رواية احبنى ولكن الفصل الرابع بقلم حنان احمد ماهر
سمعت ليان وتقى الداد فاطمه بتصرخ باسم الجده زينب
نزلوا جرى على السلم ومنتبهتش ليان أنها نزله بالبجامه
وتفاجو أن الجده زينب وقعه على الأرض فقده الوعي
والداده فاطمه بتحاول تفوقها
اتصلت تقى بدكتور العائله وليان كانت قاعده على الأرض
بتحاول تفوقها ومن قلقها بدأت تبكى خايفه تفقدها
بعد ما لقت عندها الامان اللى افتقدته بعد موت اهلها
الست اللى حنت عليها بعد ما أهلها رموها ونسيت خالص أنها من غير حجابها وبشعرها
فى الوقت ده وصل حازم الفيلا ودخل لقى جدته وقعه
على الأرض جرى عليها بقلق وخوف
شلها حازم وطلع بيها جرى لفوق وطلع الكل وراه
نزلها حازم على سريرها وجريت ليان
قاعدت جمبيها بتدعك فى اديها ونسيت خالص أنها بالبجامه
أنتبه لها حازم وسرح فى شكلها المهلك لقلبه وفى كل حته فيها
من اول شعرها الكرستنائى الفاتح الطويل لملامحها
شديدة الفتنه
وفاق على صوت الخدامه وهى بتقول أن الدكتور وصل
جرى حازم على ليان وشدها لدرجه انها كانت هتقع
ودخل بيها على الحمام
اتصدمت ليان لرد فعله ولسه هتلومه
كلامها بحده وغيره . حسك عينك تطلعى بره لغايط ما الدكتور
ما يمشى فاهمه وبصلها نظره اخيره بيحاول يشبع
عينه منها
انتبهت ليان لشكلها وشهقت بخضه ونزلت رأسها وبدأت
تبكى
حازم قلبه وجعه عليها ومقدر الحالة اللى هى فيها وعارف
ومتأكد أنها ماكنتش تتمنى أنه يشوفها
رفع حازم راسها بصوبعه أسفل دقنها وتكلم بهدوء . انا خايف الدكتور يشوفك
على شان كده دخلتك هنا طيب انا وهتجوزك واعتبريها
رؤيه شرعيه لكن الدكتور لو بس لمح طيفك كنت
صورت قتيل ينفع ابو عيالك يدخل السجن بسببك
برقت ليان من الصدمه وفتحت بوقها ابتسم حازم على رد فعلها وقفل بقها . لا انتى تقفلى بقك ده بدل ما اقفله بطريقتى ومشي وسبها مصدومه
خرج حازم ولقى جدته فاقت والدكتور خلص فحص قرب
حازم من الدكتور بقلق . طمنى يادكتور حالت جدتى ايه
اتكلم الدكتور بعمليه . غيبوبه سكر ياريت تهتموا بعلاجها
فى مواعيدها الحمد لله المره دي ربنا ستر
شكر حازم الدكتور وطلب من الداده فاطمة تدخل تجيب لليان حجاب وهدوم ليها
استغربت الجده زينب طلبه بس متكلمتش قرب حازم من جدته بحزن فهى اللى ربته وعوضته على فراق أبوه وأمه
. كده ياجدتى تخوفينى عليكى
فتحت الجده زينب اديها قرب منها حازم وترمه فى حضنها
يستمد منها الحنان اتكلمت الجده زينب وهى بترتب على
ضهره . متخافش ياحبيبى انا بخير الحمد لله
فى الوقت ده خرجت ليان من الحمام بعد ما الداده فاطمة
جبتلها الهدوم ولبستهم قربت ليان من الجده زينب وهى بتفرك فى اديها من الخجل من الموقف اللى حتط نفسها
فيه بصت عليها الجده زينب باستغراب
اتكلمت ليان وهى عنيها على الأرض وهى بتتجنب النظر
لحازم . الف حمدالله على سلامتك ياتيتا عمله ايه دلوقتي
الجده زينب . الحمد لله ياحبيبتي بقيت احسن تعالى ياليان
قربى
اتكلمت ليان بتوتر وخجل . ها لا انا هاخرج واسيب حضرتك تستريحي وهبقا أرجع اطمن على حضرتك بعدين
كان حازم فرحان ومبتسم على خجلها. على فكره ياجدتى
انا خلاص هحقق ليكى الأمنية اللى كان نفسك فيها وقف
