رواية قصة وجدان الفصل التاسع والثلاثون بقلم انين الليل
عاصف
::الو
اجاني صوت مره // مرحبا
:: اهلا وسهلا منو
- - انت عاصف
:: اي انا. عاصف منو انتي ؟
- - مو مهم تعرف منو اني او بالاحرى من. اجي راح تعرفني رايده منك شغله وحده اريدك موجود انت وابن
اخوك بهاء عندي شغله. جدا اتهمكم
اتصدكون خفت :: كولي على مود وجدان
- - امم تقريبا بس اريدكم تكونون انتو الاثنين موجودين
:: تدللين جيبيها وياج وانا اتعهد ال...
قاطعتني // حيلك حيلك اجيب منو حجي اكو شي لازم اتسمعه وابن اخوك موجود باجر الساعه 11 الصبح
عرفت وجدان يمها سايستها بالكلام :: اي مي خالف وين تحبين نجيلج
- - اني اجي انطيني العنوان بس اتمنى نكعد بهدوء بعيد عن الشوشره يعني اني وانت وابن اخوك وبس
ما اريد اي احد موجود لان كلنه نريد نتوصل الحل بهدو
:: اي حاضرين باالي اتامرين بي بس. غير اعرف انتي منو
- - هسه قابل تريد تخطبني اجي وتعرف منو اني ياالله مع السلامه
سدت الخط احتاريت شسوي صرت اتساءل :: هاي منو وشتريد اي ما دام طلبت تشوف بهاء هاي هي تعرف دربها وين
ركبت سيارتي. ورجعت للبيت اتلكتني فرح // الله يساعدك بابا
:: هلا
دخلت الحجرة امي من شافتني // ها يمه بشر
اجت رجاء // اصبلك تاكل
:: ما اشتهي شبعان
امي ردت // شني هي ما تشتهي صبيلي انا ويا عاصف يمه متانيتك. ناكل سوا حتى دواي بعدني ما ماخذته
(باوعت الرجاء) رو حي عمه جيبي اهنا خلي ناكل انا ويا
راحت رجاء وانا صافن وامي تراقبني جابت رجاء الغدا صحن تمن ومرك سمج وخبز وخضره
اخذت نص خبزه وخليت بيها خضره وصرت اكل وامي تباوعلي وحتى رجاء سالتني // ليش ما تاكل خوش مركة سمج
:: شبعان جيبيلي جاي
- - اي
دارت امي كالت // اوكفي رجاء اخذي الصينيه
رجاء// شني عمه شو حتى انتي ما اكلتي
- - اكلت الحمد لله جيبي الجاي
هزت راسها وراحت امي سالتني // شني يمه ؟
ما رديت عليها اتنفست بعمق وطلعت نقالي :: انت وين ؟
:: تعال رايدك
رديت بحده :: اي هسه جا باجر
:: ياالله يم امي متانيك
امي. // ياهو هاذ ؟
ما رديت هي اتحسرت
جابت رجاء الچاي صرت اشرب وانا صافن ورجاء تسولف على امي اتكللها
- - علاوي من اجت وجدان وهو ضايج چان يريد يروح وياها
امي تحرك بيدها // وين ايروح اهنا بيت جده
- - اي عمه صدك بس خطيه الوليد يريد اخته وبهاء يموت علي
- - مو وكته هسه ماتشوفين بهاء من يجي حتى ما يحجي وياج
رجاء تهز بيدها // جا انا شمسويه مو عاصف كال لاتجيبون طاري
امي // لا مو عاصف مهدي ونهوده خافو على بتهم تجيها شريجه وانتي همه صفيتي وياهم
رجاء // وهسه هو مو هل الاخذها شبعدله ما يحجي ويانه يدش ما جني امه ولا يشوفني بعينه
- - - من يجي ابنج حاجي انا مالي شغل
كامت وامي حجت //. هسه هي الخذت ابنج بلعت
سالتني // ها يمه شصار كلي
تستمر القصة أدناه
بقيت ساكت ما رديت سمعنا صوت مهدي وهو يكول // وينكم
استعدلت :: اهنا مهدي فووت
دخل // السلااام عليكم
:: عليكم السلام
- - اشلونج يمه
- - هله بيك الله يسلمك
مهدي // شني وين انت عاصف شو جلال ايكول ما مر عليه وجابر يكول ما شفته والفلاليح محد شايفك وين جنت
:: عدي شغل
- - ها عاصف خير خابرتني
:: كل الخير اريدك تاخذ فلوس وتروح البغداد اتسددهن الابو تيمور
- - وليش اخذهن خو انحولهن
:: لا ابو تيمور عده شغله شوفها اذا تفيدك ناخذها
- - شني من شغله
:: معدات ثقيله ورايدله شريك
- - وانا منيلي ؟
:: ادري بيك كل شي ماعدك بس اذا تفيدنا ناخذها انا وياك الفلوس مني والشغل عليك
مهدي // هاا ؟
هزيت راسي :: اي شبيك شنو زغير ما تعرف تبيع وتشتري وهم اخذ مرتك ورجاء والبنات للزياره
مهدي بااستغراب // ياريت بس مو فرح وهجيره والولد عدهم مدارس
:: يومين مهدي ما ياثرن خليهن يتونسن
- - علواا بس تدري
:: انا الادري جيبك يغني بي داخل حسن
- - بس اذا كلنه نروح ياسياره تاخذنه
:: نشوف سيارة سامي ابن عجيل
- - ها خوش هسه انا اخابره
:: اسمعني مهدي ما اريد اي احد لامرتك ولامرتي ولا اي واحد يعرف بهاي الشغله تروح لابو تيمور ابحدك
وتكعد وتتفاهم ويا ابحدك ما لزت فلانه لو لز علتان
مهدي // حتى بهاء
:: حتى بهاء
هز راسه // خووش
:: راح اخابرلك سامي وانت خليهن يتحضرن
باوع الامي ///ها يمه ترحين ويانه
باوعتلي وهزت راسها // لا ما اروح
- - ليش يمه
- - اريد اروح اشوف اختك وابنها
- - بعد انتي من راحت صاحبتج ما صرتي ترحين
