رواية قصة وجدان الفصل الرابع والأربعون 44 بقلم انين الليل

عاصف 

فتحت الباب واتفاجات 

لكيت مهدي وبهاء ورجاء وكريم 

دخل مهدي وهو يكول باستهزاء// ها يمه اشلونها ام غانم 

امي ما جاوبت ومهدي يكول // وينها ست الحسن الچانت شارده خليها تطلع 

كريم // عاصف هذا السمعته صحيح 

جاوبت بكل برود :: شسمعت 

- - وجدان منهزمه من بهاء 

:: ياهو گلك 

بهاء رد. // انا گتله ليش هي ما منهزمه 

كعدت وخليت رجل على رجل :: وبعد 

مهدي // شني انت تستهزا بينا تعاي ولج وجدان وينج 

امي ردت // مهدي لا تصيح 

- - يمه كافي الخاطر ربج مو انفضحنا 

- - خاب. احجي عدل شني انفضحتو ياهو الفضحكم 

- - اي البركه ابت ابنج فضحتنا وانتي اطمطيلها

امي تحرك بيدها // - - خلف الله عليك اطمطم الها خوش عفيه ابني خوش تحجي وياي 

مهدي // حجيه انا ما فارغ لج تعاي هووي وجدان وينج 

كريم // على كيفك خلي نفتهم 

مهدي // ما نفتهم شي هاي هي ترد وياي وهناك اشوف شغلي وياها 

بهاء. // انا اريد ارجعها 

مهدي // اي عود من ترد اهناك نتفاهم 

بهاءبعصبيه // هسه مهدي هسه اردنها هي وينها خلي تطلع 

مهدي //. مستحيه بت النعال تعاي ولج لا اجي افصل راسج عن جسمج

طلعت ومبين الخوف بوجهها راسا گالت = واني ما اريد ارجع 

بهاء // انجبي لا اخلي النعال بحلكج 

صارت تباوعلي وتستنجد بيه وانا بكل برود ادخن مهدي //. وعدج السان وتحجيين ما مستحيه من سوايتج 

=. اني ما مسويه شي 

مهدي // جا بعد شتسوي بس ما ...

قبل لا يكمل قاطعته :: مهدي 

اتقرب منها هي صارت وراي ومهدي ايكول // ياالله ولج لمي تواميلج وخلينه نمشي

رديت بنفس هدوىي :: وين تمشي مهدي ؟ 

- - اخذها اهناك شعدها اهنا 

رفعت حواجبي وابتسمت باستهزاء :: اي 

- - شني اي عاصف تتمهزا بيه تروح هناك وانا اعرف شغلي وياها 

:: شني شغلك مهدي ؟ 

  بهاء // مرتي اريد ارجعها 

   ردت وهي ترجف = مرتك اني مو مرتك اني طليقتك واموت وما ارجع الك 

  مهدي // هاي سهله انا اموتج

  بهاء وكف گدامي ويحرك باصبعه // شوفي ولج غصبن عليج ترجعيين وهلمره مو مره لا خدامه 

علي رد // شنو خدامه اختي مو خدامه الاحد 

مهدي وهو يهز ابايده // انوب البزر صار يحچي 

علي وهو يرجف () اي ااني شبيه ما احجي ما اخاف من اكبر واحد 

مهدي وصل يمه وضربه راشدي امي نشغت وگالت // غم رايك ليش طكيته ولك 

  

مهدي بعصبيه // واكسر راسه وانعل والدي هذوله ما متربيين انا اعرف اشلون اربيهم 

كريم //. مهدي اوكف خلي نفتهم 

مهدي //. شتفتهم بت ابن عمك جانت دايحه ما ادري وين وعاصف وامي يطمطمون بالسالفه ياالله ولج 

فوتي بساعج امشي 

  عتاها من وراي وهي صارت اتباوع الي طفيت جگارتي وكفت 

:: وجدان ما تروح الاي مكان 

مهدي // ها وليش 

:: هيج 

مهدي اياشر على تفسه // انا عمها ومسوول عنها

رديت باستهزاء :: عود گاومني 

بهاء // غصبن عليها تروح ويانه ما تبقى اهنا 

وصلت يمه :: لا تهدد حباب 

بهاء يباوع الها بنظره خبيثه // هي تدري بيه اهدد واروح الهشام واسولف اله على كل شي على غزوان و...

    اتقربت منه وابتسمت باستهزاء وانا رافع حواجبي :: ها ليش انت شسويت الغزوان 

   انفاجأ من سؤالي // شنو ؟ 

   صرت احرك اصبعي على صدره :: هسه الحچي مو وكته ولك انت حرامات الربى بيك جاي وجايب مهدي وامك شتريد 

  - - اريد ارجع وجدان 

::ما ترجع ولا اكبر واحد يرجعها 

     مهدي // منو يمنعنا ؟

    :: البنيه ما تريد ترجع لا وياك ولا الك ( اشرت على بهاء ) 

     مهدي // ها بعد هي فايتات الها انا ارجعها وعود خلي تشتكي مثل ما اشتكت گبل ( باوع البهاء ) 

كله منك بهاء گايلي وانا كاتلها خلاص فوتي ولج لا هسه اخلي راسج طشار 

   :: مهدي رووح الييتك واخذ وياك ابن اخوك وامه 

  مهدي بعصبيه // شني انت بكيفك الفرخه تروح ويانه وغصبا ع اليرضى والما يرضى 

  هزيت راسي :: لا ما تروح 

   - - ها وليش ياهو يمنعها ؟

  :: انا امنعها وامنعك واكبر واحد اشگه شك وما يوصلها 

   - - شو تروح وياي انت اتكتر انا عمها واولى بيها وانت ماقصرت 

  :: وهي مرتي واليدنالها احسب الله ما خلقه  

وصلت للباب فتحته وعلامات الاستغراب بوجههم :: ياالله بره ما اشوف اي احد منكم 

مهدي //. انت شتحچي ؟

:: السمعتو وهاي امي اسالها 

رجاء // ها طابخها من زمان 

امي // انچبي وروحي ويه ابنج لهنا وكافي 

   رجاء //. باالله ما استحييت ماخذلك وحده بكد بتك 

     ابتسمت باستهزاء. :: بعد انتي التدرين بيه انا ما استحي ( خزرتها ) ما اشوفج حتى ابيت غازي 

