكنت متوقعة اكو لهذا الوقت هيج سوالف
صهُيب:كلشي اكو بعض العشائر بعدهم على الجاهلية وكلشي عدهم عيب وحرام ابسط شيء حرام وعيب البنية تكمل دراسة
......
نزلت دموعي على ذيج الايام اللي الكُل كان موجود بيها وذكريات كُلش حلوة هسة دخل الموت واخذ كُل ضحكنا وسالفنا وصارت ماضي وذكريات حلوة
مد ايدة وطن مسح دموعي وكف كدامي وكال
وطن:ليش تبچين بيج شيء اروح اصيح ابوي
ريم:يحيلييي انتَ مبيه شيء ماما
اخذته ونزلت كعدنا بالحديقة قمر كانت كُلش تعبانة صافنة بـ غير عالم ومشغلة قصيدة
(اه يـ أبني شكول عليك اه يـ أبني "
دولـبني زمـاني بيـك دولـبني "
دولبـني زمانـي بيـك يـا سلوى"
شـلون أنسـاك وانـسى أيامنا الحلوة "
شـهـل البلـوة المـثلها ماجـرت بلـوة"
اه يـ أبني لـ عند الموزمة ذبـني "
تـذب البيـك تسعـة من الشـهر شالت"
او نـالت من ثچيـل الحمـل ما نالت"
أمـك جابـتك يـمدلل وحـالـة "
يـوم الـبي صرت ياشبل شيبني )
بـ وقتها محد بالبيت بس احنه البنات
رسُل:قمر يروحي كافي بچي
قمر:والله لو ابچي الدهر كله متطفى ناري
من بعد يومين اكتشفت نفسها هيَّ حامل ضحكت وبچت بـ نفس الوقت
بس كانت تعبانة وباين على وجها
اسد:خوية كومي خابري رجلج وخل ناخذج لدكتورة لا يصير بيج شيء
قمر:بس اخذ علاجي اصير زينة
الجدة:يايمه كومي
قمر:خلوها باجر اليوم اخر يوم للعلاج ويخلص باجر نروح فد مرة خابرت علي وكال روحي بس باجر فد مره نروح
حاولوا وياها وما اقتنعت ابد وثاني يوم كانت تعبانة اكثر من اليوم اللي قبلة وكذلك مقبلت تروح
قمر:مراح يفيدني الدكتور
وردة:ليش هيج تحجين روحي وخلي ينطيج علاج وانتِ حامل موزين هذا الشيء
قمر:ماراح يفيد شيء صدكيني وجع كلبي هاي المرة زايد وجنه وجع موت
شهد:انجبي احسن
قمر:هههه مادري والله هيج احساسي يكولي
رسُل:قمر بلا هذا الكلام تعرفينا مفجوعين وزوجج اذا سمع هذا كلامج شنو يصير بيَّ
قمر:اله الله اذا صار بيه شيء
ريم:انجبي وكافي
قمر:ياحبيبي شكد متعوب واجيت فوك تعبة تعبيتة ياريت ما شايفني بيوم من الايام ولا حباني
قبل فترة لزمت أنهار مراسلتهه وهوَّ مجاوبها بس ميعرفها منو حاجي وياها كلام هواي وهيَّ ترد عليَّ بـ كلام يخلي الواحد يموت من الغيرة
بـ وقتها تعاركنا هوَّ محجة شيء بس أني ما اتوب عن سوالفي وبكُل مره اتعبه بـ كلامي ويرجع هوَّ يرد عليه بـ كلام حلو
قمر:شعندك ويَّ صخااام كل ساعةةة وحدهااا
علي:راح تبدين ترطلين
قمر:انهار شعدها وياك مو كافي اللي شفتهم ومليت منهم وحدها ارخص من الثانيه فرح وسَحر وغيرها وغيرها وهسة ختمتها ويَّ انهار
علي:كواد وساقط وابو النسوان غير
بدون تفكير كتله
قمر:رحم الله من عرف قدر نفسة
بعدين أستوعبت أني شحجيت باوع عليه بـ نضرة بـ وقتها ما عرفت شلون أفسرها بالضبط بس كانت نضرة صدمه على استهزاء على هضم ماادري
