رواية نارا حيدره الفصل السابع والأربعون
حيـدرة: أحبچ حيل أحبچ وهذا الگلب يناري ينبض الچ ورب الكون والعرش العظيم احبچ أنا
أسمعه بدون ما اقاطعة كلامة واعترافه صدمة اليه ماكدرت استوعب كلماتة معقولة هذا حيدرة يحچي ؟ گال إلية أحبچ ؟ هذه الكلمة الچنت أحلم بيها بكل يوم وأتخيلها يگولها إليه
أبتعدت عنه واني صافنة بوجهة أبتسمت وحصرتني الضحكةضحكت من كُل گلبي! وجهي صار أحمر من الضحك
ماسيطرت علئ دموعي من نزلن علئ خدي وجهي مبتسم بس بنفس الوقت ابچي
تقرب راد يلزمني دفعته بقوة ..
حيدرة: شكو تضحكين؟
- عيد إلي گلته قبل شوي ؟ ماسمعت زين يمكن لو من گد التفكير صرت أتخيل اتكول أحبچ أنت أكيد ما گلتها صح ؟
- ناردين أنا أحبچ
ضحكت ضحكة اعلى من الثانية تالي سكتت بهدوء قاتل وعيني بعينه وسألته..من يمتى هذا الحُب ؟
- من صرتي ناري
-ليش چنت ساكت وما گلت؟
-انا فاشل بالتعبير عن مشاعري ومتناقض بأحاسيسي ما چنت ادري هلگد احبچ واريدچ إليه العُمر كُله
-چذاب حبيبي!
- والكفل زينب أحبچ حِيييييييل
سكتت ودرت وجهي وبچيت من جديد
دارني عليه ..
-ليش ساكتة؟ احچي مو هذه الكلمة الچنتي منتظرتها من زمان من اول ما شفتيني اعترفتلچ ناردين واخيرًا !!
ضليت اباوع بعيونه ومركزة.. هسه انت تريدني اصدگ ؟
-ليش ناردين شنو هالقساوة؟
-بالأمس تقهر بيه وهسه حابني؟ شنو من معادلة صعبة هذه وما إلها تفسير ؟
- گلتلچ ما أعرف أعبر عن إلي أريدة طبعي هذا ما احچي هواي ولا أبر أريد الشخص المقابل يفتهمني بدون ما المح لشيء حتئ بالحُب
-تدري لو تحلف بألف نبي ما اصدگ كلامك شيء وافعالك شيء ثاني لا تقنعني لاا تگول إليه أحبچ لا تحلف انت چذاب ما اثق بكلامك متناقض
-شنو الاسوي وتصدكيني؟؟؟
-اثبتلي ان كلامك صح؟؟ ما مستوعبة انت من يمتى تعرف تحب؟؟
- من عرفتج عرفت الحب .
-هذا انت لو مبدلينك؟!
لزم ايدي وهمس وعيونه ذبلانه..احبچ ناري!
دفعته وصرت اصرخ سادة اذاناتي.. شششش اسكت اسكت مااريد اسمع شيء منك
انت اصلا واحد جذاب و حقير و ممثل
ومنافق و متناقض
ومريض
ومعقد
وبارد مثل الثلج ..
وجامد مثل الحجر
..لا والله الحجر يحس وانت ما تهتز
مثل الجبل الصامد ،
لاا تگول احبچ لاتحلف مااصدك!
- ناررردين
- لاا تحچي اسكتت اسكتتت يكلي احبج هه
لزم ايدي قوي،، بعدتها ورجع لزمني وتچاني علئ الشجرة
واني اضرب علئ صدرة ..
- وخرررر منيي حيدررا وخررر
- مو انا الانرفض فاااهمة موو اناااااا
تقرب حيل و باسني بقوة ادفع بي مايوخر قطع نفسي مني واني ابجي ،،،
سالار :- هاي شنوو شجاي يصيير حوييييدر سااااق*
سمعنه صوته من بعيد، طفرنا وبعد عني
واني ارتبكت ..صرت امسح بشفايفي
ركض سالار عاف البيدة ...
واجا يركض لزم حيدرة من قميصه وقبل مايحجي شيء ضربه بوكس علئ وجهه
صرخت ،، لاااااا
گام حيدرة لزم حلكة يصب دم، تقرب منه ورجعله البوكس
و واحد هجم علئ لخ ..
و اني بعيدة عنهم وميته بچي مااعرف شسوي، واصيح عووفة لااا فدوووة
سالار صار يضربة قوي، وعيونة حمر جمر
يڰله ساق* كوا* امنتك عليها عاار رايد تموتهااا ...
وحيدرة يردله الضربه اضعاف ...
ويتصايحون ..وغلط وسب
تالي دخل رائد چان لازم اوراق بس شافهم شمرهن واجا ركض يفاككهم
عاط بيه ،،، ادخلييي جووا
سمعته ورحت ركض وبلحضتها دخل حسن علئ اصواتهم، وراحلهم يركض
دخلت واحس گلبي رح يوگف ..
اجن نور و نبراس يتراكضن
وطيبة راحت للحديقة
صرت ادك علئ وجهي ..
من شفت سالار رافع المسدس عليه
ورائد يحاول ياخذة منه ويحلفه
صار حچي بيناتهم، وعلت اصواتهم ...
اسمع حيدرة يگول :- وعلي ليشش ماتصدگ
وسالار يكول :- جذاااب وعلي جذااااب
انتبهلي سالار اباوعلهم واجا عليه وهو لازم مسدسة ..
صرت اعيط :- ولج يمممه يارربي يبو فاضل دخيلك اني
ركض عليه ولزمني من ايدية ..والبنات يمي
- وربي وربي ماسويت شييييء
سالار :- صدك راد يگتلچ احچييييي
- شنوو يگتلني ؟؟
- دخلت للبيت وشفته حاضنج ومسدسة بضهرج يريد يصاوبج
حيدرة :- وعليي موهيجج شبيك انت تخبلت شلون اقتلها شجاي تحجي
- لاا سالار جذب اصلا ماشفت مسدس ولا حسيت على شي ماراد يكتلني
حيدرة :- سمعتهاا بأذنك، بعد ليش كبرت الموضوع
سالار :- شنو ليش اكبر الموضوع، نسيت انت قبل سنة من صاوبتها بظهرها وشليتها عمداً نسييت لو اذكررك
- الرصاصة الطاحت بيها جانت من نصيب لؤي
- لاا تچذب كلنة نعرف صاوبت ناردين عمداً
- سالاااار كافي اسكت .