    كريم //. تحجي صدك عاصف ؟

:: شنو اتشاقى وياكم مره خلصت عدتها وعقدت عليها عقد سيد وبعد يومين تلاثه نصدق العقد بالمحكمه والي 

عده حجايه يحچيها والي ضامله ضمه يكولها 

باوعت الكريم // ياالله ابو كرار اخذ خطارك واتفضلو بدون مطرود 

مهدي //. وانت بكيفك تتزوجها 

    حاجيته بحده :: اي بكيفي انا ولي امرها وبكيفي والعنده حچايه يبلعها اشرف اله 

بهاء //. جا شكد ما تستحي حاط عينك عليها

لزمته من ياخته :: لك الما يستحي الي مسوي روحه رجال على مره ما الها لا حول ولاقوه وهاي حچايتك احاسبك عليها 

كريم لزمه //. امشي بهاء ياالله 

طلعو والكل يتوعدني باوعت الها وجهه اصفر وشفايفها بيض وعيونها غايرات وهي بالكوه تحجي عبالك مختنگه وترفع بديها

= انت شتگول عمو حراام عليك

وكعت حاولت اصحيها ما صحت شلتها للمستشفى وياي امي وعلاوي 

اخذتها للمستشفى وعلي ركب يمي بالصدر وامي وره يمها وتحاول اتصحيها امشي بكل سرعتي وعلي يبچي باوعتله 

وطمنته :: لاتخاف عمو ما بيها شي 

وصلنه للمستشفى الاهلي فهمتهم خافت او انغمى عليها دخلوها للردهه وما قبلو احد يبقى بالغرفه غابو فتره وطلع الطبيب 

كال // انطيناها ابره مهدئه خلوها ترتاح شويه وتنتبه 

:: دكتور يعني من تصحى نكدر نرجعها للبيت

- - خلي تنتبه وبعدها انقرر 

:: نروح يمها 

- - اي بس اي توتر ما اريد واذا بيكم احد سبب بحالتها افضل ما يدخل ويشوفها لان اكيد راح تنهار 

اتقربت من امي :: روحي يمها 

- - وانت 

:: ابقى اهنا 

- - وهذا المسكين 

:: يبقى يمي

- - شلون يبقى يمه خطيه

:: راح اخابر كريم يجي ياخذه يم اولاده 

- - خاف يمه هذوله ويجون وتصير جبيره 

:: اخابره واذا بعدهم اخلي يمي 

- - اي خابره وانت هم روح ارتاح

باوعت الها واتحسرت هي حاجتني // على كيفك ويه روحك يايمه كلنه غلطنه وما عرفنه نتصرف من شفتك ساكت 

عود انا من يمي اتصرفت تالي جنيت على الفرخه وعليك 

:: لا تلوميين بروحج الصار صار 

ابتسمت بوجهي //ما عليك عاصف ما عليك كل شي يتصلح بس انت گوول ياالله 

رفعت راسي للسما :: يالله روحي يمه يمها وانا اهنا باقي 

رادت تحچي هزيت راسي الها بابتسامه حزينه مضطر اهديها حتى ما يرتفع عدها السكر

دخلت وانا خابرت كريم :: الو 

هله عاصف 

:: ياهو يمك 

بقى فتره رد عليه //. ها عاصف 

:: لا ماكو شي عبالي راحو 

اي هسه بس يشربون چاي يتوكلون 

:: خوش بس يرحون تعالي للمستشفى وجيب ابنك الزغير وياك حتى علي يرجع وياكم 

   كريم // شصاير عاصف 

:: ما صاير شي ودير بالك تحجي گدامهم 

  - - تمام من ينشدوني اكلهم يعاتبني لان اجيت وياكم 

:: اي

ساعه واجه كريم هو وزوجته واخذ علي وام كرار دخلت على امي واتوسلتها ان تبقى بمكانها بس امي ما قبلت 

كريم كلي //. عاصف تره انا ما قابل على تصرفك من البدايه وخاصمها وياهم ليش ظليت ساكت 

اتحسرت :: لان امي خربت كل شي 

- - اه عمتي ليش 

:: عبالها تحميها من شافتني ساكت وصار الصار 

كريم شاورني //. وهسه ما صار شي بعدك تريدها وتريد تحميها احجي وياها 

اتنفست بعمق ::الله كريم

- - هالمره احجي وياها وخلي النقاط ع الحروف انت مو زغير ولا هي زغيره واكيد راح تتفهم كل شي 

:: ان شاالله 

- - - امشي وياي عاصف غسل وارتاح 

هزيت راسي ::لا يابه وين اروح ابقى اهنا 

- - هسه هي مو يمها عمتي 

:: ولو كريم ابقى

طلعت ام كرار وامي وياها //. عمتي ما تقبل اله هي تبقى يمها 

كريم. //. شلقصه عمه تعاي عدنا وام كرار تبقى شويه ويطلع الصبح 

امي // لا عمه انا اظلن يمها ام كرار ما اوصيج بعلاوي 

  - - بعيني عمه 

- - - يمه ما تروح ويه ابن عمك ترتاح شويه 

نفخت يمه :: روحي يمها

باوعت الكريم :: دير بالك على علاوي 

    - - تدلل هسه امشي ويانه عاصف والصبح ارجع 

    هزيت راسي :: لا باقي شعندي 

- - براحتك فيمان الله 

  ::الله وياك

واخذو علي وراحو وانا بقيت ما قبلت اروح وياهم ما فاد توسل امي ما اريد اروح واتركها اخاف عليها واكثر 

شي خفت تنهزم 

بقيت بالمستشفى مره اكعد ع الكرسي مره اوكف مره اروح للكفتريا اشرب جاي اخذ جكاير ما مستقر سالني 

صاحب الكفتريا // ليش ما تروح الاهلك والصبح ترجع 

::اهلي مو اهنا بالناصريه 

- - - وما عدكم كرايب

:: عدنا بس انا ما اروح اهنا بس امي وهي مريضه من تتخربط منو الها 

- — ما بيها بس العافيه هاي قنفه اتمدد عليها والصباح رباح 

اتمددت عليها ساعه وكعدت ادخن الى ان اذن الفجر صليت وبقيت كاعد والصبح تقريبا بالسته رحت اشوفها 

