رواية حطام امراءه الفصل الرابع بقلم جمانه السعيدي
بقينا تقريبا اربع اشهر وضعنا كلش زين
وعمتي من سمعت بالفلوس كامت تجي وتروح
وعززت العلاقات تريد تسحب من رياض فلوس
كلما تجي تأخذ منه فلوس وتروح بس ابد مافكرت هو شيشتغل
وشلون هاي الفلوس جاي يحصلها
اهم شي تاخذ منه مبلغ محترم وتروح
بعد فتره غاب رياض عن البيت
اسبوع كامل وهو ما جاينه
ولا شايفينه ابد
اني رحت البيت عمي اسئل عنه كالو ما شايفينه ابد
اتصل علي مايرد عليه
خفت لاصار بي شي
ثامن يوم دخل عليه وبيده وحده شكله استغفر الله
ابد مو راحه
لازمه من ايدها وهي خاله المكياج كله وطك بعلجه
الساعه بلاربعه العصر
اني شفته وكتله وين جنت صار اسبوع ماكووو
وهاي منووو
جمانه السعيدي
رياض هاي زوجتي الجديده
فاتن شنوووو ازوجت
رياض اي ازوجت ما عاجبج
فاتن يعني انت صار اسبوع غايب لان ازوجت مووو
رياض اي ازوجت وحبيبتي ماتريدج بلبيت لا انتي ولا جهالج
فاتن هاي حبيبتك امبينه من ثوبك اكيد الطيور على أشكالها تقع
رياض يله اخذي جهالج واطلعي برا ما اريد اشوف وجهج ابد
فاتن تحجي صدك وين انروح اني وجهالك
رياض وين ما تردين ترحين روحي مايهمني
فاتن لا انت مو صاحي تشمر جهالك بلشارع علمود وحده مثل هاي
هي طفرت عليه وكالت
وشبيه هاي احسن منج ومن عشيرتك امبينه فكر بت فكر
فاتن ما غيرج الفكر لان عفتي كل الرجاجيل ورجعتي الرياض
رياض انجبي واسكتي هاج ورقة طلاكج
واخذي جهالج وولي من خلقتي فهمتي
فاتن ياااا رياض طلكتني ولله تحجي صدك
رياض اي طلكتج وهسه انتي فد بندله
٢٥ الف للشيخ وطلكج غيابي
واذا شفت وجهج هنا مره ثانيه اكسر رجليج يله اخذي جهالج وولي من خلقتي
كمت اتوسل بي لا ن وين اروح بيهم اهلي مايردوهم
وماعندي مكان اروحله ابد
كام يضرب بيه ودفعني وطلعني بلشارع
اني والجهال ساعه اتوسل بي يله انطاني الرداء والشال
وابني دخل جابلي موبايلي من جوووه
ومن شافه ابووو ضربه راشدي فر راسه فر
ياربي الدنيا بارده وين اروح
بقيت واكفه بلباب بلكت يحن كلبه على الجهال ويدخلهم للبيت
مليت من الوكفه وقررت
اروح البيت عمي وحجيلهم الي صار
بلكت يدخلون ويرجعون العقله
وصلت وحجيت كلشي العمتي
بس سمعتني عمتي كامت
طردتني تكول تردين اصرف عليج انتي وجهالج
اني قابل شعندي
اذا ابني طلكج اني ليش اكعدج بيتي
اخذي جهالج وروحي
بعد طلاكج كلشي مالج يمنا
جمانه السعيدي
فاتن بس ذوله جهالكم ووين اروح بيهم اني متردوني ميخالف بس ذوله شنو ذنبهم
ووين اروح بيهم بهليل
عمتي مشكلتج روحي الاهلج هم يكعدونج يمهم
طردتني عمتي والدنيا ضاكة عليه حيل
ماكو غير اروح الاهلي بلكت الله يرحم حالي ويقبلون اكعد يمهم
بس دخلت وشافني ابوي نزل حواجبه
امي كالت هايمه شبيج باجيه
فاتن رياض طلكني وشمرني اني والجهال بلشارع
امي يااا ليش الله لاينطي
فاتن ازوج وزوجته ما تريدنا بلبيت
بابا تحجين صدك وجايه انتي وجهالج تكعدين على كلبي
مووو
فاتن وين اروح بيهم
بابا مشكلتج وين ماتردين ترحين روحي عوزي اصرف عليج انتي وجهالج
ابوهم مزوج ومتونس واني اعيشه جهاله
روحي اني ما مسول عنكم ابوهم يتكفل بيهم
فاتن ابوهم مايريدهم شمرنا بلشارع وسد الباب
بابا اي روحي اكعدي بلباب منا لمن يحن عليكم ويفتحلكم الباب
فاتن فدوووه بويه بس اليله وباجر اشوفلهم مكان ثاني