امي بحسره وحزن // ايي الله يرحمها
حاچيت مهدي :: اي صدك مهدي مو ترحون البيت كريم وتكلفون العالم
مهدي // ليش عوود
:: شني ليش الفنادق ضاله هي ليله بغداد وليله نجف وكربلا
- - لا ابو فرح رايحيين ورايحيين نبقى ابغداد يومين هييج
:: ابقى تلث تيام بكيفكم بس لا تكلفون على كريم روحو ورجعو كون هو ما يدري بيكم مريم عايله عده وعلى الراتب
ومن ترحون يتكلف
امي //. اي يمه مثل ما گال اخوك لا ترحوله
وكف // خوش خلي اروح اكللهم يتحضرن بس ساره تروح تظل
:: شوف رجلها يقبل تروح خلي تروح
- - خاف مو زين عليها چيف حامل
::: بعد ما ادري
امي // ما عليها شي شنو لازك بصمغ
راح مهدي وامي فاتت سدت الباب وسالتني // شني يمه ؟
:: شني ؟
- - وديت مهدي للزياره هو وعايلته واحنه بيا حال
نفخت واحس بشفايفي يابسات :: شسوي حجيه من ورا بت ابنج
- - غير اتفهمني
:: انا نفسي ما فاهم شي
- - احجي يمه تره اعصاب ما ظلت عدي
شربت ماي :: تلفون ما ادري صدك ما ادري جذب كالت باجر الضحى تريدني بس انا وبهاء
- - ياهي ؟
رفعت اجتافي :: ما ادري بس من طلبت بهاء معناتها اكو شي هلوديت مهدي المهم ما اريد احد يعرف على ما الكاها
امي تحرك بيدها // شني تظل مضمومه ب الله ما لكيناها ؟
تستمر القصة أدناه
شعلت جكاره :: نلكاها ان شاالله
رفعت ايدها بالدعاء// ان شاالله يمه انا كلبي بارد
هزيت راسي هي استردفت // بس هذا بهاء شتكله
:: عليش يمه تره كاض روحي منه كوه
- - على كيفك عاصف
:: شعلى كيفي فرخه عدنا سنين صوت ما نسمع الها تالي بيوم وليله شردت منه ليش
- - هسه هذا كله هين بس كون باجر نحصل النه خبر
:: كولي ان شاالله
- - ان شاالله يمه
اتمددت بالحجره يم امي اريد بلكي شويه اغفى بس النوم مجافيني
امي على جربايتها تستغفر تقريبا اكثر من ساعه اتصل بهاء :: الو
- - ها عاصف هذوله بيت مهدي وياهم امي وفرح يردون يرحون للزياره
:: اي وشبيها
- - احنا بيا حال
:: ما بي شي حالنه خليهم يرحون وانت باجر الصبح رايدك
- - ليش شكو
:: لا تسال الساعه عشره انت يمي
سديته بدون ما اسمع رده وانا عاض على شفتي بقهر
امي // على كيفك
حاجيتها بعصبيه :: هم گلتيلي على كيفي شايفتتني مسودن كدامج تره انا متربطات اديه ورجليه كوه اتحرك
- - شبيدي عليك يمه
:: وين راحت لو بس اعرف شويه ابرد
- - هسه بلكت هاي الخابرتك عدها خبر
:: ادري جايه على مودها بس منين تعرفها
- - اصبر الباجر وتعرف كل شي
:: هوانا شعدي غير الصبر اخذت عمري كله وانا صابر
نزلت رجاء دكت الباب ودخلت // ها عمه كاعده
- - اي كاعده فوتي
- - نهوده خابرتني تكول باجر نروح للزياره كلنه بس انتي تظليين چا ياهو يبقى يمج
- - اروح البيت بتي اشوف ابنها واشوفها
- - ها يعني تبقيين يمها
هزت راسها // اي وانا شعليه من كون اظل الوحدي عاصف يمي
رجاء هزت راسها // لا عمه شلون تبقيين لوحيدج علاجج وياهو يخدمج
امي تحسرت /// روحي عمه من زمان انتي ما رايحه للزياره
حاجيتها :: حضري هدووم العلاوي تاخذونه وياكم
رجاء// ها ما يظل اهنا
:: وين ايظل امي تروح البتها وانا عدي شغل وين يبقى اخذو وياكم
- - اي خلي يروح شعلي اصلا ما دام رايح ابراهيم بعد شعنده باقي
امي //. اهدومه بالخانه طلعيله تراك وبنطرون وقميص
:: صيحيلي بتج
طلعت وكفت بالدرج // فرح فرح ابوج رايدج
نزلت // ها بابا ؟
:: علاوي انتي مسووله عنه ما يغيب عن عينج لحظه
هزت راسها باامتعاض طلعت فلوس :: هاج هاي الج وهذني العلي شنو يريد اشتريله هذا مو بس ابن عمج لا اخوج
وهذني الج (شمرتهن على رجاء )
اخذتهن وراحت وانا ساكت وبس احرك جگاير امي حاجتني // يمه كافي راح اتموت من الجكاير
:: عساني بالموت
- - اسم الله عليك وراك انذيه كلنه
:: وهسه انا شني السويته بي خير ؟
- - على كيفك يمه
:: وانا شمسوي بالعها وساكت هاي بس اسحك جكاير وشارد من العالم عدي وبالي كلها تدري بيها شارده هالظال
بحيره ما ادري احجي وافضحها ومن اكضها لازم اكتلها حتى اغسل عاري ما ادري اسكت يكتلني التفكير
امي // حكك يمه محد ايلومك خلينه ساكتين منا الباجر
نفخت :: اي اسكت واشوف اشوف هاي المصيبه بلكي خبر عاد اسدها واسكت بهاء
امي // شوف عاصف شكد ما انا احب بهاء وربيته وتعبت علي وحنيت واحبه بكد روحي ويمكن اعز بس لا الحك
حك شوف الا ما طلع هو المطرحها وشردت من ضيمه
باوعتلها وانا رافع حواجبي :: ها
