رواية اغفري لي الفصل الأربعون بقلم أوتار حزينة
غاده
انتظرت حمزه يجي من بره حتى احجي
ويا واقنعه يسامح زهره هالشي من زمان ردت
اسوي من گلبي برد من يمها هي واخويه
لان حياتي اني ويا تغيرت
بعد ماتغير هو وياي
وعرف خطأه
بس هو تاخر وصارت ساعه 12 وهو ماكو
خابرته فصل ومارد رجعت
اتصلت جاوب
بس حسيت
صوته بي
شي
«،،،غاده هسه اجي
«،،تمام
ردت اسد الخط بس فزيت من سمعته يحجي
«،،،،اي اسمعج كوثر احجي
كلت
«،،،،هااي شعدها ويا بهل الليل
وهل الساعه
حجت
«،،انت تعرف انه تطلگت من وراك لان عيرت
صاحب بيك
رد بغضب
«،،وانتي منو كلج جيبي سيرتي يمه
حتى تطلكين
گلبي لعب منها وگلت خلي اسجل المكالمه لان هذوله مايجي منهم غير بس المصايب
والمشاكل سمعتها كالت
«،،،حمزه انه ماكدرت اعيش ويا لان تندمت
من رفضتك وظليت الومن بروحي
لان ماخذيتك
الك
«،،،اكلج بلا حجي ماصخ وامشي منا وكفتنا بهل الحديقه غلط وبعد لاتجين ولا تشوفيني خلقتج
كافي السويتي انتي واختج وذاك
العار اخوج بحرمتي ومو ناسي
والله وگاض روحي
منج گوه لان اگولن حرمه وبنت عمي
وعيب امد ايدي عليج
مشيت،،،، بسرعه من عرفتهم بالحديقه الي
وره البيت طلعت من باب المنور
اسمعها ادكول
«،،انه ماسويت شي الصوج من بتول ومارضيت
الها والله لا هي ولا عباس
صرت مسافه عنهم ختلت وره شجره اشوفهم واسمع كلامهم بالجهاز كملت بتوسل
«،،حمزه لاتخليني اروحن لهذا الشايب انه والله
احبك وراضيه اصيرن الثانيه وخدامه
الك
رد باستهزاء
«،،ولج المن اخذ انتي الي ردتج وتكبرتي
عليه وكلتي مااخذ واحد مشوه
ويلعب النفس
ماردت علي كمل
«،،،ماكلتي هيج ماحجيتي هالكلام
«،،تندمت والله
لا مو ندم هذا اعرف شتريدين تريدين
فلوسي يبنت العم بس اكلج شي
انه ربي عوضني عن الشفته
منج ومنكم كلكم من
انطاني بنيه خلقه واخلاق
وعدها شهاده صح بديت وياها غلط بس
كلشي تغير من عرفت بروحي انه
عشكتها عشگ جبير وحبيتها
اكثر من روحي
سكت وكمل
«،،،وهي الاولى والاخيره لا قبلها حبيت
حرمه ولا راح احبن غير غيده
نترت بي
«،،،مو حبيتني اليه ليش اجذب
«،،جنت عدالي احبنج بس طلع اعجاب زلمه
بحرمه والحمد من رفضتيني لان انتي
ماتلوكين اليه
«،،،اي تلوك الك ام الملاهي
«،،ااانجبي ولج
بلحظه شال ايدها وضربها انصدمت
بس صاحت بي
«،،،،تضربني حمزه
«،،واكسر راسج اذا بعد جبتي سيره حرمتي
فكيت عيوني من عاطت وشگت دشداشتها
هو انهذل صاح
«،،،،ولج شكاعد تسووين
ذبت شالها ونثرت شعرها تصرخ
بعالي الصوت
«،،الحكوني يبووو حمزه يريد يعتدي عليه
عرفت شتريد مشيت بسرعه عليها اصرخ
«،،،وولج برررربوك شتريدين تبلين
رجلي بيج والله اليوم الا العب بيج طوبه
نزعت نعالي وهجمت عليها جريتها من
شعرها ودك بي ،،،تخبلت وفقدت
عليها لان رادت تبلي
بشي جبير
صارت هوسه يمنا هو يجر بيه افلت من
ايده اكتل بيها ملختها رغم هي اضخم مني
بس كتلتها وعضيتها من زندها عضه قويه
خليتها تصرخ وهي مفرفحه
«،،،وولج كافي
حمزه صاح وشالني منها
«،،،عوووفني خلي اااربيها لهاي الساقطه ام
الرجاااال
«،،،،ولكم شكو شصاير
حمزه
رديت لبيتنا نزلت من سيارتي ردت اطب
سمعت صوت ندهني جانت كوثر بنت عمي كلت هاي شجابها لهينه بهل الساعه مشيت الها شفتها مشت للحديقه الوره البيت وكفت تعاين عليه
كلت
«،،،شبيها هاي وليش جااي بهل الساعه
رحت الها وصلت كالت
«،،،اريد احجي وياك بسالفه
«،،امشي لجوه يم جدي
درت روحي كالت