بقيت صافنة بوجهم ..شنوو عمداً !!
سالار :- سالفة المسدس تولي،
تمام لعد ومنظركم انت وياها شجنتو تسوون ؟
- ماكو شيء
صحت ، چذااااب
باوعلي سالار بشك، و حيدرة خزرني
سالار :- شنو سوالچ احچي لاا تضمين شيء عليه گولي
- بس شسمه باسني گوة ردت ابعدة بس ماوخر مني حتئ ضليت اصيح و ابچي وهو مااهتم
بس حچيت هيچ ..هجم عليه وصارت عركة وصياح جرتني نبراس بسرعة، وصعدتني فوگ دخلتني للغرفة وتغلط وترزل بيه ..
- انتي حمارة حتئ لو مسوي وياج هيج، شلون تكولين لسالار نوب كدام الولد
ما استحيتي
انتي شهل الجرئة العندج
- سئلني و جاوبته اني ما غلطانة هو فعلا صاير ما يستحي ويتصرف بمزاجة وعلئ احته خلي علئ اقل سالار بوكف عن حدة ويبطل يتجاوز عليه ..
- لج انتي ثولة شنو يوكفة ولج رح تصير مشكلة كبيرة هاي اذا خلصت العركة البيناتهم الكببت بسببج
- خل يتعاركون، يطبة مرض احد گاله يبوسني ؟
ينعل ابليسة خلاني اخدر جوا الادبسزز اكرهه ..
- ليش هيج سوا ؟ هو شنو الصار
صفنت بوجهه ..
- حيدرة گلي احبچ يناري
شهگت بتفاجئ، :- عززه لاا مستحييييل
- وداعة ابوي يگلي والقران احبچ .
- لج هذا وين جان صارلج شكد تردي يحبج تالي من بعد ماتطلگتي منه يگلچ احبچ باع حضي
- حضي فگر نبراس هسه شسوي انصدم لو اضحك لو ابجي ؟
شنو لازم تصير ردة فعلي ؟
والله رح ينغمي عليه ما مصدكة حيدرة يعترف
يارررربي يالله
- والله اشو سالفتكم تضحك، من تحبي مايحبج وما يريدج
ومن تكرهي يحبج !
يعني سالفتكم وقصتكم مليوصه والنبي يوسف .
- من زمااان من اول ماعرفته ضابط مو دكتور
داحجي سمعنه اصواتهم علت بسرعة طلعنه،
ونور وطيية جوا. .
نزلنه وهمه يتصايحون
سالار :- ورب العرش اذا شفتك متقرب الها مرة الثانية ماتلوم الا نفسك
حيدرة :- اتقربلها واسوي اليعجبني مو حيدرة اليتهدد،
وابن ابو اليفتح حلگه بكلمة لافرغ المسدس كلة براسه
- حيدرة ابتعدد عن نارردين احسن لك
- ما ابتعد وانا رايدها ناري اليه و تبقئ اليه، وناوي ارجعها
- فكرة وشيلها من راسك، بعد كل الاذية السويتها بيها
مستحيل اوافق ترجع الك حلم ابليس بالجنة لأن انت ما تستاهل اظفرها
-كد كلامك انت ؟، اخذها من حلگ السبع واشوف شلون تمنعني
سالار :- الي گلته سوي وناردين مستحيل تصير الك، وروح ابوي .
- تماام هذا هو .
حچا هلكلمتين وطلع بسرعة ..وجهة مايبشر بالخير ما ادري شنو رح يسوي وشنو مخطط
حسن لحگه، وسالار گعد علئ القنفة ورائد يحچي وياا ليش كل هلاعصاب لاا تتعاركون
انتو اخوان عيب عليكم ماتسوه
صعدنه كلنه للغرفه، وسدينه الباب ..
كعدنه كل وحدة مخليه ايدها علئ خدها وتفكر بشريكها
وقلقات علئ المشكلة الصارت الا اني مامهتمة
كاعدة ومطلعة بسكت مالح ومتربعة بالكاع
اكل ولا مهتمة بالصار وما مفكرة شنو رح يصير
صاح رائد لنور حتى ينامون راحت وحچينه شوي وتالي طلعنه الجنط والغراض صفطنهن وطلعن ورقة وقلم يكتبن مخططاتهن ليوم عرسهن نمت بالگوة لان نعسانة وهن يحچن فوگ راسي
نمت لساعات طويلة فزيت اكح مغمضة عيوني حركت رجلية ودفرت نبراس ببطنها چان تصرخ طاحت من الجرباية
- الله لاا ينطيج زوعتيني العافية
-ولج عطشت ماكو بطل مي يمج ؟
- لاا طيبة كالت اكو ترمز مي بارد بالمطبخ
- خوش لعد،
كمت ولفيت شعري، طلعت من الغرفة نزلت لطابق الجوا دخلت للمطبخ شغلت الضوه واني اتثاوب طلعت بطل مي شربته لان دافي ..
منعسه ودايخة كلش ..
دااسد بالباب بالثلاجة
والتفتت
صار بوجهي ....حيدرة
واكف ومخنزر ..
بلحظتها نخرعت خرعه وطفرت لأخر المطبخ ولازمة كلبي
-عزا يماا لك شنوو انت شبح جني يماا الله لاينطيك كمزتني منين اجيت
،،، سد الباب وتقرب يمي
- انچبي اولاً ....وخليني احچي
- ما اريد احجي ويـاكــ ......قطعني
- اسكتتتي جاي اگووول
سكتت وهو كمل كلامه.. شوفي هنه كلمتين خليهن حلقة بأذنچ
... انتي ناري واليه، واسمچ انمزج وياا اسمي
لذلك لاتفكرين لمجرد تفكير تصيرين لغيري .فهمتي ؟
-مممم خوش .