هزت راسها // اي يمه الفرخه من اجت حتى ما تكدر تحجي بس ترجف وميته من الجوع
تستمر القصة أدناه
باوعت الها وهي يرجفن شفايفها // سوده بوجهي لو ادري مخليتها يمي وما موديتها ويا
:: مو من نشدتج كلتيلي زينه وفرحانه ومن كتلج متغيره كتيلي حامل
- - اي صدك حامل بس انا جذبت عليك وهي ما حجت شفتها شلون تاكل لو بطنها المخروطه على ظهرها
:: مو كلتي حامل
- - اي حامل بس كاتلها الجوع والضيم
:: ليش ما حاجيتيها
- - اگلك الفرخه حتى من تحجي تتلفت خافن يسمعها
وگفت وانا عاض على شفتي :: بعد ما يفيد الحجي
اطلعت للحقل وشفت الفلاليح كوه اريد الوكت يخلص وبالليل رديت بحيث من الساعه ثمانيه دخلت للغرفه بقيت ابحدي
وانا بس اسحك جكاير ومره اسب مره اعض اصابعي مره اغم روحي واحچي واهدد وانا ما ادري شني هاي الجايتني ومني
الفجر حسيت بحركه عرفت مهدي وعياله ورجاء راحو اتوضييت وصليت وبقيت بالغرفه گاعد تقريبا الساعه بثمانيه
امي دكت الباب وهي اتكلي // عاصف كاعد يمه
فتحت الباب شافتني // صباحك خير
:: هله صباح النور
- - ياالله يمه تعال فك ريكك
:: حجيه ما اشتهي العسل
- - هو شني ما تشتهي صدك جذب بس تحرك. جكاير تيالله سويتلك ريوك
راحت تمشي وهي تگول // لدالي انت تسويلي ريوك انوب من ايست انا كمت سويت
مفوره حليب وحاميه الخبزه وسالكه بيض كعدت اكلت بيضه وشويه خبزه وجبرتني اشرب حليب شربت شويه
ما حبيت اضوجها لان اعرف بيها هي شكد مقهوره وكابته بگلبها كمت كتلها
:: القوري بي جاي مو
اي ليش
:: خاف احد يجي
عود اسويلهم جاي جديد
رحت كعدت بالصاله وهي اجت يمي ساكته وتسبح
اتصل بيه مهدي وگلي همه بالطريق وانا مو يم هذا كله اريد الوقت يمشي حتى اشوف هاي الخابرتني
تقريبا بالعشره اجه بهاء سلم وباس راس بيبيته الي ما انطته وجه گعد وصار ايدخن بعدها سالني // ها عاصف خير
:: كل الخير عندي شغله وياك
- - اي شني شصاير
:: هسه تعرف اگعد اهنا اخلص. تلفوني واجيك
دخلت للغرفه وتلفون لازمه بايدي اريد منها اتصال ماكو بقيت اتحرك بالغرفه وانا اكول
:: اتصل اتصل وين صرتي ما تتصلين
كعدت ادخن رن عليه نفس الرقم راسا جاوبته :: الو
- - الو اني هسه قريبه من عنوانكم بس النزله مدا الكاها
:: اجي الاگيج
- - لا بس دليني
صرت ادليها وهي گلتلي // دخلت على نزلتكم
:: تمام هسه كدامج لا يسره ولا يمنه گبل
طلعت واشرت البهاء الي سالني // وين
امي گالت // وانا يمه
:: تعاي بس حضري جاي
محضرته من گتلي
بهاء// اي غير اتفهموني شكو شصاير شنو لعبه شكو وديتوهم ايزورون والبيت محد بي
امي // وانت خايف من البيت جي محد بي شني احنه طناطله تخاف من عدنه
هز راسه // لا ما خايف بس غير افهم شكو ؟
:: احنه نفسنه ما ندري شصاير جيب الجاي وتعال وراي
- - انوب جاي
طلعت بدون ما ارد رحت للمضيف كعدت ع الكرويته البره واجه بهاء وامي الي سالتني // اهنا نكعد
هزيت راسي :: لا داخل بس متاني انتو ادخلو هسه اجي وراكم
بهاء بعيونه اسىله لمن ما وكفت سياره ونزلت منها بنيه شابه يجي عمرها خمسه وعشرين او اكثر
لابسه بنطلون وقميص شويه طويل وخاله شال على راسها بس ما ضام شعرها كله وصلت يمي سلمت عليه
تستمر القصة أدناه
- - السلام عليكم عاصف مو
هزيت راسي وانا اباوع الداخل السياره بلكي اشوف وجدان بيها لكن ما شفت بس البنيه رديت عليها
:: عليكم السلام وصلتي اهلا وسهلا
اشرت الها تدخل للمضيف الي من دخلت اتفاجا بهاء بيها هي ابتسمت وسلمت
مرحبا
بهاء رد // اهلا ومرحبا
امي // هلا ومية هلا
باوعت الامي // شلونج حجيه
- - طاب لونج هله بيج ياعيني
ابتسمت اكثر وردت // سالمه عينج
:: اتفضلي استريحي
شكرا جزيلا
كعدت وحجت // اني حدخل بالموضوع مباشرة واتمنى تسمعوني انت والاستاذ بهاء بدون ان تقاطعوني حتى
بالمقابل اني هماتين اسمعكم وبالتالي راح نوصل الحل يرضي جميع الاطراف
بهاء راد يحجي رفعت ايدي :: اتفضلي نسمعج
- - اني اسمي داليا محاميه واسكن بغداد واجيت اليوم حول قضية بنت اخوك وجدان وزوجتك يااستاذ بهاء
بهاء راد يحچي لكن هي رفعت ايدها //. خلي اخش بالموضوع مباشرة واوضح الصوره وجدان كانت بالمستشفى
وعندي تقارير تثبت هذا الشي وعندي هماتين تقرير الشرطه
استغربت :: تقرير الشرطه ؟
هزت راسها // اي تقرير الشرطه البنيه متعرضه للعنف والضرب من قبل زوجها مما ادى الى ان تجهض ونزيف
حاد وهذا الشي هو الي خلا ياخذها للمساشفى ،
