رواية اغفري لي الفصل التاسع والثلاثون بقلم أوتار حزينة
مهيب
هاشم طب شايل
علاكه كال
«،،،هاي دزتهن ميسون
قرب منها عكدت حواجبي من شفت خلقتها انگلبت وطلعت من يمنا
تقدمت ليكدام وخزرته كلت
«،،،شمسوي ولك
«،،،مامسوي شي
«،،،هااشم وحگ هو الله اذا اعرف بيك متعرض
الها مره ثانيه صدك ماراح
ارحمك
نتر بيه
«،،،روح اسالها اذا مسويلها شي
تعال حاسبني
حجه هيج وطلع من يمي كمت اغلي من الغضب
عرفته هالنذل مسويلها شي،لان
شفتها شلون من شافته ضاجت والملامح تغيرت
ونزلت راسها وانسحبت من يمنا بسرعه
اختي طبت هي وراها
اريد احجي اسالها
بس ماكدرت
طلعت شايله الهدوم الوصخه اختي كملت
كلشي احمد طب شايل بنتها
ابتسمت من شفتها
وكلت
،«،،،جيبها خلي اشوفها
جابها اليه بستها وحجيت وقصدي
امها
«،،،اشتاگيت الج ولصوتج الحلو
هي طبت شايله
صينيه خلتها على طبله وجابتها
يمي كالت
«،،،هذا عصير طبيعي مال زبيب دزته
خاله وكالت خلي يشربه
احمد حجه
«،،بنتج نامت
«،،اي هسه اخذها واخليها بفراشها
اخذتها وطلعت من يمنا بگلبي تمنيت هي مرتي
والي بحظنها بنتي انتبهت لاختي
صافنه عليه كالت
«،،اشرب العصير حتى تعوض الدم
«،،انطيني الكلاص
انطته اليه وطلعت سالت ابنها
«،،عمك راح
«،،اي
««،روح صيح ام يمامه
راح من يمي هي اجت وره مشوار سالت
«،،تريد شي
«،،،،هذا تعرض الج
«،،منو
«،،تعرفين على منو احجي
سكتت كملت
«،،هذا حجه وياج سوه شي مو زين
«،،،لاااا
حجيت بعصبيه
«،،يولي لاجذبين تره شفتج شلون طلعتي
من يمي بس هو طب
«،،،من السواه بذاك اليوم كمت اضوج منه
ومااحب اظل ويا بنفس المكان
«،،،جذااابه وحگ هو الله هذا متعرض
الج وانتي ماتقبلين تحجين
صرت عصبي وتحركت ليجدام جزيت على سنوني لان جرحي وجعني گضبته وكلت
«،،ااخ من خرب بيك
اجت عليه بسرعه سالت بخوف
«،،،جرحك وجعك
«،،اي من خرب باهلهم وخرب بي لهذا
جاوبت اون من وراه كالت
«،،،اروح اصيح عمو
«،،لاا
اخذت نفس طويل وذبيته كلت
«،،،انطيني مسكن شوفي بهاي العلاكه
الي يمي
«،،تمام
اخذت العلاكه طلعت شريط سالت
«،،هذا
«،،لا باكيت ازرك
انطتني حبايه شربتها وي العصير رجعت
ليوره ساند روحي
واتنفس بقوه
«،،بيك شي
فتحت ادحك عليه بقلق وخوف كلت
بگلبي
«،،بيه انتي ومااعرف شلون راح اطيب
منج
«،،لاا
ثائر طب هي طلعت من يمنا
جنات
تفاجأت وانصدمت جبيره من عرفت استاذ ارشد
هو نفسه ابن الشيخ الي رادني من زمان
واني رفضته
احجي وي روحي
شنو هالصدفة الغريبة
الي خلتني أنقل بنفس المصرف
الي هو مديره
من أول يوم شفته بي مافهمت سبب
نظراته برودته سكوته
ما رد السلام،،،،، وما ابتسم ولا جامل
تعامله وياي كان قاسي بارد
بس هسه عرفت السبب
جان گلبه شايل عليه
ما نسى إني رفضته
بس كلشي تغير
من عرف إني تطلكت
تعامله اختلف
نظراته صارت مختلفة، نبرة صوته أهدأ
حتى صار يساعدني بلا سبب واضح
بس أني رفضته
ما أريده لا هو ولا غيره وكلت راح يعرف
حده،،،، وراح يسحب روحه مني
ويبطل يحچي بهذا الموضوع
بس هو فاجأني وره كم يوم من جنت بيتي
وره العشه بساعتين اختي خابرت
كالت
«،،،افتحي الباب جايه عليج اني
وابراهيم
«،،هلا بيكم
سديت الخط كلت
،،،يوسف روح افتح الباب اهلك جايين
علينا
«،،هسه شعجب الحجي مو نايم
جاوبني وطلع كمت لبست شال وره
مشوار هي طبت وراها ابراهيم سلم وكال
«،،يوسف روح يم اخوتك هسه نجي
«،،تمام
طلع من يمنا ابوه كعد يمه اختي تباوع عليه
بنظرات ماافتهمتها سالت