وقرب من ليان وكمل وهو بيبص عليها انا قررت اتجوز
ليان
مستغربتش الجده زينب طلب حفدها فهى كانت حاسه
واتكلمت بفرحه. بجد ياحبيبي الف مبارك عليك زين
ماخترت ياحبيبي انت لو لفيت الدنيا مش هتلقى زى
ليان فى ادبها وجملها
حازم . انا متاكد ياجدتى أنا ما شفتش حد فى جمالها الصراحه حاجه كده تتاكل اكل
ضحكت الجده زينب على مشكست حفدها . وانت شفتها
فين ياعفريت
ضحك حازم وبدأ يحكلها اللى حصل وسط صدمه ليان
اللى كانت مبرقه وفتحه بقها
قرب منها حازم وهمس جنب ودنها. اقفل بقوك بدل ماقفلهولك أنا بطرقتى
زقته ليان وخرجت جرى من الاوضه ودخلت على غرفتها
وقفلت الباب وقفت وراه وهى حطه اديها على قلبها
وبتنهج وكلمت نفسها . اده ايه البنى ادم ده ايه الجرأة اللى
هو فيها هيوقف قلبى ابن ايه وكملت وهى بتبتسم لا
بس قمر ابن ايه انا هتجوز الكرزمه ده ويبقى جوزى وبتاعى
وافتكرت حياتها والابتسامه اختفت من شفيفها وكملت بحزن لا بس انا لازم احكى له كل حاجه عنى وهو يقرر
هيكمل ولا لا
وعند حازم قرب ومسك ايد جدته وهو بيوطى يبوسها
اتكلمت الجده زينب . حبيتها ياحازم
حازم بعشق. بعشقها ياجدتى امتى وازاى مش عارف وكأنها
مخلوقه من ضلعى وكنت مستانيها ولما صدقت اشوفها
واتكلم بحماس بصى بقى أنا عايز اكتب عليها قبل ما
اسافر
ضحكت الجده زينب من قلبها على لهفه حفدها . بالسرعة
دى
حازم بعشق . عايزها بتاعتى وعلى أسمى مش هقدر اسافر
غير لما تبقى حرم حازم السويدى عايز اروح اقابل أهلها
واتكلم معاهم
سكتت الجده زينب واختفت ابتسامتها سألها حازم باستغراب وقلق . ايه ياجدتى فى حاجه
ماقدرتش الجده زينب تخبى عليه فهو من حقه يعرف
كل حاجه عنها قبل ما يرتبط بيها وبدأت تحكي له كل
حاجه ليان قالتها وبعد ما خلصت لقت حازم واقف
بغضب كملت الجده زينب بحزن افتكرت أن حفدها
غير رأيه بعد اللى سمعه . بس البنت اتظلمت ياحبيبي
واخدو ورثها ورموها بر البيت
اتكلم حازم وسط غضبه. وانا هجبلها حقها ياجدتى وهردلها وكرامتها وسبها وخرج اتنهدت الحاجه زينب بفرحه
أما حازم راح على غرفة ليان وخبط الباب بحده قلقت
ليان وسالت مين جوبها حازم باين على صوته الغضب
. انا مستنيكى فى الجنينة ثوانى وقلقيكى تحت
اتوترت ليان وحست أنا فيه حاجه وشكت أن الجده زينب
تكون حاكت له على وضعها نزلت وهى وهى وشها حزن
إنه ممكن ميتقبلهاش فى حياته وأنه ممكن يمشيها من
البيت كله
قربت منه ليان واتكلمت وكان باين على صوتها التوتر . خير حضرتك
حاول يتحكم حازم فى غضبه كل ما يفتكر مرات عمها اللى
صورتها وان ممكن الصور تكون لسه معاها نار بتأييد فى
كل خلايا جسمه . تعالى ياليان اقعدى أنا طلبت من جدتى
أن نكتب كتبنا قبل ما أسافر
اتصدمت ليان من كلامه ماكانتش متوقعة أن يطلب منها
الجواز بالسرعة دى وقالت لنفسها أنا الجده زينب ماقلتش
ليه حاجه عن حياتها. بس انت متعرفش حاجه عن حياتى
وعن اهلى
حازم بهدوء . لا عارف جدتى قالت لي بس وحياتك عندى
لهجبلك حقك ها قلتى إيه موفقه نكتب الكتاب
اتنهدت ليان بفرحه فهى حبته امتى وازاى مش عارفه بس
حاسه أنه عشقته وسهمه اخترق قلبها اتكلمت وسط
ابتسامتها . موافقه
