رواية دكتوره رفيف الفصل الرابع بقلم جمانه السعيدي
رفيف....بدينا نجهز البيتنا كل يوم أو يومين بعد الدوام نطلع
نفتر على محلات الاثاث ونشتري الاشياء الي تعجبنا
طبعا اسامه اي شي يعجبني يكول هاي هي
انتي ام البيت وكلشي خلي يكون على ذوقج
اختاريت نصبغ البيت ابيض
حتى يبين اكبر ويكون هذا اللون وياا الاثاث
شي راقي
اتصل أسامه بشخص يعرفه حتى يدز صباغ يصبغ البيت ابيض مثل مااني اريد
اشترينا غرفة نوم تركيه أرقى موديل كان سعرها خمس ملايين وستائر شيفون ابيض
والطخم رمادي وميز الطعام خشب
نشتري وندزه نقليات الناصريه ويبقى اسامه على تواصل
وياا السايق لمن توصل الغراض للبيت
رغم اني شكد تعبت بهاي الايام من الفره على المحلات حتى اجهز بيتي بس هاي الايام كانت اسعد ايام بحياتي
حلو هذا الشعور واني احسن راح يصير عندي بيت وااثثه على ذوقي
بعد شهر نزل اسامه الاهله وبدأ يرتب بلاثاث ويعلك البردات طبعا فاتح كامرا ويصورلي
اي شي يسوي واني اختار مكان كل قطعه وين يخليه
وحسب مااني اريد على ذوقي
كل ليله انام واحلم بيتي وشلون راح اعيش بي اني واسامه
رحت اشتريت لوحات كلش حلوات وراقيات
ودزيتهن الاسامه حتى يخليهن بلبيت
رفيف...وصلن اللوحات خوما انكسرن
اسامه....راح اضمهن ومن تجين انتي اختاري المكان الي تخليهن بي
وشتريت ورد وتحف وانتيكات اني وشيلاء رحنا اختاريناهن
كنت حاسه بفرحه ماله مثيل حتى من تخرجت دكتوره مافرحت هلكد
حلو احساس الامان والاستقرار وخاصه وياا اسامه
لان احبه ومتعلقه بي
اي شي اختاره يساندني ولا يرفضلي طلب
بلعكس يشجعني اشتري الاشياء الي عاجبتني
جمانه السعيدي
بعد خطوبتنا بشهر نزل اسامه ورتب البيت واني وياا على الكامرا
وصار شهر بلضبط مانازل الاهله
يعني صار شهرين مخطوبين
عرض عليه نروح الاهله نزورهم ونرتب بيتنا ونرجع ثاني يوم
اجا أسامه وطلب الأذن من بابا ياخذني حتى اشوف بيتنا
وارتبه
بابا وافق
يوم واحد وثاني يوم نرجع
امي بليل وصتني اخلي مسافات بينا وما اضعف كدام اي مغريات لان احنا بعدنا على البر وواي خطئ ممكن
يضيع كلشي
رفيف...لا توصيني اني جبيره وافتهم واعرف اتصرف بهيج مواقف
بليل اتصل عليه اسامه
اسامه...حبيبي بلتسعه امر عليج يناسبج هيج موعد
رفيف...تمام
اسامه...ممكن اطلب منج طلب بس لاتزعلين
رفيف...اي حبيبي تفضل
اسامه...ممكن لبس شويه طويل واذا تخلين شأل على راسج لان احنا منطقه ريفيه ومااريد احد ينقدنا
رفيف...تمام هاي هي اني مقدره وضعك
طبعا اهله عدهم علم بجيتنا للبيت
ثاني يوم لبست فستان نيلي طويل وخليت شأل على راسي كريمي وحذاء وجنطه كريمي
طلعنا الساعه بلتسعه الصبح
طول الطريق اسامه لازم ايدي وكل شويه وكال اني مامصدك
يمتا يزفونا عرسان ونجي البيتنا اني وياج
رفيف....قريبا انشاء الله بعد احنا كلشي كملنا بعد اشتري فستان وذهب ونحدد موعد العرس
