رواية عدالة الله الفصل الرابع بقلم جمانه السعيدي
سوسن...مجاي اكدر اسكت دموعي تنزل حاره على وجهي
حتى صوتي راح
ليش هيج مااعتب بس على صادق
ليش يخليني بهيج موقف صعب
المشكله اني احبه هو أول حب بحياتي ومااكدر استغني عنه
مااكدر اشوف غيره ليش باعني هيج بسهوله وضحى بيه
اجا اخوي وزوجته حجتله كلشي
اجا للغرفه
اخوي...هااا شكووو
سوسن....راح يزوج عليه شكوووو اني طلعت موزينه مااخلف
...لا تنقهرين ترا من حقه يزوج رجال يريد اطفال
سوسن...اني ماكلت مو من حقه
بس ليش يخليني ورا ليش ماصارحني ليش يخلي النسوان تضحك عليه
هو يعرف طبع احلام اني دائما احجيله على تصرفاتها بلبيت وشلون تخلق المشاكل
وهو عايف كل البنات وراح خطب اختها
لا وجان ؤتواعد وياها تجي للبيت ويروح يجيب مسواك علمودها ويخليني اطبخ بهل حر وانخبص علمودها
وهو وياها يضحكون عليه
وليل كله يتراسل وياها
ومن اقرب علي يكول تعبان مالي خلك لا تجين يمي
اريد اعرف اني بيش قصرت ويا وويا اهله
موضوع الأطفال موبيدي
رب العالمين هو الي رايد هذا الشي حالي حال هواي نسوان
قابل بكيفي ليش يعاقبني على ذنب مو ذنبي
((( طبعا بلكوه احجي دموعي تنزل مثل الشلال وكلبي نار))
...اخوي....اي والحل تعوفين بيتج
سوسن.. اني بعد مارجعله خليهن يشبعن بي الحيايه ثنيينهن
اخوي. ماعدنا بنات تطلك فهمتي لو لا تردين تكعدين هنا اهلا وسهلا اشيلج فوك راسي
بس طلاك لا ابد لا تحجين بهذا الموضوع
ارتاحي هسه وبعدين نحجي
سوسن...بقيت مدده مااكدر انام عيوني تحركني هلكد ما بجيت وراسي عبالك يدك بي طبل
بليل دزيت ابن اخوي يجيبلي مهدي منوم مجاي اكدر
اغمض عيوني جمانه السعيدي
اخوي.. هااا شتردين
سوسن...عيوني يحركني وراسي عبالك طبل
اخوي. كومي اخذج للمضمد نقيس الضغط
سوسن..مابيه حيل
اخوي.. كومي يله لو اخذج للمستشفى
كمت ورحت للمضمد طلع ضغطي صاعد انطاني خباية ضعط وفاليوم حتى اكدر انام
من رجعت لكيت زوجت اخوي محضره الاكل
بس مااكدر اكل اخذت حبابه منوم هم بقيت اتكلب بلفراش تقريبا ساعتين يله كدرت انام
اما صادق جانت حفلة المهر حفله الكل يحجي بيها ونشر صورها بكل المواقع
وهي هم ماقصرت نشرت هواي مقاطع من الحفله
طبعا نهله شرطت علي تريد عرس الناس كلها تحجي بي
وفعلا جابلها غرفة نوم جديده وحجزلها بدلات أحدث موديل وسوالها عرس يخبل
واخذها وراحو للشمال ثنيبنهم
واني مثل الجلبه باقيه بيت اخوي حتى مافكر يرفع التليفون ويطمن عليه
باع كلشي بينا ونساني بس شاف نهله
٣ اسابيع من اجيت زعلانه ومحد سئل عني
الحد مااخوي رايح على عمي علمودي
اخوي....شلونك حجي
عمي...هله هله تفضل
اخوي...اجيتك علمود موضوع سوسن
عمي...سوسن بنيتنا واني اريدها ترتاح حتى ارجعها
