رواية اغفري لي الفصل الثاني والأربعون بقلم أوتار حزينة
يمامه
طبيت لغرفته بعد ماطلعو اصدقائه من
يمه من شلت الصينيه كال
«،،،،ام يمامه بعد من يجوني اصدقائي
لاتجين ولا تقدمين شي
خلي خاله ام ياسين
هي تقدم
صفنت عليه وسالت
«،،ليش اني سويت شي
«،،لاا
«،،لعد ليش هيج تحجي
سالته رد
«،،،سوي الي كتلج علي بدون نقاش
ضجت لان اعرف بروحي ماسويت شي كلت
شنو الشافه عليه حتى
يحجي هالكلام
رديت
«،،،تمام بس اني يعني ماسويت شي
يخجلك مني
شلت الصينيه ومشيت صاح
«،،حنين
وكفت انداريت علي تردد
بعدين كال
«،،انتي ماسويتي شي بس ااني
سكت ودار وجهه سالت
«،،انت شنو
غمض وذب حسره وجاوب
««،سوي الي كتلج علي وخلي خاله مره اللخ هي
الي تضيف اصدقائي
«،،تمام
جاوبته بخنگه وطلعت من يمه رحت للمطبخ
خليت الصينيه على الكاونتر عيوني غوركت
كلت شسويت اني
حتى يحجي وياي
هيج
لا بدر مني شي ولا هم شفت منهم اي تصرف مو حلو وجان عمو وياي من طبيت هو شاف
حتى اسمع منه هالكلام
انقهرت كلش ،،، وبين القهر بملامحي
خاله اجت من بره شافتني
مو على بعضي
سالت
«،،،شبيج يمه بيج شي
«،،لا
«،،شلون لاا واني اشوفج مو على
بعضج
«،،راسي يوجعني
«،،،اسم الله عليج خما الجرح
«،،لاا يجوز صداع
«،،روحي ارتاحي الشغل وخلص والعشه وحضرنا
تبسي دجاج بس اخلي
بالفرن
«،،هسه اروح بس اكمل جلف
«،،،عوفيهن اني اكملهن وامشي تمددي
شويه مادام بنتج نايمه
سويت الي كالت علي ورحت تمددت
بس مانمت ظليت افكر بكلامه
ودمعتي بعيوني
العشه مارحت ولا وديت اله اكل خاله
ودته اله والريوك هم والغده
لا شفته ولا هو
طلع
ثاني يوم هم نفس الشي الهي روحي
بشغل هي تاخذ الاكل اله وهم ماشفته
العصر عمو اخذ خاله وامه للدكتور مالتها وظليت
وحدي ويا،،،،اني واكفه احضر العشه سمعت حركه
ورايه انداريت جان هو طب
وكف مسافه عني
وحجه
«،،،اسف اذا ضوجتج
مارديت كمل
«،،اني ماجان قصدي الي افتهمتي
«،،اني ماسويت شي حتى اسمع منك
هالكلام
رديت ودمعتي نزلت
«،،اني اعرفج واعرف اخلاقج
«،،لعد ليش هيج كلت
انت شفت اني طبيت وي عمو خليت الصينيه
وطلعت بسرعه لا هم بدر منهم
شي ولا اني
«،،اي اعرف
«،،لعد فهمني ليش هيج حجيت وياي
وجهه صار دم ورد
بصوت متغير
«،،لان مااريد احد يشوفج
صفنت علي كمل
«،،اني اغار عليج يولي
درت وجهي منه من عرفته شيقصد
كمل
«،،اني ااحبج
حجيت بسرعه
«،،لاتحبني
صفن عليه كملت
«،،لاتكمل ولا اريد اسمع منك
هالكلمه مره ثانيه
رد بوجه مطعون
«،،ليش،،،،ولج ليش
«،،لان انت وين واني وين انت نقيب بالشرطه
ابن ناس معروفه واني خدامه اشتغل
عندكم وارمله وعندي
بنيه
«،،مايهمني هالشي راضي بيج وانتي
هيج
سكتت كمل
«،،حنين والله راضي بيج وبس كولي
اي وشوفي شراح اسويلج
«،،اذا اكلك اي معناها اني احبك واني
لا احبك ولا اريدك
الملامح تغيرت وجاوب بقهر
«،،ليش ولج ليش شبيه اني حتى
ماتحبيني
«،،انت تعرف
«،،قصدج السويته بيج
«،،،هاي وغيرها
«،،،بس اني تغيرت وانتي شفتي شلون عفت كلشي
وتركت ذاك الطريق بس عرفت بروحي
احبج
سكتت من لح وبعد مااعرف شاجاوب كمل
،،،،يولي والله اخليج بعيوني
وبنص گلبي بس كولي اي
الكلمه طلعت من حلگي وكلت
«،،مااكدر لان انت اكبر مني بهوايه
سكت ،، كملت
«««اني اخذت واحد اكبر مني بهوايه وشفت
روحي ماكدرت اعيش ويا
ومااريد اكرر هالشي
الوجه انطعن بعد اكثر وصفن عليه بعدين
دار وجهه مني رد
بخنگه
«««اعتبريني ماحجيت شي وياج وانسي السمعتي
مني
غاده
من اذن العصر وره ساعه تفاجأنا من
اجني نسوان ،،،،عرفت هن خوات
هذا الرجال الي اسمه زاهد ،،،
عيوني راحت لعمه شفتها ارتبكت ووجهها صار دم
ماظلت يمي بالمطبخ انسحبت وراحت
لغرفتها بيبي كعدت يمهن
سويت ضيافه واني اعرف هن ليش
اجني عليها وتأكدت من اخذتها الهن هن جايات
يريدنها اله
طلعت فرحانه كلش وكلت راح تقبل بي
لان اعرفها بعدها تحبه وهو هم بعده يحبها
لان اجه ورادها
رانيه طبت سألت
«،،منو يمنا
«،،ولج تعالي اسمعي اخر الاخبار
«،،خير ولج شصاير
خوات هذا الرجال الي اسمه زاهد
اجوي يريدون عمه اله