بهاء// چذب انا ما ضاربها
- - اني رحت وجبت تقرير النستشفى الي انت ادعيت بي هي واكعه او زالگه على حد تعبيرك من الدرج
- - المهم بتكم اجتي البغداد ودخلت مستشفى وسوولها عملية تنظيف الي هي كرداج ولان نزفت دم هواي اظطرينه
انخليلها بطلين دم ولو ما ستر الله كان ممكن تفقد حياتها ومو بس هذا ناهيك عن الحاله النفسيه والضرر الي اصابها
نتيجة تعرضها للضرب وفقدانها للجنين لذلك هي رفعت دعوه او خلي انكول وكلتني برفع دعوى ضد زوجها بعد
ان اشتكت علي وهي البنيه ما تريد شي بس الطلاق
سالتها :: يعني انتي شفتيها ؟
- - جاي اگلكم البنيه انهزمت لان رادت تشتكي علي بعد ان ضربها وسقطها لذلك هي اجت البغداد
:: منين تعرفج
باوعتلي بعتب // هذا كل الي ايهمك
:: بس من باب المعرفه بالشي
- - بيومها كنت جايه على صديقتي تشتغل بالمستشفى لمن ما شفتها جايه وكانت حالتها صعبه بعدين صديقتي هي الي
سولفت اليه واني رحت يمها وعرضت عليها المساعده
:: زين وشنو. المطلوب ؟
- - البنيه مشتكيه والشكوى محرره واني جبتها ابدال المبلغ مع العلم الرجال موجود جبتها حتى انحل القضيه بشكل سلمي
:: زين ست البنيه ما گالتلج عدها اهل وعم. مسؤول عنها
- - بكل شي ادري هي خافت انو تضغطون عليها وترجعوها حضرتك هاي الاوراق تكدر تشوفها وتطلع عليها
بتكم ما راحت الاي مكان من يوم الغابت هي بالمستشفى
:: وهسه وين ؟
باوعتلي // تتصور اكولك بمكانها
بهاء بعصبيه // غصبن عليج
باوعتله وردت ابرود // لا حضرتك متوهم
بهاء وهو يحرك بيده // شلون يعني متوهم اروح اشتكي عليج
هزت راسها // رووح اني اريدك تروح تشتكي اساسا هي مشتكيه عليك وانت من تشتكي راح اكيد تتهمها اتهام باطل
واي شي تحجي راح اكذبه وخلي يكون بمعلومك اني عندي دلاىل او واقع حال
بهاء// لا تهددين افتهمتي
— اي افتهمت ( وگفت ) والظاهر انت ما تريد تتفاهم حتى نلگى حل
وگفت وحاجيتها :: ست داليا استريحي خلي نتفاهم
تستمر القصة أدناه
داليا //. اني جايه حتى نلگى حل يرضي جميع الاطراف بس ابنه الاخوك ميريد يفهم
درت على بهاء :: اسكت الحچي يمي
بهاء//. شني الحجي يمك ناسي انا رجلها
لزمته من ايده اخذته بعيد عنها وحاجيته بهدوء :: ادري بيك رجلها بس لازم نسايسها تكلك عدها القاء القبض
خليها يمي وانا احلها
رجعت للمحاميه الي ادري بيها تراقب تصرفاتنا :: هسه اريد اعرف. شنو المطلوب
داليا // المطلوب بدون اي شوشره نتوصل الحل يرضي كل الاطراف
:: وهو ؟
— بهاء يطلگها الوجدان وهي ما تريد من عنده اي شي لا متقدم ولا متاخر يعني متنازله عن كل شي
بهاء// ليش هي شلها وتطالب. بي شلون عين كويه بعد سوايتها تريد الها حقوق
داليا // لا تنسى انت ضاربها ومعنفها اني كنت اگدر اقاضيك وصدگني اتحصل ع الطلاق. وتاخذ منك مقدم وموخر واثاث
وعلاج نفسي وسكن لكن هي ما قبلت اتسوي شي اله يكون عمها وبيبيتها على درايه وتخليكم بالصوره
بهاء باستهزاء //. كل هذا او وياهن علاج نفسي شنو اتسودنت
داليا بابتسامه وتحدي //. الي ما تعرفونه انو بتكم كان بينها وبين الموت شعره لو ما ستر رب العالمين كان انفجر
عدها الرحم من كد الضرب والاعتداء عليها
امي نشغت //. شني
داليا //. بلي حجيه البنيه لو ما ستر رب العالمين كان فقدتوها والسبب هذا الي يشوفه ويسمعه يحچي ويكول ما اطلك
يكول خطيه هذا شكد ايحبها
:: زين مو لازم تجي اهنا بدل ما خلتنه هاي شكم يوم ما. نعرف شنسوي ولا شلون نتصرف
داليا //. البنيه كانت غايبه عن الوعي ونايمه بالمستشفى وحالتها تعبانه وبنفس الوقت هي تخاف
هزيت راسي :: منين تخاف
داليا اتاشر بايدها // منكم كلياتكم منك انت عمها الي ما حميتها والي آثرت السكوت. منج انتي بيبيتها الي تدري بيج
شگد تكرهين امها وابوها فااكيد ما راح تسمعوها وراح. اتجبروها تسكت وترجع البهاء خايفه من زوجها الي
المفروض يكون سندها ويساعدها ويحميها
:: ست داليا دليني على مكانها وانا اتعهدلج محد. يحجي وياها بس خليها ترجع
هزت راسها // ترجع اذا بهاء طلكها وانت تتعهد محد ياذيها
بهاء بعصبيه // وانا ما اطلك
اتنفست // استاذ عاصف تلفوني يمك وقنعه الابن اخوك. ايطلك بدل. ما يجي تبليغ والقاء قبض
بهاء راد يحچي حركت ايده يعني اسكت :: ست داليا وين مكانها
- - صدكني ما راح اگول حتى لو تشتكون عليه وحتى لو. اتهددوني وجدان هاي خلي انكول مشروعي للنجاح
:: تردين تنجحين على حساب كرامتنا.