اخوي...احنا ماعدنا بنات تطلك بس صادق غلطان
اي كول اني اريد ازوج شراح تسوي هلمسكينه
ولله سوسن فقيره وطيبه
عمي.. اني اكلك صادق غلطان ولله ياعمي لو ما موضوع الاطفال فلا اخلي يزوج
سوسن هاي بتي بس ياعمي تعرف الرجال مايكدر
يبقى بدون اطفال
اخوي...اني ماكلت مايزوج بس يخليها بلصوره
مو يضحك النسوان عليها
عمي.. اني وخالتك بليل نجي ترجعها للبيت
اخوي...اذا هذا الكلام الصح انتضركم
سوسن... اخوي من رجع ماكال اني رحت العمج علمود رجعتج
اني طول ذني الأسابيع كاعده بلغرفه وساكته لا اطلع ولا احجي ويا اي احد
مااحجي غير ويا رب العالمين
واعاتب بي ليش اني من دون البنات لوصاير عندي طفل واحد مجان فكر صادق يزوج عليه
بليل...اجا عمي وخالتي
اخوي. تعاي هذا عمج وخالتج اجو يرجعونج
سوسن المن راجعه خدامه الرجال وزوج اني اريد اطلك
اخوي. ماكو طلاك ماعدنا نسوان تطلك
سوسن... مااكدر اعيش وياهن بنفس البيت
اخوي...هسه يبني بيته ويطلعج اني اشرط عليهم
هذا الوكت صادق بعده ماراجع من سفرة العرس السعيده وهو وهاي الحيه
كعد عمي وخالتي يقنعون بيه ارجع وراح يخلون صادق يبني قطعة الأرض الي عنده ويطلعني
واخوي كان صاف وياهم بس يريد يطلعني من بيته
لا حول ولا قوة الا بلله العلي العظيم
وين اروح ماكو كدامي غير ارجع وياهم
رجعت للبيت جمانه السعيدي
من شافتني احلام رجعت حيل ضاجت
عبالها اطلك والبيت يبقى الها هي واختها
اني من اللحظه الي رجعت بيها للبيت قررت مااشتغل مثل قبل اخلي وجبه اكل عليه وانظف المطبخ وهاي هيه هي واختها يشتغلن اني مو خدامه عدهن
بعدها بيومين رجع صادق من شافني بلببت تفاجئ بيه
بس اني بس دخل هو ونهله رحت دخلت غرفتي وبعد ما طلعت
ابد مااجا وراي ولا حاول يصالحني ولو حتى بكلمتين جذب
صوت الضحك والسوالف واصله الجيران
وهاي احلام كل شويه تهلهل حتى تقهرني
قررت اصبر واشمر حملي على رب العالمين
ووين ماتوصل خل توصل رب العالمين مراح ينساني
الصبح مااكعد مثل قبل احضر الريوك الصادق ولا الي شغل بي قبل حتى دكم القميص ادكمهن اله
وامسح حذائه واعطره والبيض مثل مايحب
والجاي واطلع ورا للباب
قررت اغير كلشي المشكله نهله ماتكعد علموده
خالتي تحضرله الاكل
اني مااطلع من الغرفه لمن اسمعه طلع وطبك الباب الخارجي يله اطلع
كل شويه وكال ليش حذائي هيج ووين جواريبي
ليش قميصي ما مكوي
اول تلث ايام كان يطلع وهو متنرفز
لازم اكو نقص بملابسه وهي تسمعه ومالها شغل بي
تبقى على نومتها ماتكعد
رابع يوم اجا دك الباب عليه
صادق....سوسن اذا كاعده تعاي اريد ملابسي
طلعت من الغرفه
صادق...صباح الخير
سوسن. صباح الخير تعاي القميص مامكوي وهاي الجاروب تك وتك تعاي يمعوده
