رواية عشك أل فراس الفصل الأربعون بقلم زينب نور
أسيل:مالك
مالك:عين كلبة
أسيل:اريد اروح لـ اهلي
مالك:اهووو
اسيل:يااا صار هواي مشايفتهم
مالك:ايباخ أنا كرهت روحتج لـ اهلج لان اشتاقلج ومن ادخل للبيت اذكر من اجيتج قبل شكم سنة خنكتج
أسيل:وانتَ ذيج السالفة متريد تنساها
مالك:شلون أنساها وأنا المذنب
أسيل:خلينا بالحاضر واترك الماضي
مالك:مشكلتنا الابدية ماننسى الماضي ابدًا
نرجع بالوقت
اسيل:رجعت للبيت كنت بـ وقتها طالبة تمريض وكان اخر يوم امتحان فاينل من رجعت محد كان موجود البيت فارغ صعدت بدلت ملابسي اندك الباب
اسيل:منو
مالك:افتحي الباب أنا
استغربت شعندة جاي فتحت الباب ماحسيت غير حط ايدة على ركبتي وايدة الثانية سد بيها حلكي
مالك:ولا صوت
وخر ايده الخوف احتل كلبي واحنه وحدنا بالبيت
اسيل:شبيك مخبل انتَ
مالك:اي مخبل بيج ليش ترفضين ها ليش
اسيل:ارفض منو
مالك:أنا مو خطبتج
اسيل:اطلع برا روح عالج نفسك انتَ مو عاقل مخبل عقلك بيَّ شيء
مالك:ذني كلهن بيه
أسيل:واكثر اطلع برا لا تسويلي مشكلة
مالك:شوفي وحق خدر العقيلة اذا ما توافقين على الخطوبة حلكج اشكة
أسيل:خوفتني كمت ارجف وخدر الحلفت بيها اسويها عناد ترا واكبر راس ما يخوفني
مالك:وعلي اكسرج واخليج غصبًا عليج توافقين
أسيل:تطلع لو الم عليك الدنيا كلها
تقرب اكثر صرت بينة وبين الحايط بـ ذيج الساعة نقطة دم مابقت بيه
مالك:يلا صيحي وخلي يلتمون
أسيل:روح طلع خبالك بعيد عنييي
مالك بصياح:انتِ ليششش ما تفهميننن مخبللل بيججج مسووودن بيججج اكو شيء سودني غير عشكج
أسيل:ياعشك هذا اللي تحجي عنه
مالك:ليش ماجاي تصدكين
أسيل:اصدك منو انتَ لك انتَ تحب منو اريد افتهم تحب منو ؟ انتَ عندك اضطرابات مو طبيعية عندك تناقض بـ شخصيتك ساعة احبج وساعة اكرهج أسلوب وياي ماعندك كُل كلامك نتر وصياح ترديني احبك شنو ماعندي كرامة واحب واحد يهين بيه أني علاقتي بيك سطحية وانت مستچلب تريد اصير مرتك الا جايزة من روحي
تقدم عليه اكثر حط ايده على ركبتي وضغط حيل
مالك:وحق اللي خلقج وحط حبج بـ كلبي يا أسيل اذا تفكرين تزوجين غيري بليلة ضلمة اخلي التوابيت تجر ومسودن وكلشي اسوي الي ولـ غيري ماتصيرين شتردين اسوي
دفعت ايده عني وهوَّ أبتعد
أسيل:روح عالج نفسك روح شوف حل لـ نفسك انتَ شنو حتى اخذك عندك بيت عندك مسوؤلية تعرف تعتمد على نفسك انعم الله على ادم شايلكم لو ما هوَّ اكل متلكون بالبيت خلصت السادس وكعدت ورجعت درست وتخرجت واجاك تعيين ومتقبل تتعين لان حضرتك مابيك حيل ومالك خلك دوام والتزام مخلصها جكاير ونركيلة ويَّ فلان وعلان شنو عندك ؟ مصروف ماعندك تريد اتزوجك وابهذل نفسي ومستقبلي ويَّ رجال ميعرف يشيل مسوؤلية نفسة ليش ماعندي اهل تريد ادمر مستقبلي ومستقبل جهالي صلح نفسك وصير رجال وتعال اخطبني اعتمد على نفسك مو على ادم اللي يركض عليكم من الصبح لليل وانتوا كُل همكم النوم والاكل وهسة اطلع برا لتسويلي سالفة الها راس مالها رجلين
مالك:صح كلامج صح بس وعد ارجعلج احسن من هسة واخذج يعني اخذج
أسيل:كون كد كلمتك وأني راح اكون بـ انتظارك
مالك:ارجعلج
طلع من البيت كعدت صافنة على حضي المصخم
مالك شخص عجيب غريب متعرفوا شنو هو بالضبط او شنو يريد
مرة حباب وحنون ومرة قاسي ومحد يتقبلة
مرة يحترم البشر ويقدرة ومره لا يهين وميحترم احد
مرات نكول انُ هاي الاشياء تصير بسبب ماضي لكن مالك ماعنده ماضي يخلي يتصرف هيج اكثر واحد مدلل هوَّ
حبيتة بس دفنت حبه بـ كلبي بسبب تصرفاتة وأني اكثر بشر اكدر انسى واتخطى المهم ما انهان ولا اعيش ويَّ شخص ميقدرني ولا يحترمني مهما كانت العلاقة
بعد مرور سنتين على هاي الحادثه تغير مالك تغير جذري صار شخص مختلف تمًاما
اعتمد على نفسة هوَّ خريج طب اسنان فتح عيادة واشتغل على نفسة وكدر يعتمد على نفسة
ترك الجكاير والنركيلة وترك كُلشي صار شخص ثاني
لذلك من تقدم خطبني وافقت ...
مالك :ليش وافقتي
اسيل:تريد الصراحة
مالك:طبعًا
اسيل:حسيتك رجال يعني تركت كُلشي حتى ترضيني تركت سوالفك والنوم لـ ضهر اللي دمرك واصدقاء السوء وفتحت عياده وبديت تشتغل
أني احجي وهوَّ صافن بيه حسيت روحي توترت رغم صار شكد متزوجين بس من يسوي هيج اخجل من شافني سكتت كال
مالك:احجي يلا روحي تتعافى بـ سوالفج الحلوة
ابتسمت على كلامة ومرت ايامنا بهدوء والحمدلله
صار عندي تلاث جهال ثنين بنات تؤام ولد
روز ورهف وريان
....................................