،،،خير صاير شي
ابراهيم حجه
،،،هو خير ان شاء الله
سكت وكمل
«،،قبل ساعه اجاني المدير مالتج وكال
هو رايدج على سنه الله ورسوله
تفاجأت وضجت كلش من تصرفه لان كتله مااريدك
وهو اجه وحجه ويا
كمل
«،،اني الصراحه ماعرفت هو ليش اجه عليه
وماراح على اهلج بس افتهمت
منه هو يريدني اوكفله
بهل الشي
مارديت كمل
«،،الرجال مايعيبه شي انتي تعرفي مديرج
وشيخ ابن شيوخ واهله معروفين
بالمنطقه وعشيرته
كلش جبيره
«،،شيخ ولا مدير ،،،مااريده
اختي باوعت لرجلها وردت
«،،،،،جنات لاتستعجلين بالرفض تره الرجال
خوش وابن ناس وانتي تعرفي وتعرفين اخلاقه
واجه وشاريج بالغالي
رديت بغضب
«،،،مااريد ازوج لا هو ولا غيره وسدوها
لهاي السالفه وكولو اله خلي
يشوف غيري
ابراهيم رد
«،،جنات لاتستعجلين بالرفض فكري زين انطي
وقت لروحج ولاتخلين تجربتج وي
كريم تاثر عليج
روحي انمردت من كال اسمه درت وجهي
منه مخنوك ودمعتي بعيوني اختي
كملت
«،،يولي الرجال رايدج وعرفنا منا هو نفسه الي
تقدم الج من زمان بس حظج الاسود
خلاج ترفضي اله وتقبلين
بهذا الي طلع فد
واحد حقير
ونذل
«،،وشمدريج هذا هم مايطلع مثله
جاوبتها ودمعتي نزلت ردت
«،،لا مو مثله لان اجاج اكثر من مره
ومبين علي يحبج ورايدج
«،،اي كريم هم جان هيج
سكتوا كملت
«،،اني شلت فكره الزواج من راسي جربته مره
وجان ماعندي حظ بي وماعندي
استعداد اجربه مره
اللخ
«،،ولج بابا هذا مو مثل ذاك
«،،شمدرريج داانيه
صحت بيها وكملت بغضب
«،،انتي تعررفي
ابراهيم حجه
«،،على كيفج جنات لاتصيحين ولاتصيرين
عصبيه تره والله احنا جايين
ونريدلج الخير
كمت ابجي اختي اجت كعدت يمي وكالت
«،،ولج ليش كمتي تبجين وعلى منو على
بشر مايسوه شوفي رجع مرته واجاه ولد وعايش
حياته وانتي لحد هسه تبجين
علي
«،،كافي دانيه وسدي السالفه
«،،،لا ابراهيم خلي تفهم الحياه ماتوكف على
احد ولازم هي هم تشوف نفسها
بلكي من تزوج غيره يصير
عدها جاهل
«،،ولج ماااريد ازوج ولا اااريد جاهل
افهمي هالشي عاااد وعوفيني بحالي
صحت بيها ابراهيم كال
«،،لاصيحين واهدأي هي مو غصب اني اردله
خبر واكله انتي ماتريدي
اختي سكتت ماحجت شي بس جانت مبين
مو راضيه بنفس الليله هو اتصل
مارديت اجت رساله
على الواتس
«،،جاوبي وخليني احجي وياج
اتصل جاوبت بعصبيه
««،اانت شتريد اشتكي عليك يم الوزاره
واخليهم يوكفوك عند حدك
«،«روحي ذاك الدرب
جاوبني بروده وكمل
«،،اشتكي يم اكبر راس اني مايهمني
انهديت بي
«،،انت شنو بلا احساس ماتفهم اني
رافضتك ومااريدك فهمني ليش اجيت
على رجل ااختي وطلبتني منه
«،،لان گلبي الطايح حظه بعده يحبج
رد بعصبيه وكمل
«،،وماراح اجوز منج لو ترفضيني الف مره
««،انت صدك تحجي
«،،اي جنات لان قفلت عليج هالمره عفتج
مره وماعندي استعداد اخسرج
مره ثانيه
««،بابا ااني مااريد ازوج غصب تريد
تاخذني
««،اي غصب رضا اخذج كتلج قفلت عليج
واخذج اخذج وهاي كلمه رجال
كول وفعل
«،،والله انت مو صاحي
لا صاحي وعاقل وكاعد احجي من عقلي
وگلبي وكلت واعيد انتي اليه
«،،اني مو الك ولا راح اصير وهالشي اني
متاكده منه ولاتعب روحك روح شوفلك وحده
غيري
حجيت هيج وسديت الخط وره لحظه
اجت رساله
«،،وحگ هو الله غيرج ماراح اخذ وكلمه
شيوخ هااي وكلمتي دستور
صفنت على كلامه مصدومه منه ومن الي
كمت اشوفه منه واسمعه انگلب
واحد ثاني من اعترف
بحبه اليه
كلامه مااخذته بجديه لان اعرف بروحي اني
