رواية احبنى ولكن الفصل الثالث بقلم حنان احمد ماهر
وعند ياسر وصل شقته لقى تقى مراته وابنه اللى عنده عشر
سنين قعدين بيتفرجو على التليفزيون . مساء الخير
ادم بفرحه جرى على ياسر وحضنه . باااابى وحشتنى
بدله ياسر الحضن . ادم حبيب بابى وانت وحشتنى اكتر
قربت منهم تقى وتكلمت بابتسامة . حمد لله على السلامه
ايه اللى اخرك كده ادم مش عايز ينام غير لما يشوفك
الاول
قرب منها ياسر وبسها من خدها . غصب عنى والله ياحبيبتي
النهاردة كان عندى شغل كتير فى الشركه وحازم سبنى
وخلع
تقى . حبيبي ربنا يعينك بس سابك لوحدك ليه
ياسر . كان مواعد ريماس أنه يخرجها على شان يحاول
ينسيها النهارده عيد الأم وهى كانت حزينه ومرحتش المدرسة على شان بيحتفلو باليوم ده
ادم بحزن . انا كمان يابابى مردتش اروح النهارده على
شان ريماس زعلانه ومرحتش
نزل ياسر لمستوى إبنه . انت بتحب ريماس مهتم بيها
ياادم
ادم . أيوه يابابى مش بحب أشوفها زعلانه
طبطب ياسر على كتف إبنه . ماشى ياحبيبي عايزك تخلى
بالك منها على طول
ابتسمت تقى . مشروع حبيب صغير ادخل غير اكون
انا جهزت ليك العشا
ولسه هيتحرك وقفته تقى صحيح ياحبيبي بكرة هروح
لتيتا زينب على شان وحشتنى
ياسر . ماشى ياقلبى روحى وانا هبقى اعدى عليكم ونرجع
سوا
وفى الصباح قام حازم لبس وجهز ونزل على تحت قابل
زينب وكان باين عليه التعب والارهاق . صباح الخير
ياجدتى
زينب . صباح الخير ياحبيبى مالك انت مانمتش كويس
ولا ايه
حازم . لا انا كويس اطمنى
زينب . طيب ياحبيبى تعاله على شان تفطر
قاعد حازم على السفرة وقربت منهم فاطمه وهى بتحط
باقى الاطباق على السفره
فاطمة . صباح الخير يا حازم يابنى
ابتسم حازم . صباح الخير يا داده وقبل ما فاطمة تتحرك
وقفها حازم صحيح ياداهد
انتبهت ليه فاطمة كمل حازم . ياريت تجهزى الاوضه اللى
جنب ريماس للداده بتاعتها
زينب باستغراب . وانت عايز ليان تنقل من الملحق للفيلا ليه
حازم بضيق من اللى حصل امبارح وبدأ يحكلها . كنت واقف امبارح فى البلاكونه لقيت الحارس اللى على البوابه قرب من الملحق
واقف قدام شباك الاوضه بتاعت ليان وكان خيلها وتفصيل
جسمها باين
حست زينب بغيره حازم حولت تدارى ابتسامتها وتصنعت الغضب . البنى ادم ده لازم يمشي من هنا عديم الامانه والأخلاق وكملت بتأكيد عندك حق ياحازم مينفعش تبقى لوحدها فى الملحق والبنت
بسم الله ماشاء الله قمر اربعتاشر
وقف حازم وتجاهل كلمها وباس رأسها . طيب ياجدتى أنا رايح على الشركه عايزه حاجه
الجده زينب . لا ياحبيبي فى رعاية الله
قرب حازم من الباب على دخله ليان اللى اول ما شفته
نزلت راسها من التوتر والخجل
ابتسم حازم على خجلها وقرب منها وتكلم بهدوء وحنيه
. انا طلبت من الداده فاطمه تجهزلك الاوضه اللى
جنب ريماس عايز أرجع الايكى نقلتى فيها
رفعت ليان رأسها وبصتله بعنيها الفيروزية اللى أول
ما بصتله سرح فى بحرهم بدلته ليان النظرات وسط دقات قلبها الصاخبه مستغربه تصرفاته واهتمامه
خرجهم من سرحنهم ريماس وهى بتجرى على ليان بحماس
. لي لي
نزلت ليان لمستوها وهى بتحضنها . صباح الخير ياماستى
ريماس . ناناه قالتي انك هتقعدى فى الاوضه اللى جنبى
بصت ليان على حازم ورجعت نقلت نظرها على ريماس .