- وسالار ساكت عنه، والوضع هادى اريد اشوف وين توصل بلا
.. وانتي ام الجفصات
حسبالج من جفصتي وكلتيله باسني وچذبتيني
..اغلس ؟ واسكت ؟
ام لسااان صايرة وكحة حيل
- انت ابو لسان جنك دلالة
- ولج منوو دلالةة
- انت .
دفعته وصار يركض وراي
.... تالي سحبني من ايدي لصدرة
وباسني
دفعته من صدك عصبت ..وهو يضحك
- ما ملاحظ صاير حقير اهواي ؟؟
- صيري ادميه مو شلعتي گلبي الكلب
- من اتصير انت ادمي ..اصير مثلك
- نارردين ! لج اخخ انعل ابو الحب اليسوي هيج
- هه ليش انت شمسوي ؟، اشو شكو مصيبة واگعه براسي
- غير من ايدچ الحلوة.. احبببج
- اشكرك عادي شنو يعني وذا تحبني
..عادي الكل يحبني اصلا متعودة مو شيء جديد .
- حقيرة مو بيدچ بس احبج .
- اكرهك .
- روحي نامي يلاا
ردت اطلع، تالي تذكرت كلامهم
- لحظة قبل ماتروح، جاوبني علئ السؤال
- انو سؤال ؟
- سمعت سالار من كالك انت ضربتني طلقة عمداً
- چذاب معليچ بي .
- احلف
- اسكتي ناردين سدي هذا الموضوع .
- لاا مااسدة هسه تجاووبني اريدة اعرف الحقيقةةة
- مو وقتها ..
- حيدررا احچي
- بعدين روحي نامي ..
- ما انام مو بكيفك هو
- اخذج هسه لغرفتي بنص الليل واسد الباب وعود فكي حلكج وكولي مو بكيفك
- هاي شبيك !
-روحي نامي تصبحين على خير اميرتي
- ان شاءالله تصبح علئ قضية وجريمة ماتكدر تحك شعر راسك
- الجرائم لعبتي .
ضحك ..وطلعت من المطبخ
تمددت بالغرفة
وافكر
معقولة صدك ضربني عمداً
زين ليش ؟
شنو السبب الخلا يضربني ؟
هو مويكول احبج !
شلون راد يكتلني ؟
معقولة جذب ؟
ثاني يوم ..كعدت طلعت من الغرفة والبنات كاعدات من وقت قبلي ..
غسلت وجهي ونزلت جوه
نور ورائد داتريكون بالمطبخ ..
ونبراس واكفة يم حسن، علئ الباب
يحجون وهي تنزل راسها بخجل وهو يضحك ضحكته الفضيعه
حجيت :- صبااح الخيير
باوعولي صفح، وماردو
-شبيكم الرد ابلاش مو بفلوس فوك ما اصبح عليكم والله مو وجه نعمة انتو
رائد :- بيج خير روحي صبحي علئ سالار وحيدرة بنت ابوج اذا سويتيها
- عادي يابه شنو قابل خايفة
دخل سالار بزي العسكري ودخل حيدرة ورا ..دخلو للمطبخ
واحد مايحجي ويا لخ
شافني سالار وخزرني ...
بسرعه طلعت وشردت ...واسمع رائد يضحك عليه
رحت اخذت بزونتي طلعتها
من بيتها چنه قفص ..
خليتلها اكل ..
واكلها بعد گلبي اتريگي بالعافية
..علئ الگلبچ
ورحت يمهم ..طالعين
باقيات بس هنه ..يتريگن
تريگت وياهن ...
نور :- الغدة يتأخر ورا الظهر يجيبة من المطعم فاا اتريگن زين
- ماشي
نبراس :- الصبح حساني كالي نروح نتسوك للعرس وانجيب احتياجاتنه
- صدك يعني اتصالحوو
- مااعرف
- زين الفستان جبتوو
- اي حسن وسالار مختارين الفتساتين واحد الي ولخ لطيبة كلش حلوات وموديل يجنن
- هاا حلوو
..اذا ترحن اروح وياچن
رجلي علئ رجلچن ..
اني هم اريد اشتري واروح لصالون
اجهز نفسي بعد اني اخت العروس و اخت العريس
- اي ههههههه.
صعدنه لطابق الثاني ..الغرف مقفلة علئ اساس هاي غرف حسن وسالار يعني لزواجهم
واكو غرفة لرائد مفتوحة ..وبصفها غرفة حيدرة
عفتهن يحچن ...ودخلت للغرفة
استغربت شفتها فارغة يعني ميز مامخلي عليه شيء بس الكنتور معلك عليه كم قميص
بداخل الغرفة موجود باب ...فتحتة طلع حمام
بي بانيو وميز ابيض بي جرارات ...فتحتهن مخلي شامبوات وبلسم وكريمات وجل شعر
وهواي اشياء ماعرفت المن تستخدم ...
اتفاجئت فلك طره طلع يهتم بنفسه ابو المهمات
طلعت بسرعه عبالي اجاا رجعت للغرفة الظهر جاب رائد الغده برياني لحم تغدينه هما ماكلين اهناك بره بليل كعدنه كلنه بالاستقبال كل واحد بصفه مرته
بس اني كعدت بصفحه وحيدرة بصفحة واحد يخزر بلخ ورافع حاجبه ويدخن جكارته
حسن :- الله بالخير ...يابه
سالار :- باجر تحضرن نفسجن من الصبح، نطلع التجهيزات حتئ لو نرجع بليل اهم شيء تخلصن كلشي باجر ومايضل اكو نقص .
- اي خوش
سالار :- انتي هم تردين ترحين ؟
جاوبته، :- اي لعد اني وحد ...هم اريد اشتري
رائد :- الفلوس لاتفكرن بيهن لان البطاقة عندي ورايح وياچن
- اها ماشي
طيبة :- العرس اهنا موو
- اي حبيبي بالبيت .
- زين احسن .
نبراس :- لعد لازم حتئ البيت نجهزة
حيدرة :- بيتي انا اجيب العمال يجهزو لاتشغلن بالچن
- هو صدك يمته العرس ؟
- غير كلت هذا الاسبوع ...يعني فد 3 ايام
- تسوون حنه ؟
- لاا اصلا مارح نعزم احد بس اصدقائنه فانسوي كبل عرس
- كيفكم لعد .
