رواية نارا حيدره الفصل التاسع والأربعون
انا حيدرة ذو 39 سنة، من العمر
.. عشت بالبصرة طفولتي ومراهقتي وشبابي
....عشت ويا اخواني و اختي ببيت جدي
چان عندي عم جبر،
.. جنت احبة حيل، و فضلته علئ ابوي
... فتح عمي ويانه موضوع الزواج
..ولفرحة عمت علينه
..وما صدكنة رح يتزوج يكون عائلة
....اتزوج (خديجة)، بنت خاله امه
تزوجو وحياتهم سعيدة وهادئة
...لكن !
...ابوي اتغير جذرياًًّ من اتزوج عمي جبر
... صار ابوي القاسي اليضرب
وبيتنه عبارة عن صريخ وبچي
وبوكتها چنت مراهق
..اشوف ابوي يقسئ علئ امي حيل يٱذيها و يضربها
..وهي ساكتة و ما تقبل احد يحجي عليه
...حتى جدي الله يرحمة والحجية
چانوو يحجون وينصحون
بس ما فاد
.. جنت ابقى عند عمي الليل كله ابات عدهم ما ابقئ ببيتنه
ماتحمل صوت صريخ امي بسبب ابوي
..مرت ايام قاسية و صعبة عليه
ماكو يوم چان هادئ ،،، لازم ما يخلئ من التعب و القهر
و چان اخوي ( حسين ) الاكبر مني
صديقي و روح والريه و بير اسراري
حسين اكثر من اخ ،،
علاقتنه قوية حيل ...معتمد عليه بكلشي
ما اسوي شيء ،، الا اخذ رئية
نتشابهه بكلشي
بالطبع ،، بالاسلوب ،،بالشخصية
چان ما يرضئ علئ ابوي ولا علئ امي ..
وكثرت المشاكل بينهم
وهو متحمل وساكت
تالي بيوم صرخ بيهم وحچه عليهم وغلط
وابوي عصب وچان يضربه ويطرده من بيتنه بيومها جدتي تخربطت وأمي تتوسل بي حتى يرجعه بنص الليل طرده، مالحگت عليه، اتصل عليه ما يجاوب، طلع مكسور ومقهور منه
حاجيت عمي جبر يحجي ويا ابوي ويقنعه
بس جان قافل مايقبل يرجعه للبيت بيومها كرهت ابوي حيل وبالي يم اخوي، تالي هو اتصل عليه ولحد الآن اتذكر كلامه ومخابرتنه چان حيل تعبان
-وينك حسين خوية ارجع لخاطري الله يخليك تعال ارجع ومعليك بيهم !
- لاا ما ارجع حيدرة، طردني من البيت بعد ابوي مااعرفه،
قدمت على العسكرية انه و صديقي
مليت من المشاكل، اريد اروح احسن المن مخلص عمري علئ مشاكل اهلنا
... و ما اوصيك دير بالك على حسن اخوك الصغير
-شلون بيه انه! حسين چاا يمتى ترجع ؟؟
- كم شهر، ويمكن سنة سلملي على الحجية وامي دير بالك على نفسك وعلى دراستك ادري بيك كفو، صير رجال البيت لا تعتمد على ابوك ابد، إعتمد على نفسك .
وخلصت المكالمة، من بعد هذا الإتصال بدأت حياتي گمت اخطط وأرسم لمستقبلي
مرت ايام مرت عمي جبر حامل ومتخربطة كل ساعة ومحتارين بيها وحسين ما اشوفه بس بالايام الاجازة وجدي يتوسلة يرجع بس ما يرضى وباقي يشتغل.. كم مرة اشوف ابوي
يحن اله بس مايرضى يحچي ويصالحه..
ورى اشهر جابت عمتي خديجة و ولدت بنات اثنين تؤام، انا وحسين چنه وياهم موجودين لهفتهم وفرحتهم چانت چبيرة
من رجعو للبيت اتصالحو ابوي وحسين
بس ما نسى وبقى مقهور، ورا اشهر قليلة عمي سوا حادث قوي ما لحگنه عليه وتوفى.. الكل تعب بخسارة عمي، جدتي تخربطت صابتها جلطة
.. ورة الاربيعينية
جنت جاي من الدوام ....اسمع صياح امي وابوي
(شنو تزوج علية ونوب خديجة عزيزة عليه ماتحمل تصير مرتك هيه مرت اخوك چاسب لاتزوجها)
.. و دخلت مرت عمي بالنقاب
متعصبة ...هو يحجي ويردها ومعارضه الازواج منه
... يكلها غصبا عليج اتزوجج وعناد بيج بعد يومين اجيب شيخ
...اعقد عليج
..سحبتها ودخلتها لبيتهم
وكتلها عمه اخذي بناتج وروحي لاهلج
ضلت تبجي وتكول ،،،، وين اروح اذا اهلي صارو همه والزمن ضدي
...كتلها روحي لاي مكان
لان رح تخربين عائلتنة
...روحي خارج المحافظة انا امنج عند صديق عمي
حتئ محد يتقربلج
ومحد يغصبج على ابوي
وبالفعل لمت غراضها وثاني يوم الفجر طلعت لبغداد
ماجنت مفكر شنو رح يصير
امنت عليهم وكالت وصلت بسلامة ..
وصار الصبح والبيت انكلب گلاب
اهلها واهلي ....طلعو كل واحد سلاحه
وانتشرو بالبصرة
يدورون عليها .....عبالهم شاردة وياا واحد مو زين
ماجانت عندي حيله، ولازم اتصل علئ حسين
اتصلت وكلتله وسولفتله
ضل يحجي عليه و يرزلني
شسويت وليش سفرتها ماتدري مافكرت بالعار رح يصير بالعشيرة
وابوي ليلة ليل ولا نهاره نهار
...اكثر واحد معصب وبنفس الوقت خايف عليها
المشكلة كبرت ....ونتصل علئ عمتي انا وحسين،مانحصلها
وحسين يلومني ...
