رواية عشق مابعد الطلاق الفصل الثالث بقلم ساره فاضل
قيصر
ماكو شي خالي ناي بدون متدري وكعتهه عليه يلا الحمدلله ماصار شي
ناي
اسفه والله موقصدي ماادري بيك وراي اسفه أعذرني
قيصر
شسالفه عليمن هاذ الأسف كتلكم ماكو شي شنو نسيتو اني دكتور
1 ت
ام قيصر
يلا بالريش ههههه تره ابن عمتج رجال مو نعنوع
ويلا كافي تتأسفين وجيبي غداج متت جوع لوانتي ماتعرفين العزوبيه
ناي
لاعمه شلون مااعرف العزوبيه واني تربات ابوسجاد روحو كدامي واغديكم احلا غده من عيوني
ام قيصر
سالمه عيونج يروحي
- ناي
من راح يبدل اتاخر دزوني اصيحه رحت شفته يباوع للحرك. وبتلمسه خطيه كله بسببي بدل وندار عليه واني مدنكه خجالانه كتله يصيحوك الغده برد
عاد كال جاي
هوه يمشي واني ورا مااعرف ليش عطره جذبني وطوله وشخصيته اول مره انتبهله هيج
صح هوه اكبر مني بهواي بس شكله مرتب
والهيبه العنده تجنن
عاد نفضت افكاري وكلت وين تباوعين ياناي دنكي ركبتج كثر العشم يكسر الركبه هوه دكتور ومن بغداد وحلو ومرتب واني بنيه ريفيه والعندي خلك شهادة متوسط كعدت يم عمتي وعمتي كلساع تمدح باأكلي هههه خجليت
ام قيصر
شنو هلطبخ اليخبل والترتيب ولج حسبالك شغل مطاعم منين تعلمتي ينونه
1
ناي
والله ياعمه هاذ المدح خجلني قابل اني شمسويه هاذ كله مومن واجبكم عذروني لوبيدي اسويلكم عيوني وقليل بحقكم
( 2 )
ام قيصر
سالمه عيونج يبعد كلبي حياتي يمه فدوه للبنيات بس هم ماجاوبتي منين تعلمتي الطبخ اكيد من النت
ناي
لاوالله ماعدنه ولااعرفه بس سامعه بي عد جوارينه يكولون يخبل كلشي بي بس الطبخ تعلمته من امي واني ضفتله شوي تعديلات بعدني مبتدئه يرادلي بعد هواي
- ام قيصر
حبيبتي التتعلم
والله طبخج مال وحده صارلهه سنين تطبخ ولو اعرفج شاطره بكلشي الله يحميج يحبيبتي
والله ياخويه لوترجعهه للمدرسه ناي شاطره حرامات تبقئ هيج بدون شهاده بهاذ الوكت سلاح البنيه شهادتهه
ابو سجاد
والله ياخويه اتمنه ترجع وانه هم ماضامن عمري واخاف عليهه اتمنه تكض شهاده وتصير الهه وضيفه خاف اموت ومحد الهه والي هلتشوفينه من اهل الله وسجاد اااااخ ياسجاد سجاد نسانه ياخويه وحته مخابره مستكثرهه علينه فماحاط ايدي علي واكول زين عله اخته بس هيه الله يسلمهه
تكول محد الكم وللبيت ماتاخذ الحجايه
ناي
بويه عمرك طويل وبعدين الدراسه ماطايره بلكي من نزوج والي ارجع اني هم طاك كلبي ع مدرستي وصديقاتي بس الضروف مااجت عدله خلوكم مني وكملو غداكم شلون مسويتلكم جاي ع الجمر يخبل
ابو سجاد
اي عاشت ايدج هاذ الحجي المضبوط
ناي
وايدك يابه
- خلصت غداي قبلهم ورحت للجمريه مال تنور الطين طلعت الجاي رحت درته بالترمز وخليت استكاين والشكر ورحت يمهم لكيتهم مغسلين ويعزلون بالاكل انطيت الجاي العمتي كتلهه انتي الصبي الجاي ابداعتي لاتعبين نفسج
ام قيصر
ولج عمه خل اساعدج شلون نموتج من التعب اليوم
ناي
تعبكم راحه شمسويه اني
اخذت الماعين كبل بلشت بالتعزيل وبديت اغسل اجه قيصر جايبلي الجاي كال امي دزتلج ياه
ناي
لارحمه انشالله مابيناتنه هاذ الحجي
قيصر
شكرآ الج وشكرآ ع حسن الضيافه انشالله انتم همات زورونه البغداد خل نشوفكم كرم اهل بغداد شلونه موبس اهل الجنوب مضايافين تره احنه نعجبكم
ناي
والنعم والله بيك وباأهل بغداد انشالله ع يوم نجي نزوركم
بس شنو ناوين تروحون ماشبعنه منكم شوف
6 ت
قيصر
اي نشالله باجر تدرين اني دوامي مناوب المستشفئ،كوه طلعتلي بشكم يوم اجازه
بس يلا الجايات اكثر
ناي
انشالله بكل وكت هلا بيكم بيتنه وعيونه تشيلكم بكل وكت تردون تجون عين غطه وعين فراش شكم عمه وابن عمه عندي
10 ت
̨قيصر
سالمه عيونج
واني احجي بكلبي واكول فدوه لهلكلام الحلو ماتتعلم منج سمر متت واني اكلهه من اكلج كلام حلو بادليني وكالعاده جوابهه اني اخذ ماانطي
11 ت
اااخ ياحبج تعب اعصابي ضليت بكلشي اشوفج
اترخصت من ناي ورحت للستقبال وقبل لاافوت سمعت امي تحاجي خالي وحجيهه صدمني