«،،حمزه اانه اريد احجي بس وياك
لان اعرف جدي ماراح يسويلي شي
عاينت الها وكلت
«،،خير احجي اسمعج
جهازي دك عفته فصل ورجع اتصل
طلعته من جيبي جانت
غاده جاوبت
وعدالي سديت
الخط
تفاجأت بكلامها وشفتها شايله الخجل فد
مره ضربتها لان حجت على غاده
طرت سترها وكامت
تصرخ ماتصورت
هيج تسوي
وعرفتها رادت تبليني بيها
بلحظه شفت غاده هجمت عليها وجتلتها
اكضها تفلت مني وترجع تملخ
بيها وتفشر فشار
اول مره اسمعه
منها
الكل التم يمنا جدي حبوبه عمتي
وجعفر وحرمته گوه گضيتها بعد ماعضتها
عضه قويه خلتها تفرفح
وتصرخ من خذيتها
تفلت عليها
وصرخت
«،،،هااااي بنت ابنك البربوك اجت وذبت روحها
على حمزه ومن رفضها شكت هدومها
تريد تبلي بيها
الكل انصدم هي صرخت تستر بروحها
«،،،جذااابه هو
كلي عندي سالفه وياج تعالي نحجي بالحديقه
جدي صاح بيها
«،،ولج بهل الساعه تجين وتريدين تحجين
ويا
كامت تبجي وصاحت بيه
«،،هو دز عليه
«،،،انه ولج لو اانتي الي اجيتي وشفتج
بالحديقه وكلتي عندي كلام وياك
«،،جذااب والله هو دز عليه احلف بالقران هو
خابرني وكلي تعالي اريد
احجي وياج
«،،،رررقيه ااخذيها لجوه واستريها
الحجي صاح بغضب
«،،امشي ولج حمزه ماعنده هالسوالف
عمتي حجت بعصبيه واخذتها لجوه
«،،ولكم عوووفني عليها هاااي تريد
تاخذ رجلي مني
غاده تصرخ وتريد بس تفلت من ايدي
وانه حاظنها لصدري ماكدرت اهدها شلتها
واخذتها لجوه تصيح وتضرب
برجليها على رجلي
«،عوووفني خلي اگتلها لهاي الدايحه ام
الرجال
«،،ولج كافي ااسگتي
خليتها بالغرفه هدت تريد تطلع سديته
بسرعه ووكفت يمه صحت
بخبال
«،،كافي ولج وخليني اعرف اتصرف
«،،ووخر خليني اروح ابرد گلبي بيها لهاي
البربوك الگحبه الي فلفلت عليك
وعلى فلوسك
«،ووولج كافي من خرب بيج وبيها
ابني كام يبجي بصوت قوي فتحت الباب
اجت تصرخ
«،،،اااني اعلمج ساااقطه اذا ماذبحتج
ااني مو غاااده
«،،رااانيه
صحت گاضها بقوه
«،،هاا حمزه
«،،رحمه لاهلج تعالي اخذي علي تخبل من العياط
گضيت غاده شبعت رفس وضرب رانيه
اخذت ابني وطلعت بسرعه شلتها
وخليتها على الجربايه
فزت تصرخ
«،،عووفني خليني ااربيها هااااي ناقصه
تربيه ااالي اهلها ماعرفو يربوها
«،،كااافي
صحت بصوت عالي حبوبه طبت غاديه
فد مره وراها عمه سمعت
صياح ابوها واخوتها
كلت
«،،ااياج تطلعين او اسمعلج صوت
حجيت جاز على سنوني كامت تنهد بقوه
والوجه غده دم تخزر والغضب
تارس ملامحها
،،،ابقن يمها مااريدنها تطلع ولا اشوف خيالها
طلعت امشي بسرعه رحت للمجلس عمامي
كلهم جايين هي مستوره بعبايه وتبجي قاسم هد
عليه هو ونااصر عمي مهدي وولده وجعفر وجدي
وكفو بوجههم صاحوا
«،،،هي هاااي المرجيه منك ادز على اختنا
وتريد تعتدي عليها بيتك
«،،،اختكم جذابه واحلف بالقران هي الي
اجت برجلها عليه ورادت تحجي
وياي بسالفه
«،،جذااب هو خابرني وگلي تعالي
عليه انه رايدج احجي
وياج بسالفه تخصني
اني وياج
لميت قبضه ايدي بقوه خزرتها ورديت
«،،،انه ولج الي دزيت عليج لو انتي اجيتي
بهل الليل وردتي تحجين وياي
«،،،لا انت
صاحت بيه وحجت وي ابوها
،،،،بويه والله هو دز عليه ولا انه شعندي
اطلع بهل الساعه واجي لهينه
لو ما هو يدز عليه
«،،وليش ما كلتي لابوج حمزه دز عليج
عم مهدي حجه ردت
«،،هو گلي لاتحجين لاحد
«،،جذابه ولج وهذا جهازي شوفو اذا متصل
عليها
دورته بجيبي ماكو اتذكرت بنص الهوسه
شمرته من ايدي كلت
«،،علي شوفه بالحديقه
«،،خوش حجه كول انت جذاب وردت