انسدت السالفة لمدة اسبوع ...عبالنه هاهيه رح يسكتون
بس ! ....اعلن جدي عليها
ان اي شخص ...يشوفها
....يكتلها ......ويصير كتلها حلال عليه
والكل بعد سكت .....مرت الايام نفس الحياة ونمطها
ومرت سنه .....صارت سنوية عمي
وراها سمعنه بحمل امي محد راضي لاا انا ولا حسين حتئ ابوي
وهيه فرحانة عبالها بهذا الحمل رح ترضي
بس !...زاد قساوته وياها وصار يضربها حتئ تسقط
وهيه بيأ طريقة تريد تحافظ علئ الجنين
ابتعدت عنهم ابتعاد كلي وما تدخلت بمشاكلهم
اهتميت بدراستي فقط، مع هذا ما بطلوا من المشاكل وابوي مُصر على انو يلگه مرت عمي مرحوم ..
بالكلية چانت وياي وحدة حنينة تصبرني، صديقتي وحبيبتي حنين اسم على مسمى حنينه تصبرني بكل شي ..
من دخلت بحياتي صرت احسن نبقى نسولف ونخطط مستقبلاً، حسين اترقئه وصار اسمه معروف ضابط حسين وافتخر بأخوي ..
...مرت ايام وامي ولدت شوية ابوي كف عنها بعدين طلعت شغلة لازم يزوجون حسين ..
وظل ابوي وجدي يلحون عليه بزواج هو ما قابل
يكلهم بعدني ما أريد اتزوج وأورط بنت ناس
وانه بين موت شعراية ظل ينزل بشهر مرة بسبب اهلنا ..
... بعد ثلاث سنوات من وفاة عمي جنت استوي راجع من الدوام وسمعت بخبر موت مرت عمي على ايدهم على أساس غسل عارهم ... ظليت ما اعرف شسوي اتذكرت كلام حسين من كال إذا ماتت راح يكون بسببك بس والله ما جان نيتي هيج .. وابوي هنا جن جنونه بعد اكثر من قبل ظل ما يعرف رحمة بحياته ...
كل الصار بسببي حالتي كلش تعبت ما عرفت شسوي ظليت اليوم نفسي انه سبب يلي صار اي انه لو استشاريت اخوي جا ماصار هيج
...انعزلت نهائياً عن اهلي جنبتهم ... بس حنين صارت جزء من روحي تصبرني ... نفسيتي تعبت ما اعرف نوم شلونه الا أشرب حبوب مهدء صرت مدمن عليها .. كل احلامي كوابيس .. اشرب حبوب نوم أريد انام وارتاح من صار بيه ... إذا اجه الليل احس هوه يخنكني اكره جيه الليل احس بالوحشة ...
بيوم چنت گاعد وعيني على عقارب الساعة احس گلبي يأذيني وما مرتاح بوگتها اتصل عليه حسين إستغربت شفت ساعة 2 بليل اذكر كلامه الى احد الآن .
-الو خوية شلونك
-هلا بيك زين خوية يمتى تنزل مشتاقلك
-اسمعني ياخوي وركزي وياي
وجان صوت شلون واحد يجر نفس بلكوه ...
-اسمعك گول خوية صاير وياك شي ؟؟
: اشوف ياخوي ماظل وكت بين الموت شعراية ،اوصيك ياحزام ظهري بيك ...
مااريدك هيج تكون ضعيف اريدك الكل يفتخرون بيك ... دوووم راسك مرفوع من بعدين ولا اتخاف بمرارة الحياة اصبر وصير ويا الزمن ضده ..
اريدك تكون سند للاخوانك وللامك ... مااوصيك هللله هلله بأحسن وطيبة.
ما گدرت احچي لساني أنربط كلامه خوفني وباللحظة ردت ارد عليه بس انقطع الخط اتصلت عليه مرة مرتين واكثر وماكو بقيت گاعد لوجهه الفجر اصلي وادعي لا يصيرله مكروه كلش خفت.. صارت ساعة 6 صبح واسمع صوت صريخ بالبيت طفرت من مكاني نزلت وانه ادعي ربي يكون الي ابالي مو صحيح ..
شفت امي وحجية شاكات زيچهن ويصرخان وامي تصيح حسين يمه وين رحت
.. هنا عرفت راح سندي واحزام ظهري
راح وعافني ...
ما عرفت شسوي بوكتها فقدان اخوه كلش صعبة ظليت افتر مثل مجنون اضرب براسي بحايط صار بيه نوبة إنهيار عصبي حاد، ثلاث ايام وانه نايم بالمستشفى، احس حمل كلش كبر، ليش هيج يا خوي ظليت اعاتبة على فراگه ما حسبت حساب فركاك
بقيت حابس نفسي لا اطلع ولا اريد احد اشوفه بس اسمع صوت حنين ارتاح ما تركتني .. واذا اجه الليل أشرب حبوب نوم ومهدء اريد ارتاح ماريد شي يذكرني انه وين . .. أريد شي ينسيني من واقعي ... وصار يوم اربعين من رحنه وهنا صدك صدكت وعقلي استوعب راح اخوي بعد مااشوفه ..
مرت ايام وانه محبوس عن العالم الخارجي ظليت بقوقعتي المريضة صرت اعاني من عُقد نفسية أذي نفسي واجرحها، مرات بدي اكتل اهلي لأن بسببهم صار بينه هيچ .
