رواية جسر الذكريات الفصل الثالث بقلم مريم الحيالي
سناء اريد اروح اشتري مدالية من المكتبة الي اخذتيني الها
سناء: مو اشتريتي بس لا انكطعت والله جانت حلوة وعيني عليها
نبيلة: اي انكطعت.. هسه اتروحين ويايه لو لا؟
سناء: اروح داده اروح بس خلي اخلص المحاظرة عندي انتظريني بالنادي
نبيلة: بقيت انتظرها الحد ما اجتي ورحنه اني وياها للمكتبة واشتريت وحدة ثانية ولبستها.. اكيد راح اتعجبة هالمرة..!
.... سلمت على سناء وصعدت ورحت للبيت لازم اشوفلي طريقة اشوفة بيها ماكو غير بسمة هي الي اتدبرها الي...
نبيلة: السلام عليكم شلونكم شخباركم يووم شلونج احجي عالسريع وسحبت بسمة من ايدها واخذتها للغرفة..
ابتسام: خير خير شبيج شصاير
نبيلة: اريد اشوف دريد وماكو غيرج ايدبرها
خزرتني وبقت اتباوعلي واني اباوعلها بتوسل..ابتسام: شلون بيج انتي بس فهميني.. انتبهت عليها لابسة مدالية جديدة.. هاي شنو ولج اشتريتي وحدة جديدة
نبيلة: اييي حلوة مو هالمرة راح اتعجبة اكييد
ابتسام: لا انتي راح اتموتيني امشي اتغدي وبلكت العصر الكالي حجه بالسوك وانروحلة اكيد نلگا بالمعرض العصر
نبيلة: اي هو من ايخلص شغل يرجع يم نزار ومرات ايروح للمعرض.. بستها اختي الحنينه ام گلب الطيب
.... صار العصر والله وابتسام كلتلها الامي وقنعتها بس كالت لتتأخرن ليجي غزوان ويحجي عليجن..طلعنة واني افكر يا ترى راح اتعجبة وشراح ايكون موقفة من يعرف علمودة بدلتها
... يارب اتعجبة
ابتسام: امشي ست جولييت اخر عمري كمت اصير مدبرة لقاءات مال عشاق... ضحكت وعيونها تلمع
اختي عاشقة وولهانه هم بس مادري ليش احساس بداخلي هذا الشي نهايتة مو حلوة.. وماريد اشاركها بهذا الاحساس واهبط كل معنوياتها
... ان شاء الله اطلع غلطانة!!
........................................
كملت شغلي بالمعمل ورجعت للبيت ... انتظار جوعان اذا اتكدرين اتصبيلي
انتظار: اي يلا راح احظرلك بين متبدل
دريد: بدلت ورحت اتغدة وراها شربت كوب جاي واشرب بجكارتي وببالي شلون انطيها الهدية ..
.... طلعت ورحت النزار وكتلة خلي انمر للمعرض من رجعت من السفر مرحت ..المدالية بجيبي خليتها وعندي امل الكه طريقه واوصلها الها ...اتمشينة المعرض احد الاصدقاء وسوالف وضحك ..واكف بالباب واسمع وحدة اتكول... هلا دريد شلونك صار فترة ما اشوفك بالمنطقه
دريد: انداريت والكاها احدى علاقاتي السابقة والي جانت عابرة... أهلاً وسهلاً بخير انتي شلونج.. استرسلت وياها بالكلام واعاين عالشارع واشوف نبيلة هي واختها متجهين علينا.. شنو هالحظ هذا معقولة صدفة لو قدر سيئ بأن تنجمع ويه احد الصديقات القديمة
نبيلة: بسمة هذا واكف...احس قلبي ينبض بسرعة مخيفه..السلام عليكم .. هلا اميرة شلونج
اميرة: نبيلة حبيبتي الحمدلله انتي شلونج صار فترة مشايفتج
دريد: شنو هالصدفة هاي طلعت وحدة تعرف الثانية معقولة يعني لو مو كدامي صار كل شي جان كلت هذا لقاء مخطط ..اميرة سلمت وراحت ..اهلا وسهلاً بدلفاء واختها..!
ابتسام: ضحكت وكتلة.. دريد متنسى هالاسم هذا انت الوحيد الي لحد هسه اتناديني بي
دريد: لأن برأيي هالاسم احلى من اسمج هذا موو...ابتسمت اختها حبابة وخلوقه الى ابعد حد
بس مريضه قلب ...الله ايشافيها
نبيلة: شلونك دريد شخبارك من سافرت انت اني ابد ما اجيت للسوك ...دغتني بسمة بايدها ..اء اء قصدي مصارت فرصة يعني بس هسه اجينة وشفناك
ابتسام: رايحة اشتري دانتيلات وشغلات منا ما اتأخر انتظريني ..اريد اعوفهم وحدهم شيخلصني من اللسانها من نرجع
دريد: انتبهت عليها لابسة مدالية ثانية غير الي شفتها لابستها بالكلية انتبهت علية اباوع عليها وكالت..
نبيلة: غيرتها شنو رأيك بيها هالمرة هاي حلوة مو؟؟
دريد: ابتسمت واحجي بداخلي شنو الدافع الخلاها اتغير المدالية وتجي اتبلغني وتطلب رأيي بيها ..بس مكدرت افسر ولا اعرف الدافع الثاني الخلاني
...امد ايدي على المدالية وهي ولابستها وجريتها وگطعتها.. الا انها عاتبتني بس جانت تبتسم
نبيلة: ليش گطعتها جان كتلي معجبتني ونزعتها..
دريد: اسف ردة فعل لا ارادية.. بس اني جايبلج وحدة ويايه من اوربا ان شاء الله اتعجبج ..ودلفاء هم جبتلها حتى عائلتج متشك بالأمر...اقصد ميفكرون تفكير غلط
نبيلة: ابتسمت وفرحت ... انت مرة وعدتني اتجيبلي هدية من اتسافر لحد الان اتذكر
دريد: وان شاء الله اكون وفيت بوعدي .. طلعت المدالية وقدمتها الها..فتحتها وكالت
نبيلة: اتخبل حلوة مراح انزعها وراح ابقى لابتسها.. لبستها اني وواكفه هو ايباوعلي ووجهه مبتسم
... اجتي بسمة وكلتلها هاج دريد جايبلج هدية هي اتباوع الرقبتي اتشوف هاي غير مدالية بس محجت
ابتسام: شكراً دريد ليش كلفت نفسك ..
دريد: ادللي يابة شي بسيط.. راحت هي واختها واعاين عليهم واتنهدت.. اجاني نزار
نزار: هااا ارتاحيت هسه روووميوو.. امشي انروح للمقهى مشتاق الكعداتنه
دريد: رحنه اني ونزار اتمشينة للمقهى ولگينة غازي ..
غازي: دريد الحلووووو..
