رواية قصة وجدان الفصل الثاني والأربعون 42 بقلم انين الليل

استغربت من تصرف عمي لمن حصلي الطلاك من يومها لا راسلني ولا اتصل وولا اي شي اصلا ولا كاني موجوده 

عزيت هذا الشي هو زعلان من الي سويته لكن انا بنفس الوقت ما يهمني زعله لان هو ما دافع عني ولا حماني ولا 

سال عليه بهاي التلث تشهر عبالك انا فد جرثومه اتخلصو مني مجرد ما حانت الهم الفرصه

بقيت بالمشتمل وما طلعت منه وحتى داليا نصحتني ما اطلع ولا اروح الاي مكان وتحت اي ظرف لان هذا مو بصالحي 

  فسرت كلام داليا انو ما تريد ايعرفون انا يمها ويجوز بهاء يراقبها وخاف يجي ويتهور ونكون بشي نصير بشي ثاني 

ومن حصلت ع الطلاق باركتلي منار وخابرتني وكالت // ان شاء الله الجاي احسن واحلى واكيد الله سبحانه راح 

ينطيج شي انتي ما متوقعته 

جاوبتها بحسره = كل همي اخذ علي وارجع اعيش ابيتنا واكمل دراسه وانتظر هشام

- - ان شاالله كل هذا يصير ويصير ويا زواج ب انسان يحبج ويقدرج 

   = يمعوده ولا افكر بالزواج بعد الي صار لي 

    - - مي خالف اتفائلي وجدان عديتي اصعب مرحله والجاي كله سهل 

   = الحمد لله والشكر

وصلتني رساله ع الواتساب من احسان باركلي وگلي // كل احلامج راح تحقق ما دامني موجود

انا ما رديت علي كتبت المنار بلغي احسان سلامي واني هواي اتشكره لان وگف وياي وما يصير لا احجي ويا 

ولا ارد علي لان لازمه عده 

لكن هذا الشي ما يمنع صرت افكر بجملته الاخيره شنو يقصد من تحقيق كل احلامي بوجوده

وبقيت بالبيت ما اطلع الاي مكان وداليا تمرلي يوميه وغداي وعشاي لو هي لو امها تجيبه وحتى ملابس جديده جابتلي 

وابد ما فتحت وياي موضوع اتعابها بقضية الطلاق وكل ما اني احجي وياها تگلي جمله وحده وتضحك 

- - ما بين الخيرين حساب 

وانا من جهتي وعدتها بمجرد ما اكمل العده راح اخليها تنقلي راتبي من ابويه ب اسمي وحتى راتب علي تسويلي بي وكاله 

اقلها اكدر اسحب سلفه وانطيها اتعابها

وهذا الشي عرفته لان صار كل وقتي تقريبا اكضي وانا اتصفح بكوكل وبيوتيوب فاعرف اشياء كانت خافيه عليه 

ب اخر يوم من العده اجت داليا يمي والسؤال الي يوميه اساله الها = عمو ما خابرج 

  ونفس الجواب // لا ما خابر 

اتنفست بعمق هي ردت // شبيج وجد ؟

رفعت اكتافي = ما ادري ليش عمو لا سال ولا اجه ولا حتى خابر اكيد زعلان 

هزت راسها // طبعا اكيد بس هو گلي من تخلصين العده راح يتصل بيه ويتفاهم

هزيت راسي وانا الملم بحلكي هي سالتني // بشنو تفكرين ؟

    =. ما اعرف 

      - - شنو الخطوه الجايه؟

باوعت الها هي ردت // اقصد شنو راح تسوين 

  اتنفست = كل تفكيري بعلاوي اخوي ها وقبل لا انسى اريدج تنقلين راتبي الي 

  داليا باوعتلي اني استردفت = دا افصد راتب بابا اني ما اعرف وين ولا ادري كل هاي السنين منو جاي دا يقبضه 

اله قبل ست تشهر عرفت انووبيبي هي الي دا تقبض راتبي

هزت راسها ومبين ما مصدگتني // مو مشكله اني احاول اعرف هذا الشي ولو يكون صعب لان انتي لا عندج 

ورقه ثبوتيه ولا اي شي بس مو مشكله اني حسال عاصف 

باوعت الها هي ردت باابتسامه // اي ليش خايفه هذا حقج 

  = اني مو خايفه اني مرعوبه 

    - - منين وجدان ؟ 

   = من عمو انتي ما تعرفي هذا مثله مثل البركان هادئ وساكن بس اويلي من يحچي ينفجر ويحرك الكدامه 

    - - شنو قبل مسويها وياج ؟

     = اي مره بس مو حجي ضرب 

    - - معقوله ؟ 

هزيت راسي = وضرب بحيث ما صرت احس بااي شي 

- - هاي يمته وشنو سببه 

لملمت حلكي ودا اتنفس بعمق واتذكر الي صار بيه = كنت بيومها مقهوره من تصرف مهدي وزوجته وهو اجه ف اني 

عاندته وضربني 

- - يعني انتي غلطانه ؟

  هزيت راسي = بلي بيومها غلطانه وساءت حالتي هواي وحاولت انتحر 

- - اشو ما كلتيلي بهذا الي صار. وياج 

=. عبالي اتخطيته لكن الي صارلي بعدين قمه بالتعنيف والاعتداء وكل شي يخطر ابالج 

من بهاء 

هزيت راسي = بلي من. بهاء

- - وعاصف يعرف 

رفعت اكتافي داليا ردت // احجي عاصف يعرف بلي سوا بهاء يعني تتصورين هو قابل 

=. ما ادري يعرف ما يعرف ما ادري كل الي اجدا احس بي خووف من عاصف وشلون راح اواجهه من يطلب مني 