وصلت گلت يجوز نايمات خليهن بقيت گاعد اباب الغرفه امي فتحت الباب شافتني كاعد وادخن هي وصلت يمي 

وكالت //عرفتك مسودن تذكرني بسوادين ابوك

سالتها ::ما كعدت 

- - -گعدت الفجر حسيت بيها بس هي سوت روحها نايمه وانا هم سويت روحي نايمه 

هزيت راسي :: رجعي يمها شويه واجيب ريووك 

  - - خوش بعد شويه انا احجي وياها وانت خابر كريم يجيني اروح يمهم وانت ابقى يمها 

هزيت راسي واتنفست بعمق ::يصير خير

- - - - عاصف يمه كافي جكاير على كيفك ويه روحك

دخلت امي وبقيت منتظر الطبيب الى ان اجه ودخل وفحصها بعدها طمني عليها وكلي 

- - هي زينه متعرضه لازمه بعد ما يحتاج انوصيك 

::يعني دكتور ممكن انطلعها 

- - بلي واني كتبت الها علاج تاخذه الصبح وبالليل ضروري مو تقطعه لمدة اسبوع هسه تاخذ ابره مهدئ وممكن 

تطلع بعد فد ساعتين 

:: اشكرك دكتور 

واجبنا 

خابرت كريم وكتله :: تعوف كل شي وتجي تاخذ امي

بقيت منتظر الى ان طلعت امي وسالتني // خابرت ابو كرار 

:: اي حجيه خابرته وشويه ويجي 

هي اتنفست بعمق // انا حجييت وياها 

  :: شكلتيلها 

- - كتلها الزلمه من البارحه كاعد اباب هاي الحجره وبس يحرك جكاير اسمعي منه انا اكدر اسولفلج كل شي بس اسمعي 

منه احسن وانت مو زغير احجي وسولف لا تضم شي بكلبك 

:: تتصورين تفهم وتعذرني 

  امي تفرك چف بجف // اي تفهم واذا ما تفهم انت سويت العليك عاد تنتبه الروحك هلخسرت كل شي على مودها 

   :: شكالتلج من حاچيتيها 

- - - صارت تبجي وتكول اريد ابوي وحجي هواي 

::مثليش 

- - - فرخه زعطوطه ما تفتهم وما تعرف شي وكل ساع تنهبط الها هبطه

:: اي غير اتكليلي شحجت 

امي تعوج بحلكها وتحرك بيدها // تتمضيك وتبچي واريدك بابا انت جنت مخوف هاي الناس كلها اريدك سند لو 

جنت موجود جان لا عاصف ولا مهدي اتجرؤو هيج يسوون بيه ولا صرت سلعه انباع وانشرى

صرت ادخن وامي حاجتني بنتر وهي تضرب بالعكازه مالتها // كافي جكاير راح تموت 

ما جاوبتها هي ردت بعبره مكسوره // سوده عليه يايمه عشت طوول عمرك تعبان وشايل الهم وتاليتها 

فرخه زعطوطه تجيبك منا وتردك منا 

ما رديت عليها هي هزت راسها //. متسودن بالعشك الك بيها ابوك هم تسودن بالعشك چا وحد 

اجه كريم الي سلم عليه واخذ امي وراح وانا وصيته ان يمر على الاستعلامات يكملونه الخروجيه مالتها

كريم //. يمته تطلع 

  :: بعد ساعتين 

- - ان شاالله اي شي تحتاجه رنت تلفون 

:: ما تقصر ابو كرار

راح كريم وانا بقيت اباوع للباب متردد ادخل ما اريد اواجهها فتحته على كييف عبالك تلميذ متاخر عن الدرس والاستاذ 

داخل قبلي اول مره احس بالخوف من شافتني خفت لا تعيط لو تسوي شي دارت وجهها عرفتها ما تريد تشوفني خليت 

الهويه يمها وحاجيتها

:: قبل لا تتنرفزين وتصيرين عصبيه وتتهميني اتهام ظالم اقري هويتي وبعدها نحجي هاي يمج اقريها زين وبعدها 

شتردين تسوين سوي بس بالبدايه اتسمعيني انا طالع راح اكمل اوراق الخروجيه وانتي البسي واتحضري 

اتقربت اكثر :: شنو تردين يصير بس بالاول لازم تسمعيني وانتي تقررين 

:: وخلي ابالج شي لو غير واحد چان من زمان كتلج

طلعت وكفت بالباب واحس بكلبي يريد يطلع من مكانه واحجي ويه نفسي 

:: شبيك عاصف شبيك على كيفك 

صرت اخذ شهيق وزفير ما اعرف شسوي اتصلت بكريم :: ها كملت الاوراق 

- - اي واخذت عمتي وطلعنه 

  :: دير بالك على امي 

- - لا توصيني عاصف انت دير بالك على نفسك وعلى وجدان

بقيت ما يقارب العشر دقايق بره بعدها دكيت الباب ودخلت بدون ما اباوع الها :: اذا جاهزه حتى نروح 

هي ساكته وگفت وهي تغمض بعيونها وتفتحهن حاجيتها :: تردين تبقيين بالمستشفى 

ما ردت عليه ولا بدر منها اي شي حاجيتها :: ياالله نمشي

فتحت الها باب الغرفه طلعت وانا وياها صرت امشي صحيح ما اباوع الها لكن كنت خايف صدكوني خايف ان يبدر 

منها تصرف او اتهام طلعت كدامها اخذت الورقه من الاستعلامات ورجعت عليها شفتها واكفه ومدنكه وهي مجتفه 

اديها صرنا نمشي الى ان وصلنه السيارتي ركبت وفتحت الها الباب الامامي لكن هي فتحت الباب الخلفي وركبت 

صرت اسوق واول مره ما ادخن وصلنه للعماره 

ونزلت بعد ان فتحت الها الباب هي نزلت ودخلت للشقه وهي تعدل بحجابها راحت الغرفتها وسدت الباب

كعدت بالصاله خابرت الحارس وصيته على ريوك ربع ساعه وجاب الريوك رحت خدرت الچاي وكله 

حضرته ع الطاوله دكيت الباب مره ومرتين فتحته وحاجيتها :: ياالله الريوك جاهز تعالي اتريگي