هزت راسها // لاتفسر الامور بكيفك مشروع نجاح لان هي انظلمت اوواجهت الظلم ابحدها محد وكف وياها
عاشت عدكم سنين بلگمتها وبس
لملمت حلكها // ع العموم اني هسه راح اروح وانتو دانشو عقلكم وسولفو ابيناتكم وانت عندك رقمي
من تتوصلون لحل يرضي. جميع الاطراف ذاك الوقت نسولف
وكفت وابتسمت // هسه اسمحولي
بهاء // فهميها الصاحبتج او موكلتج انا ما راح اطلك
ابتسمت //بكيفك الخيار الك اني هسه راح اروح
:: لا استاذه وين ترحين وكت غدا
- - شكرا ما قصرتو
:: ما تطلعين منا اله تتغدين
هزت راسها // الايام جايه واني شربت جايكم كولش طيب مع السلامه
تستمر القصة أدناه
بهاء بعصبيه // بلغيها المشروعج انو هي راح ترجع وتصيرلي مثل النعال يمته ما يعجبني البسه ويمته ما يعجبني اشمره
اتقربت. مني المحاميه :: من سولفتلي عليك صورتك الي رجل شهم بمعنى الكلمه لكن. من گالت انت ما تكدر تحميها
ودومك ساكت ما صدگت لكن هسه اتاكدت لان شفت بعيني وسمعت بااذني مع السلامه
امي اتقربت منها وحاجتها // خاله ياعيني قنعي البنيه ترد وگليلها حبوبتج تگول شتردين يجرالج هاي عيوني الها
بس ترد وما تنزل رگبة جدها وعمامها وكليلها خلي ترد الخاطر شيباتي
ابتسمت داليا وهزت راسها وطلعت وسط ذهولي وانا اسمع كلامها واسمع. تهديدات وبعبعة بهاء
امي اتقربت مني وگالت // ها يمه عاصف
هزيت راسي. بهاء يحاجيني وياشر على رگبته // ما اطلك لو ادري هاي تنفصل عن هاي
اتنفست بعمق :: تطلك بهاء تطلك احسن النه كلنه
هز راسه // ما اطلگها والي يصير يصير مو مره تلوي ادينه وتمشينهربكيفها
جاوبته بعصبيه :: مو بكيفك ولا تكلي مرتك اتحبها وتريدها
هز راسه // اي اريدها
:: ليش تريدها اذا تريدها چان. حفظت كرامتها صنتها حافظت عليها
بهاء // ياكرامه هاي ياكرامه الي تريدني احفظها الكرامه تنحفظ للي عدها كرامه مو الوحده دايحه حقها. الذبح
ما اتحملت وانا اسمع كلامه اتقربت وضربته راشدي وسط ذهول امي وذهوله ولزمته من ياخته
:: كل. مره بهاي الدنيا كرامتها من كرامة رجلها بس بالوكت الي تشوف ما عدها. رجال تنسند علي ذاك
الوكت تصير دايحه مرتك داحت وهي عدك لذلك انا صار لازم اگاومك ( حاچيته بنتر )
هسه ولك بتنا ما موجوده عدك انت مطرحها وماخذها للمستشفى بدون محد يدري وتگول. شردت ليش
ما تكول خفت تفضحك طلعتها من المستشفى اجتك وانت كاتلها وما ندري عنها
بهاء // ها لبستني. تهمه مو هاي صاحبتها اجت وكالت هي قايمه عليه دعوه
هزيت راسي :: اي لذلك اگلك طلگها
- ما اطلك ولا واحد يجبرني اطلك ومو بكيفك تحجي وتگول هيج. لازم نسوي
رديت علي بعصبيه :: اوكف اسمعني ولك بكيفي وغصبا ما عليك اتطلك
- الحجي المهدي هو عمها
اتقربت اكثر منه وخليت اصبعي على صدره وصرت اضرب بي :: لا انت ولا عشره. مثلك ولا الف مثل مهدي
اعترف بيهم البت انا مسوول عنها وانت ما صنتها هسه غصبا. عليك اتطلك بهاء اتذكرني انا عاصف وانت تدري
ياهو عاصف
بهاء يبتسم ويهز براسه // اطلكها بهاي السهوله لا والله تحلم
اتنفست بعمق :: تطلگها بهاء تطلكها البت ما تريدك وانت ما تريدها نطلگها احسن نحفظ كرامتنا كلنه واذا ما تطلكها
اخلي امي هاي تشوفها الربتك وتعبت عليك اخذها بيدي للمحاميه وتشتكي عليك وهناك غصبا عليك اتطلكها ومو بس هالشكل
لا يابطل راح تنفضح وكلها تدري بيك وما تفك حلكك بكلمه لان بذاك الوكت انا وحبوبتها نروح وياها نكعد
وانا احميها وماكو ابن مره يمر بيها وتدري بيه اسويها
تستمر القصة أدناه
#قصة_وجدان
#البارت٣٩
#آنيين_الليل
/////////
عاصف
::الو
اجاني صوت مره // مرحبا
:: اهلا وسهلا منو
- - انت عاصف
:: اي انا. عاصف منو انتي ؟
- - مو مهم تعرف منو اني او بالاحرى من. اجي راح تعرفني رايده منك شغله وحده اريدك موجود انت وابن
اخوك بهاء عندي شغله. جدا اتهمكم
اتصدكون خفت :: كولي على مود وجدان
- - امم تقريبا بس اريدكم تكونون انتو الاثنين موجودين
:: تدللين جيبيها وياج وانا اتعهد ال...
قاطعتني // حيلك حيلك اجيب منو حجي اكو شي لازم اتسمعه وابن اخوك موجود باجر الساعه 11 الصبح
عرفت وجدان يمها سايستها بالكلام :: اي مي خالف وين تحبين نجيلج
- - اني اجي انطيني العنوان بس اتمنى نكعد بهدوء بعيد عن الشوشره يعني اني وانت وابن اخوك وبس
ما اريد اي احد موجود لان كلنه نريد نتوصل الحل بهدو
:: اي حاضرين باالي اتامرين بي بس. غير اعرف انتي منو
- - هسه قابل تريد تخطبني اجي وتعرف منو اني ياالله مع السلامه
سدت الخط احتاريت شسوي صرت اتساءل :: هاي منو وشتريد اي ما دام طلبت تشوف بهاء هاي هي تعرف دربها وين
ركبت سيارتي. ورجعت للبيت اتلكتني فرح // الله يساعدك بابا
:: هلا
دخلت الحجرة امي من شافتني // ها يمه بشر
اجت رجاء // اصبلك تاكل
:: ما اشتهي شبعان
امي ردت // شني هي ما تشتهي صبيلي انا ويا عاصف يمه متانيتك. ناكل سوا حتى دواي بعدني ما ماخذته
(باوعت الرجاء) رو حي عمه جيبي اهنا خلي ناكل انا ويا
راحت رجاء وانا صافن وامي تراقبني جابت رجاء الغدا صحن تمن ومرك سمج وخبز وخضره
اخذت نص خبزه وخليت بيها خضره وصرت اكل وامي تباوعلي وحتى رجاء سالتني // ليش ما تاكل خوش مركة سمج
:: شبعان جيبيلي جاي
- - اي
دارت امي كالت // اوكفي رجاء اخذي الصينيه
رجاء// شني عمه شو حتى انتي ما اكلتي
- - اكلت الحمد لله جيبي الجاي
هزت راسها وراحت امي سالتني // شني يمه ؟
ما رديت عليها اتنفست بعمق وطلعت نقالي :: انت وين ؟
:: تعال رايدك
رديت بحده :: اي هسه جا باجر
:: ياالله يم امي متانيك
امي. // ياهو هاذ ؟
ما رديت هي اتحسرت
جابت رجاء الچاي صرت اشرب وانا صافن ورجاء تسولف على امي اتكللها
- - علاوي من اجت وجدان وهو ضايج چان يريد يروح وياها
امي تحرك بيدها // وين ايروح اهنا بيت جده
- - اي عمه صدك بس خطيه الوليد يريد اخته وبهاء يموت علي
- - مو وكته هسه ماتشوفين بهاء من يجي حتى ما يحجي وياج
رجاء تهز بيدها // جا انا شمسويه مو عاصف كال لاتجيبون طاري
امي // لا مو عاصف مهدي ونهوده خافو على بتهم تجيها شريجه وانتي همه صفيتي وياهم
رجاء // وهسه هو مو هل الاخذها شبعدله ما يحجي ويانه يدش ما جني امه ولا يشوفني بعينه
- - - من يجي ابنج حاجي انا مالي شغل
كامت وامي حجت //. هسه هي الخذت ابنج بلعت
سالتني // ها يمه شصار كلي
امي تحرك بايدها // اي جده وانت الله يخليلك مريتك. وهي حامل وهسه تترسلك البيت جهال وعوف البنيه
لا تاخذ خطيتها
:: بهاء عمي احنه طوول عمرنا عايشين بااسمنا اسال حبوبتك شگد مرت بينه مصايب وضيم بس.