ثاني يوم كعدنه ولبسنه ....رائد چان منتظرنه بالسيارة
احتاريت بزونتي وين اخليها ...تالي خليتها اكل اهواي وفتحتلها القفص
خلي تلعب وتمشي بالبيت ...لحد مانرجع
رحنه لمول اربيل ...استوگنة واشرينه كلشي من ملابس وعطورات وفساتين للعرس الي ولنور
ورحنه لمحل الذهب ..
تالي رجعنه ...العصر
ميتين تعب ...سبحت ونمت
كعدت وره ساعه علئ صوتهن ...يقيسن الملابس ويخلن بالغراض
كمت صليت المغرب ...وكعدت بالاستقبال اوُكل بزونتي واضحك وياها
دخل حيدرة ...كعد كبالي رجل علئ رجل و صافن عليه
ابتسمت ودنگت للبزونه ،:- ياعمري حيدرررا
حيدرة :- هاا ؟
- ماداحجي وياك ..داحجي وياا بزونتي
- رحمة الله والديج
ضحكت ...وهو راد يحجي بس اتصلو عليه وطلع
سمعته يحجي كال لطيبة حضريلي ملابسي رايد اسبح واطلع
ابتسمت وكلت اييي خلي اخبث وياا اليوم ..رايدة اضوجة
ضليت افكر شسوي ...دخلت للمطبخ شفت اصباغ طعام جابهن رائد مدري المن
اخذتهن بسرعه ...ودخلت لغرفته فتحت باب الحمام فتحت الجرارة
اكو علبه كريم مكتوب للبشرة
فتحت لون طعام احمر ...وخليته كله وسديت العلبه
مايبين الكريم صار احمر ...لان هو مرش
طلعت بسرعه وميته ضحك ...خاب صدقة لربك يارائد مدري المن جايب هلالوان بس المهم استفاديت منهن ..
انتظرته يصعد ...صعد وراح يسبح
بقيت كاعدة لحد ماسمعت
صوته
رج البيت رج
- ناااااااااااارديييييين
.. صخام شلون عرف بيه ؟
طيبة :- روحي شوفي ،، ولج شمسويه
- مامسويه شيء تعرفيني اني فقيرة بالنبي بالگوة يتبلئ عليه واني مسكينه
تالي صاح عليه ..رحت دخلت لغرفته
اتفاجئت ....وجهه صاير احمر ددددم
سماره مختفي ...من كثر مامتلومن وجهه
طكيتها ضحكة ....سكرت من الضحك من شفت شكله
- انتي المسويه هيج موو
- اي ردت اسويلك نيولوك جديد ههههه
طلعت بسرعه من الغرفة وهو يركض وراي
والبنات شافنه وبقن يضحكن عليه
عبالك مخلي قناع احمر ...للوجه
- ولكائنات اذا ماخليتي يروح
ولا اخليج اليوم عايشه
دخل حسن صفن بوجهه ..وكعد علئ الكرسي لازم بطنه من الضحك
ورائد شبعه تصنيف ويحش بي ....ونوب عصب علينه وصار يغلط
رائد :- يمه فدوة چنك طماطة معصبة ههههههه
سحبني من ايدي ...
- ناررردين مسحي بسرررعة
-ما اعرف والله
- لچ لاتكفرييينيي عندي اجتمااع مهم!
طيية :- علئ كيفك حيدرة ههههههه هسه انطيك صابونه لو غسول بلكت يروح
رائد :- اي انطي صابونه رگي تفيده ههههههه
- دنچب انتَ انچبب حيوانن
- اتشرف ههههههه
تالي صدك انطته طيبة صابونه
وغسل وجهه بقى اشوي اثر احمر ..
لبس ملابسه ..
وقبل مايطلع گالي :
- لان مستعجل ماعاقبتج
انتظريني اجي اصبري ..
سكتت مارديته ..تالي طلع
بقيت كاعدة .....يمهن
يبوو هسه اني شوازاني ....ولعبت بخلقته
لو ساكتة ....مو احسنلي
ورا ساعتين ...دخل وجايب عشه
كعد ياكل ...
وطيبة ونبراس ... واكفات يسوون ماسكات ومطلعات الغراض كلها
خلن علئ طبلة ...عسل ونشا وحليب
- عزة رح تسون حلاوة شنو
نبراس :- لاا ماسك شفناه علئ النت خل نجرب بلكت يطلع بشرتنه حلوة
مثل بالصور الفيديو
كعدت يمه وهو ياكل ويخزر بيه ...
- شسمه هسه اني اسفة علئ السويته بيك لان جنت ضايجة
وعندي قانون اذا ضايجة لازم اضوجكم وياي
هسه اني جوعانه انطيني لفه لاتصير خبيث و وياها ببسي
..مارد
تالي گال :- اكلي
وكام ...يغسل
..وكفت يم البراد المي ...اشرب
صاح وراي ....ناردين
التفتت حتئ ارد عليه ...صار بوجهي
ولازم صحن بي نشا
جاب راسي وخلا بالصحن ...غمس وجهي كله بالنشا
ابتعدت واهفي بوجهي وانكت بي
صار وجهي عبارة عن نشا ..
ضل يضحك
- رديتها الج ...بس هذا شيء بسيط .
- طاااااااح علئ شعرييي
- امشي لاتصيحين اصلا رح ينعم شعرج يكولون النشا اله فوائد وهيج ..
نبراس ضلت تضحك عليه ..
فتحت الحنفية ....اغسل وجهي
ومغمضه عيوني
وحيدره لزم موبايله فتح الكاميرة وبده يصور بيه ..
- وها نحن ذا ..في مثل هذا اليوم سويت وجها ابيض كلطحين لانها طايحه حظ يا اعزائي المشاهدين
- ياا طفيها صدك تحجي حيدرره
..غسلت وجهي
وهو طلع ...وضحكته مابطلها
بقيت افرك بوجهي حسيت رح تصير حساسية راح لغرفته ..كعدت علئ الدرج لازمة وجهي .. صار احمر! دگيت الباب عليه فتحه مبتسم ..
- ها حبيبي شرايده ؟
- وجهي صار احمر شووفه
- ايي؟
- شنو ايي؟ شلون اروح للعرس وجهي احمر ونبي اذا ما يروح الاحمرار احمرر بشرتك خوش ..