سبأ: أني شخصية فقيرة عكس الكُل هادئة ومبتعدة عن كُلشي أهم شي عندي دراستي لا عندي حب ولا علاقة ولا معجبة ولأ شيء
أني طالبة تحليلات مريضة لكن ما تعينت بعد التخرج
انطوائية بس يم الناس اللي احبهم لا غير شكل
اكثر وحدها عند اهلي وعند ال فراس كلهم هادئة أني
حياتي كانت ماشية وطبيعية ماعندي شيء لحدما بيوم من الايام رجعت من الجامعة كان يمنا خطار من سئلتهم منو كالوا صديق شاهين من بغداد
سبأ:عسلو منو صديق شاهين
عسل:ثابت
سبأ:شسمةةة؟
عسل:وجع ثابت اسمة ثابت
سبأ:شو جديد هذا بعدين اسميش ثابت مايهزك ريح
عسل:صديق شاهين من زمان بس اول مره يجي للبصرة
سبأ:اوي ابن بغداد كيوت ميجي للبصرة
عسل:سدي حلكج وتعالي سوي زلاطة خل اروح انوم يأمن
سبأ:اوك
راحت هيَّ وكفت اسوي زلاطة سمعت صوتة طلع مااعرف ليش صابني فضول اكوم اشوفة ماعرف شنو صار بيه او شنو الشيء اللي دفعني بذاك اليوم اشوفة رغم أني مو يم هاي السوالف فتحت شباك المطبخ شوية وهوّّ طلع من الاستقبال راح يغسل شفت وجهه بالمراية عكستة
حلو بس ماركزت بيّّ كُلش وخرت عن الشباك لا يشوفني رجعت كملت شغلي وهمَّ طلعوا للبستان هوَّ وشاهين على مارجعوا احنه خلصنا كُلشي صلوا وكال شاهين
شاهين:يلا حطوا الاكل سبأ حضري الچاي
سبأ:حاضر
اخذوا الاكل عسل اخذت يأمن ضل يبچي بيومها كان مريض بـ وقتها ايمن بعده ممتزوج بس أسيل
عسل:سودة عليه تعبتي
سبأ:اسم الله عليج لا ماتعبت روحي يم يأمن أني اكمل الشغل
عسل:انومة واجي واذا ما ينام اشمرة يم عمتي
راحت عسل وأني غسلت المواعين الزايدة وحضرت الچاي لحدما كملوا خلصوا اكل شاهين ما اجه ياخذ الچاي انتظرت ماكو
سبأ:ماما الچاي راح يبرد وشاهين ما اجه ياخذه
ام شاهين:روحي دكي باب الاستقبال
سبأ:أني
ام شاهين:اي مو غريب يمه الولد نعرفة ويعرفنا
سكتت واخذت الچاي ورحت عدلت شالي بس كون مكاعد كبال الباب دكيت الباب ماكو رد رجعت دكيت مرة ثانية هم ماكو
سبأ:ناموا شنو يربي وتالي ويَّ شاهينوو
وأني احجي ويَّ نفسي انفتح الباب طلع هوَّ شافني رجع لـ ورا وأني هم ثنينا ضربتنا صدمة
ثابت:العفو بس شاهين مموجود
سبأ:تمام تفضل
اخذ الصينية من ايدي اجت عيني بـ عينة اخذ الصينية وأني طفرت للمطبخ فحطانة وجهي صار احمر
عسل:شبيج
سبأ:صار بيه سكر
عسل:عزاا ليش
سبأ:شاهين مموجود وطلعلي صديقة خرب والله عيب
عسل:امممم
سبأ:وجع عليمن اممم اول مره اشوفة خرب هذا رجلج الا يطلع احس روحي صخنت
عسل:منين
سبأ:من الفشلة
عسل:انتِ شسويتي بس اخذت الچاي يلا عادي تصير اخوج مو غريب
كالت هيج وضحكت
سبأ:عسل انجبي
خلصنا شغلنا هوَّ ضل يمنا لليل راد يروح ماقبل ابوي لزمة بالباب
ابو شاهين:والله ماتطلع احنه عدنه الضيف ثلاث ايام شني بعد طالع بهل الليل مطرود
ثابت:الله يعزك ياعمي والله الوالد والوالده وحدهم بالبيت وان شاء الله الي جية ثانية هسة ما اكدر
شاهين:أنا مو كتلك جيبهم وياك
ثابت:ياخوية الطريق بعيد وهمَّ تعبانين مايكدرون
ابو شاهين:حتلو تطلع هسة توصل الفجر ابقى بات يمنا والصبح توكل على الله ما اعرضلك
رجع للاستقبال وابوي دخل يمه شوية وبعدين راح لـ غرفتة ينام محمد بالدوام كان وأيمن طالع ميتواجد بالبيت
شاهين:ها بعدج كاعدة
سبأ:اي عندي مد باجر وبعدني مقارية
شاهين:تعبناج اليوم
سبأ:تعبكم راحه ابو يأمن
شاهين:يروحلج فدوة يأمن وابو
سبأ:اسم الله عليكم
ابتسم وصعد لـ غرفتة اخذ ملابس لـ ثابت وراح يمه كعدت أقرا بالصالة شباك الصالة على الحديقة صاير ومن يطلع واحد من الاستقبال يبين الخيال على البردة او الشباك اذا كان مفتوح من شفت الخيال طفرت اباوع
طلع كعد بالحديقة يشرب جكاير هوَّ حلو أسمر وعيونة سود ومن ذول اللي شكلهم يكون هادئ عيونة نعاسة كُلش حلو اول مره انعجب بـ شخص وأني صافنة بيَّ هوَّ التفت غير راح كلبي الشباك يبين هوَّ يشوفني
باوع عليه وابتسم وخرت بسرعة وكعدت اكمل ثاني يوم راح مرت الايام وضل ببالي بس ماكنت اهتم حيل اهتميت بـ دراستي صرت اذا يجي على بالي اكوم اشوف شغلة اشغل نفسي بيها
لحدما بيوم كاعدين بالصالة أني وماما وعسل ويمنا خواتي رسُل وأسيل اندك الباب راح سند فتحة
رسُل:منو
سند:ولد يريد خالو شاهين
شاهين:ثابت هذا ويا امه وابو
نزل شاهين راحلة وأحنه صرنا وحدها تردم بالثانية اللعاب الجهال مطشرة واحنه نايمين كُل وحدها بمكان بسرعة بسرعة راحت امي استقبلتهم دخلت امه مراة كبيرة بالعمر اخير وحدها أني دخلت سلمت وكعدت شوية وكالت امه
ام ثابت:وينها سبأ
ام شاهين:هاي سبأ
أشرت عليه باوعتلي وابتسمت وصلت على محمد
طلعت من يمهم همَّ طلعوا من الاستقبال ابو وثابت وشاهين مدري وين راحوا سمعت امه تحجي
ام ثابت:احنه جاينكم بطلب ومانريد تردونة خايبين
ام شاهين:ان شاء الله مانردكم
ام ثابت:بعد عمري نريد الكرب منكم رايدين سبأ الله يسلمها لـ ابني ثابت على سنة الله ورسولة واحنه ما نلكي احسن منكم
ام شاهين:نتشرف بيكم وثابت وليدنا وان شاء الله خير
ام ثابت:ان شاء الله نروح نشوف الحجية
راحت ماما وياها اجتني عسل
عسل:احم احم
سبأ:اشربي مي
رسُل:اوي فدوة صارت عروس الحلوة
سبأ:يا منو كلجن
أسيل:باع وجهج راح ينفجر من الخجل
رسُل:وين شايفج
كعدت عسل تحجليهن اللي صار
رسُل:حب من اول چاي
أسيل:هسة تلكي يكول اطيب چاي شربتة هوَّ چاي سبأ
سبأ:صار عندي تناقض بنات
رسُل:عدا الشقة فكري بـ عقلج مو بـ بكلبج هذا زواج مو لعب
سند:اكلج يمه
رسُل:كتلني هذا ابو يمه راح يجلطني ها كول
سند:چا هيَّ شنية اشتاقيت لابوي
