رواية اغفري لي الفصل الثامن والثلاثون بقلم أوتار حزينة
يمامه
بليل قبل اذان العشه طلعت اذب الوصخ
بالحاويه فتحت الباب شفته نزل من سيارته
وجاي من الدوام سلم
«،،،شلونج ام يمامه
«،،،هلا
رحت ذبيت الكيس هو راح للجنطه
مال سيارته رجعت للباب
سمعت صوت سياره اجت
بسرعه انداريت شفته
سحب سلاحه
وصاح بيه
«،،،طبببي جوو
فزيت وعطت من
سمعت صوت
طلقات
شفته وكع على رگبته عيونه عليه
صرخت
«،،،لاااااا لاااا
رگضت علي مال تلگيته وحظنته
اصرخ
«،،ووولكم لاااا
«،،رووحي
نطق هالكلمه وبصعوبه سمعت شحطه
السياره شفتهم رجعوا علي بسرعه
عرفتهم يريدون يكملون علي
السلاح جان بأيده هو واعي
يريد يرفعه
مايكدر
اخذته منه
بس صاروا قريبين من عدنا مااعرف شلون
تصرفت ولا شلون كدرت ارمي
عليهم اكثر من طلقه
شحطوها وانهزموا من يمنا عمو طلع
شافه صرخ
«،،ياااابه مهيب
اخذه مني فاقد ويصرخ
خاله طلعت شافته كامت تعيط
وتلطم على وجهها امه
اجت تمشي
بصعوبه
صرخت
يمه مهييب
وكعت من طولها
الجيران طلعوا واجوي يركضون علينا شالو
فاقد وركضو بي عمو وياهم
خاله لازمه امه تصرخ
«،،يبووو علينا ولكم يبووو كتلو مهيب
جسمي كله كام يرجف باوعت لهدومي
كلهن دم، ،،، مسدسه بايدي
وكعت على ركبتي وكمت
اشهك وابجي
النسوان التمت علينا اخذونا لجوه امه
كعدت تصرخ وتملخ
بوجهها
«،،،ااابني مااات ولكم كتلو ااابني
«،،يمه مهيب ولكم ليييش
خاله صرخت ادك وتلطم اني واكفه بزوايه
اتخيل المنظر وابجي
عليكلت مات لان شفته انضرب بصدره
امه صرخت
«،،،وولكم وودني علي
من كامت وكعت ليوره خاله ام حارث
جيرانهم هي واللخ ام مريم
لزموها يهدون
بيها
تخبلت وشكت ثوبها وكامت تلمخ بوجهها
خاله لزمتها حظنتها تصرخ
«،،ام ياااسين مهييب راح
«،،،لا كولي يالله طيب اي طيب مهيب
ردت عليها والكل كامت تدعي اله اني بس
اردد امين امين
وره مشوار طب علينا اخو حارث الصغير كرار
وكال
«،،خاله مهيب طيب مامات
«،،،يااالله
الحجيه صرخت من كل گلبها خاله وكعت
بالگاع وسجدت امه سالته
«،،،ولك منو كلك
،،،خابرت حارث كال دخلوه عمليات طيب
«،،يااارب اريده منك لابني لااتفجعني
بي بجاه حبيبك محمد
امه صرخت وكامت تبجي الكل تدعي
«،،يارب كومه بالسلامه
«،،يالله يارب باوع لحالنا ااني وابوه
«،،ادعيله ام منير هو هسه بحاجه الدعاء
امه تبجي وتدعي العيون صارت عليه
من النسوان الي التمت علينا
جنت واكفه يمهن
الدم بهدومي
وسلاحه
بايدي
مشيت من يمهن طبيت الغرفه سديت الباب
سندت روحي علي ارجف
واتخيل المنظر كدامي
شلون نزل من سيارته سلم وراح ياخذ
شي من صندوقها صوته من
صاح وياهن صوت
الطلقات لحد
هسه هن بأذني
شفته شلون وكع والدم يفلت من صدره
بحظني كام ينازع ابوه وامه
يصرخون باسمه
وهالشي خلاني انهار واكعد بالگاعابجي بشهكه ماردته يموت بعده شاب وهو الي شايل
ابوه وامه واعرف اذا راح هم يموتون
وراه مايظلون بهل الدنيا
حسيت وجعهم وجعي عبالك اهلي وصار
بيهم شي وجع گلبي وخله
عيوني تبجي على
ناس عزيزين
عليه
وهو هم تندم وحاول يسااعدني
بكل الطرق شفته شسوه اليه
من انضربت بسجين
اخذلي
حقي
وجابه ليمي
شهكت وذبيت سلاحه من ايدي غطيت
وجهي بايدي ابجي بحركه
گلب مااريد يصير
بي شي ويفجع اهله الطيبين
خاله طبت وره مشوار تبجي
وحالها اضرب من حالي
كالت
«،،،حنين تعالي وياي
عبالي تريد اجي يمهم لان الناس التمت
يمنا كملت
«،،بدلي وتعالي للاستقبال
«،،اي
ضميت سلاحه بين هدومي بالكنتور بدلت
غير دشادشه رحت للاستقبال وكفت يم الباب من شفت ضابط وشرطه وياهم عمو حارث
وابو مريم جان هو نفسه
الي اجه من بذاك اليوم من صارت عركه
بين ولد اخته وذولك الولد
ويا كم شرطي من
شافني صفن عليه وطول
خاله حجت
«،،،تعالي يمه الضابط يريد يسالج كم
سؤال
طبيت متردده وكفت يمها هو سأل
«،،انتي جنتي بره من تصوب نقيب
مهيب
«،،اي
«،،ماشفتي منو الي ضربه
«،،،لا
«،،احجيلي الصار بالتفصيل
جاوبت بخنكه
«،،هو جان راجع من دوامه نزل راح
للجنطه مال سيارته سمعت سياره اجت بسرعه ماشفت منو بيها صاح
طبي جوه وراها
ضربوه
