رواية الضحيه الفصل الرابع بقلم زينب نور
-صار الليل وامي وابوية نامو اخذت التلفون خابرتة
احم احم الووو هلو حبيبي.....
-نعم منو حضرتج .....
-حبيبي هاي شبيك ما عرفتني ....
-اي عرفتج بس شرايدة .....
-اريد اسمع صوتك ....
-وشعندج بصوتي شنو كالولج اني فنان مثلا ....
-لا مو فنان بس حبيبي ....
-هههه حبيبج لعد هذاك شنو الجنتي تمشين وياه ...
-هذا ابن خالتي.....
-هااا ابن خالتج اي صدكت ....
-ايمن هاي شبيك والله ابن خالتي ....
-واذا ابن خالتج شعندج وياه......
-خالتي مريضة وامي راحت وياها للمستشفى وابنها أخذني ابيتهم يم خواتة
بقيت اتحايل عليه ساعة بلاخر قنعتة وصدكني ....
-سدورت كلبي شوكت تصيرين الي ....
-حبيبي اني الك ....
-لا قصدي شوكت اخطبج ونتزوج ...
-حبي بعد وكت على هاي السوالف .....
- اهوووو يلا تصبحين على خير تعبان اريد انام....
- أيمن وين صرت بقى ساكت أيمن انت وياي ....
-اي وياج بس ما اريد احجي ....
-ها ما تريد تحجي براحتك اروح انام مع السلامة ....
- وين وين حبيبتي اوكفي شبيج....
-اني شبية لو انت شبيك ....
-حبيبتي والله اني احبج لج والله احبج واخاف تصيرين لغيري اني مجنون بيج الدنيا اقلبها براسج وبراس الياخذج
ليلتكم اقلبها بلمقابر مو بلعرس اذبحكم وانتحر .....
-حبيبي على كيفك صار بيها ذبح وقتل هلكد انت تحبني ....
-لج انتي شكد باردة اكولج احبج امووت عليج ما اتخيل تزوجين غيري ولا اني اتزوج غيرج اموت وانتي تكولين تحبني....
-اسفة حبيبي ....
-كوليها بعد حبيبي ....
-اهووو أيمن يللا روح نعست ....
-لك فديتة النعسان يللا زوجتي المستقبلية روحي نامي وهاي طلعاتج قلليها ترى اغار
ماشي مع السلامة .....
-سديت التلفون ونمت مر ٣ اسابيع على روحتي ابيت عمو سالم الساعة ١١ الصبح توني صحيت من النوم اندكت الباب طلعت كلت منو هذا صوت محمد وية نفسي اهووو هم اجا هذا المكروه فتحت الباب باوعلي بابتسامة ....
- صباح الخير ...
-صباح النور اشو انت واخوانك ما عدكم طريق غير طريق بيتنا شنو متعرفون غيرة....
-يللا بدلي نروح البيتنه. ....
-رحت وياه واني كلبي مو مطمن ابد ما حسيت براحة بقيت ٥ أيام هناك اريد بس ارجع طبعآ كلة اني وسمرة كاعدين سوة حتى ولا اكعد وياهم وفهد جان يحاول يحسسني انه اخوية بس ابد ما جنت احس قريبين مني عدا سيف وسمرة رغم انه سيف ما نسيت هو دمر حياتي وكشف سري بس ارتاحلة اكثر من محمد وفهد
اليوم الخامس كاعدين نسوي غدا اني وسمرة اشوف امي كدامي حسيت كلبي يريد يطير من الفرحة رحت ركض عليها شبكتها قوي وابجي وهي تبجي طبينا جوة سمرة بلمطبخ و تبجي ويانا حتى سيف عيونة دمعت كمت رحت للمطبخ سمرة جانت واكفة ودايرةوجهها علطباخ تحاول تخفي دموعها كتلها هاا طلعتي عاطفية وما اعرف ضحكت ....
- تدرين سدورة افرح لمن تروحين هناك لئن ادري انتي مترتاحين ويانا بس اني احبج وأتمنى لو ابوية ما غلط هاي الغلطة جنا عايشين اني وانتي احلا خوات شبكتني و تبجي ....
