رواية نارا حيدره الفصل الخامس والأربعون بقلم نمارق رحيم
٤٥_________٤٦
رواية : ناراحيدرة
//// بقلم نمارق رحيم////
#بارت_45
-كَيفَ اَرسِلْ لَكَ دَقاتُ قَلبي
حَتّيٰ تُصَدِقْ اِنّي لا اَبرَعُ في نِسيانَكْ؟ .
- نزار قباني
⭐⭐⭐⭐⭐⭐⭐⭐⭐⭐
حسن :- گول والله احلف ؟؟،صدك تحچي يعني من كل عقلك و كلبك،
عليك الحسين
- اي اعقد عليها، بس علئ كيفك جر نفس اهدأ بالهدوء بويه كلمة كلمة..
اجاا، باس راسي وكعد خلا رجلية بحضني ورفع راسة، وايدة وره ظهري .
- بالعباس اروحلها مشي واسويلها عرس ماصار ببغداد كله، اجيبلها مشية كلها ضباط وشيوخ، يمتئ العقد باجر لو عگبه ؟
ضربته علئ راسة ودفعته، :- مو چنك تحمست اهواي ومستعجل، هاا بوية مخلي عينك عليها وانا اخوك
- يابة شجاي تحچي غير احبها اول ماشفتها، خاصتاً من صارت سالفة وطلعت بنت عمي غير عشگتها،
بس هيه مدري شلونها لاتباوعلي ولاا مهتمه الية عود احنة باعتبار ولد عم واصدقاء عشتوو اسحل نفسي سحل يلاا عود تكلف نفسها و تگلي حساني
- ايا حمار ياخايس من يمته هلحچي ليش ساكت ماحچيتلي، من يمته صاير تضم عليه ؟
- والله انت چنت عندك هم ناردين ومحتار بيها وكل يوم مصيبة ومشكلة جديدة ومشغول،
دور اكلك رايد اتزوج اختها شيصير بيك يمكن تنتحر بسببي
- لاا غلطان بلحضتها طلقة براسك والنجف متانيتك .
- والنعم .
- يعني هسه هذا الموضوع منتهي منه، لان انت بالاصل تريدها وموافق وما غاصبك عليها
- وربك اعشگها بس ۿيه غير تحس،
مو عطب گلبي وهيه حسااااني انت اخ و صديق حساااني انت احلئ صديق
ابتسمت :- تحس تحس وهيه الممنونه اخو حيدرة ما ينرفض وخاصتاً بالحــب.
- اويلي عليك يابه هو انت منين اكو منك اثنين،،
بس گول يمته الخطوبة ؟
حتئ اتصل علئ رويد يحجزلي يم ابو جبار الحلاق
- لاا تستعجل علئ رزقك بعد وكت ان شاءالله هاي الايام بس ارتب وضعي .
- اي هسه رايح انام وحيل فرحان والحمزة احبك ياولد اگلك صدگ قبل شوي گلت سالار ما طلگ طيبة ما فهمت وضحلي ؟؟
هزيت راسي وبديت اسولفله..
Back to the past, a few months ago
"العودة إلى الماضي، قبل اشهر قليلة"
( يوم الطلاق )
.. طلع من الغرفة اخذها حسن وهي تصرخ
-سالار انا طلگتها فعلاً !
سالار :- صدك تحچي ! لعد مو اتفقنا ما انطلگ لكن نلتحق إلى اربيل !
-لا ما گدرت ، انت خليك امثل عليهم انو طلگت طيبة بس انا حقيقةً طلگتها وعندي اسباب ثانية تجبرني على هذا القرار الصعب رايدها ترتاح لمدة زمنية بس مصير ناري ترجع اليه..
....
Back to the present
" العودة إلى الحاضر "
سالار :- شلونچ يروحي
طيبة :- فكرت فعلاً طلگتني وهان عليك حُبنا سالاري
-شلون يهون عليه حياتي انتي ! إن شاءالله بعد كم يوم للعرس اتفقنا اني وحيدرة يصير عرسنا اني وحسن بنفس التاريخ
-شنوو انت وحسن؟ بنفس اليوم!