ما حنبنا بقينا واكفين على طولنه تدري ليش لان عايشين بشرفنا واسمنا وكرامتنا ما نريد تالي وكتنا يجي واحد.
ما يسواله نعال يحجي علينه ويجيب طارينه بالموزين انت فاهم. ودارك والخاطر ابوك وجدك وعمك طلك
وكلمن يكعد بمكانه موهينه علينه يجولك الشرطه وياخذونك ويسجنونك. والله ليش كاتل مرته ومطرحها
وتالي غصبا عليك اتطلك
بهاء// ماكو شي غصبا
هزيت راسي :: لا بهاي تنجبر والي يجبرك القانون والشرع
بهاء رافع اكتافه // منويكول يجوز هي غلطت وانا ضربتها وطرحتها الشرع وياي
ابتسمت باستهزاء:: هاي شلك بيها شني شسوت جنتو يمنه وبين ما رحت ودخلت للمستشفى ساعتين ليش تريد
تلبسها تهمه ما مسويتها
امي // حرام عليك جده. خاف الله باچر يصيرون عدك بنات وانت عدك اخت لاتذبلك تهمه على البنيه
لزمته من چتفه :: انت فكر ولا تتهور تشوف هذا مهدي من يسمع تريد اتطلك يركص بجفيه لان هو هم حكه.
ما يريد احد يشارك بته برجلها بس من تحچي على بت اخو او تذب تهيمه صدك يكعد لك ركبه ونص مو يحبها
لا بس گدام الناس شوفوني حتى من تكبر السالفه ما يكولون سكت الخاطر بته فما دام محد ماخذ خبر طلكها وخلي
الباقي. عليه اذا الك حك يم وجدان تاخذه من هالشارب وتاخذه مربع
بهاء// انا متعجب منك عاصف ليش تريدني اطلگها
:: ما اريد ننفضح وحتى. لو فرضا كتلناها وغسلنه عارها صدك محد يرحم اتشوف هاي مرتك وامها ورجاء
وغيرهم نصير بس انفك. حلگنه راح نتعير هنه ايعيرنه صير ذكي ولا تطي فرصه لليسوه والما يسوه
هو وگف وطلع بدون ما يحجي وامي تباوعلي والدمعه والحيره بوجهه // ها يمه عاصف
:: الله كريم نتاني ويصير خير
- - هذا مسودن وانت اول مره تمد ايدك وتطكه
:: وطبه طووب ولو بيدي اخلي بي عاهه ما يگوم بعدها بس تعرض عيون ابو
امي //. ولج ياوجدان شسويتي بينه
:: مو هي حجيه مو هيه هذا اين ابنج
- - والتاليه شني
:: يطلك حجيه ايطلك
رفعت اديها // ان شاالله
باوعت الها ودخنت جكاره وسمعنه صوت امل // وينكم شني نايمين
دخلت للصاله وسلمت // السلام عليكم
:: عليكم السلام ياهو جابج
- - غانم وراح گال سلمي على خالي عدي شغل يمه اشلونج
- - الله يسلمج
دنكت عليها وباستها // شني شعجب راحو كلهم
امي // عاصف شافهم ضايجين گال خلي يرحون يزورون ويتونسون
- - ومخلينج الوحدج
- - ما عليه شي غير انتي هالجيتي ياالله كومي سويلنه غدا
:: لا تسويين جابر شوالنه سمجه وهسه يجيبونها
امل // شفت سيارة بهاء واگفه جا ليش ما اجه اهنا
امي // جان اهنا وگال راح يرتاح ابيته
امل بابتسامه // وهذا مو بيته
- - بكيفه يمه
هزت راسها // اي هالوكت كلمن بكيفه ما نكدر نحچي
امي // شبيج امل ؟
- - يمه هذا البيت شكبره جان جاب وجدان واجه يكعد اهنا بدل ما اماجرلها بيت بالولايه
زغرت عيوني واباوع الامي ::هو كلج
امل هزت راسها // اي خابرته ونشدته شلونكم عمه ليش ما تجيب مرتك وتكعدون ابيت جدك گلي عمه ماجر
بيت قريب على شغلي حتى گال على يوم اجيبها يمج تشوفينها الله يستر ما يريد احد يندل بيته ويجي
باوعت الامي الي ردت عليه بنفس نظرة الاستغراب امل گالت //. انت عاصف شد حيلك وعرس
ابتسمت بقهر هي گالت //. تره ما اتشاقى انت بعدك شاب ومن حقك تاخذلك مره
:: يمعوده فات الوكت
امل // ياوكت هذا الفات شوفني اله اعرسلك على وحده زغيره
ما رديت امل //. اي يمه عاصف يستاهل ياخذله وحده جاهله اتدللى ويدللها كافي سوا الردتو انتي وابوي بعد هسه
ينتبه الروحه. ها خويه شكلت
:: يمعوده هو العمر شظال بي
امل //هسه الي يسمعك يكول عبر الخمسين
امي //. منيله خمسين اربعين ما مكمل
امل تحرك بيدها // والا عبر الخمسين مو ذاك نجاح ابن حجي جباري اخذ رغد انا من شفتها گلت يمه هاي شلون
تسلك ويا وهي بعد شفتيها كيمر ومحطوط تالي تسولف اخته تكول خالها بمرجوحه ويهز بيها وهي تحتار شتسويله
وهو اكبر منها يمكن بتلاثين سنه ويجوز اكثر وهالصار عده اثنين بنات او ولد
امي //. اي ذاك اليوم يسولفلي مهدي يكول ما عرفته راد شاب عمره عشرين من النزاكه والراحه
امل // الله يسعدهم اكثر واكثر
سمعنا صوت جابر عاصف كله :: فووت
دخل وسلم على امي وعلى امل وخله الصينيه بالكاع امي گالتله // وين رايح اگعد اتغدا
بالعافيه عمه سبقتكم
امل خلت الغدا وكالت صيحو البهاء
خابرته اجه وكعدنا ناكل واحنه ساكتين حتى امل حست اكو شي مو طبيعي من خلص من الغدا كال // رايح عندي شغل
طلعت ورا سالته :: وين رايح
