رواية عشك أل فراس الفصل التاسع والثلاثون بقلم زينب نور
الماضي
أمير: رحت لـ بيت خالي يم مهدي ومالك كعدنا بالحديقة واجت سؤسن من المدرسة
امير:اجت الفاهية
سؤسن:ولا يستقر
امير:دروحي روحي وجهج جنه تاير مال همر
سؤسن:والله أخبل مضغوط مني عيونك جنهن بستان سيد محمد اللي جنت تبوك منه
امير:بايك منه ومنو جان يوكف بالباب يباوع حتى محد يجي
سؤسن:يمه حارة اروح ارتاح
دخلت جوا واحنه كعدنا نلعب دومنا شوية وطلعت
سؤسن:مهدييي حباب روح لـ بيت ابو سجاد هذا دفتر تبارك نستهه يمي
مهدي:والله ما اكوم ولا اتحرك
مالك:لا تباوعيلي أنا متعارك ويَّ سجاد ما اروح
سؤسن:اميررر
امير:ها شني خطار أنا خالي شتردين
سؤسن:عليك الله والله خطية باجر عدها امتحان
امير:ما اعرفهم يابه ما اعرفهم
مهدي:جذاب يعرفهم اكثر من عدنا
امير:كبر لهل الراس
سؤسن:عليك الله حباب
امير:توسلي بعد وأنا اروح
سؤسن:اميررر مو انتَ ابن عمتي الكفووو ساحر قلوب البنات
مالك:جنه شرشبيل
امير:ولا يستچن مالك الاشتر
اخذت دفتر مدري كتاب ورحت لـ بيت ابو سجاد دكيت الباب اجاني صوت بنية
تبارك:منو
امير:ملك الموت
تبارك:شنو
امير:دفترج هذا تردينة ؟
فتحت الباب ومدت راسها صفنت بيها نسيت حتى الدفتر
امير:سبحان الباري
تبارك :وين الدفتر
امير:تفضلي
اخذته ودخلت وأنا بقيت دايخ بـ عيونها رجعت لبيت خالي اصفن
مهدي:هذا شمالة
مالك:كتلوا مدري شسولة
امير:هههه انجب
مهدي:لا مو طبيعي بيَّ شيء
اجوا يمنا خالي وخالتي شوية واندك الباب حيل
ياسر:ولكممم افتحوا الباب انسمطت
مهدي:اطفر من الحايط مابينة حيل نكوم
ياسر:ولكم اميييي امييييي وياييي
ام اسيد:من دهر دهرك كون ولك بسك فضحتنا
مالك:اي ميخالف اطفر من الحايط وادخل افتح الباب
ابو ادم:كوموا ولكم افتحوا الباب
مهدي:لا عليمن نتعب نفسنا هذا صعد جنه قرد
ياسر:قرد الياكل اذانك كون
نزل فتح الباب دخلوا خالتي وفرح وسبأ
مهدي:يابة هلا وكُل الهلا بالجاي لينا
ياسر:اكل خرا
مهدي:مرض حتى حريشي منو محاجيك انتَ وجهك جنه نعال عاضة جلب
ام اسيد:بعد عمتك شلونكم خوية
ابو ادم:اروحلج فدوة ياخوية الحمدلله بخير انتِ شعلومج شلونجن بعد خالجن چا وردة وين
ام اسيد:خليناها تقرا عدها امتحان باجر
البنات دخلن جوا وخالتي وياسر كعدوا يمنا
ابو ادم:امير امك ليش ما اجت وياك
امير:اصلًا ما شايفها
ام اسيد:ياسر لكيتة بالشارع جبتة وياي واجيت
ياسر:شني وام البنين جذب أنا لكيتهن بالشارع يخولتن جبتهن واجيت
ام اسيد:يعع دهر دهرك احنه نخوتل
ياسر:چا شني
شوية ودخل ادم كان بالدوام
مهدي:اجت العقدة الجبيرة
امير:هناك الشيخ وهنا ادم
ادم:السلام عليكم
الكل:وعليكم السلام
سلم ودخل جوا بدل واجه كعد يمنا
ادم:مهدي
مهدي:دخيلك بالحسين استرنا ها خوية
ادم :بعد اخوك وكلبة ليش ماتكعد راحة
مهدي:شمسوي
ادم:انتَ سادس مخلصها غيابات واذا تروح اداوم تتعارك لو ويَّ الطلاب لو ويَّ المدرسين وتالي يعني
مالك:الله يطيح حظك دومك مفشلنا
ادم:انثبر انتَ على اساس احسن منه سجاد ليش متعارك ويا والمدير ليش طاردك انتم التؤام راح تجلطوني
مهدي ومالك تؤام بس مالك اكبر من مهدي بـ ساعة
ابو ادم:چا أنا ليش رفعت ايدي منهم لان اعرف راح اموت كاصر عمر اذا اضل وراهم
ياسر:چا خليت ادم وراهم
ادم:انجب انتَ هم
امير:شمالة هذا
ياسر:مسودن سودنهه عشك العمارجية
مهدي:منين هاي ولك
ياسر:سمعته يحجي ويّّ صهُيب يحب وحدها من العمارة من ال ....
مالك:اندهرنا انوب ال ....
ادم:وسم حتى وسم
امير:اسمها بدايتة ميم ونهايتة كاف
ام ادم:صدك ولكم
ياسر:وام البنين خالة وطالبة وشايفها والحسين احنه ما نجذب
امير:اي والزهرة دخيل اسمها هذا ابنج عاشك وخالة يحبها يموت عليها
ادم:وانتَ ماتحب
تذكرت عيوونها وضحكت
امير:لا
ابو ادم:صدك بوية حجيهم
ادم:احم خيولون بوية ماعليكم بيهم
مالك:شني نولي والرضا ابو محمد كلامنا صدك بس شني ابن عمها رايدها وجهة جنة مطي ساحكتة سيارة
ام ادم:بس انتم حلوين كلها مو حلوة
ياسر:احنه مخبلين البنات
ادم:بـ طيحان حظكم غير
امير:عود ذول العسكرين شمالهم معقدين شيسون بيكم بالعسكرية ويطلعونكم هيج وجوهكم مكلبة عبالكم ارامل وماخذين جهالهم منهم
مهدي:خايب يشبعونهم كتل خو هاي اذا المدرب عنده عداوه وي المتدرب يحمسة حمسة
ادم:وهيج اسمهم مدرب ومتدرب الله يطيح حظكم
مالك :تخيل انتَ نايم وتتحلم ذاك الحلم الزين ويطب عليك واحد مصركع يرمي ويصيح اكعد والله شني ازعاج ليلي مو حقهم زين وضال عدهم عقل
ياسر:لو بعز البرد ويشمرونك بالنهر الماي ثلج والله شني كمزة الثقة عمي ياثقة انعل ابو الثقة
امير:لو يغطة بالطين بـ 12 بليل الدنيا تكص كص لهذا السبب نعذركم
ادم:انجبوا ولكم العسكرية مصنع زلم
امير:چا والمايدخل عسكرية
مهدي:برتقالة مكشرة
امير:حبيتككك ضحكتنيي
ادم:الحمدلله والشكر ايي والله كرت عين اماهتكم من طلكن وجابن كلولهم مبروك اجاكم ولد
ام اسيد:مدري شوكت يكبرون
امير:من نزوج
ام اسيد:وشوكت تزوجون
ياسر:من نكبر
ام اسيد:امداكم
تغدينا يم بيت خالي والعصر رجعنا مهدي ومالك اجوا ويانة
ام اسيد:خايبين اوكفوا مابيه حيل امشي
ياسر:شني تردين نشيلج
ام اسيد:وهرش خل امر على امي
