رواية اغفري لي الفصل الثالث والأربعون بقلم أوتار حزينة
جنات
مهند من سمع شحجيت علي
دفع اختي وهد عليه لزمني من شعري
وكام يضرب،،،،بيه ابويه
يشجع بي امي
تصرخ وتريد تفكني منه ابراهيم طب
بسرعه ودفعه مني
بقوه وصاح بي
«،،،شكاعد تسوي ولك وشلون تضرب
اختك الجبيره
«،،،واكسر راسها لهاااي الگحبه
«،،،ووولك
فزيت من سمعت صوت استاذ ارشد
طب يخزر بي كله
«،،،اگص لسانك بعد اذا عدتها لهاي
الكلمه
«««وانتو منوو يابه حتى اطب علينا هيج
وتهدد ابني
ابويه صاح بي مهند كال
«،،خاف انت الگواد مالتها
هو حجه هيج ومااشوف غير يهد علي
ضربه بوكس شمره بالگاع راد
يكوم علي كعد ،،،،،،برجلي على
صدره وكام يضرب
بي بقوه يصيح
«،،«الكووواد اانت ياااعار الزلم
ابراهيم جره منه ابويه كام يغلط علي
ويسب بي امي ويا صاح
بيهم
«،،ولاااا كلمه لا اشيلكم كلكم
بهل الحزه
«««وانت منووو حتى تعتدي على ابني
واطب لبيت بنتي هيج
««،انت شجابك عليه وشلون اطب بيتي
انهديت بي ابجي
«،،،منو هذااا ولج
صارت هوسه ابويه يصيح امي تغلط
مهند يهد علي ابراهيم واكف بالنص
هو ودانيه ويوسف انهد
وصاح
«،،هذااا الشيخ ارشد ابن الشيخ تميم
اهلي بعد ماجانو يهوسون ويغلطون بلعوا
لسانهم وظلو مذهولين وصافنين
علي هو اشر على اخويه
وحجه بغضب
«،،،اذبحك ولك اذا علت عليها مره اللخ
،،،وانت باي حق تحجي وي ابني هيج
«،،بحق ااااني رايدها
صاح بابويه ينهد من غضبه صارت صنطه
مهند طلع يهدد بي ويكول
«،،والله اليوم الا افصلك اليوم واكعدك كعده شيوخ
«،،اايده الك عااار وشتريد تسوي سووي
ابويه لحكه هو وامي دموعي نزلت وانهضمت
لان هو شافني بهل الحاله وتصرف
تصرف اعرفه راح يزيد
من مشاكلي وي
اهلي كلت
«،،بأي حق اطب بيتي وتدخل بشي مايخصك
«،،اانتي تخصيني
صاح بيه بغضب جاوبته بصياح
«،،ماااخصك ااني افهم عاد هالشي
وعوفني بحالي
«،«تحلمين ولج اعوفج
«،،ابراهيم ااحجي شي
حجيت وي رجلي اختي اشهك بالبجي
راد يحجي نتر باعصاب
««محد اله خص بينا انتي اليه وماراح اجوز
منج الا وحلقتي باصبعج
صحت بي
«،،تحلم تشوووفها بأيدي لان اااني مااريدك
ولاا راح اقبل بيك
باوع عليه بخزره ورد بروده من
رفع عگاله من راسه
«««جنات اذا مااخذتج يحرم عليه البس هذا
العگال او اكعد بمجلس شيوخ
حجه هالكلام وطلع من يمنا ،، ابراهيم
لحگه،،،، كعدت ابجي واشهك وانهضمت هظيمه
جبيره لان شافني بهل
الوضع وشاف اهلي
وعرف هم شنو
اسمع اختي تغلط وتدعي على مهند وتحجي
على امي وابويه تخبلت وكمت
اضرب على
وجهي واصرخ
«،،،وولج وين اروح وين اولي كلها ماجاي
تعوفني بحااالي يااربي
شمسوويه ااني
حتى ابتلي بهيج اهل
«،،،كافي جنات
اختي لزمتني هي ويوسف تبجي عليه
صحت
«،،،يااارب اخذني وخلصني من هالعيشه
لا رجال طلع بي خير ولا اهل
انهاريت بذاك اليوم وبجيت الما عمت عيوني
هم ظلو يمي،،،،،لان صرت فد مره تمددت
بغرفتي ابجي من قهر الصار
ومن الشافه منهم
وره وين راسي وعيوني ثگلن وغفيت
وعبالك الله رحمني ورحم
بحالي وخلاني انام
كعدت ساعه متاخره عندي صداع والم
بكل جسمي جنت وحدي بالغرفه الباب مفتوح
شويه ماكمت ظليت متمدده دمعتي
بعيوني
سمعت جهازي دك بس اهتزاز دورت علي
جان يمي بس ماشفته من الغواش
الي بعيوني
امي كاعد تتصل ماجاوبت فصل رجعت
اتصلت وهم مارديت بعد مااتصلت
شفت اشعارات على الواتس
جايتني واتصال منه
هو ومن اسماء
رحت للواتس قريت الكاتبه وجان وره
ساعه من الصار
«،،،اني مو ندامان على السويته واذا هذا اخوج
مد ايده عليج مره ثانيه اكصها
واعلكها برگبته
جان تهديد صريح وحسيته يحجي
بلهجه غضب قريت اللخ
«،،يبنت الناس اقبلي بيه والله اصيرلج اهل
وسند وسلاح بأيدج ياهو اليندك