ارجع ويا

داليا وكفت // شوفي وجدان انتي مو غلطانه واني اعتقد انو عاصف عاذرج لان اكيد يعرف شكد انتي اتاذيتي 

خصوصا من بهاء فماكو داعي الخوفج هذا والدليل هو ما ضغط عليه حتى يعرف مكانج 

   = انتي هالشكل تشوفين 

هزت راسها //. بلي من خلال كلامج عرفت انو عاصف مو هين وليش الكذب اني نفسه شفته مو هين وممكن كول 

شي ايسوي وما يهمه ما يخاف ولا ينردع. مو تمام ؟ 

هزيت راسي بدون ما احجي هي استردفت 

- - بس هو لان واثق انتي مستحييل اتسوين شي غلط وهماتين متاكد انو انتي موجوده يمي لذلك هو جاي هالشكل يتصرف 

يعني الي اقصده هو مطمن الوجودج وهم ما يريدج تاخذين موقف

باوعتلها = موقف شنو ؟

- - يعني مثلا تشتكين او اتطلبين حماية الشرطه يعني تدعين الخوف والتعنيف وهذا الشي مو حلو بحقه سمعته اسمه 

هزيت راسي واني دا احرك باديه = لا اكيد ما اسويها اني مستحييل اطلب حماية الشرطه من عاصف 

   - - ها ليش ؟

    = اني اذا سويت هذا ادعيت انو خايفه او يضربني او كان يعنفني اكون فعلا خاينه وناكره للجميل وكذابه 

   - شلون مو تكولين ضربج وحاولتي الانتحار 

=. صحيح. بس اني بوقتها كنت غلطانه وما شفتي شنو سوا وين اخذني ترك شغله وكعد. ابغداد دا يعالجني  

   هزيت راسي = لا عاصف بعمره ما عنفني ولا سمعني كلمه تجرحني

      داليا // مادام هالشكل ليش زعلانه علي وما تردين ترجعين ويا 

       = لان هو من ا خذني بهاء ما سال ولا حاول يجي ايشوفني واحتمال من ارجع يجبرني ارجع البهاء وهالمره 

بهاء هو الي راح ينهي حياتي باايده 

   - - اني اشك اذا. هذا كلامج صحيح اشك عاصف ما سال عنج لكن اكيد بهاء كان ايطمنه عليج فطبيعي يكول 

عد زوجها ومرتاحه وسعيده صحيح اني اتهمني كل معلومه الصالحج والضدهم لكن الحق يقال عمج وبيبيتج 

يحبوج وما اتصور الهم مصلحه يمج

باوعت الها = وراتب بابا الي ما شفت منه ولا فلس والي عرفت كل هاي السنين بيبي تقبضه 

ضحكت داليا // صدك انتي بعدج زغيره وما تعرفين شي شنو راتب ابوج شگد بيبيتج تقبضه مقارنه باال الاملاك الي عدهم 

هزيت راسي =. بس بوقتها لو ينطوني المبلغ اكيد كان ايفيدني

- - -: هسه هذا مو موضوعنا نشوف شنو الخطوه الجايه وبعدين نتصرف ومن يتصل عمج احجي ويا 

  بلعت ريگي = يتصل ؟

هزت راسها // بلي يتصل حتى ترجعين ويا البيت جدج 

  = بس اني ما اريد ارجع 

    داليا رفعت حواجبها //. متاكده 

  باوعت الها بترجي = اي متاكده ولازم اتساعديني 

  حركت ايدها // شلون يعني ؟

  = يعني اني اريد اخذ علاوي واكعد ابيتنا الي ابغداد

- - ها 

  = بلي بيتنا الي يم بيت عمج ابو احسان 

  اتنفست // وتتصورين عاصف يقبل 

  = ما اعرف بس هذا حقي وو

   - - ووو شنو ؟ 

بقيت صافنه اتذكرت شي هي سالتني // شبيج وجدان وين صفنتي ؟

    ضربت على كصتي = اتذكرت شي داليا 

- - شنو ؟

  = البيت 

- - يا بيت ؟

    = بيتنا بيت ابويه 

  - - شبي ؟

= اني نسيت هو مو الابويه هو ب اسم عمو عاصف 

   داليا باستغراب // تحجيين صدك ؟

هزيت راسي = بلي اتذكر من رحنه اني وماما وهشام البيت جدي حتى نستفسر لان امي وهي تراجع على معاملة ابويه 

لكت البيت الي كاعدين بي بااسم عاصف 

  داليا وهي تلم بحلگها // اهنا شغلتج اتازمت 

   =شلون ؟

اتنفست // اقصد شغلة علي اخوج لان اساسا ما عدكم سكن وبيت جده موجود فما اتصور حتى لو سوينه دعوه 

حتى انتي ايطالبون بيج

  حركت ايدي بتساؤل = وشنو الحل ؟

  داليا وكفت // الحل مثل ما هو كال كل شي تردينه اطلبي منه 

  = وتتصورين من ارجع ويا هو اوبيبي راح ايسامحوني 

- - حتى لو ما يسامحوج بمرور الوقت يسامحوج ويتخطون وانتي لازم تصبرين 

   = خايفه داليا 

هزت راسها // لا تخافيين اني قبل ما نخطي اي خطوه اكعود ويا واحجي ويجوز اخذ علي تعهد انتي بس اهدي ولا 

تفكرين لكن الشي الي اني دايخه بي ليش عاصف خلاج ما طالب ان ترجعين ويا شنو السبب

  =اكيد حتى ينتقم مني 

    - - ليش اشوفج هلكد متناقضه بكلامج اتجاه عاصف 

      اشرت على نفسي =. اني 

هزت راسها //. اي انتي مره تكولين كلش زين وياي ومره اتكولين يريد ينتقم مني زين ليش ما تكولين هو بقى 