«،،ماشفتي رقم اي شي يكدر يساعدنا
«،،لاا
سأل خاله
«،،،الكامرات مشتغله
«،،اي
«،،،اريد اشوف التصوير
«،،،تفضل الشاشه بالصاله
اخذتهم لجوه اني وياهم رجع التصوير من
شاف الصار باوع عليه هو وخاله وابو حارث
كال
«،،،والله فكته من الموت لان رجعوا
يريدون يكملون علي
شفت نظرات الاعجاب بعيون الضابط
سال
«،،،سلاح النقيب وينه
«،،يم ابوه
جذبت لان خفت سلاحه يروح او يضيع
هز راسه ظل يدقق
بالتصوير كال
«،،هذا الرقم بسرعه اخذه وعممه
على كل السيطرات
«،،،تمام سيدي
طلعو من يمنا ورحنا يم الحجيه مرت
ساعه هي تنود بمكانها تدعي
اله وحالها حال،،،، الوكت مشى نخابر بعده
بالعمليات وره ساعه اللخ خابرونا
وبشرونا هو طلع وعدت
على خير هي من
سمعت
حيلها راح وفقدت بحظن خاله
«،،،حنين مييي بسرعه
جبت مي من الثلاجه فتحت البطل غسلنا
الها وجهها وشربنها شويه فتحت
تبجي وتردد
«،،،اريد ااشوفه ودوني علي
«،،،ماتكدرين ام منير رجلج منا لا هم
يرجع الكسر
خاله ردت
«،،اجعلي بالكسر ااريد ابني ولكم اريد
اشوفه واطمن علي
ردت تبجي
««،هسه نوديج بس خلي يجي واحد
من الولد
ام حارث جاوبتها تهدي بيها هي
وبقيه النسوان
وره مشوار طبت ميسون حالها حال
بس كالت من شافت
حال امها
«،،يمه لاتخافين مهيب بس تصوب ااخويه
مابي شي
انهارت يمها تبجي بصوت
قوي
«،،،ولج وديني علي اريد اشوفه
«،،اي اي كومي
رجلها طب صاير فد مره خاله ام ياسين
سالته
«،،ابو احمد شلون مهيب
«،،،ادعيله خاله يكوم من هالشده
حجاها واختنك وكام يهدد
«،،،انه الكم ولكم والله بس اعرفكم الا
احرك الدنيا فوك راسكم
«،،ودوني علي اريد اشوفه
امه حجت تبجي وصايره فد مره اخذها هو
ومرته وخاله وياهم ظليت
وحدي اني وياسين،،كعدت يمه يمامه
بحظني ارضعها ممه دوريه اجت وره مشوار
وكفت يم الباب
ياسين يبجي علي واني دمعتي بعيوني
ومنظره من وكع والدم يفلت
من صدره ولا راح
من راسي
خايفه علي وخايفه لا ياخذوني للمركز ويحققون
ويايه ذيج المره سلمت من التحقيق من ذولاك
الي اعتدو على ولد اخته
بس هالمره ماراح
اسلم لان جنت الشاهده الوحيده على الصار
جذبت هوايه واكيد راح يجي يوم وينكشف
هالشي ويجوز هل المره يعرفوني اني منو وبنت منو وذيج الساع من صدك اوكع من عيونهم
لان جذبت عليهم وخنت ثقتهم وطلعو
اهلي ناس زايعتهم الگاع
تمنيت قصتي الي حجيتهم الهم هي
هاي قصه حياتي الحقيقيه لان شفتها ارحم اليه
من العارات الي عندي
جهازي دك جانت خاله گلبي هبط وكلت
بس لا صار بي شي فتحت
الخط جاوبت
«،،ها خاله خماا ماا
سكتت هي كملت
«،،،لا يمه ماكو شي لاتخافين
خابرت اطمن عليج انتي وياسين
لان ظل بالي عليكم
«،،مابينا شي دوريه اجت ووكفت يمنا
««،ها خوش هم امن عليكم يمهم بس لاتطلعين
وقفلي باب المطبخ وباي الاستقبال
«،،اي قفلتهن
سكتت بعدين سالت
«،،،هو شلونه هسه
«،،،سوده عليه نزف هوايه ووضعه
تعبان كلش
سكتت وكامت تبجي كملت
«،،،،ادعيله يمه يكوم من هالشده
«،،،الله يشافي ويعافي بجاه حبيبنا محمد
«،،،امين امين يارب
جاوبتني وكملت
«،،،،ديربالج على روحج ولاتطلعين
بره منا الما نرجع
«،،،تمام خاله
«،،،يله حنين اروح يم الحجيه خطيه غدت فد
مرة من وراه
«،،الله وياج
سديت الخط ياسين اشر
«،،،ادكول تعبان لان نزف هوايه
كام ياشر باصبعه بغضب وهو يباوع لفوك
«،،،اي حسبي الله عليهم ونعم الوكيل
كون كسر بايدهم الي
ضربته
اشر منو
««،،مااعرف ماشفت احد
بس بگلبي مااعرف ليش شگيت بذوله
الي اعتدو على ولد اخته هم نفسهم
الي ضربوه
حمزة
كاعد وي غاده نتعلل يمنا علي كاعد
ويتحرك سالت
««،هذا شوكت ينام
«،،اسكت حمزه اليوم السهره للصبح
«،،ليش بله
««،نام المغرب وشبع نوم واعرف هالليله
صباحي
«،،ههه راح تاكليها اليوم
««،،،قصدك ناكلها سوه
جاوبتني تضحك كلت
««،اني ماعليه اروحن يم جدي وانام
يمه
مدت بوزها وكالت
««،واهون عليك تعوفني ويا وحدي
««،ههه اريدن انام عندي كعده من الفجر
«،«اي روح بس خلي بالك بعد لاتجي
ظل يمه على طول
ملت عليها وكلت
«،،واهون عليج تهديني
«،،مو اني هنت
««،،والله ماتهونين عليه اهدج ولو لحظه