جنت نايم وتحلمت بحسين احسيت بيه ضايج يكلي
هاا خويه ما ظنيتك هيج وين امانتك هللله هلله باخوك واختك!
فزيت رحت صليتله ركعتين والندم ماكلني چنت ناسي وصيته، ظليت اخطط وبالي هواي اشياء من ضمنهن اترك هذا البيت ما أريد ارجعله نهائياً ..
تخرجت من الكلية العسكرية واخدت الرتبة صرت ضابط إستخبارات، طولت علاقتي وي حنين اكثر من 6 سنوات لازم نهاية حبنه زواج چنت حيل متردد بالزواج لأن ادركت حياتها وياي مهددة بالخطر
بيوم چنه كاعدين انا وياها ماادري چانو مراقبيني
بلمح البصر ......ضربوها وطاحت بحضني
الانسانة الحبيتها وخطيبتي وحياتي تموت ...بحضني وبسببي
گلبي قسئ وقفلته بعد وفاتها ...قسيت قسيت
وياا اشخاص اهواي .....ومن ضمنهم امي
وسديت باب گلبي....وحلفت بعد ما احب بحياتي وابقئ عايش لشغلي، اشوف ابوي يكتل امي ما يرجفلي جفن ولا اهتم هواي نصحوها اتركه وما تركته ما تعوفه متمسكة بي
بسبب تعنيف ابوي وأيضاً إستشهاد أخوي وذبح عمتي وقتل حبيبتي صارت عندي نوبات جنونية ما أسيطر على نفسي وأذيها راجعت دكتور بدون علم احد شوي تحسنت وتركت الحبوب الي چنت اخذها
بعد 6 سنوات عقدت على ام رغد چانت محتاجة مساعدتي بس هي لعبتها صح وحملت مني ما قبلت تنزله جابت بنية بنتي رغد الله يرحمها ما گدرت اعوفها تبقى بنتي جزء مني بس هي ما عجبها شغلي ظلت تسوي مشاكل من أصغر شيء وهي الي اختارت الإنفصال وسافرت وتركتلي رغد.. بقت عندي خليتلها مربية اداريها من صارت عمرها سنة سولفت لحسن..
بعد 3 سنوات چان عندي شغل سنتين واكثر ببغداد وما اگدر اترك اخوي الوحيد واختي بالبصرة ماكو أمان اذا مو يمهم انا
خيرت امي كلتلها تعالي وياي واتركي ابوي، عارضت ما قبلت تحب اتذل روحها وبيومها چانت الدنيا ليل شفت ابوي سكران ومعتدي على حسن ويضرب بطيبة بالصوندة، وامي اتدگ على خدها وتبچي وتتوسل بي يعوفهم !!
تهجم على حسن وريحة جسمه عرگ ادركت بي سكير ويسكر خيرتها اختارت ابوي حسن وگف گبالها والدمعة بطرف عينه سألها ليش يمه؟
چان اتگول:- لأن احبه انتوا روحوا وعيشوا حياتكم وديروا بالكم على اختكم الوحيدة
واني راضية عليكم يمه ويحفظكم الله..
بعدني اتذكر من كلتلها :- تدللون طالعين مو بس من البيت لا حتى من حياتكم لا تگولين بعد عندچ ولد وبنية، انسيها دامچ قابلة بهالعيشة الي كلها ذلة وإهانة ومتمسكة بيها يحرم عليه ادخل هالبيت مرة الثانية
التفتت لحسن قبل ماتنزل دمعته علئ خده بستها وهمست باذنه :- انا اخوك وابوك واهلك دموعك غاليه بس علئ اليستاهلون نزلها
حضنت طيبة ورحت اخذت الاحتاجهن من ملفات ومستمسكات اخذتهم وطلعت بليلتها لبغداد، استقرينا بشقة لحدما اجرت بيت، سولفتلهم على شغلي وگلتلهم يبقئ بسرية تامه حتئ لو يجي يوم و تزوجت لاتكولون الها
بعد ايام، صارت عندي مهمة اگعد بعيادة دكتور نَظر لمدة شهرين ونص،
سويت كلشي حتى ماتدخل بحياتي چنت اچذب نفسي واگول مشاعري مو الها بس ! بكل يوم وبكل ليلة افكر بيها وتجي على بالي وما خلى تفكيري بيها، دائماً افكر بكلامها شخصيتها عنادها خبلني حيل بكل يوم اشوفها بي تزيد اعناد وجرأة
بيوم اجتلي للعيادة شكتلي عن تحرشات ابن خالها وحسن و طيبة قنعوني ان اتزوجها واحميها واساعدها من لؤي وافقت بس كلتلها
''رح تتأذين وتحترگين بناري رح تبچين بكل ليلة وتتندمين وتتعذبين''
وبكل بساطة وافقت حبيت تمسكها بيه! لكن صار حادث ابوها وتوفى، بعد سنة تقدمتلها وخطبتها چانت اسعد انسانة چنت اشوف كمية الحب البعيونها ماچنت متخيل هيج وحدة تحبني !
.......بيوم العرس ........
صارت بوجهي، بلحضتها ضربتها عمداً
ماچنت متخيل رصاصتي رح تأذيها وتشلها اعترف چنت بوقتها مامسيطر على روحي ونوبات جنونية احتلتني ما فكرت بـأي شيء ضربتها بجنون وعيوني عمية
اعترف انا مريـض نفسـي ، کل مشكلة اخلص منها ادخل بمشكلة ثانية عالجتها وحاولت ما اتقربلها اتجنبها حتى تكرهني وتبتعد عني ما اريد تتأذه بسببي مثل حنين !
