رواية زواج إنقاذ الفصل الرابع بقلم جمانه السعيدي
رجعنا للبيت اني وماما
خالي خابر اكد موعد العمليه واكد على بابا لازم يجي بلموعد المحدد لان الحجز ما يتاجل
وهنا صارت الحيره اكبر
بابا مايكدر يسافر وحدا لان وضعه تعبان
لازم ماما تسافر ويا
واني ما اكدر اسافر وياهم لان بعدني ما اتحمل سفر طويل
ولا اكدر ابقى وحدي بلليت
احمد خلاص اني قررت ما اسافر الاعمار بيد الله
مستحيل اعوف شموسه وحدها
شمس لابابا ما اقبل صحتك اهم مني اني ما اتخيل حياتي من دونك
ام شمس زين ياس يبقى يمها ويدير باله عليها وهو ابن عمها واكيد راح يكون حريص عليها
شمس شنوو ياس لا ما ابقه ويا وجه الفكر يجوز انجلط من ورا
جمانه السعيدي
احمد ماكو غير حل لو ما اسافر وابقه هنا
لو تبقين انتي وابن عمج بلبيت منا لمن نرجع شكلتي
شمس اووووف ياربي منيين طلعلي ياس خضر
مكتوبلي بلبخت شكد اكرها
يجوز ترجعون تلكوني اموته وخلصانه منه
ياس رحت البيت عمي بليل اطمن على شمس واشوف عمي يمته يسافر
احمد ياس وليدي اريد اطلب منك طلب
ياس تفضل عمي عيوني الك
احمد اريد اسافر واعوف شموسه بامانتك انت اكثر واحد اثق بي واكثر واحد يكدر يحافظ عليها
هي شويه عصبيه وماراح تتقبلك بسهوله بس اتحملها الخاطري
اعرف احنا خربطنا حياتك وحملناك مسوليه جديده بس ولله ماعندي احد اثق بي اكثر منك وعمري ماراح انسى فضلك
ياس لاعمي لاتكول هيج انت عمي ومثل ابوي واني افديك بعمري واذا تريد اسافر وياك وشموسه تبقى امه يمها
ماعندي مانع
احمد لا ام شمس اخوانه هناك وعدها فيزا وراح تعرف اداريني انت اريدك تهتم بشمس واكون شاكر الك
جمانه السعيدي
ياس يمته تسافر
احمد عكب باجر
ياس ابوي وعمي مهدي يردون يجون يسلمون عليك قبل السفر
احمد عليمن يكلفون نفسهم مكالمه كافي اني اخابرهم واحجي وياهم بعد عندي طلب اخير منك
ياس تفضل عمي اامرني امر
احمد مايامر عليك ضالم انت تعرف احنا كلنا نهايتنا الموت
ياس عمرك طويل عمي
احمد خليني اكمل اني ما ضامن عمري يجوز اموت قبل لا اوصل يجوز اموت قبل العمليه محد ضامن عمرا
اريد احملك امانه بنتي وزوجتي امانه عندك
اني اعرف هذا الزواج انفرض عليك
غيرتك على بت عمك فرضته عليك واذا رجعت بلسلامه وصحتي زينه
وانت تريد تنهي هذا الزواج اني اساعدك لان من حقك
هذا الزواج ماكان باختيارك
اني ما املك بس هذا البيت وراتبي
هذا البيت سجلته باسم شمس ضمان الها للزمن
اريدك توعدني وعد شرف تتحمل هاي الامانه
ياس عمي بنتك وزوجتك امانه بركبتي وابد ما اعوفهن
واني ما انهي هذا الزواج الا اذا شمس طلبت مني
وانشاء الله اكون كد هاي الامانه
سلمت على عمي وطلعت وخابرت الوالد
ياس السلام عليكم شلونك يابه
ابو صلاح هله وليدي شلونك عمك شلونه