بيج بعد وانتي صرتي
مرتي وشيخه
گلبي
دموعي نزلت شفت كريم بي هم الف وعد
انطاني وتالي خذلني وغدرني
كمت ابجي،،،،واشهك ذبيت
جهازي حتى ماقريت باقي الرسايل
الباب انفتح طبت اختي وكالت
«،،،اجت اسماء
ماجنت اخجل منها لان جانت تعرف شنو
هم اهلي لان اني جنت احجيلها
كلشي وحاسبتها مثل
دانيه طبت اجت كعدت يمي تباوع
عليه بقهر كالت
«««هااي شصاير بيج
««،راح تموت من القهر
«،،حسبي الله عليك مهند ونعم الوكيل
ولاتزعلن مني
حجت اختي ردت بغضب
«،،،على شنو نزعل اني من البارحه لليوم اتحسب
علي وادعي
«،«اريد اموت واخلص
حجيت بشهكه
«««لا اسم الله عليج ليش هيج تحجين
جنات تره محد يستاهل تسوين بروحج هيج
من وراه
«،،ولج ضربني اخويه الصغير مد ايده عليه
جاوبت اسماء وكمت ابجي بصوت
قوي
«،،اي والغريب اخذلج حقج بنفس اللحظه
اختي ردت وكملت بقهر
«،،شفتي شسوه بيه وشحجه
مارديت كملت
«،،ولج اهلج ماراح يعوفج بحالج مادام ذاك
طمعهم بكم فلس
«،منو كريم
«،،اي يمعوده صخمان واهلي شلونهم يموتون
على الفلس
««،ماارجع اله لو خلو طلقه براسي
رديت بدموع وكملت
««،يحلم ارجع اله بعد السواه بيه
«««جنات اقبلي باستاذ ارشد
اسماء حجت وكملت
«««يولي والله الرجال شاريج ومن زمان مو اليوم
وشفتي شسوه الج
درت وجهي منها اختي كملت
«،،ولج اسمعي الكلام واخذي واكسري خشوم الكل
«،،مااريد ازوج اافتهمو عاد هالشي
نترت بيهن بغضب اسماء ردت
«،،اسمعيني زين اني ماردت احجي هالشي
لان هو امني امانه مااكلج
الي سوه الج
باوعت عليها كملت
«،،بيتج الي اخذ كريم منج استاذ ارشد هو
الي رجعه الج
«،،شنووو
اختي صاحت مذهوله اني صفنت عليها كملت
«،،اي هو من عرف بذاك اليوم من اجاج
كريم للمصرف وسمع الحجي
سالني وحجيتله
كلشي كال
اني راح اتصرف بس يظل بيني
وبينج هالشي مااريدها
تعرف اني رجعت
الها بيتها
«،،،ولج انتي شكاعد تحجين
صحت بيها ردت
«،،مثل ماسمعتي بيتج مارجع الج الا بفضل استاذ
ارشد
«،،ليش ماكال ماحجه وانتي ليش
ماحجيت اسماء
«،،حلفني مااحجي وكال مااريد تحس اني
صاحب فضل عليها
صفنت على اختي انهدت بيه
«،،بعد شسويلج حتى ترضين بي خاتون
سكتت وكملت
«««ولج بومه ااقبلي بي واحرگي
گلوب الحجت عليج
واولهم اهله
«««جنات والله حرامات هيج رجال يروح من ايدج وانتي لا اول وحده مرت بتجربه
زواج فاشله ولا اخر
وحده
بجيت وكلت
«،،مااكدر اسماء گلبي بعده مجروح من السواه
بيه ذاك الي جنت اشوف امان
وسند
«،،وطلع مو امان وسند نموت وراه يعني
اختي جاوبت بغضب وكملت وي
اسماء
«،،،احجي وياها تره راح اتخبل منها واطلع
من المله
حجت هالكلام وطلعت من يمنا صديقتي
ظلت يمي تحجي وتهون عليه
الصار وتقنع بيه
اقبل بي
ليلى
جنت ضايجه ومخنوكه من البيت قائد حس
بيه وعزمني على العشه طلعنا
ايدي بايده
كلت
«،،وين راح تعشيني
«،،بكيفج بس لا شط ولا بط
ههه لا اليوم اريد اكعد بركن هادئ
ورومنسي
«،،العب وراها نرجع واعلكها للصبح
حجه هيج فتح باب السياره صعدت
جاوبته مبتسمه
«،،،افكر
«،،مو زين عليج تفكرين جثير يتعب
عقلج الحلو
جاوبني يضحك سد الباب واجه صعد يمي
حرك طلعنا سالت
«««اكلك عبالك الصيف طول هالمره
««اي وسمط جد جدنا ماعاد يجي الشتا حتى
شويه يرد اللون
باوعت عليه اذكرت من جان
يشتغل بالعماله شلون يجي محروك وصاير
اسود
«««ها خير اشوفج صافنه عليه
«««ههه اذكرت من جنت تشتغل بالعماله
«،،اااي شلون جانت ايام طايحه حظها
«،،تعبت بذاك الوكت
هز راسه وجاوب
«،«تعبت وفان حتى حظي بس
جان المهون عليه التعب انتي
ابتسمت ورديت
«««اي شفتك تغيرت وجههك رد لونه وسمنت
«««هاي وره مااشتغلت وي ابوج
«،،اي بس تعرف من سمنت صرت حلو
الوجه ضحك وجاوب
«««هو واني وياج يلوك النا السمن