تعتدي على اختنا
قاسم صاح وهد عليه جعفر گضه هو وعمي
مهدي جدي صاح
«،،ااانجب ولك تطلع منك انت واخوك
العار وماتطلع من حمزه
كمت اغلي من الغضب صحت بي
«،،،ولك شغل مخك ااانت وذام اخوك
الي يريد يعتدي على حرمه يجيبها
لبيته واهله بي اااختك هي الي
اجت وحجت حجي ماصخ
ومن ردتيها سوت
هالشي وانه
اعرفها ليش هيج سوت
عاينت الها اخزر بكره وحقد وكملت
«،،ولج مو عليه هالسوالف تره اعرفج شتريدين
«،،،وشترررريد منك احجي كووول
خلي نفهم شنو بينكم
ناصر صاح صحت بي
«،،لاااتصيح ولك لاااجي ادفنك انت
واخوك بهل الگاع واذا بيكم خير گضو اختكم الي
اجت عليه بهل الليل وتريد تذب
بله براسي
امها طبت تصرخ
«،،ولك ياااالما تستحي يالما عندك غيره
شلون ادز على بنتي وتريد
تصخمها
«،،،ااش ولا جلمه
جدي صاح بيها صرخت
«،،تريديني ااسكت يالجبير تريد اطم سالفه
ابن علي وتمشيها علينا وهو راد
يصخم بنتي
«،،بنننتج هي الي اجت عليه
صحت بيها كوثر ردت تملخ بوجهها
«،،جذاااب هو كلي تعالي عليه جيبوا القراااان
احلف بي
«،،جدو ااسمع انت واهلها كلام هاي
الشريفه
درت وجهي من سمعت صوت غاده قربت
يمي شايله جهازها صحت
«،،،رروحي منااا
نترت بيه
«،،،مااروح واسمع الي سجلته
سمعت الحجي الي صار بيني وبينها
والكل سمع عمي وولده والخبال
دك بالراس
قاسم جرها من شعرها للباب ناصر يضرب
بيها جلاليق امها تصرخ تريد تگضهم
ماتكدر ابوها يضرب
وياهم
محد فگها من عدنا واخذوها بفضيحه بعد
ماردات تبليني انه بفضيحه جدي
راد يطيح جعفر گضه رحت
علي بسرعه كعد
يتنفس گوه
«،،،جيبووو مي بسرعه
كعدت يمه اصيح
«،،،وولكم والله اذاا صار بي شي
الا ااحرك بيوتكم فوك رااسكم
اشر بايده ورد بتعب
«،،،مابيه شي
«،،،هاك المي حمزه
اخذته من عمتي شربته وغسلت وجهه
عمي مهدي يروح ويجي يمنا وصاير فد مرة
حبوبه كاعده تضرب على رجلها
وتردد
«،،،،حسبي الله عليج ام الطلايب هجمتي بيتج
وانداريتي على حمزه تريدين تاخذي
من حرمته وتهجمين بيته
«،،سود الله وجهها ووجه ابوها وياها
جدي جاوب بخنگه وكمل
«،،ولكم شنهي من بزر لا الولد بي خير ولا
البنات كلهم مايجي منهم غير
البله والطلايب
«،،ترباة برنو حجي وهاي شفتها شسوت
اجت تريد تبلي حمزه حتى ياخذها فوك حرمته
«،،تحلم والله تاخذه مني
عاينت لغاده من ردت بعصبيه وكملت بصياح
««،والله اذا بعد شفتها هنا الا اخلي سجين
بگلبها وخلي شيريد يصير
خلي يصير
حجت هالكلام وطلعت من يمنا
الجو توتر اسمع عمي مهدي يحجي عليها
ويغلط هو وحبوبه وعمتي
انه جنت ساكت بس صاير نار مااريدن
اتصرف تصرف جبير وننفضح
مره ثانيه بالديره
عمي مهدي
سال
«،،انت زين بويه
«،،الزين راح وسكن الگبور وظلو حشه مهدي
بس العارات هم وبزرهم
رد بقهر وقصد ابويه شفت عيونه
دمعت كمل
«،،ماخلاه البين اليه خذاه من وكت
الجنت اتحزم بي
«،،انه حزام ظهرك بويه وسندك طول العمر
هز راسه ورد
«،،ومحد مخليني گاض الدنيا بسنوني غير انت
يبعد جدك
حجها بخنگه وكمل
«،،وجهك ابيض والله برئك بنفس الحزه
وسود الله وجه كل واحد يحجي
عليك ولبسه ثوب العار
«،،امين يارب
حبوبه حجت وهي تبجي كلت
«،،شاسوي الهم كولو غرب هم حتى اروحن
اخلي جيله براسها هي وذاك
اخوها العار
سكتت انهد من غضبي كملت
««،اذا سويت هيج راح نخلص من حلوك الاوادم
لا راح ننفضح ويكلون لوما بيها شي
ماجتلها ابن عمها
جدي رد
«،،،اي وترجع ذيج السالفه الي حنا نريد
الاوادم تنساها