مستحيل أقبل بي ،،،لان السواه بيه كريم
خلاني افقد الثقه بجنس الرجال
وسد نفسي من عدهم
انجرحت مره وماعندي
استعداد انجرح
مره ثانيه
وهم جنت خايفه لا ازوج مره ثانيه ومايصير
عندي طفل وذيج الساعه من صدك
اكوم اموت لان العيب طلع
بيه اني
جان لازم ادوام وشلت هم لا يدز عليه ويحجي
وياي بنفس الموضوع بس دوامت
ومادز ولا شفته عرفت
بعدين هو طلع
لبغداد
«،،،جنات بيج شي
صفنت على اسماء من سالت كملت
«،،شبيج احسج مو على بعضج
جنت اريد احجي اطلع الي بگلبي وحجيت
الها الصاير تفاجأت وكالت
«،،صدك تحجين استاذ ارشد
طلبج للزواج وانتي رفضتي
«،،اي
«،،ولج لييش رفضتي
«،،تسأليني اسماء وانتي تعرفين الي بيه
هبه طبت سگتنا وماكدرنا نحجي بالموضوع
من وره الشغل كالت من طلعنا
«،،العصر اجيج ونكعد نحجي
«،،هلا بيج
واجت وكعدت وياي اني واختي وعرفت منها
هو نفسه الي رادني من زمان
حجت
«،،جنات انتي شبيج شلون رفضتي واحد
مثل استاذ ارشد وانتي عرفتي
هو رادج من زمان وذبح
روحه عليج
مارديت اختي كملت
«،،مخبله وماعدها عقل وحرامات والله
يروح من ايدها لان مبين يحبها وميت عليها
،،،اي رفضته اكثر من مره وهاج شوفي
اجه وهم رادها
ساكته وهن يحجن اسماء كملت
«،،يولي راجعي نفسج ولاتستعجلين
بقرار الرفض
«،،وهي رفضته ودزت هم رفض وي ابراهيم
اختي ردت بقهر اسماء صاحت
«،،ولج لييش والله حرامات هيج واحد يروح
من ايدج
،،،خلي يروح اني مااريد ازوج
«،،من ورة كريم موو
اختي ردت بعصبيه جاوبت بدموع
«،،افهمو عليه اني مااكدر ازوج كرهت اسم الزواج
وكرهت جنس الرجال فقدت الثقه
بيهم وكمت اخاف لا
هم اسلم گلبي
لواحد وانغدر
منه
اختي رادت تحجي اسماء اشرت الها
وكالت
«،،جنات مو كل الرجال مثله هو خان بس مو
الكل يخون اكو بيهم يخافون الله بينا
وانتي شفتي ابراهيم
رجل اختج شفتي
عماد وغيره
هوايه اهل للثقه ويخافون الله بالمره
يعني لاتحكمين على الكل من
تجربتج وي كريم
اختي حجت
««،ولج انتي لازم تنسين وتعيشين حياتج
حالج من حاله شبيج تره بعدج حلوه وصغيره
وعندج شهاده والف واحد يتمناج
«،،اي وهذا شيخ ابن شيوخ رادج من زمان
وبس عرف بيج تطلگتي اجاج
ورادج واكلج اخذي
ولج اقبلي بي
واكسري خشم لذاك الحقير
وخشوم اهله ويا
ظلن يحجن وياي ويقنعن بيه اقبل بي
واني رافضه فكره الزواج
غاده
الحمد لله مرت ايام وحمل رانيه استقر
ووضعه صار احسن كاعده يمي بالمطبخ تثرم
زلاطه واني اگلي كباب
كالت
«،،تعرفين اخر الاخبار
«،،ههه خير شسامعه ولج
«،،كوثر اجوها خطابه
«،،يا منو ياتعيس الحظ
«،،هههه
خربت ضحك وجاوبت
«،،واحد جبير بالعمر يطلع عمره بالخمسين
مزوج اثنين ويريدها الثالثه
«،،اي وقبلت بي
«،،لا بس عمي يريد يجبرها علي
«،، اكلج هو رجلها قفل مايرجعها بعد
«،،،ولج المن يرجع الزلمه خطب بنت خالته
فكيت عيوني وصحت
«،،،صدك تحجين
«،،،اي وعرسه هذا الخميس
«،،،لا يالحمزه
«،،،هههه
خربت ضحك هو طب سال
،،،ها خيرج اشوفج تندهين باسمي
«،،لا هيج مو يمك سوالف نسوان
ابتسم ورد
«،،سوالفجن ماتخلص
«،،وانتو عيني شكو مضغوط من سوالفنا
«،،ههه لا بويه مو مضغوط
«،،عبالي
رديت مبتسمه اخذت كبابه وخليتها
بحلكه كلت
«،،طيب مو
«،،مالح
«،،ههه حتى يغزر
رانيه خربت ضحك رد
«،،هي گوه مااكدرلج يالعرمه
جاوبني يضحك وطلع من يمنا حجت
مبتسمه
«،،ولج والله محد كدر لابو جمره غيرج انتي
يالقزمه
«،،على اساس انتي من طولج هو اني
وياج جنا نص اخمس
«،،هههه هم صدك