«««قاائد لاتجفص
جاوبته بزعل خرب ضحك كملت
«««رجعني
«««لا بداعه اهلج لاتزعلين ولج والله
احب اداهرج شبيج انتي
تصدكين كلامي
بسرعه
«««لا صدكت كلامك لان اني جاي اشوف
روحي سمنت كلش
«««والله لايك الج واحبج هيج ومااريدج تضعفين
ابدا
عض شفته وكمل
«««صايره تترسين حظني ولج والملامح
الانثويه صايره تخبل
«««اهوو اسكت تره والله اخجل من اسمع
هالكلام
««ههه كاعد اشوف خدودج اشتعلت
درت وجهي مبتسمه كال
««كاعد اشوفج ياشريان گلبي تضحكين
باوعت علي كمل
«،«ماكلتي وين تريدين تتعشين
«««بكيفك اليوم الطلعه على ذوقك
«««خلي نروح للجادريه ونشوف وين نكعد
وصلنا واختارينا مطعم كعدنا بركن بعيد
عن الناس كال
«،،اكلج اني راح اطلب مشكل مشاوي لان جوعان
كلش وهاي الاكلات الغربيه اعرفها لاتشبع معده
ولا عيون
«««براحتك اني راح اطلب بيتزا لان مشتهيتها
طلبنا الاكل اجت المقبلات والتهيت
اني ويا ناكل منها سالت
«،،اكلك شخبار مهيب ماصار زين
«،،لا وضعه الحمد لله احسن من قبل بس
قبل كم يوم من خابرته حسيته
من على بعضه
«،،ماسألته شبي
«،،مو بالتليفون احجي واساله شبيك كلت
امر علي باجر اني وحسين ناخذه
ونطلع نكعد بكافي واشوفه
شبي
«««اكلك هو فصخ الخطوبه مرتين مو
«،،اي
«،،زين ليش فصخ شنو السبب
«،يكول مو هن الي اريدنهن اليه ولا حسيت
وحده منهن راح تكون المره الي
اكدر اشد ظهري
بيها
سكت وكمل
«««مهيب صعب كلش ومزاجي ومو اي
وحده تتحمل طبعه مرات اگله يول انت ماراح
تزوج من ورة طبعك النگس
«««بس انت كلت هو يميل لهاي البنيه الي تشتغل
عدهم
«««اي ومتأكد هو يحبها بس كاعد يكابر
««ليش يعني من ورة وضعها لان تشتغل عدهم
««،لا لا هو هيج يفكر ولا اهله صح هم زنكاين
وعدهم فلوس خير من الله بس
تشوفيهم بسطااء
وماعدهم لا تكبر
ولا غرور وهم يخافون الله بالناس وعدهم
رحمه جبيره بگلبهم
«،،الله والله حبيت اهله
«،«اي خاله زينب ورده مال الله هي وعم محمود
لو تعاشريهم تحبيهم كلش
الاكل اجه والعظام كام يسحك واني
ويا على الواهس جان يلف وينطيني واني
ماجذبت خبر اكل منا ومنا
كملنا وطلعنا ردت افتر واخذ حلويات كلت
«،قائد گلبي حار اريد موطه
««مو من عيني هسه اخذلج من الرواد
«،،اي حباب وكثر اريد كلاص دبل
«،،ههه ادللي هسه اجيبلج سطله
«««ههه مااكول لاا
اخذنا الي نريده رجعنا للبيت اخلي بحلگي
وبحلكه وصلنا وسويت تعلوله لاهلي
كعدنا بغرفتنا
نتعلل خابرت غاده كامت تحجلي على
عرس عمه رقيه فرحت الها
كلش لان طيبه وحبابه
كلش وتستاهل
هالفرحه
سالت
««حمزه شلونه من راحت من يمكم
«««اسكتي يكابر بس اشوفه مقهور من وره
فراگها
«،«اي لان هي ربته وي بيبي
«،،اي ليلو من يطب البيت احسه يدور عليها
«،،اوي ياگلبي والله صعبه علي
مايشوفها بالبيت
قائد باوع عليه وابتسم رفعت حواجبي
اسال شبيك رد
«««ماكو شي
«،،علوش شخباره
كاعد يرضع
««اوي فدوه بعد خالتو
هم باوع عليه بنفس النظرات ودار
وجهه كلت
«««اكلج الرضاعه الطبيعيه تعب مو
«««اي وتكسر الظهر والله مرات اكول لحمزه
يفرك ظهري بس بطلت اطلب منه
هالشي
«،«هههه ليش بله
«««ولج جريمه من يلزمني مو كاعد يفرك
بجسم بشر لا عبالك لازم جدريه ويجلف بيها
«««ههههه
خربت ضحك كملت
«،،والله شبيج ذاك اليوم كلت فرك اجتافي
بالقران كامن يوجعني بعد
اكثر من فركهن
«،،ههه ولج صلي على الرسول لاتصيبي
بعين لابو علوش
«««ههه الف مره صلاوات على الرسول
«،،مره الخ كولي اله بهدواه لا عنف
««،ولج اكله ينسى روحه واشبع تمرد
«««ههه ولج هذا احسه جاي ينتقم منج من
وره علوش
«««اي يقااار من ابنه
باوعت لقائد وكلت مبتسمه
«،،بس غيره حلوه مو
«،،اي احبه من اشوفه هيج يغار ويريدني
بس اله