سحبني من ايدي و سد الباب لزگني على الحايط .. هاااا خير ؟
-مو تردين الاحمرار يروح؟ ابتسم ببرائه.. ابوسچ ويروح
باوعتله رافعه حاجبي.. لا والله؟
هز راسه.. ايي صدگي
-افتح الباب اريد اروح
ضحك و سحب ايدي گعدني على الكرسي قريب من الميز ..
-شنو رح تسوي؟
- لحظه ..
فتح الميز صار يطلع علب و كارتونات ..
-اريد اطلع لا يجي احد
- اصبري
- وجودي بغرفتك غلط ترى !
- انتي الي اجيتي فـ اسكتي شوي وبعدين منو يتجرء يحچي عليچ ؟ اشگ حلگه ..
سكتت قدملي علبة.. هذا كريم مره انطانياه عثمان من احترگت ايدي بالشغل ..
-ويصير للبشرة؟
-اي ما يضر بالعكس يعالجها
-رح اخلي على مسؤوليتك!
- تعالي انا اخلي الچ حتئ اذا صار بيچ شيء انا الي اكون مسؤول فعلاً ..
-لا عيوني مشكور عندي ايد و اخلي
-سالمات عيونچ الأحبهن لاتعاندين
فتح العلبه و كعد يمي ..وبأصابعه الكريم
-غمضي عيونچ
-اووو حيدرا كلتلك اني اخلي
مالها داعي!
-غمضي عيونچ ، ما اعيد الكلام بعد
سكتت .. وغمضت تقرب عليه حيل .. ايده الباردة صارت علئ بشرتي ..وعطره القوي ضليت ساكته وهو يمسح علئ وجهي الكريم ..
انتبهت هو بلا قميص صرخت عزا.. طفر من مكانه .. شبيچ ؟؟؟
-شنو شبيه ماتشوف روحك مالابس شيء
ضحك:- هسه انتبهتي؟
- اي والله
- المهم خلصت باچر تگعدين بشرتچ مابيها شيء
- كله من النشا مالك
- احد كلچ مقلبيني وخلي صبغ احمر؟
- اووو ديلا گايمه طالعة ومشكور ما تقصر
گمت .. اريد افتح الباب سحبني من ايدي وباسني بخدي بوسة قوية أبتسم وباوع بعيوني
-احبچ تصبحين علئ خير أميرتي الحلوة..
ضليت ساكته ومتفاجئه بوجهة ركضت بسرعة طلعت صعدت لغرفتي ..وسديت الباب
.. هذا شبي ؟
يبوسني غفل ؟ وأميرته؟ وأحبچ ؟ هذا تخبل؟ اكيد ؟ مو صاحي ؟
لزمت گلبي و تمددت بفراشي .. رح اتخبل والنبي تصرفاته صايرة غريبة ما ادري شنو يريده بالضبط ؟ ما مصدگة بي يحبني!
مشاعري كلها تخربطت وگلبي رجع ينبض اله من جديد امداني .. شبيه هيچ فاهيه!
واذا گعدت يمه وإذا هو صدره عاري واذا هو يحبني واذا هو گلي اميرتي ..
شبيچ ذبتي امدااني..
صرخت..كاافي أنسي كلشي صار قبل شوي لان اذا اضل افكر اتخبل رسمي وما أنام دقيقة وحدة
غطيت روحي بالبطانية .. گلت اغير الموضوع وانسئ الصار
افكر بالعرس أحسن، المكياج رح اخلي قوي لو خفيف ؟ اصبغ شعري..... لو لا
اريد استفزه واقهره اريدة من يشوفني يغار عليه يستاهل اريد اخبث ويا!! مو على اساس يحبني؟ خل يتحمل لعد ..
تذكرت اعترافة الرومانسي ضليت اضحك واهز ايدي ..مامستوعبة ......ان هو يحبني !
ونوب شلون يوم اسود مصخم صارت مشكلة بسببي
....حتئ مايعرف يعترف مثل المسلسلات
يكلها احبج ....ويبادلها القبله
وتالي يتزوجون
الا اني ...حلفلي بميه امام ونبي وكل الديانات
تالي باسني گوه ....وشافنه سالار
حظي فكر ....بس ! الحمدلله والشكر
طلعت من الغرفة ما اجالي نوم .. نزلت جوا شربت مي من المطبخ ورجعت صعدت سمعت صوت موبايله اعرف هلرنه اله
دخلت لغرفته الباب مفتوح شفته ماموجود شلت الموبايل قريت المتصل ( وجدان لشغل ٣ )
لزمت گلبي انقهرت هاي منوو نوب ضغطت رد اجاني صوتها وهي تگول:- الو حيدرة وينك
جاوبتها:- شتريدين عيوني؟
- نعم منوو انتي ؟
- اني ناردين حبيبته انتي منو؟
- ناردين! انطيني حيدرة احجي ويا وينه
سديته بوجهاا وحذفت المكالمة وشمرت الموبايل تنرفزت شگد حقير بعده او بنات..
التفتت ليورا باوعت لباب الحمام أكو صوت كان عالي فتحت الباب بدون ما ابالي لشيء صارت عيني عليه نايم بالبانيو والمي مرتفع مغطي نص جسمه طالع وغمض عيونه مسترخي
انتبهلي واني طفرت ودرت وجهي غمضت عيوني بايديه الأثنين وگلتله:- استر روحك يمعود ..
- انطيني الخاولي اول شيء بنت الاوادم دكي الباب حتئ بالحمام مااخذ راحتي
- غير طليان دگت عليك عبالي ما موجود وطالع من الغرفة
رحت انطيته الخاولي واني مغمضه عيوني اخذها مني وگام وهو يلفها حول خصره ويگول .. :- طليان منو ؟
- اقصد وجدان، هسه يصير افتح عيوني ؟
- اي فتحي، واحجي شنو وجدان مخابرة عليه صدگ ؟؟
- اي تريدگ تكول مريضة حييل واكعة فلاونزة وجايين عليها حرامية للبيت ماعرف شمسوين بيها
-صدگ والله ؟
-اي قابل اچذب عليك
- دخيلك ياعلي!! طلعي بسرعة حتى أرووح
- اي طالعة..