رسُل:يمه الحنية يومين بعد ونروح
سند:چا هذا بيتنا قريب
رسُل:انجب سند بدون صوت
سند:اكلج سبأ أني جوعان بطني اختفت من الجوع والله أني خطية سويلي اكل
سبأ:خاااب فدوووة اروح لهل اللسان شنو تريد اكل
سند:اريد كيكة
سبأ:هو وين اكو كيك ياكل كيك هسة اسويلك احلى كيكة
عسل:كثري كثري خاف عيالج يبقون
سبأ:على كولت ريم شكدد سززز
بيومها باتوا يمنا هم وثاني يوم راحوا كالوا ننتظر الموافقة شاهين كان موافق وباصم بالعشرة وابوي هم وجدي بس أني مااعرف الولد ما اعرفة لا اعرف اطباعة لا اعرف شيء عنه فقط الاسم
ام شاهين:شكلتي ماما
سبأ:مااعرف ماما الولد مااعرف شيء عنه بس اسمة
ام شاهين:عدكم فترة خطوبة تتعارفون بيها وصدكيني ماراح تندمين الولد يشتغل ويَّ اخوج ضابط هم عمره 27 سنة اصغر من شاهين ماعنده لا اخوان ولا خوات وحيد بس هوَّ وامه وابو معروف بـ اخلاقة اخوانج وابوج وعمامج يعرفونة كُلش زين
سبأ:افكر
ام شاهين:فكري على راحتج وفكري كُلش زين واللي ادكولين عليَّ يصير
هزيت راسي وهيَّ طلعت ضليت أفكر بيَّ مااعرف شنو بالضبط صارلي من بعد تلاث ايام رجعت الموافقة وتمت الخطوبه بـ فترة الخطوبة تعرفت عليَّ
كان مثل شاهين تقريبًا نفس الانطباع حنون وحباب متفهم واعي مثقف مو همجي شكوكي مو على كُلشي يعصب يتفاهم وياي كان شكل وياي ويَّ غيري شكل بـ فترة الخطوبة حبيتة حيل
من بعد فترة تزوجنا كاعدين بـ غرفتنا نسولف عن اول لقاء
ثابت:اول ما شفتج مادري شصار بيه من واكفة يم الشباك وأنا اغسل
سبأ:شفتني
ثابت:هههه اي شفتج ضليتي بـ راسي ومن جبتي الچاي زاد الاعجاب أنا كنت شخص ميت ومن شفتج رجعت للحياة
سبأ:شلون يعني
ثابت:سبأ أنا يتيم الابوين هوَّ مو يتيم لكن اهلي باعوني بـ فلوس
سبأ:ذول منو
ثابت:ذول اهلي اللي ربوني امي هي امي اللي ربتني مو ولادتني اهلي تزوجوا على كبر وماصار عدهم جهال فـ راح ابوي لابوي الحقيقي اللي حرام اسمي ابوي المهم واشتراني منه وأنا عمري اشهر ورا ما خطبتج يلا عرفت هاي الحقيقة
سبأ:وانتَ ماراح تترك اهلك اكيد
ثابت:اكيد الاهل اللي ربوني وتعبوا عليه وصلوني لـ هنا اتركهم شلون
سبأ:همَّ اهلك وأني مرتك غيرنا ماكو همَّ اهلك الحقيقين لتفكر بشيء غير هذا
ثابت:انتم روحي من الدنيا سبأتي العشك انتِ
صار عندي ثنين ولد أيهم وأشهم
وحياتنا حلوة بكُل ضروفها ثابت ماكوومنه اختاريت رجال بكُل معنى الكلمة
..................................................
ادم :ملاكي
ملك:ها يروحي
ادم:بعدج تحبيني
ملك:تتصور حبك يقل
ادم:اخاف
ملك:اددمم
ادم:هههه روحة وكلبة
ملك:ماراح يقل حبك بالعكس
ادم:يعني انتِ بعدج بمرحلة الحب
ملك:اي
ادم:وأنا عبرت هاي المرحلة عبرت حتى العشك صرت مجنون بيج زلمة شكدني شكبرني ماهزني فشك ولا هزتني حرب هزني عيونج ودولابن حالي
ملك:هههه شعبالك يالبصراوي احنه العمارچيات نسحر بالجمال
ادم:احتركت العمارة على هيج مراة
بيوم من الايام صار عدنازواجب تفتيش بـ احد مناطق العمارة تفتيش علمود السلاح من دخلنا للبيت اكو نسوان واكفات على جهة من ضمنهن اكو بنية كانت واكفة وياهن لازمة شيء بيدها
ادم:شنو هذا اللي بيدج
الكُل باوع عليها احنه من جاي نفتش ماكو سلاح وكالوا ماعدنا سلاح ابدًا هيَّ ضغطت على ايدها حيل
ادم:انسحبوا شباب
تقدمت عليها مديت ايدي
ادم:جيبيها
ملك:شنو
ادم:الطلقة اللي بيدج جيبيها
فتحت ايدها اربع طلقات اخذتهن منها
ادم:مو ادكولون ماعدكم سلاح
ابو ملك :مو النا ذني
ادم:عمي احنه نعرف كلشي والسلاح موجود وضميتوا حافظين هاي السوالف بس لـ خاطر شيباتك راح اسكت وامشي الامور
ابو ملك:الله يجزيك الخير
طلعت من بيتهم خليت الطلقات بـ جيبي وكملت واجبي من بعد ايام التقيت بيها نفس البنية بالجامعة كان بـ وقتها تخرج صديق الي ورحتلة وهيَّ كانت موجودة
ادم:اتوقع شايفج
ملك:ها مدري
ادم:انتِ مو نفسج ام الطلقات
ملك:اي
ادم:صدفة حلوة
ملك:شكرًا
تركتها ورحت يم صديقي ضلت عيني عليها مرت الاشهر والايام والليالي وهيَّ براسي كل ما يصيرلي واجب بالعمارة امر على منطقتهم لحدما عرفت كُل معلوماتهم عرفت اسمها ملك
ادم:ملكة كلبي
أيسر:منو
ادم:انجب
أيسر:احلف عليك عاشك
ادم:عاشكك
أيسر:چا سميتني أيسر كلبك مو ملكة كلبك
ادم:طحت بـ حلكك شيخلصني بعد
أيسر:بشرفك ياهيَّ
ادم:وحدها من العمارة
أيسر:اويلي عليك عمارجية
ادم:اي خذت كلبي وسبتني العمارجية
أيسر:صارحتها
ادم:لا شعرفت عنها هسة أنا
أيسر:هسة تطلع مخطوبة
ادم:فال الله ولا فالك
أيسر:چا ما تصارحها
ادم:ماتصارح انتَ اللي تحبها
أيسر:ههههه تدري منو اللي احبها
ادم:منو
أيسر:احم اختك
ادم:اي شنووو منوو منووو
أيسر:على كيفك اهداء كول يالله احب اختك شني عيب حرام
ادم:ولك ما تستحي تحجيها بـ وجهي
أيسر:مو احسن ما اروح اصادقها واخذها
ادم:وين تاخذها خبل أنا انطيك مراة
أيسر:چا شبيه ولك غير جني رحمة الله
ادم:بري منك الله اذا شفتك بعد توصل بيتنا رجليك اكطمهن
أيسر:والحسين اوصل واخذها وازوجها وغصبًا عليك وعلى راسك المصفح
ادم:كوم من وجهي لا اشوفني جهرتك الوصخ
أيسر:عمي شمالك انچلبت
من بعد فترة اعترفت بـ حبي الها واستمر حبي اربع سنوات ابن عمها كان رايدها لكن بـ طريقتي غصبًا عليَّ تركها
تزوجتها واخذت حب عمري بعد مرور عدة سنوات صاروا عندي اربع جهال
قائد أبني الجبير ورا بـ سنة صار عندي رائد وبعدين صار عندي تؤام بنات ملاك وملك
ومرت حياتنا بهدوء والحمدلله على كُل حال
....................................