«،،،اخ ياربي الله بلانا بنسوان غضب من
نعل صفحتهن وصفحه كل وحده
مثلهن
«،،،ياربي شنهي هالدنيا الغبره منين ناخذ حذرنا من الغريب لو من واحد من دمنا ولحمنا
عم مهدي حجه علي طب وكال
«،،،حمزه هذا جهازك
خذيته منه عمتي اجت وحجت
«،،،كوم على حرمتك صارت فد مره
«،،،كوم بويه وروح عليها هاي هم ابتلت
ويانا وهي لا ذنب ولا صوج
جدي حجه كمت وطلعت من يمهم
رحت لغرفتي طبيت تروح وتجي وغاديه
نار اول ماشافتني صاحت
«،،،ليييش رحت عليها لييش حمزه سمعت
كلامها والتقيت وياها بالحديقه
«،،،عدالي تريد شي مني
جاوبت بهدؤ انهدت
«،،بهل الساااعه ،،،، بهل الوكت مافگرت
هي لييش اجت عليك بهل الساعه
غشيم اااانت عليهم
ماتعرفهم يحفرون وراك ويريدون
اذيتك
سكتت تنهد من غضبها كملت
«،،لوووو ماا اني اسجل كلامك انت وياها
جااان انت هسه متلبس بيها لهاااي
الساااقطه ام الرجال
صحت بيها
«،،كااافي تصيحين تره اني مو اطرش ولا غشيم
وجنت اكدر اردها واوكفها عند حدها هي
واهلها بدون هالتسجيل
«،،لاااا بله لييييش اانت مااشفتهم شلون التموا
عليك مثل الذيابه وهي تريد
تحلف بالقران انت ردت
تعتدي عليها
سالت بدموع
«،،بس فهمني شوداااك عليها ولييييش
رحت الها ليييش،،،حمزه
الباب اندك عمه طبت وياها حبوبه
كالت
«،،،يمه استهدو بالرحمن واذكرو الله
هي ردت بعصبيه
«،،،بيبي اااني عرفت والله عرفت هااي
الساقطه خلته براسها
وهاااج شوفي شسوت رادت تبلي
بيها والله ستر
«،،،خلي تولي ،،، رادت تفضحه وربج
فضحها من انتي صرتي سبعه
وسجلتي الها كلامها
««،،اي لان اعرفهم هم شنوو بس هووو
اشرت عليه وكملت بغضب ودموع
«،،،مسوي نفسه ماايعرفهم وحن عيني حن
لبنت عمه وركض الها بس
سمعها رادت تحجي
ويا وبهل الليل
وهل الساعه
«،،هذا الكلام ماااله داعي لان اانتي سمعتي
شحجيت وياها
««،اي سمعت حمزه وشفتك شلون ركضت
الها بس شفتها رادت تحجي
وياك
كعدت تبجي بصوت قوي اشرت لحبوبه
وعمتي طلعن من يمنا وسدن الباب
رحت كعدت يمها اعاين
الها غدت دم وتشهك
بصوت قوي كلت
«،،انت مصدكه انه حنيت الها
«،،رحت الها حمزه
«،،،جايه بيتي غاده مو انه الي رحت الها
وسمعتي شحجيت وياها وشفتي شلون ضربتها
من غلطت عليج
«،،،هاااي اذا شفتها بعد مره ثانيه هنا
الا اگتلها بسلاحك واسگنها الگبور
صفنت عليها شلون تحجي بغيره
والوجه غده دم ابتسمت
وكلت
«،،اي بويه بس افتحي الامان مو تنسي مثل
ذيج المره
نترت باعصاب
«،،حمزه لاااتشاقه تره صايره نار وراح
اروح اگمل عليها
«،ليش انتي قصرتي وياها دزيتها لاهلها مجتوله
جتله غسل ولبس
«،،تستااااهل هاي البربوك
صاحت وكملت بغضب
«،،تررريد تااخذك مني خاله عينها عليك
المفلفله ام الرجال
«،،،قصدج خاله عينها على فلوسي مو اانه
الي رفضتني من وره العيب الي
بيه
«،،ليييش انت شبيك رجال تااارس هدومك
غصب على اليحجي والي مايحجي
ردت ترجف من اعصابها وكملت
،،،ااابدا لاااادكول انت بيك عيب العيب بيهم
هم انت كامل والكمال لله
ومااريدك بعد تحجي
وادكول بيه عيب
هاااي هبه من الله ميزك بيها عن
باقي الرجال
كملت بدموع
«،،هاي علامه الله خلاها بيك وخصك
بيها اليه وحدي ااني
«،،شاحجي ضاع الكلام يمج
جاوبت اجت لحظني تبجي لميتها وكلت
«،،انكسرت ايدها ااي مدتها عليج
وخرت ونترت بيه
«،،،ماكدرت اطخ شعره مني
«،،،اي بويه والله جتلتيها وسويتي الي ماكدرت
علي بس اهدأي وكافي تصيحين
«،،،حمزه هاي بعد مااريدها تجي لهنا