هي ما بدر منها اي تجاوب وصلت يمها :: لازم اتكعدين وتاكلين حتى تاخذين علاجج ياالله اذا ما تجيين 

راح اجيبلج الريوك لهنا واذا ما اكلتي اوكلج انا 

طلعت وتانيتها ما اجت حچييت بصوت عالي :: ياالله

اجت وهي تمشي وكفت اخذت صمونه خلت بيها شويه كيمر عرب وصبت كوب جاي اخذتهن ورجعت للغرفه اعرف 

بيها جاي تتصنع القوه صبيتلي كوب جاي وكعدت اكل اجت جابت الكوب ودارت تريد تروح الغرفتها حاجيتها 

:: اخذي علاجج 

ما ردت عليه راحت للغرفه بقيت كاعد وادخن ما كدرت اصبر دكيت باب غرفتها ما جاوبتني دكيته مره ثانيه وفتحته 

على كيف شويه وگلت :: ياالله

دخلت وهي متمدده ع الجربايه من شافتني دارت وجههااتنفست وانا واكف :: ما تردين اتساليني شي 

بقت ساكته :: راح تبقيين ساكته ما ادري سكوتج زعل لو شنو 

:: ارتاحي اهم شي راحتج ومن تردين تحچيين انا موجود بره 

درت اريد اطلع سالتني بزعل = وين علووش 

اتنفست :: عد امي ابيت كريم تردينه يجي 

بقت ساكته سالتها :: اخذتي علاجج 

ما جاوبتني :: لاتبقيين ساكته شتردين كولي 

جاوبتني والعبره بصدرها = ما اريد اشوفك 

هزيت راسي وصلت يم الباب برت وجهي عليها :: خوش ابقي بالغرفه لا تطلعيين لان مضطر ابقى اهنا

ما انتظرت اسمع ردها رجعت للصاله اتمددت ع القنفه وفتحت التلفزيون هيج بلكي شويه اهدا وصرت اسمع اخبار 

ثكل راسي حسيت بنفسي اريد انام من كد السهر كمت قفلت باب الشقه وخليت المفتاح جوه مخدتي ونمت نوم عميق 

فتحت عيوني باوعت الساعتي شفتها بالخمسه اله ثلث كل ظني فجر لكن من صحصحت عرفت انو الدنيا عصر قريب 

المغرب كمت اتوضييت وصليت باوعت للطاوله الاكل العليها مشيول اتاكدت هي طالعه بره الغرفه ولامه الريوك 

لان فتحت الثلاجه خابرني كريم

رديت :: الو 

الو هلا بيك عاصف 

:: هلا ابو كرار 

شكد اتصلت 

  :: نايم 

اي عمتي كالت البارحه انت ما نمت طلعتو مو 

:: اي امي شلونها 

زينه لاتفكر بشي 

:: الله يسلمك 

اخذ راحتك 

:: مشكور

جددت وضوىي للصلاة بديت اصلي وبعد ان كملت خابرت الحارس يجيب صينية مشاوي وصمون حار وتقريبا ساعه 

وجاب الطلب دگيت الباب عليها وفتحته وحاجيتها 

:: تعاي اتعشي اكو هواي امور لازم نحجي بيها

سديت الباب عليها ورحت للمطبخ خدرت الچاي وجبت كوبين شفتها طلعت وصلت يم الطاوله حاچيتها وانا ااشر 

ع الكرسي :: هالمره اتكعدين تاكلين حتى نتفاهم 

گعدت وسالتني بنفس نبرة الحزن = على شنو نتفاهم 

صار كلبي يدك اتثاوبت :: اكلي واخذي العلاج وبعدها نحچي

صرت اكل وما اباوع الها كملت ورحت اغسل وبعدها رجعت صبيت كوب جاي ورحت كعدت ع القنفه وهي 

هم كامت ما اعرف شبعت او بعدهي صرت ادخن وهي دخلت الغرفتها سرعان ما اجت وجابت الهويه مالتي 

اخذتها منها وهي بقت واكفه سالتني 

= يعني 

  ::شنو ؟

=منو انت ؟

:: ليش ما قريتي هويتي ؟

    =بلي قريتها 

:: وشنو استنتجتي 

=اريد اعرف كل شي منك

::اخذتي علاج ؟

ما ردت عليه رجعت سالتها :: سالتج اخذتي علاج ؟

  جاوبتني بعصبيه =ما عليك 

  :: لا عليه 

  =لويش ؟

:: لان انتي محسوبه عليه 

= شنو صفتك بالنسبه الي 

اتنفست بعمق :: روحي اخذي علاجج ونامي

اتمددت ع القنفه ودرت وجهي حسيت بيها قريبه مني حاجتني =. اريد اخويه علي 

جاوبتها بدون ما اباوع :: وبعد عندج اوامر ثانيه 

= اريدك تفهمني 

كعدت ::شتردين تفتهمين 

= شنو يعني اني محسوبه عليك 

::مو كلت روحي نامي 

=تتصور اكدر انام 

:: يعني انتي من اجينه ما نمتي 

هزت راسها بالنفي 

::ليش ؟

=تسالني ليش 

::اخذتي العلاج 

    ردت بعصبيه ::ما اريد اتسمم 

    ::روحي اخذي الطبيب اكد تاخذينه 

      اتنفست = وتكعد تحجيلي 

ما جاوبتها هسه =انت الي سكتت اني هروح اخذ العلاج واجي تسولفلي كل شي كل شي

دخلت للغرفه وانا غطيت وجهي بالبطانيه حتى من تجي تشوفني نايم لكن الي حصل اجت وخرت الغطا وهي اتكلي 

=اكعد سولفلي عاصف 

باوعت الها وحاجيتها بعتب ::اول مره تسميني عاصف 

   ما جاوبتني كعدت دخنت جكاره هي استردفت = اريد اسمع 

  :: شنو 

  = كل شي 

:: واذا ما احجي

باوعتلي بعتب ضميت شفتي واتنفست وانا رافع وجهي ليفوك واتنفس عبالك مقطوع عني الهوى 

حاجتني = مو كل شويه اتگلي روحي ارتاحي تريدني ارتاح احچيلي 

اتنفست :: اااخ 

باوعت الها شفتها حزينه وذبلانه وخايفه دخنت جكاره نفخت الدخان وظلييت انفخ بحلگي لان ما اعرف منين ابدي 