وكتلت لؤي لان جان ضدنا بالشغل وكتلت راشد هو صديقه، وهم جان عنده سوابق وملفه اسود وجنه نريد نعتقلهم وماتوا على ايدي دفاعاً عن النفس
عالجتها بالندن اشهر واحنا سوا وبغرفة وحدة
چنت رايد قربها بحيث بليلة ضعفت حيل جنت اريدها نمت بحضنها ردت اكلها احبج بس ! تذكرت ما اريد تصير نقطة ضعفي ويأذونها بسببي لذلك تراجعت جان هالسبب يمنعني !
رجعنه لبغداد وبعدما عرفت انو سالار مو اخوها و اهلها ميتين وطلعت هيه بنت عمي جبر انصدمت حيل انصدمت صدفة مستحيلة من صدك القدر جنني
ما متوقع بعد 20 سنة اشوف بناتها الي عفتهن عمرهن اشهر القدر لعب بيه خلاني اتزوج بنت عمي من دون ما اعرف
ورجعت للأيام قبل صرت اتخبل من اشوفج يجن جنوني ومن تبتعدين عني ولو لحظة وحدة اشتاقلج ما اعرف شنو الاريدة بالضبط جان المضحك المبكي اسأل نفسي احبج لو ما احبج؟ اريدج بقربي لو تبتعدين؟
حيل جنت متناقض وما احجي لاحد بس لرائد چنت اكول ما احبج واسكت اضم بكلبي
لحد مادخلتي للسجن وطلبتي الطلاك ..
...تدرين شنو صار بية بهذا اليوم ؟
تدرين اول مرة ابچي ؟
لان احبج ؟
اول مرة تنزل دمعتي من عيني على خدي شكد جانت صعبة، وجرحت روحي حتى حاولت انتحر فقدت عقلي وكلشي
وحالياً متندم بگد شعر راسي لان طلكتج بساعة ألم .. العذاب الشفته ابعدج لا يطاق
انا مو بس احبج اعشكجج والمصحف الكريم
صرتي تمشين بعروقي ! ومن كلتلج على شغلي صح جنت متوقع رح تتأذين وتدخلين بمشاكل
بس فرحان اريدج اشاركچ بكلشي يخصني وما اضم عليج لا سر ولا حقيقة وردتج تعرفين شغلي وحياتي
ومن اعترفتلج بحبي چنت اسعد إنسان بدون مبالغة لان چنت ضام هلكلمة بگلبي لــ 4 سنوات واخيراً تشجعت ونطقتها الچ !
......بيوم عرس حسن و سالار .......
اعترف انا شعلت النار
چنت مجنون وفاقد عقلي چنت اشوف النار تحرك الفستان واضحك !
لحدما شافني حسن وضربني وصحاني واستوعبت بالي سويته بيچ حركت ايديه لحتى اطفي النار منچ ياناري
انا مريض ومتناقض ومعقد حياتي كلها قتل وموت وفراق فقدت اشخاص عزيزين على گلبي بالاول فقدت حنين واخويه حسين وامي ورغدتي بسبب هذا الشغل المشؤوم
ألتفتت عليها وحچيت بتعب:- هاي حياتي سولفتلها الچ بكل تفاصيلها والله شاهد ما چذبت عليچ بحرف واحد وما أعرف نهايتها شنو! عندچ خيارين تبقين وياي لو اتركيني الچ حرية الاختيار يا ناري ما رح اضغط عليچ ابدًا بس اعلمي إن حبچ عبر الحدود احبچ اكثر مما تتصورين، كأنو انتي داعية الله ينزل على گلبي حبچ ويتربع ويزرعه للأبد بعد ما اگدر اطفى من نار عشكچ يناري مستعد أموت لأجلچ وگد گلامي ماكو كلمة توصف حبي الچبير الچ!..
ناردين
واكفة وراه على البلكونة اباوعله يحچي ورافع راسه وجكارته بيده يحچي بدون ما اقاطعة ودموعي على خدي بحرارة الجمر حسيتها، كل كلامة صدمة اليه بحد ذاتها اسرار وحقائق لأول مرة اسمعها واعرف بعذاب حياته الكبير
لزم ايدي واني ابچي دفعته وعيوني حمر
انهاريت حيل كردة فعل بسبب كلامة
صرخت.. انت ما تحبني إلي يأذي محبوبه هذا ما يحب..
-ناردين يابه!
سكتت ما جاوبته خليت ايدي على راسي حسيت بدوران..
تنهد وگال.. شنو اختاريتي؟
عفته وركضت بسرعة بدون ما أنطي جواب
طلعت من شقته ورجعت للبيت فتحت الباب دخلت طيبة ونبراس منتظرني ومن شافنني اجن عليه راسي احسه رح ينفجر بسبب كلامه
حالتي جانت دايخة،مختنكة،مقهورة، مصدومة، منهارة، متفاجئة، فحطت بچي بچيت حييل انهاريت حاولن يهدني ويعرفن شنو الصار عفتهن وصعدت لغرفتي قفلتها عليه
كسرت كل الاغراض على الميز وگعت بالگاع
ولميت رجلية لصدري ابچي واناشغ واشهگ بصوت عالي كل ما أتذكر كلامة ازيد بچي
من عرفت ببمرضه وحالته النفسية وموت اخو وخطيبته ماچنت عندي فكرة عنهن ولا گالي من قبل بحيث انصدمت حيييل..
غمضت عيوني اتذكر إلي صار قبل 4 اشهر..