ساكت وما طالب بيح حتى يحميج 

  = يحميني ؟

- - اي يحميج يجوز من عمج مهدي خاف يتهور عليج او حتى بهاء او ما يريد احد يعرف انو انتي انهزمتي ولجاتي الي

ما عرفت شنو ارد لان كلامها صحيح لكن افكاري بقت متضاربه والخوف معتريني 

   بالليل اجت منار وهي ابد ما عافتني كل يومين تلاثه تجي بس هالمره اجت وهي جايبه كيك وجكليت ومبين 

عليها الفرح وهي تبوسني وتكلي // اخيرا صرتي حره وراح تبدين حياتج من جديد 

بقيت ساكته ما جاوبتها سالتني // شبيج وجد ؟

اتنفست = وبعد هذا الي صار ما اعرف شنو منتظرني 

  - - ليش هالشكل تحجيين

   = يعني خلصت عده وراح اكيد مليون بالميه راح ارجع البيت جدي اذا مو باارادتي فغصبا عني 

   منار بابتسامه // لا وجد اني متاكده ما راح ترجعين 

   بادلتها الابتسامه = وشنو الي مخليج متاكده 

    —. — اممم اكيد راح تصير صدفه بحياتج تغير كل هذا الي انتي بي

   = صدفه ؟

   - - اي صدفه ما تعرفين 

رفعت ايدي بالدعاء =. ولو ادريهذا الي اني بي يرادله معجزه بس اكول ان شاء الله الله يسمع منج 

داليا /= ليش هلكد تكرهين تكونين عد بيت جدج رغم اني من رحت شفت الطبيعه تخبل وبيوتهم ما شاء الله قصور 

وسياراتهم اخر موديل لو المضافه شكبرها هاي ابحدها فد شي 

   = مو اكره بس من الي شفته وعانيته 

- - شنو شفتي تره كل واحد بينه دا يعيش ايام بيها سعاده وبيها حزن هاي هي الحياة والانسان لازم يواجه ويتعب

   =. صحيح لكن انتي ما عشتي التفرقه الوحده محد يحس بيج محد تشتكيله همومج كاعده ويه بيبي عمرها 

طاخ بالسبعين وكلامها لازم هو اليمشي 

= انام يمها اني واخويه اي خصوصيه ما عندي ولابيوم وحده سالتني شنو محتاجه شتردين رغم البيت مليان نسوان 

عمه رجاء وفرح بگدي لكن اشوف الكره بوجوهن لو ما يخافن من عاصف يمكن كل شي سون بيه 

واني من يجون بيت مهدي هذا القصر الي تگولين شكبره من يجون احتار وين اروح

عضيت شفتي واني اجاهد منجا تنزل دموعي = تدرين بفرح من نجحت من السادس شنو جابلها عاصف نقال اخر 

موديل وخلالها خط تكسي ياخذها ويجيبها للكليه واللبس لاتحچيين 

داليا //. طبيعي لان نجحت ودخلت كليه مجتمع واسع وبي اشكال فلازم تتماشى ويه المجتمع وهو ما عايز ومعروف 

فلازم بته تلبس ارقى لبس

= واني محد فكر بيه من اداوم بالمدرسه عاصف يتنازل ياخذني للمدرسه لو اطكها مشي ثلث ساعه ياالله يجيني الخط 

اوكف اذا كان مقبط 

= وكل هذا واكول مي خالف تتعدل اذا ع المشي والخط المقبط انتو ما تعرفون اني من كنت عايشه عدهم عبالك واكفه 

على ماي بدوامه ما اعرف يمته انسحب للقاع 

   - - وضحي وجدان 

   =. يعني عايشه ابيت حدي اي لكن الكل يتدخل بيه بس اني الكل لازم يبدي رايه وكلهم يبينون خايفين عليه ويدورون

مصلحتي وهمه كلهم ما يردوني بالبيت 

    اتحسرت = انتي شايفه مهدي وشكد يكرهني ويحجيها داىما كدامي يسب ابويه ويريدني بس اغلط واكفلي 

ع النكشه حتى. يعاقبني 

  

= لو نهاد الي تحاول تطلعني دووم غلطانه لو رجاء الي ادري بيها تكرهني تكرهني شكد ما تتصورين اني واخويه 

وتريد بس تنتقم مني وتتخلص المهم ما ابقى بالبيت وما اعرف السبب لو بهاء والسوا بيه شسولف اني ما حسيت 

لا بطفولتي ولا بشبابي صدكوني 

= الي مخليني متمسكه بالحياة هو اخويه علي لان ما عنده احد واخاف ينتكس ويفقد الكلام نهائيا 

حتى هشام ما افكر بي اگول هو كبير وفاهم ومن يطلع يكدر يتعايش ويه وضعه بس علووش شلون يكمل حياته 

اذا ينصدم بيه

  - - انتي هسه حجيتي ع الكل الا عاصف ما حجيتي 

اتنفس = عاصف. اخاف منه او هو اله هيبه والكل يحسبله الف حساب بس هو الوحيد الي ما قسى عليه

بس لو اعرف لويش ما يتصل ولا حتى يسال عني 

- - اكيد زعلان عليج لان اتصرفتي من راسج 

  =. مو انتي. الي تعرفين السبب 

   هزت راسها // اي اعرف السبب وفهمته اله وقسم هو ما عنده علم بكل الي نسوي بهاء و ياالله هسه انسي 

كل شي اشمري وراج ولازم الي صار يكون الج حافز ودرس تتخطيين كل شي مريتي بي 

  هزيت راسي. = اي انشاالله

وبقينه نسولف ونضحك لكن انا مرات اصفن واسال نفسي معقوله اني هلكد ما اهمه العمو لو ناويلي على شي 