«،،،منهي التجي غير اكسر رجلها لو عتبت
بيتي مره ثانيه
سكتت ماحجت شي الباب اندك كلت
«،،تفضل
رانيه طبت شايله علي يبجي كالت
«،،خطيه يريد يرضع وينام
««،،جيبي خويه
اجت ليمنا غاده اخذته منها رانيه كسرت
الجو وكالت بضحك
«،،،ولج بردتي گلبي من كتلتيها لگوثر
ردت
«،،تستاهل وعساها بالموت
«،،،يمه من الغيره لو عندج سلاح بايدج
جان هسه كوثر شايليها جنازه
رانيه جاوبت تعاين عليه وهي مبتسمه،كلت
«،،بكد الشبر بس بيج بله جبير
دارت وجهها مني زعلانه رانيه طلعت من يمنا
صفنت عليها مبتسم لان شفت غيرتها
عليه وهم لان اخذت حگي من
گوثر وبردت گلبي بيها
ارشد
كاعد بغرفتي صافن على ابني وبنتي كاعدين
يمي ويلعبون،،،ذبيت حسره ورفعت راسي
لفوك مقهور ومخنوك من الصار بيه
واريد اطيب منه جنت اشوف
جنات هي الوحيده الي
راح تخليني انسى
شعور صيطر عليه لان شفت روحي من
اشوفها شلون ارتاح وكلشي يتغير
بيه
هي بس الي راح تخليني اطيب من الوجع
الي بيه وتخليني اكدر اعيش
مثل باقي البشر
ورغم رفضها تمسكت بيها وقفلت هالمره
عليها كلت وحلفت اذا ظلت
بعنادها ورفضها الا
اخطفها واخذها
غصب
روحي من زمان تعلقت بيها ومن نظره
وحده احتلت روحي وگلبي حبيتها وردتها بس
ااخ منها رفضتني بدل المره
مرتين واني استسلمت
وندمت وكلت
ليش مادكيت رجل عليها ليش
سحبت روحي منها من رفضتني جان صبرت
تحملت ودزيت عليها اكثر من مره
وليش سمعت كلام ابويه
وامي وعفتها واخذت
بنت خالي
ااا
سكتت وونيت من قهري ادحك لولدي ونار
گلبي مشتعله وماطفت لحد هسه
«،،اخ ولج اخ لو يندار الوگت والله مااعوفج
واخذج لو اعرف انهبج نهب
الباب اندك طبت امي كالت
«،،ها يمه ولدك بعدهم كاعدين
«،،اي
اجت كعدت يمي وكالت
«،،،يمه مافكرت بالي حجيته وياك
«،،حجيه كتلج جوابي من زمان كلت مااريد
لا بنت خالتي ولا اي وحده من
بنات عمي
«،،شتريد ارشد تظل عازب وانت برگبتك جهال
اثنين
«،،لااا منو كلج راح اظل عازب ازوج بس الي
اريدها اني مو الي تريديها انتي
وابويه
صفنت عليه سالت
«،،منو هاي
«،،وحده بعدين تعرفيها
«،،گرايب
««لا
«،،شبيك يمه اشو اجر الكلمه منك ماتحجي
ادكول منو هي وبنت منو
«،،بعدين تعرفيها مو هسه
«««هاي انت من زمان سرك بير ونجر الكلمه
منك جر
سكتت من ردت هيج حاولت تعرفها
ماانطيت جواب تالي كامت من يمي وطلعت
اخذت جهازي وفتحته رحت
للمعرض طلعت صورتها
الي اخذتها من ملفها
وذبيت حسره
حجيت وياها
«،،شسويتي بيه شيخ وشكبر اسمي وكمت
اراهق من وراج واتصرف تصرفات اني مو مستوعب روحي كاعد
اسويها
تفرست بملامحها اذكر ذاك اليوم من شفتها
تضحك وشلون خطواتي ثگلت وظليت
صافن عليها واحس
كلشي اختلف
بيه
كلت احاجي صورتها
«««حبيتج يولي من زمان وادعي من الله
تحبيني ربع حبي الج
يمامه
جان المفروض نرجع لبيتنا من تكمل الحجيه
العلاج الفيزيائي بس من وره
وضع رجليها الي رجعت
تورم من وره الصار بابنها وهم لان هو
تصوب ظلينا يمهم بطلب من عدها هي والحجي
كعدت من الصبح لان اليوم عدهم عزيمه
ابوه ذبح ثلاث طليان واحد وزعه للجوارين
واللخ وده لدار الايتام والثالث
جاب طباخ حتى يطبخه
جان عازم اهله واخوه الحجيه وولدهم
نظفت قبل يوم وحضرت شكو شي
نحتاجه للعزيمه
الحجي بره واكف وي الطباخ والمساعدين
مالته سويت ريوك الهم وخليته
على الميز
واخذت ريوك الحجيه رحت الها
طبيت وكلت
«،،صباح الخير
،،،،هلا يمه صباح النور
«،،شلونج اليوم