امير:سميرة تعالوا ندخل نضحك عليها شوية صار هواي ما شايفينها
ام اسيد:تضحك عليها ولك امي مضحكة
امير:شعليج بيبتنا والله حلوة هاي
دكيت الباب طلعت سَحر
سَحر:منو
امير:ملك الموت
سَحر:منوو
امير:اكلها ملك الموت ادكلي منو افتحي الباب عزرائيل الياخذج
دخلت خالتي والبنات وراها احنه كلهم موجودين
امير:شلونج سوسو
الجدة سميرة:ابو اللسان تعال ليه مشتاقتلك
امير:تشتاقلج الجنة
كعدنا يمها وبعدين طلعنا رجعت للبيت ومرت الايام والبنية بـ راسي بـ وقتها كنت سادس
ضليت كُل ما اروح لـ بيت خالي انتبهه على بابهم يكون مفتوح شوية
مرة من المرات قفلت خلص لازم اتوصل وياها بـ وقت حلت البنات رحت لـ بيت خالي من رجعت وحدها سؤسن مو وياها
أمير:سؤسن وين
تبارك:اليوم ممداومة
باوعت يمين ويسار ماكو شخص طلعت رقمي حطيتهه بـ يدها
امير:خلي يمج
تبارك:شنو هذا
امير:من توصلين تعرفين
كان التصرف نوعًا ما غلط رجعت للبيت ما اندل دربي اول ما دخلت ابوي واكفلي بالباب
امير:ها
ابوفهد:تعال ادخل جوا عندي حجاية وياك
امير: حجاية لو كتلة
ابوفهد:فوت خلصني
دخلت كدامة هوَّ دخل وراي دخلنا للاستقبال سد الباب ودارلي اول ما هفني راشدي شك اذاني لزمني من شعري وكال
ابوفهد:انتَ ماتعقل ماتبطل سوالفك
امير:هسة غير افتهم شمسوي
ابوفهد:اول شيء الجكاير وطيحان الحظ ثاني شيء مستواك الزفت بالدراسة اسلامية ما مدبرها وثالث شيء الاصدقاء اللي تمشي وياهم سلوم وسام ومدري شسمه ذاك الاخر ماتعقل انتَ ماتبطل سوالفك
امير:الاصدقاء مابيهم شيء اذا ماتعرفهم لا تحجي عنهم ومستواي مو زفت والجكاير صار فترة تاركهم طيحان الحظ شنو بعد
بعد ما كملت كلامي اجاني راشدي ثاني وثالث لحدما خدر وجهي صرت ما احس بالضربة
امير:كاافي والله مليت ترا
ابوفهد :مليت من طيحان حظك ياطايح الحظ والله اذا شفتك ويَّ ذول تمشي احرمك حتى من الشارع
امير:اي مو بكيفك هيَّ لو زعطوط كدامك ماعليك بيه محد راح يطيح حظي غيرك مثل ما طيحة حظ علي
ابوفهد:وانتم ماخذين علي مثل الكم
امير:اسوي مثلو وعلي ومو عشر سنين ابقى العمر كله بعيد عنك
بهاي الاثناء دخل جدي
الجد:ياستار ياربي
ابوفهد:هذا جدك وخلي يكون عنده علم مليت وطلعت روحي منك لا ضرب يفيد لا تفاهم يفيد شتريد بالضبط وكفشتك هاي تزينها افتهمت
امير:رجع على كفشتي
حجه لـ جدي كلشي وجدي صار ويا لكن صار ضده بالضرب
الجد:ولدك كبار شوكت تبطل هذا اسلوبك
ابوفهد:ولدي بعيني ما يكبرون وحظهم اطيحة اذا صار غلط
امير:بعدك عايش بالعسكرية اطبقها بـ راسنا
ابو فهد:احسن منك العسكرية
تركتهم وصعدت لـ غرفتي انتظرتها تراسل او تتصل لكن ماكو بليل بـ10:30 وصلتني رسالة منها
ضليت على تواصل وياها ايام وليالي حتى الدراسة هملتها فترة نزل مستواي بـ شكل مو طبيعي من الدرجات الكاملة والعالية الى الرسوب تمامًا وكنت مقبل على نصف السنة تحديد ادخل وزاري او لا
صار تجمع اولياء الامور راح ابوي بـ يومها ما داومت
ابوي طبعة قاسي ومن يضرب مايرحم ابدًا قاسي وبـ نفس الوقت حنون شلون مادري
لكن اذا يضربني جسمي يضل ايام يون من الوجع وغير الاثار اللي تصير بـ جسمي
كنت اخاف من ابوي لان مايرحم اذا لزم شخص
دوامي يبلش بـ 2الضهر وينتهي بـ 5:30 ابوي راح بـ 4:00
ابوفهد:رايح أنا اشوف مستواكم شلونة
ياسر:يخبل
ايمن:يمدحون بينة
مهند:ذهابًا وايابًا
راح ابوي ضلينا ننتظر
الجدة:شمالكم شو خنستوا وجوهكم كلبت صفر
امير:هسة الا ابوي يروح
اسد:ها لازم مصخمها
امير:هوَّ حتلو ما مصخم بشيء يجي يسويلة سالفة
ياسر:كوموا نروح يم عبد
امير:يلا
طفرنا من البيت خلصناها فرة من العصر مارجعنا غير لـ 10:25 بليل
ابوفهد:اجوا الدايحين
ابوشاهين:عليش عصبي خيولون علمين حارك اعصابك يطبهم مرضين
ايمن:شني بوية ويانة علينا
ابوفهد:لا بالدراسة فالحين لا بالبيت
امير:مسربتين شوكت يصير بـ راسكم حظ
مهند:طايح حظهم مابيهم خير
ياسر:هوَّ هذا الدايح شتتوقع منه ماتصيرلكم چارة كون صوندة يابسة وعلى ضهركم
ايمن:فاشلين مابيكم حظ
امير:هاي رزلنا نفسنا يلا كافي
الجدة:ماكو واحد بنعال يابس ويدكم دك
علي:السلام عليكم
الكل:وعليكم السلام
امير:انتِ وين جنت دايح من الصبح لليل
ابوفهد:جان بـ دوام يركض من الصبح لليل حتى يوفر الامان الك يا مسربت
امير:والله شخصية أنا هاي الضبابيط كلها تركض حتى توفرلي الامان
صعدت لـ غرفتي ويوم عن يوم يزيد تعلقي بـ تبارك من اجه خبر وفاة الشيخ كان شيء صعب عليه فهد مو بس اخو الي فهد اب وصديق وكلشي بالنسبة الي ماتقبلت خبر
بـ ذيج الايام تبارك وكفت وياي وما تركتني يوم واحد نجحت من السادس وتركت الدراسة بعد ماقدمت تعبت بـ شكل مو طبيعي
ضلت تبارك وياي ايام وليالي
من بعد فترة على علاقتنا زادت طلباتها بـ شكل ماكنت ابخل عليها بـ شيء أبدًا كان مصروفي اخذه من ابوي واروح اشتريلها اللي تريده في سبيل انُ ماتزعل حبيتها بـ جنون
صاروا اهلي يلاحظون الفلوس اللي اشوفها وخاصةً علي لان هوَّ اكثر واحد كنت اخذ منه فلوس وملابس وكلشي قصرت ويَّ نفسي في سبيل انُ ما اقصر وياها
وصلت السادس وصارت تتواجد قليل بسبب الدراسة لكن بـ يوم النتائج اجتني راسبة بـ كلهن