بعدها استاذنت منار وداليا وراحو واني بقيت افكر واحجي =. معقوله اني هلگد ما اسوى عندك عمو حتى 

ما كلفت نفسك تسال عني او تگلي اذا محتاجه شي او لا شنو حجتك زعلان عليه هو منو. الي يزعل من الثاني

اتنفست بعمق وحجيت = هذا هو من تمرلي داليا احچي وياها وافهمها تخابره العاصف حتى اذا ما يريدني ارجع 

اخليها تساعدني باسترجاع راتب ابويه الي والعلي وابلش ااجر مكان يكون رخيص واحاول احصلي شغله وانتظر  

يطلع هشام وبعدها الله كريم بس لازم اخليها تسويلي مواجهه الهشام حتى احچيله كل شي واخلي بالصوره

تقريبا الساعه 11 اتمددت اباوع ع اليوتيوب الى ان وصلتني رساله ع الواتساب شفتها من احسان 

  - - اشلونج وجد 

بعد فتره رديت = هلو احسان 

- - اسف اراسلج بهالوقت بس لان عرفت انتي كملتي العده 

      ما عرفت شجاوبه لان بصراحه مستغربه مراسلته الي بهذا الوقت هو استردف 

      - - اني انتظرت كل هاي الفتره ما اراسلج لان اعرف ما حتردين عليه لان انتي بالعده 

  = صحيح 

    - - اني داىما اسال عنج منار 

  = شكرا هي اتكلي انت توصيها اخاف اني احتاج شي ما تدري شكد اني ممنونه الك 

- - لا ما بيناتنا اهم شي انتي تكونين مرتاحه

  = الله يخليك داىما افكر لو ما منار عرفتني على ست داليا وانت اني ما اعرف شنو راح يكون مصيري

   وهذا فضلكم مستحييل انسا 

    - - ما بيناتنا فضل الحمد لله عدت على خير 

   = الحمد لله 

    - - وجد 

  = نعم

   - - اني ااا ما اريد تفهميني غلط وجد اني من انتي زغيره واني معجب بيج ولو ما صار الي صار يمكن هسه 

انتي ... المهم اني راح ادخل بالموضوع اني احبج واريد اتزوجج هسه انتي لاتجاوبيني اخذي وقتج 

راح اكون الج حبيب وزوج واخ واب وسند وكل شي انحرمتي منه وكل حلم حلمتي راح احققه الج 

واني حچيت ويه امي وخليتها بالصوره وهي هواي اتاثرت بلي صار الج وفرحت لان اريد اتزوجج 

وجدان اتي احبج واريد ارتبط بيج وابني اسره اني وياج

   بلعت ريكي من المفاجأه رغم مرات احس بنظراته الي لكن ابد ما كان على بالي 

انو يريد يرتبط بيه خجلت من گلي انو خاله خوله تعرف بالموضوع سالته =. من يمته وخاله عدها علم 

- - اني قبل تلث تيام حجيت وياها 

  = وهي تعرف انو اني گاعده ابيت عمك 

- - - اي طبعا اني كل شي كلت الها وزعلت علينه لان ضمينه عليها وهي كالت ما تجي وتشوفح اله بعد ان 

تنتهيين من العده وهم اني فهمتها لازم اعرف رايج بالاول وهسه ياحبيبتي اخذي وقتج وفكري 

وبعدها ردي عليه وامي گالت راح تسويلج احلى مفاجاه 

رديت بعد ا فكرت = احسان انت كل بنيه تتمناك واني ما اصير الك 

  - - - شنو الي يمنع 

= ظروفي اني هسه منفصله وانت شاب ابداية حياتك فشلون ترتبط بيه 

- - مثل الناس واذا منفصله اني احبج تعرفين شنو احبج لاتخليني هسه اروح واجيب السيد واعقد من كلت 

اريدج تاخذين وقت للتفكير اقصد اريد اشوف شنو. انتي الي تردي اسوي الج انتي حلم حياتي من اني زغير 

  وكان ابالي من تكملين سادس اتقدم الج لكن انا اتفاجات من لگيتج متزوجه وهسه انتي فكيت ارتباطج 

فهاي الاشياء التافهه لتحچيين بيها 

- - ياالله هسه نامي وارتاحي تصبحين على خير

  فرحت كلش ونهيت المحادثه وصرت اگول 

= معقوله كل هاي السنين احسان يفكر بيه ويريد يرتبط بيه طلع صديق الطفوله وجارنا يحبني 

= احسان ولد شاب وخريج وعنده وظيفه محترمه معقوله احسان يتزوجني ويعوضني عن كل الي شفته 

  هزيت راسي = لا لا يمكن احد يعوضني عن الي شفته 

    = ليش لا  

= اي كلهم بالاول هالشكل يگولون وراح اسعدج وراح اعوضج وبعدين ينزعون القناع مستحيل اصدك 

     = ليش لا يجوز

   هزيت راسي =. شنو يجوز مخبله نسيتي بهاء وشكد كان يحبج 

= نسيتي وعوده وكلامه شكد كان يدافع عنج 

=. بعدين فرضا احسان عرف 

=. منو ايكله ؟

= اكيد بهاء تتصورين يخليج ترتاحين وتربطين وتبنين عائله

اتحسرت =. باچر اكتبله اگله ما افكر بالزواج افكر اكمل دراستي والم اخويه وننتظر هشام 

= من عمو يتصل ارجع ويا واعتذر منه وابدي حياة جديده 

=. وفرضا بيبي وعمو ما سامحوني 

=. ابقى اتحمل الى ان هشام يطلع من السجن 

=. اني مو مال اعيد التجربه واتزوج لا اهم شي ا اخويه علاوي وارجع الدراستي واخذلي شهاده