-اي حبيبي
-منو رح يتزوجها حسن ؟؟
ضحكت وجاوبتها.. علمي علمچ ما ادري بس حيدرة يعرف اسألي..
-اها تمام ، العرس في بغداد مو؟..
-لا..
-چا وين ؟
-تعرفين عن قريب ، خليها مفاجئة .
....
في منزل رائد | عصراً
نور :- وخر مني حقير
بقى يضحك عليه تالي غمزلي وگال..گاعد عاقل ما مسوي شيء وداعتچ انا رجال فقير
- بطني داتأذيني رائد !
-افا صدك تحچين ماسويت شيء ولحسين فقير
-اخذني للمستشفى هسه يارربي ما داتحمل الألم كله بسببك وبسبب سخافتك ما تگعد راحة دائماً
-تعالي گومي بدلي السالفة صارت جديات هو اني من يوم يومي فگر حتى بهاي ما تهنيت
بدلت وطلعنه رحنة للدكتورة النسائية..
فحصتني وابتسمت گالت :- ماماتي لازم تسويين تحليل حمل .
شهگت :- عزززه لييش؟
ضحكت :- غير نتأكد ياحبيبتي يلا گومي .
سوتلي تحليل وطلعت من غرفتها كعدت بره خايفة لحدما صاحت بأسمي ..دخلت ودخل رائد وياي..
الدكتورة :- الف مبروك انتي حامل
صحت :- صخام الصخمك يارائد
تفاجئت وضليت صافنة ورائد طار من الفرح اتأكد حامل صدگ وشالني للسيارة وهو يدگ هورنات وكل شوي يصوفر ويگول.. يا بووويه ياا يااابه رح اصير اب يا فرحتك يارويد
-اني ما فرحانة..
كرصني من خدودي وهو يسوق.. ليش حبيبي
-ما اعرف احس بعد وقت..
-لا تحسين انا وياچ لا تخافين اثنينا نشيل المسؤولية ولچ تخيلي يصير ببطنچ نونو يشبهني..
-اذا يشبهك ما اريده..
ضحك وضحكت على ضحكته.. كل كلامي كان شقه بداخلي هواي فرحانه ما مصدگه رح اصير ام.. وداني للمطعم تغدينة ورجعنه للشقة گال بشري خواتچ خلي يشاركونا الفرحة الكبيرة ..
گليلهم رائد يضرب اهداف ممتازة من اول مرة وحبلتچ هههههههههه.
- شكد گلاوچي ..
... ضحكت وياا
دگيت علئ ناردين،
ردت :- الــو
- رائد حامل
- شنوووو
ضربني علئ راسي ،،وهمس ثوول
- اقصد اني حاامل
بقت تهلهل طرشتني ونوب هيه شلون عليها هلهوله تفزع الميت،
ناردين :- صدك والله مبرووك مبرووك عمري فدوة للي رح تصير ام ولكم تعالو للبيت احنا اجينه لبغداد..
-صدگ يمتى اجيتوا
-اي حبيبتي اجينا امس الصبح تعالوا يلاا..
-ماشي لعد جايين بيت منو گاعدين حالياً..
-بيت حيدرة..
-اها..
ناردين
اجت نور وكلش فرحنا الها ورائد بقى يهوس بالصالة طاير من الفرح راح جاب كيك جاهز وعصاير واجه .. بقينا لليل نسولف كلنا كاعدين اكلها واخيرًا رح يتحقق حلم طفولتي واصير خالة
ورائد يرد عليه يگلي :- غير بفضلي وبفضل اهدافي
واني اخرب ضحك وهي تصير حمرة من المستحة كدام حيدرة وحسن .
سالار من سمع بالخبر، يگلة عفية رايدة ولد
ورائد يرد عليه، :- لاتخاف اذا بنية اسوي هدف ثاني واجيب ولد تدلل صدك جذب
ضلينه نضحك وتالي اخذها وراحو بليل بقينا يومين بيت حيدرة، معاملة طيبة تغيرت واختلفت صارت تصرف طبيعي ورجعت مثل قبل!
وبيوم من الايام چنه كاعدين الصبح بغرفتها نلم بالملابس ونعزل بالكنتور نساعدها اني ونبراس
تذكرت شي چان على بالي ودائماً انساه لكيتها فرصة اسألها وترضي فضولي فاسئلتها وهيه تمسح اخشاب الغرفة..