امير:دراستج وتعبج وضيمج وين شنو هاي الدرجات
تبارك:وشسوي يعني هذا اللي كدرت عليَّ
امير:هذا اللي كدرتي عليَّ تبارك درجاتج يفشلن أصلًا لا تجيبن طاري انتِ بالسادس وحبيبي اريد اصير مهندسة مثلك لج انتِ قلم بـ أذن المهندس ما يقبلوج مو مهندسة
تبارك:اميرررر ترا لازم توكف وياي وتواسيني مو تحشش عليه
امير:شواسيج اواسي الكتب اللي خلصت سنة وياج على خالي بلاش اواسي روحي ماخذة صفر بالاحياء لج لو سابتهم هم يخلولج واحد والاسلامية واحد شكاتبة بشرفج أنا صح مطفي بالاسلامية بس بالنهاية اخذت بيها 100 والفيزياء ثنين شمسوية سابة نيوتن وطالعة لو الكيمياء يبوي تصخمنا ضاع التعب
تبارك:ترا والله ازعل
امير:لا يابه اشاقة وياج يلا من اصير مهندس اشغلج وياي اخليج من اكمل التصميم ادكولين واااو وانطيج على كل واو ربع
تبارك:بسيطة امير تضحك على جروحي
امير:لا يبُا صدك جذب
عادت سنة ثانية بالسادس وأنا قدمت هندسة معمارية حاولت اكثر من مره اتقدملها لكن كانت ترفض
تبارك:امير شبيك خل اكمل سادس على راحتنا وبعدين اريد بيت وحدي
امير:ايباااخ
تبارك:اي والله بيت وحدي
امير:اي الله كريم
ومرت الايام وعلاقتنا حلوة لكن طلباتها ماتخلص وماكنت اكسر خاطرها أبدًا ياسر كان ضدي دائمآ واكثر من مره تصير مشكلة بينه وصلت بيه اخذت ذهب امي وبعتهه وجبتلها ذهب لان بـ وقتها رادت ذهب
شبعت بـ خيري بيوم من الايام بـ تاريخ 3/28 يوم الخميس نايم ودك تيلفوني تبارك كنت كاتب على رقمها "حمامتي "
جاوبتها بـ لفهة وحب واشتياق وجاوبتني بـ استهزاء خلتني بـ خذلان وصدمة
تبارك:كلشي انتهى بينه
امير:شنو شبيج من الصبح
تبارك:هههه اسمعني زين كلشي بينه أنتهى اليوم خطوبتي اخذت الأشياء اللي اريدهم منك وكلشي راح لا بيوم حبيتك ولا بيوم ردتك أني حبيت فلوسكم ومناصبكم شفتكم شلون تلعبون بالفلوس لعب كدرت اخذ اللي اريده وهسة احب اكلك معزوم على خطوبتي يا حضرت المهندس
غلقت الاتصال وأنا بين المصدوم والما مستوعب الكلام بعدني نايم
صدمتني كانت مو قليلة ؟ شخص انتَ مقدملة كلشي ومستعد تقدم روحك اله تالي يطعنك
أنا ويا تبارك علاقة اربع سنوات مو قليلة أبدًا سويت كلشي حتى ارضيها تالي تتركني وتروح بقيت بـ صدمتي رجعت خليت راسي على المخدة وصافن بالسكف بين المتقبل وبين الـ لا
خذلان وطعن وصدمة مو طبيعية انفتح باب غرفتي دخل ابوي
شافني بهل الحالة تيلفوني بيدي وأنا صافن بالسكف بدون كلام او حركة بس النفس
ابوفهد:بابا امير شبيك
حاول يحجي وياي لكن بقيت ساكت لحد هزني حيل وصاح بـ وجهي
ابوفهد:احجييي وياك شبيك
كعدت سندت نفسي على الجرباية وجاوبت بـ كُل برود
امير:مابيه شيء بس كابوس
ابوفهد:متأكد احجي بابا لا تضم عليه شيء جاوبني احجي وياي حالتك مو طبيعية
أستغربت هالكد باين عليه وبـهل السرعة هاي
امير:مابيه شيء
ابوفهد:ضل نايم ارتاح شوية وبعدين انزل
هزيت راسي وهوَّ نزل ومامصدك كلامي باوعت على التيلفون اخر محادثة ختمتها وياها
امير:حمامتي روحي نامي وان شاء الله الايام الجاية احررج من القفص
تبارك:يروحي انتَ تصبح على خير
كانت اخر رسالة هاي من دخلت كانت حاضرتني من كُل البرامج
كمت بكُل برود أعصاب غسلت ونزلت مااعرف شنو هالبرود اللي صابني فجأة ردة فعل مو طبيعية
امير:صباحكم ورد وياسمين واطنان من العطور
الكل:صباح النور
امير:شني اكو نقص بالفريق
الجد:تعال اكعد تعال
باوعت على ابوي يباوعلي بـ قلق ضحكت وكتله
امير:حمدمد الصاك اشتاقيتلك
ضحك وسكت كعدنا نتريك كان محمد واسد ما موجودين بالدوام
امير:عود ليش عمي ابو شاهين مسمي محمد على اسم ابوي وعمي ابو جاسر مسمي نور على اسم امي بس احنه ما سمينا احمد ولا على اسم عمتي ام جاسر يعني ليش
الجدة:محمد صار بيوم ولادة الرسول عليه الصلاة والسلام ونور عمتك ام جاسر هيَّ سمتها
امير:ماشايف أنا جناين بينهن هالكد محبة لا عركة لا صرخة صدك جذب
ابو شاهين:هسة اطشرنا انتَ
امير:عينيي باردة لا تخاف ولا احسد
ياسر كان كاعد يمي ومن الجهة الثانية علي تقرب ياسر وهمس بـ أذاني
ياسر:عيونك متعوبات شبيك
امير:صدك تحجي
ياسر:والله بيك شيء
امير:لا
ياسر:علينا
امير:لا عليهم
ياسر:انجب
امير:فصلنا مليار
ياسر:مليار نعال مو يتكطعن على راسك بس هواي
امير:ما راح اهينك لان المهان لا يهان
ياسر:وين لكيتها هاي
امير:بـ عقلك العفطي
خلصنا ريوك وكعدنا برا حجيت لـ ياسر وايمن ومهند اللي صار
ايمن:شكد بربوك
امير:ايييمنن
مهند:ماترضى عليها بعدك شبيك انتَ
ياسر:الله يستر عليها ويوفقك شكد نصحتك مايفيد وياك
سكتت ومرت الايام يم اهلي شكل وبـ غرفتي شكل لكن ما يعبر عليهم شيء
أنا رسام ودائمًا ارسم كمت طلعت صورتها وكعدت أرسمها صارت على ذمة رجال ثاني وأنا مو مستوعب أبدًا بـ أثناء ما جاي ارسم دخل الشيخ
شاف الصورة والرسمة
الشيخ:ههه عاشك وليدي
ابتسمت وكتله
امير:عشكت وانضحك عليه ياخوي
الشيخ:أنضحك؟
كتله الموضوع كله ابتسم وكال
الشيخ:صدكني ما راح ترتاح بـ حياتها وراح ترجع بيوم من الايام ندمانة ما تستاهلك واحمد الله واشكرة خلصت منها قبل لا يكون كلشي رسمي بينكم هيج بشر ما يستاهل تزعل وتنقهر حتلو تحبها وهايم بيها ما تستاهل البشر المادي اللي اهم شي عنده الفلوس والمنصب مايرتاح يجي يوم ويتعب ويتندم