  = يعني اذا سالج احسان ترفضيين 

  هزيت راسي = اي ارفض 

    كعدت فتحت الشباك الي يطل على حديقة اهل داليا وحچييت = ليش ارفض يجوز من اتزوج ارتاح واحسان يعوضني 

عن كول شي مريت بي خصوصا وهو ابن خاله خوله الي تحبج وتحب امج والي ابد ما انسى وكفتها ويانه 

=. هسه اكيد هي زعلت عليه لان اني ما التجآت الها بس اني اعرف اول بيت ممكن يفكر بي عاصف ويجي ايدور 

عليه هو بيتهم 

=. هسه شسوي ؟

=. خلي انتظر ومن يحچي ويايه اكوله على شروطي

ًوثاني يوم ما اتصل بيه ولا راسلني ما اخفيكم صرت كل شويه اباوع للجهاز قبل كنت اباوع بلكي عمو عاصف يتصل 

هسه لا اباوع بلكي احسان يتصل واثنينهم سكون نمت وكعدت ما حبيت اكوم من فراشي وما اخفيكم متوتره لان احسان ما راسلني

ام داليا جايبتلي الغدا وهي تكلي // اليوم سويت يابسه تستاهل حلكج 

ابتسمت واخذته منها = اشكرج خاله بس منا ورايح اني اتسوك واطبخ 

  ابتسمت وردت // الله كريم حبيبتي ماكو فرق

راحت وصرت اكل والنقال يمي الى ان وصلتني رساله من احسان 

اليوم راح نجي اني ويه امي 

   راسا جاوبته بتوتر =. تحجي صدك 

- - اي امي ما خلت يمين ما حلفتني بي حتى تندل مكانج تگلي مشتاقه الها 

  = واني اكثر 

  - - وراح تجي تفتح وياج موضوع الخطبه 

   = لا احسان بعده وقت بعدني دا افكر 

  - - لا ما كو تفكير لا اني غريب عنج وما تعرفيني ولا انتي غريبه وما اعرفج اني رايدج على سنة الله ورسوله 

  كافي وجدان تعبتي واتحملتي اكثر من طاقتج وآن الاوان ترتاحين وتبتدين من جديد وياي اوعدج اعوضج عن كل الي عانيتي

ما رديت يمكن خجلت ا هو سالني // الو انتي وياي 

   =. بلي وياك 

ممكن اتصل 

   = لا مو وكته 

  - - مو كملتي العده 

   = بلي بس لا تتصل 

- - وليش ؟

=. لان متوتره وخجلانه شلون راح اقابل خاله 

- - شكو انتي شمسويه هاي امي الي ربتج يعني انتي بنتها وتحبج بگد ما تحبني وتحب منار فلا تتوترين تمام 

= تمام

- - حبيت اسالج شنو رايج اجيب الحلقات وياي اني گلت الامي بس هي ما قبلت گالت لازم بالاول نخطبها من ا عمامها 

انتي شنو رايج 

   = اكيد كلام خاله صحيح 

  - - يعني انتي موافقه 

= انت حتى ما انطيتني مجال افكر 

- بشنو تفكرين قابل انتي ما ترديني 

=. لا مو هذا قصدي بس لازم افكر اكثر 

- - نتزوج وبعدين فكري ياالله اتحضري راح تجي عمتج وابنها

بهاي اللحظه ما عرفت افرح او ما ادري شوصف حالي وكان اهم شي عندي هو انو اكللهم على علي اجيبه وياي واني 

متاكده انو همه راح ايوافقون 

حجيت ويه نفسي 

= اي اوافق اتزوج احسان وحتى لو بهاء حجاله راح انكر واكول هو لفق لي هذا الكلام حتى ينتقم مني لان رفضته

سبحت وبدلت من الملابس الحابتهن الي داليا كانن كله ماركه وحلوات وع الموديل احتاريت شلبس 

ولان احسان جاي ويه امه قررت البس بنطلون وقميص طويل وخليت شالي على شعري بصوره صحيحه وما خليت مكياج 

بصراحه لان اعرف خاله خوله راح تعتب عليه لان ما احيت يمها 

  بصراحه بقيت متوتره حتى داليا ما مرت بيه ولا خابرتني بالاربعه اندك الباب فتحته واني اشوف خاله ام احسان 

وياها ام داليا وداليا واحسان ومنار ما اتمالكت نفسي واني احضنها وابجي كلبي يدك فرح وخجل وهي تگلي

- - شلونج خاله 

واني ابوس بيها واگللها = مشتاقه خاله 

داليا //. هاي شنو عود صدك من لگى احبابه نسى اصحابه 

باوعت الها واني امسح بدموعي = انتي ما تعرفين خاله شنو بالنسبه الي 

رجعت عليها وبستها =. يا خاله لو تعرفين شكد مشتاقتلج 

  هي حاضنتني وتگلي // حبيبيتي اني اكثر هيج ما تسالين على خاله ويصير وياج كل هذا الشي صار اكثر من اربع تشهر 

واني ما اعرف 

= شسوي خفت 

   - - خفتي منين

  = اعرف من يجون يدورون عليه اول ناس يجوكم انتو اتصلت بمنار وهي ما قصرت وحتى احسان ما قصر 

    ام احسان //. سوده عليه خاله حبيبتي انتي وين وهذا المريتي بي وين 

   = حظي شسوي 

ام داليا //. گولي الحمد لله والله يتممها على خير 

ابتسمت =. الف الحمد لله والشكر 

   ام احسان //. بعدهي زغيره وشافت قهر وضيم الله يساعدها

احسان //. هسه الحمد لله اتطلكت وكملت العده 

  ام احسان وهي تبتسم // اي وانتو طابخينها وكل شي مكملين واني اخر من يعلم 

احسان //. حبينه انسويها الج مفاجئه 

  ام احسان // واحلى مفاجئه واني اكول الولد شبي متخربطه اموره لو هاي العوبه منار حتى ما حجت ومن اسالها 