-صدك طيبة سؤال محيرني عادي احچي
- اي حبيبتي اسألي..
-انتي چنتي ما تحچين وي خالتي الله يرحمها ابداً ومن ماتت صرتي تلومين بنفسج ومتندمة فچنت محتارة ليش چنتي متزاعلة وياها رغم تحبينها..
-الله يرحمها.. تلگين الجواب عند حيدرة
-حيدرا ! ليش مو انتي..
تنهدت وجاوبتني.. احسن هو يجاوبج..
بأثتاء حديثنا دخل حيدرة وشعره منكوش مبين توه كعد من النوم..
باوعلي وگال وهو يرجع خطواته ليورا.. هاا انتو هنا ما ادري والله عبالي بس طيبة موجودة
طيبة:- هلا حبيبي صباح الخير
-اي صباح النور حبيبتي محتاج اي شيء اشربه حتى اصحصح گهوة او چاي من ايدچ..
طيبة:- بس جاي امسح والله مشغولة ما اكدر حبيبي هسه ناردين تسوي..
باوعتلي وگالت ناردين اذا مابيها تعب عادي تسويله گهوة مُرة..
حيدرة:- لا لاا ما اريد اتعبها..
هزيت راسي بالقبول بعدما حسيت انحرجت عفت الي بيدي وطلعت دخلت للمطبخ ودخل وراي يغسل بوجهة واني طلعت دلة الگهوة..
حيدرة:- وعلي الشغل تعبني ما نايم من امس باقي للفجر عيوني راحن ماجاي اركز..
جاوبته بهدوء بدون ما اباوعله.. الله يساعدك
خليت كوب حليب وكهوة ومي بدون إضافة شكر هيج يحبها..
گلتله.. شسمه كملتها بس شغل الطباخ..
ضحك وكال.. بعدها فهاوتج جيبي بويه..
راح خلاها على النار دقايق فارت وكعد على الكرسي يشربها واني اغسل واضم الغراض..
انتبهلي اغسل وبالي مو يمي گال.. بحلگچ حچي احچي اسمعچ
جاوبته واني انشف ايديه.. صح شلون عرفت؟
- اقرا عيونج
-هاا مو حجي لكن سؤال جان يدور ببالي من زمان وسألت طيبة وكالت الجواب عندك..
-اي اسألي بويه اجاوبج من هالعيون..
-ليش جنتوا ما تحجون وي خالتي الله يرحمها شنو سر الموضوع وطبعاً إذا ما تحب تجاوبني براحتك تبقى خصوصياتكم بس فضول لا اكثر..
تحمحم وشرب شوي وخلاها على الطاولة وگال وعيونه بعيوني.. شيء صار بالماضي وانتهى وامي الله يرحمها ويغفر الها مو ضروري تعرفين..
-اها تمام بكيفك رايحة اني ..
-شنو يابه زعلتي ؟
وگفت بمكاني وجاوبته.. منو انت وازعل منك؟
گام من الكرسي وگال.. لا ناردين لحظة لا تگولين هيچ وعلي مقرر احجيلج كلشي وعد بس مو هسه انطيني صبر
-لكن ما يهمني حجيتلي او لا..
ظل صافن بوجهي تركته وطلعت.. وره الغدة اجا صديقة كعدوا بالصالة ظلوا يشتغلون تالي دخل حسن للبيت يمشي ويطگ اصبع
كلتلة.. ها خير
حسن :- تؤبريني يابنت
-شبيك احد گالب لهجتك؟
حسن :- ايه الحلاوه دي، ياحيلوا انت تؤبشيني
..ابتسمت عرفته شنو يقصد ظليت بالگوه كاتمة ضحكتي..
حسن :- وين اختوك تؤامك التشبهك وينيها ؟ الحليوا دي
- وينيها هههههه نبراس نايمة يمكن .
دخلت وهي تلم شعرها وگال..لا عيني گعدت وصباح الخير..