لا اضوج ولا تنقهر ولأ تزعل نفسك ولا تندم على شيء خليك مثل ما انتَ بليل وبـ نهار شكو ذكرة اشمرها ولا تخلي مراة ما تستاهلك تكسرك واحنه وياك ما راح نعوفك
امير:ما متندم غير على اللي سويتة ويَّ امي والفلوس اللي اخذتهم
الشيخ:كلشي فدوة لـ عيونك الفلوس تروح وترجع وذهب أمي ميخالف ماراح تزعل منك راح تتقبل لا تفكر بـ شيء انشغل بـ نفسك وبـ مستقبلك انتَ واعتمد على نفسك لا تضيع التعب
ابتسمت على كلامة ذبيت القلم والصورة من ايدي
الشيخ:خل اكلك شغلة وخليها على طول الزمان
لازم كُل شخص بهاي الدنيا يخلي مسافة بينه وبين المقابل بالعلاقة اللي تجمعهم سوا كانت حب او صداقة او علاقة آخرى احنه بـ علاقتنا بشكل عام مانخلي مسافة أمان للابتعاد لازم البعض يفهم انُ ماكو شيء يدوم المحبة والمعزة بيوم من الايام راح تنكلب ضدك راح يجي يوم وتنصدم ببشاعة المواقف من بعض الاشخاص اللي بحياتك راح تبقى ادكول ليش وليش ويجي الف سؤال بـ راسك لهذا السبب لازم تخلي ثقافة بسيطة بـ علاقتك ويَّ الشخص حتى تحمي مشاعرك اللي هيَّ "خليك مستعد لـ تغيير" افتهمت
امير:افتهمت
الشيخ:انتَ حلو لـ درجة حرامات تزعل هههه
ضحكت على كلامة ومرت الايام تبارك تزوجت وراحت خارج العراق محيت الحب من راسي واتجهت لـ دراستي ومستقبلي والحمدلله تخرجت وتعينت
تزوجوا اخواني وخواتي ومن بعد فترة
امير:اكلكم
ياسر:ها
امير:وهرشا ضوجه ولك ايمن
ايمن:ها وحريشي
امير:انتَ مو مشتري رقم جديد
ايمن:اي مشتري ليش
امير:وينه
ايمن:موجود
امير:كوم جيبة
ايمن:لماذا
امير:اوكلك بيّّ خرا كووم جيبة بسرعة
مهند روح شوفلي الشيخ ياسر روح جيب تيلفوني
مهند:وحك عليل كربلاء اكوم اطلع مصارينك ابو الوصخ
امير:غسل لـ هل الوجهة جنة كراط حجار
مهند:انجب وجهة الجحش
راح ايمن جاب الخط الجديد جبت تيلفوني وخليتة بيَّ واتصلت على الشيخ
ياسر:شسوي ولك
امير:اكل خرا واسكت
اتصلت عليَّ بـ وقتها كان طالع رد
الشيخ:الو
غيرت صوتي نعمتة
امير:هلاو شلونك
الشيخ:وعليكم السلام تفضلي منو
امير:اوي فدوة أني أحلام
الشيخ:يا صخام
ضحك ياسر خليت ايدي على حلكة وكمت عنه
امير:أني احبك كولش هواي واتمنى اتزوجك اعيشك ملك زمانك
الشيخ:انتِ شنو ؟
امير:احبك كولش
الشيخ:اها كولش دولي من وجهي لا انعل ابو ابو ابو ابوج بنت الزمال اللي انطاج تيلفون وزغنبوت وخبز ما انطاج تربية
امير:اوي شوبيك وياي
الشيخ:انعل ابوج لابو حتى الخلفوج بربوك
غلق التيلفون بـ وجهي واحنه نمنا بالكاع من الضحك
مهند:شوبيك
ايمن:بربوك
سمعنا الباب انفتح كعدنا عدل دخل الشيخ عصبي باوع علينا ودخل لـ جوا
ايمن:اذا يلزمنا هسة
مهند:يخلينا نطلك بهل الليل
طلعوا يمنا كلهم اخذت صكر كان صغير خليتة بـ حضني بين السوالف جابوها على العشك أنلچم كلبي
اتذكرت اغنية من انتهى كلامهم غنيتها بـ صوت هادئ وصكر بـ حضني يباوعلي ويضحك على ضحكتهه ابتسمت
أخيرًا سوا البالهه ...كدر ينساني هنيالهه
أخيرًا سوا البالهه ...كدر ينساني هنيالهه
كبل على الفركه ما يكدر ...أي كبل على الفركه مايكدر
وهسة هسة الفركة تحلالى وهسة الفركة تحلالى
ايمن:الله عليك وعلى صوتك اللي يشك شك
امير:بعد كلبي والله
ياسر:كملها
امير:مابيه حيل بعدين نكمل
من بعد ذيج الايام بدأت المصايب وحدها ورا الثانية
توفى جدي وامي وابوي ونمر ونمر وقمر وشمس هواي راحوا من عدنا
جدي كنت متعلق بيَّ اذا انزل من غرفتي ما اشوفة اتخبل ادخل للبيت ماموجود اروح ادور عليَّ واذا مكان بعيد اتصل
وامي روحي من الدنيا امي أنا اكثر واحد متعلق بـ أمي حتى اغار من اخواني اذا شفتهم يحجون وياها او ينامون بـ حضنها أمي كانت صديقة الي روحيتي امي وهم خسرتها
اما ابوي شحجي قليل كان قاسي صح يضربني بس لـ مصلحتي كان اذا يشوفني مريض يكعد وياي وكلامة اللي ينكط حنية ابوي شخص مستحيل يتعوض مستحيل يجي شخص ياخذ مكانة من دفنته دفنت روحي كان مصبرنا على موت امي وجدي لكن راح
اما قمر وشمس فـ ذني خواتي شمس كانت علاقتي بيها علاقة اخو اشاقة واضحك وياها وكلمة خوية متوكع لا من اللساني ولا اللسانها كانت انسانة بـ قمة الاخلاق اخلاقها واحترامها وأسلوبها الحلو يخلي الواحد يحطها عكال على راسة
أما قمر فـ ما تقل عن شمس قمر كانت انسانة مسالمة فقيرة فطيرة ما تأذي بشر مايوم سمعنا منها شيء موحلو مايوم أذتنا بـ كلمة كانت عايشة بـ سلام ماراح تتعوض بيوم من الايام ولا راح تجي مراة مثلها لـ علي
نمر ابن علي رغم عمره صغير لكن تعلقنا بيَّ بسرعة يمكن لان ابن الاخرة مو ابن الدنيا حتى صار هذا التعلق بيَّ كان اذا يبچي نمر كلنا نروح نشوف شبيَّ وليش يبچي
اما نمر صديق علي فـ ما كان فقط صديق لـ علي كان صديق النا كلنا نمر رغم الأخطاء اللي عنده بس ما مأذي بشر واخر فترة تأب وترك كُلشي نمر جوهرة وحرامات هيج زلم تنخسر
لكن أمر الله والحمدلله على كُل حال ونشكر الله ونحمده على كلشي صار ويانة وراح يصير ......
بيوم خطوبة شهد من راهب قبل وفاة جدي دك كلبي لـ ام عيون السود
........................