ابتسمت كملت
«،،،،مخبل انه اذا هديتج بيوم
احجي وهي ملتهيه بعلي ضجت وكلت
«،،تره جاي اتغزل بيج حسي شويه
«،،ههه والله حاسه بس ابنك يريد يرضع
يله بلكي ينام
خلته بحظنها اعاين الها خجلت اشرت
«،،عيونك حباب
«،«ههه ليش هالخجل تره ااا
«،،حمزه ولا كلمه
مسحت شواربي كاتم الضحكه وعاينت
للكنتور كالت تضحك
«،،عفيه بالي يسمع الكلام
«،،شسويلج مااكدرلج يالعرمه
درت وجهي مغطيه صدرها وترضعه مبتسمه
وصافنه عليه كلت
«،،،شسويتي بيه وهيج ضعفتلج
««،حبيتني
جاوبتني بغرور رديت
«،،اي حبيت وابتليت بعشگ غيده
«،،تدري شكد احبك من ادگلي غيده
احسك ادللني بي
«،،وانه مالي اسم دلال يمج
صفنت بعيوني وردت
««انت الك اكثر من اسم بگلبي
ابتسمت وجاوبت
«،،،سمعيني واحد اثنين منهن
«،،اول انت حبيبي وزوجي وعيوني وروحي
وگلبي وابو بيتي وابو علاوي الورده
واسمري ابو عيون حلوه
وسندي واماني
وكلشي
حلو بحياتي
دخت وحالي تخردل ضعت والي ضيعتني
غيده جاوبت هايم بيها
«،،هذا انه كله
«،،واكثر من هيج حمزه
سكتت مااعرف شاحجي كالت
شوفه نام والليله مو صباحي هههه
نومه العافيه
كامت ودته لفراشه غطته باسته وكالت
«،،،اليوم ماكو اثر
«،،،خلي الاثر لون احمر
جاوبت وغمزت كملت
«،،يلوك الج لون الاحمر
غاده
سمعته شحجه واذكرت بدايه حملي من
شافني بالفستان الاحمر شلون
صفن عليه والملامح
تغيرت جاوبت
«،،تذكر الفستان الاحمر االي لبسته بمهر
رغد
«،،،اي اذكره ومو ناسي
سكت بعدين سال
«،،،هو وينه موجود
«،،«اي
««،البسي اليه
ضحكت وجاوبته
««،ههه هسه
««،اي اريد اشوفج بي لان ماخليتني
اشبع منج بذاك اليوم
«،،راح تضيع بس تشوفني بي
«««انه ضايع بيج من زمان مو جديده عليه
سكتت من رد هالرد وكلت والله
مااخليها بنفسه رحت طلعته من الكنتور
عيونه عليه اخذت جنطه المكياج
وحذاء كعب عالي
كلت مبتسمه
««،يمكن ماراح يجي عليه لان جنت ضعيفه
بذاك الوكت
«،،خلي نشوف
جاوبني طبيت سبحت وتعطرت لبسته
اجه عليه بس برز جسمي تكحلت
وخليت حمره بلون الرمان
فليت شعري امشط بي وصافنه على روحي وكلت
راح يتخبل بس
يشوفني
وجنت اريد اشوف ذيج النظرات القديمه
الي شفتها بذاك اليوم
طلعت گلبي يدك سريع واحس المشاعر
ويا يوم عن يوم جاي تزيد
وحبي اله جاي
يكبر
صفن عليه والعيون افترت على طولي
وخلت دكات گلبي تزيد
كام لحيله قرب جرني
بهداوه لصدره
كال مبتسم
اجه عليج وطالعه بي ملكه جمال
حجه هيج ودنك باسني من شفتي وحظني
بقوه لصدره بادلته لهفته
فقد وضاع وتخبل
وخبلني ويا
غفيت بحظنه وره وين سمعت ابني يبجي
سحبت روحي منه ضاج ولزمني
بقوه وهو نايم بسته
من خده كلت
«،،،،علي كعد
سمع صوته فتح رد مبتسم
««روحي علي اليوم صار ادمي وخله ابوه
ياخذ حگه مربع
«،،ههه انت دومك ماخذه مربع
جاوبته اضحك وكمت جبت ابني رجعت كعدت يمه
باوعت عليه شفت النظرات
كلت قبل لايحجي
«،،ولا كلمه
«،،هههه
خرب ضحك خله المخده على وجهه
ابتسمت وبديت ارضع علي
ثاني يوم جانت جمعه على الريوك
جهازه دك جاوب فز
وصاح
«،،،ووولك شجااي تحجي انت
««،شكو حمزة شصاير
بيبي سألته اشر بايده
«،وهسه شلونه تمام جااي انه
سد الخط واشوفه توتر وصار فد مره
كال
«،،،مهيب ابن خالتي رامين علي ومصوبي
بيبي لطمت خدها وصاحت
«،،،يممه عزه العزاني ولك خما متأذي
«،،مااعرف يمه خلي اروحن علي واشوفه
مشى من يمنا بسرعه لحكته للغرفه فتح
الكونتر اخذ دشادشه لبسها
كلت
«،،ان شاء الله مابي شي
«،،،يارب يالله
حمزه
جاوبت غاده وطلعت بسرعه من يم اهلي
ورحت علي ،،،،وصلت المستشفى
الدنيا مكلوبه الشرطه كلها واكفه
بره، ،،،خابرت ثائر دلاني هم وين مشيت
بسرعه شفته جاي من بعيد
وصلت اله سالت
«،،،شلونه هسه وشلون وضعه كعد
فتح عيونه
«،،كعد من البنج بس وضعه مو زين الضربه اجت مسافه عن گلبه والله ستره ولك راد يروح
من ايدينا
«،،،اامشي اريد اشوفه
«،،،مايقبلون خلوه بالانعاش ومنعو عنا الزياره
كالو الا يستقر وضعه يله
نسمح الكم تشوفوا
جاوبته بغضب
«،،وشوكت صار هالشي
«،،،قبل اذان العشه تعرضلو يم بيتهم وضربوه
««،،ماگضوهم