علي:اطلعي برا لا تخليني اسوي بيج شيء الله من فوك ما يرضى
ما اخذت الكلام تجاهلتة ورحت للحمام غسلت وطلعت صار بـ وجهي سحلني من ايدي حيل وكال
علي:أنا تعملت ما امد ايدي على مراة واخذت وعد مابيوم اكون سبب لـ حزنج ولا بيوم امد ايدي عليج بس الضاهر راح اتراجع عن هذا الشيء علمني جدي وكلي لا تتكوى على مراة ولا اطلع رجولتك عليها ، وعلمني بـ نفس الوكت ما اخلي مراة تتمرجح على متوني طول بـ عرض الحب اله حدود والصبر اله كيل وينطفح أنا لو اريد وحدها من ذني چا خذتها لو وحدها منهن غرتني چا خذتها رضيتي او لا بس مكانتج بـ كلبي جبيرة وعيوني مكتفيات بيج ومايشوفن غيرج بس انتِ ما تستاهلين
دفعني وطلع انهاريت بـ وقتها وصرت ما اعرف شسوي بالضبط الغيرة تعمي العيون
من رجع حاولت احجي ويا بس كان يتجاهلني حيل لحدما شافني أبچي ونسى كُلشي واجه بـ تجاهي والخوف والحيرة بـ وجهة
علي:شبيج بوية ليش تبچين
قمر: كافي زعل والله مو قصدي
سحبني لـ حضنة واكتفى بالسكوت ومن بعدهي صار كلام ومعاتب هواي
قمر:اغار عليك من كُلشي اخاف تروح وتنساني وتنسى حبنا وتنسى كُلشي
بـ وقتها أبستم وكال بـ صوت هادئ اخذ كلبي
علي:تَبچي ادكلي تنساني!
يول انتِ الجكاره الشوهت شفتي
أروح لـ غيرج ؟
أنتِ شبيج!
العُمر مايكمل بلياج
يـ تفكة وعند رتـب وتخليها انتِ !
يـ تفكة وعند رتب وتخيلها انتِ ههههه
صفك ايد بـ يد وضحك
قمر:هذا الموقف تربع بـ كلبي
وردة:قمر الرجال إذا ميلكي راحتة بـ بيتة يهج ومو دوم يكدر يصبر حتلو يحبج يجي يوم ويمل لا تضلين هيج ومثل ماهوَّ ساندج اسندي وصيري اله عون وسند مو تعب
الشيخ:عفية مريتي
وردة:هههه انتَ هنا
الشيخ:سمعت بس صيري اله عون وسند مو تعب
ضحكنا وهوَّ دخل جوا بليل كان الوقت متأخر وأني كنت كاعدة راسلتني وردة كالت قمر تعبانة مااعرف شبيها تعالي بسرعة
رحت لـ قمر يمها وردة ورسُل
وردة:راح اصيح الشيخ ياخذج للمستشفى
قمر:لا ما اروح
رسُل:لججج تخبلتيييي شنوووو مترحين شوفي حالج
قمر:والله ماراح يفيد
صارت تحجي بـ صعوبة والنفس ارتفع اجوا الولد وعمي وحتى بيبي صعدت وشهد
قمر:اني بعد خلص انتهت حياتي وصلوا كلام لـ علي كلولة تحبك هواي وماكان قصدها تعبك فوك التعب اللي انتَ بيَّ لكن هذا حدها كلولة قمر راح تبقى تحبك حتى وهيَّ ميتة راح تبقى وياها الى ان ننجمع كلولة ماكانت قصدها تضوجك وتزعلك بيوم من الايام لكن من حبها الك خلوا يبريني الذمة ويدير بالة على نفسة ابروني الذمة
ما استوعبنا كلامها نزل امير حتى يشغل السيارة لكن ما لحك
ابو فهد:أنا لله وأنا اليه راجعون
غمض عيونها وبچه