راهب : من بعد ما التحقنا كان التحاق متعب جدًا وخوفي على علي زاد
راهب:سيدي الخطة خطأ والله خطأ
-رااااهب خلص
راهب:شنو اللي خلص هاي صارلة اكثر من عشر ايام مانعرف عايش او ميت شنو ننتظر شنو يضمن راح يطلع عايش خلينا نتحرك لا يوكع الفاس براس والندم ماراح يفيد
-انتَ بس اهداء وراح يطلع سالم
رجعت للمكتب وبالي مشغول مرت الايام اتصل عليه ابوي
راهب:هلا يابه
ابو ازهر:علي ماكو عنه اخبار
راهب:لا ماكو شنو هاي الهوسة اللي يمك شكو
ابو ازهر:ام محمد الحجية زهرة توفت
راهب:ادرييي ملك الموت نام عدهم تربع عدهم ماكو غيرهم بعد
ابوازهر :استغفر ربك ولك امر الله هذا يومها وساعتها
سد التيلفون شمرتة وكعدت خرا بـ هيج حظ أعوج
من بعد ايام طلع علي سالم والحمدلله مرت الايام والحياة ماشية بيها عثرات وصعوبات لكن اول وتالي تستمر بيوم من الايام اتصل عليه علي كلي تعالي انتظرك برا
كان صوتة تعبان نزلت لكيتة واكف بالشارع يروح ويرجع
راهب:شكو شبيك
علي:مابيه شي
تنهد وطلع تيلفون من جيبة انطانيا اخذتة منه وكتلة
راهب:المن هذا
علي:تيلفوني الثاني بيَّ معلومات تهدم بيوت دير بالك عليَّ وخلي يمك بيَّ هواي شغلات تخص مجرمين وتاجر وغيرها وغيرها هواي
راهب:وليش جبتة الي ماتعوفة يمك
علي:أنا اليوم بليل التحق خلي يمك
راهب:شنو براسك علي
علي:ماكو شيء والله بس خلي يمك والعمر بيد الله
راهب:عليييي شبيك خوية شهل الحجي هذا
علي:مابيه شي خلي التيلفون يمك امانة ،في امان الله
راح هوَّ لبيتهم ضلت عيني ورا ومصدوم من كلامة فتحت التيلفون كان بدون رمز بيَّ صور ومحادثات وادلة انواع واشكال رجعت للبيت أفكر بـ كلامة ولازم كلبيي بيدي
بليل التحق هوَّ كعدت بالباب اباوع لـ سيارة لحدما اختفت عن نضري
ازهر:ليش كاعد هنا الجو بارد
راهب: مابيه حيل اكوم
ازهر:دكوم كوم لا تصخن
كمت دخلت جوا التحق علي ورا ايام قليلة سمعنا وفاة مرت عمي ابو مهيب
ام ازهر:يايمه سودة عليه الله يرحمها ويصبر ولدها بنتها وانوب هسة هيَّ
انوار:اروح وياكم حبابيننن خل ارووح
راهب:يلا بسرعة
وصلنا المغرب بيومها الضباب كُلش قوي والجو بارد حيل
مهيب:راهب خابرت مهيمن
راهب :لا
مهيب:نخابرهم
راهب: لا لا تخابرهم الطريق ضباب لايجون ويصير شي
مهيب:هذذا اذا اجهه ما لكهه امي يتخبل
راهب:وحتى اذا خابرتة هسة ما راح يلكاها دفنتوا بعد
مهيب:لازم يحضر الفاتحة
راهب:مهيب الطريق خطررر ضباب مايشوفون
مهيب:تمام خليهم
بـ 3:30 الفجر اتصل علي
راهب:الو
علي: صدك عمتي توفت
راهب:شدراك
علي:العصفورة كلتلي سالفة مثل هاي تنضم
راهب:مهيمن يدري
علي:لا مايدري هسة راح نجي
راهب:لااا
علي:شافط انتَ شبيك شنو لا
راهب:لا تجون الطريق ضباب شتشوف انتَ
علي:نشوف معليك مع السلامة
غلق الخط بدون ما يسمع الجواب ماعرف ليش ما مرتاح احس راح يصير شي يارب دخيلك كمت طلعت برا واني احس جسمي كلها يرجف ماعرف شصارلي بالضبط
ضليت افتر وايدي على كلبي يارب دخيلك فززني صوت الاذان طلعت التيلفون اتصلت على علي جاوب
راهب:طلعتوا
علي:اي طلعنا
راهب:خرا بروحك
علي:عزيز روحي
راهب:والحسن من الزمك
علي:توكل حبيبي
للصبح بلشت الناس تجي وذول ماكو مهيمن التحق ويَّ علي
ضليت انتظر وايدي على كلبي الجو ضباب حيل وطريق دولي
اتصلت على علي التيلفون مغلق ومهيمن مايجاوب
راهب:وييين صاروااا ذول
الشيخ:شبيك
راهب:لا علي ولا مهيمن
الشيخ:اهداء وتفائل بالخير يمكن التيلفون طفى شحن
راهب:يارب
ضليت انتظرهم لحدما اتصل مهيمن اول ما جاوبتة صحت بوجهه
راهب:انتتت وينككك صار ساعة اتصل ماكو
مجهول:السلام عليكم اخي
راهب:وعليكم السلام
مجهول:صاحب هذا التيلفون صار وياهم حادث ونقلناهم للمستشفى هوَّ واللي ويا على طريق بغداد _بابل حاليًا بـ مستشفى ___
حسيت واحد سطرني راشدي سديت التيلفون
امير:شكو
حارث:احجيييي شبيكككك
راهب:صاير وياهم حادث على طريق بغداد الحلة
تركتهم وطلعت وبالي يم علي محد هامني بكد علي روحي من الدنيا علي وصلت المستشفى بالف ياعلي سئلت على علي مباشرةً لكيت شباب واكفين عرفت انُ همَ الي شايلينهم سلمت عليهم وكعدت انتظر الدكتور ورا شوية وصلوا الشيخ وامير وغياث وغيث وحارث
سلموا وكعدوا هم ينتظرون لا ساعة ولا ساعتين والدكتور مابين عرفت انُ همَ اربعة علي ومهيمن وياهم بعد ثنين شباب والي ضاربتهم تريلة (لوري او سيارة كبيرة ) جايهم رونك سايد ابن الــ ضلينا ننتظر طلع الدكتور
الدكتور : ثنين حالتهم جدأ خطرة وثنين نكدر نكول اكو امل بيهم واحد مكسورة ايدة ورجلة واحد رجلي ثنينهن اما البقية فواحد الضربة بالراس جدًا قوية ونزيف قوي ماكدرنا نسيطر عليَ ابد الضربة بالراس بالدماغ والثاني كذلك الضربة بالراس بس ماعنده نزيف داخلي ادعولهم
تركنا وراح ماعرفنا منو الحالتة خطرة ومضروب براسهه ادعي ربي مو علي ربي اخذ كلشي مني الا علي ضلينا ننتظر طلعوا مهيمن ولد ثاني اسمة حيدر وعلي ومسلم بعدهم جوا عرفت انُ علي اخطر واحد هوَ