Back to the past
"في يوم انفجار السيارة"
ركبت بالسيارة بس احس گلبي يأذيني احس رح يصير شيء وصلني ابو التكسي لباب البيت وراح
بقيت گاعدة ما اعرف شسوي ماعندي مفتاح وادخل تالي صفت سيارة سالار اول ماشافني ركض ماتخيلت كبر لهفته عليه
نزل من سيارته يركض، شبگني وباس راسي حسيته رح يبچي
اخ ...خايف علئ اخته
يگولي: گلبي انتي ولج وين چنتي فريت بغداد كلها ادور عليج، انا و الفريق وما لكيناج وهسه اجيت لحتئ اخد شغله وشفتچ بالباب الحمدلله يارب
بسرعة اخذني صعدني لسيارته وطول الطريق اسولفله عن الصار أستغربت كمية الخوف الفضيعة عليه عباله انخطفت او احد قتلني لو قيس ماخذني
سألته عن حيدرة گال ما بي شيء ومعليچ بي ورجعنه لأربيل وحيدرة ما موجود ما شفته
مر يوم ..يومين ..اسبوع ..شهر ..شهرين وهو مختفي
عجزت اعرف وينه؟ وشنو سبب إختفائه؟
لحد ما مر 4 اشهر ..سمعت من حسن ان حيدرة بالمستشفئ
ومريض تخبلت ومحد يرضا يوديني اله لأن تعبان وما يقبل اشوفه بهذه الحالة
بس اليوم الصبح خابرني حيدرة گال تعالي اشوفچ رحت لشقتة دلاني عليها
چنت مشتاقة اله أشهر واني ما شايفته ولا سامعه صوته اول مره اشوفه تعبان حيل لهذه الدرجة
گال تعبان ناردين و اريد احچيلچ كلشي اريد اخلي حد ونهاية لعلاقتنه ما أريد اضم عليج بعد اريد افتحلج گلبي واحچي الي ضامه عنچ
بقيت واكفة اسمعه صار يحچي عن حياته واني مصدومة
مسحت دموعي ورجعت لزماني عفت التفكير والتذكير اكو شيء بداخلي يگول ارجعي اله هو يحبچ لمعة عيونه موجودة من يگلچ أحبچ هو صادق بكلامة!
گمت وگفت گبال المرايا أباوع لنفسي بدون تركيز صرت احچي وياا المرايا وهيه تجاوبني أتخيل روحي احچي و اجاوب
- هو يحبني
- لاا چذاب ما يحبچ
- لاا حبه صادق، شفت دموعه بعيونه من يحچيلي
- ما يحبچ، هو مريض نفسي
- بس تعالج، ومرضا صار بالماضي، اريد انسئ كلشي وارجعله لان احبه
- شلون تنسين، وهو بسببه انخطفتي مرتين و خلاچ مشلوله وحركچ بنار
..ليش تسامحي؟
- لان يحبني
- مايحبج هو ممثل ويريد يكسبج ويستغل حبج اكبر جذاب لا تصدكي
- انچبي اسكتتتي كافي
اخذت علبة وشمرتها علئ المرايا تكسرت وطلعت صوت قوي وصارت قطع صغيرة متناثرة، اباوع لوچهي وبچيت بحيرة من أمري !
.....
حسن..
بيوم الحادث المزيف طلعت السيارة الي أنفجرت فارغة!! وهذا من تخطيط قيس يريد يخوف حيدرة ويهدده
كل بالي يم حيدرة شنو صار بي ساعات و اجانه أتصال حيدرة سوه حادث بسيارتة !!
رحنا إله بسرعه ونقلناه للمستشفى خيطو راسه عملية راسة أسبوع وهو متخبل وانجن رسمي تسودن..
اعرف بي يعاني من عقد نفسية ونفسيته متدمرة فرد نوب بس تعالج وگدر يتخطى مو بنسبة %100 لكن بنسبة قليلة وادري تصرفاتة ويا ناردين چانت بسبب مرضه النفسي بس هسة!! حسيته رجـع حيدرة القديم رجع قبل 6 سنوات واسوء! انطيناه حبوب ما فاد حاولنه نهدئة ماكو أي نتيجة انجن من شاف الفيديو أنفجار السيارة
فكرها خسرهـاا للأبد!! گلناله رجعت ناردين وهي عايشة مابيها شيء والله زينة مابيها شيء عايشة ما سمعنه!! أبتعد عنه حيل أبتعد، حبس نفسه بشقتة لأشهر وچان الدكتور يزوره للشقة..
بيوم رحت لشقته شفته واگع من طوله تخبلت شلته ورحت بي للمستشفى ركض ومن رجعته الصبح رجع لوعيه وتحسن بعد ما چانت حالته يرثئ لها، اليوم رجعت للبيت عرفت ناردين رايحه اله وحاچيه وياا دعيت الله يتصالحون وترجعه طبيعي..
دخلت للغرفة أبتسمت صارت بوجهي نبراس..
حضنتها من ظهرها..
-شلونها الحلوة مالتي اليوم ؟
-الحمدلله احسن من البارحة
-شلونه ابني ؟
-يسلم علئ ابو ههههه
-يمته تولدين ولچ
-بعد هواي اني بدايه حملي بعدني ما صارلي شهر حبيبي ..
-اريد اشوفه اخخ خل يجي ويكبر يصير ضابط عسكري مثل ابو..
-منو گلك ولد ؟
-انه حاس
-ومن هسه اتدور اله شغل ؟
- اي چاا شحسبالچ، وسميته جعفر هههههههه
-حساني تشاقه مو..
ضحكت، :- اشاقة اسمي هشام
-اي هشام كلش حلو عجبني..
اندك الباب ابتعدنه ودخلت طيبة وهي تگول..
-حساني سالار يريدك جوا
هز راسه طلع واجت يمي ..
طيبة:- خابرتي نور ؟
-اي يم امها و زينة
-شگد تبقه ببغداد ما عرفتي يمته ترجع ؟
-گالت أسبوع و يجيبها رائد
-ها..