«،،،لاا بس سمعت عرفو رقم سيارتهم وعممو
على السيطرات
«،،،هينه خلي بس نعرف منو هم وذيج الساعه
ناخذ حگه من عيونهم ونعلمهم
بيمن اندگو
سكتت كملت
«،،،والله اذا ماطلعو ذولوه الي تعرضو لولدكم
هم نفسهم الي ضربوه انه كلشي
ماافهم
رد بغضب
«،،خلي بس تفوت هاي الليله سلامات
ونطمن علي هو عدى مرحله الخطر واتاكد
هم الهم ايد بالصار ذيج الساعه
مو بس اندك بيوتهم
لا نحركهم وهم
بي
«،،وين خالتي عرفت
«،،اي اجتي علي هي وعم محمود الكل هنا
والدنيا انكلبت علي
«،،،امشينا خلي اشوفهم
رحنا انه ويا عليهم وصلنا شفتها
كاعده حالها حال تبجي وتنوح عم محمود
هم فد مره صاير شافتني صاحت
بصوت مبحوح
،،،حمزه ضربو مهيب ولك يمه وليدي
راح يروح من ايدي
حظنتها تبجي وتگهد حجيت
بخنكه
«،،،گولي ياالله خاله وادعيله يكوم من هالشدة
«،،،يالله يارب الطف بحاله وحالنا
«،،،اي ادعيله يمه هو هسه بحاجه الدعاء
«،،يارب رايدته منك يارب لاتفجعني
بي
«،،،امين امين
رديت مخنوك ومقهور علي وعليهم
رحت لعم محمود يبجي
بخنكه كلت
«،،كول يالله عم
«،،يالله يارب والله ماعندي غيره هو يوكفلي
بهل الشده
كلت
«،،نخيتك يارب بجاه نبيك وبجاه
ال بيتك الطييبن ادكوم مهيب من هالشده
«،،امين يابه امين
رد علي وهم گهد بالبجي
وكفت يمهم اسال هاشم على وضعه
جهازي دك جانت غاده مشيت
مسافه وجاوبت
«،،ها ام علي
«،،شخبار مهيب
ذبيت حسره رديت
«««الضربه جايه قريبه من گلبه طلعوها اله
بس وضعه مو تمام لان نزف هوايه
«،،خالي بالانعاش
اي غاده هو يعني راح يصير زين مو
سالت بقلق عيوني على خالتي
وميسون صارن فد مره وابوه هم
ا،،،ي حمزه ان شاء الله يصير زين
«،،يالله يارب رايدي منك لاتفجعنا بي
«،،امين لاتخاف حمزه هو هسه تعبان من الاصابه
ويحتاج وقت يله يصحى
سكتت هي كملت
«،،خاله شلونها هي وميسون عمو شلون
وضعه
«««شلونهم ها اعاين الهم وانه احجي وياج
وحالهم يبجي الصخر
«،،حسبي الله عليهم ونعم الوكيل الله ينتقم
منهم وكل واحد مؤذي
شفت اكثر من دكتور اجوي وطبو علي
كلت
««،غاده اترخص اجوي دكاتره علي
«،،تمام طمني علي
«،،،اي مع السلامه
«،،الله وياك
سديت الخط ومشيت بسرعه اله وكفت وي
ابوه وخوالي وولدهم التوتر والخوف
صيطر علينا وره مشوار
طلعو من يمه خالتي
سالت بسرعه
«،،،ها دكتور ابني شلونه كعد فتح عيونه
«،،حجيه اهدأي وخلينا نفهمكم بهدؤ على
وضعه
واحد حجه دكتور جبير بالعمر كمل
«،،ابنكم اجانا مضروب طلقه قريبه من گلبه
بس الحمد لله بمعجزه من عنده
ماضربت اي شريان
او رئه ولا سببت
نزف بس
الكل هبط وسالنا بخوف
«،،بس شنو دكتور
ظلت الصدمه يعني هو انضرب من مسافه
قريبه كلش وهذا الشي سبب كسر
اله باگثر من ضلع يعني
راح يحتاج وقت
طويل يله
يتعافى من هالشي بالاضافه راح تصير
عنده اعراض جانبيه ممكن هبوط
بالضغط او فقدان للوعي
صعوبه بالتنفس
وهم الم قوي
بالصدر
«««دكتور يصير زين بعدين موو
ابوه سال بخوف رد
«،،اي حجي بس ياخذ وقت لازم يرتاح ومايبذل
اي جهد
«،،اريد اشوفه دكتور
خالتي حجت بتوسل وتبجي جاوب
«،،مو هسه حجيه خليها للعصر الما يستقر وضعه
بعد اكثر
كعدت تبجي وغدت فد مره،،،،مشيت
كم خطوه خابرت غاده وطمنتها
علي سالت
«،راح تظل يمه
اي،،، لازم اظلن يمه ومااهده الا
اشوفه كعد ووضعه استقر
«،تمام
شفت جدي اتصل كلت
«،،يله بويه خلي ارد على الحجي
«،،،الله وياك
«،،ووياج ام علي
سديت الخط خابرت جدي طمنته علي
وظليت يمهم العصر هم سمحو النا
نشوفه
طبيت انه وابوه وميسون وخالتي،، لميت
قبضه ايدي بقوه من شفت
حاله
خالين على وجهه قناع اوكسجين
يتنفس منه وغادي كركم ويجر النفس بصعوبه
مغمض نص عيونه رجلي
مشدوده ومضمده
وعلى صدره
ضماد وخالين اله بطل دم اني الرجال
انهد حيلي من شفته شصاير بي
خالتي انهارت يمه
تردد بصوت
رايح
««،،،يمه مهيب اكعد وحاجيني
ميسون باسته وكالت تبجي
«،،مهيب فتح عيونك وفرح گلبنا
فتح يعاين الهم امه باسته من راسه
هي وعم محمود كلت
«،،،الحمد لله على سلامتك يابطل
ثائر طب وهاشم صارت هوسه يمه
المضمد كام يحجي وكال
«،،تره مايصير هيج كلنا اثنين يطبون