شهد:قمرررر لااااا مستحيلللل لاااااا قمرررر حاجينيييي ولجججج عليييي شنكولهةةة قمرررر ولججج والله يتخبل شلون يتقبللل الخبرررر شلوونننن
ارتفع صوتنا بالبچي والنوح واللطم مثل العادة
نزلوها لـ جوا للغرفة والتمت الناس لـ صبح كلها اجت دخلوا حتى يشيلون الجنازه صاح الشيخ
الشيخ:رجع التاااابوت ما تطلع الا يحضرون اهلها وزوجها نززل التابووت
وصلوا اهلها ودخلت امها ماجانوا يعرفون ميتة كلولهم مريضة من شافت قمر نايمة والناس ملتمة صرخت
ام مهيب:لا ماما لا يمه سوده بـ وجهي بنتي يمه وحيدتي يمممه ولج كمرة حاجيني يمه اروح فدوة لـ عيونج أني احجي وياي ولج أني امج قمررر حاجينييي وين رايحة ماما ويييين بعدج صغيرة على الموت شنو شفتي من حياتج وخذاج الموت اكعديلي ماما اكعديلي كلولي مريضة ما كالوا ميتة اجيت اشوفج واحجي وياج ما اودعج وانتِ نايمة اروح فدوة لـ عيونج الحلوات حاجيني مو وكت موت ماما مو وكت موت كومي زوجج تعبان واحنه تعبانين لا تزيدين التعب اكثر
بچت الحاضرين كلهم زلم ونسوان زاد بچينا وانهيارنا اكثر من دخل يوسف ابن مهيب يكعد بيها ويحجي وياها وهيَّ متحجي
يوسف بـ دموع:بيبي ليش قمر متحجي هي حتلو نايمة تكعد وتحجي وياي هيَّ متحجي ويانة لان زعلانة من عدنا لان عفناها ورحنا لـ بغداد خاف زعلانة مني والله ممسوي شيء يزعلها بيبي خليها تحجي وياي فدوة
دخلوا اخوان قمر وابوها كعدوا يمها ضلوا يبچون ويعاتبون لكن شيفيد والموت ميرجع الراح طلعوا اخوانها وابوها برا
بـ 11:20 الضهر صاحوا اجه علي دخل والصدمة على وجهة كان لابس بنطرون عسكري وتشيريت اسود
ام مهيب:يمةة ولك راحتتت مريتككك راحتتت حبيبتككك ولككك يمه ماتتت قمررر ماتتت
دخلوا ورا راهب وأمير تجاهل كلشي وراح الها سحب الكرسي وكعد يمها هيَّ كانت على الجرباية صار يحجي وياها بهدوء وصاح اسكتوا مدشوفها نايمة حط ايدة على راسها ويحجي وياها
علي:ضي عيني قمري بوية حاجيني افتحي عيونج الحلوة واحجي وياي مو كلتي مشتاقتلك هذا أنا اجيتج
راهب:علي
علي:اشششش يلا كومي كفاج نوم هذا أنا اجيت حتى اشوفج مو الكاج نايمة زعلانه مني ؟
شال الكلاص مال المي وغسل وجها ويحجي وياها كان ما مستوعب
علي:يلا عاد كافي كومي مو تدرين بيه تعبان لا اتعبيني فوك تعبي قمررر حاجينييي أنا اللي لازم اموت مو انتِ الموت الي مو الج بداعت كل ساعة عشناها سوا احجي وياي وافتحي عيونج عمت عين المرض يابعد طولي بداعت دموعي بداعت تعبي بداعت حبنا بروح نمر كومي حاجيني لا اتركيني وحدي بهاي الدنيا مو كد الفراك وعلي مووكده
حضنها وضل يبچي وضعة كان يبچي الصخر سحبوا راهب وأمير بعدوا عنها وكالوا خلوها بالتابوت
علي:لاااا وخروواا عنها أنا انزلها بس وخرووا
ابتعدوا كلهم اجه هوَّ باسها بـ راسها وجها واديها
علي:الله وياج ياضي عيني الله وياج