اول مرة اخاف هيج واول مرة جسمي يرجف هيج لدرجة ما اكدر اوكف واول مرة انهار هيج واول مرة دموعي تنزل بكل سهولة اول مرة القلق والخوف والافكار السلبية تسيطر عليه لهل الدرجة اسمع تيلفوني يدك بس ما اشيلهه انتظر الدكتور يطلع ويجي يكول زين لكن لا كل مرة نفس الكلام
حالتة مو زينه واسوء اكثر واكثر والنزيف مديتوقف ابددد
ورا اربع ايام مهيمن وحيدر كعدوا ومسلم صار خطأ بالاسماء وكالوا عساس مسلم توفى بعدين كالوا لا مسلم دخل غيبوبة واحد غيرة توفى وعلي ابدًا ما تحسنت حالتة
الشيخ: راهب شد حيلك شجاك وروح للبيت ارتاح وارجع
راهب:كل راحة ماضلت وحيلي كله راح من حالة علي
الشيخ : اذكر الله وكوم الكاتبه الله يصير والمكتوب على الجبين لابد اشوفه العين كوم وكول يالله ان شاء الله مابي شي ويطلع بالسلامة ويرجع ويانة
راهب: اكثر واحد صابر هوَ الشيخ اشوف الكل خايف ومتوتر الا هوَ طبيعي جدًا
كمت غسلت وتوضيت وكعدت اصلي سجدت وحسيت حيلي انهد بچيت واني ساجد بچيت بچي يهد الحيل ربي لا تفجعني بي مالي غيرة بعد ربي اخذ روحي اجعل يومي كبل يومة اخذ كلشي مني بس علي لا اخذ الدنيا كلها ولا تاخذ علي مني
ضلينا ننتظر ايام وليالي واسابيع وعلي ماجاي يتحسن طلبت من الدكتور انُ ادخل يمه سمحلي دخلت يمه وكان جسد بلا روح كان عايش على الاجهزه بس دخلت طاحت دموعي تقدمت يمه لزمت ايده
راهب: علي خوية وعلي مشتاكلك كافي بسك نوم اكعد شوف حالي ضماد روحي يبعد اخوك من عمري على عمرك ومن عافيتي على عافيتك يبعد هلي لا تفجعني بيك اكعد كافي والله تعبت بدونك صارلك 27يوم كافي خوية اكعد لاخوانك
حطيت راسي على ايدة وصرت اشهك بالبچي مثل الطفل الكاعد يم امه طلعت من يمه صار بوجهي الشيخ حضنتة وبچيت
الشيخ:راهب لاتهد حيلي كافي اهداء ان شاء الله يكوم بالسلامة خلي ايمانك بربك جبير
راهب: ان شاء الله
وهيج مرت الايام وكل يوم اشوف علي نايم ومايكعد جسد بلا روح حتى وجهه صاير ازرك ومورم راسة كلها ملفوف جسمة كلها والاجهزة تارسة جسمة فقط جسد دعيت ربي تخلص هل الشدة ويرجع سالم
بيوم الساعة ب4 الفجر فجاة اجهه الدكتور يركض لغرفة علي ضل تقريباً اكثر من نص ساعة وطلع كال المريض حالتة تحسنت بنسبة عالية كانت فرحة ولا اروع وتكدرون اطلعونا لغير محافظة ضلت حالتة تتحسن وترجع يصير زين ويرجع يتخربط لكن النزيف ابداً ما وكف
كم يوم وقررنا انُ ننقل علي للبصرة وبالضبط نقلنا علي وضل بالمستشفى ونفس الحالة يوم زين ويوم موزين كان النا امل انُ راح يصير زين ضل شهر ويوم هوَ بالمستشفيات يوم 12/20تخربط علي فد مرة زارة احد القادة وكال راح انقلة لاحد مستشفيات اقليم كردستان هناك يكون احسن
نقلنا علي لاحد المستشفيات من البصرة لاقليم كردستان
يوم الثلاثاء الصبح كالوا راهب وامير وايسر ترجعون للبصرة ترتاحون وترجعون يوم الاربعاء بليل بالبداية رفضنا انُ نرجع لكن الشيخ اصر علينا نرجع للبصرة نرتاح ونرجع
رجعت للبصرة وبالي كله يم علي طول الطريق واني صافن بغير عالم الخوف من انُ افقد علي سيطر عليه حيييل وصلت البيت
ام راهب : هلا بطولك يبعد امك
سلمت عليها وعليهم كلهم وانا حيلي مهدود ابوي يحجي وياي وبالي مو يمه اجت بالي شهد نسيت حتى شهد
راهب : انوار شهد شلونها
انوار : تقريباً نفس حالتك
طلعت رحت لبيتهم دكيت الباب طلعلي صُهيب سلمت عليَّ ودخلت لجوا سئلت عليها كالوا هسة تجي دخلت أنتظرها بالاستقبال
شهد :راهب
راهب :يبعد اسمي وطوايفي
ضلت تبچي كلش تعبانة التعب ابين على شكلها حتى جوا عيونها الحلوة الخذت كلبي صاير سواد
راهب :ليش هيج متعبة نفسج شصاير بيج
شهد :موبيدي احاول اصير قوية بس اني اذا اتعب يبين على شكلي عوفني اني علي شلونة
راهب:ان شاء الله زين
شهد :اريد اشوفة
راهب :وين اشوفينة من يجي شوفي
شهد :عندك صورة اله وهوّ بالمستشفى
راهب : لا
ضليت يمها وبعدين سلمت عليها وطلعت وماكدرت اشوفها علي لان اذا تشوفه تنتهي
صباح الاربعاء :
كعدت ب6 ومالي خلك نفسي مختنك حيل دكت عليه شهد
راهب :الو
شهد بدموع : راهب حباب اتصل عليهم شوف علي شلونة
راهب :شبيج بوية ليش تبچين
شهد :بس خابرهم هسة خابررهم اتصل محد يجاوب
راهب :اوكفي دقايق
اتصلت على الشيخ جاوب سئلت على علي كال اليوم زين حالتة استقرت بدلت وطلعت لبيتهم دكيت الباب طلعت هيَّ
راهب:شبيج بابا شبيج ليش البچي والله مابيَ شي هسة خابرتهم
شهد : الله يعدي هذا اليوم على خير
راهب : اكو شي
شهد :مالي خلك مثل كُل مرة يصير وياي هيج يصير شي موحلو
راهب :استهدي بالله يبعد عيوني وكولي يالله وماكوشي ادخلي بدلي وخل اوديج لجامعة يلا لا تحجين ولا شي
اتصلت على انوار اختي حتى هم تحضر نفسها بـ 7:15 طلعنا شهد كانت ساكتة طول الطريق
شهد وانوار صاروا جامعة مرحلة اولى كلية الطب
راهب :شهد
شهد :ها
راهب :كافي مابيَ شي تره بهاي سوالفج جاي تفاؤلين عليَ كم يوم ويطلع كلشي مابيَ وترجع مشاكلكم وترجعين علينا بخبالج وعنادج وعصبيتج
انوار :شود حبيبتي كافي الكاتبة الله يصير لا تفاؤلين خليها على الله
ابتسمت وسكتت وصلتهم ورجعت بدلت وطلعت لدوام وكل ساعة مخابرهم لحد ما رسول طك صبرة وكال (رسول صديقهم )
رسول :اقسم بذات الله اذا بعد تتصل وشلونة وشلونة انعل يوم يومك لككك بس سلكت عشيرتي كل ربع ساعة شلونة وشلونة من خرا بلشتك