فعلاً راح تالي رجع وحصلتي رزالة اكس مربع بـَس ما أهتميت لكلامة وطنشته
گال إليه وجدان مجرد اخذ منها معلومات گلتله ما مهتمة.. ثاني يوم كعدنه والعمال منتشرين بكل الحديقة والكراج يسوون الزينه ويعلكون الاضوية والكراسي وهواي اشياء ..
سئلت حسن منو رح يجي للعرس كال بس اصدقائنه بالشغل محد قريب ماعزمت احد كعدنه بالهول وهما بره سمعنه صوت سالار يصيح ويحجي مكالمة طفرنه كلنه ورحنه نسمع شكوو وشصار ؟؟ دخل للبيت صعد فوك لغرفته اخذ جنطه ونزل بسرعة..
نبـراس:- شكو ياستار صاير شيء ؟
سالار :- امي متخربطة هسه هيه بالمستشفى، لازم اروح لبغداد ضروري
نور :- عززه شبيها ماما فدوة خل اروح اخذني ويااك!!
سـالار: وين رايحة يمعودة ابقي هنا رائد شوي ويجي يبقئ يمكم رايح اني ما ابقئ هواي بليل راجع ان شاءالله
نور: خوش بس اتصل عليه مو تنسئ اطمني عليها حباب
سالار: ماشي رايح
نور: بالك علئ نفسك الله وياك
طلع وگعدنه سويه وحده مگابله الثانية ونور بس تبچي وتدعي
ما تحملت ابقئ ساكتة علئ هالوضع تالي حچيت:- ليش تبچين نور ؟ ترا ما تستاهل شيء شنو نسيتي شنو سوت بينه لو اذكرچ ؟
نور :- تبقى أمي!! انتن تحچن هيچ لان هي مو امچن الحقيقية
- لعد ابچي ما نتدخل بيچ ابدًا، براحتچ
ضجنه حيل وصعدنه للغرفة بقيت ابچي حتئ لو تربيت عدها بس من اتذكر سوالفها هي ولؤي اتجاهي ومن خلته يحاول يعتدي عليه اكرها
بعمري أني ما أعتبرت عندي ام حتئ أمي الحقيقية ميته وما شايفتها وما اعرف قبرها وين اصلاً ولا قبر أبوي الحقيقي
رن موبايلي شلته شفت المتصل (نرجس)
ابتسمت ومسحت دموعي ...مشتاقتلها حيل صارلي اهواي ماشايفتها
لان هيه عايشه بكربلاء ببيت زوجها ...جانت تزورنه كم مره ببغداد
ومن مات ابوي ...وعرفت احنه مو اخواتها
صار رجلها يمنعها تجي يكلها
ولاعندج خوات ولا اب تزوري
المن رايحه ...حتئ لو عندج اخت واثنين اخوان مايحتاج تزوريهم
رديت عليها :- هلا نرجس شلونچ ؟
حچينه دقايق ....سئلتني علئ موقع البيت
لان تريد تجي وتحظر عرس ...سالار و نبراس انطيتها العنوان و سديته ..
بليل رجع سالار وكال مابيها شيء بس حسيته جذب علمود مايخرب فرحة نور بعرسها ...لان اعرفه من عيونه
مر يومين .. صار يوم العرس رحنه كلنه للصالون بلشت بطيبة ونبراس بالمكياج ..
واني ونور اختارينه تسريحه شعر وهيه ماخلت مكياج بس شيء خفيف كلش ..
بس اني مدري تخبلت مدري تسودنت مدري شبيه !! كلتلها اريد مكيااج طووووخ جريء هيج كيلو مكياج بس حلو مو تخليهم يشردون مني
ضحكت وگالت تدللين حبيبتي احلئ سموكي ويلوگلچ خلتلي مكياج عيون بُني وسحبتهم بالكُحل وحمرة ماروني كلش حلو ومرتب ونازك..
سوتلي تسريحة بسيطة وبقى شعري كيرلي مفتوح رحت لبست الفستان ... اختاريته لونه اسود ... لان أحب هذا اللون وطويل كلش ..
ولو كالتلي نبراس مايصير تلبسين اسود بيوم عرس مو زين .. بس ما اهتميت .. مُخصر وطويل وبسيط ..
صار العصر يلا خلصنه كلنه والعروسات كملن .. صورنه بموبايلي علما سمعنه صوت الهورن ..
طلعنه واجا رائد بس هو جاي وبسيارة كبيرة ومزينه بورد ومكتوب عليها احرف
اسمائهم ..... (S,T) ..(.H,N )
كعدن ورا واني بنصهن ..
ونور يم رائد اسمعه يهمس الها يگلها طالعه لعابة ولج يمته نوصل للبيت واخذ المقسوم منچ عرفت هنا إنو نسيبي سخيف وسرسري وهيه تضحك وماترد عرفت هنا إنو اختي خجولة اسم الله عليها..
انطلق بينا للبيت وصلنه واتفاجئنه الحديقة مليانه ناس نزلنه.. اجن نسوان اصدقائهم يساعدنه دخلنه جوه ...مسوي كعده بنص البيت وكلش حلوة اكيد هذا شغل حويدر حتئ الكيك والعصاير علئ طبله مجهزهن ..
عفتهن يحجن وطلعت مديت راسي.. اشوف المعازيم كلهم ضباط اصدقائهم والحديقة مسويها عبالك مثل الاعراس التركية ....لان الحديقة كلش كلش كبيرة
صار الليل واجوي حسن وسالار دخلو طالعين الا بشدة كل واحد يكول اني احلى منك ..
كزكزت على سالار صرت اتغزل بي وهو يضحك ونوب طيبة ترفعلي حاجب تغار صدك العرس حلوو علئ رغم محد جاي ولا احد من اقاربنه ..
بس اصداقئهم ونسوانهم كفو و وفو والعشه جايب حيدرة انواع اشكال ..صرت اتخيل منو رح تغسل هذا الجبل المواعين ؟..
اكيد رح توگع براسي .. لان الحبيبات نبراس وطيبة رح يزفونهن .. وست نور حامل ..ماتغسل و توكع بيه .. الك الله يالوحيد ...