خلاها بالتابوت وكعد يمها ضل يبچي بـ صوت شالوا التابوت وهوَّ انتهى لزمة راهب واجه ويا امير يلا سيطروا عليَّ
راهب:ولككك بسسس كاافيييي
علي:ولككك راااحت شضللل بالدنيااا بعد اخذهم الموووت كلهم دفنونيييي وياها
شالوا التابوت وصلوا باب الصالة صرخت امها
ام مهيب:"يـ دفان البنية عينك عليها "
حالنا ما اتمناه للعدو الفاتحة تلاث ايام وناس كُلش هواي وتعب نفسي وجسدي الفقد ابدًا مو سهل وقمر راحت بـ سهولة
علي كانت حالتة كُلش تعبانة رابع يوم الفاتحة راح لـ نجف ضل 7 ايام هوَّ بالنجف
كسرتة كانت مو سهلة ابدًا من رجع كان منتهي بـ كُل معنى الكلمة شمر نفسة بـ حضن بيبي بدون كلام بس صوت شهكتة تحجي كُلشي
الجدة:ينطيك الصبر يايمه ينطيك الصبر
كام يريد يصعد لـ غرفتة اختل توازنة لزموا أسر ومحمد
محمد:اكعد لا توكف ارتاح
وكع بين أيدهم جثة
الجدة:يمه صخم الله وجهي راح الولد
الشيخ:كولي يالله جيبوا ماي هسة يكعد
جسار:جيبي عطر ريم
ذبوا على وجهة مي وبـ نفس الوقت جسار رش عطر على ايده وخلاها قريبة على خشمة يلا تحرك
الشيخ:كعد مابيه شي بعدة بـ مصيبتة
كعد بدون كلام حتى مي ميقبل يشرب وهو كُل ايام الفاتحة بدون اكل وشرب
اسد:اكل شيء مايصير تبقى هيج موزين عليك
همس بنت الشيخ كانت تزحف راحتلهه كانت متعلقة بيَّ بشكل مو طبيعي هوّّ شالها وحطاها بـ حضنه وحضنها حيل
علي:ياروحي انتِ
الشيخ:يلا لـ خاطر همس اكل شيء
علي:ما اشتهي شيء
اسد:لكمة وحدها بس اسند بيها طولك
علي:ما اكدر اذا اجوع أنا اكل
شال همس انطاها لـ وردة وصعد فوك
الجدة:لا تعوفونا مصيبتة موش كليلة
صهُيب:الله يصبرة
سند:چا مو كالوا من يرجعون قمر ترجع وياهم شو ما اجت
ماعرفنا شنو نجاوب بالضبط جاوبهه صكر
صكر:قمر مثل جدو وبيبي ونمر الصغير ونمر الجبير بعد ميرجعون ابد كلهم راحوا
وطن:وين راحوا
صكر:ماتوا
سند:چا ليش اليموت مايرجع
يحجون كلامهم وعلى وجوههم تسائلت هواي سكتنا عنهم ومرت ايامنا تحت الحزن علي كانت حالتة تعبانة بـ كل معنى كلمة اجه يوم الاربعين
بيوم الاربعين بالضبط نزل علي وكف على الدرج وكال
علي:قمررر وين الدشداشة السودة
كُل اللي موجودين بچوا
جنات:ينطيك الصبر ياعمه
من كلامها هوَّ أستوعب شنو كال وأستوعب انُ اليوم هوَّ يوم اربعين قمر
تنهد بـ تعب وصعد لـ غرفتة ورا نص ساعة دخل راهب سلم وكال
راهب:وين علي
الجدة:اصعد لـ غرفته يمه بس انتَ تكدرلة غلط بـ أسم مرتة
راهب:لا حول ولا قوة الا بالله
صعد راهب لـ علي تأخروا يلا نزلو
يوم عن يوم تسوء حالة علي
بعد مرور شهرين على وفاة قمر علي كان طالع من دخل كال
علي:أنا باجر التحق
ابوفهد:وين بوية وحالتك تعبانة
علي:انتهت الاجازة ولازم اروح
الجدة:وشكد تبقى
علي:مادري واجبي هالمرة مطول شكد بالضبط الله يعلم