جعفر طب شافنا نضحك ابتسم
وسال
«،،خير اشوفجن تضحكن
«،،،سوالف نسوان
هي ردت علي كال
«،،،سوالفجن ماتخلص
فحطنا من الضحك من رد نفس رد
حمزه رانيه فرفحت لزمت
بطنها وكالت
،،،يمه راح اموت من الضحك
،،ااسكتي بويه تره هو معلك ببب
سكت وانتبه هي رادت تموت من الضحك
فشل وطب لجوه كالت تمسح
بدموعها
،،،ولج اليكول ذوله توم نفس الحجي
يحجوه
«،ههه شفتي شلون جفص وانتبه
«،،ههه اي معلك بخيط
خربنا ضحك عمه طبت كالت
«،،ها يمه صار عشه الحجي
،،،اي بس اخلي لبن
«،،انه اخلي كملي تكلاه
«،،علي بعده بحظن بيبي
«،،،،اي وابويه كاعد يتسامر ويا
ابتسمت لان جدو تعلق بي هوايه وجان
يريده يمه على طول
اخذت العشه وودته اله
كملت وكعدنا نتعشه جهاز حمزه
دك طلعه من جيبه وجاوب
«،،هلا عم
سكت بعدين كال
«،،شوكت توفت قبل شويه الله يرحمها
برحمته الواسعه چا شلون لازم نروح وياهم
للنجف بس افتهم عليهم شوكت
يطلعون حتى اخذك
وي عمامي ونروح
بالدفنه الله وياك
سد الخط بيبي سالت
«،،منو المات
«،،حرمه عم زاهد انطتكم عمرها
انتبهت لعمه صفنت علي بيبي باوعت
عليها نزلت راسها مارفعته بعد امها ذبت حسره
وشفتها انقهرت ماعرفت شنو
السبب هو كال
«،،جعفر حضر روحك حتى نطلع من الغبشه
عليهم
«،،تمام
كملوا عشه وكعدو يم جدو يشربون جاي
سالت رانيه
«،،اكلج منو هذا زاهد
«،،،هذاامه تصير بنت خاله جدي
«،،ها يعني گرايبكم
«،،اي
«،،هو يعني شفت عمه من سمعت اسمه انقهرت
شبيها وليش تاثرت هيج
ذبت حسره وردت
«،،هذا جان رايدها وذبح روحه عليها بس
اخ من نسوان عمامي وامهن لعبن فلك
بيها وخربن خراب مو
صاير حتى ماياخذها
ويروح ياخذ
اختهن
حسنه
كعدت وكلت
«،،،ليش هن شيصيرن من امه
«،،فدعه تصير اخت عليه ام زاهد
««،هااا يعني عليه خاله برنو وسعده حمالات
الحطب
«،،اي
«،،،زين هو اخذ حسنه
«،،لااا اخذ بنت عمه
«،،شلون اخذها وانتي كلتي ذبح روحه على
عمه
«،،ابوه وامه ماجانو قابلين ياخذها هو
جان يريدله بنت اخوه وامه بنت اختها وظل
مذابح وياهم اخر شي ابوه
حلف علي يمين اذا
ماياخذ بنت اخوه يتبرى منه ويحرمه
من الورث
«،،وهو بسرعه قبل وازوج بنت عمه
«،،هو جان هالواحد لاهله وسمعت من امي
ابوه راد ينطي املاكه كلهن لاخوته اذا
ماسوه الي راده منه
وكثرت المشاكل
والاوادم كامت تعيبه وتحجي
علي وازوج بنت عمه
«،،يعني الخراب اجه من الصفحتين
«،،اي بس اذيه امه ونسوان عمامي وامهن
جان اكثر لان حجن عليها وفضحهن
بالبيوت على هي عاشگته
وراكضه وراه
انقهرت كلش عليها وعيوني غوركت
سالت
«،،،وهي من وراه ماازوجت لحد هسه
مو
،،،اي ظلت تحبه وماكدرت تقبل باي واحد
من الي اجوها
هي طبت شايله صينيه الجاي مبين
عليها القهر خلتها على الكاونتر
وطلعت كلت
«،،شوفيها والله مقهوره كلش
«،،اي لان مانسته ابدا
كملت شغل افكر بيها رانيه راحت وي جعفر
لبيتهم مشيت لغرفتي طبيت سبحت ولبست
دشادشه قصيره ودلعه
سويت جذيله صفح
ورشيت من
عطري
افكر بيها عمه حلوه حنطاويه وعيونها
كبار ووجهها مدور وعدها رصعه بالحنج
رشيقه مو سمينه ولا مبين
عليها عمرها بالاربعين
تبين اصغر لان هي ناعمه شعرها اسود
وطويل اكثر من مره حنيته الها
وانعجب بي
حمزه طب شايل علي ابتسم والعيون
توگحت كال
«،،،جاي تتحارشين هوايه هالايام
«،،،ابطل مااتحارش
«،،ههه لا ازعل
«،،چا اكعد واسكت لا اطنكر عليك
وبعد ماتشوف لا احمر
ولا دلعه
اخذت ابني منه باسني من جتفي وشمني