علي مو عشيره
«،،بس نطمن علي
ثائر رد جاوبه
«،،اخي مايصير المريض محتاج راحه حتى
وضعه يستقر بعد اكثر
«،،تمام ثائر خلي نطلع
انه حجيت هو حرك ايده
يريد يوخر القناع
المضمد كله
«،،لاتتحرك هوايه لا جرحك ينزف
حجه ماافتهمنا الولد وخر القناع
كال بصوت تعبان وضعيف
«،،يابه
«،،ها ابويه انت
عم محمود جاوبه وقرب وجهه منه
كال
،،،حنين
سكت بلع ريكه بصعوبه واشوف جاي
يتألم ونفسه صار سريع
يجاهد يله يحجي
الچلمه
«،،بيها شي
«،،،لااا ابني مابيها شي
جاوبه وكمل
«،،ولك هي فگتك منهم من رجعو يريدون
يكملون عليك
غمض وحسيته ارتاح
«،،،خلو يرتاح
المضمد حجه
عم محمود باسه من راسه وطلعنا من يمه
قائد
الظهر كاعد اتغده وي ليلى واهلها
جهازي دك جاوبت
«،،هلا حسين
فزيت وصحت
«،،ولك شوكت صار هالشي ومنو گلك
ووينه هسه تمام جاااي
«،،قائد شصاير
ليلى سالت كلت
«،،،ولج مهيب رامين علي البارحه ومصوبي
جاوبت خالتي كالت
«،،،ااسم الله الرحمن خما متاذي
،،،،حسين كال متصوب بصدره وبرجلي
ونازف جثير
«،،،يارب سترك
«،،،لازم اروح السويج وينه
«،،،،هيانه كدامك
ليلى جاوبت انطته اليه عم فاروق حجه
«،،،على كيفك سوق
تمام تمام
طلعت بسرعه خابرت حسين بالطريق
دلاني على المستشفى
وصلت نزلت شفته جاي مشينا
بسرعه سالت علي دلوني
على مكانه رحت من بعيد شفت حمزه
اجه عليه سلمنا علي وسألت
«،،،شلون مهيب وشنو هالشي الي سمعته
ومنو الي ضربه ماعرفتو
«،،،الحمد لله هو هسه وضعه استقر بارحه
العشه تعرضوله وبعد ماعرفنا
منو الي ضربه
«،،،هو وينه
حسين سال
«،،بالانعاش طبينا شفنا ومنعو علي الزياره
لان مايريدو يتعب
«،،وضعه زين فتح حجه
«،،اي فتح وحجه بس رجع نام لان تعبان
ونازف هوايه
«،،خرب اااهلكم نعل والديكم لو اگضبكم
والله ماارحمكم
حجيت جاز على سنوني حسين سال
«،،اكيد ذوله عدهم عدواه ويا
حمزة رد بغضب
«،،،خلي بس يگضوهم ونعرف هم منو وذيج
ااساعه جيب الي يفگهم من عدنا
كلنا ظلينا يمه بليل اجوي يريدن
يحققون ويا ماكدر
يحجي شي
الدنيا انگلبت علي اجوي عمامه من بعقوبه
هم وولدهم وخواله وولدهم ثاني يوم من
عرفوا الي ضربه هم
نفسهم الي
اعتدو على ولد اخته هدو على بيت
الي ضربه ودگوهم
يمامه
جانت ليله ثكيله وطويله لا كدرت اغمض
عيون ولا ارتاح ياسين نام
ويمامه جرتها
نومه للصبح
اني ظليت رايحه جايه اباوع للشباج اشوف
الدوريه بعدها واكفه والتوتر
والخوف مصيطرات
عليه
عشت لحظات رعب وخوف لا اسمع
خبر هو مات
كمت اتخيل جنازته اطب لبيت امه تعيط
وتملخ بروحها ابوه فاقد اخته
تصرخ علي
روحي اختنگت واذكرت اختي كعدت ابجي
واشهك بصوت مخنوك اردد
«،،،يارب اني ضگت لوعه فراك اختي وبعدها
نارها بگلبي ماطفت لااتختبر اهله
بي رجعه الهم وفرح
گلبهم بسلامته
سكتت من اختنگت بالبجي اشوف
اختي بين عيوني شلون كامت تنازع بين ايدي
واشوفه اله هم بحظني وينازع
رددت بشهكه
«،،يارب لاتاخده يارب لخاطر امه وابوه
كومه من هالشده بجاه حبيبك
محمد
صارت ساعه سبعه الصبح واني نفس وضعي
جهازي دك گلبي هبط ماكدرت
احجي كلمه كلت راح
اسمع بجي
وعياط بس سمعت صوت خاله
حجت
«،،شلونج حنين
«،،هلا خاله
جاوبت ريكي يابس ردت
«،«خابرتج حتى تحضرين جنطه لمهيب
«««هو زين يعني وضعه شلونه
«،،الحمد لله وضعه استقر
«،،هو كعد
««،اي كال الدكتور كعد بس تعبان كلش
سكتت هي كملت
«،،يمه حنين اصعدي فوك لغرفته حضري اله
هدوم تراك ملابس داخليه كلابيه
وخليهن بجنطه
«،،تمام خاله بس منو يجي ياخذهن
«،،ثائر راح يجي يله اروح الحجيه صارت
فد مره وجاوبو الها واحد يقيس
ضغطها مع السلامه
«،،الله وياج خاله
سديت الخط جان ياسين بعده نايم ويمامه
هم كمت وصعدت لفوك امشي
برجل ثكيله والصار
البارحه ابدا
ماراح من راسي كل ساع افز واسمع
صوت الطلقه بأذني
فتحت باب غرفته طبيت صفنت على كلشي
بيها مكتبه جربايته كمت احس
بي موجود ويحجي
وياي
هالشعور خوفني وحسيت بي راح يموت
ويفجع اهله بس كلت
«،،،لااا ان شاء االه مايروح ويرجعلهم
بسلامه
فتحت الكنتور طلعت جنطه خليت بيها الي
كالت علي خاله نزلت بيها