ام قيصر
خويه اني هاي جيتي من تركيا حته مارتاحيت شكم يوم كبل نزلت عليكم وتمنت ابو قيصر يم اخته بس كلت ماطول قيصر يمكم كلت استغلهه فرصه اني جايتك واريد اخذ نونه لقيصر وطالبتك لاتردني لأن مااريد غيرهه لبني لان اعرف كلش زين هيه المره التستاهل تصير ام جهاله وتحافض ع بيته مااريد ع عرفه الدكتورات كلهن شايفات نفسهن ومقارنات نفسهن بالزلم وهذن ماينفعن ياسسن بيوت ويشيلن اسم رجال وعيال
ابو سجاد
والله ياخويه مادري شكلج انتي فاجئتيني بس انه اذا عليه كبعوهه واخذوهه بس هم حگ الله ناخذ راي البنيه موهيج ياام قيصر ياخويه لو كلامي بي شيئ
ام قيصر
اخذ رئيهه وحاجيهه وانشالله توافق بس مااوصيك ياخوي كلهه حته للدراسه ارجعه بس خل توافق لان ياخويه ناي خاشه بكلبي ولو ادور الدنيه مالكاهه
قيصر
اني ماعرفت شحجي وشكول لاكدرت افوت للأستقبال ولاعرفت اسوي شي كبل طلعت وبوجي للشط كعدت هناك بالساعات افكر شلون امي تسوي هيج من وراي زين اني مالي راي ماألي حجايه عمري 30سنه خو مو طفل دكتور والي اسمي تريد تزوجني بنيه زغيره وريفيه صح ماانكر حلوه وسباعيه بس مو هيه البكلبي امي تعرف كلش زين اني اموت ع سمر ااااخ شلون اتخلص من هاي الورطه ياربي اجه ابالي اخابر امي واخليهه تجيني للشط نسولف عيب نحجي بالبيت يمهم بس من كد العصبيه تلفوني مااشوفه خابرت امي كتلهه بسع تعالي اريدج بموضع يم الشط
1 ت
ام قيصر
رحت القيصر وماأعرف شلون اخلي يتقبل مفاجئتي ولو لازم يتقبل لأن حبه الهاي المتعجرفه راح ياخذه للتهلوكه رحت لكيته شايط غضب وواكفلي وكفه
كتله هاا ماما شردت دزيت عليه
̨قيصر
شنو الكلام الدار بينج وبين خالي وضحيلي لأن ماجي استعوب حجم الكارثه السويتيهه انتي موتعرفين احب سمر وناوي اتزوجهه شلون هيج تسوين
ام قيصر
ههههههه تزوجه شنو انته مخبل ولك بدل المره 100مره فاتحتني وكتلك لااا ورفضت رفض قاطع مامليت ولك اشايف بيهه هاي المتعجرفه ام السان زفر ولك ماعدهه اي اسلوب تعامل البشر بالمقامات وشمانزل مقام البشر بعينهه عاملته مثل الحيوان
اني كتلك وبعد مااعيد سمر لااا وألا ياقيصر قسمآ بجلال الله لااتبره منك ولاانته أبني ولااعرفك
ولك تريد تموتني قيصر وانته هلواحد تريد تجيب وحده غلطت ع امك مع الاسف عليك بادكتور يامتعلم ياقدوه
اثنا ماامي تحجي تخربطت وكعدت وندارت عيونهه عرفت اجتهه نوبة السكر شلتهه ورحت للبيت كبل دخلنه كبل خليتهه وركض الجنطتهه طلعت ابرة الانسولين انطيتهياا شوي فتحت عيونهه
( 2 )
ناي دخل قيصر
شايل عمتي ركضت حته اساعدهه ماقبل جاب ابره الانسولين انطاهه الهه يلا فتحت عينهه لشوي يلا ارتاحت شفت قيصر متأثر وميحجي وعمتي ماادري شبيهه عفتهم وطلعت اصيح لبوي يشوف شنو الموضوع
ابو سجاد
انه اغلام ابوي شبيهه عمتج بويه
رحت للبستان وكتله
يابه تعال عمتي ام قيصر ماأدري شبيهه طلعت وره ابنهه ورجعت متخربطه
ناي
والله ماادري يابويه
ورحنه ركض للبيت فات ابوي كبلي وسمعته يكلهه
ابو سجاد
خويه شجتج ستوج كلشي مابيج مثل الورده خالي قيصر شصاير
ام قيصر
خويه مابيه شي شوي تخربطت تعرف تعب السهر والسفر واني صاحبة سكر هسه ارتاح وارجع طبيعي
ابو سجاد
ياخويه والله خوفتيني عليج لانشاللله عندج العافيه
عفناهه وطلعنه جبت غطه اغطيهه لكيتهه نايمه وقيصر كاعد جوه رجليهه خطيه لو بس اعرف شبيهم نكلبو فجئه غطيتهه وطلعت ولن يصيحلي ابوي
ابو سجاد
تعاي بويه اريدج بحجايه
ناي
كول بويه تفضل
ابو سجاد
بويه انتي كبرتي موزغيره وماضن انه دايملج يابويه انه تعبان
واخوج فقير مااضن يكدر يحافض عليج اجتج عمتج متعنيه وطالبه ايدج لبنهه قيصر وهل شفتي خوش ولد ومرتب مايعيبه شي وحته للمدرسه كالت ترجعج وياهه فشكلتي يابويه واتمنه تكولين اي وتريحين كلبي
ناي
والله يابويه ماادري شكلك خلني افكر وبليل اردلك الرد
ابو سجاد
ع راحتج بويه شتقررين وياج
شكرا لزيارتكم عالم روايات سكيرهوم