بنفس طويل كال
«،،،،بس انتي اضعف جدامج واضيعن
ياجمره گلبي
بسته من خده حظني اني وعلي لصدره
يتفرس بملامحي بشوگ ولهفه
«،،انتو اغلى اثنين عندي
«،،،هههه واذا صرنا ثلاثه اربعه خمسه
«،،،نفس الغلاه لان انتي امهم
جاوب وكام يبوس بيه بلهفه ضعت
ودخت ابني صاح فزيت هو
خرب ضحك وكال
«،،خرب اهلك طيرت ام اللحظه
«،،ههه مو جديده علي
«،،هذا يغار مني
««،ههه نعم
«،،لا والله احسه يعرف من اكضج ويصيح
من غيرته
خربت ضحك كعدت ارضعه وجاوبته
«،،هو طفل وين يفتهم هالشي
سكتت وكملت
«،،بس لاا هذا ابنك وطالع عليك مفتح باللبن
خرب ضحك غمز ورد
«،،هذا الشبل من هذا الاسد
ابتسمت كال
«،،اروحن اسبح الحر موش طبيعي هالسنه
«،،علكت هدومك بالحمام
خوش نيمي هذا الشبل خلي عاد الاسد
ياخذ راحته
«،،،ههه سمعك ماراح ينام
«،،،اعلكه بالبنكه اذا مانام
«،،سمعت علوش ابوك هدد نام لا يعلكك
بالبنكه
ملتهي يرضع بسرعه كلت
«،،يمه فدوه جوعان بعد ماما ارضع
الما تشبع
حجه بضوجه
«،،اي وخلي ابوه مشحون
«،،حمزه اكمل ابنك والتهي بيك
«،،اي مو اني رقم اثنين بحياتج
«،،،لا واحد
«،،ماجاي اشوف هيج لان بس تشوفين
ابنج تنسيني وتلتهين بي
«،،انت شتريد تتعارك وياي
«،،لا اريدج شويه تحسين بيه
«،،حمزة طب حمام وكافي تزعل براسي
«،،طاب ومو ميت عليج التهي بابنج
وخلي يفيدج
رد بزعل طب للحمام كلت والله اليوم
الا اخبله واشوفه شلون مو ميت
عليه التهيت ارضع
ابني هو طلع
زعلان اجه
تمدد ودار روحه من عندي ابتسمت وكلت
بگلبي بسيطه اني الك اعلمك شلون
تزعل عليه وادير ظهرك
ابني نام كمت خليته بفراشه طفيت الضوه
وشغلت ضوه الاحمر رحت للكنتور
طلعت سيت نوم اسود
مقسم وبي فتحه على طول الرجل
نتر
«،،ماتجين عاد تنامين
نترت
،،،ماعليك بيه
سكت اخذت جنطه المكياج طبيت
الحمام لبسته وخليت مكياج
طوخ وفليت شعري طلعت هو نفس
وضعه رحت اخذت جهازي وعلكت اغنيه
اسمر والعيون وساع جتاله
كعد وصفن علي مشيت اتمايل كدامه
اخذت شال من الكنتور شديته
وكمت اركص بهداوه
قربت منه اهز
جتفي واميل علي
راد يلزمني ضحكت وسحبت روحي
منه رجعت ليوره عاضه شفتي
واهز بركبتي
كام لحيله والعيون توكحت والخلقه
تضحك مد ايده اليه رفعت
جتف وكلت
«،،ماا
ظل واكف وحسيت ضاع بحركاتي
وداخ ماتحمل الشافه مني واجه بسرعه
عليه حظني وشالني لفوك
خربت ضحك وكلت
«،،مو كلت مو ميت عليج
كام يبوس بيه بجنون يهذي
«،،جذااب انه
تخبلنا بذيج الليله وسهرنا للصبح حاظني
يردد
«،،تعرفين نقطه ضعفي
«،،ههه اي اني
«،،وراضي والله اضعفلج الج بس
ليلى
كاعدين على العشه اسمع قائد يحجي
وي بابا على سالفه مهيب
وشلون ماقبل يفضها
عشائريا وخلوها
بايد القانون رد
«،،زين ماسوه لان مثل ذوله راح يتمادون
باذيه الناس مادام يعرفون يحلوها
بفلوس
«،،،اي هو شطلع عينهم غير سوالف الديه
والفصل عادي يروحون يكتلون واحد
ويكعدون يزايدون بدمه
ماما حجت بابا كمل
«،،،مع الاسف بعض الشيوخ هي الي شجعت
على هذا الشي وصارت حجياتهم فوك
القانون
«،،اي صح اذا الجبير مايحترم القانون
الصغير هم راح يسوي مثله وطز بالقانون
قائد رد وكمل
«،،مهيب قفل هو واهله وشيخ عشيرتنا
اجه هو وابنه وكعد وي شيوخهم
وصارت جبيره بينهم لان
شيوخ اهل امه تخبلو من كامو يزايدون
بدمه وعلكت بينهم وحلفو بعگلهم
هم وشيخ تميم ماياخذون
فلس واحد والا ينسجن
الي ضربه
«،،،حيل بيهم وابو زايد تايهه الناس الهم
ماما حجت وسالت