......
ناردين..
مرت أيام واني ما أقبل أحد يجيب طاري حيدرة حتى لو اسمه، بديت اداوم كلية التهيت بدراستي هي الأحسن من كل شيء والأفضل، سالار مخصص إلي سيارة من الكلية للبيت حتى يأمن عليه، أحاول التهي بدراستي واترك تفكيري بحيدرة.. مر شهر على هذا النمط ..
اليوم گاعدة ادرس طلعت من الغرفة نزلت جوه
شفت حسن ورائد وسالار وطيبة گاعدين يحچون وگفت أسمع حديثهم على صفحة ..
حسن:- رح أخسر أخويه صارله شهر كامل كل يوم متخربط و واگع بالمستشفى وجسمه تعب من الأبر
رائد :- غير بسبب هلنار المعاندة هو شدمره غير الحب لو اعرف هيج رح يصير بي چان بعدته من ناردين من الاول ولا خليته يلتقي بيها
طيبة:- فدوة سوو شيء ما اريد اخوي يصير عليه شي هو مو بس اخوي هو ابوي لا تخلوا مريض ويبقى بهذه حالته !!
أسمع حچيهم وگلبي نغزني احس بتأنيب الضمير
رغم اني ماسويت اله شيء يضره هو الي ضَرني! شافتني طيبة اجت الي رحت ركض لغرفتي وهي لحگتني ودخلت وگفت يمي صارت تبچي گبالي ..
طيبة: رح اخسر حيدرة ناردين أخوي تعبان حيل فدوه بس أنتي تگدرين تعالجينه أنتي طلعي من حالتة هو يحبچ ويريدچ بس ما يعرف شلون يوصلچ مشاعره بس كلش متأذي والله..
حاولت ما اتعاطف وأكابر اقوة ما ابچي وأنقهر لأن كل شيء صار بسببه اقنع نفسي بهذا الكلام وما جاوبتها طلعت من الغرفة وأني رجعت أدرس..
بس !!! بعد أسبوعين دخلت طيبة الصبح لغرفتي ميته بچي گالت حيدرة رح يسافر ويعوفنه للأبد !! دقايق ورن جهازي شفته المتصل هو! رديت عليه بقلق ..
گال :-
اذا صدگ تحبيني، ارجعيلي ناردين
ماتتخيلين شصاير بيه، حالتي يرثئ لها
اذا انتي تردين ابتعد عنچ ابتعاد كلي، گولي ؟
لحتئ فعلاً اطلع خارج العراق وبعد ما تشوفيني طول عمرج واطلع من حياتج
الدمرتها بسببي اذاة ومشاكل ..
اذا اختاريتي الخيار الثاني اعلمي مستعد بهلحضه اخذ جنطتي واسافر
بس ..اذا اختاريتي الخيار الاول رح اكون اسعد شخص
عندچ بس ساعة تفكرين بيها وتاخذين قرارج لا تستعجلين بس أسمعي لگلبچ قبل عقلچ
غلقه بوجهي واني ساكتة تمامًا أباوع لطيبة ميته بچي..
طيبة:- ناردين حبابه لا تخلي يسافر أبوس ايدچ والله إذا حيدرة اخوي يروح انه اموت والله اخوية متعلقه بي فوگ ماتصورين اعتبره ابوي
فدووه أنطي فرصه أخيرة والله رح تعيشين بسعادة بس وياا صدگيني لاا تضلمي هو يحبچ والله يحبچ
-طلعي طيبة..
طيبة: ناردين فدوه فكري تره يحبچ بس مرضه وماضي المشؤوم بسبب تصرفاته الله عليچ انطي فرصة والله يحبچ
-طلعي فدوه..
لزمت ايدها وطلعتها وسديت الباب گعدت لوحدي علئ السرير لازمة راسي أعيد شريط حياتي من أول ما شفته لحد هذه اللحظة
الدكتور حيدرة ،،،
الله خلقه كتله من جمال سحرني حييل ،،
رزانته،، اسلوبه،، شخصيته ،،ضحكته ،،،،
ابتعدي أذيچ ،،،
لحتئ اساعدچ رح اتزوجج تصيرين زوجة حيدرة مستحيل احد يأذيچ
انتي بنت عمي ،،،
رغد بنتي ،،
ابوج مات بسبب ابوي ،،
احبك ليش ماتحس بيه ،،
انتي امراة لاا تكرر ،،،
احبج ناري وحق كل الديانات ،،،
اسمي انمذج وياا اسمچ مستحيل بيوم اتركچ ،،
انتي نــاراحيدرة ،،،،
اخذت نفس ايدي علئ گلبي اسمع نبضات گلبي العالية يارب دليني علئ الطريق الصحيح تهت و احتاريت محد يمي ينصحني لا أم ولا أخت چبيرة كالعادة
احس تفكيري متشتّت ما اگدر اخذ قرار المناسب والصح
دقايق قليلة نهيت الصراع الداخلي وتمددت على فراشي أرتخيت وغمضت عيوني وغفيت..
اجه ابوية بالحلم چان وجهة نوراني گال إلي بنتي سامحي انتو مخلوقين لبعض واحد يكمل الثاني راضي عليچ وادعيلچ وما اتركجچ لوحدچ باقي وياچ دائمًا بكل وقت صعب
ادعيلچ بالسعادة تملي حياتچ انتي وخواتچ خلي أملچ يكون بالله چبير الله كاتب حيدرة الچ وانتي اله وافقي ابقي ويا وكوني عوضه عن الماضي الي عاشه وكوني علاجة النفسي لا تعوفينه بابا
فزيت من الحلم وعرگانه حيل حسيته صدگ چان يمي گاعد مو مجرد حلم!!