حسن :- يصباح الورد والفل والعسل يعسل تعالي يانبروش
ياجميلة النائمة يا فصعونة يا مخيفة يا مرعبة
راحت تفتح الحنفية المي وجاوبته..خير حساني بيك شيء من الصبح؟
-ياروح حساني ..
سمعته وشرگت بالمي.. ألتفتت عليه خزرته وهو طگها ضحكة..
دخل حيدرة وجره من قميصة بضحكة، وگال بصوت ناصي.. ساني ابو البلاوي لا تجفصها رحمة الوالديك
حسن :- شهل العيون الحلوة شهل السمار اليهد الحيل وهد حيلي كله،
صار ينزل غزل عود يقصد حيدرة، بس هو يباوع لنبراس..
حيدرة :- الحك يردون الملفات الي كملناها البارحة
-چاا انت ما وديتها؟
-لا نسيت جنت تعبان ورحت نمت..
طلع يركض وحيدرة يضحك مبين جذب عليه وطكه بوري بس علمود يروح ..
ثاني يوم الظهر دخل سالار كعد بالديوانية وكال لنبراس تصيحلي ماقبلت اروح لانو ضايجة منه تالي اجت طيبة سحلتني بالگوة دخلتني وكعدت يمه وهو رفع راسه وابتسم بقيت ساكتة مخنزرة
سالار :- زعلان الحلو شلون اراضي؟
اي يابة احنه اسفيين تدرين بيه جنت حيل معصب وما سيطرت على نفسي وانتي زودتيها وما سكتتي الرشاش
اسسسف واعتذر.. هاا تقبلين اعتذاري؟
-لااااا..
- مو اخت حلغومة يلاا ولج اخوج اني يكولون صياح الاخوان والعصبية الزايدة مثل الزبيب
- لاا مثل اكلان النعل
ضحك، :- يلاا بت الاوادم تعالي راسج الحلو ابوسه بس ارضي بعد اخوج،
سكتت تالي كلتله من وره خشمي، :- رضيت .
ابتسم :- متأكدة
-اي نوعاً ما
-يابه ادري بيج تردين هدية وجبتلج احلى هدية لعيونچ الحلوة
-صدك
- وعلي،، هسه اطلعها من السيارة
كام وطلع بره تالي اجاا ودخل لازم بيدة كارتون وهو يگول .. بس لا اختنكت
-عزه منوو؟؟
انطانياها فتحت الكارتون چان تطلع بزونة تجنن مدنفشه شفتها ونكزت فرحت بيها.. عزة فدوة رحت ونذر لأخوي
-هسه رجعنا اخوان الف الحمدلله
طلعتها خليتها بحضني..اوي عمري فدوة رحت لعيونج الزرقة
-الاكل وهاي احتياجاتها بسيارة حساني فد شوي ويجي
-تمااام..
كعدت اني ونبراس نلعب وياها وكعدنه بالمطبخ ابوس بيها كلش ناعمه وما تخرمش بقينه بالربع ساعه تالي كلت لنبراس ابقي يمها هسه اجي رايحة اشوف طيبة وينها
دورتها، ماكو تالي دخلت للصالة انصدمت من شفتها كاعدة بحضنه ومبتسمه تحچي وياا تالي باسها عطت بيهم وانتبهولي كامت منه وهو وگف..
سالار:- هاا ناردين..
-انت مو طلكتها !
-لحظة افهمج يابه!..
عفتهم وطلعت كلش ضجت من تصرفهم دخل حيدرة شاور سالار وهز راسه وتالي طلع كعدت بالمطبخ وهو اجا وسد الباب..
-شكو سديت الباب؟؟ افتحه واطلع..
حيدرة:- حاچيني شبيج منو الي مضوجج؟
-ماكوو مابيه شيييء..
- علمود طيبة وسالار ؟
- هاا يعني تدري گالك وعادي عندك موافق على الي صار ؟
-اي ليش لا اذا كاعد يمها وحلالة..
-شنوو حلاله؟ ترا صارلة شهور مطلكها نسيت انت لو ارجع اذكرك
ابتسم.. لا سالار ما طلگ طيبة
صفنت بوجهة.. شفتنه سود عبالك هنود؟ شنو ما طلك فهمني ما داستوعب كلامك..