«،،،بس خما علي خطر
«،،لااا لان تهددو اي شي يصير علي هو واهله
ينلعب بيهم طوبه من عشيرتنا وعشيره
اهل خاله زينب
«،،اكلك ابو علاوي هم من نفس عشيرتك مو
خزرني ابتسمت رد بنتره
«،،اي
«،،الحمد لله
بابا حجه وكام هو هم لحكه ماما سالت
«،،هاي شبي خزرج
«،،ههه يضوج من اكول لصديقه ابو علاوي
ابتسمت وردت
«،،ولا جوزين منه الا اضوجي
«،،ماعليج ماما هو يحب اضوجه
«،،قصدج تجفصين بطنه
«،،ههه اي
«،،انزول على عدوج
ضحكت ووكفت اجلف المواعين هي تساعدني
كملت كلشي وصعدت قبله لغرفتنا كعدت
على الجربايه هو طب العيون
تضحك كلت
«،،بختك جبير يم خالتك بس ادافع عنك
كعد يمي وجاوب
«،،اي غير تعرف بنتها وكحه وام لسان
««،اني والله فقيره
«،،اي نعم اريد ان اصدك
«،،ههههه
خربت ضحك كال
«،،خلي اخابر مهيب اشوفه شلونه
اتصل السماعه جان عاليه وسمعته
جاوب
«،،هلا قائد
«،،ها ولك شلونك اليوم
«،،،الحمد لله احسن
«،،يستاهل الحمد
جرحك بعده يوجعك
«،،اي والله من اتحرك جثير يوجعني
ورجلي هم اجر بيها من اكوم
«،،خرب حظك تصنفت وصارت بيك
اكثر من علع
««،ها ولك هم صرت مثل ذاك الجلب
««،،ههه اي صرت وي حسين
«،،،جنت عايز اني حتى تطبك ويا
سمعته كال
«،،،تفضل
وراها صوت بنيه سالت
«،،شربت دواك
«،،لا ام يمامه
«،،،اترخص مهيب ومابيك غير العافيه
«،،،تسلم اخويه ومر عليه انت وذاك
تك اللخ
«،،ههه ادلل بس تحملنا من نجي
«،،،شسوي ابتليت بحبكم
قائد سكت وابتسم رد
«،،يله اروح وامرلك ولك باجر واني
تگي اللخ
«،،كل الهلا بيكم
«،،في امان الله
«،،،الله وياك
سد الخط وصفن سالت
«،،،شبيك اشو صفنت
«،،مهيب يحب البنيه الي تشتغل عدهم
«،،صدك يعني هو گلك
«،،لااا بس اني عرفت من تصرفاته وكلامه
عليها
«،،ومايكدر يحجي لان تشتغل عدهم
«،،لا مااعتقد هالسبب لان هم رغم الله منطيهم
خير جثير ماعدهم هاي نظره التكبر
«،،زين ليش ماحجي يكول اريدها
«،،البنيه ارمله ليلى وعدها بنيه
«،،يا صدك تحجي
«،،اي ويجوز هذا سبب تردده وهم اهله راح
يرفضون ياخذوها اله من وره وضعها
«،،،بس هو يحبها
«،،اي يحبها كلش واهله هم يحبوها وحاسبيها بنتهم وهي صاحبه فضل عليه وعليهم
لان انقذته مرتين وابن اخته مره
ثالثه بس ارجع اكلج هم
يريدون اله بنيه
«،،،،وهو شيريد
«،،،مااعرف دخت وي هالولد اساله تحبها يكول
لاا واعرفه كاعد يجذب لان محور كلامه
كله عليها
««،اي سمعته لمح الها من كال ابتليت
بحبكم
ابتسم وسال
«،،وين سمعتي ولج
«،،هههه السماعه مال جهازك صوتها عالي
«،،خوش كلتي حتى انصي الصوت
«،،ليش شعندك ااستاذ قائد حتى تسوي
هيج
قائد
شفت العيون كامت تلمع من الغضب
والوجه صار دم وكلت راح نتخارب
واكل تبن
«،،تره جاي اشاقه يمعوده شبيج صايره
ماتحبين شقه
،،،بهيج شي مااحب الشقه
دارت وجهها زعلانه ملت عليها وكلت
«،،اموت عليج من تغارين عليه
«،،اسكت واشتري روحك
««،سكتنا يابه حكم القوي على الضعيف
الوجه فك تمددت وخليت راسي
بحظنها گضبت ايدها
وخليتها على راسي
كلت
«،،فركي اليه
«،،جاي تدلل براسي هوايه
«،،ماعندي غيرج ادلل علي
سكتت كامت تفرك اليه سالت وره
لحظه
«،،تعبان
««،،لا مرتاح لان بحظنج
ابتسمت وباستني من خدي كلت
«،،،من الشفه ولج اجيب واعلمج بيج
ههه ادلل
ليلى
جاوبته وبسته من شفته لزم راسي وباسني بقوه كعد واخذني لحظنه فقد وكام
يبوس بجنون
بس هدأ وره لحظات من الجنون وتعامل
وياي برقه من وره وضعي بس
جنت احس بصعوبه
لازم روحه