فگت عيونها وكالت
«،،جذذب
«،،،لا صدك وسمعتهن يحجن
وكالن نريدها اله
««،وهي وينها يمهم
««،لا بس عرفت بيهم اهله راحت لغرفتها
«،،امشي خلي نسمع الحجي
بسرعه رحنا اني وياها يم الباب حتى
نسمع السوالف سالت
بهمس
«««اكلج هو شعنده من ولد
«،،عنده ولد واحد وبنيه سمعت حرمته الله
يرحمها
من جابت البنت صار عدها
نزيف وشالو رحمها
««««هم كبار
««اي الولد بكد علي اخويه والبنيه
يمكن بكد اميره
«««احم
فزينا ،،،، من سمعنا صوت
حمزه انداريت مبتسم وياشر
بايده
««ها ريا وسكينه شعندج هينه وعلى منو
جاي تسمعن
خليت اصبعي على حلكي وكلت
«،،اااش
مشيت اله بسرعه جريته من زنده للمطبخ
طبينا سوه كتله مبتسمه
«،،عمه اجوها خطابه
رفع حواجبه وسال
««،عمتي
««،لا عمتي ااني
«،،،لا بله صدك تحجين
«،،اي وتعرف منو
«،،بله منو
«،،عمو زاهد
تفاجأ وصفن بعدين كال
«،،زاهد زاهد
«،،،ههه ااي
قرب وجهه مني وسال بهمس
«،،وهي وين
همست يم اذنه
«،،بغرفتها
«،،عرفت
«،،اي
كعد يفر بسبحته كعدت يمه وكلت
«،،يارب تصير من نصيبه
«،،ها اشوفج تدعين خاف تريدين تخلصين
من عمتي
رد مبتسم مديت بوزي وكتله
«،هاي اني حمزه
،،،ههه اشاقه وياج شبيج تره اعرفج تحبيها
وتريدين الخير الها
«،،،انت موافق يعني
«،،انه شعليه الراي رأيها هي وبس الي
توافق والي ترفض
رفعت ايدي لفوك وكلت
«،،يارب توافق حمزه
رانيه اجت بسرعه كلت
«،،على كيفج ولج لاتوكعين
«،،ولج طلعن
كمت بسرعه ورحنا وگفن باب المطبخ اسمع
حمزه يضحك كال
«،،من راقب الناس مات هما
«،،وانتو شكو جاي تراقبنا
جاوبته مبتسمه مسح شواربه ورد
«،،هي گوة مااكدرلج ام لسان
شفت بيبي اجت مشينا بسرعه
رجعت كعدت يمه رانيه راحت ليم
البراد تشرب مي طبت
هو سال
«،،راحو خطارج
«،،اي يمه
خير شعدهن نسوان بيت عم زاهد جايات
عليج
كعدت وجاوبت
«،،،جايات يريدن رقيه اله
«،،ها وانتي شدكولين حجيه
«،،،والله يايمه انه من زمان ردته ياخذها لچن
اخ من الخراب الصار كسرو وكسروها
لبنتي
ردت بقهر وحزن هو كال
«،،اخذي رايها وشوفي شدكول
««،،خلي اكولن لجدك واشوف رايه
«،،عوفج من جدي راح يقبل بس،هي
شوفيها شدكول علي
««،هي وين
««بغرفتكم
جاوبت كامت وراحت عليها سالت
«««راح تقبل مو
«،،،مدري
رانيه ردت مشت اني وراها حمزه لزمني
وجرني وكعدني يمه كال
مبتسم
«،،بطلي فضول ريا
جاوبته بزعل
«،،تقبل بس سكينه تسمع السوالف
ضحك وكال
««،اي اقبل وخليج يمي
«،،حمزه بس اسمع ردها
«،،هي الاخبار تجيج بعد شويه
«،،مااصبر والله
سحبت روحي هم جرني بقوه وكعدني
على رجلي فگيت عيوني وكلت
«««لايجي احد
«،،محد يجي كلها ملتهيه بالسوالف
««،واني وحد عنهم خلي اكوم اشوف
شصار
كمت جلب بيه من خصري كلت
«،،عوفني شبيك جلبت بهل الوكت
«،،والله مااعوفج والا اخليها حسره بگلبج
تسمعين السوالف
«،،راح اعضك والله
«،،ههه صايره مجلوبه ولج
««،،يعني اني جلبه
«،،«لا ذيبه
فزيت وكمت من طبت رانيه كالت
بقهر
«،،،ماقبلت
««،،يا ليش
«،،،مدري بس حجت وياها حبوبه كامت تبجي
وادكول مااريده
ورة مشوار بيبي طبت مقهوره وصايره فد مره اجت كعدت وكالت
«،مارضت بي
رد عليها
«،،لاتحجين هسه اي شي لاهل الزلمه
«««شلون يمه وهم كالو ردو النا الخبر باجر
لو عگبه
«،،هو انتظر سنين ماراح يصير علي شي
اذا انتظر ايام
رد عليها كلت
««،اي بيبي لاتحجين اي شي هسه
ظلي احجي وياها وقنعيها
تقبل بي خطيه اكيد
مقهوره منه لان
عافها وخذلها
حمزه باوع عليه وكام كال
««،اروحن اريح شويه
مشى من يمنا لحكته طبيت وره
للغرفه وسديت الباب كعد
على الجربايه
سالت
«،،حجيت شي غلط
««،لا
«،،لعد ليش باوعت عليه
ابتسم وجاوب
«،شلون يعني باوعت عليج
«««مااعرف حسيت بيك ضجت من حجيت
اخر الكلام
«،،ماضجت منج
«،،لعد منين ضجت
كعدت يمه ذب حسره ورد
««،،ضايج على عمتي
سكت وكمل
««،من صغير وانه اسمع قصتها هي ويا
وجنت اشوفنها تبجي من وره المشاكل الجانت
تصير ومن وره كلام نسوان عمامي
الي خربن قسمتهم وابوه وياهن
«،،اي سمعت هالشي
«،،ومن تزوج شفتها بعيوني شلون غدت انتهت
غاده وظلت ايام لا تاكل ولا