حيدرة :- "سولفلتها"
ضليت صافنه بتفاجئ كل هل تخطيطات تصير واني ما ادري مثل الاطرش بالزفة! عجيب انتو ضباط لو شنو؟ شنو هالعقل الي عدكم..
ضحك.. اي وهسه عندچ مانع تگعد يمه؟
-تدري ما انصدم اذا طلعت ما مطلگني!
جر نفس وگال.. ها لا انا مطلكچ مو رميت عليج يمين الطلاگ و وقعتي على الاوراق؟
-صح لكن ما استبعد اذا يطلعن اوراق الطلاگ مزورة !
-لا اطمئني ما مزورة..
اخذ مشروب طاقة من الثلاجة وطلع عافني بدوامة الها اول ما الها اخر اتوقع كلشي منه بعد ما اگول شي مستحيل !
يمكن كلشي يطلع تمثيل!! حياته كلها غامضة يوم عن يوم الحقيقه دا تظهر وينكشف الكذب والاسرار المضمومة تنفضح..
بعد ايام استلم خفر بشغله وبعد ما شفته بس حسن نسأله يگول عنده مهمة صعبة ادعوله وعرفنا رايح إلى أنبار ..
شيسوي ما ندري بس كل الي نعرفه شغل ايام مرت وهو ما اجاا حتى حسن قلق عليه لان يتصل لكن مغلق! وماكو شبكة بالمنطقة الي بيها هو تالي الصبح چنه نايمين الساعة بـ7 اندگ الباب حيل قوي تفلش بحيث حسن طلع من غرفته مفزوع..
ولازم مسدسه بأيدة. وگالنه، ادخلن جوه بسرعة راح فتح الباب طلع رائد وحيدرة طلعنه احنه البنات، نريد نعرف شصاير
چان اشوف رائد بالزي العسكري، وحيدرة منتچي عليه ولازم بطنه كلها دم وايده كلها دم وحمره وكلش منتهي وحالته حالة
شهكت ولطمت علئ صدري من منظره رحت ركض اصرخ شبيك حـيدرا شصاير!!! يمه هاي انت متصـاووب!!!
رائد گال روحي ولچ مو وقت اسئلتچ نارديـن
چلبت بي ماقبلت اروح وطيبة تبچي ونبراس تلزم بيه تالي حسن زمخ بينه وعاط عيطه خلانا نطشر بسرعة رحنا ابتعدنا منهم بخوف ..
خلو بالصالة ورائد طلع ودخل هو ورجال يگول اله اتفضل دكتور دخلنه للمطبخ دقايق واجا حسن يركض..
كال بـ إستعجال بسرعة حمي سچينه على النار
وياها وصله حارة
-عزه شنو تريدون تكتلونه
خزرني بعيونه الحمر وصاح.. امشششششي بسرعه تحركن
انطته طيبة سجين و الوصله هو راح ظلينا ندعي واني ابجي وطيبة كاعدة تسبح وتصلي على محمد..
طيبة:- متعودين كل فترة ويتصاوب حتى جسمة اتعود لو يغدرونه لو تصير حرب بمشكلة ويتصاوب!
-عززه ياربي شنو هاي شدايصير!
-وازيد يختي نوب هو مامهتم عنده الطلقة
مثل بزة الابرة يگول متونس انا بالشغل
-ياا الحمدلله والشكر ربي!!
مرت اكثر من 3 ساعات، والدكتور طلع بس راح كلنه دخلنه للصالة متمدد بلا قميص بس بالبنطرون والخياط مبين اثرة ببطنه وبصدرة ورائد كاعد يسويله كمادات
شافني و ابتسم كعدت يمه لزمت ايده.. طلعووا الطلقة ؟؟
رائد :- لا بعدها داتسوي قاله باله
ضحكت وما اهتميت وسألته.. ها شلون صرت؟
حيدرة :- زين من شفتچ
رائد :- لعد اذا هي علاجك مايحتاج اسوي كمادات بعد اخوج ابقي يمه كاعدة
كال بصوت ثكيل.. اي جيــد
حسن: شلون صار هيج مو چنت انت ورائد بالانبار ؟..
- النغوله دگو بينه الناقصه وهجمو علينه من چنه راجعين علئ طريق بغداد
تصاوبت لأني فـگـر ورائد ما تصاوب..