لجوه يمامه كاعده
تبجي
رحت شلتها نظفتها بدلت الها وسويت
ممه كعدت بالمطبخ ارضعها الجرس اندك
كلت اجه ابو احمد كمت خليتها
باللولو طلعت لبره
فتحت الباب عكدت حواجبي من شفت
ذاك العار هو جاي مو اخوه
سلم بنفس النظرات
الوصخه
«،،شلونج حنين
«،،هلاا
جاوبته بضوجه راد يطب وكفت كدامه
وكلت
«،،،وين طاب انت مو تعرف ماكو احد
«،،،اريد الجنطه
«،،ظل بره واني اجيبها الك
«،،تره هذا بيت عمتي واني مو غريب
«،،بالنسبه اليه انت غريب ومن يجون بيت
عمتك عود تفضل واكعد براحتك
طبگت الباب بوجهه رجعت لجوه
اخذت الجنطه وطلعت بيها فتحت الباب
واكف ومنطيني ظهره اندار
ذبيتها يم رجلي
اندار وكال
«،،حنين ااسمعيني اا
«،،من رخصتك
سديت الباب وقفلته رجعت للمطبخ هم قفلته
جنت ماعندي ثقه بي لان عرفته
من ذوله السفله الي
بدون شرف
بهل الوضع وابن عمته بين الحياه والموت
وهو يباوع عليه بنفس ذيج
النظرات الوصخه
بنفس اليوم امه رجعت تعبانه وصايره فد
مره هي وابوه وخاله اول ماشفتني
حظتني تبجي وتردد
«،،،يمه بيش اجازيج لو انطيج
روحي ماتسد السويتي
لابني
كعدتها لان جانت بصعوبه واكفه لزمتني
باستني من راسي وعيوني
تردد
«،،لو ما انتي جان ابني راح من ايدي
عمو اجه ليمي باسني من راسي وكال
«،،اني مااعرف شلون اشكرج على السويتي
لمهيب والله لو ما انتي جان
هسه اني ناصب عزاا
اختنك وسكت كعد يبجي روحي انمردت
عليهم لان شفتهم صايرين
فد مره خاله ردت
«،،قدر ولطف حجي والحمد لله على سلامته
لمهيب ويوما يرجع لبيته ويفرح
گلبنا كلنا
«،،امين يارب
هي ويا كامو يدعون اله بعيون تبجي
وملامح مطعونه خاله
كالت
«،،«ارتاحوا اليوم الولد راح يظلون يمه
وام احمد هم
«،،لا اني اسبح واروح علي
الحجي جاوب مرته كالت
«،،اي لاتعوفه
انتبهت رجلها ورامه كلش كلت
«،،خاله كومي تمددي تره رجليج ورامه
««،اي يمه والوجع موتني
جاوبت تريد ادكوم ماتكدر ساعدتها اني
وخاله ام ياسين الي كالت
«««بس لا رجع الكسر
«،،،خلي شيريد يصير بيه خلي يصير بس
ابني يكوم من هالشده
«،،ماكو شي ان شاء الله كعد ووضعه استقر
جاوبتها اخذناها للغرفتها عفت خاله
يمها تساعدها
عمو سبح وطلع علي حتى مااكل شي مرت ايام
اسمع وضعه تحسن امه بعد ماكدرت
تروح اله لان رجلها صارت
مو زينة بس
تخابر تطمن علي
وهم علكت وي ذوله الي ضربوه
طلبو عطوه ورفضوها وخلوه
القانون ياخذ حقهم
ورفضو اي
واسطه من الشيوخ لان النيه جانت
القتل
هاشم شفته اكثر من مره واخذت حذري منه
لان هم شفت من نفس النظرات بس
ماحاول يحجي وياي
شي او يتقرب
مني
جنات
اهلي شدو وياي لان ماقبلت انطي بيتي
لابتسام وسيارتي لمهند وكمت
اسمع عليه حجي يم
الگرايب
نكسه ولئيمه وشوفو الله شسوه بيها من
نكاستها الله ماانطاها جهال
ورجلها تزوج عليها
وضربها جلاق
واشكال الكلام طلع من ناس هم اهلي اقرب
الناس اليه تشمتوا بيه لان ماقبلت
انطيهم شي اني جبته
بتعبي
جنت اجذب واكابر واكول اني مو مهتمه
لكلامهم بس جنت
ميته قهر ودمعتي
مانشفت من
عيوني
كاعده بيتي بالغرفه مالتي
مخنوگه،،،، من عدهم وكرهت
حتى شوفتهم
ماجنت اشوفهم سند وعمري كله ماحسيت
بيهم اهل واكدر اسند عليهم عشت
وياهم بمشاكل ولعبان
نفس
لا اخلاقي مثل اخلاقهم ولا طبعي
اني واختي مثل طبعهم اصعب شي من
من الگرايب يحجون ويكلون
انتي واختج مو مثل طبع
اهلج
الكلمه جانت تجرح لان تبين الك الناس
جاي تشوف اهلك بعين صغيره
من وره تصرفاتهم
وكلامهم ونفاقهم
وفوكاها السوه
بقائد وليلى
هذا الشي كسرهم بعيون الگرايب وانكرهو
من الكل والاغلبيه كامو يخافون
على بيوتهم من عدهم
محد يجيهم ولا هم بعد يكدرون
يرحون لاحد لان وجههم
صار اسود بينهم
جان مابيهم خير بس اختي
ومرات اسال روحي لو ما عندي هالاخت
الحنينه هي ورجلها وولدهم
اني وين اروح وشجان
صار بيه
ولو ما عندي راتب هم جان شصار
بحالي بله اني عندي اختي وراتبي وماعندي
جهال
غيري الي عندها جهال وماعدها سند ولا راتب شيصير بحالهن يكعدن ويسكتن
ويقبلن بظلم الرجال
الهن
دموعي نزلت كلت
المره بهل الدنيا مظلومه