علي: نزلنا من السيارة انصدمت بـ وجود ناس هواي وچوادر منصوبة وجعني كلبي بس ما تقبلت الخبر
تقدم واحد من السادة الموجودين وكلي زوجتك توفت !! مستحيل اتقبلها ولا راح اتقبل قمر راحت من ايدي
الخبر ماكان سهل حب حياتي قمر كانت كلشي بالنسبة الي حب 11 سنة بيوم وليلة خسرتها راحت ويكلولي اتقبل واصبر وكمل حياتك
وكفت حياتي بـ ذاك اليوم 1/13 انتهت حياتي وانطفى كلشي بيها
صرت ما اتقبل كلشي مالي خلك شيء حتى شغلي صرت اشمرة على راهب
كنت ادخل غرفتي تستقبلني هيَّ ومن صار نمر صارت هيَّ ويا يستقبلوني
خسرتهم ثنينهم وخسرت امي وجدي واصدقائي وختماها أبوي التحقت ورجعت لكيته متوفي !!
صدمتي مو سهلة ورا شهر او اقل التحقت للمرة الثانية
وياي راهب وكم ضابط التحاقنا كان على حسب خطة معينة تحرير ضابط مخطوف والقبض على عصابة تابعة لـ داعش لكن هذا الشيء أبدًا مو سهل
-هاي المرة يا اما النصر يا اما الشهادة اللي يدخل جوا مانعرف يطلع او لا احنه بـ إيدنا حل واحد فقط اللي هو التضحية بالروح حتى نكدر نحرر الرهائن اللي جوا ونلقي القبض على هاي العصابة
_واحنه حاضرين لـ هذا الشيء
-وهذا هوَّ الضن بيكم ما خاب لكن لازم ولابد نقلل الخسائر الخطة راح يدخل واحد منكم بديل الى المخطف وقبل لا يدخل يدخلون ثلاثة كدامة حتى يأمنون كلشي
علي:يعني نطلع واحد وننطي واحد
-بالضبط لكن احنه ما راح نتركة أبدًا من راح ندخل راح نحررهم كلهم غير هيج ما راح نكدر لان العصابة كُلش خطرة وقوية ومو سهلة
راهب:بس هيج هم راح نخسر نطلع ضابط ونخلي ضابط ثاني تحت التعذيب شنو الفائدة من هذا كله
-نقيب راهب الضابط اللي راح يدخل راح يكون أقوى من اللي جوا وهيج راح تنجح الخطة
بعد مناقشات كثيرة وحوار دام لـ ساعة كاملة وصلت الخطة لـ راسنا وكدرنا نتقبلها لكن هنا راح تكون منو اللي راح يدخل كُل اللي موجودين عدهم عوائل تنتظرهم جهالهم وامهاتهم واهلهم
راهب:أنا ادخل !
علي:مستحيل أنا اللي ادخل سيدي وارجعلكم
راهب باوع عليه وراد يحجي قاطعة إلامر وكال
-أنا ادري سبع وراح ننتصر لذلك حضر نفسك اليوم بليل راح تتنفذ الخطة
أنتهى الاجتماع وطلعنا
-سيدي القرار هذا مو سهل شلون تنطي روحك بـ هل السهولة داعش اذا لزمك راح يقتلك مباشرةً انتَ مطلوب الهم
علي:لا تخافون ماراح يصير شيء ما راح ندخل راح نطلع
-هالكد الوطن غالي تضحي بـ نفسك وماتفكر بـ اهلك واحبابك أبدًا
علي بـ أبتسامة:الوطن عندي اغلى من العيال والاهل والاحباب "
-ياريت تحصل شيء من هذا الوطن
علي:مو ضروري وما رايد شيء
راحوا همَّ بقى راهب كالب خلقتة عليه
علي:راهب
ابتعد عني بدون كلام راح كعد على الساتر رحت ورا
علي:ياخوي شبيك واجبي هذا اذا مو أنا راح يدخل شخص غيري
راهب:ويدخل انتَ شكو تدخل متبري من نفسك ما تريد نفسك ماتفكر وراك بشر شيصير بيَّ اذا صار عليك شيء المهم عندك تدخل وتنفذ ماتفكر بـ غير شيء هذا اللي يهمك وبـ كل طريقة تريد توصل الموت
علي:محد يموت ورا احد راهب محد من ادخل على الاقل ماعندي ام يحترك كلبها عليه اذا صار شيء بيه مثل باقي الشباب اللي امهاتهم موجودة الله يطول اعمارهم ماعندي اب ينكسر ولا عندي مراة تبقى ارملة ولا عندي طفل يبقى يتيم
راهب:بس عندك صاحب ينكسر عندك صاحب يوكع بعد ما يكوم عندك خوات يبچن اذا تلتحق عندك اخوان وعندك احباب هواي ينكسرون وراك ليش ماتفكر بيهم
علي بـ تنهد:ادري بيك قوي وادري بيك كفو ماراح يصير شيء راح ارجعلك وتمل مني راح ارجع وأنا منتصر
راهب:بعديش بعد التعذيب اللي راح تشوفة انتَ تعرف نفسك رايح لـ داعشش تسلم نفسك بـيدك الهم شنو يضمن مايقتلوك مباشرةً
علي:داعش يريد مني معلومات
راهب:داعش مايرحم افتهم يابشر داعش مايرحم اذا يلزمك يموتك حتى طرائق الموت عدهم بشعة ومخيفة وانتَ ولا عليك ذبيت نفسك
علي:وليش مافكرت انتَ من كلت أنا اروح
راهب:لان اعرفك راح تكمز وفعلًا كمزت وهذا الصخام وافق
علي:انجب افتهمت انجب واكعد ودير بالك على نفسك وعلى شهد امانة بـ ركبتك
راهب:ما تروح الا رجلي على رجلك
علي:عزيز روحي انتَ مو ثنينا على الاقل واحد
راهب:تمام چا أنا اروح وانتَ ابقى
علي:هههه لعبة هيَّ خلص أنا اروح لا تعرضلي اكثر وليدي خليك هنا راح يحتاجونك هواي راح نرجع منصورين
راهب:لا تحرك كلبي لا تحرك كلبي
علي:وداعت الخوة البيني وبينك ارجعلك سالم
راهب:اذا صار بيك شيء اتمدد وياك بـ فرد تابوت
علي:هههه اسم الله عليك من نومة التابوت خلص ارجعلك والله شكد ما اطول ارجعلك
كام وكف وحضنتة حيل
راهب:وعلي اغلى من هلي انتَ
علي:عزيز روحي
رجعت للمقر كملت شغلي وحضرت كلشي اجاني الامر ضربت التحية هوَّ تقدم عليه مبتسم
-راح اجازف بيك وأنا كلبي نار بس اعرفك سبع وما ينخاف عليك ابن البصرة مملوح اعرفك شنو انتَ وادري راح نرجع منصورين ونخلص الناس من هاي الخوفة اللي عايشينها راح نعتمد عليك وامانة جبيرة بـ ركبتك
علي:وأنا كدها
-الله يرحم البطن اللي جابتك
علي:يرحم امواتك
طلع هوَّ كملت كلشي طلعت دفتري وكعدت اكتب خلصت بـ 12 طلعنا
-مودع بالله
راهب:دير بالك على نفسك انتظرك ترا
علي:ارجعلكم والله في امان الله
توجهت المكان دخلوا قبلي مجموعة من الابطال حتى يمهلون الطريق واكو بيهم يشتغلون وياهم من زمان يعني الوضع تمام دخلنا للمكان الموجود بيَّ الضابط كان بعيد وتحت نفق يعني بـ صعوبة نكدر نوصل