«،،واني هم هيج احب
هو كام اشر ادخن بره هزيت راسي
باي طلع من يمي سالت
«،،قائد يمج
«،،لا طلع يدخن بره
««،ها اكلج اني ارضع واخذ مانع بس
مرات انسى اخذه بموعده واخاف لايصير حمل
«،«شلون تنسي غدو مو انتي تعرفين
الي ترضع هم مرات يصير
عدها حمل
««عزه اذا صار
«،«ههه ابشرج راح يصير
«،،لا ليلو لاتشاقين وياي هالشقه صح اني
اريد بعد من حمزه بس مو هسه
خلي علوش يكبر
شويه واسوي
«،«لعد غير تنتبهين لهل الشي
«،،ولج والله اخلي الشريط گبال عيني وانساه
«««سوي منبه احسن وبس يدك عندج
لاتتاخرين روحي اشربي
الحبايه بسرعه
«««هو هم هيج
«««اي والله احسن الج لاتروحين تصيرين حامل
وانتي ذاك اليوم جبتي ولو اعرف
اخويه راح يركص
بجفيه من
يعرف بيج حامل مره اللخ
«««ههه منو يركص حمزه لا عيني يفرح اي
بس مال ركص لا اكلج رجلي
ثگيل كلش خليت
الركص لقائد
اجه بالي من كام يركص بعرسنا كلت
«««ههه اي والله ملعب رجلي
«««كولي اني الي اركصله مو هو
خربت ضحك وجاوبت
«،،،ولج مطلعه عينه للرجال
«،،اي وانتي ماسوين هيج
«،،لا عيب ااوستحي
«،،طاح حظج جفاف وي قائد مو من وره خجلج
هو طب جاوبت
«،«ها لا يعني مو هيج
««،انجبي بله ليش مااعرفج اني بارده
وثكيله ماادري هو شلون متحملج لحد هسه
«،،اكلج انتي ويا لو وياي
«««وي اخويه
«««عابت لا عابت
««،هههه ولج شويه حركه بركه طلعي عينه
للرجال وخلي يدوخ بيج
««««مايحتاج هو دايخ بدون لا حركه
ولا بركه
صفن عليه اشر على روحه كلت
«««احم اكلج روحي التهي بعلوش اني هم
اكوم اكوي هدوم قائد
««كاعد ازحلكيني ولج
«،،اي يله روحي
«،«مع الاسف عليج كالها حمزه ليلو كاعده
ازحلكج هوايه هالايام
«««ههه لا والله بس يعني
«««هااا عرفت رجع قائد والگاع صارت محضوره
يله باي حب مح
«««مح حب
سديت الخط هو تمدد وخله راسه
على رجلي سال مبتسم
««اني الدايخ بيج مو
«««هههه اي
سكت وصفن عليه بذيج النظرات
الي تخليني ادوخ رد
«««والله مو بس ادوخ لا اضيع اتيه بس
اشوفج انتي ادمان صرتي
اليه شريان زايد
صار بگلبي
««ليش هلكد تحبني
كعد ورد
««لاتسألين هالسؤال لان ماعندي جواب
اله ولا راح اعرف اني ليش
حبيتج هيج حب
«««اني هم احس مثلك
غمز وكال
«،«خلي نطبق الاحساس فعل
حجه هيج وطبقها قول وفعل
يمامه
حاولت اتعامل وي مهيب مثل قبل بس
ماكدرت لان الي حجاه واعترف
بي غير هوايه شغلات
بيه
من الاول اني تعاملي ويا جان بحذر واتوتر
من وجوده بالبيت بس بعدين
هو تغير وياي صح
كمت اخذ وانطي وي بالكلام بس هم بحدود
ومااخذ راحتي بالحجي
ويا
ومن اعترف اليه بحبه رجع هذا الحذر
والتوتر وصار بعد اكثر لان عرفت شنو شعوره
تجاهي صح اني ماشفت منه شي بعد ولا حجه
اي كلمه وياي بس اني جنت ضايجه من وجودي بيتهم ومو مرتاحه بس جان لازم نظل
من وراه هو وامه وهم منا واخوته
واخته هم راح يجون
كعدت من وكت لان الحجيه كالت حضري
الغرف الفوك حتى يكعدون بيها
صعدت نظفت وفرشت فرشات
جديده
مسحت كل الغرفه وطلعت للصاله خاله
اجت وكالت
«««يمه نظفي غرفه مهيب هم لان راح يكعد
بيها اخوه منير
«««اي خاله
«««اروح اسوي ريوك لان كعد الحجي
والحجيه
«««هسه اكمل واجي اساعدج
«««لااا اني اسويلهم كملي براحتج وانزلي
«،،يمامه كعدت
«««لا نايمه
جاوبتني ونزلت كملت مسح ورحت لغرفته
فتحت الباب طبيت جانت نظيفه
لان يوميا انظفها
فتحت الشباج حتى تتهوى كنستها
ومسحت الگاع وراها الاخشاب ماجنت
انتبه لتفاصيل اي
شي يخصه
بس من اعترف اليه بحبه كمت اصفن
على كلشي يخصه غرفته جانت
فخمه لونها جوزي
مايله للاسود
ماكو اي تحفيه ولا اي شي بي زخرفه
بس صورته وي ابوه وامه وعبالك حفله تخرجه
لابس زي الشرطه ومبتسم
يشبه امه حتى الغمازه ماخذها منها شاب