جهازي دك جانت اسماء مسحت دموعي فتحت
الخط حجت
«،،،هلو حب
«،،،هلو اسماء
«،،،هاي شبيج باجيه
«،،،لا
«،،،عليه جنات
سكتت سالت
«،،،هم اهلج
«،،،اكو غيرهم تعبوني اسماء وكرهت
الدنيا من وراهم
«،،شصاير احجيلي
«،،،نفس السالفه من وره بيتي والسياره
«،،وراح يظلون يحجون لان هذا طبعهم
وانتي تعرفي احسن مني
«،،،اي بس والله تعبت منهم وكمت مااتحمل
مثل قبل لان نفسيتي صفر
«،،،حقج والله الصار بيج مو قليل
«،،،شنو ذنبي اسماء حتى ابتلي بهيج
اهل لا هم بيهم خير ولا ذاك طلع بي خير
كمت ابجي بخنگه ردت
«،،،كافي تبجين هسه ضغطج يصعد
«،،،خلي يصعد بلكي اموت واخلص
«،،لا اسم الله عليج ليش تدعين
على روحج بالموت
من وره بشر
مايسوه
«،،،تعبت واريد ارتاح والله بعد مابيه
حيل اسمع كلام ومن اقرب الناس اليه
يعيروني بشي اني مالي ايد
بي
بجيت بشهكه قويه حاولت تهديني
ماكدرت اسكت ترخصت
وسديت الخط
وره دقائق جهازي دك عبالي
هي مادرت بال فصل ورجعت
اتصلت اخذته ماانتبهت للاسم لان عيوني
جانت مغوشه من الدموع جاوبت
بشهكه
«،،اسماء عوفيني وحدي
«،،،منوو ويااج وليش هالبجي
فزيت من سمعت صوت استاذ ارشد
وسديت الخط
بوجهه
اتصل ماجاوبت رجع دك هم مارديت
دز رساله
«،،رحمه لاهلج جاوبي
اتصل ترددت بعدين فتحت الخط
حجه بعصبيه
«««،منو ويااج جنات كولي احجي
تفاجأت بأسلوبه وشلون شال الرسميه
كلت بخنگه
««،ماكو شي استاذ
«،،ولج شلون مابيج شي واني سمعتج
شلون تبجين وصايره فد مره
«،،استاذ ماكو شي
«،،جنات احجيلي طلعي الي بگلبج
والله ااخذلج حگج وابجي
عيون الي بجتج
صفنت بنص دموعي جاوبته
«،،استاذ هالشي مايخصك ااا
«،،،لااا كلشي يخصج
يخصني
سكتت ماعرفت شبي ولا ليش،هيج
كام يحجي وياي صدمني
من كمل
«،،انتي غاليه عليه كلش وماتعرفين
معزتج بگلبي
««،اترخص منك
«،،،،ااووكفي
صاح وكمل
«،،ااسمعيني واعرفي يبنت الناس
اني شاريج وبالغالي
انضربت براسي وجاوبته بعصبيه
«،،انت شكااعد تحجي استاذ
«،،،الي سمعتي اني جايج بالحلال ورايدج
على سنة الله ورسوله
«،،،ومنو كلك اني اريد ازوج
«،،،اني اعرف الي بيج اعرف بعدج
مجروحه من ذاك العار بس احب اكلج
اني مو مثله وراح اصيرلج
مو بس زوج لا اب
اخ صديق سند وامان طول العمر
دموعي نزلت جاوبته بصعوبه
«،،،اسفه طلبك مرفوض
«،،جنات خليني ادواي جرحج وانتي
هم داويني خليني اطيب على
ايدج
«،،،كدرت تنسى مرتك
سكت كملت
«،،شفت اني هم ماكدرت انساه رغم هو
بنظري مات بس بعده جرحه
ينزف بگلبي
«،،،تنسين اذا فتحتي گلبج اليه
«،،واني اكلك ماراح انسى والزواج
شلته من راسي نهائيا واترخص منك
سديت الخط مذهوله ومصدومه من طلبه
وره لحظه اجتني رساله منه
كاتب
«،،،راجعي نفسج واخذي وقت للتفكير
لان اني اريدج وشاريج يبنت
الحلال واي شي
تريدي اسوي
الج لو ردتي عيوني ترخص الج
ماجاوبته هو هم مادز بعد ماحجيت الي سمعته منه لاختي واسماء لان اعرفهن
راح يفرحن ويگولن
اقبلي بي
كلشي تبدل عندي من حجه وياي بهل الموضوع
وحسيت بروحي ماراح اعرف اتصرف
ويا بشكل طبيعي التوتر
زاد عندي
وشلت هم من ادوام واشوفه شلون راح
اشوفه بعد الي عرفته منه ثاني يوم
دوامت شفته
فات من يم غرفتنا يمشي بخطوات
سريعه ورة مشوار دز عليه
ارشد
الي جنت خايف منه صار وجنات رفضتني
للمره الثالثه بس مارضيت بهل
الشي كلت اخذها اخذها
لو غصب
رحت للدوام دزيت عليها طبت اشوفها
متردده وضايجه كلش
السكرتير سد الباب دحكت علي كلت
«،،،راح تظلين واكفه بمكانج
ماتحركت جاوبت
«،،استاذ الي تريده مستحيل يصير
«،،،ليش
«،،،،لان اني مااريد ازوج
«،،،،هم ليش
جاوبت وطلعت من وره مكتبي شفتها
توترت ردت
«،،،،هذا الشي يخصني مايخص اي احد
«،،،كتلج اي شي يخصج يخصني
عكدت حواجبها وردت بغضب
«،،،وباي حق انت تحجي هيج
«،،حق حبي الج
صفنت عليه كملت
««،اي جنات اني احبج ومن زمان هالشي
مو هسه
«،،انت شكاعد تحجي
«،،،الي سمعتي
جاوبت وكملت بقهر
««،،اني ولج اني ابن الشيخ الي رادج
واجاج مرتين وانتي رفضتي
فكت عيونها مذهوله كملت
«،،،اني الي ردتج وذبحت روحي عليج
بس ااخ رفضتني يولي ورحتي