راهب :ومرض شبيككك غير بالي يمه
رسول :والله العظيم اذا بعد اتصلت وسئلت نفس السؤال انعل يومك واحد يتصل كل اربع ساعات تلاث ساعات يااابه ساعتين مو بالساعة يتصل الف مره
راهب : امداك وامده خيرك
رحت يم الولد كعدنا كلنا برا اتصلت عليهم تقريباً الساعه ب7 بليل
راهب : بشر شلونة
رسول : بشارة تكتل
راهب :احجييي فضنييي
رسول :لك علي كعد وحجة ويانة
راهب :العباس عليك
رسول : يسطرك والزهره كعد
من الفرحة ماعرفت شسوي اضحك ابچي اصرخ شسوووي مادري
رسول :تعالوا يريد يشوفك
راهب :اييي اكيددد جايكم
غلطت الخط واتصلت على امير اللي مدري وين راح احنه متفقين نروح سوا ويانه ايسر
امير:ها راهب
راهب :تعال بسرعة علي صحى حتى نروح
امير :والله؟
راهب :ايي والله يلا بسرعة تعال
رجعت اتصلت على ايسر والفرحة ما شايلتني يارب الف الحمدالله
ايسر ماكدر يطلع من الدوام فكال روحوا واني اجي وراكم كتلة لا انتظرك ونروح سوا حتى الولد يرجعون ضلينا ننتظر بـ 8:30 اجهه ايسر بدلنا واجهه امير هم مدري وين جان
واكفين بالباب اني وامير ويمنه البقية امير كاعد يلبس حذائة (تكرمون) حتى نطلع دك تيلفوني الشيخ ماعرف ليش كلبي نغزني رديت عليَّ
راهب :هلا ابو صكر
الشيخ :راهب لا تجون
صوتة كان مو طبيعي
راهب :ليش غير علي صحى
الشيخ :
راهب :شيخ شكووو عليي شلونهه
الشيخ :علي توفى!
.................................
أمير:بيوم خطوبة شهد قبل وفاة جدي رف كلبي على ام عيون السود
لكن ماكنت اعرف شيء عنها الى بعد فترة كُلش طويلة
صديقة شهد اسمها ريماس البنية كانت حلوة واجتني لابسة ابيض تكتل سلمت عليهم بالباب ودخلت بعد فترة عرفت حسابها وتواصلت وياها
كانت رافضة تصير بينه علاقة تعال اخطبني غيرها ماكو
بـ وقتها كانت الضروف صعبه وتوفت بيبتي
قبل لا تطلع الاربعين اصريت نروح نخطبها كانت سكتة تمامًا فقط خليت الحلقة بيدها والحلقة بيدي وطلعنا علي كان مفقود وعلينا الحزن لكن اضطريت
ومرت الايام واحنه علاقتنا حلوة رغم تعبي بس من اروح يمها ارتاح
صارت هي كلية طب مرحلة اولى ويَ شهد
البصرة: صباح يوم جمعة
أمير : ياسر يسوري ابو السوسو الغالي الطيب
ياسر:وخر عني لا اسمطك براشدي اغير معاني وجهك
علي:شبيكم من الصبح جنكم شرايج
ياسر: اخوك جايني لدوام وسمط ابن المدير براشدي عبالة انا وهذا كل ما يشوفني يكولي هيَ هاي اخلاقكم تمشون وتضربون بالناس
امير : يابه چا شنية تصير بأرقى العوائل
ياسر : صجيجه كون
ريم:ضحكوا وسكتوا صار هدوء على السفرة جنه كلنا متجمعين يوم جمعة والريوك يمنه كسر الهدوء علي وكال
علي: بعد كم يوم انا التحق واحتمال اطول لان عندي شغل هواي
ام اسيد: ترجع بالسلامة يبعد عافيتي
علي:فدوه لكلبج
خلصنا ريوك والولد كلهم طلعوا وعمامي وابو ادم كعدوا بالديوان واحنه كعدنا بالصالة جانت الساعه بــ10 الصبح دخل علي صعد لـغرفتة ورا دقائق معدودة ندك الباب بس مو دكة شلعت الباب من مكانة
ام اسيد: جيبلي عباتي خل افتح الباب
علي: انا رايح ولحد تطلع باب الصالة
طلع علي طفرت شهد لشباك المطبخ تباوع كل هاي الهوسة احنه مندري شنو السالفة ومنو ذول وشكوو مثل الاطرش بالزفة
ام شاهين :ولج شهيدان شكو
شهد : والله مادري يحجون على كيف ما اسمع
دخلوا كلهم الولد للصالة عدا علي
ام جاسر :ماتحجون واحدكم جنه بركان
الشيخ: قبل فترة صارت مشكلة بالديوان بين ولد عم ونحلت لكن علي ذبلة كلمة على واحد ذاك يحب وحدها وهيَ ماتريدة ضل يزود بالحجي هواي وانا وانا كله علي
علي: لا تكعد وتمدح بنفسك وتهوبز هواي البنية متريدك لاتلزك
الشيخ: صدمنا لان علي نادراً يحجي هيج كلام بـ وجود عمامي صار بينهم كلام هواي بالاخير انحلت من رادوا يطلعون واحد منهم كال للعلي دمك مهدور وصعدوا سيارتهم وراحوا لهنا احنه بعد مافتحنا الموضوع لكن اخونا الله يسلمة وتعرفوا محد يحجي ويا كلمه الا يكره بنفسة شمسوي نور العين مخابر الولد من رقم وحاجي ويا ومتفق على انُ يتواجدون بفلان مكان
قاطع كلام الشيخ دخول علي وهوَ يكول
علي: وبالضبط خابرتة وتواجد بنفس المكان مكان كان شبهه مهجور وجنت اباوعلة بس ما طلعتلهه والفاهي ابن الفاهي سويت ويا هاي الحالة مرتين وبالمرة الثالثه طلعتلة وعلمتة شلون يهدد عدل وشلون يكبر. راسة وبالاخير الي هوَ البارحة بليل دزيتلة معلوماتهه بالكامل يعني ماسويت شي أصلًا ولا شي هوَ كال انُ اني ابتزيتة بصور نسوانهم . رجعت علمتة شلون يجذب على الناس عدل وسلامتكم
شهد: ماسوي شي ترا
علي:مو بلا يتهمون بيه كوه
شهد :معليك بيهم
اسد:شهيدان اكرمينا بسكوتج
الشيخ: اكثر من مرة اكلك قوتك وعصبيتك وعنادك وانتقامك البارد عندك وتبهذل بي الناس ورتبتك ومكانتك لا تستخدمهن كوسيلة انتقام لناس اذا انتَ قوي اكو رب أقوى منك وفهمك كفاية
علي: لا قوتي ولا عصبيتي ولا عنادي ولا انتقامي ولا رتبتي ولا مكانتي كلهن فدوة يرحن الك بس هوَ استفزني ويهددد ابن الصوندة ما استخدمت شي ولا سويت شي
اسد : وايده شبيها
علي:ابو كاتلة مو كال كدامكم
اسد: تنرفز اكبر راس
علي:فدوة لوجهك