تشرب ودمعتها بعيونها
صعبه من تحبين واحد
ومايوفي الج
«،،بس هو جان يحبها وهسه اكد من
اجه هو مو ناسيها وبعده
يحبها
«،،اعرف لچن جرحه بعده بگلبها
«،،حمزه انت احجي وياها قنعها تقبل بي
«،،انه مااكدر احجي وياها بهل الشي عيب
عليه غاده اجي واكولن لعمتي
اقبلي بهل الزلمه
لان يحبج
««،،شلون اذا ظلت رافضته
«،،هو ماراح يعوفها حتى لو وصله رفضها
«،،،شمدريك
«،،غاده انتي كلتي قبل شويه هو مو ناسيها
واجه يريدها والي يريد
يصبر ويتحمل
حتى ياخذ
الي يريده
«،،يارب تقبل وتغير رأيها
مهيب
ردت اهج من البيت من السمعته منها بس
ماكدرت من وره وضعي
كعدت بغرفتي ظلمه والجكاره بايدي
اسحب نفس طويل واذبه نار تطلع من صدري
واحس كلامها عبالك طلقه
وانضربت بگلبي
ونيت وكلت
«،،،ليش حجيت ليش كلت الها احبج هيج
احسن رفضتني وخلتني احترگ
بنار رفضها
وياريت الرفض جان من وره سبب واحد
لا اسباب وجنت اعرفها بس مال
انت اكبر مني هاي ماجانت
متوقع اسمعها
الاحساس الي بيه بهل اللحظه ماحسيته
من فصخت الخطوبه مرتين جنت مخنوك ومقهور
لان هي رفضتتني وهزتني وهزت عالمي
وخلتني اعرف اني حبيتها حب جبير بس ااخ من طرف واحد
شراح اسوي وشلون راح اكدر اوجهها
بعد وهي عرفت الي بگلبي وشلون راح اكدر
اتعامل وياها بعد السمعته منها اتصرف
طبيعي ماراح اكدر صعبه
والله لان اعرف
عيوني راح تخوني وتروح الها
رفعت راسي لفوك وكلت
«،،اخ ياربي ليش هي من دون النسوان
گلبي حبها واني بحياتي جثيرات
ويريدن بس رضاي
هي بين عيوني شلون تحجي وياي
بروده ومااهتزت من اعترفت الها بحبي
ثلج جانت واني نار
حسيت بلسعه نار الجكاره جوتني طفيتها سمعت حجي بره تمددت وغمضت عيوني
مااريد احجي وي احد
وره مشوار طب ابويه مافتحت شافني
وطلع ذبيت حسره حسيتها
جوت گلبي
سمعت صوت بنتها بجت وكلت
«،،،اخ ولج والله لو راضيه بيه الا اسويلج
شي مايخطر على
بال بشر
تنهدت وكملت
«،،قهرتني يولي واني الجنت اقهر ماانقهر
يمامه
جنت مو غشيمه اعرفه هو عيونه مني من
نظراته وصفناته وكلامه الحلو
بس كلت هذا اعجاب
لان هو ابو نسوان
وگاضي وكته يدور علاقات ويضحك
على بنات الناس
بس هو صدمني من اجه واعترف اليه بحبه
وطلبني للزواج شفته شلون حجه بجديه
وتوسل بيه اقبل بي
بس اني ماكدرت اگله اي لان جنت
مااحبه وحتى لو حبيته
هم راح ارفضه
لان هوايه اسباب تخليني اسوي هيج
اول شي الفرق الي بينا هو وين واني وين
لا المجتمع راح يرحمنا ولا الناس
وثاني شي اهله اذا
سمعوا بي رادني
راح يفكرون اني لعبت علي وخليته يريد
ياخذني واني هذا وضعي وراح
اخسرهم واخسر ناس
وثقوا بيه وحبوني
مثل بنتهم
واهم شي هو السر الي اني ضامته جوه
گلبي واعرف بس هو يعرف اني منو وبنت منو ،،،راح ،،،يسحب روحه
مني وتكش نفسه من عندي ومن
اهلي
سمعت صوت الباب انفتح تمالكت روحي
وغسلت وجهي اكثر من مره
عمو طب كال
«،،الله يساعدج يابه
«،،هلا عمو
الحجيه طبت هي وخاله سلمن هو كال
«،،اروح اشوف مهيب
وضعي تخربط خفت لا يحجي شي
او ابوه يشوفه مو على بعضه
ويساله بس رجع
وكال
««،نايم
«،،،نومه العوافي
امه حجت سالت بس صوتي طلع يرجف
«،،ها شگال الدكتور
ماانتبهن اليه الحجيه ردت
«،،الحمد لله وضعي احسن من قبل
وضغطي هم زين
«««الحمد لله
جاوبته خاله راحت ليم ياسين بنتي بجت
مشيت الها طبيت شلتها سكتت
كعدت هي بحظني
افكر شلون راح
اظل هنا بعد
السمعته
منه
كلشي تغير عندي من عرفت بي هو يحبني
اعرف بروحي ماراح اعرف اتصرف
مثل الاول وراح ارتبك
من وراه
شاسوي ووين اروح ارجع للبيت هم اهله
راح يسالوني ليش ماتريدين
اتظلين يمنا
واعرف هم بحاجتي اني وخاله وعيب عليه
اعوفهم وهم بهل الحاله لان وكفاتهم
وياي جانت حلوه وجبيره
صفنت من اذكرت هو شسوه اليه وعرفت هذا
مو بس تعويض عن السواه بيه
لا طلع حب
ويا
لو غيري من البنات جانت فرحت بهل الشي
واكثرهن يحلمن بهيج واحد شفت
هوايه يتصلن بي ميتات عليه ومنهن
بنت عمه
بس اني مو منهن لان مااريد احب ولا اريد
اسلم گلبي لاحد لان اني مو مال حب
اولا وهم ووضعي ما يخليني