انتهيت بايده وبادلته لهفته نمت بحظنه
كال مبتسم
«،،صايره مخبله مثلي
«،،من عاشر القوم اربعين يوما صار مثلهم
جاوبته مبتسمه وعيوني بعيونه رد
«،،واني احبج هيج ظلي مخبله بيه وخبلني
بعد اكثر
««،،لاتفرح تره الهرمون مشتغل عليك
«،،عجل ابشري كل سنه اخليج تصيرين حامل
«،،،هههه حتى من صدك اصير ارنبه
سكتت وكملت بضحك
««،وانت ارونبي
«،،والله ماعرفت روحي ياشريان گلبي مره
بسبس مره ارنوبي وخايف باجر اصير كتكوت
«،،هههه مايلوك الك لان املح اجلح مو كيوت
ولا نازك
«،،كاعده تصنفين حضرتج
رد بزعل وكمل
«،،جان اخذتي نازك عيني من ذوله جماعه
ماما وبابا واوي وفديتك ويدلعوه
سمسم وفوفو
ابتسمت وجاوبت
«،،لا مااريد هيج اريد الاجلح مالتي استاذي
الحلو
«،،يولي تره حميت
«،،هههه انت دومك حامي
«،،خلي ناخذ شوط اللخ
«،،قائد نام وكافي تدلل براسي
«،،وجان اطنگر
««،ههه اي بخشمي صارت
حظني ورد
«،،هرمونج مره وياي مره عليه بس يله
اتحمل اعرف روحي مالي
غيرج
«،،اي عفيه بالي يسمع الكلام شطور
استاذي الحلو
«،،والله انتي جاي تتحارشين بيه
«،،راح انام واصير عاقله
«،،نامي من نامت عليج العافيه
«،،هههه
خربت ضحك وولزكت بي بعد اكثر
حظني وغفينا سوه
معاذ
من ضربت زهره تندمت ندم جبير وكمت
الوم روحي لان طلعت قهر گلبي
بيها
بعدني احبها واموت عليها بس الصار باختي
خلاني ابتعد عنها بكل مشاعري
عشت وياها بنفس الغرفه
مره ورجال بس
ماكو بينا اي
شي
شكد حاولت اتقرب منها بس بلحظه اشوف
اختي شلون اخذوها غصب من عدنا
واحس بروحي كلشي مات
بيه من يمها
ذبلت والقهر غير ملامحها والحزن صيطر
عليها لان هي هم حست بالذنب من
وره السوينا باهلنا
دفعت الثمن غالي لان خسرت اهلها من وره
حبها اليه واني خسرت اختي من
وره حبي الها
جنت اسمع من امي حمزه تغير وي غاده
وشفت هالشي بالمستشفى
شفته شلون خايف عليها وصار فد مره
من وراها
وهي هم جانت مثله ادور علي وتريده بس
هو يمها ورفضت تجي ويانا وفضلت
تروح ويا
وهاي راح تصير سنه وشويه وهي مو طابه
بيتنا ولا جايه علينا ونفس الشي
زهره
جنت انقهر عليها لان شفتها شلون صارت
من ورة القهر وحسيت بروحي اني هم ظلمتها
واذيتها هوايه لان طلعت قهر گلبي
بيها اكثر من مره وهي
ساكته وصابره
بس اخر شي من ضربتها زعلت عليه زعل
ثكيل وحتى كامت تبات بغرفه
غاده
كلت اذا اختي ارتاحت وي حمزه وكلشي
تغير بينهم اني الى متى اظل
عايش وياها مثل
الاخوان
من ابتعدت عني كمت اشتاگ الها حاولت احجي
وياها اكثر من مره رفضت تسمعني
او ترجع لغرفتنا كلت خلي
اتعامل وياها بهدؤ
لان اني السبب بكلشي صار بينا
كاعد بغرفتي هي طبت شايله هدومنا
كالعاده ماكو حوار بينا
وكفت تصفط بيهن تجنب النظر اليه
سالت
«،،،الى متى نظل هيج
ماجاوبت راحت فتحت الكنتور وبدت
تخلي الهدوم كملت
«،،زهره تره اعتذرت منج الف مره وكتلج
اسف الصار بلحظه غضب
هم ماردت كملت رادت تطلع كمت بسرعه
سديت الباب وقفلته كلت
«،،تره تعبت من وره هالوضعيه
انهدت بيه
«،،ووخر وخليني اطلع
«،،ماتطلعين وامشي اكعدي وخلينا نحجي
«،،ماعندي كلام وياك ولو يرجع الوكت
واالله ماادك رجل عليك ولا اجي
واطاوعك بذاك اليوم
كامت تبجي وكملت
«،،شفت الذله من ضربتني شفتها معاذ
من مديت ايدك عليه وماكدرت اروح لاهلي
زعلانه هاي الي تشرد من اهلها تظل
مذلوله والي يسوه والي مايسوه
يهين بيها
«،،ولج اني اهلج والله اعرف شسويتي اليه
اعرف ضحيتي بيهم وبسمعتج من