الكل سكت وهيج مرت الايام بهدوء ماكو شي جديد نفس الروتين ينعاد اجه يوم التحاق علي جان كاعد بالصالة منتظر السيارة اللي يرحون بيها وبحضنة همس بنت الشيخ وام اسيد وام ادم كاعدات يمه
ام ادم :يمه دير بالك على نفسك فدوة اروحلك
علي: الله الحافظ خاله
همس :اوح وياك
علي: بعدين ترحين وياي مو هسة
خزرتة ونزلت من حضنة راحت لحضن ام اسيد
علي:تعالي خل اشبع منج راح اروح
همس: اووح وياك
علي:اي بس مو هسة باجر حتى نروح لمكان حلو هسة اني راح اروح لمكان مو حلو
ضحكت وراحتلة تركض ضل يلعب وياها لحد ما اجت السيارة اللي يروح بيها الولد كانوا كلهم كاعدين بالحديقة كاموا كلهم حتى يسلمون عليَ
ودعنا وراح قبل لا يطلع كال
علي: ابروني الذمة
كال هيج وطلع حتى ملحكنة نجاوبة مباشرةً انطلقوا
امير:كل واحد راح لغرفتة وكل واحد راح لـ اهلة صعدت لغرفتي اتصلت على قرة عيني ريماس حجيت وياها وبعدين كلمن راح لفراشهه مرت اربع ايام بهدوء بيوم كنت بالدوام اتصل عليه ليث اخو قمر
امير: هلا بالكاطع
ليث : أمير
كان صوتة واحد يبچي تعبان ماعرفت بالضبط
امير : ليث شبيكك
ليث : امير امي ماتتت
انصدمت المراة مابيها شي يعني بسرعة بسرعة ماعرفت شرد عليَ رجع كال
ليث : تعال امير تعال
امير : الله يرحمها ان شاء الله جايك
سديت الخط واني بعدني بصدمتي اتصلت على الشيخ وكتلة بالصار توجهت قبلهم لبغداد وكانت دنيا ضهر بالي كله يم ليث اريد بس اوصل ليث حيل متعلق بأمه مثلي من جنت متعلق بأمي وفجاة راحت من ايدي هسة ليث هم صار بي مثلي،وصلت بغداد ب6 العصر كانت الفاتحة منصووبة وبس مهيب وخوالة موجودين لان عمامة كلهم بالبصرة سلمت عليَ وسئلت على ليث كال راحوا لنجف
امير :ومهيمن عرف
مهيب:لحد الان محد خابرة
مهيمن التحق وي علي بـ 7:30 وصلوا الاهل كلهم عمامي ولد عمي وراهب واهلة وعمامه النسوان دخلت لجوا واحنه تكفلنا بالفاتحة كان الجو بارد وبي ضباب
.........
ريم : جنت فوگ ابدل لجهالي وسمعت صوت عالي جوا احس حيلي انهد شمرت جهالي ونزلت اركض ماعرفت السالفة شنو
راهب يصرخ لا شتحجون انتوا وجسار يريد بس يهدي راهب مديكدر والباقي كلهم واكفين صدمة لحد ما دخل انور اخو راهب وعلي اخو نمر وابو راهب
ابو راهب :لك كافي تخبلت إهداء شبيك
راهب :اقسم بذات الله اذا ماترجع تخابر هسة انعل يوم يومك
ابو راهب :اكعد شبيك
جسار : عمي علي توفى !!
كانت صدمة للكل حتى ماعرفنا نجاوب راهب عاط بي ولك اسكت شتحجي انتَ جاي اكلك مابيَ شي مابيَ شي
كدرنا نستوعب الخبر انُ علي توفى دخلنا صدمة اول وحدها صرخت هيَ غزل شوية شوية بدا صوت العياط يرتفع بدت الناس تلتم
الكُل يصرخ خوية ناس تصرخ وتلطم اصدقائة كُلش هواي اجو ناس هواي البيت يعني تحس نفسك تمشي على ناس رغم بيتنا كُلش جبير بس انترس ناس حتى ع الدرج كعدت نسوان
نسيت جهالي ماعرف وين راحوا صعدت اريد اروحلهم استوقفني صوت همس وهيَ تبچي بحضن صكر ثنينهم يبچون
ريم : صكر حبيبي
صكر :عوفيني عمه عوفيني
كان يبچي وحاضن همس حيل وهيَ تبچي
اخذت همس منه حاولت اسكتها بس مكدرت حاولت اسكت صكر كذلك ماكدرت عافني ونزل يبچي اجتي وردة اخذت همس واني رحت لجهالي تيم كاعد وتألين بس وطن ماكو يبچون لان صوت رمي كُلش قوي صار وصريخ نسوان وزلم هوسة بشكل حرت اسكت نفسي لو اسكت جهالي
اجت مرح اختي خليتهم يمها ونزلت
صار الصبح واحنه على فد دمعة وصرخة لكن الجنازة لحد هذا الوقت وهيَ ماكو ! تخيلوا صار الصبح وماكو اتصلنا عليهم كالوا بعدنا مطالعين من اقليم كردستان بسبب اكو تأخير بشنو ماعرفت نصبوا الفاتحة والتمت الناس و ما اتمنى حالنا لعدو صدمة كُلش كبيرة
توفى يوم الاربعاء بليل ثاني يوم الخميس ب6 يلا وصلت الجنازة للبصرة كان هيج وقت ليل لان شتاء
دخلوا الجنازة كانوا كلهم لابسين عسكري الي شايلها فــ اول مدخلوا تلكتهم عمتي ام اسيد بالباب وهيَ ادكول (نعي)
:"يمه هلا بيك يالـكلك حمية
هلا بيك يالمابيك مَره
كون الغريره نبت بردي
وطروشنا تروح وتجي
اكلهم علئ العالوا عليه
طبيب طيبلنا النوده
يمه الروح والمعبود عنده
يمه هلا بيك يالكلك حمية
يمه انه اليوم زايد ولم كلبي "
كلهم ضلوا يبچون حطوا الجنازة وطلعوا تقريباً نص ساعة ودخل الشيخ
الشيخ :يلا بوية شيلوا الجنازة
حرفياً صار انهيار الكل يصرخ لا لا
الشيخ :يلا بوية كولوا يالله اذكروا الله مايصير هيج اكرام الميت دفنة من البارحة ميت وما مدفون يبعد ابوكم يلا
شالوا التابوت لزموا اصدقائة برا كلولة خل نودعة صاروا كلهم على التابوت
راهب :خوية ماعندك ام تصرخ عليك انا امك واشك زيجي على طولة
وكفوا اصدقائة على التابوت وهمَّ يلطمون لطم نسوان
_وهذا موش يومك يومك بعيد
_وغايب لا تسجلونة مامور ويرد لـ جيش
راهب شك ملابسه من الطول لطول وكفوا أصدقاء علي كلهم على التابوت واخوانه وكل الشباب تجمعوا وضلوا يلطمون لطم نسوان !! بعدين هوسوا
اهلاً بالجاي مسير صار ايام نريده يكوم
راهب انتهى بمعنى الكلمة صار جسد بلا روح فتح التابوت حاولوا انُ يمنعوا لكن ماكدروا