اي وحده تتمناه بس مو اني
لان البيه يخليني
مااكدر احب
جنت اريد اجرب هالشعور احب وانحب
بس گلبي جان ميت وماعندي
هذا الشعور الي اسمع
البنات يحجن بي
لا گلب دك ولا حسيت باي شي من حجه
وياي وكال احبج ذبيت حسره
وحاجيت روحي
بالمرايه
اعرف بروحي كلشي مات بيه من وره
الضيم الي جنت عايشه بي وزاد هالشي
من راحت اختي وخلتني جسد
بلا روح
عيوني غورگت اشوف روحي بنيه حلوه
وبشهاده الكل بس اني اشوف
بداخلي طفله مشوهه
كلها جروح والي
شوهها هم
اقرب الناس الها
اهلها
دموعي نزلت رحت كعدت ابجي بخنگه
اريد احجي الي بگلبي اكول اني منو وبنت
منو بس ماكدرت اعرف راح
اوكع من عيونهم لان
جذبتي جانت جبيره كلش
رفعت راسي لفوك كلت
ياربي شاسوي والله اريد احجي بس
اعرف راح اشوف منهم نظرات
تذبح وتقهر ويجوز
يطردوني من
بيتهم
اني صار عندي فلوس بس اريد اهل وهم
شفتهم صارو اليه اهلي
وسند وامان من
هالدنيا
وخايفه ياربي احجي واضيعهم من ايدي
واذا حجيت منو راح يصدك
بقصتي اني نفسي
مو مصدكه الصار بيه ولا السويته
بذاك اليوم
اذكرت شلون انهزمت من بيت اهلي اركض
وحاظنه يمامه لصدري اسمع
صوت الجلاب تعوي
ومو خايفه منهن خايفه من الي يتسمون
اهلي
شهكت بصوت وغطيت وجهي بايدي
اردد
«،،ياريت جايه للدنيا يتيمه لا عندي اب ولا
اخ
منتضر اجه بين عيوني كلت
«««بس انت وحنين الي ردتكم من هالدنيا
وذيج راحت وسكنت الگبور
وانت مااعرف
وين حل بيك
الدهر
«،،حنين يمه كعدت يمامه
سمعت صوت خاله كمت اجر برجلي
طلعت وجاوبت بخنكه
««اجيت
رجعت غسلت وجهي بالحمام مالته
ونزلت لجوه هو طلع من غرفته صارت عيونه
بعيوني نزلت راسي وكملت مشي
رحت لغرفتي طبيت
يمامه ماكو طلعت هو بعده واكف
يم الباب ومركز بنظره
عليه
رحت للمطبخ جانت بحظن الحجيه ترضع
ممه خاله كالت
«،،خطيه كعدت جوعانه وسويتلها ممه
«،تسلمين
«،،هاي شبيج يمه باجيه
الحجيه سالت ارتبكت وجاوبت
«،«ها لا
خاله اجت ليمي كالت
«،،بيج شي
««،لا والله مابيه شي
«««شلون مابيج شي واثر البجي مبين
بعيونج ووجهج
الحجيه حجت عيوني غوركت درت وجهي
منهن رحت للسنك
اجلف كلت
«««تراب طب بعيوني وفركتهن قوي
سكتن بعدين الحجيه سالت
«««اكيد يمه
«،،اي والله
«««شوفي عمج عنده قطره معقمه اخذيها منه
وخلي لعيونج
«««هسه من اكمل اروح اخذها منه
جاوبتها ولهيت روحي بالجلف كالت
«««ام ياسين سوي قائمه المسواك انتي
وحنين
«««اي ام منير
««واخذيها وياج بالمسواك لان هالمره راح نسوك
هوايه من وره جيه الولد ومنى
«««ان شاء الله بس اكمل الطبخ اكعد
اني وياها ونسوي القائمه
«««اي براحتج
التهت تحجي وي يمامه وتغني الها
«««شلي بالولد والبنيه حياتي تغسل شيلتي
وتشر عباتي
«««يمه فدوه فدوه وگيمر وفوكاه كشوه
كل الگشواي حمضت الا كشوتنا
ظلت حلوه ويمامه من طليتي
نار بالعدو شبيتي يمامه ياعطر
الهاب ياشذره بين
الذهاب
دمعتي نزلت ومسحتها بسرعه خاله
كالت
««مهيب كعد خلي اسويله ريوك
«««اي سوي
سوت الريوك قبل لاتكمل طلعت لبره اغسل
الكراج هي اخذته اله كملته ورجعت
لجوه كلت
«««راح انظف البيت
«««اي روحي يمه
بديت من غرفتها هي وعمو وطلعت لغرفتي
وغرفه خاله وياسين هي يمه
تريكه كملت كلشي
بس ظلت غرفته
مشيت بتردد وكفت مسافه بعدين كملت
مشي دكيت الباب كال
«،«تفضلي
طبيت منزله راسي كلت
«،،اريد انظف الغرفه
«،،نظفي وافتحي الشباج
««تمام
جاوبته ورحت فتحته جانت صينيه
الريوك بعدها على الطبله ماكل شي قليل
سالت
«،،اشيلها
،«،،اي بس خلي الجاي
جان يجاوب بروده بدون مايباوع عليه
شلتها وطلعت بيها للمطبخ
خليتها هناك ورجعت
منزل رجلي
بالكاع لزم العكاز وكام طلع وكال
«،،اخذي راحتج
نظفت الغرفه وبدلت الفرشه سمعت جهازه