هز راسه // للمحل
:: براحتك
وصل للسياره رد عليه عاصف خابر المحاميه انا راح اطلك موقت على نا ابرد عليها بس وداعتك ما راح اعوفها
واذا انت ما تذبحها وراح اخليها تبوس الكاع بس حتى ارجعها
هزيت راسي :: احنه هسه خلي انسايس المحاميه ونقنعها ترجع البت وتالي النه تصرف ثاني
//////////////////
وجدان
طلعت من المستشفى واخذتني ست داليا البيتهم البنيه كانت واضحه وكالت راح اتاجرلي المشتمل وتاخذ الاجار
ويه فلوس الاتعاب بعد ان اتطلك واذا ما الي حقوق فراح تنقل راتب ابويه الي اني وعلاوي وتطالب بيبي برواتبنا الي
اخذتهن طيلة هاي السنين
وافقت بدون تفكير لان شفت بست داليا هي الي راح تنقذني من الي اني بي خصوصا وهي بت عم منار
رحت وياها للمشتمل الي كان ندخله من نفس باب بيتهم ونصعد درج منفصل وهذا الدرج مسكوف يعني محد ايشوفني
من اصعد او انزل كذلك اله باب مشترك وهنا داليا گالت انو للامان راح تستخدم الباب المشترك والبنيه الله ينطيها جابتلي
فراش وهيتر ولوازم مطبخ قليلات بس ايكفن بالوقت الحاضر وكالت انو امها ما تقبل اطبخ او اسوي اي شي يعني الاكل
عليهم وهو انا منيلي اطبخ او اتسوك
حمدت الله وشكرته بيومها ما سويت شي حسيت انو اني بحاجه الى ان انام واتدفى اتغطييت بالبطانيتين وغفييت
ما حسيت اله والباب يندك فتحت عيوني وشفت نفسي نايمه بالغرفه خليت شالي على راسي ورحت فتحت الباب
وكانت المفاجاه شفت منار وداليا وياهن احسان منار بوستني وهي اتكلي الحمد لله ع السلامه
ما جاوبتها هي وداليا دخلن واحسان گلي // شنو حتى ما كلتيلي اتفضل ،
داليا // على كيفك خف على البنيه
هو دخل سالني // شلونج وجدان
هزيت راسي عبالك خرسه داليا فتحت الهيتر ورجعت كعدت منار گالت
- - وجدان اني حجيت الاحسان على ...
احسان قاطعها // اساسا لويش ضميتو عليه
منار // هذا كان طلب وجدان
- -بس ما لازم تتصرفون من بحدكم
داليا // بالنسبه الي اني وجدان هي زبونه حالها حال اي وحده تريد اتوكلني واني احترم طلبها انو محد يعرف
ويتم شغلنه بسريه تامه وبصراحه الوضع مو مال احد يعرف
باوعت المنار هي ردت // اني كلت الاحسان لان داليا رادت رقم عاصف وموجود بجهاز ابويه فطلبته من احسان وهو
ما انطا الي اله بعد ان حقق وياي واني اضطريت اكله
احسان // يعني انتو ما كان بنيتكم تحجولي
وجدان طلبت هذا الشي
باوعلي // ليش ؟
منار // لان ما تريد ترجع
باوعتلي داليا // لازم نتحرك بسرعه ونكسب الوقت لان عاصف اجه البيت عمو
احسان // اي اجه لكن ما سال مجرد كال اريد اسلم عليكم حتى من اجت امي وسلمت وسالت عنج وعن علي
رد كال بخير وتسلم عليكم
داليا // يعني هو اجه راد يتاكد اذا انتي احتمال تكونين موجوده هناك او لا لعد زين تسويين من گلتي ما تردين احد يعرف
اتنفست = لان اني اعرف عمو ما يهداله بال اله يلكاني
داليا // ومن يلگاج شيسوي ؟
سكتت ردت // هلگد هو ايخوف
منار هزت راسها // اي ليش الكذب عاصف الي يشوفه يخاف منه
احسان // مو الهلدرجه عاصف انسان جدا محترم بس بصراحه هم محد يقبلها على عرضه
داليا // شنو قصدك احسان ؟
- - قصدي الي سويتي وجدان اكبر غلط
باوعت المنار الي جاوبتني // اني ماحجيت الاحسان شي بس گلتله انتي موجوده يم داليا وجبته حتى يسمع
منج كول شي
داليا // اني راح ااجيب چاي وارجع بين ما تسولفلك وجدان
طلعت داليا واحسان يباوع الي//. صار سنين ما شايفج لكن تجين منهزمه من اهلج هذا الشي الي سويتي مو صحيح
منار // على كيفك احسان اسمعها وبعدين انت احكم
- - احجي وجدان
بقيت مدنكه واني عاضه شفتي رفعت راسي = اني اتزوجت وهسه جايه اريد داليا اتساعدني حتى اتطلك
احسان بااستغراب // اتزوجتي ؟
هزيت راسي = بلي اتزوجت ابن عمي قبل تلث تشهر بطلت من المدرسه واتزوجت
- - وليش تريدين تتطلكين
= لان اذاني وعنفني واجهضني
وصرت اسولف الاحسان كل الي مريت بي وما لكيت اله منار اتصل بيها لان ما اعرف ولا اذكر بس رقمها
احسان كلش اتاثر واشوف القهر بوجهه ومن اجت داليا هو كللها
- - شوفي داليا اني ما قابل وجدان تنهزم من اهلها بس اذا كان الي سمعته صحيح فلازم تضغطين على بهاء حتى يطلگها
داليا هزت راسها //. هو هذا الي راح اسوي باچر اخابر عاصف واروح واتفاهم ويا
احسان // اريدج تطمنين وجدان ولا تخافيين اني وياج لخظه بلحظه واي شي تردي بلغي منار او داليا يكون يمج
=. ما اعرف شلون اشكركم