:: لازم تعرفين كل هذا الي احنه بي والي انتي بي والي صار الامج والي كلب كيانه سببه ابوج 

  عقجت وجهه = ابويه ؟

هزيت راسي :: اي سعدي 

صارت تباوع الي سالتها :: بعدج تردين تعرفين 

هزت راسها = واكثرمن قبل اريد اعرف كل شي

   ::ليش ؟

  =لان بين لحظه والثانيه اكتشف لغز جديد لازم اعرفه 

::مصره 

=اكثر من اي وقت 

::تمام دامج مصره وتردين اتعرفين كل شي لازم بالاول نعقد حتى احميج 

  رفعت راسها باستغراب والخوف مبين على وجهها. = شنو نعقد 

  ::لا تغشمين نفسج اعقد عليج 

   ردت بخووف وتوتر = ات شجاي تحچي ؟

   طفييت الجگاره :: الي سمعتي واليوم وبعد العقد نكعد وشنو تردين تعرفينه راح اتعرفينه 

  =ومنو يكول من تعقد عليه راح كل شي تحجيلي 

  :: انا ؟ 

  ردت باستهزاء = انت 

  :: اي انا 

حركت ايدها واتنفست بعمق = ياما وعدتني وما سويتلي شي فما اصدك من نعقد راح تحجيلي 

  :: ما عندج خيار لازم اتصدكيني

= احلف 

باوعت الها هي ردت = گول وروح بدر وداعت بيبي تحجيلي كل شي 

::خو حلفيني بداعتج 

= لا تستهزا بيه لان اعرف بدر يعنيلك شي كبير بالنسبه الك 

هزيت راسي واتنفست :: صحيح بدر يعنيلي بس يكون بمعلومج من اعقد عليج انتي راح تكونين رقم واحد بحياتي لان 

راح تشيلين اسمي

///////...//////...//////...//////

وجدان 

ما اسولف الكم على خذلاني من سكوت احسان وخوفه من امه واني الي بنيت احلام وگلت خلص الدنيا يمكن 

ضحكت الي اخيرا احسان ابن جيرانه الي ربينه سوا والي من انا زغيره اشوف نظراته واحس بي يراقبني ومن 

صار الي صار واخذوني البيت جدي اتعايشت ويه الحياة الجديده يمكن حتى ما اجه على بالي ولا اتذكرته صحيح 

داىما اشتاق الخاله خوله والمنار لكن هو ما طرى على بالي

من شفت اهتمامه بيه. وشلون انقهر من عرف الي صار وياي ما انسى وكفته وياي ومساعدته الي كل هذا الشي 

خلا يكبر بعيني ومن طلبني للزواج ما اكذب عليكم فرحت لان هو اعرف بحالي وهماتين يعرف بظروفي واخوتي 

علي وهشام وقررت اوافق لان احسان ما بي شي يتعيب خوصا وهو ابن خاله خوله لكن وبصراحه خفت لا بها

يحچي وااحسان يصدگه

هنا اتوقفت لحظه للتفكير واتذكرت عمو عاصف من اجيت البيت جدي ومهدي صار يحجي ويسب بابويه وهشام 

لمن صار يعيط عليه وزعلت من عاصف بوقتها كلي صيري سباعيه واخذي حقج ولاتنطيين لزمه على نفسج 

وهذا الكلام دائما يردده لذلك كلت اذا حجى عليه بهاء راح انكر واگول لان انهزمت منه وانجبر يطلگني 

ذب عليه هاي التهيمه 

اهنا اني عرفت انو اني ابد ما حبيته البهاء ولا يعنيلي شي بالعكس كرهته واحتقرته من السوا اليه

اتفاجآت بجية خاله خوله وياها منار يمكن الارض ما وسعتني من الفرح حسيت انولدت من جديد وخصوصا وهي 

حضنتني وصارت تبوس بيه وشفتها فرحانه هواي انو احسان يريدني بوقتها حسيت الدنيا كلها تحبني 

ما احجيلكم شكد خجلت واني اسمع خاله وهي بس تتمنى انو اكون من نصيب ابنها

وفجاه اندك الباب وشفت عاصف بلحظتها صحيح خفت من نظرته المخيفه كنت مستعده اواجهه واوافق على احسان 

   لكن المفاجآه اهنا انو كل كلام خاله خوله اليه قبل لايجي عمو كان عباره عن مهدئ ولاول مره اشوف وجه خاله 

الحقيقي وهي تسمعني كلام مثل السم وبنفس الوقت اشوف ضعف شخصية احسان الي ما حاول ايواجه امه 

ولايدافع عني

وهنا اتدخل عاصف وحفظ كرامتي وكف بكل هدوىه وشخصيته الرزينه وفهمها الخوله وابنها انو احنه الي ما نقبل باابنها 

وكال الكلمه الي ردت احجيها بس بغير صيغه هو كال 

انطي وجدان الاي احد يتقدم الها بس الك لا يا احسان لان انت جبان 

بعدها اخذني وركبت ويا بالسياره بعد ان شمر النقال على احسان

كنت كلش متخوفه من ردة فعله وكل ظني عبالي ياخذني للناصريه هناك بسلفهم واكيد راح يقتلني وسكوته دليل على 

انه متحلف بيه وبعد ماكو احد ممكن ينقذني منه ولا حتى بيبي لان من تعرف الصار اكيد ما راح تعذرني 

ولو فرضا دافعت عني وحامتلي اكيد محد راح يسمعها خصوصا مهدي هو وزوجته يتمنون يخلصون مني وعلى اهون سبب

خوفني هواي سكوت عاصف الي بقى يسوق وهو ساكت ويدخن الى ان وصل يم اسواق نزل وعافني بالسياره قفلها 

واني بداخلها واخذ السويج غاب فتره 

ورجع بايده علاليك وساق السياره مسافه كلش قليله وكف ونزل يم عماره فتحلي الباب وهو مشى واني ورا 

بالدور الاول فتح باب باب شقه دخلنه بيها وگلي بدون ما يباوع الوجهي اتگعدين ايهنا ما تطلعين تنامين بذيج الغرفه 