شجايج على بيت عمج تكلي ماما اكعد انا وداليا نسولف ونضحك ومرات اسالها على شي ما فاهمته

ما اوصفلكم الي اني بي فرح على خجل احس وجهي غادي نار واني اشوف نظرات احسان الي 

كعدنا ومنار راحت تسوي گهوه وام احسان تباوعلي وتبتسم وهي اتگلي // اووف من سولفلي احسان ما صدكت الي صاير 

وياج الى ان شفت داليا وسولفتلي كل شي 

  هزيت راسي = الحمد لله لكن يبقى علوش هو الي شاغل بالي ا

احسان //. ابد لا تشغلي البالج نعقد واجيب علووش ويانه يعيش مو ماما 

هزت راسها //. اي طبعا يعيش ويانه لعد وين تعوفي

احس بنفسي راح اطير من الفرح جابت منار الكهوه وقدمتها ام احسان اخذتها وباوعتلي // هي مال گهوه غير كون عصير 

  منال // هسه نشرب الگهوه ومن نكمل حجي استاذ احسان عازمنا على مطعم كلياتنه وهناك نشرب عصير 

صرنا نشرب بالكهوه اندك الباب ومنار گالت راح افتح هذا اكيد ايمن جاي

//. //////. /////.////

عاصف

جنت بالحقل لمن ما اجاني اتصال ::الو 

الو 

     صوت مره :: منو ؟

  اني ام احسان جيرانكم ابغداد 

  :: هلا بيج خويه اشلونج واشلون الحجي 

الحمد لله كلنه بخير نسال عنكم 

:: الله يحفظكم 

  - اح احم عاصف 

:: اامريني ام احسان

- مايامر عليك ظالم رايدتك بشغله ضروريه وما تتحمل تاخير 

:: گولي ام احسان خير گدامج باالي اكدر علي 

  -: شكلك مو مال تلفون اريدك تجي البغداد ضروري 

:: قلقتيني ام احسان شصاير 

- لا تقلق كل الخير بس الشغله تستوجب حضورك 

:: يمته ترديني اجي ؟

- علوا باجر 

:: ان شالله باجر يمكم بالبيت

- لا دادا لا تجي للبيت من توصل خابرني وانا اكلك وين تجي

:: ولو قلقتيني شصاير ؟

لا تقلق ماكو بس الخير 

:: ان شاالله باجر بيش الساعه 

انت من توصل خابرني واني اكلك بيش الساعه 

:: شو الغاز ام احسان غير افتهم 

- صدكني كل شي ماكو شغله بسييطه بس رايدتك تكون حاضر حتى اتم على خير 

:: ان شاالله

بقيت بقلق من كلام ام احسان :: خابرتني شصاير او شنو الي ممكن يصير وشنو هالموضوع الي تريد تحجي وياي 

وما تريد احد يعرف بي 

   اتذكرت من شفتهم اخر مره سالوني اذا ابيع البيت واحد من اقاربهم رايده حچيت 

:: يجوز على مود البيت بس ليش اتكول ما اريد احد يدري 

:: اروح واشوف شتريد

رجعت للبيت وانا ما مستقر شفت امي سلمت عليها ومثل كل مره سالتني يمته تجيب وجدان لهنا 

وانا مثل كل مره ما اجاوبها 

امي الي شفتها متغيره ومو مثل گبل بالبيت وتامر وتنهى 

دووم تباوعلي وبعيونها اعتذار وانا هاي اول مره بكل حياتي هالشكل اخذ بخاطري منها سالتني 

وين اتغديت 

:: ويه الفلح 

بالعافيه 

  :: الله يعافيج

   امي //اليوم اجه مهدي الظهر وحاجاني 

  :: عليش ؟

على وجدان 

  :: شيريد منها ؟

ايكول غير عاصف ايگلي وين هي

   :: ليش شيريد منها ؟

بعد انت ما تعرف مهدي 

   :: اي اعرفه همبله ع الفاضي 

شبيك يمه عاصف تره مهدي من اهل الله وما بي كل اذيه

   هزيت. راسي :: اي من ناحية ما بي كل اذيه مابي من جهة مرته وفروخه بس من جهة وجدان لا يصير بس 

هو وبس هتلر زمانه 

  امي // تره اخوك ما حجى شي كال انت كايله بس تكمل عده اي واحد يجي عليها اتزوجها اله 

  باوعت باستهزاء وانا رافع حواجبي :: ومهدي عده احد ؟

هزت راسها // لا يمه بس ينشد يكول ما كملت عدتها 

   رديت بقلة صبر :: ما اله غرض هو من البدايه اتبرا 

   - - لا ما اتبر. كلنه ندري المرحومه امنتك عليهم

صرت اتنفس بقوه وامي تباوعلي // هو اخوك يگول خاف الناس تدري 

  هزيت ايدي :: وتدري شني اول وحده بالعالم تتطلك مو بتج مطلگه 

- - لا على كعدتها 

   :: يمه تره هذا الحجي ما اله داعي واذا على كعدتها فهي مو بعيده يم ناس اعرفهم وثقه ومئمنها عدهم 