طلعت من الغرفه بدون مااحجي ويااا
اخذت القميص كويته وطلعته جواريب جدد
انطيته ورجعت للغرفه بدون اي كلام
جمانه السعيدي
من رجع من الدوام صاح سوسن
طبعا هي ماتقبل حتى يلفظ اسمي تتخبل مني
من يوم ازوج لليوم ابد مجاي يمي بلغرفه ولا سئلني خاف محتاجه شي
اذا صاح سوسن تجي ركض اتصير كدامي
صادق...سوسن...تعاي بعد ملابسي عليج يوميه الصبح
اطلع مبهذل
نهله...ليش حبيبي اني مقصره وياك
صادق...لا ما مقصره بس مااريد اتعبج اخذ ايدها وباسها كدامي
هي حضنته وتباوعلي حتى اغار من تضرفاتهم
اني كلما يضوجوني مااكول غير حسبي الله ونعم الوكيل
الله يقهرهم بكد مجاي يقهروني واني ماماذيتهم
طبعا صادق شال ايده مني لا مصرف ولا سوال ولا حتى يجي يمي المحروسه ما تقبل
عفيه كلبي شكد يحمل اذيه صابره وساكته
بعد شهر حبيت اغير شويه بشكلي واريد ملابس جديده
من رجع من الدوام كاعدين ناكل كلنا
سوسن...صادق اريد مصرف صار هواي ما منطيني مصرف
نهله...وشسوين بي عيوني
سوسن.. اني ماحجيت وياج جاي احجي وياا ( اجيت اكول زوجي ) بعدين كلت صادق
صادق...اي ميخالف
كملنا اكل ودخلو غرفتهم وست نهله ماقبلت ينطيني مصرف تريد كلشي بس الها
صعدت فوك اسمعها تكول
نهله.. ماتروح الاهلها احنا ابتلينا بيها شنو فايدتها بلبيت
بس مصرف زايد
صادق.. يعني شسويلها اذا اخوها جاي الابوي تعال رجعها ماعدنا بنات تطلك
ووين اوديها
نهله.. واحنا شكووو اذا اهلها ماردها احنا نبتلي بيها
ممنوع تنطيها ربع موزين تأكل وتشرب وساكنه هنا بلاش
النوب تريد مصرف
جمانه السعيدي
سوسن...كل هذا الكلام ماهمني بس اخوي شلون يجي على عمي حتى يرجعني شكد اني رخيصه عنده
حقهم يشترون ويبيعون بيه اذا اخوي مايريدني
دخلت غرفتي وكمت ابجي
يعني الي ماعنده سند وين يروح
جنت ضايجه من صادق باعني علمود نهله
وهسه اريد اكتل روحي من سمعت اخوي رجعني الهم
بعد مابقت عندي كرامه
كل الي يكوم يمسح بيه الكاع
للصبح واني ابجي ابجي على روحي
ليش هيج يصير بيه
اذن اذان الصبح كمت توضيت اصلي ودموعي ينزلن منا ومنا من خلصت صلا نمت على السجاده
مااحس غير صادق يصيح سوسن افتحي الباب اريد ملابسي
كمت فتحت الباب انطيته ملابسه ورجعت نمت
للساعه عشره واسمع احلام تصيح شلون اليوم نبقى بدون غدا المحروسه ساده بابها ونايمه
فتحت عيوني الساعه عشره الصبح
كمت طلعت من غرفتي ونزلت حضرت الغده ونظفت المطبخ
ماكو شهرين وطلعت نهله حامل
أعناد بيه نهله واحلام سوسن حفله بلبيت
مشغلات اغاني وهلاهل
بس حتى يحركن كلبي
دخلت غرفتي وقفلت الباب
مالي غير رب العالمين هو الي يرائف بحالي وياخذلي حقي منهن ثنيبنهن ومن صادق الي باعني بلرخيص
شكرا لزيارتكم عالم روايات سكيرهوم