دك جان على الكومدي قريب مني
شفت اسم نبأ عرفتها
بنت عمه
فصل ورجعت اتصلت وهم فصل
اجت رساله منها واللخ
وراها لفت انتباهي
كلمه احبك بس ماكملت قرايه مسحت الاخشاب
والگاع ردت اطلع هو صار كبالي
راسي انطخ بصدره
رجعت ليوره كلت
«««اسفه ماشفتك
طب مركز بعيونه عليه
كال
«،،هيج كلامي جان ثكيل عليج يولي
حتى يبجي عيونج
باوعت علي ملامح القهر مبينه بملامحه
كمل
«،،بجيتي من وره كلامي مو
««،لاا
«،،جذابه ولج واعرف عيونج بجت لان
سمعتي مني هالكلام
سكتت كمل
«،«ثكيل اني عليج موو
«،،لاا
«،،هم جذابه واعرفج تكرهيني وتموتين
مني
«،«والله مااكرهك
«،،بطلي جذب ونفاق اعرف اني شسويت
بيج وشلون خليتج تشوفيني
بعين قبيحه
«،كتلك مااكرهك والله
«،،اي صدكت
خاله اجت كالت
«،«كملتي يمه
«،،اي
جاوبت وطلعت من يمه هي اجت ورايه
كالت
«،،خلي نكعد يم الحجيه بالمطبخ نسوي
القائمه
كعدنا يمها بالي مشغول بي وبكلامه جان
متاثر كلش برفضي،اله وعباله
اكرهه ورفضته
من وره
هالشي
العصر اخته اجت عفت يمامه يمها
طلعنا وي عمو للاسواق تسوكنا اشكال والوان
وهم ماقصر اشتره حفاظات
وحليب الها
اخذنا عشه ورجعنا للبيت هو جان ماكو عرفت اصدقائه اجوي واخذوه وياهم
رتبنا المسواك وراها تعشينا وهو ماكو عمو خابره
كله كال اتاخر واتعشه
وي الولد
كملنا ووكفت اجلف خاله اخذت الجاي لجوه
جرس الباب اندك طلعت ورحت فتحته جان هاشم
من شافني ابتسم
وكال
«««هلا والله بالوجه الحلو
مارديت عفته ورجعت للمطبخ اجه
ورايه فر راسه على المطبخ
كال
««،السلام لله عيني
لبسته سمعت صوت عمو
«،،حنين منو اجه
«،،اني عم
جاوبه ومشى من يمي كال
«،،ماغزرت شيلتي الج بذاك اليوم
ورگضتي بيج للمستشفى
سكت وكمل بضحك
«««راح اخلي ملح للزين مالتي بلكي يغزر
من ولى كلت بغضب
«،،والله لو ما عيب الا اخلي هالجدر
براسك واخلي دمك
بطولك
كملت بسرعه ورحت لغرفتي مااريد
اشوفه ولا اقدمله شي لهيت روحي بيمامه
غسلت الها وبدلت هدومها كعدت
ارضعها حتى تنام
وره مشوار غفت كمت خليتها باللولو ردت
اسبح لان جنت عرگانه من
وره فره المسواك
كلت خلي اتاخر الما يروح هذا ويولي تمددت
من التعب غفت عيوني
قائد
اخذت مهيب ورحنا لكافي حسين جان منتظرنا
كعدنا اشوفه مو على بعضه
يدخن وصافن سالت
«،،مهيب شبيك من خابرتك اول بارحه حسيتك
مو على بعضك
مارد حسين كمل
«،«يولي ماتحجي اني هم كاعد اشوفك
مو تمام وعبالك مقهور من شي
غمض وذب حسره طويله حسين
سال
««،ولك شصاير حتى هيج تتحسر
«««الصار حجيت الي بگلبي واكلت تبن
جاوب بخنكه وسحب نفس اللخ سالت
««رفضتك
«،،،منو
حسين سال جاوبت
«،،ام يمامه
هو حجه
«،،ليش حجيت مو جنت ساكت وماكل خره
هيج احسن رفضتني وحرگت
گلبي
«،،خرب حظك اي والله
«،،ماكالت شنو السبب
اسباب وانتو تعرفوها كلش زين وزادت من
كالت انت اكبر مني بهوايه
صفنت علي حسين كال
«،،بله صدك هي هيج حجت
«««ولك ااي
رد وشفته صاير فد مره
من وره هاي البنيه يحجي بخنكه ومقهور كلش
جان مو هو واحد ثاني الكاعد
جدامنا كمل
«««ولكم اخ راح اموت من قهري كولو اليه شلون
راح اتخطه هالشي شلون راح
اكدر مااحبها واني
احبها وميت
عليها
ماكو رد هو كال
««شلون راح انساها وهي جدام عيوني ليل ونهار
سكت وصفن بنظرات تايهه
«««ماراح انساها حتى لو راحت من جدام
عيوني لان اعرف بروحي اني
حبيتها حب جبير
وصارت اليه
مرض
«««حاول وياها مره ثانيه
حسين حجه ابتسم بس بالم رد
«««ولك ذليت روحي الها وتوسلت بيها تقبل بيه
وردها ذبحني وخلاني لا اكدر انام
ولا اشتهي اللكمه
سكت وكمل بملامح مطعونه
«««صعبه من ادكول لوحده اني احبج وهي
ترد عليك واني مااحبك ولا
اريدك
حجاها وعيونه غوركت دار وجهه
من عدنا فرك گلبه