أحس هذا أشارة الية لان ابوية ما يجيلي بالحلم الا إذا مصيبة لو مشكلة صايرة وياي لو مقهورة ودائماً كلامة يطلع هو الصحيح
بسرعة رفعت راسي باوعت علئ الساعة وافرك بعيوني صارلي نص ساعه نايمة يعني بعد نص ساعه وحيدرة يروح ؟
لاااا يا ربي اني مسامحتة ما اريده يعوفنه ويسافر!.. نزلت بسرعة لبست سترة علئ ملابسي حسن چان يريد يطلع وگفته وسولفت اله
حسن:- اذا بروحتچ رح تخلي يتراجع وما يسافر فاا اوديچ ليش لا
طلعنه وركبت بسيارته..
-بسررعة حسن سوق أستعجل..
-بعد اخوچ جاي اسوق بسرعه والله تردين اسوي حادث جديد شني..
-لا بس استعجل فدوه..
- نلحگ ان شاءالله بس صلي على محمد..
وصلنه شقته تبعد عن البيت بحدود 10 دقايق نزلت من سيارته اباوع عليه من بعيد طالع من شقته وجنطتة بيده..
ركضت بسرعة شافني وأبتسم وگفت يمة..
حيدرة:- كل الهلا بناري..
-حيدرة لاا تروح اني أحبك!! واختاريتك ومسامحتك على كل شي..
-گلبي حس رح تجين وترجعين إلي..
-اني موافقة ابدي وياك صفحة جديدة وننسى الماضي ويكون النا درس وعبرة وما يتكرر بس بشرط..
-يتنفذ من هالعيون..
-سالمات..
-شنو الشرط؟..
- اترك شغلك .
*****
بعد مرور ايام انخطبت لحيدرة چان يوم عبارة عن مشاعر صادقة، خلال هذهِ الأيام صفى حساباته ورتب حياته من جديد ترك شغله الإستخبارات ونهى كل شيء يخص هذا الشغل وانسحب تدريجياً لكن بدون علم رئيسه أبتعد من كيفه هو ما بلغ احد ! غيرنا بيتنه ومنطقتنا شلنا بغير منطقة إضافةً غيرت جامعتي وطوينه الماضي من صدگ بدينا صفحة جديدة ..
بيوم الي قرر يروح للدائرة ويگول الهم رح اترك شغلي نهائياً تفاجئت من رجع للبيت وگال اذا اترك الشغل انسجن سنوات ! لأن هاي قوانين العسكرية لازم يستمر بشغله اذا بقى يغرمونه وينسجن والحكم تصدره المحكمة عدد سنوات حبسه ! .
تخبلت وگلتله لا ابقى لعد خوما تنسجن بسبب شرط مني ! لكن هو كان مُصر گال انه تعبت وأريد اتركه نهائياً وأستقر وأركز على عائلتي
بيومها اتأخر وما رجع، اجه حسن اخذ ملفات وفحوصات گال رح ينعرض للجان الطبية إذا عرفوا يعاني من حالة مرضية وعُقد نفسية ينفصل من شغله يتقاعد بدون حبس
فرحت بهالشيء تصورت رح يرجع يعيش ويانه بس! چنت غلطانة.. گال رائد حيدرة رح يسافر للعلاج النفسي ..وممكن العلاج يستمر لأشهر طويلة وممكن سنة!!
خابرني وطمني گال رايح علمود اعالج نفسي لأجلچ لأن أنتي تستحقين شخص طبيعي ما يعاني من تناقض منطق وعقد نفسية..
الأيام چانت تمر على كيف وهو ما موجود ! حسن ورائد ما تركوا شغلهم وبين فترة وفترة يرحون يزورونه ويشوفونه شنو محتاج ..
نور ولدت بنية سموها (بسملة) چنت ألهي روحي بيها عسى ولعل الأيام تمر بسرعة ويرجع حيدرة مشافى ..
الحمدلله مرت على الخير وطلع بالسلامة بعد مرور 10 أشهر رحلة علاج .. فرفحت روحي بشوفته ردتلي روحي بيومها رائد ذبح ذبيحة بمناسبة رجعته النه سالم وارتاحينه من شغله ..
چان مُتغير .. كُلش .. أسلوبه كلامه تصرفاته افعاله كلها تغيرت للأحسن !!
اول ما رجع حدد موعد عرسنه نسوي اهنا بأربيل، نبراس صار عدها أسقاط خطية حسن حيل انقهر بيومها گال ما مقسوم نتعوض إن شاءالله..
قبل العرس بأيام طلبت منه روح لمقبرة ازور اهلي، رحت اني وياا للنجف زرت بالأول ابوي حيل فرحانة واحسه هو فرحان ومنتظرني لان يجيني بالحلم كل يوم يبتسم بوجهي..
تالي گلت اله اريد ازور اهلي وديني لقبر ابوي الحقيقي وامي، ما عارض ورحنه لمقبرتهم چان مدفون قبرين قبر بأسم جبر والثاني بأسم حسين صارله اكثر من ١٠ سنوات متوفي..
-هذا قبر اخوك المرحوم مو؟..
-اي حبيبتي هذا حسين اخوي وجع گلبي..
-الله يرحمه سلامة گلبك من الوجع حبيبي..
التفتت وره شفت قبر امي ما مخلين الها اسم بس تراب مامسويلها قبر مثلهم گعدت حچيت وياها بهدوء ..
أمي ماتت مظلومة وعافتنه بالدنيا ماشفنه بيها
بس هم و قهر وضلم!!
