رواية عشق مابعد الطلاق الفصل الرابع بقلم ساره فاضل
كل فرحة تصنعها لغيرك ستعود لك وهي اجمل "
ناي
احجي بداخلي لأن ماعندي أحد أحجيله البداخلي اليوم ابوي جايني يريدني أوافق ع زواج بدون ماينتبه للفرق الطبقي البينه وبين بيت عمتي ماانتبه ع دكتور قيصر؟
ماأنتبه ع طريقة حجيه ولبسه ووضعه
اني صح حلوه شكل وعاقله بس هاي الطبقه ماتناسبني ذول ناس عيشتهم ووضعهم يختلف زين شمعنه اني من دون بنات بغداد المثل عيشته وليش ماجابله دكتوره مثله يتفاهم وياهه وتتفاهم ويا
ماكو غير احجي ويه ابوي يعتذر العمتي وخلص
مو مارايده نفسي اني واروح ويه شخص
مااعرف عنه شي غير بس هوه ابن عمتي
صح راح اضل خجلانه من عمتي لأن المثل ابنهه
الف وحدة تتمنا واكيد راح اتكول شنو هاي وترفضه بس اني مومن ألألف وحده
اني اريد شخص قريب ع اهلي وقريب ع عقليتي وطبقتي الاجتماعيه احسن حته مااندم بعدين
ومااحس بفرق الطبقه الدائمآ نسمع عنه هجمت بيوت بسبب محد يتقبل الشخص الجاي من طبقه بسيطه دائمآ يشوفونه فقير وماشايف من الدنيه شي واني هاي النضره تموتني ماحب اشوفهه بعيون احد
رحت الوالدي ولكيت ممتد كلت اكله برفضي حته لاينتضر ولايتعب
ناي بويه بويه انته كاعد
انت لي
ابو سجاد
اي بويه كاعد متاني ردج لأن عمتج وابنهه باجر يرحون
ابو سجاد
بويه ياهو الكالج تغيري بالعكس عمتج وعدتني تكملين دراستج وبعدين الصدك انه اريد اشوفج مرتاحه ابيت زين ومدينه حلوه ماكافيج عايشه ابيت البستان زين من اموت ياهو الج والي المايندل الله وين حاطه لو سجاد المانشد عنج بيوم وكلف خاطره وكال اختي شمعتازه
ناي
عمرك طويل بويه شتحجي انته شلون أتزوج واعوفكم انته ووالي ياهو الكم وزين انته تكول بعد عمرآ طويل من اموت ياهو الكم زين ماكلت من اتزوج وانته يصيرلك شي والي ياهو اله
ابو سجاد
لابويه لا تخافين انه مرتب وضع والي بيت خالج ابو زهره. كتلهم اريد زهره الوالي وماقصرو كالو كبعوهه واخذوهه وبعدين زهره نفس والي هم بنص عقل يتراهمون وأمنه يم خالج هوه وزهره تدرين بخالج شكد يحب والي وافقي يابنتي وذبي حمولج ع الله
( 2 ) ت
ناي
ونعم بالله
والله يابويه موافقه لخاطرك الا انه يعز عليه افارك والي وافاركك بس شسوي كلمتك مااريد اكسره
ناي
بعد كلبي بويه ماانحرم منك انشالله ولا من دعواتك
ابو سجاد
انشالله
قيصر
امي ممتده ع القنفه وجه تعبان امي صاحبة سكر كلش قوي وعده جلطه قديمه اخاف عليهه تنجلط من جديد وهيه تعبانه أووف ياربي ساعدي اختبارك صعب امي وحبيبتي مااعرف المن أختار
ام قيصر
ماما قيصر
قيصر
بلي ماما كولي امريني
ام قيصر
حبيبي لاتزعل مني بس اني لازم أساعدك واختارلك لأن انته جاي تنجرف بطريق اعوج
مااريد ترتبط بهاي الانسانه
ناي هيه التناسبك باوعلهه شوف جمالهه جان شكلهه وجان لسانهه الاثنين حلوات اذا ع المستوئ الدراسي ارجعهه للمدرسه وبمعارفي اخلي تدخل تسريع وكلهه 3سنوات وتصير بالكوليه التريده بس طاوعني يايمه موكلبي خلص
ام قيصر
اني مااريد اشوفك سعيد
اني اصلآ لان اريد اشوفك سعيد خطبتلك ناي لأن اعرف سعادك
وياهه مو ويه ذيج الحيه شوف قيصر اني بعد مااحجي اي شي بس شغله وحده اكلك بيهه وهاذي اخر كلمه عندي
اني لوسمر
قيصر
ماما. ،،،
ام قيصر
جاوبني قيصر اني لوهيه
قيصر
القرار صعب مثل الي يكلوله قلبك لوعقلك وثنينم مهمين بس تبقئ امي فوك كلشي
ماما انتي تعرفين ماأبدلج بالدنيه كلهه التردينه يصير بس لاتضنين بيوم احب ناي لواحسبهه زوجه