وكمل
«««ولكم هذا يوجعني وهاي اول مره احس
بهيج احساس
«،،شاريد احجي البيك مايدواي كلام
جاوبته وحاولنا اني وحسين نطلعه من القهر
الي هو بي تعشينا هو مااكل غير
شي قليل وهم صافن
والجگاره ماوكعت
من ايده وره وين
كام وكال
«،،قائد وصلني للبيت لان تعبت
«««يله امشي
اخذته لبيتهم ساكت ماحجه ولا كلمه عفته
براحته لان اعرف الي كاعد
يمر بي صعب كلش وصلته ورحت لبيتنا
مهيب
طلعت الي بگلبي للولد بس ولا ارتاحيت حسيت
همي زاد مانقص وقهري زاد بگلبي
طبيت من المطبخ رحت
للصاله وكفت من
شفتها جايه
من الحمام صفنت عليها ولساني
نطق الي بگلبي
يمامه
كعدت ساعه 12 عركانه
والسبلت طافي
جان مولد والغرفه بس بيها سبلت وبنكه
كمت وخرت الغطه من يمامه
كلت خلي اسبح
اخذت هدوم وطلعت من غرفتي البيت
صنطه وهدؤ كلها نايمه رحت
سبحت وطلعت وكفت من شفته هو اجه
من باب المطبخ شكله مقهور
ووجه صاير دم شافني
الملامح تغيرت
هي والعيون كال
بصوت مخنوك
«،،،هلا بلكسر گلبي واذه عيوني
هلا بلي كسر گلبي وخيب ضنوني
اختنك من حجه هيج وكمل
«،،هلا بالي يعادل ميه
بالچفن وانتظره يحن عليه
گلبي كام يدك بس من الخوف خفت
لايطلعون اهله ويسمعون شكاعد يحجي
مشيت اريد اطب وكفت من شفته سند روحه
على الحايط مثل الداخ بدون
شعور رحت علي
بسرعه لزمته
وكلت
«،،بس اسكت رحمه لاهلك وامشي
طب غرفتك
جسمه ثگل وكلت راح يفقد الوعي ونوكع
اني ويا صحت
«««عمووو خاله تعالو
وجهه صار يم رگبتي وحسيت بانفاسه
الحاره طلعوا ابوه وامه
صاحوا
«،،شبي مهيب
اجه بسرعه اخذه مني وكع بين ايد
ابوه بس جان واعي
بس دايخ
امه صاحت بخوف
«،،ولك يمه شبيك شجاك
حجه
«،،مابيه شي
«،،ولك هي مال سهر وانت بهل الوضع
ابوه جاوبه وساعده هو وخاله سندوه
واخذوه للغرفته امه لحكتهم
ظليت واكفه بمكاني ودمعتي
بعيوني
«،،حنين جيبي شربت بسرعه يمه
سمعت صوت خاله جريت رجلي للمطبخ
جبت بطل وكلاص ورجعت
علي طبيت هو متمدد
ومغمض عيونه
كلت
««هذا الشربت خاله
فتح ودار وجهه عليه نزلت راسي وخفت
لا يحجي شي رجعت ليوره وطلعت
من يمه بسرعه
رحت لغرفتي طبيت سديت الباب سندت
روحي علي دموعي نزلت كعدت
بالكاع مااعرف شاسوي
او شلون اتصرف
ويا
كال انسي السمعتي مني بس هو مانسى
ورجع حجه وطلع الي بگلبه
كلت
«،،شاسوي ياربي حتى لو حبيته ماراح
اكدر اكله اي من وره البيه
يمامه كعدت تبجي كمت شلتها الباب اندك
مسحت دموعي بسرعه
خاله طبت وكالت
«««والله شلون هبطت هبطه من سمعتج
تصيحين
رديت وصوتي طلع مخنوك
«،راد يوكع واعرف بروحي مااكدرله وصحت
«««هالولد عناد من يومه ولا اكو واحد متصوب
وصوابه قوي يطلع ويسهر بره
ويظل لحد هالساعه
حجت هيج وكملت
«««نامي يمه وارتاحي اليوم تعبنا كلش
ورانا هم شغل باجر لازم نحضر جدرين دولمه
ونشوف شنسوي بعد على جيه
ولد الحجيه
مشت وكالت
««تصبحين على خير
«،وانتي من اهله
طلعت وسدت الباب سويت ممه وكعدت
ارضع يمامه غفت ونامت واني
لا كدرت انام بهل الليله ولا غفت عيوني من
وره الكاعد اشوفه منه ومن وره
خوفي لا يسمعون اهله
ويفكرون اني لعبت
علي وخليته
يحبني
ارشد
كمت اطلع واتعلل وي ابو يوسف رجل اخت
جنات ارتاحيت اله وحبيت عشرته
حسيت رجال من صدك
وخوش ادمي
عزمته على العشه وكعدنا نتعلل اني ويا رجعته
لبيته واكف يمه سمعنا عياط
من بيت جنات بنته طلعت
تركض تصيح
«،،بابا الحك خالو مهند كتل خاله جنات
ركض عليها مشيت بسرعه وراه طبيت
وسمعت العار شلون يحجي عليها
تعاركت ويا وضربته
من رجعت لبيتنا اتصلت وراسلتها ولا
جاوبت اتصلت على ست
اسماء وحجيت الصار
وكتلها خابريها
وطمنني عليها
وره مشوار اتصلت كالت مااجاوب ماكدرت
انام من الشافته عيوني وصرت