اسوي هيج
الحجيه طبت شايله علاكه
كمت كالت مبتسمه
«،،اكعدي يمه
كعدت يمي طلعت علبه فتحتها
شفت سوار متحركه وحلو كلش
كالت
«،،شوفي شجبت الج
باوعت عليها سالت
««،اليه اني
«،،،اي يمه الج كلت لعمج اريد اهديج
شي غالي لان فضلج علينا صار جبير
«،،،خاله اني مااريد اي شي منكم وماسويت
هالشي حتى اخذ فد شي مقابله
««،،اعرف يمه انتي ماتريدين شي وسويتي
السويتي من وره مروتج وخوفج
علينا
ردت وكملت
««اني من زمان من عرفت بيج انتي انقذتني
مهيب من اول مره كلت اريد
اخذلج هديه بس شفتي الصار بينا
وكعه وره وكعه وربج سترنا
ولطف بينا واليوم من طلعت وي
عمج كلت الا
اخذلج شي غالي وتكمه حتى يظل
ذكرى مني
عيوني غورگت وماكدرت احجي
شي هي كالت
«،،شوفي حلو مو
خاله والله هذا غالي وماا
قاطعتني
«،،حنين شتريدين ازعل منج
«،لا خاله مايهون عليه زعلج
«،،لعد اقبلي هديتي اني وعمج
سحبت ايدي وخلت السوار بايدي صفنت
علي مااعرف بشنو احس
هاي اول مره البس
شي ذهب
وشفته شي غريب كالت
««،صلاوات على الرسول لايك على ايدج
كلش
دمعتي نزلت وكمت ابجي من همي والي
مضموم بگلبي
«،،،يا هااي ليش هالبجي
ذبيت روحي بحظنها اني ويمامه لمتني
بحظنها وانهاريت بالبجي
«،،ولج يمه شبيج اني جاايه افرحج لو
ابجي عيونج
«،،شبيها حنين
سمعت صوت عمو سحبت روحي منها هي
سالت
«،،اذكرتي امج
كلشي هاج عليه واذكرت روحي اني واختي
شلون عشنا بذله ومهانه وحسره
علينا نلبس شي
حلو حالنا
حال البنات جنا من نفتر يم المحلات
نصفن على الملابس الحلوه
والاحذيه ونتحسر
كلت
«،،اي اذكرت امي
«««الله يرحمها برحمته
جاوبت وكملت
لا اني ولا ام ياسين راح نعوضج عن امج
لان الام ماكو مثلها ولا اكو بحنيتها
على بزرها بس اكلج اعتبريني
اني امج وخالتج ام
ياسين هم وكولي
الله عوضج بينا
صفنت عليها بعيون تبجي وماردت اخسرها
لا هي ولا عمو من وراه وكلت
شاسوي ياربي اذا
حجه وطلع
الي بگلبه
كلشي راح يتغير وراح اشوف منهم غير
هالنظرات ويجوز يطردوني
من بيتهم
بس هو ماحجه وتصرفات اهله لثاني
ظلت طبيعيه عمو تريك وطلع
للشغله والحجيه التهت
تحجي وي
بنتها الي
بتركيا تريد تجي من وره اخوها افتهمت
زوجها يدرس هناك وبصعوبه
اخذ اجازه خاله
شالت عبايتها وكالت
«،،يمه حنين ودي الريوك لمهيب
«،،خاله كاعد اجلف انتي ودي اله
«،،،مااكدر تاخرت اليوم كلش على المسواك
وماظل وكت
حجت هيج وطلعت
ذبيت حسره غسلت ايدي شلت الصينيه
وجريت رجلي لغرفته وكفت
يم الباب جان مفتوح
ترددت وماردت
افوت سمعته
كال
«،،،جيبي الريوك
لزمت الصينيه بقوه وطبيت منزله
راسي اتجنب اباوع اله شميت ريحه الجگاير
فايحه بالغرفه والنفاضه متروسه
كطف
وخرتها وخليت الريوك
رفعت راسي هو ملتهي بجهازه بس عاكد
حواجبه ومبين علي ضايج
كلش كلت بتردد
«،،اني اسفه
رفع راسه وباوع عليه كملت
«،،اسفه اذا جرحتك بالكلام انت
سكتت سال
«،،اني شنو
اخذت نفس وذبيته جاوبت
«««اعرف بيك انت تغيرت عن الي عرفته
وهالشي شفته بعيوني وفرحت الك
والله لان غيرت الطريق
الي جنت ماشي بي
بس اني يعني
«،،اعرف اني جبير عليج كلتي هالشي
وانتهى الموضوع
سكتت من رد بنتره كمل
«،وكتلج انسي الي حجيته الج والسمعتي
مني
«،،اني يعني مااريدك تزعل مني
«،،وليش ازعل قابل بس انتي بهل الدنيا
رد بغضب وكمل بنفس اللهجه
«،،يولي اني الف وحده تتمناني لو اشمر
حذائي يوكع على الف وحده
عرفته مقهور مني وكام يحجي هالكلام
ماجاوبت درت روحي اريد
اطلع من يمه
نتر
«««السمعتي مني اانسي ومااريد
اي احد يعرف بي
«،،تمام
جاوبته وطلعت من يمه رحت للمطبخ
سمعت جرس الباب اندك
الحجيه كالت
«،،يمه هاي ميسون اجت
طلعت ورحت فتحت الباب الها سلمت
«،،هلو حنين
«،،هلا ام احمد
بوستني وسالت
«،،،تريكتوا
«،،اي
ولدها طبو وياها احمد سلم
محمد ومحمود بوسوني وركضو لجوه
«،،،حرامات مالحكت عليكم
جاوبتني مبتسمه وطبت للمطبخ اني
وراها بوست امها وكعدت
يمها يحجن بسالفه اختها منى الي
تريد تجي سالت
«،،اخوتي هم راح يجون
«،،صدك يمه
الحجيه صاحت بفرح ردت