ولا لاحه شيء لأنهُ عــــار .
رائد:- علئ الاقل اذا تموت اني اعيش..
ترضاها نموت سوه ؟..
- عــار مو بيدك
-بعدروحي ، طالع هسه كيد نور قلقانه لوحدها رايح وعود اذا فرغت اجيك العصر
- دروح الله ويــاك ما تقصر
طلع وحسن وطيبة طلعوا تالي نبراس راحت للمطبخ بقينه وحدنا التفتت عليه لزم ايدي وعصرها وكح..
-اي احچيلي شصار بيج من اختفيت
باوعتله صفح وگلتله.. ظليت اطلع بصورك وابجي
-وبعد ؟؟
-والطم واصيح بأسمك..
- ما تقصرين، رايد اطلب طلب
-شنو هو؟..
-حضنــچ
-هااا !
-الـ ها مالتج فاهية ، بس دقايق خلي راسج علئ صدري بسرعة اطيب وارتاح
-ما يجوز عيني..
-معليج هسه شمسويلچ بايسچ من شفايفج لو نايم وياج هو حضن لاتصيرين بخيلة
-حرام عيني..
-تتذكرين من حضنتيني بالعيادة؟ ها هذاك حلال؟
-جاي تبسمرني.. قبل چنت طايشة ما اعرف اتصرف ومحد علمني انو الحضن حرام
-نارديـن بشرفج تعالي
-ماكوو
- حضن اسلامي وعلي
- حيدرة انت طلگتني مايصير بعد
-تمام نعم الله عليج يلا رايد ارتاح صيحي لحسن يساعدني اصعد لغرفتي..
سكتت وكمت صحت لحسن اجاا لزمه وصعده فوك لغرفته ..ضليت صافنة وباقية بمكاني..
نبراس:- چنج متندمة لان ما حضنتي؟
-شنــووو
ضحكت..يا حمارة سمعتي حچينه؟
-ههههههه اي اشوف رومانسية ابن عمي وي اختي.. بس تردين الصدك هو مبين عليه يريدج فاا لعد ليش مايرجعج
-اني ما اريد ارجعله
-صدگتچ ههههههههه
-امشي ولي نبراس ..
لليل صعدتله عشه بس ما حچه وياي ولا اني حچيت شيء ثاني يوم گعد بالصالة مع العلم بعده جرحه ماطاب بس هم ماخلص وطلع الابتوب وكعد يشتغل ولا كأنو متصاوب امس
اجوي اصدقائة وعثمان بقئ يوم كامل عدنا والدكتور اجا مرتين علمود يشوفه وكتبله ادوية مر اسبوع ويريد يطلع وحسن ما يقبلما راضي يگوله مايصير جرحك بعده!
تالي اندگ الباب طيبة وحسن يم حيدرة كلت اني افتحه طلعت للكراج والباب بعده يندگ فتحته علئ النص ومديت راسي بدون ما اشوف وصحت.. منـوو ؟
اجاني صوت بنيه كالت بمياعه :- هاي اووووني
استغربت وفتحت الباب شفتها.. منو انـتي !؟
- اونتي الي منوو
- غير انتي الداگه الباب ؟
- هذا غير بويت حيـَدرة
- اي بيته
- هو موجود؟
- اي شنو تردين
- لعد ابتعدي خلي ادخول وخري حووبي
دفعتني ودخلت بكل جرأة استغربت هاي منوو وشنو تقرب لحيدرة رحت وراها اصيح بيها..
چان يطلع حسن شافها واتفاجئ :- هاي انتي ! ليش اجيتي ؟؟
- اوجيت اوشوف حيدرة گالوولي موريض.
اباوعلها نزعت كعبها وايدها لابسه الجنطة
صفح سودة رافعة شعرها وبنطرون بوري
وقمصلة فرو حمرة وطن مكياج طوووخ الي يشوفها يگول جايه لعرس..
دخلت وشافها حيدرة وفز.. يعني عاندتي واجـييتي ؟؟ مو خابرتج وكلت لاا تجــين!!
