رواية زواج إجباري عشق السيد الفصل الرابع بقلم جمانه السعيدي
اماني....جنا كاعدين وندكت الباب سمعنا جاسم يكووول
جاسم....تفضل تفضل احمد اهلا وسهلا
دخله جاسم بلاستقبال وبابا راح يمه سلم علي وكعد
احمد بعد ماشرب الجاي بابا وأخواني ثنيينهم كاعدين
احمد....اريد احجي وياكم بموضوع مهم
ابو جاسم....اي تفضل
احمد...اني جاي اطلب ايد اماني اني ابن عمها واولا بيه من الغريب
ابو جاسم....وليش جاي وحدك
احمد....ابوي اليوم ماموجود واني اجيت اضبط وياكم كلام واذا حصلت الموافقه اجيب اهلي واجي
جاسم....بس لازم عمي يجي
احمد...اكيد يجي انتم تستاهلون احسن مشيه تجيكم
اماني..... ابوي جان يعرف موقف امي من هاي الخطبه
ويعرف مستحيل تقبل
قرر يطلب وقت حتى يشوف شنو الوضع قبل لا ينطي كلمته الاخيره
ابو جاسم....اريد منك تنطيني وقت نفكر ونشوف رائي اماني
تعرف هذا زواج مولعبه واذا وافقت ماعدنا مانع انت ابن عمها واولا من الغريب
احمد. فرح بكلامه ابوي واطمن جان متأكد اني موافقه من سمع كلام ابوي اطمن
وبينه وبين نفسه كال
الولد يحبوني لان اني دائما واكف وياهم
وعمي هم مااشوف عندا مانع واماني تحبني خلاص
الموضوع منتهي بقت بس زوجت عمي اكيد كلهم راح ياثرون عليه وتوافق
جمانه السعيدي
طلع احمد وهو مطمن بس مايعرف شنو منتضره المسكين
اول ماطلع احمد وابوي فتح الموضوع ويااا امي قامت حرب يعني مو عبالكم ابالغ لا حرب حقيقيه
شوفو رد امي
امي....شلون شلون احمد يريد اماني ولله اله اني جوا التراب لو يبقى بس احمد ابن صبيحه مانطي مره
اني انطي اماني الذوله شمالني
بيتي مابي خبز
هو اني جانت لا عبه بيه لعب اله اماني حتى تسممه وتموته
وبعدين ليش جاي وحدا الافندي
صبيحه تستنكف تجي ويااا
وعمكم وين من هذا الموضوع ولله قسم اتحاسب علي يوم القيامه بنتي تبقى طول عمرها بدون زواج ولا احمد يلزم طرف ثوبه
اماني...من هذا الكلام عرفنا كلنا ان هاي الزواجه مستحيل اتم كانت ردت امي عنيفه جدا
ابوي رد عليه.....احمد خوش ولد ليش تاخذينه بذنب امه
يشتغل وولد ايحس بلمسوليه
نشرط علي يسكنون وحدهم
امي....عبالك هاي الحيه امه تعوفه بحاله مستحيل لازم اضل ورا حتى تحرك كلبي اني كلت لا يعني لا
ولله اخذه واروح الاهلي تدردون ادمرورن مستقبل بتي
ابوي....علساس لمى الي اخذت بيت اخوج عايشه بلجنه
ذيج اياها شابعه ضيم والفكر داكه دك
لو ذوله لان بيت اخوج
اماني....بهاي اللحظه صارت مشكله اله بدايه ماله نهايه
امي شنت حرب على بيت عمي
ووصلتلهم خبر لا يجون ولا يتعبون
بقت امي كل يوم تحجي بهذا الموضوع وطلع كل سلبياتهم
واني من اسمعها احس روحي تنمرد
ضجت كلش ودخلت مرحله من الكئابه والعزله
وخصوصا ام احمد وصلتنا حجي ان هي ماتريدني واحمد
اجا وحدا هي ماتعرف بي
ومستحيل تقبل هاي الزواجه اتم
ولو جنت اني اخر بنيه بلدنيا مراح تاخذني زوجه الابنه
جمانه السعيدي
تمرضت كمت مااكدر اكل ولا اشرب وكلما اطلع الرساله واقراها انقهر بلزايد
يوم عن يوم ازيد حالتي اكثر واكثر الحد ماكطعت الاكل
وامي ماكو على السانه غير صبيحه سوت البتي سحر
بتي جانت مابيه شي
هي صبيحه ماكو غيرها تريد تموته وتقهرني عليه
وصلت المرحله اذا اوكف لازم احد يسندني
وراسي صداع على طول لان مااكل كلش قليل
احس نفسي على طول تعبانه ومابيه حيل
طبعا التفسير الطبي والعلمي يكول تدهو الحاله النفسيه
هو سبب اكثر الامراض
حتى اصعب الامراض مثل السرطان اذا كدرت تحسن
الحاله النفسيه للمريض راح يصير زين ويطيب من المرض
بااسرع وقت
سبب الحاله الي اني وصلت اله الضغط النفسي عليه
لا اطلع ولا اروح الاي مكان وكلشي ممنوع