««اي والله منير خابرني وكال
حجزنا وراح يجي هو ومروان نهايه هذا
الشهر
«،،هلا بيهم بس البارحه حجه وياي اني
وابوج وماگال راح اجي
«،،كال خليها مفاجأه لامي وابويه بس اني
طلعتها للسالفه
جاوبتها وكامت تضحك
امها كامت تبجي وادكول
«،،صدك جذب ولدي راح يلتمون يمي واشوفهم
«،،ههه امي بالحزن والفرح تبجي
كملت ويايه
«،،،حنونه ريگوج لان عصافير بطني
كامت توصوص
«،،،اي هسه اسويلج
«،،ولدي وين
«،راحو يم مهيب
«،،ها صدك خلي اروح اسلم علي
جاوبت امها وكملت وياي
«،،وارجع وانطيج هديتج والي وصيتني عليه
مشت من يمنا وراحت لغرفته جنت
موصيتها تجيب تراجي ليمامه
لان هي تعرف بالذهب
وعدها ذوق بي
بس شنو الهديه الي حجت
بيها كلت خاف هم مثل
امها جابتلي شي
من وره وكفتي
وي ابنها واخوها وكفت اسوي الريوك
هي رجعت وره مشوار
سالت
«،،يمه شبي مهيب
«،،،شبي اسم الله
«،،مااعرف حسيت مو على بعضه
الخاشوكه وكعت من ايدي اخذتها
ورحت غسلتها كملت
«،،احد غاثه
«،،لا مو يغثه بس يجوز ضايج من الكعده
انتي مو تعرفي مايحب يظل
بالبيت
«،،اي يجوز هيج
خليت ماعون البيض على الميز مرتبكه
ومتوتره من وراه كالت
«،،،بس هذا حنين لان الولد تريكو
«،،تمام
«،،تعالي شوفي شجبت الج
طلعت علبتين من الجنطه فتحت وحده
اخذت منها تراجي ام الحلق
وبيها مداليه تويتي كالت
«،،هاي ليمامه شوفيها تخبل مو ويشبهها
هذا الكتكوت
اخذتها من ايدها وعجبتني كلش
كلت
«،،عاشت ايدج كلش حلوه
«،،اي اني اول ماشفتها كلت راح تلوك
الها لان تشبهه لهذا تويتي
حجت هيج واخذت كلاده من العلبه
اللخ وكالت
«،،هاي هديه مهيب
صفنت عليها من حجت هالكلام كملت
«««هو وصاني اسويلج شي يشكرج بي
على وكفتج ويا
«،،اني مااريد اي شي منه خاله وعمو
ماقصرو وهم والله ماردت
اي شي منهم
«،،،بنتي اقبلي الهديه الرسول قبلها
خاله حجت كلت
«،،والله مااكدر اقبل يعني صارن هوايه
وكله ذهب وشي غالي
«،،ليش انتي السويتي قليل عدنا حنين
ام احمد ردت وكملت
«««ولج انتي انقذتي ابني واخويه واكثر من
مره ولا ذهب لا اي شي ثاني
راح يكدر يسد
السويتي
الهم
«،والله بس ادعولي بالستر والعافيه
هاي تگفي
كامت شايله الكلاده وردت
««،راح ندعيلج على طول بس وياها اقبلي
الهديه وها تره هاي المداليه
الثانيه مني شوفيها
تخبل مو
الزنجيل جان مبين تكمه وبي مداليه
صفره جبيره واللخ فراشه
تخبل كالت
«،،،،الفراشه مني خليتها وي
الصفره شوفيهن كلش،،،حلوات مو
كملت
«،،،ذبي الشال خلي البسها الج
«،،،لا بعدين اني البسها
«،،،براحتج
كعدت تتريك كملت
«،،يمه يصير نزرف اذان يمامه مو
««،اي ازرفيها مادام الحر بعده حتى تطيب
بسرعه
«،،اي اني هم كلت هيج
باوعت عليه وكالت
«،حضري روحج العصر نروح ليم الصيدليه
الي براس الشارع حتى نزرفها
الها
«،،تمام
غاده
مرت ايام وعمه نفس موقفها ورافضه الرجال
بيبي حجت وياها وعمه نعمه
وحتى عمو مهدي
حجه وهي
رافضته
جنت اشوفها مقهوره ودمعتها بعيونه لان
جانت مجروحه منه ومو ناسيه خذلانه
الها من دزينا الرفض
تفاجأنا من هو اجه بنفسه بنفس اليوم
وطلبها من جدو وهم رفضت وكرر
جيته وجاب ويا
شيوخ وساده
وهم ماقبلت اخر شي اجه وحده وكعد
وي جدو وحمزه وعمو مهدي وجعفر
من سمعت بي اجه هم ارتبكت
كلش وصارت دم
والدموع تجمعت بعيونها من شافتنا
نباوع عليها انسحبت من
يمنا وراحت
لغرفتها
بيبي كعدت مقهوره وكالت
«،،كولي اي يايمه واقبلي بي حتى ابري
همج قبل لااموت
حجت هيج وكامت تبجي رانيه
كالت
««،حسبي الله على كل واحد فرقهم
«،،امين يارب
جاوبت جعفر طب شاف بيبي تبجي
ماحجه شي عرف السبب
رانيه كالت
«««شلون وي عمه الزلمه اجه اكثر من مره
وهي ترفض
«،،مدري هو رايد وشاري ومن زمان بس
اخ من الي خرب
رد بقهر وكمل
«،،جايج بويه
«،،هاك كملت صب
شال الصينيه وطلع من يمنا
«،،ولجن شلون وياها انه اريدنها تزوج
وتشوف حالها بلكي يصير
عدها ضنه وتصير
ام
عيوني غوركت من شفت بيبي تبجي
وتتحسر عليها كملت
«،،،ياربي انت بس الي تكدر تغير رايها
وتخليها توافق علي غير
حالها من حال لحال
وخليها ادكول اي