شفت حيدرة .. عيوني ما نزلت منه .. محلق ومرتب شعره .. ومحدد لحيته السودة .. لابس بنطرون و قميص أسود و ايده مُتزينه بساعتهُ السودة
""ڪان يرتدي الأسود وڪأن بقيه الرجال بلا ألوان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
""ڪان يرتدي الأسود
وڪأن بقيه الرجال بلا ألوان. ""
عيوني مانزلت منه ولا دقيقة .. شكد حلو عليه الاسود !. بقيت صافنه عليه ..
ضحكت كلت منسَق وياي اثنينه لابسيَن اسود هههههه شافني من بعيد وغمزلي شوي واجتلي رساله لموبايلي منه
قريتها كاتب..
- ناري اريد اشوف شطالعة ما اگدر اجي وادخل للبيت!
دزيتله صورة وضحكت.. شفته من الشباك يمسح كصته ويكتب وايده ترجف..
حيدرة: شهل جمال بويه
-من زمان أني جميلة
- جمالج يجيب التايهه
-ما تشوفه جابك
- تمونين يابة تمونين
ضليت اضحك وسديت الموبايل شفته يباوعلي ويبتسم تالي بوسط هالهدوء شغل أغنية بصوت مسموع ..
بدأ يدندن ويغني ويا كلمات الأغنية ..
" لما بتغيب عن وعيك
وتعمل اشيا مش طبعك
لما فجأة تتغيّر
يعني بتحب!
لما ما فيك تفرّق
بين الوهم و المنطق
لما ما تقدر تفهم
يعني بتحب!
هو الحب منو عشرة
ولا بيخلق بعد فترة
لما ما فيك تسيطر
ولا حتى تعد للعشرة
عفكرة الحب مش احساس
متل ما مفكرة الناس
الحب روح بتلبسنا
و منبطّل وقتا اشخاص!
لأنو هيدا هو الحب
بيجي بلحظة و بدق القلب".
سرحت ويا الأغنية حيل ..سرحت كلمات حسيتها مكتوبة النا! باوعلي بعيونه الي تلمع وأبتسم سوالي بيده قلب .. وخلا على صدره بقئ صافن بعيوني ومركز .. صـاح بصـوت عالي ..
- احببببببببببببببچ!!
خليت ايدي علئ حلگي انصدمت.. بسرعة ركضت دخلت جوا ..لا اراديًا دخلت للمطبخ مُباشرةً وسديت الباب وگفت ورا الباب وايدي علئ گلبي يدگ حيل.. حيل.. حيل
مصدومة من التصرف الي سوا! كلش متغيرر! هذا مو حيدرا !! كلامة ، تصرفاته ، وكلشي متغير! هيچ الحُب يسوي بحيدرا ؟!
تذكرت كلمات الأغنية :
" لما بتغيب عن وعيك
و تعمل اشياء مش طبعك
لما فجأة تتغير
يعني بتحب!"
أبتسـمت وهمست.. يحبني؟
حيدرة : اي احـبـچ
انكمزت.. فتحت الباب علئ نصه طلعت بس عيوني ..
- دائما تصدمني من تجي!
- اعلمي وين ما ترحين أنا يمچ
وقريب حيل ..منچ
- اقرب من گلبي؟
- انا گلبچ بذاته
سكـتتَ ..
- عيونچ
- شبيهن!
- أحبچ وداعة عيونچ الي يدوخن!
- ها حيدرا !
- الـ ها مالتچ فاهيه!
- شسويت بيه شسووويت!!
- ناري الحُب شعور
ما متخيله وياچ هيچي حلو!
- أول مرة أنت تحُب ؟
- انتِ حبي الأبدي وحبي الأول والأخير
عضيت شفتي بتوتر و خجل.. ما ادري شنو اسوي! تمتمت بكلمات ما مفهومة نزلت راسي وضليت ساكتة
- چا و العيون تلمع .. و العضه الشفه
و التوتر و الخجل .. وحمره الخدود
و الأيد الترجف .. و لسان الي يسكت
هذا بسبب شنو ؟
- بسببَ ناراحُبك حيدرا !
- اويلي عليك ياحيدرة! افتحي الباب ناري
- لاا ما أفتح روح منا لا يجي أحد
- افتحي الباب معليچ
- حباب حيدرا رووحَ منا لاتورطني ناقصني اني مصيبة!!
- انا متورط هسه
- بشنو ؟
- اذا ما احضنچ اموت
- شنو شداتحچي!
فتح الباب بسرعة وجرني من ايدي لحضنه ضليت مصدومة من حركته المفاجئه همست: "حيدرا شداتسوي عوفني فدوة..
- شششش ما أعوفچ مشتاق حيل
- انت الي وصلتنا لهذا اليوم لذلك عوفني
وخليك تشتاق الية بعيد عني ..
- ناردين لا تحچين هيچ انا مدمر بغيابچ وحق الله والكووون مُدمرر!
دمعت عيوني ضليت صابرة واجر نفس گوه..
- اخر مره اگولك عوفني..
- هي اخر مره اعوفچ و بعد دقيقة
وحده ما افاركج ..
- انتَ خسرتني ..
- و رح افوز بيچ عن قريب!
- بالاحلام ارجعلك
- هياتچ بحضني!
- انتَ مقيدني بأيدك عوفني أريد ارووح!!..
- ما حنيتي ؟
- منو يستاهل احن اله ؟
- لحيدرتچ!
- ما حنيت
- چذابة بووية تحبيني بـَس تكابرين
- لا
- لا تحبيني يكفيني أنا احبچ
- كلماتي الي چنت اگولهن الك قبل لا تبوگهن !
ضحك ومسح علئ شواربه بهدوء..
- تدرين أنا چنت حيل غبي
- ولسه هم
- لان خسرتچ
- وضيعتني
- ندمان!
- الندم ما يفيد
أنت خسرت كلشي بأيدك!
صرتلك كلشي ، حبيبه صديقة ام اخت
و هسه .. طليقتك .. و غريبة ..
وكلشي بسببك ..
روح حيدرا عووفني .. الي بيه كافي! لساتني ساكتة وصابرة ودايسه علئ گلبي المُنهدم ومتحملة
- ششششش أريد أصحح اخطائي!