ورفض امي الاحمد وحجيه علي وعلى اهله على طول
علماء النفس أكدو ان تدهو الحاله الصحيه اول شي يبدي
بلرجلين راح تحس بألم فضيع وعدم القدره على المشي
شي عجيب الارتباط النفسي بلمفاصل بشكل عام
اني جنت احس مالي قدره على اي شي مااكدر حتى اكل
طولت حالتي تقرببا ٣ اشهر
وصلت المرحله صعبه
قرر بابا ياخذني للدكتور حجزولي عد احسن دكتور بغداد
امي وابوي لازميني يله اكدر امشي
الدكتور اكد هذا كله بسبب الحاله النفسيه واني محتاجه اسافر او اغير جووو وسجلي على علاجات
امي ماقتنعت بكلامي الدكتور تكول بنتي جانت مثل الورده وشايله شغل البيت شيل
هسه حتى وكفه ماتكدر توكف وهذا الدكتور كلشي مايفتهم
خصوصا واني من اخذ العلاج انام طول الوقت وماصار عندي اي تحسن بحالتي الصحيه
لان الضغوط النفسيه نفسه ماتغيرت ابد
بلعكس زادت بسبب كلام امي المستمر على احمد واهله
قررت امي تاخذني السيد هادي السيد الي بيتا كبالنا وحجيتلكم راح ويانا العقد جاسم
حتى يقرأ عليه ويخلصني من سحر صبيحه الي مرضني
حسب معتقد امي طبعا
كدرت تقنع بابا بهاي السالفه
واخذتني ورحنا البيت سيد هاي
البيت كلش حلو وضخم هو قاسم البيت وحدا
واكو مضيف مبني على شكل استقبال طويل تقريبا عشر متر او اكثر ومفروش فراش حلووو
اكو باب خارجي للرجال
وباب من داخل بيتهم للنساء
دخلنا بيتهم من باب النساء اكو وحده تستغل عدهم خدامه تقريبا عمرها ٣٥ اسمه ام حيدر
استقبلتنا ودخلنا جوا
ودخلتنا على السيد هوتارك ٣ متر من الاستقبال وخال برده للنساء من الباب الداخلي للبيت
لكينا النسوان كومه كاعده يمه
وهو عندا مكتب ارضي كاعد يمه ويحجي وياا النساء من ورا البرده
جمانه السعيدي
دخلنا وكعدنا هواي نسوان واني تعبانه كعدنا شويه
اماني.... يمه مااكدر خل نرجع هواي نسوان هنا
امي...هسه اني احجي وياهن مانطلع انتي شايفه حالتج شلون صايره مانطلع اله السيد يطلع السحر
بقينا كاعدين تقريبا نص ساعه واني احس الكاع تفتر بيه
وامي تتوسل بلنسوان حتى السيد يشوف حالتي
وهنا كل وحده تكول عذر وحده تكول اني من بعيد
ووحده تكول زوجي منتضرني
ووحده تكول ابني مانام البارحه اريد السيد يقراله
واني روحي لعبانه ومالي خلك ابد
وصلنا السره وبدت امي تحجي وياا السيد
طبعا كل وحده تحجي قصته الكل يضل يستمع اله النسوان الي يمه والزلم الي ورا البرده هم يسمعونه
امي... سيد بنتي زوجة عمها خلته سحر جانت مثل الورده
وهسه حتى متكدر توكف على حيله
السيد اسمه واسم امه
فتح القراءان السيد ....بنتج ماكو عليه سحر
امي...لا شلون اني متاكده زوجة عمها سحرتها
السيد...انتي لكيتي سحر
امي...لا
السيد....بنتج راحت البيت عمها وشربت شي يمهم
امي....لا بنتي ماتطلع من البيت ابد
السيد...بنتج شويه تعبانه قربيه خل اقرا عليه
قربت على البرده وهو من ورا البرده خله ايدا على راسي وبدأ يقرأ آيات قراءانيه صوته حلو وحنيين وهو يقرا
طبعا اني الهاي اللحظه ماشايفه شكله ابد
وهاي اول مره ادخل بيته واسمع صوته
من قرأ عليه حسيت نفسي شويه احسن
انطا الامي ورقه وكال خليه بمي تشرب منه وتسبح بي
امي انطته فلوس شي رمزي طبعا
امي....احنا جيرانكم بيت ابو جاسم
السيد...اهلا وسهلا بيكم هاي الفلوس رجعيه
امي...لا مايصير بس اذا تخربطت ارجعه مره ثانيه
السيد....تعاي وقت المغرب اقرا عليه وراح اكتبله حرز
تشيله دوووم
طلعنا من السيد احس نفسي شويه احسن
بس وصلنا خليت الورقه بمي وشربت منه
وصليت المغرب
وبعدين سبحت اباقي المي
وكعدت يم اهلي وامي فرحانه السيد طيب بنتي من السحر
بقيت كم يوم شويه احسن وامي راحت جابت الحرز
وشلته بصدري