- وليش كل هذا 

:: من وره ابن ابنج لو نسيتي شلون يتهدد 

    عضت شفتها ورفعت راسها // يريدها يابني

   :: وتكولينها بوجهي 

  - - هو هذا الصدك 

       هزيت راسي :: لا مو هذا لاتعرفينها وتحرفينها 

  - - چا شني 

  :: تردين الصدك انا اكلج هو يكرهها ويريد ينتقم منها 

  - - شني ينتقم منها ولد شاب وما هان علي تگول ما اريده وتالي ترضى بواحد ثاني 

  : : خلصتي 

- - اي واريد اعرف التاليه 

   اتثاوبت :: انا اعرف شسوي 

- - علوا چا انا ما افرح 

  :: ان شاالله تفرحين (سالتها ) علاوي وين

  - - اليوم نشدني عليها 

   :: وشكلتيله 

  - - گتله بعد هاكثر وتجي ( وسوت باصابعها) 

   :: ها عشر تيام 

   - - اي چا شگله 

   :: زين تسوين 

اتحسرت وحچت //. ااخ يايمه شكثر حملت 

  :: بعد هذا قدري

اجت رجاء //الله يساعدك 

:: هلا  

- تريد اصبلك عشا 

    امي ردت // چا هو وين چان وتنشدينه 

  - -عبالي متعشي 

    - - هو متغدي ويه الفلح 

  - -خوش هسه اصبن وانتي عمه 

  - -جيبيلي حليب 

راحت رجاء وانا اباوع الامي الي گالت // تره هم لازم تنشد على فرح

   :: ها هسه خلصنا من وجدان رجعنا الفرح 

  - - يمه البنيه دووم تنشد عليك وانت حتى من تجي ما تصيحها تسولف وياها 

    :: حجيه انا ما مقصر منها ودووم الي تريده ينجاب الها بعد شنو 

  - - مي خالف يمه

   ::وبعد حجيه 

   اتحرك بايدها // شني ؟

:: احد شاكيلج مني يريدله شي 

- - شبيك صاير نار وشرار وما تنحمل

ابتسمت :: لا تزعلين انا كل عمري نار وشرار على روحي عاد انا هالايام زين بارد 

   - - چا الحار شلون يصير 

   :: اهنا (واشرت على كلبي) اهنا الحروره يمه اهنا 

- الله يساعدك وشلدالك ما ادري بيك بس شبيدي ياابني 

جابت رجاء العشا ويا الجاي خلته وراحت كالت // عمه رايحه البيت بهاء رايده شي

   - - لا ما اريد وفرح وياج 

   - اي

حاجيتها :: هاي انتي يوميه ابيت بهاء انتي وبتج 

    هزت راسها //. اي جا وين نروح 

       :: وهاي المره باقيه الوحدها 

     - - ما عليه شي علاوي يطيني دواي 

     رجاء //. عمه دووم انشدج اكلج اظل يمج اتكليلي روحي البيت ابنج مو صدك 

       امي هزت راسها انا جاوبت :: صيحيلي فرح

   راحت رجاء ودقايق واجت // ها بابا 

  :: شنو ما تجين اتسلمين اله اكول صيحوها 

    - - مو ادرس 

     :: بس من ترحين الساره ما تدرسين

تستمر القصة أدناه

دنكت ما جاوبتني 

:: ليش ساكته 

- بابا ساره صديقتي واحنه متربايين سوا 

  هزيت راسي :: او وجدان 

  ما جاوبتني باوعت الرجاء :: وجدان هم بت عمج ومثل اختج ليش ما هالشكل اتصرفتي وياها من چانت اهنا 

  - - بابا انا ما قصرت منها بس هي دووم مبتعده وما تريد تحجي ويانه

    باوعت الامي وهزيت راسي :: روحي البيت اخوج ومن يجون ولد مهدي ما اريد سواللف وضحك وشقى. 

تحترمين نفسج وتعدلين حجابج 

   - - بابا انا ما... 

رفعت ايدي قاطعتها :: انا شكلت من يجون الولد روحي الغرفة اخوج انتي ومرته لان ما شاء الله مهدي ماخذ البيت 

هو ونهاد فلاحه ملاچه 

رجاء // شني احنه رايحين يم ساره وما جاي واحد غريب ولد عمها وامهم خالتها متربيين وياها

امي // وعاصف يدري متربايين وياها وجاي ينصحها لان انتي نسيتي تنصحينها شني نسيتي وجدان من يجون 

حتى ما تطلع 

رجاء //. اي هذيج وحده تباوع بتكبر واساسا ما تعرفهم ولا عايشه وياهم فرح يصيرون اولاد عمها واولاد خالتها

   امي هزت ايدها // اي هم صحيح وانتي التدرين روحي جده ولاتنسيين كلام ابوج 

باوعت الامي لان بالشافعات لازم نفسي هي ردت // على كيفك ويه روحك 

:: مو اعرفها ترباية رجاء شتطلع 

- - مي خالف يمه 

هزيت راسي وكفت :: باجر اذا الله راد اروح البغداد 

  - - ها 

:: عدي شغل عود مو تنسيين ما تاخذين دواج

- -هم تمر على بيت عمك 

:: يجوز امر ويجوز لا ( باوعت الها وانا ابتسم ) الا ترحيين وياي امر 

  هزت راسها / لا شو ما بيه حييل 

ابتسمت :: لا مو ما بيج حييل بس من راحت اصويحبتج ما صرتي تشتهين بغداد 

اتحسرت // اي ليش الجذب ام اكريم والنعم منها الله يرحمها ولو چانت موجوده وجدان ما راحت اله الها 

:: عود ديري بالج على روحج واخذي دواج 

هزت راسها اتنفست بعمق :: تصبحيين على خير

الفجر كعدت صليت ورجعت اتمددت قررت اطلع الصبح على راحتي لان ما ادري ام احسان يمته تريدني 