- خلص الوقت
- انطيني فرصة!
- خلصن الفرص
- نچبي ناري
- لخاطر الله عوووفني ما ارريدك افهمني عووفني بحالي..
شدني قوي لصدرة وايديه الاثنين مُقيدة خصري لصدرة ..
- ترجعيلي اذا اصحح اخطائي ؟
- لا
- ليش
- ماعندي ثقة بيك
سكت ..
- ناري اذا اصحح كلشي سويته سابقًا ترجعيلي ؟
- لا
- لييش
- هم شايف إلي ينكسر يرجع طبيعي؟ أنت كسرت گلبي يا كُل أحلامي البريئة!..
- متندم وروح العزاز متندم بگد شعر راسي الترس شيب ببعدي عنچ!
- الندم مايفيد مااا يفيد!
- بوية شگد ترفهَ عنيده
- ومخبلة
- وخبلتيني
- وكسرتني!
- شلون اراضيچ ؟
- عوفني وهذا هو
- يصير اراضيج ببوسة لو حضن أسلامي ؟
- حيدرا احترم نفسك إذا مُمكن ؟
ضحك ..
- ابوسچ و تنسين كلشي ونبدي صفحة جديدة ؟
- بالعكس ما رح تصلح الغلط بالتزيدة !
- بس البوسة من الحبيب علاج و راحه
- منو حبيبي؟
- حيدرة حبيبج
سكتت ..
ادفع بي ماكو مثل صخر مايحس
زلغته بيده و يضحك ..ولا اهتز!
- و شكد تريد نبقئ هيچ ؟ داكولك عووفني!
- دفعتيني وزلغتي بقئ بس الخيار الأخير حتئ اتأذه و اتركج ، عضه
- انتَ شنو مخبل ، مريض ؟
باوعلي بعيوني و خزرني ..
- لاتعيديها بعد
- ماشي بس عووفني
ترك ايدي ، ابتعدت عن حضنه
رتبت فستاتي و خزرته
درت وجهي و مشيت ..
ماحس الا علئ ايده سحبتني للحايط
و طوقتني ..
صرخت .. عزا وخررر
لزگ جسمه علئ جسمي
وتقرب حيل مني ..
بعد شعري و همس بأذني
- بوسة الرضا نسيتيها ؟
- منو كلك اريد ارضئ اني؟
- انا كلت ..
- عفية وخرر لايجي احد يشوفنه و اتورط والله عوفننيي ..
- البوسة؟
- احتررم نفسك حيدراا لايدخل واحد يشوفنه بهذا وضعنه وخرر
- ويشوف؟
اثنين عشاق
وهو مثل الملگوف يباوعلنه ..
قليل الادب ..
- والله انت القليل الادب وما تستحي
- ششششش
قربه شفته خليت ايدي علئ حلگي
فصلت بين شفايفنه ..
ابتسم .. وباسني بخدي
و بقئ لازم ايدي حيل و عاصرها ..
- هسةة ارتاحيت ان شاءالله ؟
يلاااا روووح بس عووفني
- بقت بوسة الشفه ادين الج بيها
- خوش بس روووح
لزم خدي و باسني بقوةِ و ابتسم
غمزلي و راح .. التفت علية و كال :
- انتِ مُلك حيدرا و مليكتهُ و ممتلكاتهُ
و مستحيل اتركج ..
كال هلكلمات و راح ..
اسمعه يدندن و ايده بجيب بنطرونه
- لما ما فيك تفرّق
بين الوهم و المنطق
لما ما تقدر تفهم
يعني بتحب!
گعدت بالأرض لازمة گلبي ..
راجعت كلشي صار ..
عقلي متشتت حيل !
مادري دايصير شنو؟
و مشاعري اتجاه حيدرا مخربطة!
ما اگدر انسئ كلشي و ارجعله ..
و بنفس الوقت .. احبه و مشتاقتله
من حضني گوه لزمت نفسي وما بچيت
لان چنت واعده نفسي ..
من احضنه ..
ابچي بحضنه و اسولفله الصار بيه ..
بس كلشي صار بدون ما افكر بي ..
حضني و باسني .. شلون سمحت اله؟
هل يُمكن الحضن يخليك
تنسئ كلشي صار ؟
و بوسة الحبيب ترضيك ؟ ..
هل يُمكن ؟..
رحت اتعشيت .. و ساعدتهم
صارت الزفة ..العرسان
زفوهم فوك ..
كل واحد لازم عروسته ..
واني ونور نضحك ونهلهل ..
ورائد يهوس ....كل هوسه الها معنئ سخيف بس همه يعرفونها
وحيدرة شبعه غلط
ونوب حتئ اصدقائه مثلهم
يغلطون عادي وطبيعي عدهم
عبالك لسانهم متعود
دخلو لغرفهم ...وسدو الباب
نزلنه جوا ..عفت نور يم النسوان
حبينانهن مبينات مثقفات ..
اكو وحدة دكتورة ولخ معلمة ..
لابستات فساتين محجبات
وكلش حلوات دمهن عسل
ينحبن بسرعه ..
رحت اخذت جاكيت طويل
ولو الجو مو كلش بارد ..
بس لان اريد اطلع لبسته
حتئ يغطي علئ الفستان
رحت للحديقة ...اصدقائة صايرين بغير صفحه و واكفين يتضحكون ويصنفون ..
وكفت يم مجموعه كراسي فارغة لميت كم سفري فارغ خليته بالمطبخ ورائد كالي عوفيهن فد ساعة ونجي اني والولد نلم الكراسي والاكل كلتله ماشي ..
وكفت اشرب ببسي طلعت موبايلي كلت اطكلي صور واصور الحديقة لان حلوة دقايق و سمعت صوت صياح حيدرة من بعيد!
وهو يگول :- ناااااااااردين
انتبهي لججج الناااار وراااج لاا تحترگيين
وگع مني الموبايل ..
وهو اجا ركض ...اتجاهي
التفتت ليورا وچان اشوف
اطراف الفستان دايحترك
والنار بدت توصل لجسمي ..
شهكت بصدمة وصرخت ..بخووف
صحت بصوت عالي
:- هااييي نــاااااار حيــدرااا ..