ورايه بس الصار جبير
وخلاني مااعرف
شلون اتعامل
وياج
مشت من يمي كعدت تبجي رحت كعدت
يمها كلت
«،،زهره لاتبجين والله اني ندمان لان مديت
ايدي عليج باعي عليه
لزمت وجهها غمضت تشهك بالبجي
كملت
«،،ولج والله كرهت روحي من الكمت
اسوي بيج واسف واعتذر منج
بستها من عيونها انهارت اخذتها لحظني
تشهك بصوت قوي كالت
بصوت مخنوك
«««معاذ بعد لاتأذيني ااني ماعندي غيرك عفت
اهلي من وراك خسرت حمزه الي
جان اليه اب واخ جبير من
وراك انت لاتخذلني
الله يخليك
وخرت منها امسح دموعها اردد
««،تنگسر ايدي اذا بعد امدها عليج والله
زهره ماراح اخذلج ابد وراح اصيرلج اهل
وسند وامان طول
العمر
ظلت تبجي كلت
«،،كولي شتريدين اسويلج حتى ترتاحين
صفنت عليه بعيون تبجي وردت
«،،اريد اشوف حمزه اريده يسامحني هو
وغاده وجدي وحبوبه
وعمتي
سكتت لزمت ايدي توسلت بيه
«،،معاذ خابر غاده خليني احجي وياها هي مو
سامحتك وسامحت عمو اكيد هسه
راح تسامحني هم وهي تحجي
وي حمزه وتقنعه يحجي
وياي
«،،اخابرها واشوف
الوجه تغير للفرح وردت
«،اي عفيه انت احجي وياها بلكي اسمع
صوت حمزه لان والله اشتاكيت
اله واريد يسامحني حتى
ارتاح
رجعت تبجي بصوت قوي كلت
«،،كافي بجي تره تعبنا من الصار بينا
وحتى خلقتنا انگلبت
««،ماراح ارتاح الا اهلي يسامحوني على
السويته بيهم
جاوبتني بشهكه ردت اسويلها هالشي
حتى ترتاح من هدأت خابرت
اختي جنت اتواصل
وياها اسال عليها
وترد عليه
جاوبت
«،،هلا معاذ
«،،هلا غاده شلونج وشلون علي وحمزه
«،الحمد لله بخير انتو شلونك بابا ماما
خواتي
«،،كلنا بخير ونسال عليج
سكتت زهره تباوع عليه بخوف كلت
«،غاده زهره تريد تحجي وياج
ماردت كملت
«،،هي يمي وكالت اليه خابرها اريد اعتذر منها
هي وحمزه
اعتذارها مقبول وسامحتها من زمان
«،،
السماعه جانت مفتوحه وسمعت كلام اختي
كامت تبجي كلت
«،،هاج احجي وياها
اخذت الجهاز وحجت بخنكه
«،،شلونج غاده
«،،هلا زهره
«،،اني اسفه اذيتج هوايه انتي وحمزه
وخسرته غاده خسرت اخويه وابويه وسندي
بهل الدنيا
«،،هو گلبه جبير وطيب ويجي يوم يسامحج
على السويتي
«،،انتي احجي ويا بداعه ابنج بغلاته هو بگلبج
حاولي ويا خلي يسامحني واسمع
صوته والله گلبي نار علي
واريد اشوفه هو واهلي
اختنكت بالبجي وكملت
«،غاده اشتاكيت الهم وهو بالذات اكثر واحد
تاثرت بي لان كسرته
انهارت بالبجي وماكدرت بعد تحجي
اخذت جهازي منها سمعت
اختي تحجي بصوت
مخنوك
«،،عوفي هذا الموضوع عليه واني احجي
ويا
«،،تمام غاده
«،،ديربالك عليها معاذ وبعد لاتاذيها
اختنكت وجاوبت
«،اي
سمعت ابنها كام يبجي كالت
«،،يله اروح ابني كعد وكام يبجي
«،،الله وياج
سدت الخط زهره صارت فد مره ومن وره
القهر كامت من يمي تشهك
بالبجي مااشوفها
غير توكع من طولها
وتفقد الوعي
ركضنا بيها للمستشفى طلع ضغطها
مصفر خلوه الها مغذي وكعدت وره مشوار
الوجه اصفر وتعبانه كلش
جنت اريد اهلها يسامحوها وخصوصا حمزه
حتى هي ترتاح واني هم
ارتاح
غاده
انتظرت حمزه يجي من بره حتى احجي
ويا واقنعه يسامح زهره هالشي من زمان ردت
اسوي من گلبي برد من يمها هي واخويه
لان حياتي اني ويا تغيرت
بعد ماتغير هو وياي
وعرف خطأه
بس هو تاخر وصارت ساعه 12 وهو ماكو
خابرته فصل ومارد رجعت
اتصلت جاوب
بس حسيت
صوته بي
شي
«،،غاده هسه اجي
«،،تمام
ردت اسد الخط بس سمعته يحجي
«،،اي اسمعج كوثر احجي
شكرا لزيارتكم عالم روايات سكيرهوم