ازوجتي ذاك العار
«،،،هالشي مايهمني
جاوبت واندارت كلت
««،،خلي يهمج لان اني قفلت عليج
دحكت عليه بخزره وجاوبت
«،،،تره عيب الكاعد تسوي شيخ
ابتسمت وجاوبت
«،،لا مو عيب لان رايدج بالحلال
«،،قصدك غصب
«،،،افهميها شلون ماتفهميها انتي اليه اذا
مو اليوم باجر
««،واثق من نفسك من تحجي هيج
«««اي كلمه شيوخ بعد واني شيخ ابن
شيخ وكلمتي وحده
سكتت بس الغضب ترس ملامحها ردت
بنتره
«،،ابشرك الي تريده ماراح يصير ابدا
فتحت الباب رديت
«««تصير وغصبا عن الكل
طلعت وسدته بقوه كلت
«،،اخذج ااخذج ولج لو اعرف غصب اسويها
واني شيخ ارشد
مهيب
اصابتي جانت خطيره بس مامتت بمعجزه من
الله وكتبلي عمر جديد من صحيت
وشويه تحسنت
شفت التصوير اني والكل شافها
شلون انقذتني من
الموت ورمت
عليهم
نظرات الإعجاب شفتها بعيونهم وهالشي
خلاني اضوج ورفضت احد يشوفها
مره ثانيه
ماجنت محتاج احد يگلي اني حبيتها هالشي
اكتشفته من زمان وكافي اقنع بروحي
هي وجودها بحياتي شي عابر
وحالها حال اي بنيه
انعجبت بيها واعجابي وره فتره راح
يروح وتخمد ناره
ايام اني نايم بالمستشفى ولا راحت من
بالي كلها اجتي عليه وشافتني واني
جنت اريد شوفتها
انتظر ساعه الى يكولون اطلع حتى اروح لبيتنا
واشوفها لان الشوك الها ذبحني
وطلعت بعد ماشالو
اليه السيم وسولي فحوصات
والحمد لله وضعي جان زين وكدرت ارجع
لبيتنا وصلنا نزلت حمزه ساندني هو وقائد كال
«،،،امشي على كيفك
«،،،تصنفت يول وماظل بيك شي صاحي
حسين حجه قائد كله
«،،اسكت يمعود تره هسه يهفك بالعگازه
«،،،غير لو اكدر
جاوبته ذاك ضحك وسأل
«،،،راح تضمها اليه موو
«،،،اي مربع
«،،،هههه
اخذوني لجوه ادور عليها ماكو لا طلعت ولا
شفتها اسمع هلاهل اختي
وام ياسين امي وياهن
«،،،ااخذوه للغرفه خلي يرتاح
ثائر حجه ودوني لغرفه بصف غرفه اهلي
خلوني على الفراش وساعدوني اتمدد
گضبت جرحي ابويه سال
بقلق
«««ها يابه جرحك وجعك
««،لاا
«،،كافي تكابر ولك وكول اي وادلل شويه براسنا
حسين حجه مبتسم ابويه رد
«،،من يومه هو هيج
«،،اي تعلمني بي جان ينفجخ ويطلع دمه
والفطير يضحك ويكول جرح
صغير باجر يطيب
امي اجت ليمي باستني من راسي تردد
وهي تبجي
«،،نورت بيتك يبعد امك
«،،الحمد لله على سلامتك يمه مهيب
«،،،الله يسلمج خاله
ثائر كال
«،،خلي نطلع ونعوفه يرتاح
«،،،راح اظل يمه
امي حجت ميسون كالت
«،،،لا يمه مو زين عليج تظلين كاعده رجليج
مو زينة ولازم تتمددين
««،،مابيج شي طبت من شفته
«،،يمه رحمه لاهلج لاتعاندين وكومي ارتاحي
اشرت الها ابويه حجه
«««حجيه كومي وياي ولاتعبين ابنج وتعبينا
وياج
«،،،اني يمك يمه كل ساع راح اجي عليك
ابويه وثائر ساعدوها واخذوها من يمي
«،،خاله دزي حنين خلي نرتب غراضه
هنا بهذا الكنتور
«،،،اي يمه هسه
سمعت اسمها وعيوني ظلت على الباب
اجت وره مشوار وكفت يمه
وباوعت عليه
گلبي فز بس شفتها وحسيت كلشي
تغير بيه قربت وكالت
«،،،الحمد لله على سلامتك
«،،،الله يسلمج حنين ويخليلج بنتج
والله لو ما انتي جان اخويه راح من ايدينا
اختي جاوبتها وغصت بالكلام
رديت
«،،الله يسلمج
«،،تعالي خلي نرتب هدومه والغراض
«،،اي
«،،هذني وصخات يردلهن غسل
«،،تمام
«،،وهذني لا نظيفات
ابويه طب وكال
««،ميسون يابه تعالي انطي دوه لامج
«،،،اي يابه
طلعت من يمنا وظلينا وحدنا جانت
منطيتني ظهرها وتصفط
بالهدوم علاكه
دوه وكعت
شالتها واندارت شافتني صافن عليها
حجيت
«،،صرت مطلوب الج جثير
اخذت النفس وذبيته اريد احجي
هي كالت
«،،عوف الحجي هسه لان مو زين عليك
تتعب
راحت خلت الدوه على الميز سالت
«،،،مسدسي وينه
«،،،ضميته يمي هسه اجيبه الك
طلعت من يمي ورجعت وره لحظات
شايلته قربت مدت ايدها
بي وكالت
««،الضابط من اجه حقق راده وجذبت
علي كتله يم عمو
سكتت وكملت
،،،،اني كتلك حتى تعرف خاف يسالك علي
احجي نفس الكلام
«،،تمام
رجعت ترتب بالهدوم هاشم طب شايل
علاكه كال
«،،،هاي دزتهن ميسون
قرب منها عكدت حواجبي من شفتها
انسحبت وطلعت من
يمنا
تقدمت ليكدام وخزرته كلت
«،،،شمسوي ولك
شكرا لزيارتكم عالم روايات سكيرهوم