من التعذيب كان جدًا تعبان حتى أظافر ايدية مشلعينهن
علي:يزن
يزن بـ تعب:سيدي
علي:اششش صوتك
تقربت عليَّ كومتة كان تعبان بـ شكل
بدلنا الملابس هوَّ لبس الملابس اللي أنا كنت لابسهم مثل ملابس داعش وأنا لبست ملابسة
يزن:بس
علي:اطلع بدون بس بسرعة ماعدنا وقت شباب كملوا شغلكم
يزن:شلون اجازيك
علي:روح الله وياك
يزن:اطلع ويانة
علي:عندي شكم شغلة لازم اكملهم هنا يلا اطلع روح يلا بسرعة
طلعوا همَّ كعدت بـ مكانة انتظر شنو اللي راح يجيني المكان كان اظلم وحار يموت شوية وصارت حركة دخلوا اربعة صار الضوء علية شافوني تخبلوا
داعش:من انتَ
علي:ابوك
داعش:اييين ذلك المجرررمم
علي:بـ شيب الخلفوك
همَّ اربعة جتفوني ثبتوا ايدية على الحايط وبلش التعذيب مالتهم
انواع واشكال أبسط شيء المي مرة باليوم وصخ وغصبًا عليه اشربة كد العطش والاكل خبز يابس ينكعون بـ مي وصخ ومرة وحدها وتعذيب من الصبح لليل ضرب انواع واشكال
من بعد فترة عرفوني أنا اللي كنت سابقًا ويَّ تنظيم داعش من خلال صورة
داعش:أهلًا بك يا حضرة الضابط
علي:ههههه ااخخ ضحكتني
داعش:اضحك قربت ايامك يا كافر
علي:هنيالي
داعش:من اين انتَ
علي:تاج راسك البصرة واهلها
ضربني راشدي بـ وقتها مكتف ضحكتي تستفزهم اكثر
داعش:رافضي
علي:تاج راسك
صار يضرب وين ما كان الملابس تمزقت على جسمي وجسمي تشوهه كد الضرب صاروا يصورون ويدزون لـ اهلي ڤيدوهات التعذيب
ضليت يمهم فترة لكن التعذيب تعبني حيل صرت من الجوع والعطش والتعذيب افقد الوعي لكن استغليت هذا الشيء وصرت حتلو يذبون عليه مي ما اكعد حتى اسمع كلامهم وخططهم وهمَّ عبالهم غايب عن الوعي
استفاديت من هذا الشيء
أولًا عرفنا تخطيطهم كدرنا نكسب معلومات هواي كانت نسبة الخطورة هواي عالية لكن ما اهتميت
ثانيًا الهم مكان ثاني بيَّ رهان وبيَّ نساء
ثالثًا عرفنا مكانهم الرئيسي اللي علئ كولتهم الامير وهذا الامير مطلوب وجدًا خطر يلقبوا "ابو هبة "لقب وليس اسمة
يومين ودخلوا للمكان انزال جوي مباشرةً خلوني رهينة يا اما ينسحبون يا اما انقتل اعداد داعش كانت هواي لكن ابطالنا اكثر
كدروا يسيطرون اول واحد اجاني راهب
راهب:انعل ابو هيج خطة
أذكر ابتسمت بـ وجهة وماكدرت احجي وكعت بيده كعدت لكيت روحي بالمستشفى ويمي راهب مخلي راسة على كف ايدي ونايم
شلت ايدي الثانية خليتها على شعرة
علي:عزيز روحي
مباشرةً كعد ابتسم وكال
راهب:الحمدلله على سلامتك
علي:الله يسلمك
راهب:شلون صرت
علي:احسن شنو الوضع
راهب:كلشي تمام
علي:والرأس الجبير
راهب:بالحوت
علي:هههه صارلي شكد هنا
راهب:قرابة العشر ايام
علي:اوف هالكد اهلي شلونهم
راهب:الحمدلله
قاطع كلامنا دخول اصدقائي وياهم يزن
يزن:الحمدلله على سلامتك ابو نمر مااعرف شلون اجازيك والله افيدك بـ روحي قليل بـ حقك
علي:حبيبي ماسويت غير الواجب
كعدوا يمنا شوية ومن بعدهي طلعوا أستغربت اهلي ماكو !
علي:راهب اهلي بيهم شيء ليش محد
راهب:جانوا هنا قبل لا تكعد بس صارت كعدة وراحوا
علي:راهب لا تجذب علية ترا اعرفك اكثر من نفسي
الشيخ:السلام عليكم
دخلوا الشيخ واسد وعمامي
علي:وعليكم السلام هلا
راهب:ذول اهلك اجوك
ابو اسيد:الحمدلله على سلامتك بعد عمك
علي:الله يسلمك
طلبت منهم اطلع للبيت بدايةً رفضوا وحطوا الف عذر لكن أصريت كلبي جان لاچمني طلعت على مسوؤليتي
اول ما وصلت اكو ناس هواي استقبلني احد الشيوخ
_نفتخر عدنا هيج ابطال مثلك وسبع تنعام منك
سلمت عليهم ودخلت لـ ديوان ناس كُلش هواي بـ وقتها تأخروا يلا راحوا دخلت جوا استقبلتني خالتي بالباب تبچي حضنتها حيل
علي:هذا أنا مابيه شيء
ام اسيد:ولك يمه شلعت كلبي
علي:اسم الله على كلبج
اجت عسل تبچي اخذت يأمن منها شمرت نفسها بـ حضني تشهك بالبچي
علي:كافي يروح اخوج شهكتج تسعر بـ كلبي مابيه شيء
سلمت عليهم كلهم أخير شيء نزلوا من فوك امير ورا شهد وازل
امير:هلا وميت هلا
علي:هلا بطولك
سلمت عليهم وصلت لـ شهد واكفة تبچي سحبتها لـ حضني زادت بالبچي
علي:اشش كافي شبيج كافي بچي مابيه شيء رجعت شريانة لـ علي انتِ كافي خوية كافي
باوعت الحجية ماكو
علي:عافيتي وين شنو نايمة ؟
كلهم سكتوا ابتعدت عن شهد رحت لـ غرفتها فارغة ؟ باوعت عليهم وحجيت بـ تعب
علي:ماتت؟
محد جاوب كذلك كُل واحد كعد بـ مكان وسكتوا
علي:جااااوبنييييي وينهااااا
أمير:اييي ماااتت
علي:شلون وشوكت
ابو جاسر:طلعت الاربعين صار كم يوم ماتت من خوفها وقلقها عليك سمعت صوتك تحت التعذيب وماتت
كعدت على الدرج خليت ايدي على راسي مااعرف شسوي ابچي الطم شسوي وشيفيددد امي الثانية هم راحت الموت بـ سهولة ياخذهم
علي:يعني هم أنا السببب
ابوادم:لا يابعد خالك انتَ شعليك هذا يومها وساعتها
علي: كثرن الشوغات ربي كثرن وصبري راح ينتهي
صعدت لـ غرفتي اخذت السويج ونزلت
ابوشاهين:وين رايح
علي:لـ نجف
ابو شاهين:خلي واحد يجي وياك
علي:لا
تركتهم وطلعت لـ نجف من وصلت كانت الساعة بـ ٦:٣٠ الصبح رحت مباشرةً للمكبرة
مسطرين واحد بـ صف الثاني احتار على منو ابچي ويم منو اكعد اباوع عليهم نزلت دموعي كعدت بين كبورهم حيلي مهدود اكتفيت بالبچي حتى كلام مابيه بعد احجي كان هواي حجي بـ كلبي لو ضال يم داعش وميت من التعذيب ولا داري العزيزة ميتة