اه ياحبيبتي على شان ابقى جنبك
نزل حازم لمستواهم وهو مبسوط من قرب ليان وتكلم بلوم . وانا ياماستى ماليش حضن
بعدت ريماس عن ليان وقربت وحضنت حازم وطبعت بوسه على خده . طبعاً ياخالو انت حبيبي أصلا
وقفت ليان وهى حسه بتوتر من قربه باس حازم ريماس
ووقف واستاعد للخروج . انا همشي على شان اتأخرت
على الشركه وخرج وساب ليان وسط مشاعرها المتلغبطه
وفى المنصورة تحديدا فى بيت الحاج عاصم النويرى
دخل عماد وهو فى قمه غضبه وجلس جنب ولده
الحاج عاصم ووالدته الحاجه نعمه
بص له الحاج عاصم وتكلم بضيق . خير ياولدى ما فيش جديد ماعرفتش حاجه
عن بت عمك
حاول عماد يكتم غضبه اللى لو انتلقط هتولع فى البلد كلها . لا ياحاج كأن الأرض انشقت وبلعتها أنا خايف
يكون كلام عمى ممدوح صح وهربت مع واحد
اتكلمت الحاجه نعمه وكأنها قاصده تحط البنزين على النار . ما أنا قولتلك ياولدى خد بت خالك بت
ادب واخلاق وسيبك من البت دى اللى شايفه نفسها
علينا وفى الاخر سبتك وتفشط مع واحد تانى
خبط الحاج عاصم العصى بتاعته على الأرض وتكلم بغضب . اكتمى
ياوليه بت اخويه اشرف من الشرف ماسمعكيش تكلم عنها وعن شرفها كلمه واحده لحسن هيكون اخر يوم ليكى فى البيت ده ورجع وجه كلامه لعماد اسمع ياولدى
عمك عاصم وامراته اكيد عمله فيها حاجه دور على بت عمك وعرف منها الحقيقة بلاش تسرع ياولدى
هز عماد رأسه بيأس . حاضر يابوى أنا هطلع اريح شويه وطلع على غرفته وقعد على سريره
بحزن . ليه ياليان تعملى فيه كده دانا بعشقك هان عليكى
قلبى بس وحيات عشقى ليكى لهدفعك التمن غالى لو فعلا
طفشتى مع حد زى ما بيقولوا وهجيبك حتى لو كنتى تحت سابع ارض
وفى الشركه دخل ياسر مكتب حازم وتكلم بمرح . ها ياحازم
جاهز للسفر على شان نتمم الصفقة
حازم بضيق . تعرف إيه اللى مصبرنى عليك يا ياسر
ياسر بابتسامة بلهاء . إيه ياحزومى
حازم . ادم ابنك ده اللى مخلينى ماقمش اخنقك واخلص
منك يابارد بطل تقول حزومى بطل رخامه انت كبرت
على كده
ياسر بيتصنع الزعل . ماشى ياصحبى بقى كده طيب شوف
هتعمل ايه مع دينا لما ترجع النهارده من السفر
حازم بضيق . متفكرنيش امبارح اتصل بيا عامر ابوها
ووصانى عليها
ياسر . سيبك من الناس الملزقه دى على فكره انا
هسافر بليل وانت هتحصلنى اخر الاسبوع انت عارف ان الصفقة دى تعبنا فيها قد ايه على شان نخدها
حازم . متقلقش أن شاء الله هتم على خير قولى هتجيب
تقى وادم يقعدوا مع جدتى لغايط ما نرجع
ياسر . اكيد طبعا انت عارف ببقى مطمن عليهم لما بيبقو مع
جدتك
حازم . تمام أنا هطلع على الفيلا اجهز وانت روح جيب مراتك
وابنك وحصلنى
كانت قاعده مع ريماس فى غرفتها بتساعدها فى حل وجبتها
ليان . ها ياماستى فهمتى كده
ريماس . انتى شرحك جميل خالص احسن من الميس بتاعتى انا كده هطلع الفرست
ليان بابتسامة . إن شاء الله ياحبيبتي فى الوقت ده خبط
على الباب حازم وفتحه ودخل
جريت ريماس على حازم وحضنته . خالو حبيبي جبتلى ايه معاك
طلع حازم شوكولاته من جيبه ودهلها باسته ريماس .
مرسيه اوى ياخالو
قرب حازم من ليان وسط توترها وطلع شوكولاته تانيه من جيبه بنبره هادئه. اتفضلى دى ليكى
مدت ليان ايديها بتوتر واخدتها منه . شكراً
ابتسم حازم . نقلتى حاجتك هنا فى الاوضه اللى قلت عليها
هزت ليان رأسها وهى مستغربه اهتمامه مستغربه اكتر احساسها وتوترها لما بيبقى قدمها
رجع حازم وقرب من ريماس وشلها . على فكره ياماستى
انا هسافر اخر الاسبوع دبى وهرجع بعديها بيومين اجبلك ايه من هناك
ريماس بطفوله وحطيت صبعها على دقتها علامه تفكير .