قفل عليه الباب وطلع 

عرفت بي زعلان وبقيت بالشقه الي متكونه من غرفتين وصاله ومطبخ وصحيات 

وصار وقتي بالشقه مره بالغرفه مره بالصاله اتفرج ع التلفزيون

اول ما دخلت للغرفه الي اشرلي عليها عاصف بعد ما راح شفت بيها كنتور بابين وميز تواليت وبيها جربايه لاهي ام 

نفر ولا هي ام نفرين الفراش جديد وبيها حمام داخلي الشقه نظيفه يعني اكو احد ساكنها 

     بقيت بيها ومن رحت للغرفه الثانيه لكيتها مقفوله

راح غاب يومين وبعدها جاب علي وبيبي واجه ونفس الشي لا يحچي وياي ولا يباوع بوجهي 

وبيبي الي رفضت اسلم عليها ورزلتني وبعدها ما صارت تحجي وياي 

لكن فرحتي بوجود علي نساني زعل بيبي وعمو عاصف واجت المحاميه وهي جايبه جنطة الملابس وحجت 

ويه عمو عاصف واتاسفت وعرفت انو عمو عاصف دافع الها اتعابها وهو. الي جايب الملابس 

كبر بعيني يعني رغم الشي الغلط الي سويته بس ما حب ان اكون مديونه الاحد يعني دافع اتعابها ومنطيها 

فلوس كعدتي بالمشتمل والاكل والشرب

قررت اصالح بيبي وبعدها اخليها اتصالحني ويه عمو وحجيت ويه نفسي لازم اتقبل كل شي يصدر منهم 

كل ردة فعل وكل كلام حتى لو جارح وفعلا صالحتها وحظنتها وصرت ابوسها واعتذر منها ورغم هي قبلت 

اعتذاري بس بقت معاملتها الي ابرود 

اما عمو عاصف فبقى زعلان وما يحچي وياي

وعرفت انو زعله مو مثل كل مره يعني ما يصالحني لذلك ارتايت من يكون موجود ما اطلع وابقى بالغرفه 

ويوميه العصر ايطلعون ما يرجعون اله بالليل وعاصف يجيب اكل جاهز غدا وعشا 

حتى مره سمعت بيبي اتگله جيب مسواك واحنه نطبخ سالها :: يمه انتي تطبخين 

جاوبته // لا ما بيه حيل اوكف ع الطباخ وجدان تط ...

قاطعها :: حجيه خليها تطبخلج الج والعلاوي انا اكل بره 

- - لا عليمن جيب من المطعم وناكل كلنه

واستمرينه بهذا وضعنه الى ان بليله حضرت الهم العشا همه اتعشو وانا رحت اكل بالمطبخ وبعدها بيبي اجت واخذت 

الجاي وكانت تتعمد تتاخر حتى اتوهمه انو هي الي تخدره رحت للغرفه وهمه كاعدين بالصاله واندك الباب 

عاصف فتحه وكانت المفاجآه 

عمو مهدي وعمو كريم وبهاء وعمه رجاء اجو وصار شد وجذب بالكلام وحتى تهديد الى ان فجر عاصف القنبله 

والي بوقتها قتلتني وخلتني انهار وهي انو هو عقد عليه واني صرت زوجته

والفاجآني اكثر سكوتهم وتقبلهم للامر زين شلون يصير هو عمي شلون 

حسيت اختنكت وگلبي صار يدك وعيوني غوشن صرت احرك باايديه لان الهوى انقطع عني 

اتذكر كلمه گلتها هذا الشي حرام ما دريت بنفسي اله وانا بالمستشفى والكانوله بايدي صحيت ما اعرف بيش الساعه 

باوعت شفت بيبي يمي متمدده ع السرير الثاني حاولت ان اخليها نايمه وما اطلع صوت لكن هي بس شافتني فتحت عيوني 

اجت يمي يعني ما كانت نايمه 

اني تلقائيا درت وجهي عنها حاچتني

- - - ها هسه انتي دايره وجهج عني حكج ياجده انتي بعدج كل شي ما تعرفين انا اكدر كل شي احجيلج بس لا اسمعي 

من ابو الانا من عاصف من شالج وجابج للمستشفى الهسه واكف على رجلينه اباب هاي الحجره وبس يسحك جكاير 

يمكن ماي ما خلى بحلكه عاصف الحارب الدنيا كلها اعلى مودج ويجوز يخسر بيته واخوته وعزوته الخاطرج 

لاتحكمين بشي ما تعرفينه اله اتوكدين

رديت عليها بتعب = انتي احجيلي 

- - - لا خلي هو يحچيلج وافتهمي منه 

= ما اريد اشوفه اكرهه

- - حتى لو جده حتى لو اتكرهينه اسمعي وانوب انتي بكيفج محد ايجبرج على شي بس شي واحد لازم اتعرفينه 

عاصف هو صاحب فضل علينه كلنه وحتى عليج

انفجرت بالبچي حسيت اني بحاجه الابويه اريد احضنه اريد انسند علي حتى ما فكرت بحاجتي الهشام بكد ما ردت ابويه 

صرت احجي بعتب واني ابچي = ياريتك يابابا موجود كان وكفت عاصف ومهدي وكلهم عد حدهم من كان ابويه 

عايش الكل حاسبله الف حساب محد اجانه او وطد علاقته بينه لعد شكد كان مخوفهم اووف يابا لو تدري 

شكد محتاجتك شكد اريدك لو تعرف شنو صار بيه وشنو شفت من مصايب 

= ياريتك موجود كان وگفته الهذا الحقير عاصف عد حده بس اله اشتكي علي اله اخلي يعفن بالسجن الكلب الناقص 

عديم المروءه

بيبي ردت باستهزاء // اطيج النقال تخابرين المحاميه تجييب الشرطه يجون ايسجنونه 

استغربت من كلامها باوعت الها // شلون انتي تصلين وتصومين وتروحين للزياره وانتي ما تعرفين الحلال من الحرام 

كلكم حقراء وما تخافون الله

بيبي ردت بعتب // نعم الله عليج يجيني اكثر گالتها نهاد كل شي ما نحصل منج بس النكران حالج من حال ابوج 