-لويش تصيح اووووي
-وسـمممم
- شسوي غير خوفت عليك وقلقوووت
سألت حسن .. منو هاي ؟ سكت باوعلي وما جاوبني كعدت علئ القنفه رجل على رجل وجنطتها بصفها
گالت بمياعة مقرفة.. اي شوون صرررت..
- لاتخبليني منين مااجيتي اطلعي گلتلچ لااااا تجيين لبيتي بت الاوادم..
- اوي شسالفة حيدورا هاي فوگ مااجيت اسئل عنك وچنت تعبانه من سفرتي لفرنسا
- وليااان !
- عيونها اي شوبيك ماتتحومل الكولمة
- احجي العندچ واطلعي بسرعة
وكفت يمه اباوعله باستغراب.. حيدرة وليان منو ؟
-ناردين روحي لغرفتچ
-وليان منوووو
-مايخصج ناردين روحي نريد نحجي بشغلة..
- بعد شنو ضام احچي؟
-ناررردين !
-اكررررهك
همستها وطلعت وعفتهم شافتني نبراس سألتني شبيج منو اجه ماجاوبتها ورحت لغرفة طيبة اهز برجلي واحاول اصبر..
عادي يابه وذا على شنو ابچي يولي حقير طز بي كل يوم وياا بنيه جديدة وبحجه شغل !
علئ شنو احبه؟ علئ شنو راضيه اهنا ابقى ببيته؟ وهو مطلگني ؟ خل يجي سالار بعد مابيه ابقى اسبوع لخ اهنا ارجع لاربيل احسن حتئ لو سالار مايقبل اقنعه حضنت البزونه وابچي وهيه تگول " مـيو "
اندگ الباب صرخت لااا ادخلين نبراااس
حيدرة :- انا عادي ادخل؟
باوعتله وگمت.. انت بالاخص حتى حچي
ما اريد اسمع منك ولا حرف واحد !
-على شنو معصبه مني
-اطلع برااا
-هذا بيتي وين اطلع؟
-ههه اي صح هذا بيتك ذكرتني رايحة اتصل على سالار رايده ارجع لاربيل
-ممنوع ماكو طلعه..
-منو انت وتحكمني لاتدخل بيه
-زين كل هذا سبب عصبيتج وليان؟
سمعت اسمها وانفجرت.. حيـدرا تعبـتتتتتتتت!! والـكووون وحـقق الله تعبـتتتتت!! رووووح عوووفنـييي!!
تقرب يمي ولزم ايديه.. دفعته.. نارديـن !! ماگدر اشوفچ تعبانة
-انت سبب تعبي..
-وليان ام رغد ترى !
سمعت كلامه وجمدت بمكاني.. گال لا تهتمين الها مجرد سلمتني اوراق وطلعت مو ابالي هي وترى متزوجة واحد تركي بسفرتها لتركيا..
-ههه عبالك مهتمة؟ اثنيكم ما تهموني..
ضحك.. ما يلوكلج العصبيه
-اااطلع برا كافي اريد انااام..
-من هالعيون بس اهدي..
طلع ورجعت للزاوية الي اعتدت ابجي بيها.. مرت ايام اكثر من هادئة وحيدرة رجع روتينه طبيعي رجع لشغله ويطلع البيت هدوء لانطلع
ولا شخص غريب يجي
بس نور اذا رائد يروح يسافر لو عنده خفاره تجي عدنه لان اول ايام حمله وتحتاج احد يداريها ماتكدر تبقى لوحدها بالشقة ..
الكل عرف سالار ماطلك طيبة،، وما ندري ليش مثل علينه وعلئ شنو ؟ بس الي نعرفه علمود شغله وهاهية ..
وطيبة تدري من زمان انو سالار ضابط لان هو صديق حسن وحتى نور بعد الزواج گالها رائد اني ضابط بالاستخبارات ..
علي الاقل مثل حظي تعلعلت وبقيت سنتين وياا يلاا گلي اني ضابط .