وصلنا الببتهم بيت جبير والبساتين داير ميدور
وشفت حيوانات قريبه على البيت وتكرمون جلاب ثنيين
دخلنا استقبلتنا اخته ورحبت بينا
دخلنا جوا لكيت امه كاعده
رحبت بلهفه بااسامه وحاضنته وتبوس بي
واني واكفه منتضره دوري حتى اسلم عليه
كعد اسامه بصفه وهي اجاهلتني تماما وكانما ماموجوده
حسيت بااحراج فضيع
ردت اخفف من الاحراج
رفيف...شلونج خاله ودنكت ابوسه
كالت اهلا ودارت وجه حتى لا ابوسه
اسامه كان يباوع وما عندا اي ردت فعل بقيت واكفه
رفيف...يله اسامه اريد اشوف بيتي طبعا كوه مسيطره على دمعتي حتى لا تنزل
كتله يله ومشيت بتجاه الباب
ام أسامه...شبيج طايره وين رايح بيتج هم يلوك
صار عدها بيت ام وسكتت
جمانه السعيدي
رفيف...اسامه تجي لو لا وطلعت من البيت كله
بقيت واكفه بلشارع وكنما عيوني ماصدكن راسا نزلن دموعي شلال
مسحتها مااريده يشوفني ابجي
ميخالف مراح استسلم بهلسوله
تقريبا عشر دقايق واكفه برا يله اجا وراي
اسامه...هاي شبيج تونا وصلنا خل نرتاح وين رايح البيت
رفيف...انت صدك تحجي شفت امك شلون استقبلتني وتريدني اكعد شنو ماعندي كرامه
لو لكيتني بلشارع
ترا اعرف ارد عليه بس سكتت احتراما اللك
اسامه...ليش تكبرين الموضوع وهو مامستاهل
رفيف...انت تشوفه مامستاهل يعني عادي تنهان كرامتي كدامك واسكت
أسامه.... اي كرامه انتي ماتنطيتي مجال حتى بعدني اسلم
وانتي طلعتي هاي امي وصار شهر ماشايفه
حتلو غريبه مااسلم عليه هيج
ركض ركض طلعتي خل نفتهم
رفيف....ارجع الامك واني راح ارجع البغداد
اسامه...بطلي هاي السوالف مال الجهال تعاي يله
رفيف...سحبني من ايدي ورحنا فتحنا الباب
دخلت واني اجيت انجلط من المنضر
بحيث واكفه وفاتحه حلكي من الصدمه
اباوع الحايط لونه اخضر اخضر لون يلعب النفس
والستائر ماروني تذكرون الستائر الي جان موديلهن
ساده وبيهن تطريز ورده دخلن قبل ١٥ مدري عشرين سنه
معلكات وفراش كاربد عادي إيراني ابو الطبعه كل اللوان
يعني عباره عن زرق ورق
ميز الطعام الخشب الي اشتريته ماكووو
اكو ميز طعام نايلون ابيض وياا بس كرسيبن
بقيت واكفه ومحتاره مااعرف شحجي
رفيف...هاي شنوووو هاي شنووو اسامه انت متاكد هذا بيتنا خاف متوهم
اسامه....هااا اي بيتنا
رفيف....هاي شنو الستائر هذا الفراش منو فرشه
هذا الحايط منو صبغه
انت مو فتحت كامرا وكان ابيض
وين ميز الطعام الي اشتريته
أسامه...مااادري
رفيف....شنو ماادري انت صورتلي غير مكان تضحك عليه
اسامه...لا ولله صورت بيتنا
رفيف...هذا شنووو لعد انت تريد تجلطني
اكو احد غيرك عندا المفتاح
اسامه...نسخه عندي ونسخه عد امي
رفيف....امك امك عدها نسخه هاي هي عرفت هاي الاشياء كله سببه امك
اسامه...اسكتي شنو امي امي ماله دخل
رفيف...زين فسرلي الي جاي يصير