اكو مراة جبيرة بالعمر وياها بعد نسوان هواي وزلم ملتمات على كبر يلطمن ويبچن كمت من التراب نكثت ملابسي من التراب اللي صار بيه وكمت خليت مي ورد وبخور على كبورهم نفس هاي المراة وجهتلي سؤال
المراة:ذول اهلك يمه
علي بـ تنهد:اي اهلي
المراة:وهذا الولد
أشرت على كبر نمر ابني
علي:أبني
المراة:الله ينطيك الصبر
علي:أمين
بعدني واكف واجوا راهب والشيخ
علي:شجابكم
راهب:ضل بالنا وانتَ بعدك تعبان شلون تطلع هيج
علي:انتَ كلامي وياك بعدين
راهب:وشتررريد يعني وانتَ عايش على المغذي اجي اكلك ماتت
الشيخ:عوفوا المعاتب هسة ويلا علي امشي
علي:أبات هنا
راهب:انتَ تعبان والله تعبان على ساعة اطيح امشي نرجع ومن ترتاح تعال هنا
علي:راحتي هنا اروح ازور الامام علي عليه السلام وارجع هنا للبصرة ما اروح
الشيخ:لا تروح بس امشي يلا
المراة:مامطول خالة
راهب:كولي يالله حجيه
المراة:اخيك مو ابن دنيا
راهب:استغفر الله امشي انتَ يلا امشي
ضل كلامها بـ راسي توجهنا للامام علي عليه السلام زرت وصليت وطلعنا كعدنا بالصحن برا اكو عائلة كاعدة ابتسمت وتذكرت من اجينا أنا وقمر لـ نجف ونمر كان عمره ثلاث اشهر
قمر:علي
علي:عيونة
قمر:راح تبقى تحبني
علي:عندج شك راح يجي يوم واكرهج بيَّ
قمر:مادري بس هواي شغلات مخوفتني
علي:وحك هوَّ علي احبج چن حب علي لـ فاطمة مخوافج اشمريهن ورا ضهرج أنتِ كلشي بالنسبة الي شلون اتركج
قمر:سبعي حبي الك يوم عن يوم يزداد الله يقدرني
علي:على شنو
قمر:اكون مصدر السعادة الك
علي:انتِ السعادة الدائمة اللي بـ حياتي انتِ ومدلل كليبي
رجعت للواقع من حجه وياي راهب
راهب:يلا تأخرنا
علي:كتلكم ما اروح
الشيخ:نرجع اليوم وبعد فترة تعال انتَ تعبان نوم ما نايم
علي:صار عشرة ايام نايم
راهب:دكوم كوم كافي عناد
كمت وياهم ماخلوني أسوق
الشيخ:نعرف سوالفك احنه نطلع للبصرة وانتَ للمكبرة سيارتك أنا اسوقها وروح ويَّ راهب
راهب:لا شيخ انتَ اخذه
علي:شني واحد يشمرني على الثاني اروح وحدي
سبقني الشيخ وصعد السيارة وراهب راح لـ سيارتة صعدت غصبًا عليه ورجعنا للبصرة كان الطريق طويل
علي:ماتوقعت هيج جان لاچمني كلبي بس ما جانت على البال
الشيخ:الله يرحمها
وصلنا البصرة صعدت لـ غرفتي نمت ورا فترة انتهت الاجازة رحت لـ دوام اول ما دخلت صارت بـ وجهي أنهار
علي:اوو لا هلا
تركتها ورحت للمكتب اشوف شغلي ورا شوية اجت وراي دخلت وسدن الباب
علي:خيرر
انهار:اجيت اسلم عليك باللي فقدتهم واتحمدلك بالسلامة
علي:اطلعي برا ولا تشوفيني وجهج مرة ثانية
انهار:ليشش كارهني شناقصني
علي:ناقصج تربية بس شطلعين إذًا امج هديل
انهار:لا تجيب طاري امي على السانك
علي:صح ما اريد اوصخ الساني بـ هيج اسم ويلا برا لا تشوهين سمعة العنصر النسوي يلا دعبلي
عبالي طلعت دنكت اقرا بالملف ماحسيت غير وجها صار يم وجهي دفعتها وكمت
علي:اطلعييي برا لا وحق روح الغوالي اخليهم يطلعوج سحل ومجلس تحقيق
انهار:افتهممم ليش ماتحس بالبشر انتَ ماعندك احساس ماعندك مشاعر ماعندك احترام للمشاعر
علي:انتَ ومشاعرج جوا بسطالي
انهار:ماكنت متوقعة تحبها هيج حتى بالنضرة ماتخونها امنيتي اسمع منك كلمة غزل
علي:وفد قندرة انتِ حتى تسمعين كلمة غزل
بهاي الأثناء دخل راهب هيَّ مباشرةً طلعت
راهب:شكو
علي:ماكو شيء
راهب:خير ان شاء الله
علي:بـ وقت اللي صار الحادث ويَّ نمر انتَ شفت السيارة وصاحبها
راهب:لا بـ وقتها انشغلت بـ نمر وهوَّ حتى ما نزل
علي:تروح للمستشفى تسحبلي تصوير
راهب:ليش شكو
علي:سوي هيج وبعدين تعرف شكو
راح راهب هذا الكلام بـ 10:4 الصبح رجعلي بـ 1:30 الضهر
علي:شنو السالفة وين دزيتك اربع ساعات
راهب:چا هيَّ هيتة غير رجعنا التصوير لـ ورا ونشوف وندور
علي:جبتهم
راهب:اي هاك
خليتهم بالحاسبة فتحت التصوير من اول بداية من دخلوا للمستشفى
ومن ضربته السيارة
علي:نمر مقتول قتل متعمد مو قضاء وقدر
راهب:رجع التصوير
علي:ما يحتاج كلشي ابين من دخلتوا هوَّ كان واكف يراقبكم ومن طلعتوا مباشرةً صعد بالسيارة عبرت انتَ وراك نمر ضربة الشغلة مدروسة مو قضاء وقدر
كعد راهب بدون كلام
علي:انتَ ماحسيت انُ احد وراكم
راهب:ماكو احد متأكد ماكو احد اكو غموض بالموضوع
علي:شيء جاي يربط بـ شيء
ورا يومين بالضبط وصلني خبر أنهار قدمت استقالة ؟
وهديل حطولها محامي
علي:هديل مو محكومة شنو بعدد
كنان:ماادري سيدي هذا اللي صار
علي:انطي خبر لـ نقيب سرى خل تجي
كنان:حاضر
ضرب التحية وطلع كعدت انتظر سرى لحدما اجت
سرى:نعم سيدي
علي:عندج سجينة هديل وعليها هواي تهم وثابتة وانحكمت وممنوع محامي بيا حق هاي
نقيب سرى:سيدي اجاني أمر من عدكم بالسماح
علي:من عدنا منو احنه
نقيب سرى:اللي مسوؤلين عن هاي القضية واضافة ممكن الحكم يتخفف
علي:منو جابلججج الكتاااب
نقيب سرى:م،اول أنهار
علي:حلو أنهار بالموضوع روحي عالجي الموضوع وممنوع اييي محامي يتوكل هاي القضية وايي شيء يوصلج تتأكدين منه
نقيب سرى:حاضر سيدي
راهب:هسة البنية شعليها
علي:مو هي المسؤولة شنو شعليها بعد أنهار اريدها من سابع كاع
طلعت رحت للمكان الموجودة بيَّ هديل طلبت التقي بيها اجتني مو ذيج ابد حيل متغيرة
علي:ها شفتي مرارة السجن
هديل:طلعني حباب طلعني تعبت أني تعبت
علي:بنتج وين
هديل:ماادري
علي:هدديلللل بنتج وين
هديل:من عرفت انُ نمر انقتل قتل شردت
علي:وهيَّ شعليها حتى تشرد
هديل:احنه السبب
علي:شنو؟!