وصدك طلع كلامها بس ياريت من تحجيين ويه عاصف تنشدينه امج شرادت منه وليش كسر شبابه كل 

هاي السنين عليش يركض وما ملحك 

هاي مجازاته كبح ويه الكل الخاطرج خوش جازيتي ترديلج ابو. انهجم بيتج ترا هو مهجوم من زمان 

  ( عوجت حلكها تعيب عليه ) ( بابا تعال ) خيبه اشفتي من بابا شحصلتي وتردينه هسه 

  ( تحرك بديها ) صدك لو گال المثل ربي اچليبك ياكلك

طلعت حسيت بنظرتها وحتى طلعتها استهزاء اوشماته وقررت بس تجي الممرضه او الطبيب اسولف الهم واخليهم 

يساعدوني ويتصلون بالشرطه واشتكي عليهم كلهم حتى على كريم وقررت من الشرطه تلقي القبض عليهم 

ياخذون تعهد عليهم واخذ اخويه وادور على شغل ويه راتب ابويه واعتمد على نفسي على ما يطلع هشام لو 

اضطر اخذ علي واروح الاهل ماما بالبصره

انفتح الباب شفته عاصف صارت عيني بعينه والي ما اوصف حقدي وكرهي اله دخل وباوعلي واني درت وجهي 

قررت ما آتي باي رد فعل لان اعرفه يكدر يسوي كل شي فقررت اسكت على ما يجي طبيب او ممرض او اي احد 

واطلب منه المساعده حسيت بي قريب من الجربايه بلحظتها صرت ارجف وردت اتقيا هو كل الي سوا انطاني هويته 

خلاها كدامي وگلي :: اقريها زين وبعدين نحچي

طلع وطبك الباب ورا بقوه حتى اتقزز. ما الزم الهويه بايدي لان هو لازمها لكن جبرت نفسي وانا اردد

= شبيها الهويه بس لا تطلع ابن عمي الفاقد الذاكره وهسه رجعتلك 

اخذت الهويه وكانت المفاجآه من لزمتها واني ارجف احسها مو نظيفه شفت صورته وقريت اسمه

عاصف فيصل چاسب 

اسم الام وضحه غايض 

صرت اساءل نفسي = يعني شنو 

= يعني مو اخو ابويه 

گعدت ولازمه الهويه بايدي واباوع للصوره = اي صورته لا هاي الهويه مزوره اني بعمري ما سمعت باسم فيصل 

لعبه جديده وقذره لو شنو 

= شنو ؟

= يعني ما معقوله يكذبون بيبي تكذب هو بعدين مهدي وبهاء وكريم بقو ساكتين محد لو فك حلكه وكله حرام او عيب 

يعني هو صدك مو عمي ولا اخو ابويه 

= بس معقوله كل هاي السنين محد حجى محد كال 

=. شيحجون اني اسمي عمو حاله حال مهدي وحال جابر وحال عمو كريم واني اساسا ما اسال ومعليه بيهم

لمت نفسي رغم اني معذوره وصرت انطي النفسي اعذار 

= هو مو كله ايسميني بابا واني اسمي عمو شلون طاوعه گلبه هالشكل يحچي 

= هو مو عمي طوول هاي السنين واني عبالي هووعمي اخو ابويه ولا بيوم احد كال هذا مو عمج مو ابن غازي 

=. كول شي بايده الفلوس والكاع والحلال الكل يهابه ويحسبله الف حساب معقوله معقوله الكل ما يعرف 

  =. لج انتي شكد غبيه مو مرته رجاء وبنته فرح 

= لا والحقير يريد يتزوج وحده بكد بته 

  = بس لازم اعرف كل هاي الالغاز

= يعني هو مو عمي مو اخو ابوي لعد اني اسمعه يصيح البيبي يمه وبيبي تحبه ازيد من روحها 

بقيت بذهولي وافكر = مو بيبي ما قبلت تحجي وگالت لازم اسمع منه هو وافهم منه كل شي 

= لعد شكد كان كلامي قاسي ومو بمحله خصوصا على بيبي وصدك مثل ما گالت لازم اسمعه وافهم كل شي منه

دك الباب سالني اذا اريد ابقى بالمستشفى ما بدر مني اي جواب هو خصمها كلي 

:: جهزي نفسج وخل نمشي 

رحت ويا ركبت وره كان الشي البي اني عباره عن صدمه وخوف وذهول لكن صوت بداخلي ايكلي 

= خافي من الناس كلها ولا تخافيين من عاصف

وصلنه للشقه الضحى وحضر الريوك واني ما كعدت ولا اتريكت ويا اكتفييت اخذت صمونه ورحت الغرفتي بقيت 

متوتره وافكر فتحت الباب بهدوء شفته نايم مبين هو البارحه ابد ما نايم رجعت الغرفتي بعد ان صبيتلي كوب چاي 

وبقيت كاعده القريب المغرب سمعته وهو ايكح ويگول ::ياالله

رحت اتوضييت وصليت وكلام بيبي يدور براسي امي شوصته وشطلبت منه 

سمعت الباب اندك صرت اترقب بخوف منو الي اجه بعدها بدقايق دك الباب وطلب مني اجي اتعشا حتى اخذ علاجي 

اجيت وگعدت وصرت اكل وهو ياكل ومدنك ما يريد ايباوعلي ياترى خجل من الشي الي سوا لو تانيب للضمير 

كملت وصبيتلي كوب جاي وبعدها گلي :: روحي اخذي علاجج ونامي 

    رديت بعصبيه = ما عليك بيه 

  :: شلون ما عليه بيج انتي محسوبه عليه 

    = اي واني اريد اسمع 

    :: شتسمعيين 

        احرك بايدي على شكل دائره = كل شي 

   اتنفس بعمق :: روحي اخذي علاجج بعدين نحچي 

  = هسه عاصف رايحه اخذ علاجي واجي 

رحت بسرعه واني احجي ويه نفسي = شنو هالمتاهه الي اني بيها الي كل شويه اتيه بسالفه شكل 