طلعت من امي واني عيوني مليانه دمع وكلبي مكسور احس الدنيه كلهه خانكتني وين جانت مضمومتلي هايه الجيه جان يوم اسود يوم اجيت رحت للشط واول ماوصلت بجيت من كل گلبي اي اني الرجال القوي بجيت واحس ادموعي نار تنزل امي ماخلتلي اي خيار لان خيرتني بينهه وبين سمر وماكو اعز من الام
الوو
حبيبتي شلونج
سمر
هلو حبيبي وين هلغيبه من البارحه واني طول اليل خفر وتدري بالمستشفئ تعرفه ميخله فنسيت اخابرك
تدرين احبج
سمر
هههههه وشنو الجديد ادري تحبني وتموت عليه اصلآ وين تلكه مثلي
راح اتزوج
سمر
واخيرآ امك وافقت
قيصر
لا راح اتزوج بنت خالي
سمر
انته شتحجي عاقل انته لومخبل
سمر
وهسه الوم كله وگع عليه اني المذنبه لان حضرت جناب امك المحترم ماحابه اسلوبي بله شلون تريدني اسويلهه حته تقتنع مومرمرتنه صار 4سنوات احنه منتضرين قرار منهه شتريد ابوس رجليهه
خو موابوس رجليهه اريد اكلك شغله قيصر حسافه العمر والسنين الضاعت ويه واحد ابن امه وميعرف يقرر ولابيوم صار رجال وسواله موقف روح يم ماما نام يمهه وتغطه زين ياابن امك ياعديم الرجوله
18 ت
سدت التليفون بوجهي مااعرف شصار بيه بساعتهه الغضب تملكني والدنيه ضيكت بعيني كل العرفت افرغ غضبي بي هوه الكاع الجوه ايدي لميت كف ايدي ضربتهه حسيت تكسرت اصابعي شاط راسي من الوجع وجع ايدي القوي مومثل وجع كلبي حبيبتي الكضيت وياها احلا سنين عافتني لان صدك اني قرار ماعندي
و ضعيف كدام امي ومااكدر اكلهه لا اااخ راسي راح ينفجر ياربي
ناي
شفت قيصر طلع من امه وهوه شايط غضب لوبس اعرف شصاير رحت شريت الملابس ورجعت للبيت دخلت ع عمتي للستقبال لكيتهه كاعده تبجي
شخيرج عمه شنو السالفه شصار فجئه ستونه شلونه شجتكم
انتي تبجين وقيصر كاب نار من الغضب احجي عمه صاير شي
ام قيصر
لا ماما مصاير شي بس اني من تجيني نوبة السكر تخربط احوالي وقيصر ميتحمل يشوفني بهلحال
هاا حبيبتي شكلتي بموضوعج انتي وقيصر
ناي
وبخجل موافقه
ناي
شكرآ الج ماما لأن خليتني انطق كلمة ماما من بعد ما قررت ماكولهه لأحد غير امي، بس انتي تستاهلين اكلج ماما
ام قيصر
حبيبتي انشالله الله يكدرني واعيشج السنين الضاعت من عمرج بدون امج واسعدج وانشالله قيصر مايقصر وياج
ناي
انشالله
دخل قيصر
اني شفته واني نهزمت من المستحئ مااعرف ليش
قيصر
دخلت للبيت قبل المغرب واني روحي سهكانه لكيت ناي يم امي اشو بس شافتني نهزمت أووو بدت سولف البنات حسبالهه هامتني ماتدري هيه اصلآ مو ابالي عفتهه ورحت كعدت يم امي جيكت ضغطهه وسكرهه الحمد لله مستقر
ام قيصر
اشو ساكت حته سلام ماسلمت
قيصر
مالي خلك والدنيه طالعه من بين عيوني
ام قيصر
بليل تحجي ويه خالك وتطلب بنته منه حته سبوع ونجي تكطعون مهر ونشالله شهر ونسوي العرس
قيصر
وليش هلستعجال سنو متوازين
ام قيصر
اي متوازين اذا انته مامهتم اني اجهزلك كلشي انته عليك بس افتح وجهك مومال غنتبه مودازينك للذب ح اشو ماشالله البنيه جنهه لعابه وادب واخلاق لوانته تدور بس المايعرفن الأصول بنات الأصول موبعينك
( 2 ) ت
قيصر
والله يامي انتي بهاذ فعلج ضلمتيني وضلمتي سمر وضلمتي ناي ارجع واكرر لاتضنين احبه لو المسهه لناي لوتنطبق السما ع الارض
ام قيصر
لاكلساع تفتح الموضوع كتلك خلص كلشي انته وانشالله بعد الزواج تخش البنيه بكلبك وتنسيك كل الماضي كافي ماما تره تعبتني ياحبيبي
جان اثناء مااحجي ويه قيصر دك التليفون منو
شكرا لزيارتكم عالم روايات سكيرهوم