هديل:اي احنه السبب نعرف نمر شكد غالي عليك رتبنا السالفة وقتلنا ومن انشغلت انتَ بـ ذيج الفترة استغلينا الوضع خلينا محامي من طرفنا لكن مافاد شيء
علي:ومنو وياكم بعد
باوعت عليه وسكتت ايديها ترجف
علي:تحجين لو اتصرف وياج غير تصرف
هديل:خالك وابنه
علي:منووو
هديل:ابو فؤاد وابنه همَّ اللي رتبوا كلشي ويَّ انهار
علي:وشنو مصلحتهم
هديل:اخذوا فلوس مقابل القتل وحركان كلبك
علي:بنتج وين راحت
هديل:طلعت خارج العراق
علي:افلاااام هنديةةة مو حيااااةة
طلعت من يمها توجهت لـ سرى
نقيب سرى:نعم سيدي
علي:يتشددد العقاب على هديل وحضروها راح ترجع محكمتها
نقيب سرى:حاضر سيدي
طلعت من يمهم شيء يضرب بـ شيء نمر شكو حتى ينقتل!
راهب:أنهار شردت
علي:چا ما اجيبها وعلي اطلعها اطلعها انطي خبر لـ نقيب رسول خل يجي
راهب:حاضر
عقلي صار خماسي بـ سادسي اشياء ما تتصدك مو سهلة
رسول:نعم سيدي
علي:تروح لهاي المنطقة تحديدًا هذا البيت تسحل الاب وابنه وتشمرهم بـ غرفة التحقيق
رسول:حاضر
راهب:فؤاد وابو وياهم؟
علي:اي وياهم
فتحت ملفات قديمة وجديدة شسوي مادري الشغلة ابدًا مو سهلة
من بعد التحقيق تبين انُ
المشتركين بالجريمة
فؤاد وابو فؤاد
أنهار وهديل
حسيـن اللي نفذ
وسلام اللي خطط
ست أشخاص
فؤاد وابو فؤاد فقط اللي موصلينهم خبر انُ طلعوا من البيت وماخذين فلوس
أنهار كانت تاخذ معلومات هديل مشتركة بالجريمة بالتخطيط
حسيـن صاحب السيارة اللي منفذ
وسلام صاحب التخطيط من البداية الى مقتل نمر
علي:خلي واحد غيري يستلم القضية
رسول:وليش مو انتَ
علي:اذا الزمهم اخسر الاول والتالي
راهب:أنا استلمها
هزيت راسي وطلعت الحيل مهدود كعدت بالسيارة الدنيا تفتر بيه شهل المصايب هاي رجعت للبيت اول ما دخلت صارت بـ وجهي خالتي
ام اسيد:كواك الله بعد خالتك شبيك شصاير بحالك
علي:كوه حيلج مابيه شي تعبان من الدوام
فرح :عندك خبر اخذوا فؤاد وابو
علي:اي عندي خبر
ام اسيد:ليش اخذوهم
علي:ههه ياخاله اخوج وابنه متورطين بجريمة قتل
لطمت على صدرها وكالت
ام اسيد:قتل منو
علي:نمر
شهد:ابنك
علي:لا صديقي
صهُيب:احجي السالفة كلها
حجيت الموضوع من البداية لـ نهاية صدمتهم كانت مو قليلة ابدًا
ام اسيد:الله يحرك كلبهم مثل ما حركوا كلوبنا وكلب امه وابو
علي:لـ هذا السبب بعد يومين اذا انحكموا وصار وما صار لحد يجي يتوسل ويكول طلعهم والله يكون مصيرة مثل مصيرهم ومنو ما كان يكون
من بعد فترة نايم ودك التيلفون
علي:ها رسول
رسول:خالك وابنه طلعوا !!
علي:طلعووااا شلوون وعدهم هيج جريمة
رسول:الواسطة تلعب دور
علي:راهب شنو شغلة
رسول:راهب مايدري اليوم اجازتة
علي:جايكم
بدلت ملابسي ونزلت كاعدين بالمطبخ طلعت من باب الصالة وصلت المركز
رسول:ماكدرنا بعد الهم واسطة قوية
علي:منو توسطلهم
رسول:واحد من فوك كلش
علي:هيج الحجي
رسول:وتهددنا اذا القينا القبض مايصير خير
علي:ضباط كل واحد شكدة شكبرة تتهددون وتسكتون
رسول:مانكدر نخاف على اهلنا ممكن يتأذون
علي:ماشي خليكم انتم أنا اتصرف
-رائد علي تفضل يمي
ضربنا التحية كان ورانا توجهت للمكتب مالتة
-لازم تعرف انُ هاي الشغلات مو سهلة ومو كلشي نكدرلة
علي:اعرف سيدي بس الى متى يبقى فلان وعلان يتصرف بكيفهة احنه شنو شغلنا اذا نسكت عن هذا وذاك وذول اللي طلعوا متورطين بجريمة قتل ضابط
-اعرف بس مابيدنا شيء
علي:شلون مابيدنااا شيء سيدييي شلوون ضابط ينقتل وطبيعي القاتل يطلع قانونيش هذا
-مو همَّ اللي قاتلين افتهم
علي:بسسس همَّ الهم ايد بالجريمة
-سيادة الرائد اييي تصرف يصدر منك يخالف الأوامر راح تتعاقب عقوبة جدًا قاسية
علي:يعني ادافع عن الحق واحجي الحق ترجعون عليه تنطوني عقوبة
-الأوامر اجت ولازم تتنفذ احنه ما مستعدين نخسر بعد ضابط لا تصرف غير تصرفات ولا تتعرضلهم هذا الشيء طلع من ايدنا
علي:وحسين وسلام
-حسيـن انحكم عشرين سنة وسلام 15 سنة
علي: هيج الضابط مالة كل تقدير بهاي الدولة ينقتل بدم بارد واللي قاتلة ينسجن شكم سنة تعلفون عليَّ وبعدهي يطلع طبيعي مو القاتل لازم اعدام
-مو كل قاتل قاتل
علي:اها هيج الحجي
-اخر مرة اكلك لا تصرف تصرفات تخالف الاوامر
علي:هيج دولة ما اتشرف أبدًا اخدم بيها ورقة الاستقالة توصلك
-اعقلللل كافكك ما تقدم استقالة اترك كُلشي وخلي عينك على الارهاب
علي:وذول شنو شنو فرقهم عن الارهاب
-مابيدنا شيء كلنا نريد نعاقبهم بس مابيدنا شيء
علي:كلشي بيدنا بس كول الخوف عامينا
-اطلع برا روح كمل شغلك بدون اييي تصرفات ثانية
تركتة وطلعت روحي طالعة انعل ابوكم لابو حتى هيج دولة مابيها قانون القانون يخاف ويردون العراق يصير بيَّ خير
علي:اقطع اجازتك وتعال
راهب:ليش شكو
علي:بدون ليش
خليت راسي على الميز راح ينفجر الدنيا افترت بيه منين الكاها كلها أنسدت بـ وجهي چتال اخوي يشم الهواء وأنا كاعد مابيدي شيء لان القانون مايكدر لـ هيج نماذج
راهب:شلون طلعوا
علي
شكرا لزيارتكم عالم روايات سكيرهوم