راهب:اروح فدوة لـ وجهك أنا ياخوي يا أغلى من كل غالي علاوي خوية حاجيني عليك بداعت الخوة مايوم حاجيتك ورديتني خوية كتلك بـ فرد تابوت اتمددد وياك حاجيني عليييييييي احجييييي وياي مو وكت موت يخايبببببب مو وكت موتتتت بعدك صغيرررر حاجينييييي
امير قميصة اسود صار رصاصي من التراب شعرة وجههه ضل يصب دم كد الضرب ويصرخ خوية
اسد وصهُيب ثنينهم مثنين وكاعدين بالكاع ويصرخون ولك خوية
اصدقائة ولد عمه على صرخة وحدها ودمعة وحدها وخوية ياخوية
عمامة ذبوا عكلهم وكعدوا بالكاع يبچون
خاله ابو ادم اللي كان اب اله كاعد ويصرخ يابوية يا اغلى من ولدي
خواتة شهد ازل غزل عسل صوت ماضل عدهن كد الضرب صار وجهن ازرك
عماتة كلهن يصرخن ولك يمه يبعد امك الموت الي مو الك
الكُل كان منهار كبار وصغار حتى همس الي عمرها سنتين الي لازم نكول متفتهم شي لكن لا كانت تبچي وادكول بابا علي ! وطن سند صكر شبل متيم وكُل جهالنه ناموا على التابوت. يبچون ! انهيار بالكامل
الا الشيخ كان الوحيد الواكف على حيلة ويكول يلا كولوا يالله شالوا التابوت
وكالوا
ابروا الذمة
بالباب واحد من اصدقائه سحب سلاح وصاح
_على زين الزلم خل تحزن ام شاجور
ضل يرمي وهواي ويا رموا
سووا اله زفة صعد حارث لغرفة علي نزل صورتة عنده صورة بغرفتة مخليها لابس عسكري وضاحك بيها
شالوا الصورة والتابوت وراها شيعوا علي بليل وراحوا
وراح علي
ومات احد الشجعان وانتهت رحلتة بـ هاي الدنيا
وتوقف قلمة عن الكاتبة وانغلق دفترة
وهجر غرفتة
وترك صديق الطفولة
والاصدقاء
والاهل والاحباب
ينحبون خلفة
هذه هي قصة احد الشجعان اللي خسرناهم
هاي احد القصص المؤلمة
من بعد معاناة كثيرة وصرعات
انتهت بالموت ...
اغلق الكتاب وانتهت قصة علي وقمر
ان شاء الله يلتقون بالجنة
مو كُل قصة نهايتها سعيدة ...
..............................................
النجف الاشرف
ياسر : اخذنا علي وانطلقنا لنجف دخلنا للمغيسل دخل راهب حتى يغسلة من دخل كل الحاضرين بجوا
راهب: مو الك النومة يبعد روح اخوك مو هيج متفقين علي والله مو هيج الموت مو وكتة خوية كوم حاجيني عليك الله افتح عيونك وحاجيني لا تهد حيلي تعرف مالي صديق واخو غيرك خل يرحون اخواني كلهم فدوة الك خليني اخسر الدنيا كلها بس انتَ لا أنا أنا راهب عزيز روحك شلون تقبل تكسرلي خاطر هذا أنا راهب علاوي خوية شريك سنيني خوية صداقتنا اكثر من عشرين سنة شلون هيج تنهي كلشي وتروح
كلها ضلت تبچي ماكدر يغسلة حضنة وضل يبچي بعدو راهب عن علي وبدوا يغسلوا الجو جان بارد وبليل
الماي كان بارد اللي غسلوا بيَّ
راهب:ليش الماي بااارددد الجووو بارد وتغسلة بـ ماي بااارددد
سحبة اخو ازهر لـ برا خلصنا من المغيسل توجنا
لـ مرقد الامام علي (عليه السلام ) فرينا الجنازة على الشباك
وكف راهب كبال الشباك وصاح بـ صوت يكسر الصخر
راهب:نخيتك ياعلي مفارك عزيز الروح
مخنوك بـ عبرتي وضاكت الوسعة
يالمرجع الشمس معقولة يامولاي
انخاك على اخوي وتعجز ترجعة
البعض ضل يبچي والبعض ضل يترحم لـ علي طلعنا. متوجهين الى مقبرة وادي السلام كانت الدنيا ليل
والدفان ينتضرنا ومحضر الكبر وصلنا قبل ما يدفنوا كال راهب
راهب : لا اوكفوا خل انزل اقرا زيارة عاشوراء
نزل تمدد بالكبر ويقرا ويبچي خلص وكوه سحبنا من الكبر نزل الدفان ونزلنا الجسد وبدا يلقنا
: عن امور دينك ودنياك
فلا تخف ولا تحزن
فجاوب باللسانً فصيح
عربياً مليء
الله جل جلالهُ ربي
ومحمد خاتم الانبياء نبيي
وعلي امامي
وفاطمة الزهراء سيدتي ومولاتي
والحسن امامي
والحسين امامي
وعلي ابن الحسين امامي
ومحمد الباقر امامي
وجعفر الصادق امامي
وموسئ الكاضم امامي
وعلي ابن موسئ الرضا امامي
ومحمد الجواد امامي
وعلي الهادي امامي
والحسن العسكري امامي
والخلف الحجه عجل اللهم فرجه
وسهل اللهم مخرجه
هولاء أمئتك وسادتك
قادتك بمن تتولاء
ومن اعداهم تتبرأ
في الدين والدنيا والاخره
ثبتك الله بالقول الثابت
وهداك الله الى الصراط المستقيم
عرف اللهم بينك وبين اوليك
في دار الجنات النعيم
عفوكَ عفوكَ يارحيم
عفوكَ عفوكَ يا كريم
ورحم الله من قرأة سورة الفاتحة مسبوقتاً بالصلاة على محمد وال محمد
راهب:علييييييييي لاااااا ولككككك لااااااا حاجينييي ادفنوني ويا عليكم الله ولكم والله مو كد الفراك والله
راهب لطم صرخ تراب الكبر يشيل ويذب على راسة ويصرخ خوية ولك علي ليش عفتني
وامير نام على الكبر نريد نكومهم من الكبر مانكدر
تأخرنا هواي وصار الصبح واحنه ما راجعين انا وامير وراهب ورسول
رسول :امشي عليكم بروح عليَ كوموا والله العظيم حرام عليكم
راهب :عوووفوني بحالي
رسول :لو عايش ما يقبل اسوي هيج كوم يلا هواي احترمتك
سحلناهم سحل وطلعنا للبصرة من نزلنا استقبلتنا امي وعماتي وخالاتي ونسوان كُلش هواي اول وحدها ام راهب نزل راهب يلطم على وجهه
يلطم لطم النسوان توسط النسوان ويلطم لحدما راحله الشيخ
الشيخ:ولك بسككك
وكع بيدة جثه شلنا للمستشفى صارت عنده ذبحة صدرية
ايام كانت اشبهه بالجحيم محد كان متوقع هذا الشيء
بقى علي 38 يوم بالمستشفى وجنه متوقعين راح يطلع سالم لكن الموت اله رأي تاني
شكرا لزيارتكم عالم روايات سكيرهوم