حتى افرح بيها لهل البنيه وابري همها
نزلت راسها تردد
«،،وحيدتي هااي يارب وانه ام واريدن
افرح بيها واشوفها بيت عدلها
مرتاحه ومدلله بجاها
الرجال طلع وره ساعه جدو اجه
ويا حمزه سال
«،،وين رقيه
«،،بغرفتها
حمزه ظل يمنا وهو راح الها رانيه كالت
«،«يارب توافق علي
حجت هيج ومشت وراه اني وراها حمزه لحكني
لزمني واخذني للغرفه
طبينا كال مبتسم
«،،اركدي وبطلي فضول
سد الباب كلت بتوسل
«،،حباب بس اسمع شراح يصير
«،،راح توافق
فكيت عيوني وصحت بفرح
«،،بله صدك وانت شمدريك
«،،جدي راح يحجي وياها وهي ماراح
تكدر ادگله لاا
كعد كعدت يمه ذبيت شالي سالت
«،،متاكد من هالشي
«،،اي
«،،زين ليش ماحجه وياها من البدايه
«،،جان يريده هو يجي برجلي ويطلبها منه
صفنت علي وسالت
«««وليش يعني راده يجي برجلي
يله يحجي وياها
رد مبتسم
«««حتى يشوفها هو اجه برجلي عليها اكثر من
مره وفزع ويا شيوخ وساده وهاي
تعتبر اعتذار الها
ابتسمت ورديت
«،،والله جدو طلع مو شويه
«،،،مثلي مو
«،،انت ماكو منك اثنين
العيون تغيرت والوجه ضحك رد
«،،نادر الوجود انه
«،«اي نعم بس بطل غرور
جاوبته اضحك حظني وجابني لصدره
كلت
«،«مو وكت الرومنسيه ابو علاوي
«««لا وكتها ونص
باسني وطول دخت
وبادلته اللهفه وخر اني ماده بوزي ومغمضه
سمعته ضحك فتحت عضيت
شفتي وكلت
«،،هاي ليش،هيج مو دخلت الجو
«،،ارجعج اله
رجع باسني بقوه ولمني لصدره بحظن
قوي فزيت من سمعت
هلاهل كمزت من
حظنه وكلت
««،وووالله قبلت
لبست شالي شلون ماجان
مشيت بسرعه طلعت اشوف رانيه
تهلهل وفرحانه كلت
«،،قبلت موو
«،،اي ولج ااي
«،«كلووووش
كمت اهلهل من فرحتي بيها طبيت
اني وياها لغرفتها بيبي يمها
تبجي من فرحتها
بيها وهي
هم
«،،،،مبرووك عمه ويوما نشوف ولدج
عن قريب
«،،امين يمه والله يسمع من حلگج
بيبي جاوبتني والبيت انطش،بي فرحه
اهله اجوي وخطبوها
وتحدد يوم الخميس
الجاي مهرها
نسوان العمام من سمعن بده الحجي
والكلام انطينا اذن الطرشه ولبسنا الوضعيه
من غلهن وحقدهن مااجني وباركن الها وهم من وره سواد وجه برنو وبنتها وابنها
الي ازوجت وراحت
بشرها
اني الي استلمت كلشي
وجهزت مهرها
وياي حمزه وجعفر ورحمه اخت رانيه
جهزنا الها كوشه تخبل
ورد ابيض وستائر
تول وهم بيضه
وصيت الها قفطان مغربي لونه كريمي واخذتها
للصالون مكياج خفيف وسرحت
شعرها على طوله
ورفعته من
صفحه وخلت ماشه بشكل ورده
كلها شذر
طلعت تخبل ولا عرفتها لا اني ولا رغد
الجانت وياي هي وامها
اني لبست فستان ماروني ضيق
الردن تول شفاف
وسويت تسريحه بسيطه وخليت هم
مكياج بسيط
رجعنا للبيت هي ميته خجل وماتعرف
شلون تصرف بس جنت اشوف العيون مغوركه
وفرحانه
طبت بنص هلاهل امها تلكتها تجر صلاوات
والكل انعجب بيها كلت اليوم الا
اعلك الجو
ونفرح بيها فرحه جبيره من عقدوا الهلاهل
علكت وانطش الجكليت عليها
رگصت اني وخوات رانيه وحرگنا الجو
هو مااجه الا المن فرغ البيت وظلينا وحدنا
من شفته بالجهاز تفاجأت بي مو جبير
كلش طويل جسمه زين لا ضعيف
ولا سمين مشيب بس
قليل ومبين مهتم بروحه اول ماشافها
ابتسم وحسيت بفرحته هي
نزلت راسها
كعد يمها بزي العربي اخته انطته الحلقه
مد ايده الها صافن عليها
هي ترددت بعدين
مدتها اله
خله الحلقه باصبعها شفت وجهه تاثر
وصار دم هي هم لبسته الحلقه
انتبهت ايدها ترجف
من وخرت لزم راسها وباسها
عمه نعمه كامت تهلهل وياها رانيه
وراها عفناهم بالاستقبال وحدهم اني
كبت بيه حراره من الركص
رحت اريد ابدل واذب
فستاني
طبيت علي نايم وغافيه كلت من
ذبيت العبايه بضحك
«،،بالهدؤ ماتنام هالنومه يبن حمزه
الباب انفتح طب هو سده ضحكت
وكملت
«،،جبت سيره القط ااجاني ينط
ابتسم ورد
ا«،،نه مو قط ولج انه اسد
«،«ههه واني اشهد
سكت يباوع بعيون وكحه ذبيت شالي
ونثرت شعري كلت
«،طالعه حلوه مو
«««لا
رفعت حواجبي كمل من صار
گبالي وجرني لحظنه
«،«طالعه تخبلين وتاخذين العقل
ابتسمت كمل
«،،كل يوم اشوفج جاي تحلوين بعد
اكثر ياجمره گلبي
«،،،لان انت بحياتي
«،،جاوبته وبسته من رگبته كلت
«،،عرك جيدك مي زمزمي