ياس الحمد لله عمي عكبه يسافر اريد احجي وياك بموضوع
ابو صلاح خير انشاء الله
ياس بت عمي شمس احتركت والحرك بمنطقه حرجه والدكتوره ما قبلت تعالجه الان بنيه واني عقدت عليها
علمود تتعالج وطيب اعرف ما خذت رائيك بس كان الموقف مفاجى اليه بت عمي تصرخ وعلاجها متوقف على هاي الخطوه مامعقوله اني موجود واروح اجيب واحد من الشارع يتزوجه
ابو صلاح عفيه وليدي عفيه النشمي رفعت راسي
هذا ابني السبع الربيته ماضاع تعبي وياك
وكفو منك نشمي وغيور على عرضك
ياس يعني انت ما زعلان مني
ابو صلاح لو ما مسوي هاي الخطوه جان زعلت عليك
ياس بعد شي ثاني ما اريد امي تعرف بهاي الشغله
لان ما اعرف مصير هذا الزواج
وبعد اريد اكول شي ثاني اني راح ابقه ويه بت عمي منا لمن يرجع ابوها من السفر
ابو صلاح عفيه وليدي ربيتك الهاي المواقف الزينه والنعم منك
اني باجر اجي اني وعمك مهدي نودع عمك ونجيبله فلوس
خاف فلوسه مايكفن
وفعلا ثاني يوم اجا ابو صلاح ومهدي يودعون اخوهم ويسلمون علي وراحو ويا للمطار
اما شمس وياس بقو بلبيت
شمس من طلعو اهله من البيت انفجرت من البجي
لان بعمرها ما مفاركتهم
ياس لاتبجين انشاء الله يرجعون بلسلامه
شمس انشاء الله
شمس دخلت غرفته وسدت الباب
ياس راح يجيب عشا جاهز
شمس صار اكثر من اسبوعين للحادث واني احاول احجي ويا ماهر وماكو مايرد عليه
وكلما اسئل سماهر علي تكول ما اشوفه زين هسه بداية عطلة نص السنه جان رحت للكليه حتى اشوفه
مااعرف شصاير ويا ضاعت اخباره فد مره
مو من عوايده جان بليوم يخابر اكثر من عشر مرات بسلا صاير ويا شي زين اسئل منو علي
كاعده افكر وندكت الباب
شمس منو
ياس اني جبت عشا تعاي نتعشى اني وياج
شمس ما اشتهي اتعشى وحدك اني راح انام
ياس تنامين هسه بعد وكت
شمس راسي يوجعني وتعبانه وما اريد عشى
ياس اني هم انسدت نفسي بعد ما اريد راح اخلي العشى بلثلاجه اذا جعتي اطلعي واكلي
تصبحين على خير
شمس وانت من اهل الخير
جمانه السعيدي
ياس لكيت افراش بلاستقبال وتمددت عيني ماتاخذ نوم
مكاني متغير فتحت الموبايل شويه
بعدين بدلت لبست تراكي فتحت التلفزيون شويه طالع فلم اجنبي كعدت اتفرج علي
خلص الفلم حسيت نفسي جعت رحت سويت لفه واكلت
طلعت فرجة الاسنان من الجنطه فرجت اسناني ونمت
ياس ثاني يوم كعدت لكيته كاعده تسوي ريوك طبعا هي من احتركت بعد ابد مالبست اتراك كله دشداشه قصيره وفوكه روب
ياس صباح الخير
شمس صباح النور تتريك اسويلك بيض عيون
ياس ما اريد اتعبج اي شي جبن وجاي كافي
شمس هذا الجاي تفضل وهذا الجبن
ياس بس اغسل واجي
اكول بكلبي هذا شني من صباح يخبل هذا وهي تحاجيني بثكل لو شويه ابتسامه يمكن هسه اركص جوبي
بس ميخالف اطول بالي وياج شموسه اجيبج للدرب لازم اجيبج بس اصبريلي