منو غير لون الحايط والستائر والفراش وميز الطعام وينه
اسامه...اهدي اني راح احل الموضوع
رفيف...اي موضوع الي راح تحله وشلون تحله
بعدني بعيده وهيج امك تصرف وياي لو سكنت بصفه شلون
شراح تسوي بيه
هسه ترجعني الاهلي هسه قبل لا اسوي بنفسي شي
طلعت امشي بعصبيه ووكفت بصف السياره
جمانه السعيدي
اجا وراي
اسامه...انتي شبيج ليش هيج عصبيه ترا ماصار شي
واذا اخضر اخضر لو ابيض ماكو فرق
والبردات اغيرهن وميز الطعام نمشي نفسنا بي وقت وبعدين نشتري جديد
خلي امي تاخذه ايجوز عاجبه
رفيف...انت تحجي صدك لو تشافه شنو اخضر عادي
شنو عاجبه ميز ااطعام
هذا الاثاث مالتي اني اختاربته على ذوقي
امك اذا تريد تروح تشتري الي يعجبه بس لا تقرب عليه ولاوعلى
بيتي واذا انت ماتكدر تكول هذا الكلام
اني اروح احجي وياها
اسامه...تعاي حبيبتي تعاي ندخل نرتاح ونتغدا ومايكون خاطرج اله طيب
رفيف....ترجعني هسه يعني ترجعني هسه والا قسما اني اروح وحدي
هو هذا الاستقبال الي اهلك استقبلوني بي
هاي اول مره ادخل بيتهم هيج يستقبلوني
رجعني البغداد هسه حالا دقيقه ماابقه هنا
اسامه...زين بس انطي خبر الامي
دخل واني بقيت انتضر تقريبا ربع ساعه وطلع شغل السياره ومشينا وماحجه اي كلمه وياي
وصلني البيت اهلي وحتى لا اعتذر ولا حجه ولا كلمه
نزلت وهو راح بسيارته
دخلت عصبيه شمرت الجنطه وكمت اصرخ اصرخ اريد القهر يطلع من كلبي
حجيت كلشي الامي وشيلا ء
امي...من البداية كتلج هذا المخلوق مايفيدج انت مصممه
هاي وانتي بعدج على البر
لو ازوجتي شلون يمكن تعلك حبل وتشنقج بي
بقيت منتضره يتصل ويعتذر بس ابد ولا كأنما صاير شي
ثاني يوم مارحت للمستشفى بقيت بلبيت
وهم مااتصل عليه
ثالث يوم من داومت اول ماوصلت دخل للغرفه وطبك الباب
اسامه...انتي شبيج ليش تخلقين مشاكل
رفيف....صباح الخير الحمدلله على السلامه انشاء الله
ماضجت من تصرفاتي وياك وياا امك
اسامه...انتي تستهئزئين بيه
رفيف....ولله ماادري تعال نحجي للناس كلشي صار وهمه يحكمون ببنا
بيتي واني مرتبته مثل مااريد ليش امك تجي وتخرب كلشي
هي عدها بيت وتكدر تغير اي شي تريده
بيتي لا تقرب علي
اسامه...وشنو يعني بيت ابنه يعني بيته
رفيف....استغفر الله بيت ابنه يعني بيته اذا مريضه وتجي يمه اذا محتاجه مصرف ينطيه
اذا تريد تغير جو اهلا وسهلا
اذا عدها مشكله يحله اني ما اكول لا تكون بار بامك
اصرف عليه اشتريله دزه للحج للعمره اسئل عنها
دزه للطبيب
بس مو تجي تهجم بيتي وتكول بيت ابنه
أسامه...لا تصيرين انانيه باجر هذا الشي بنعكس على جهالج
رفيف....اتمنى جهالي يكونون سعيدين ومرتاحين حتلو بعيدين عني
بس مو اخرب حياتهم واكعد اتفرج
باع أسامه اني اريد بيت بغداد هنا والأثاث الي اشتربته
كله يجي بيتي والا كل واحد يروح بطريق
فهمة لو لا
عافني وطلع عصبي وطبك الباب بعصبيه ورا
