رواية قضية شرف الفصل الثالث بقلم زينب نور
بقيت الليل كله اتوسل يفتحوون الباب اريد احاجيهم وهمه يسمعوووني طبعااا وكاعدين بالصاله قريب علئ الغرفه الي اني بيها بس محد يجي
اسمع كلامهم واحد يكوول نطلع الرقم وواحد يكوول لا نكتلها
اخر شئ صحت اعلئ صوتي
فتحوو الباب اووو اكتل نفسي هسه
اجه عمي اليه وفتح الباب
عمي// شتردين ولج اسكتي لا ادفنج هنا
اني// عمي الله يخليك اسمعني والله مااعرف شئ عمي موو اني الله يخليك بس اسمعني اني من كعدت كنت مخدره مااحس بشئ
بس لكيت شباب اثنين وفووك راسهم مره هيه الي تأمر بيهم
والله عمي ما الي علاقه
عمي كنا بسياره واحد كال لثاني لبنيه شنو علاقتها احنه دمرنه حياتها
الثاني كاله نفس مادمرونه دمرناهم
عمي والل ما الي اي علاقه
عمي// والرسائل شنوو بصووت عالي
اني// والله ماعندي شئ ولا اعرف بيها اصلا من كنت هناك كان عدهم موبايلي
دخل ابوووي علينه وكان مصدوووم
وكعد عالكاع وهوو مكسور ضهره (( عمت عيني عليه))
ابووو محمد اذا صدك كلامها يعني هذا واحد ينتقم منه
اجه علي يركض هوو ومحمد
علي// لاتصدكها هاي تجذب وهسه نكتلها بالشارع كدام الناس ونغسل عارنه
اني// واني دمووعي تصب مع الاسف عليك يااخويه
انت ماتعرف اخيتك انت كنت سندي بالدنيا كنت كلشي اسويه احسب احسابكم بيه
علي انت حزام ضهري اذا ماتصدكني تصدك منووو
رحت لمحمد محمد والله ماسويت شئ ينزل روسكم
رحت لعمي وابوووي // نزلت جوووه رجلهم لاتصدكووون الرسائل اني طاهره وشريفه الله شاهد عليه
وحته المره الي اخذتني جديده بالمزرعه عبالي مشتغله جديد
صحت امي ماااما وينج والله مامسويه شئ
حرام عليكم صدكوووني لاتهدرون دمي
عمي// نزل راسه وطلع هوو وعلي
بقه ابووي مايتحرك نفس الي متشنج
اني// بابا ارجووك اسمعني
ارووح لهذا واتووسل بهذا محد مصدكني
عند الم حيل قوووي مااكدر اتحرك بالكووووه
الدم ماينقطع احس راح اموووت اباووع لجسمي كله صار اصفر
امي تتوسل بيهم ياخذووني للطبيب مايقبلون. الدم جاي يطيح عليه هووواي ... اباااوع لبابا مايتحرك
رحت يمه اركض حركته حاجيته ماكوووو
صرخت باااابا حاجيني
بابا فدوووه اكعد
اجوو اخوتي وعمي ومحمد شالوووو واخذووو ركض للمستشفئ
كلهم راحووو بقيت بس اني بالبيت مسدود عليه الباب
جدتي كاعده بالصاله وتحجي عليه وتكوول
//جبتي النه العار الله ينتقم منج بس خل يجوون نذبحج هسه ونذبج بالمزبله
اني بس ابجي اريد بابا وينه بس هوو يصدكني
يوووم كامل اهلي ماكووو ولا احد منهم دخل للبيت كلهم بالمستشفئ جدتي طلعت مدري وين هيه
ادك بالباب اصرخ محمد يفتحلي الباب... دخل علي للصاله اشووفه من شباك الغرفه
اخذذ يمكن مستمسكات يمكن وطلع عالسريع ضليت اصرخ ماكووو مالحكت عليه ... خله وطلع عالسريع
صار الليل محد اجه للبيت
تقريبا نص الليل هسه واني بالغرفه متت حرر وجووع وعطش ومحد مر عليه يمكن نسوو اني محبوووسه هنا
صارت هووسه بالحديقه يمكن بس محد موجود بالبيت مالتنه صار رمي قوووي ... البيت نكلب كلاب بالرمي خفت ولبدت وره الباب..