نار والله لوما اخوها ويلجم
گلبها جان خليت
طلقه بنص
گلبه
وجتلته
ثاني ماكو دوام روحي لابت عليها اتصل
مااجاوب اني بالبيت ابويه طب ضايج ومبين
علي مغثوث حجه بغضب
««،بأي حگ ارشد تهد على بيت ناس
وتضرب ابنهم ومن وره منو من وره اخته
الموظفه الي تشتغل عندك
رديت امي دحكت عليه كمل بنتره
«««اني شيخ تميم يجيني ابوها واخوها وبنص
المجلس يحجون ويكلون ابنك هد وتعدى
علينا بنص بيتنا
«،«مو بيتهم بيت بنتهم
«،بيت بنتهم بيتهم
لا يابه انت تكدر تصرف براحتك بيت
اختي نهله
«،،وهاي شعندك وياها حتى تهد على
ابوها واخوها من وراها
امي حجت جاوبت
«««اريدها مره اليه وانتو تعرفوها كلش زين
منو هي
ابويه رد
««ومنو هااي يابه الي نعرفها
«،،الي جنت اريدها قبل لاازوج
«««هااي الي رفضتك اكثر من مره وراحت اخذت
واحد ثاني
امي ردت بغضب وكملت
«««شنو يمه تطلكت من رجلها ورجعت تريدها
«««اي
««واانت شبيك يمه حتى تاخذ وحده مطلگه
واكيد عدها هسه كومه جهال
«««اول شي مو عيب اذا المره تطلكت ولا عار
هاي عمتي تطلكت وازوجت هم تكدرين
ادكولين عليها هالكلام وثاني
شي ماعدها جهال ولو عدها
سته اخذها اخذها
جاوبت بروده امي سكتت ابويه
رد
«،،وليش ماحجيت ليش ماكلت اريدها
حتى نروح نخطبها الك بدون
هالمشاكل الصارت
«،،حجيت ورفضت
«،،اي هاهيه عوفها انت الف وحده تتمناك
وبنيه بيت بيوت تكدر تاخذ
مو هاي الي
رفضتك مرتين وفضلت عليك واحد
ثاني
كمت لحيلي وجاوبت بغضب
«،«يمه اني غير جنات ماراح اخذ
«««ولك مو كلت ماااتريدك شنو تذل روحك
الها
صاحت بصوت عالي ابويه حجه
«،«اانتي اسكتي وصوتج لا يعلى واني واكف
امي سكتت بس ادحك عليه بغضب
ابويه كمل
«««انت ماطبت منها موو
مارديت كمل
«««جان المفروض تگضب روحك وماتخلي
عليك سالفه يحگونه بيها جدام
الاوادم
««شتريد يابه اوكف ساكت واني شفته
يضربها ويفشر عليها
«««وانت يااهو مالتك اخوها هذا مو غريب
امي حجت انهديت
«««عجل خلي اضرب خواتي واعيل عليهن
وهم كولي اخوجن هذا
«،،يامره ااسكتي وخليني اني احجي ويا
كلت
«««يابه يمه من الاخير اني رايد هالبنيه واي
واحد يرشها بمي ارشه بدم
حتى لو جانو اهلها
امي صاحت بيه
««،واني اكلك اتبره منك اذا اخذت هاي
المطلگه
يتبع
مساء الخير والعافيه
الى الي يقرون… وما يعلّقون 💔
أكتبلكم بحروف
من تعب من كاتبة تحاول بكل مشهد تسولفلكم عن وجع وفرح ابطالها بكل لحظاتهم
الحزينة والسعيده
بس للاسف مثل كل مره البارت وتعبي
يمشون بطريق ماالكي بي صدى
أظل أترقب تعليق، تفاعل، حتى لو كلمة بسيطة ادكول احنا موجودين
بس يمر اليوم ورا اليوم، وأنا أكتب وأحجي وكأني أحجي ويا نفسي
مو مجبورين، أدري، بس الكاتبة من دون تفاعل
مثل عازف بلا جمهور مثل دفاتر بلا حبر اني
عاتبة، مو زعلانه
لأن كل حرف نزلته، نزل من قلبي، مو مجرد خيال
إذا قصتي تستحق،،،، لا تبخلون عليها بتعليق
وإذا ما تستحق،،،، كولي اليه
حتى أعرف وين الخلل
واصلحه
وهاي للبعض اما الي يعلقون
وهم نفسهم بكل قصه احب
اشكرهم من جوه گلبي واكول الهم شكرا
الكم وربي يحفظكم يااجمل متابعين
وهم اوجه كلامي كم وحده حياتي گلبي
اذا القصه ممله ليش جاي اتابعيها
عوفيها ياعيني والتهي بغير
قصه لان اني من
اكتب لازم انطي حق كل الابطال وماابخس
حق واحد منهم لان هم من حجوا
قصتهم رادو تنكتب باسلوب
حلو وسرد وحوار
وهالشي
اني ملتزمه بي امامهم ومااكدر اخلف
كلمتي وياهم وبالنسبه للتهجم الي
كاعد يصير كلما انشر
قصه وانتي باي
حق تاخذين قصص اوتار حزينه وتعيدين
كتابتها ونشرها وباي حق
تلعبين بيهن لا ويدعن عليه من وره هالشي
احبك اكلج اني ماتصرفت بقصصها
الا بموافقه زوجها واصلا
شكرا لزيارتكم عالم روايات سكيرهوم