«،،بخير والفضل لله
خليت الصينيه على الطبله وكلت
«،،خلي اشوف رجليج
وخرت الجرجف شفتها وحجيت
«،،الحمد لله مو ورامه
«،،اي لان كمت مااتحرك هوايه
«،،اي ارتاحي خليها اطيب حتى ترجعين
تتحركين براحتج
ابتسمت وردت
«،،ها يمه عبالك ضجتي من عدنا وتريدين
ترجعين لبيتج
رديت بسرعه
«،،،لااا مو هيج خاله بالعكس والله حبيت
كعدتي يمكم بس قصدي انتي مو معلمه
تكعدين هوايه بالفراش واكيد
هسه ضجتي من هالشي
«،،،اي والله مليت من الكعده وصفاحي
احسهن خاسن من الكعده
«،،،شفتي جان هذا قصدي
«،،اعرف بس حبيت اسمعها منج
سكتت وكملت بحنيه
«،،والله يايمه انتي مااعرف شلون اجازيج
على السويتي لمهيب واحمد يعني فضلج صار
جبير علينا وردتي روحي اليه من
انقذتي مهيب بذاك اليوم
سكتت وكملت
«،،كولي حنين اطلبي اي شي تريدي عيوني
الج
«،،والله مااريد منج اي شي بس تدعين
اليه بالستر والعافيه
«،،،اني يوميا ادعيلج بصلاتي ومن زمان
يمه لان الله شاهد حبيتج مثل بناتي
وكتلج اعتبريني مثل امج
الي ماجابتج وشتريدن اني
عندج ولا تشيلين هم اي
شي مادام خشمي
يشتم الهوه
عيوني غوركت وجاوبت
«،،،هاي تكفي خاله واعتبري كلامج هذا
هو الشي الي ردته وانطيتي
اليه
جهازها دك شافته كالت
«،،هذا مهيب شوفي شبي
«،،اي هسه اروح علي
طلعت من يمها رحت علي دكيت الباب
كال
«،،،تفضلي
فتحت الباب طبيت علي كاعد وساحب
روحه ليفوك كلت
«،،صباح الخير
«،،صباح النور
«،،،اكو ريوك
«،،،اي هسه اسوي الك
«،،،ابويه وين
«،،،بره يم الطباخ والولد الي ويا اصيحه
الك
«،،لااا لاتطلعين
نتر انتبه وكمل
«،،خلي يمهم
«،،تمام
نزل رجله لزم العگازه وكام انتبهت غمض ومال
وبعدين عدل روحه سالت
«،،،دخت
«،،،اي
«،،اروح اصيح عمو
«،،،كتلج لاتطلعين
صاح بغضب صفنت علي كمل
«،،مابيه شي مو جاهل ااني حتى مااعرف
ادبر روحي
«،،تمام براحتك
جاوبته طلعت مشيت كم خطوه
سمعت شي وكع بقوه رجعت عليه بسرعه
شفته واكع وممد على طوله
يريد يكوم ماايكدر
رحت علي بسرعه رفعته من جتفه سند ظهره
على الجربايه حجيت بدون وعي
«،،،اانت ليش ماتسمع الكلمه وتبطل عنااد
شتريد ينفتح جرحك وتصخم
بعد اكثر
«،،،يولي لسانج هذا يرداله گص
جاوب وانتبهت شحجيت راد يكوم ماكدر
جان دايخ وكام يرجف شفت بطل
شربت على الطبله مديت
ايدي اخذته فتحت
القبغ وقربته
من حلكه
كلت
«،،،اشرب شويه صار عندك هبوط
شربه كله مغمض ووجهه صار اصفر
كلت
««،،خلي اصيح عمو
«،،لا
رد وكمل
«،،هسه اصير زين
خاله طبت شافت الوضع
صاحت
«،،،يمه شبي مهيب
«،وكع ويمكن صار عنده هبوط
«،،اروح اصيح الحجي
««،اي روحي
طلعت من يمنا بسرعه هو كال
«،،بس انطيني العكازه خلي اكوم
سحبتها من الگاع انطيتها اله لزمها
سند روحه وكام وكف مال كلت
«،،،بس اكعد رحمه لاهلك لاينكسر بيك
شي وانت مو عايز
باوع عليه ابتسم رد
«،،،شلون وي لسانج ام يمامه
عمو طب بسرعه سال بخوف
«،،،شبيك يابه
جاوبه
«،،دخت شويه
«،،،خلي اروح اسويله ريوك
خاله حجت وطلعت من يمنا عمو حجه
«،اوديك للمستشفى
«،،لا يابه هي دوخه وراحت
مشيت حجه
«،،ام يمامه جيبلي مي
«،،اي
رحت جبت بطل مي ورجعت علي طبيت
ابوه طلع من الحمام جايب خاولي
انطه اله مسح وجهه
كال
«،،بعد لادكوم وحدك صيحيني ياابني
لاتروح توكع مره ثانيه وينكسر
بيك شي
««،كزاز اني يابه حتى انكسر
جاوبه بضوجه كلت
«،،هاك المي
اخذه مني شربه كله سالت
«،،اجيبلك بعد
«،،اي جيبي اثنين وخليهن يمي
«،،تمام