-ما ادري شصار بية ما اعرف اكرهة لان بعدني عن اخوتي بسبب علاقة حب من طرف واحد انتهت بلفشل لو ارحمة لان خلاني اعيش حياة غير عن حياتهم وتعرفت على أيمن حبيبي اووف أيمن هسه شصايربيك اعرف جنيت بغيابي راح تموتني رحت اخذت جنطتي حطيت ملابسي بيها ونزلت جوة كعدت يم امي انتظر تكول يللا علمود نروح شوية وطلعنا وصلنا أيمن واكف يم بيت عمة خزرني بنضرات غريبة طبينا البيت سوينا غدة وكعدنا نسولف اني وامي الظهر رحت لغرفتي اريد انام وامي راحت نامت شوية واخذت التلفون خابرت أيمن جاوبتني وحدة بنية صوتها كلش ناعم طبعآ الغيرة موتتني منو هاي وليش أيمن خلاها تجاوبني هو يعرف راح اخابرة لان شافني راجعة....
- اتفضلي منو رايدة...
-اريد أيمن...
-ههههه مموجود...
- عصبت كتلها اوكي ردت اسد الخط....
- لحظة لحظة شنو متتحملين شقة أيمن كاعد بصفي...
- احس النار بدت تصعد براسي شنو يعني بصفها ومنو هي غبت ٥ أيام كاعد وية وحدة اذا اغيب شهر يجوز يتزوج ....
- وينج رحتي....
- موجودة اريد اشوف وين توصلين بكلامج ضحكت ضحكة عالية...
-هههههههه ايمن تعال احجي وياها خاف هاي غارت متعرف اني اختك ...
-اخذ التلفون وبقى ساكت بس كال مرحبا وسكت واني سكتت بقينا 5دقايق ساكتين كتلة أيمن اروح انام انت راح تبقى ساكت....
- وين جنتي كل هاي الايام شنو سالفتج احجيلي انتي شنو مخطوبة ومتقبلين اجي اخطبج ليش تختفين ومتكوليلي وكل هذا وتكولين احبك ترة تعبت من حبج يا نتزوج يا تركيني ما بية حيل ابقى اشتاقلج وانتي متحسين...
- روح هسه بليل اخابرك و شنو تريد تسمع احجيلك سديت التلفون بدون ما اسمع منة كلمة صار الليل واني على أعصابي ما اريد اليوم يمشي ويجي الليل شراح احجيلة شراح اكولة بليل ساعة ١٢ ونص اخذت التلفون وخابرتة جاوبني بصوت تعبان ....
- نعم ...
-ضحكت كتلة شنو نعم كول حبيبي شنو ممشتاقلي ....
- باعي حافظج وحافظ سوالفج لا تحاولين تغيرين الموضوع احجي وين دتروحين...
-أيمن اريد اسألك سؤال انت تحبني ضحك باستهزاء....
-هههه شنو احبج لج اني عبرت هاي المرحلة من زمان اني لو بيدي صار هواي ماخذج بلحلال والله رايدج بلحلال
اريد تصيرين الي ما اتخيل غيري يصير زوجج وانتي اشك انه متزوجة ودتكذبين علية اصلا انتي ما تحبيني لو فعلا تحبيني ما تخليني اتعذب لهاي الدرجة جان حنيتي علية وقبلتي اخطبج ....
-دمعت عيوني تالي وياك كلما اروح ابيت احد من اقاربي لازم تسويلي مشكلة ترة حياتي مو بس الك اني هم عندي عائلة واصدقاء واروح وياهم انت تعرف اني وحيدة اروح ابيت خالتي وية بناتها اتونس...
- كالعادة راح تضحكين علية بكلمتين و تسكتيني ...
- أيمن هاي حياتي واني عندي سر جبير اكبر مما تتخيل بس لا تسألني شي راح يجي يوم وتعرف واذا تحس نفسك مضلوم وياية اتركني صرخ بصوت عالي....
- شنو اتركج انتي ماعندج احساس ما عندج كلب ماتعرفين شكد احبج كتلج متصيرين لغيري انتي الي ...
- لعد لتسالني شي كلشي بوقتة حلو وهذا الموضوع مو وقتة أيمن اني احبك تعبت واني ابررلك مواقفي تركني براحتي والله العظيم ما عندي غيرك وما اصير لغيرك خليني ارتاح وياك خلي ذكرى حلوة بيناتنا حتى بلمستقبل نحجيها لاولادنا .جر حسرة طويلة....
- خلص ما راح اسألج عن شي راح أثق بكلامج لان احبج وما اريد اخسرج
بقينا نسولف اباوع الساعة صار ٣ نعست سديتة رحت نمت مر على هذا الوضع 6اشهر واني مرة هناك ومرة هنا وايمن ولا يسألني سؤال مرة جنت راجعة سيف جان مرجعني شفت أيمن واكف وعيونة نار صايرة خفت من نظراتة عرفت صاير شي طبيت للبيت سلمت على امي كعدت اريد يصير الليل
شكرا لزيارتكم عالم روايات سكيرهوم