حسيته ذاب من حجيت هالكلمه
رد بهمس
«،،هاي مالتي
««،انت كلك مالتي
جاوبته وخرت العيون ذبلانه
والملامح مرتاحه سالت
مبتسمه
«،،مو حب قلبي
««،اي والله انه كلي الج من هامتي
لرجلي
شالني لصدره ومشى كلت
«،،حمزه مو هسه مناااا الرجال
ماكو فقد وتخبل وخبلني ويا تمددت يمه عبالك
داخله معركه اباوع اله مبتسم
ويباوع عليه بنظراته
المفترسه
كلت
«،،من صدك صاير اسد
«،،ههه ليش بله
«،،شوف حالي وانت تعرف
«««هههه
خرب ضحك ولمني بقوه لصدره
كلت
«،،حمزه عوفني وخليني اكوم
والله عيب عفنا الرجال هو وبيت عمو
مهدي وطبينا لجوه
«،،عوفج منهم كلهم والتهي بيه
جاوبني وحظني بعد اقوه كلت
«««تره ماراح اطير
«،،والله بحظني وماجاي اشبع منج
رد وباوع عليه كمل
«،،لو يصير اله اخليج جوه ضلوعي
«،،ههه اختنك
«،،لا انطيج من هوه ريتي ياجمره گلبي
سكتت من رد هالرد كمل
««،،انتي غلاتج بگلبي بس الله يعرفها
«،،وانت هم بس الله يعرف شكثر
احبك واموت عليك
بنفس الاسبوع زفينا عمه لرجلها من
طلعت من يمنا شبعنا بجي وهي هم بجت
وبصعوبه سكتنا اخذنها بزفه
حلوه لبيت رجلها
من رجعنا للبيت وطبينا حمزه جان كاعد
يم بيبي تبجي على فراكها
وجعفر يمه
الكل متاثر بيها وحسينا من صدك البيت
فرغ علينا بس بكلبنا فرحنا
الها لان اخذت الي
حبه گلبها
جنات
العصر اني واكفه اخدر جاي جهازي
دك رحت اخذته من فوك الفرن جانت اختي
جاوبت
«،،هلو دنو
حجت بسرعه
«،،اكلج جنات راح يجوج خطار بعد شويه
««،منو خاله رباب
«،،لااا ولج اخت استاذ ارشد وعمته
عكدت حواجبي وسالت
«،،وليش يجن اني مو رفضته بعد ليش
هالزياره وبعدين انتي شمدريج
بيهن راح يجن
«،،هو انطه خبر لابراهيم
سكتت كملت
«،،يولي لاتفشلينا وي العالم الرجال
مشتريج وكاعد تشوفين كم مره حجه
وياج وتوسل بيج حتى تقبلين
بي
«،،ماراح تفض موو دانيه
نترت بيها بغضب وكملت
«،،غصب تريدوني اقبل بي
«،،جنات راح اشك هدومي من وراج ولج
شبيج انتي مخبله حتى ترفضين
هيج واحد
«،،اي مخبله وروحي كولي لابراهيم لا حد
يجي
«،،ومن شوكت عيني احنا نطرد
الخطار
حجت بعصبيه وكملت
«،،راح اجي عليج وحضري ضيافه مرتبه
واستقبليهم زين ولا تفشلينا
وي العالم
«،،يظل جوابي الرفض
والله اذاا متت على غفله فهو من وراج ومن وره
قهرج روحي خلي اروح ابدل
سدت الخط ضجت كلش من تصرفه وتوترت
من جيتهم هي اجت وره دقائق
تحجي وتحاول تخليني
اقبل بي واني
رافضه حتى اسمعها وره مشوار اندك
الجرس هي طلعت الهم اني ظليت بالاستقبال
واكفه سمعتها كالت
«،،تفضلو عيني
طبت هي وراها مره جبيره لابسه اسود
ومناظر وياها بنيه تطلع بگدي
شافني سلمن
«،،شلونج عيني
،،،هلا خاله
جاوبت وبوستها هي والبنيه كالت
مبتسمه وتتفرس بوجهي
««اني ام فهد اخت ارشد وهاي عمتي انتصار
«،،اهلا وسهلا تفضلو
كعدن وحده بصف اللخ دانيه يمي
اخته كالت
«،،،اعذرينا على هاي الزياره المفاجاه
وجان المفروض نطيج خبر قبل يوم
«،،لا عادي البيت بيتكم ام فهد
وهلا بيكم شوكت مااجيتو
اختي جاوبت عمته ردت
«،،الله يعمره يمه
«،،،تسلمين خاله
جاوبتها اختي كامت وقدمت جگليت
وطلعت من يمنا رجعت شايله
صينيه ضيافه الحجيه
كالت
«،،اكعدي حبيبه وخلينا نحجي شويه
خلت الصينيه على الطبله وكعدت
يمي اخته حجت
«،،طلعتي احلى من وصف اخويه
سكتت عمتها كملت
«««يمه اني جايه عليج اليوم احجي وياج
واشوف ليش رافضه ابن اخويه
ترددت بعدين كلت
«،هو يعني مابي شي والف وحده تتمناه
بس مو اني
اختي كملت
«،،،خاله هي مرت بتجربه خلتها تكره تفكر
بالزواج مره ثانيه
هزت راسها وجاوبت
،،،اني عرفت قصتها من ارشد بس يايمه
مو كلها مثل الي طلگج اكو من صدك رجال اذا
حبت ماتكدر ،،تغدر وابن اخويه منهم وانتي من
راح تقبلين بي ماراح تخسرين شي
لا بالعكس راح تربحين واحد
يحبج وشاريج
بالغالي
اختي باوعت عليه كلت
«،،اعرف هو شنو واعرف شيكدر يسوي اليه
بس اني نفسيتي بعد ماتتقبل اي
رجال ولا اكدر اعيد
هالتجربه
««،هي تاذت كلش بس والله اعرف العوض
بابنكم
اختي ردت بقهر وكملت
«،،اعرفه هو الي راح يصير الها سند من بعد