طلعت من يمه جبت الي راده رجعت
علي عمو طلع من يمه وكال
«،،عينج علي بنتي تره هذا راسه يابس ويعاند وخايف علي لا يصير بي شي
من وره الهبوط
«،،اي عمو
«،،الله يرضى عليج يابنتي
رحت علي رافع روحه وساند جسمه
على المخاد مغمض كلت
«،هذا المي
خليته على الطبله فتح وصفن عليه
كال
«،،علي السبلت حاره
«،،،اي
سويت الي راده خاله طبت شايله
الريوك كال
«،،جيبي هينه على رجلي
«،،خاف تتاذه
هم رد بضوجه
«،،،بزر نستله اني شبيكم يابه تره صوابي
مو قوي
«،،،اي يمه بس انضربت يم كلبك بشويه
باوع عليه ورد مبتسم
«««اليوم شبعت تصنيف
خاله ابتسمت وكالت
«،،يكول صوابي مو قوي وهو هسه وكع من
طوله من وره الهبوط
رديت
«،،،هو يصير زين بس خلي ياكل ويعوض
الدم الي راح منه
«،،،اي يمه الحيل باللگمه
مشيت من يمهم وطلعت
التهيت بالمطبخ احضر بالمواعين حضرت كلشي بال11 بدو يجون گرايبهم البيت
انترس
النسوان كعدن يم الحجيه من طلعت
وياي اني وخاله وكعدت
بالصاله
والرجال بالاستقبال مالتهم هو اجه
وي ابو احمد سلم عليهم
ورجع لغرفته
انتبهت هاي البنيه الي اسمها نبأ الحلوه
ام عيون زرك كل ساع تفوت من
يم غرفته وعيونها علي
اخر شي من
صبيت غده اله هي اخذته لغرفته
التهيت بالغده وصبينا للنسوان وره الرجال
كعدن هي ماكو امها كالت
«،،،عيني ماتشوفين نبأ وين
«،،اي خاله
رحت لغرفه امه ماكو مشيت لغرفته
وكفت من سمعتها تحجي
بنزاكه
«،،اذا تريد شي صيحني اجيبه الك
«،،لا تسلمين مااريد شي
سكتت ردت اطب كالت
«،،تعرف اني من سمعت بيك انضربت
شصار بيه
مارد هي كملت
«،،والله بجيت وخفت عليك كلش
وماكدرت انام الليل
هم ماجاوب كالت
«،،وكلت الا اجي اشوفك لان اانت
يعني عزيز عليه كلش والصار بيك اذاني
كلش
«،،تسلمين نبأ
طبيت منزل راسه مايباوع عليها كلت
«،،امج تريدج
«،،ها اي
اروح مهيب
حجت هيج وطلعت من يمنا مشيت
كال
«،،قربي الاكل ليمي
شلت الطبله وقربتها ليمه سالت
«،،بعد اقربها
رفعت راسي عيوني صارت بعيونه غمض
ونزل راسه ذب حسره رد
«،،لا تسلمين
انداريت سال
««،هذا راح
عرفته يقصد ابن خاله جاوبته
«،،،لاا
«،،ماراح تحجين شسوه الج
«،،كتلك ماسوه شي
خله عيونه بعيوني وركز بيهن درت وجهي
منه حجه بصوت متغير
وخلاني اتوتر
«،،جذابه ام يمامه والعيون تشهد
«،،تريد شي قبل لاااطلع
طول يله رد
«،،لاا
طلعت من يمه متوتره منه لان اعرفه مو سهل
وعرف هذا ماجاز مني وكلت هم راح
تعلك بينهم واني السبب
وكفت بالمطبخ اريد اخدر جاي مااشوف شي
من ارتباكي وخوفي كلت اذا
صارت بعد مشكله بينهم
مااظل هنا ابطل
وبعد ماارجع
لهنا
دمعتي نزلت لان جنت مرتاحه يمهم
صح هو بالبدايه
ضوجني وتصرف وياي تصرفات مو حلوه
بس بعدين تندم وعرف غلطه
وزاد ندمه من عرفني
اني هي نفسي
الي انقذته
بس جان منغص عليه هو هاشم الي
وره الصار بي رجع يطب عليهم
ولا عبالك انگتل منه ولا
صارت ذيج المشكله
الجبيره بينهم
جنت عبالي راح يتعدل حاله بعد الصار
بس ذيل الجلب لو تشد بعود اربعين
يوم يظل اعوج ماينعدل
ظل نفس اسلوبه من يشوفني وحدي
وكدام الغير منزل راسه ومسوي
روحه ادمي
عيوني غوركت سمعت يمامه تبجي
نصيت الجاي ورحت عليها
طبيت للغرفه شلتها
وكلت
«،،،هلا ماما كعدتي هسه اسويلج ممه
ظلت تبجي ام احمد طبت سالت
«،،ها شبيها يمامه الحلوه تبجي
«،،جوعانه وتريد ممه
«،،جيبيها وسويلها اني راح اخذها للصاله
«،،تمام
اخذتها وطلعت من يمي سويت ممه
وشلت خاولي صغيره ورحت عليها