ابوفهد:دير بالك على نفسك بوية
علي:الله الحافظ
ترخص وصعد لـ غرفتة ومن بعدهي التحق اول ايام اتصل علينا ويتواصل ويانة بعد فترة انقطعت اخباره نهائيًا
اسد:ميجاوب التيلفون يدك بس ما يشيلة
ابوفهد:ياربي دخيلك احفظ هالولد
امير:خابر راهب اكيد يعرف شيء عنه
اتصل على راهب اول شيء ما جاوب رجع اتصل مره ثانية جاوب من سأل اسد على علي كال
راهب:ماعندي خبر عنه ابدًا واصلكم شيء شنو
اسد:لا احنه نريد اييي خبر عنه ماكو
راهب:مادري بيَّ اتصل واحاول اتواصل وياهم وارجعلكم خبر
ايام واحنه ننتظر خبر عمي تخربط فد مره السكر والضغط ثنينهم علكوا عنده كاعدين بالحديقة وعمي كاعد يمنا ترخص وكال راح ادخل جوا اخذ علاجي بس شهد كانت بالاستقبال تقرا لان كانت سادس
دقائق معدودة ومسمعنا غير ضربة كُلش قوية وصرخت شهد ركضنا عمو واكع بالكاع لا ايدد ولا رجل
امير:بويةةة جيبييي مااييي بسرعةةةة
الجدة:يمه ولك يمه محمددد حاجيني يمه سودة بوجهي وليدي يمه خايب فدوة اروحلك رد عليه يمه
ابو اسيد:خويه بعد اخوك شجاك
الشيخ:توفى!!!
شهد:لااااا مووو كلهممم لااااا لاااا ربييييي لااااا مو حتى ابووويييي تاخذةة مابقى غيررره لااااا باااباااا فدوةةة حاجينيييي أني مو ادكولي المدللة انتِ حاجينيييي حاجينييييييي
صارت تضرب على وجهها وتصرخ حاجيني من الصدمة ما كدرنا نستوعب ضربتين على الرأس توجع واحد ورا واحد توفوا ما نلحك نرفع راسنا وتجينا ضربة اقوى من اللي قبلها هل هذا ابتلاء ام ماذا ؟؟
ورا الفاتحة ورا وفاة عمي بـ فترة وصل خبر عن علي انُ هوَّ بخير ومابيه شي فترة وراح يرجع
حالتنا كانت تعبانة محد اله خلك حتى يحجي نشغل نفسنا بـ شغل البيت والجهال والولد اغلب الوقت بالدوام او يطلعون لـ ديوان اما شهد فـ تعبت بـ شكل وكانت سادس رادت تترك لكن ضغطوا عليها انُ تكمل لـ خاطر عمتي وعمي كان حلمهم شهد تصير دكتورة
رجع علي وهنا كان خوفنا الاكبر شلون راح يتقبل وهاي ثاني مره يلتحق ويرجع يودع عزيز
اجه وسلم باوع علينا وكال
علي:چا ابوي وين ؟
ضلينا منعرف شنو نجاوب واحد يباوع لـ ثاني
علي:شكو ابوي وين
الشيخ:ابوي توفى قبل فترة
باوع علينا واحد واحد ورجع باوع على الشيخ وكال
علي:توفى ؟
الجدة:اي يمه اي راح ابوك راح
علي:هههه لالا يالله لا مو أيوب أنا واصبر هالكثر
كعد وهوَّ مو متقبل الخبر انهار لا ودعه ولا شيء راح ورجع ابو مدفون منو يكدر يتقبلها ياكلب يتحملها
اسد:وصيتة تبري الذمة وتسامحة على كلشي صار بينكم
علي:باري الذمة ومسامحة من زمان
قطع حتى الكلام صار حتى ميحجي يطلع من الصبح لليل يلا يرجع
وياخذ ڤينوم وينام وهاي حياتة هيج صارت
انقلبت حياتنا من السعادة والفرح الى التعاسة والحزن
.....................................