كلت اكيد عرفوو منو سوه بيه هجي وصارت طلابه
يااارب خلصني بسلامه ومحد يتاذه يااربي فدووه اروحلك لاتاذي اخوووتي ضليت اصرخ محد يسمعني
دخلوو نسوان يصرخووون مااعرف شكوووو .. ضليت اصرخ محد يحاجيني اجت مرت عمي فتحت الباب اليه
وكالتلي// ابوووج مات ياريحانه
مات بسببج
لاااا بابا مايمووت بابا ميعوفني مات
لا مايروح قبل لا يعرف برائتي لااا مايرووح ويخليني ضليت اصررخ صووتي راح مااحس بصوووتي صوت
اجن عماتي وامي والنسووان اقاربنه كله التمت امي ماتحجي بس تبجي وتصررخ
ابوووويه حبيبي راح بسببي ضليت ابجي واون ماكوو صوت النسوان الغرب بس يهدن بيه مايعرفن سالفتي
بعد مااشوفك يانور عيني
سمعت الرمي يمكن جابوو ابووي وراح ياخذووه
رحت اركض واني حافي مالابسه شئ علئ راسي لابسه الوان
رحت يم الزلم وصلت لتابووت ابووي والزلم يمه كله شيووخ وكبار وشبابات
وصلت يم تابووته رفعت البطانيا بابا ماكو وجهه ماكوو ضحكته ماكووو الوصله البيضه مغطيته
صحت وصووتي ماينسمع بااابا اكعدلي بااابا اني حبيبتك ريحانه ضليت اشم بيه كل قووتي الزلم كلها ضلت تبجي وياي
صحت ماكوو صوت اريد صوتي يطلع ماكووو
بوويه رحت مني زعلان والله اني بريئه اني السبب موتك فدووووه لنعالك كووم لاتخليني اعرف برائتي وبعدين قرر والله مامسويه شئ هم خطفووني والله مااعرفهم بووويه كووم منو اليه غيرك منو يطلع حقي غيرك
اجاني علي وسلحني حيل
كنت احجي لابووي نسيت فوووك راسي زلم وشباب نسيت اني حجيت كلشي نسيت اني فضحت نفسي
الزلم بقت واحد يباووع للثاني ومصدومين من كلامي
اوووكف علي اذبحني فدوووه بس خل احاجي ابوووي
خل اكوووله اني طاهره مووو بيدي والله??? ضل علي يسحل بيه اكثرر واكثر دخلي للبيت مقابل النسوووان. شمرني وكال لعمتي حبسيها بالغرفه هسه
حبسوووني بالغرفه 3ايام مااعرف بالدنيا نسوان تدخل وتطلع
كلها عرفت بسالفتي بس كالووو شردت وي واحد ولزمووها اهلها وابوووها مات من القهر والعار
والناس كامت تزود بكيفها
خلصت الفاتحه واني مرت عمي اوو بنت عمي تجيبلي اكل اوو ماي بدوون لحد يعرف اذا عرفوو يحبسوهن وياي
مرت اسبووع وماعرف شنوو مصيري
قرووو بعد فضيحتي بين الناس قتلي وانتهئ الموضوع
بس حسن كان وياي ومصدكني كنه اني وياه علاقتنه قووويه كنت احجيله كلشي
حسن وكف ضدهم عليه
كال الهم// روحووو ذبحووو الي جاب الكم العار مو الي غتصبووها غصب عليها
عمي/ ضرب حسن راشدي وكاله اسكت لا ادفنك وياها
وصار لصياح والعياط والعرك
حسن// تريد تصير شيخ اخذ الشيوخه الك بس ابعد عن حياتنه وابعد عن اختي
علي// انجب ولك هذا عار النه والشيخه اني اخذه اني ابنه الجبير
حسن// انت هذا الي هامك الشيخه واختك وين روح دور علئ الي جابلكك العار لوو شيخ صدك مو بس حجي
امي// بس تبجي واني بس جسد ياريت لوو امووت وارتاح
ياااريت اروح لابووي وافهمه ان بنته وحبيبته بريئه
تعبت نمت واني مااعرف بنفسي ماعرف شنووو قرروو عمي واخواني..
غفيت حلمت اني ابجي ضايعه مكان مابيه احد بس صخرر مكان فاارغ شمس تحرك كنت جوعانه عطشانه تعبانه
شفت شخص بعيد عليه اريد اروح يمه كلما اقرب منه هووو يبعدد اكثرر واكثرر
ضليت اركض واركض حته اوصله بدوون تووقف
وصلت اله
طلبت منه مساعده
التفت اليه ....
طلع بابا اي نعم ماما
اني// اريد اتقرب منه واحضنه بس مااكدر
بابا ليش رحت عني بابا اني بريئه فدوووه ارجعلي مااكدر بدوونك بابا كول لعلي اني بريئه لاتخليه يذبحني بووويه اخاف من الموت والقبررر بووويه اني ماسويت شئ ينزل راسك
شكرا لزيارتكم عالم روايات سكيرهوم