وكل شويه اصفن واگول :: شتريد مني 

طلعت من الغرفه تقريبا الساعه سبعه ونص وشفت فرح طالعه هي من شافتني // صباح الخير بابا 

  :: هلا صباح النور 

اتقربت عليه باستني انا ابتسمت بوجهها وطلعت فلوس انطيتها جاوبتني // بابا عندي 

:: مي خالف يجوز تحتاجين شي ايعجبج شي تشترينه 

  اخذتهن وابتسمت // شكرا بابا 

  :: العفو ديري بالج ما اوصيج 

   — ان شاالله

وطلعت رجاء سالتني / اجيبلك ريوك 

:: اي ويه امي 

- هسه 

رحت الغرفة امي :: صبحج الله بالخير 

- هلا يمه 

بستها هي دنكت ومسحت دمعه // من يوم الزعلت عليه ما حبيتني 

:: غير اريد اموت چيف ما حابج 

رفعت ايدها بالدعاء // الله يبرد كلبك 

دخنت جكاره :: الله كريم 

- - عاصف يمه مو على ريكك الجگاير مو زين عليك 

:: خليها شويه واذبها

جابت رجاء الريوك اخذت خبزه وخليت بيها بيض وصرت اكل وامي اكلت بيضه سلك وشربت جاي 

   ما الي واهس اااكل بس الخاطر امي اشوفها كلش متغيره من كملت رحت غسلت ورجعت دخنت جكاره 

وتقريبا الساعه بثمانيه ونص طلعت للحقل وشفت الفلاليح ومريت على جابر واتوكلت رحت البغداد 

وصلت وره الظهر للمطعم كان موجود بي ركن صلا صليت وطلبت غدا اتغديت وبعدها ركبت بالسياره 

ورحت افتر بشوارع بغداد تقريبا صارت الساعه بتلاثه ونص اتصلت على ام احسان

:: الو 

الو 

:: السلام عليكم 

اهلا عاصف 

حسيت بيها تحچي وياي ابحدها وما تريد احد يسمعها هي سالتني //ها وصلت 

:: اي خويه خير 

- ان شاالله كل الخير اكلك عاصف بعد فد ساعه اكثر اقل اتصل بيك تجيني للعنوان الي ارسله الك 

:: قلقتيني ام احسان شكو 

لا ماكو شي بس شغله تهمك كلش 

:: زين ليش مو هسه اعرفها

ام احسان // اي تعرفها ماكو فرق بين الساعه وبين هسه 

  :: تمام انتظرج 

مع السلامه 

:: الله وياج 

بقيت افتر وانا جاي احسب وافكر شبيها ام احسان شتريد مني شصاير. هي دزتلي رساله لاگيني بعد ساعه بهذا 

العنوان تدخل للفرع ثالث بيت على ايدك اليمنى الباب الرئيسي مفتوح تشوف اكو درج اصعد ودك الباب

قريت رسالتها اتفاجآت انو العنوان نفس المنطقه الي ساكنه بيها ست داليا لكن الفرع الثاني اتاكدت انو وجدان موجوده 

كل هاي الفتره عد بيت ام احسان يعني بيت ابو احسان يعرفون بوجدان منهزمه ويدرون بيه ادور عليها وضموها عليه 

وهمه الي عرفوها بالمحاميه اي هسه اتضحت الصوره بس ليش ام احسان خابرتني وانطتني هذا العنوان وما تريد احد يعرف 

خلي اروح واشوف

وصلت للعنوان هو نفسه بيت داليا بس انا ما ادري الهم باب ثاني نزلت من السياره وفعلا لكيت الباب مفتوح صعدت الدرج 

وما اخفيكم كنت مرتبك دكيت الباب فتحت الباب منار 

وشفت داليا كاعده وام احسان واحسان وباوعت شفت وجدان هي بس شافتني وكفت وبين عليها الارتباك والخوف 

ام احسان گالت وهي مبتسمه // اتفضل عاصف ليش واكف بالباب ماكو احد غريب

دخلت وانا اخزر بوجدان صحيح هي لابسه حجابها ولبسها محتشم بس ضجت من وجود احسان :: السلام عليكم 

   ردو /. عليكم السلام 

والكل استغرب وجودي ومتفاجأ ام احسان مبتسمه ومبين على وجهها الفرح لكن وجدان كانت خايفه ومرتبكه

  ام احسان وگفت وبنفس ابتسامتها //. مفاجأه مو واني سويتها للكل ما اريد اطولها عليك راح ادخل بالموضوع 

راسا بت اخوك او خلي انكول ابني يريد يتزوج بت اخوك وانا تدري بيه احبها مثل ما احب منار 

ولان نجاة الله يرحمها وصتني عليها ومن گالي احسان بقصتها استغربت معقوله وجدان تسوي هالشكل تعوف اهلها 

وتجي منهزمه لهنا يعني لوما حافظه رقم منار وخابرتها شنو راح يصير بيها ولو ما داليا بت حماي فاتحتلها 

بيتها وين ممكن تروح وشتسوي

ام احسان صارت تحرك بايدها ومره تباوعلي ومره تباوع العاصف // وكل هذا قبول بس تضحك ع الولد ويكول اتزوجها 

هذا الشي الي لا يمكن اوافق بي مو معناتها انا حاسبتها مثل بتي تضحك ع الولد ويكلي لازم اتزوجها احبها وما اگدر 

اعيش من دونها يعني بت اخوك قبل لا تكمل عدتها لاعبتها صح حايگه على ابتي ومخليته باالاحتياط ع المدرج مجرد 

ما كملت عدتها اجاني ودا يطلب مني ويكلي بكل وقاحه اريد اتزوجها

الفصل الثالث والأربعون من هنا 

شكرا لزيارتكم عالم روايات سكيرهوم