راهب :بالدوام كنت ملتحق وياي علي خابرني ابوي بعد السلام كال
ابو ازهر:علي يمك
راهب:لا محد يمي
ابو ازهر:بنت عمك قمر توفت
راهب:شنو شجاي تحجي انتَ بوية
ابوازهر:هذا اللي صار لا تخلي علي يجي وحده كلولة مرتك تخربطت مو توفت تعال ويا الله يصبره
سديت التيلفون من الصدمة راسي صدع شراح يصيربيَّ حب حياتة قمر روحة من الدنيا قمر شلون راح يتقبل قمر ماتت ياربي دخيلك
من طلعنا كان الخوف بين عيونة يدعي ربه انُ مابيها شيء وكل ساعة يتصل وما تجاوب زاد الخوف ايده ترجف بـ شكل مو طبيعي
وصلنا البصرة من نزلنا كانت ناس كُلش هواي مجتمعين سلم عليهم واكو بيهم كلولة البقية بـ حياتك بس هوَّ ميعرف ليش هيج كلولة او ميريد يصدك
علي:منو متوفي شكو
تقدم سيد وكال
السيد:بسم الله الرحمن الرحيم(وبشر الصابرين الذين إذا اصابتهم مصيبة قالوا أنا لله وأنا اليه راجعون ) البقية بـ حياتك وخاتمة الاحزان مصيبتك مو قليلة الله يصبرك ويرحم زوجتك
باوع على السيد بـ نضرة استغراب ورجع باوع عليه وكال
علي:زوجتي ؟؟
السيد:اي زوجتك توفت الله يرحمها
علي:هههه شتحجون انتم
تركنا ودخل جوا استقبلتة ام مهيب راح هوَّ كعد يم قمر ويحجي وياها كان ما مستوعب وضعة كان صعب اخذنا التابوت وتوجهنا للنجف مخلي راسة على كتفي حضنتة احاول اخفف عنة ولو شوية لكن النار الفراك لهابة
علي:انتَ شاهد على حبي الها راهب راحت وعافتني كلولي تعال شوفها متخربطة عبالي مثل كل مرة
وصلنا النجف هوّّ غسلها بـ يده ومن بعدهي توجهنا للامام علي عليه السلام زرنا وتوجهنا الى مقبرة وادي السلام
كعد يم كبرها بالتراب تربع ويبچي مثل الطفل ويبچي على امه
نزل للكبر قرأ زيارة عاشوراء وكم دعاء نزلها للكبر ونام يمها حاضنها
علي:ذبوا التراب
راهب:علي كوم كافي
علي:ما اتركها وحدها تخاف ذبوا التراب علينا ومعليكم
سحلتة سحل كوة وحضنتة مثل اللي مجتفه ضهره صار على صدري ولزمت ايده من شاف الدفان ذب التراب ضل يصرخ بكُل حيل كافييي ولك كاافيي تراب راح تخنكها من بعدد ما خلص الدفان توجهه للامام علي وكال
علي:عليي ابو الحسنين الليلة يمك عزيزة كلبي الليلة ضي عيني يمك بـ ضايفتك علي عينك عليها هاي العزيزة اجتك وتركتني وحدي يا أبو الحسن شاهد على حبنا وچم دخيلك وچم نذر حتى صارت الي اجتك الليلة
باوع على كبر نمر ابنه وكعد يمه وكال
علي:بابا مدلل كليبي اجتك امك يابعد ابوك وكلبة ادعولي اجي يمكم تعبت بلايكم وما اتحمل الفراك يمه اجتج قمر يمه تركتني واجتككم الليلة يمكم الليلة خطاركم
راح يم كبر نمر صديقنا
علي:الحبيب والله مشتاقلك الليلة خطار اجاكم من دار الدنيا نمر فك باب كبرك وكوملي أنا بـ عازتك ياخوي كوم خايب كوم عمت عين الموت الخذاكم وما خذاني
راهب:يلا كوم فدوة كوم
علي:ما اروح أبات هنا يمهم
راهب:كوم فدوة اروحلك ياخوية كوم وياي الناس تنتظرك
علي:شسوي بـ الناس تنتظرني حتى يكلولي البقية بـ حياتك يعزوني بـ عزيزة كلبي اريد ايات يمهم روح انتَ وخليني هنا
بالف ياعلي يلا اقتنع يكوم صعد لـ غرفتة والناس تسئل عليَّ صعدت ورا كان متمد على الجرباية وصورة على صدرة
راهب:علي
علي:تعبان راهب تعبان
اخذت الصوره خليتها على جهه
راهب:كوم وياي ياخوية فدوة لـ عيونك لا تسوي هيج بـ نفسك
علي:تريد ارتاح !