اجيت للصاله شفته نايم ومغطي وجهه بالبطانيه شلتها عن وجهه هو كعد يعني ما نايم 

  :: شتردين تعرفين 

= كل شي 

:: قريتي اسمي 

هزت راسها = عاصف فيصل چاسب

  :: وابوج اسمه سعدي غازي چاسب يعني انا ابن عم ابوج 

  = بس ولا بيوم احد گال عنك انت مو ابن غازي ودائما تسمي بيبي يمه 

  :: هو هذا الشي صحيح وانتي ما سالتي 

  = ما احب اتدخل 

  :: ادري (رفع حواجبه ) وهم تدرين انا احل عليج

ارتبكت وبلعت ريكي ما رديت هو گال :: ها شو سكتي 

      جاوبت بخجل = بس هذا الشي تريد اتفهمني بي 

  :: شتردين تعرفين 

   = كلت الك اريد اعرف كل شي 

  :: نعقد بالاول 

      حجيت بعتب = ليش اني كل عمري اشوفك عمو وانت دائما تسميني بابا 

اتنفس بعمق :: ولا زلت بس للامان اعقد عليج 

  = ليش 

:: اخاف عليج 

  =منين ؟

  نفخ الدخان :: من كل شي من بهاء هذا مسودن ممكن هسه يدخل علينه ويجيب الشرطه ويطالبوني بالعقد وراح 

يجبرج اترجعيله من مهدي الخايف من بهاء يرجعج وهسه خاله واحد اثنين جوه ابطه حتى ايزوجه الج 

وطبعا البركه بنهوده 

سكت وصار يتحسر ويدخن سالته = وبعد 

  :: شنو 

  = منين خايف ؟

نفخ الدخان وكلي :: تردين تعرفين منين اخاف خلي اگلج اخاف عليج من نفسي لان انا احل عليج وما يصير وجودنا 

ابيت ابحدنا ما يجوز 

حاچيته بعتب =. انت عمو شلون اتطاوعك نفسك 

  رد بحده :: انا مو عمج ولو جنت عمج اخو ابوج جان شفتي شسويت انا احل عليج وانتي بكيفج 

   = اشتكي عليهم 

   عكف حواجبه :: عليمن تشتكين ؟

    = مهدي وبهاء 

   :: تتصورين يخلونج تشتكيين 

  = شتقصد ؟

:: اقصد مهدي بدل الشهود يجيب -ميه -الف - انو هو ما اله دخل بيج وانا المسوول عنج وحتى ما يدري بيج مطلكه 

ولا يعرف بمكانج وبالتالي ايحقج وحتى ممكن يسجني لان معيشج ابيتي وبهاء انتي تعرفينه 

  = داليا موجوده وتشهد وياي 

  ابتسم :: اول وحده راح تبتعد عنج داليا بعد الي صار 

     حركت ايدي = شنو الي صار ؟

  :: داليا محاميه لزمت قضيه واخذت اتعاب وانتهى دورها

  = يعني انت الي انطيتها الاتعاب حتى اني اتطلك 

هز راسه :: وانا الي طلبت منها تبقيج يمها حد ما تنتهي العده 

  = لويش ؟

  :: حتى احافظ عليج وما انطي لا البهاء ولا المهدي مجال يلكونج وكل واحد يفتي بكيفه 

   هزيت راسي = اي هذا هو نخلي داليا تشتكي عليهم وتاخذ عليهم تعهد وتكون بنفس الوكت شاهده 

  :: هاي موجوده بااحلامج شنو ناسيه داليا بت عم احسان 

   = وهذا شنو بالموضوع 

   :: نعال مكطع على راسه وراس الخلفته بس هسه اكيد ام احسان وابو احسان شرطو عليها تبتعد فااكرم الج تنسيين داليا

   =. لعد سولفلي 

    :: مو قبل ما نعقد 

  = شي بسيط مقدمه حتى اقنع 

   :: روحي اخذي علاجج ونامي 

     هزيت راسي = ما انام اريد اعرف كل شي

ابتسم وهز راسه :: اسالي وانا اجاوب 

  = انت منو وليش گتلي انو كل هذا البي احنه سببه ابوي 

  :: شتردين تعرفين ؟

   = انت ؟

   :: انا 

  = بلي انت منو ليش كل شي بيدك وكلهم يخافون منك ويحسبولك الف حساب وانت ما تحب بس بيبي حتى بتك ما تحبها

:: مثل ما كلتيها اول مره تتذكرين كلامج ؟

    =. ياكلام ؟ 

    :: بالبستان 

عكفت وجهي =. ما اتذكر 

    حركت ركبتي وخزرتها :: اذكرج (انا شرير ) 

  اتنفست بحنق واهز براسي = واني لا يمكن ارتبط بواحد شرير 

   هز راسه وعاض شفته :: ما بقى گدامي اله اوديج البيت مهدي 

   = اتهدد ؟

  هز راسه :: لا ما اهدد بس العرف والدين هيج يكول

   = يكول تتزوج وحده ما تريدك 

:: ما كدامج خيار 

حاولت استعطفه =. بس اني ما اشوفك اله عمو 

   نفخ الدخان :: راح بس نعقد 

   استوقفني كلامه = شلون يعني ؟

  :: نعقد بس كدام الناس 

= هزيت راسي =. ما اصدك 

:: يجوز انا جذاب بس مضطره تصدگين

     استعطفته = وعد عمو ؟

    هز راسه :: وعد ولازم هم گدام الناس تنسيين كلمة عمو 

    = ياما وعدت وما سويت شي

  لم حلكه واتنفس :: وانتي ما بيدج اي شي يااما نعقد ونكص السان اي واحد يحجي يااما ترجعين البيت مهدي 

وهناك تواجهين مصيرج يجوز ما راح ايكتلج لان يدري بيه شسوي بس من يطيج الاي احد 

  و انا بهاي الحاله ماافك حلكي وانتي تواجهين مصيرج الوحدج 

جاوبته باستهزاء= وانت يمته فاك حلكك اشو تشوفه بعينك وتسمعه بااذنك يحجي ويسب بيه وانت ساكت بس تشويلهم سمج 

ابتسم وهز راسه ورد بعدم مبالاة :: بعد انا جبان وهذا قدرج يااما ترتبطين بيه او هسه اخابر كريم يجيب امي ويرجعج 

وياها انتي واخوج بس هالمره ترجعيين البيت مهدي مو البيتي وهناك هو بكيفه شيسوي يسوي الراي الج ما اضغط عليج