بابا بس تباتين عدنا ليله زوجج يطمن روحي اوكفيله بلباب واقلقي راحته هو ابوهم ووهو مسول عنهم
يله اخذيهم وروحي
امي شكد توسلت بي كالله اذا تردين انتي هم روحي وياها
طلعت من بيت ابوي مطروده
زين وين اروح والمن انطي وجهي هسه لو عليه ميخالف
بس ذوله الجهال شنو ذنبهم
ابوي فوك ماهو ورطني بواحد ساقط
وعديم المسوليه النوب اتخلى عني
ووين اروح والمن انطي وجهي
ضليت امشي بلشوارع وما اعرف وين اروح
امشي اني وجهالي
كل شويه اشيل واحد منهم
خطيه حيل تعبووو وجوعانيين حيل
هواي مشيت لمن تعبت كلش
شفت حسينيه كعدت بابه وكمت ابجي
ياربي اني موعبده من عبادك
انت موتكول حتى النمله اله مكانه عندي
هسه اني خليني ذوله الجهال شنو ذنبهم الدنيا بارده
وجوعانيين ونعسانيين
وين اروح بيهم
اني ابابك لاتعوفني حايره
خليت جهالي بحضني وكمت ابجي ابجي بحركه وقهر
لا اهل بيهم خير ولازوج بي حظ
ماحسيت غير صوت رجال
...هااا بويه خير ليش تبجين
فاتن رفعت راسي رجال جبير لابس دشداشه وعكال
فاتن مسحت دموعي وكتله ماعندي مكان اني والجهال
....ليش وين بيتكم
....بيتنا بعيد وزوجي طلكني وشمرني بلشارع اني وجهالي
...ليش شمركم خاف متعاركين اني اصالحكم
....لا ازوج وحده ثانيه وكالته ما اريد زوجتك ولا جهالك
....مارحتي البيت اهلج
...مايردوني اهلي
...الله واكبر شني العالم مابقه بكلوبه رحمه
..فاتن اهي اهي جهالي جوعانين وبردانيين وتعبو من المشي
...كومي كومي تعاي ادخلي بلحسينيه
فاتن كمت امشي ورااا طلع مفتاح وفتح باب الحسينيه
دخلنا جوه كال تعالو هاي الغرفه دافيه اكثر
غرفه زغيره مثل المخزن اكو بيه صوبه كهربائيه شغله
واكو بيه فراشات نزلنا فراش
كال هاي الصحيات منااا اذا تردون تغسلون
واني هسه اروح اجيبلكم اكل واجي
دخلت الجهال للتواليت وغسلتلهم
كتلهم تنامووون
كالووو لا ننتضر جدو يجيبلنا اكل جوعانيين
جمانه السعيدي
نص ساعه ورجع علينا جايب علاقه كله بسكت ونساتل وكاكو وعصير
بس شافوها الجهال فرحو بيهن
كال نامو ومنا للصبح الله كريم يحله حلال
ساعته ماصدكت لطف رب العالمين
الناس كله سدت بوجهنا الباب بس رب العالمين فتح بابه النا
وسخر النا هذا الرجال
الف الحمد لله والشكر
الجهال اكلو وشبعو
جنه نامت وهي كامشه النستله بايده
غطيتهم وكلت مادام رب العالمين يرعانه بعد ما اخاف
هو يتكفل بينا
الصبح اجانا الرجال
...صباح الخير بويه
فاتن صباح النور
...اعذريني ياعمي ما اكدر اعوفج اكثر هنا هاي مكان للصلا ويدخلون رجال
وبي حلقه دراسيه وانتي بعدج بنيه وزغيره
والناس ما ترحم
اني هذا الي اكدر علي بعد ما اكدر اخليج اكثر هنا
فاتن ولله فضلك ما انسا طول عمري
واني ما اريد احملك فوك طاقتك
وشكرا الان انت ساعدتني وفتحتلي المكان
الله الي خلقنا هو يتكفل بينا
...اعذريني من التقصير
...لا ماعندك اي تقصير والنعم منك وفيت وكفيت
بس عندي طلب واحد اخير
...كولي اذا اكدر تدللين
...اريد رصيد اخابر صديقتي تجي تاخذني
...سهله هاج هاي فلوس شدي رصيد بيهن
اخذتهن وتشكرت منه حيل
ورحت شديت رصيد وخابرت امل صديقتي
وشرحتله الموقف
فاتن هلو امل شلونج
امل هلووو شني هاي الغيبه وين جنتي
فاتن مااكدر احجي هواي تعاي اخذيني اني واكعه بمشكله وماكو غيرج يساعدني
امل ياستار انتي وين هسه انطيني العنوان واجيج
انطيته العنوان وبقيت واكفه بلشارع وانتضره