النسوان بعدهن كاعدات ويتغدن هي كاعده
يم امها تحجي وي يمامه انطيتها
الممه والخاولي ام نبأ كالت
««بنتج طالعه عليج حلوه وتخبل
«،،اي والله تشبهها كلش وحليوه مثلها
عمتهم كملت الحجيه ردت
«،،اي صلاوات على الرسول حتى العيون
نفسها
«،،مره عمهم اللخ كالت
«،،عاشت ايدج على الترتيب السفره تفتح النفس
«،،الف عافيه خاله
رديت اللخ كالت
«،،معدله ومبينه ام بيت وبيضيتي وجهه
بيت او منير
«،،اي والله هي معدله وشغلها نظيف من
الله يرضى عليها هي وام ياسين
لو ما هن والله مااعرف
جان شراح يصير بيه
نبأ كالت
«،،ليش سميتي بنتج يمامه مو عبالك
الاسم قديم وراح موديله
«،،لا ليش تره اسم يمامه كلش حلو
ام احمد ردت وكملت من باستها
«،،يمه فدوه حمامه ويمامه وعصفوره حلوه
«،،اكلج ميسون اشوفج تحبين البنات ليش
ماتسوين اخت لولدج
عمتها سالت ردت
«،،والله عمه مااكدر بمحمود كمت اموت ماتذكرين
شصار بيه مو نزفت هوايه ووصلت
للموت
«،،اي والله صدك اذكر هالشي
مشيت من يمهن اني وخاله رحت للمطبخ
وكفت اجلف ،،،،، حتى افرغ
السنك الغده فض وصارت
هوسه خاله وياي
هي وام احمد
عمتهم اجت كعدت يمنا تشرب جاي
والبقيه ساعدنا بشيله
المواعين
اني اجلف وام احمد تشطف وتصفط على
الكاونتر
«،،انت عندج اخت
عمتهم وداد سألت اجت حنين بين
عيوني خاله ردت
«،،لا هي هالوحده لاهلها
«،،ها واهلها وين
«،،اهلها ماتوا بحادث
«،،يا خطيه يعني يتيمه
«،،اي
ذبيت حسره وكلت بگلبي
«،،،ياريتني يتيمه ولا ذوله العارات اهلي
«،،،اليوم تعبناج ام ياسين انتي وهالبنيه
الحلوه
«،،لا تعبكم راحه ام جمال
كامت وكالت
«،،ميسون اريدج بحجايه بالغرفه
«،،،اي عمه هسه اجي
طلعت من يمنا انتبهت عليها ضاجت حجت
وي خاله ام ياسين
«،،هم نفس السالفه وخلوه مهيب ياخذ
نبأ وهو مايريدها
غسلت وراحت من يمنا خاله كالت
«،،غصب خما غصب ياخذها
بالي جان مشغول بهذا العار ردته
يروح منا ومااشوف وجهه لان
وجوده سبب اليه توتر والم
بمعدتي حتى ماكدرت اكل شي من وراه
«،،،يمه تغديتي
«،،لا
جاوبت خاله كالت
«،،،شلون مااكلتي وانتي حتى ريوك ماتريگتي
«،،مااشتهي
صفنت عليه وسالت
«،،صاير شي يمه هذا تعرض الج
عيوني غوركت رديت بخنگه
«،،خاله من يجي اتوتر واخاف لايذب حجايه
وتصير مشكله مثل ذيج المره
«،،هو حجه وياج بشي
سكتت ملامحها تغيرت وكملت
بغضب
«،،هذا شلون ويا اشو سوها بلا ملح
«،،مااعرف شيريد مني
«،،،شيريد يمه ليش هو شايف منج حتى
يريد هذا واحد دايح وساقط
ومو اليوم لا من زمان
سكتت وكملت
«،،هذا خلاج براسه لان رزلتي ومهيب هم
رزله وكتله من وراج
«،،شاسوي كولي شلون اتصرف ويا
«،،انتي ماعليج ولا تحجين اي شي هسه
اني اعرف اتصرف ويا خلي
البيت يفرغ واحجي
وي ام احمد
«««خاف تصير مشكله
«،،لا محد راح يسمع احجي وياها وحدنا
وهي تصرف ويا
سكتت هي كملت
««،كملي شغل وامشي تغدي وجهج صار
اصفر من التعب
«««مالي نفس
ذبت حسره وهزت راسها بعدم رضى
صاحوها مشت من يمي الخطار طلعوا من يمنا
واني بعدني اشتغل ظل بس
ذاك واخوه كاعدين وي عمو
بالاستقبال
شفت كاع المطبخ صارت وصخه كلت خلي
اغسله
رشيت تايت وزاهي وكمت اجلف بي ام احمد
وياي تسحب بالمي وخاله تنظف
الحديقه
«،،،حنين جيبي الزاهي خلي اغسل
الجداري بره
«،،اي خاله
جاوبتها ومشيت بسرعه مااشوف روحي
الا ازحلك بقوه واوكع ليوره
راسي انضرب بالگاع
وفقدت الوعي
شكرا لزيارتكم عالم روايات سكيرهوم