راهب:اكيد
علي:بكل صلاة تصليها ارفع ايدك لـ سماء وادعيلي الحكها
ماعرفت شجاوب سكتت قنعته ينزل ومن بعد ايام الفاتحة راح لـ نجف ينام بين كبورهم
مسطرين واحد بـ صف الثاني الشيخ فراس ويمه ام فهد وانوب نمر صديق علي ويمه نمر ابن علي ويم نمر قمر واكو فراغ بين قبر نمر ونمر وفراغ بين قبر. ام فهد ونمر ابن علي دفنوا بيََ نمر
علي:الفراغ اللي بين نمر ونمر راح اندفن بيَّ أنا
راهب:انجب واكل خرا وكافي عاد
علي:ما مطول وداعتك
راهب:كتلككك كااافيييي
رجعنا للبيت ومرت الايام حالتة كانت تعبانة ورا فترة اجانه أمر التحاق
وكانت اكو عصابة تجارة اعضاء بشرية ومخدرات وقتل وابتزاز تابعة لـ داعش لكن مو بـ سهولة نكدر نلقي القبض عليهم
كعدنا ندرس خطة من ضمن هاي الخطة الخطوة الاولى دخول مدنيين بين العصابة اختاروا اربع ضباط من ضمنهم علي
وبلشوا بالخطة واحنه البقية رجعنا حتى كلشي يتم على حسب ما اتفقنا تيلفون علي كان عندي وبدينا نشتغل كانت صعبة بـ شكل مو طبيعي ممكن يرجعون وممكن لا ننتصر ام لا مانعرف
بين يوم وليلة توفى ابو فهد صدمة مستحيل احد يتقبلها بـ سهولة الموت صار بس عدهم واحد ورا واحد
حتى سنة ماكو بينهم فوكه فوكه
وصل خبر للقائد المسؤؤل انُ ابو علي توفى حاول يسحب علي وكاله انسحب لكن رفض رفضًا قاطع انُ ينسحب الى ان تكمل القضية
ماكان بيدنا شيء ومن بعد فترة كدرنا نوصلهم والقينا القبض عليهم والحمدلله
من رجع علي وعرف ابو متوفي كانت صدمتة حيل جبيرة
وحقه مرتة وانوب ابو وبعدة جرحة
اجه للبيت الثاني خلصها نوم وبدون كلام رجعت من الدوام البيت هدوء بس الصوت القصيدة لـ باسم الكربلائي ماليه البيت
كانت كلماتها صعبة على فاكد عزيز
يستاهل الغالي ....ونه ودمعة وصياح
واليفكد إحبابه ....بس بـ موته يرتاح
كُل يوم كلبي ينصدع ...ادري الغالي بس طبع
يرحل بـسـاع
فتحت باب الغرفة كانت كلها دخان
راهب:خرا بلشتك
فتحت الشبابيك واخذت الجكارة من عنده وطفيتها باوعت على الباكيت فارغ
راهب:شكد شربت ولك
علي:واحد
راهب:تخبلتت انتَ شبيك كاافي يااخيي كافي ادمر بـ نفسك
علي:هي شباقي بيها نفسي حتى ادمرها
راهب:عوف الصخام الجكاير
علي:حتى من الجكاير انحرم
باوعت عليَّ وسكتت باوع عليه وكام طلع من الغرفة طلعت ورا كعد بالصالة
راهب:اخذك لـ نجف
علي:تدفني هناك بلكي ارتاح
راهب:كاافي عاااد وبطل كلامك الجايف هذااا مو كااافي لوعتييي تزيد بهذا الكلام كافي يابشر كافي ارحم حالتي ولا تحجي هيج كلام
علي: صدكني ارتاح راحتي هي الموت مستحيل يجي يوم وارتاح بالدنيا لك أنا من الصغر جبتها ركض بـ ركض شنو افتهمت من حياتي