الله واعرف كلش زين هي
راح ترتاح يمه لان
شفته شكثر
يحبها
ضجت من كلام اختي بس ماحجيت
شي عمته كالت
«،«تعرفين اني هم تطلگت من رجلي من
زمان
صفنت عليها كملت مبتسمه
«،،هم ماصار عندي ضنه وراح ازوج عليه من
وره ظهري وشوكت عرفت بعد
ماصارو اثنين يايمه
سكتت وكملت
«،،وهو مو غريب ابن عمي وغدرني هالغدره
ومن عرفت هم مثلج طلبت الطلاك
لان ماتحملت غدره ولا ،،،كذبه
ومن تطلگت هم سديت گلبي وماقبلت اي
احد من الي اجوني وعشت مقهوره منه
واحرك بدمي تالي ربج فتح عيوني
وعقلي وكلت اني ليش كاعده اسوي بروحي هيج
وهو عايش حياته وي الي اخذها
عليه وصاروا عنده
جهال وحياته مشت ماوكفت عليه
ولا راح توكف
صح اجه وتوسل
بيه ارجع اله
بس صعبه ترجعين لواحد انتي فقدتي
الثقه بي وانتي جنتي عبالج
هو السند والامان من
بعد الله واهلج
«،،يعني ازوجتي خاله
اختي سالتها ردت مبتسمه
«،،اي يمه ربج عوضني برجال خلقه واخلاق
والحمد لله رزقني منه ولدين وبنيه
«،،،صلاوات على الرسول
دانيه جاوبتها ردت
«««الف مره الصلاه على الرسول
باوعت عليه وكملت
«،،شفتي ،،هاي قصتي نفس قصتج
والي اريد اكوله الج لاتوكفين حياتج على
احد عيشي مثل ماهو عاش
وانسي وابدي بدايه
جديده وي
ابن اخويه
«،،،اي جنات يعني والله ارشد يريدج ومن
زمان هالشي مو هسه بس عاد
انتي رفضتي ورحتي
لغيره ومن سمع
بيج تطلگتي رجع يريدج لان
ماكدر ينساج
اخته كملت كلت
«،،والله كتلكم هو الف وحده تتمناه
بس اني لا
«،،لاتستعجلين يمه وخليج براحتج وفكري زين يجوز يصير شي يخليج توافقين علي
حجت هيج وجهازها دك شافته
حجت
«،،يله يمه وليد اجه
««،اي عمه
سلمن وطلعن اختي وياهن رجعت صايره
فد مره وهم كامت تحجي عليه
وتقنع بيه اقبل بي
مادرت بال
وظليت رافضته
ثاني جانت جمعه بليل ابويه اجه
هو ومهند وياهم امي
كعدو بالاستقبال
وحجه بعصبيه
«،،،انتي ليش رافضه ترجعين لكريم
«،،،انت تعرف السبب يابه
«،،هم راح ترجع تحجي نفس السالفه
بابا افهمي الرجال من حقه
يزوج ويصير عنده
اطفال
مهند حجه جاوبته
«،،اي حقه وحقي هم اطلك منه واشوف حياتي
مثل ماهو شاف حياته
«،،يعني شنو اكو واحد يريدج متقدم
عليج
ابويه سال
«،،هوايه كاعد يجون عليها
اختي ردت خزرتها سكتت امي سالت
«،،ومنو ذوله الي اجوي واحنا ليش،ماندري
«،،زراعه خضره اني عدجن
ابويه انهد وكمل
«،،على منوو اجوي ولجن على ابراهيم موو
«،،محد اجه
جاوبت صاح بيه
،،،وولج ااجذبين عليه وهاي اختج
هسه كالت اجوي عليج اكثر من واحد
سكتت امي كالت
«،،ماتحجين ولج ليش احنا اخر من يعلم
«،،يجوز تشوفنا مو من مقامها لست الحسن
وخلت ابراهيم ياخذ مكانك
مهند جاوب دانيه ردت بغضب
«،،هذا الحجي ماله داعي مهند وابراهيم
مو غريب نسيتو شسوه الها وشلون وكف وياها
الما تطلگت من كريم
«،،لو مو واكف هوايه احسن لان محد هجم
بيتها غير انتي ويا
جاوبته بعصبيه
«،،بيتي انهجم من تزوج عليه من ورايه
«،،ولج افتهمي الرجال بعده شاريج ويريدج
وكال شتريد اسويلها بيت باسمها
فلوس ذهب بس خلي
تقبل ترجع اليه
امي حجت نترت
«،،اااني ماريد اي شي منه بس يعوفني
بحالي
ابويه كام وصاح بيه ياشر
بايده
،،،،ااسمعي ولج كعده بهذا البيت وحدج
بعد ماكو وترجعين لكريم
غصبا ماعليج
كمت وجاوبته بغضب
«،،هالحجي ماراح يصير ولا راح ارجع اله
مهند صاح
«،،توكفين بعين ابويه ولج
اانت مااعليك بيه وسد حلكك واسگت
هد عليه دانيه واكفت بوجهه هي ويوسف
غزل طلعت تركض
«،،ادبسسز طايحه الحظ الظاهر فلت
عيارج من اطلگتي وكعدتي
بيت وحدج والله
اليدري شكاعده تسوين من ورانا
تخبلت وصحت بي
«،،خليت الشرف الك ابو شرف يلي
طعنت انت وابوك بشرف بنت عمتك
من وره الفلوس
دفع اختي وهد عليه لزمني من شعري
وكام يضرب،بيه ابويه
يشجع بي امي
تصرخ وتريد تفكني منه ابراهيم طب
بسرعه ودفعه مني
بقوه وصاح بي
«،،،شكاعد تسوي ولك وشلون تضرب
اختك الجبيره
«،،،واكسر راسها لهاااي الگحبه
«،،،ووولك
فزيت من سمعت صوت استاذ
ارشد الي طب وهو
يخزر بي...
شكرا لزيارتكم عالم روايات سكيرهوم