امممممم مش عارفه جيبلى انت على زوقك
حازم . خلاص هجبلك على زوقى على فكره طنط تقى
وادم هيجو يقعدوا معاكم اليومين دول لغايط ما ارجع
انا وانكل ياسر
سقفت ريماس بحماس . هاااااااااا ادمومى جى
ونزلت من على أيده وخرجت بره غرفتها وسابت ليان
وحازم فى الغرفة لوحدهم
حست ليان بتوتر ولسه هتخرج وقفها حازم وانتى ياليان
استغربت ليان سؤاله ورجعت بصت له . انا ايه
قرب حازم منها وسأب مسافه . اجبلك ايه معايه وانا راجع
ابتسمت ليان بخجل . سلامتك
وسبته وخرجت بسرعه
ابتسم حازم وحط أيده على قلبه . لا أهدى كده ياقلبى شكلك طبيت وهتتعبنى معاك
وفى المنصوره فى بيت ممدوح دخلت سيده عليه الاوضه
لقته بيلبس جكت البدله بصتله بضيق . خلاص هتسافر انت وبنتك وهتسبونى هنا لوحدى
ممدوح بستعجال وهو بياكد على البسبور واوراق الصفقة . ايه يا سيده هو مش أن قلتلك انى مسافر أنا ودينا دبى على شان أتمم الصفقة وكمل بطمع دى لو رسيت علينا هتودينا فى حته تانيه خالص
سيده. بس انت كنت هتسافر بليل
ممدوح . لا كده أحسن على شان اقدر اركز على المنافسين
اللى معايا شركه السويدى جروب دخله فى المناقصه
دى ودى شركه قوية وليها إسمها وصاحب الشركه حازم السويد مش سهل مش بيخش منقصه غير لما يخدها
سيده . لما انت عارف أنه هترسى عليه فى الاخر هتسافر
ليه
ممدوح بخبث وطمع . لا اكيد فى طرق كتير هقدر اللعبهط بيها انا هخدها يعني هخدها سلام
وقفته سيدة وتكلمت بضيق . طيب و عملت ايه فى موضوع جوازه دينا من ابن اخوك عماد البت بتحاول تقرب منه وهو مش سأل
اعمل حسابك لزم تجوزهم فى أقرب وقت على شان كل
اللى عملناه ميرحش على الفاضي
نفخ ممدوح من تصرفات سيده . متقلقيش هو مسافر معايا نخلص بس من المنقصه دى وبعدها هتكلم معه
واخد شنتطه وخرج من الاوضه ومن الفيلا كلها
وصل ياسر وتقى وابنهم ادم فيلا السويدى فتحت ليهم
الخدامه واستقبالتهم زينب جرى عليها ادم وحضنها.
ناناه وحشتينى
بدلته الجده زينب الحضن . حبيب ناناه انت اكتر ووجهت كلامها لياسر وتقى تعالو ياحبيبى وحشتونى
قربت تقى من زينب وبستها . ازيك ياتيتا عمله ايه حضرتك وحشتينا اكتر
اتكلمت الجده زينب بلوم . لو وحشاكى متتاخريش عليه مش كل فين وفين لما اشوفك
ياسر . حقك عليا أنا ياجدتى انا السبب كنت مشغول الفتره
اللى فاتت وهى كانت مشغولة مع ادم
فى الوقت ده نزل حازم وريماس جريت على تقى . طنط
تقى وحشتينى
تقى بابتسامة . حبيبت قلب تقى وانتى وحشتيني اكتر
ريماس بطفوله . انا فرحانه اوى انك هتقعدى معانا
ادم بحزن طفولى . وانا ياريماس مش فرحانه انى هقعد معاكى
قربت من ريماس وقالت بحماس . لا طبعاً أنا فرحانه اوى
انت صاحبى يادومى وكمان أنا هعرفك على ليان
المربيه بتاعتى عارف دي جميلة اوى وشعرها
وسكتت اول ما حازم نداها بضيق لحظه الموجودين .
ريماس خدى ادم واطلعى على الجنينه العبوا
بصت تقى لياسر وتكلمت باستغراب . هو انتم جبتوا
داده لريماس
الجده زينب . ليان دى واحده مننا لما هتتعرفى عليها
هتحبيها والحمد لله ريماس بتحبها اوى
وفى نفس الوقت خرجت ليان من المطبخ هى وفاطمه
ندهت عليها الجده زينب . ليان حبيبتي تعالى يابنتى
اعرفك على حفدتي تقى تبقى بنت بنتى اللى عايشه
فى السويد
ليان برقه . أهلاً وسهلاً أتشرفت بمعرفتك
تقى بابتسامة . أهلاً بيكى ياقمر وشورت على ياسر
وده يبقى ياسر جوزى وعندنا ادم ابننا بيلعب مع ريماس
فى الجنينه
اكتفت ليان بهز رأسها علامه بترحيب
قرب ياسر من حازم وتكلم بهمس من قرب من ودنه .
هوبااااااا جامده الصراحه ماكن وتركن مافيهاش غلطه
ضربه حازم بكوعه فى بطنه بغيظ
مسك ياسر بطنه بالم . ااااااااه
جريت تقى عليه بقلق . مالك ياحبيبى فيك ايه
ياسر وهو بيبص على حازم بغيظ . لا ياحبيبتي أنا كويس
متقلقيش
الحاجه زينب . جهزى السفره يافاطمة وانتى ياليان تعالى
اتغدي معانا
قعد الكل يتغدوا فى ود وفى المساء وصل ياسر للمطار
وتقى كانت قاعده مع ليان فى غرفتها
تقى . بس إيه ده يابنتى ده انتى فتنه متنقلة جيبه
الجمال ده كله منين
حست ليان بالخجل ولسه هترد سمعوا صوت الداده فاطمة
بتصوت و ...