بـ صغري عايش على التكفخ وواشكال وانواع شفت
فترة المراهقة اللي لازم الواحد يكون مدلل والكل ينتبه عليَّ
أنا كنت بـ شورجة وباب المعظم وباب الشرجي افتر ماخليت شغلة ما اشتغلتة
كبرت شوية وكلت يالله انفتحت بـ وجهي وضحكتلي الدنيا زط بط دخل داعش كفلي اسمر وعمر وماهر وهمام وعمار وحسن ومسلم وختامهم نمر
انام واكعد يكلولي فلان مات اروح انام بـ حضن امي شوية ارتاح
بيوم مسية وصبحية راحت امي
دفنتها واربع ايام انقتل ابني بـ دم بارد وأنا السبب
بعده ابني ما صارلة شهر مات نمر
التحق يخابروني تعال مرتك تخربطت اوصل الكاها ميتة
التحق وارجع ابوك ميت!!!
حياة هاي ماكلت شيء وحامد الله وشاكره بس أنا بشر لا أنا نبي ولا أنا معصوم صبري اله حدود ياكلب يتحمل كل شهر شهرين ماخذ واحد لـ نجف
شنو افتهمت من حياتي وتريد تقنعني انُ الجاي احسن من الراح
كلاميش هذا الراحة سامع بيها بس ما شايفها
لا تلومني على شيء مو بيدي لا ادكلولي اصبر الصبر مالة علاقة بالحزن والرضاء أنا صابر ومتحمل وراضي بس مو معناها ما احزن
وهيج مرت الايام حياتة تعب بـ تعب مرة من المرات واكف على الشباك وكانت الدنيا تزخ مطر شفت علي يمشي بالشارع لابس نص ويتمشى وين رايح مادري
اخذت قمصلث اله ونزلت من وصلت كاعد على الشارع بـ مكان اضلم وسيارات ماكو قليلة وبس نباح الكلاب خليت القمصلة على متونة
راهب:وين رايح يابعد روح اخوك
علي:ماادري تعبت من البيت وطلعت
راهب:تطلع بدون قمصلة والجو بارد
علي:نار كلبي كافيه انُ ادفيني
راهب:شطلعك بهل الليل
تنهد وكال بـ تعب
مشهد غيابج خرابة
وصوتي مبحوح شيصيح
والشوارع كلها مسكونه
وصفير وصوت ريح
والهياكل والجماجم ملحمه
والناس كلها ميته
ووحدي اعثر واطيح
ولو خبر منج يجيني
الناس تعدل من جديد
ضوه يبين من بعيد
مطر ينزل
شمس تضحك
المشانق تنصب مرجوحة
لـ اطفال الشهيد.
راهب:خلينا نروح للبيت الوقت تأخر وباردة وانتَ مريض
علي:اوف اوف بس انتَ بقيتلي وهم اخاف تروح مني لان فكرر منو يتقربلي يطير
راهب:اكل نعل وبلا هذا الكلام الخايس امر الله هذا وكل واحد ويومة وساعتث وادري بيك قوي وراح تصبر وراح تعدي وترجع علي مثل ماجنت اعرفك ابو كلب الصلب
هز راسة ورجعنا للبيت اخوانث جانوا بالدوام بس امير ونايم
من وصلنا صهُيب وصل من الدوام
صهُيب:شبيَّ
راهب:مابيَّ شيء شوية تعبان ديروا بالكم عليَّ
دخلوا لـ جوا رجعت للبيت ورا فترة التحقنا لكن هالمره التحاق حيل يختلف وماكنت متوقع هيج ...
شكرا لزيارتكم عالم روايات سكيرهوم