بيوم كاعدين العصر كالنه حسن امشن بدلن نطلع استغربنه شنو هلطلعه المفاجئة ما گلنا لا بدلنه علئ السريع اني ونبراس وطيبة
اتفاجئنه كلهم جايين، بالسيارة ..حيدرة و رائد ونور
كعدنه ورا وطول الطريق حسن يدك هورنات ويركص السيارة وفرحان ورائد يحمسه علئ ظهرة عود بالشقة بس من يمي يأذيني ظهري
وصلنه نزلنه مكان كله زرع مثل الحديقة، كعدنه مندري شنسوي راح رائد اتصل علئ مدري شنو
وصفت سيارة نزل منها ولد جايب الطلبية اكل خلاهن وراح ..
كاعدين علئ كراسي كبار بين الزرع خلا رائد الاكل علئ الطبله الكبيرة تصير طبك وياا الكراسي
جايب برياني و دولمة ودجاج شوي، وقواطي ببسي
همست لنور :- شنو المناسبة الطلعه ؟ ماتدرين رائد ماكلج ؟
ضحكت :- باوعي لحسن واعرفي
باوعتله مبتسم ويضحك ويباوع لنبراس ،رجعت صفنت باوعتله شو ماكو شيء ؟
نبراس :- اي عيني اليوم مدلعينه طلعه واكل وعزيمة وحبشكلات شنو المناسبه شعجب
..وضحك
اباوعلهم ساكتين و رائد بلگوة كاتم ضحكته، وحيدرة يهمس لحسن كملنه اكل لمينه السفرة والزاد خلينا بالسيارة ورحنا غسلنه..
اكوو عوائل جايه واطفال تلعب واجواء لطيفة.. كعدنه بالكاع ...
حيدرة متمدد وراسه بحضن رائد ولازم موبايلة ورائد داير وجهه يحجي وياا نور .. الجو بارد واني بسرعة استبرد قربت منه وسحبت الجاكيت مالته ولبستها بقى صافن بوجهي
-غير باردة عليه ليش هيج تباوعلي
-يعني تدرين باردة مالبستي قمصلة من اجيتي؟
-هسه انت ضجت علمودها هاك ماميته عليها
-انجبي ابقي لابستها بويه خايف عليج لاتمرضين
غمزلي ..عشوو يخاف عليه ابو المهمات
ضحك وسكتنه ورائد يدفع بحيدرة يريد يگوم وهو مايقبل ..
رائـد:- مخلفك وناسيك دروح خلي راسك بحضنها رايد احضن مرتي..
هو ما گال لا اجا وخله راسه بحضني دفعته وبقى يضحك ..
بقينه فوك الساعة نسولف واحنه البنات سوالفنه بايخه وهما سوالفهم بالقضايا والخطط تالي حسن غير الموضوع وصار يحجي ويلمح ومعرف المن
تالي فاجئنه من طلع من قمصلته علبه بيضة وفتحها طلع منها حلقه
خلاها كبال نبراس وكال بارتباك :- اي شيسمونه اريد اخطبج وهيج يعني
ضليت صافنه بوجهه واني وطيبة مصدومين ..
تالي كال :- هاا ااي صحح كومو كومو
...... كلنه كمنه بنفس الوقت ورائد يطبطب علئ چتفه
حسن :- نسيت اركع مثل الي يردون يتقدمون لحبيباتهم وهيج علمود ينكسر خاطرج عليه وتوافقين وشيسمونه غصبا عليج يعني ..اتمنى فهمتي لان خانني التعبير
وصدك ركع وتالي صااح لان جانت كزازة وهو كعد عليها ..
- يلا مو مشكلة تمون وتهون اي نبراس موافقة لا ؟
اني ضليت اضحك من الفرحة والصدمة ضليت اضحك حيل من كل كلبي وفحطتت
وهيه ضلت ترجف من صدمتها
صارت تگول بصوت متقاطع :- حساني ححساني
ورائد يقلد عليها :- هااا هااا ،،،،،
رح ينغمي عليها البنيه
متنه ضحك ونور تدري رائد مسولفلها تالي اجا حيدرة وگومه ولبسها الحلقة ..
حيدرة :- موافقة وتحبك وتعشكك وتموت عليك وعلي ابصم بالعشرة وكافي دراما..
حسـَن:- بس غير هيه ماتحچي ياخويه..
متنه ضحك
من كالت بلهفه :- لااا احچي اني موافقة موافقة موافقة