منار //. على شنو اتشكرينه احنه اخوه وخاله نجاة احسها فعلا خالتي اخت امي فلا يهمج احنه وياج وابد ما نتخلى عنج
وبيومها بقو يمي لحد فايت وقت ومن راحو اني اكدت على منار واحسان انو ما يخبرون خاله وعمو على مكاني
ولا حتى عن قضيتي بالعكس اصلا احسان اكد على داليا. ما تحجي حتى يم امها على انو احنه نعرفج
وجودنا يمج لان داليا سولفت المنار واحنه اتعاطفنه وياج
بس منار كان الها راي اخر //. لا احسان خاله ذكيه وراح هواي تسال ومن حقها فخلي اتگللها وتاكد ما تحچي الماما اي شي
وثاني يوم اجتني داليا وفهمتني هي راحت البيت جدي وشافت عمو عاصف وبيبي وبهاء وسولفت لي شنو صار هناك
وهي متاكده بهاء راح يطلك بضغط من عاصف
وثاني يوم هم اجتنه منار واحسان وهالمره استغربت اجو من الباب الخارجي سالتها المنار =. لويش اجيتو منا
- - داليا كالت لان اكيد عاصف او حتى بهاء احتمال يراقبون البيت فهذا الباب بالفرع الثاني وهماتين احسان غير
سيارته ويه ولد صديقه لان عاصف يعرفه وشايفها للسياره
= وشنو هذا الجبتو ؟
منار //. شنو وجدان شويه فواكه وخضره شنو يعني شجايبين وهذني ملابس غيري بيهن
= ما اعرف شگلج وشلون اتشكرج
- - لتحچيين هالشكل احنه اخوات ولو ما انتي حلفتيني ما احجي الماما كان كلشي سولفت الها وانتي تدرين معزتج عدها شكد
اتصل تلفون داليا شافته گالت //. عاصف
صدكوني خفت من اتصل لكن داليا خلت اصبعها على حلگها وفتحت الحاكيه ردت
احم الو
:: الو السلام عليكم
- - اهلا استاذ عاصف
:: اشلونج ست
- - الحمد لله الحجيه شلونها
:: اتسلم هواي الصراحه ست ما اريد اعطلج وهسه ليل
- - لا بالعكس بااي وقت اتفضل اسمعك
:: بهاء
باوعتلي داليا // شبي ؟
:: وافق ايطلك بس بشرط
- - شنو ؟
:: البنيه تجي ويصير الطلاق وجها لوجه
هزت راسها ولملمت حلگها // تمام اني اتواصل وياها واردلك خبر
:: ست داليا البنيه اذا يمج اقنعيها ترجع
- - استاذ عاصف ا...
قاطعها :: انا مو استاذ كتلج رجال ابسط من البسيط
- - مو اني مدا اعرف شنو اگلك
:: عاصف سميني عاصف
- - تمام عاصف البنيه بالغه يعني بكيفها تريد ترجع او لا
:: لا غلطانه ماكو بكيفها حتى انتي مو بكيفج
هزت راسها // شلون يعني ؟
:: يعني انتي محاميه الله يستر عليج ومتعلمه وتسوقين سياره وتاخذين قضايا وتكعدين ويه ناس اكبار بس انتي
هم ما كاعده ابحدج گاعده ويه اهلج لو انا غلطان
- - لا ما غلطان اني كاعده ويه ماما واخويه ابيت ابويه
:: وهي هم گاعده يم حبوبتها ام ابوها وبيت جدها يعني بيتها فرجاءا ترجع وانا اتعهد الها محد لو يجيس شعره منها
- - على العموم اني راح اوصل الها رسالتك ويصير خير
:: يعني انتي ما تدليني مكانها
- - افه عليك عاصف هاي ما مترجيتها منك
:: ليش ؟
- - بعرفكم عرف العشاير اذا اجاك دخيل تنطي
:: طبعا لا لو على گص رگبتي ما اطي
- - لعد شلون تريدني ادليك بمكانها الي انا ما اعرفه وين واخون وعدي وياها
:: ست داليا تدرين انا شلون ساحك على الجمر خاف احد يدري
— اطمن بت اخوك فاهمه وداركه بس هي اتاذت هواي من ابن اخوك لذلك هي تريد تنفصل وبااقل الخساير
:: هذا هو انا راح اثق بيج تشوفينها وترديلي خبر وعلى كولتج كل ما نستعجل احسن
- - تمام ان شالله احچي وياها وارجعلك خبر
:: اي والله ست ما اوصيج ابذلي جهدج وانا. حاضر الكل شي شتريد من تعهدات بس تكول بس تأمر وبحضورج
كل شي الي تريده انا اسوي وبدون مناقشه بس خليها ترجع
- - مي خالف اني راح احجي وياها
:: عفيه بعد انتي وشطارتج قنعيها والي تريده يجرالها
- - ان شاالله
:: مع السلامه
- - الله وياك
سدت التلفون وباوعتلي وهي تهزبراسها باستفسار بعدها گالت // ها سمعتي مو
هزيت راسي = اي سمعت
- - وشنو رايج
اباوع للسكف =اتطلك بدون ما ارجع
منار // شلون يعني ؟
= يعني اني ما اريد ارجع لان اخاف منهم
احسان باوعلي // بس هذا مو حل وجدان
باوعتله هو استردف // يعني انتي تعرفينه العمج مو هين وال كل يحسبله الف حساب اصلا اني مستغرب شلون
هالشكل يحچي ويتوسل
داليا // شقصدك احسان ؟
بقى شاكت ما جاوب داليا ردت // قصدك يكذب يريد بس يوصل الها
احسان هز راسه // لاتتسوون انو عاصف عايش بعشاىر وعادات وتقاليد فلازم نكون حذرين
داليا سالتني // وانتي شتگولين ؟
= اني ما افكر بااي شي اريد بس اتطلك
منار // وبعد الطلاك شتسوين
الكل صار ايباوعلي اني رفعت اكتافي يعني ما ادري
شكرا لزيارتكم عالم روايات سكيرهوم