ها ماما شلونچ عرفتيني لا ؟ أني بنتچ ناردين الي ما لحگتي تعيشين ويانه بس 3 سنواتو قتلوج ضلم ذبحوچ من نحرچ هياتني اجيت
بعد ما عرفتج انتي أمي الحقيقية الي ولدتني
بعد 20 سنة عايشة ببيت مو بيتنه وعائلة مو عائلتنه الحقيقية وي أم مو أمنه !! اه يا يمة شگد صعبببة ؟!!
شگد عندي حچي هواي كاتمته بداخلي وأريد احچي و اسولف وياچ ما تصورين شنو صار بغيابچ من متي وعفتينه!!
ضلم مرت الاب ، تحرش ، اعتداء ، أجبار ، حرمان ، انكساار منذ الطفولة السيئة
وبعد هواي أحداث صارت ..
وسويت هواي اشياء خطأ بسبب
ما چانت عندي ام تعلمني
الشي الصح مـن الخطأ
چنت ام لسان و الي براسي اسوي مراهقة
بس هسة كبرت وتعلمت من اخطائي ..
مع هذا .. اني نسيت للماضي لأن حاضري ومستقبلي كلش احمد ربي واشكره عليه.. عوضني وچان العوض معجزة..
اخ ما اعرف شسولفچ عليه.. طيح حظي لحد ما اعترفلي وگالي احبچ ههه بس يمة اني احبة حيل روحي متعلقة بي وحاسبته كلشي حبيب واخو وزوج.. هو كلشي هسه..
واني ادري رح أعيش ويا بسعادة بعدما انعدمت السعادة لسنوات.. ادعيلي ماما نبقى سوا وما نفترگ ويبقى حيدرة لناردينه..
جريت نفس وتنهدت أباوع لقبر ابوي جبر حتئ وهو ميت ما اگدر اسولف وياا لو احچيله لذلك بسته وأبتعدت عن قبرة..
ما اعرف ليش احسه غريب علية حتى لو هو ابوي الحقيقي..
لان معتبرة لحد هذه اللحظة عندي بس اب واحد وهو بابا جاسم هو الي ربانه وتعب علينا ودائمًا إذا أحتاجيته الگه يجيني بالحلم ويدليني علئ الطريق الصحيح وياي خطوة بخطوة
اما الام أساسًا ما عندي لا ميتة ولا عايشة ما حسيت بحنية الأم ولا شفتها
حچيت إلي بداخلي إلها واكتفيت ما ادري تسمعني لا بس طلعت إلي بكلبي احسن من يبقئ مكتوم بداخلي
بقئ حيدرة حاضن قبر اخو يحچي وياا و يسولفله بصوت خافت..
تالي باس قبرة وتنهد وگام مسح وجهة وقرا سورة -يس- بصوته
تركنا قبورهم ومشينه شويه گلت اله حبيبي وين نروح هسه؟..
حيدرة: نروح لوحدة حنينه..
-منو هذه؟..
-هسة تشوفيها..
مشينا بأتجاه قبر بصفه زرع نبات أخضر.. أتفاجئت وگلت اله ميته؟..
-اي..
وگفنا بالقرب من القبر وگلتله منو هذه حيدرا؟..
-حنين..
خليت ايدي علئ شفايفي مجرد شفت قبرها وقشعر جسمي قريت الأسم" الشهيدة المرحومة حنين غازي
بلحظتها ما عرفت شنو احچي لساني نربط وأني أشوف أنسانة إلي چانت حبيبة حيدرة وأنقتلت غدر بحضنة بعمر الورد ..
أبتسم وگال بصوت مخنوگ.. ناردين صحيح أنا أحبچ وگلبي مسجل بأسمچ أنتي فقط بس ما أنسى حنين دائمًا هي أبالي أسمها وذكرياتي محفورة وأذكرها بدعائي مستحيل أنساها حنين الحنينه بكلشي الي ماتت بحضني وروحها صعدت يمي
-حبييي هذا من حقك ما امنعك بالعكس اني وياك وافهمك.. الله يرحمها..
-ياريتي.. نقرأ سورة يس ونروح..
-تمام..
بقينا بالنص ساعة تالي گال يله أمشي.. لزم ايدي ومشينا چان لابس بنطرون أسود وقميص سمائي وشعره صاير أبيض بسبب الشيب ..
رحنه لقبر خالتي ورغد ..
ضلينه هواي يمهم بچيت حييل اني وياا اعز أثنين عنده جوا التراب وأدري بي منكسر كسرة كلش چبيرة بس ما يريد يشتكي
-قوي گلبك حيدرا..
مسح عيونه وابتسم بيأس ولزم ايدية حيل
-گلبي من يوم يومة قوي..
-يساعدك الله..
-حبيبتي يلا يلا امشي نروح..
زرناهم وطلعنا من مقبرة وادي السلام ..رحنه لأمام علي ( عليه السلام ) أمير المؤمنين..
راحه لا توصف بكلمات من حاضنه الضريح وابچي بمكان مقدس..
قريت قران وصليت ودعيت الله وأمامي يوفقنه
اني وحيدرة ونبدي حياة جديدة بعيدة عن المشاكل لان تعبنه واكتفينه..
طلعت من الامام مبتسمه وفرحانة من هذا المكان وهذه اللحظة بديت حياتي الجديدة..
......
بيوم العرس بعد انتظار طويل لهذا اليوم
- أني بحلم ؟
- أنتي أحلى حقيقة جاي اشوفها
- أنت حقيقتي
- أحلئ تعويض إلية من الله
- أنتظرت هواي
- أنا يمچ هسة و أبوس عيونچ الأحبهم
- رح تحبني هواي ؟
- لا !!
- يَاا
- راح اعـِشگجَ حِيل
- شلون حِيل ؟
- يعني انتِي تصيرين اَلهوه الِي يَصعد وينزِل
- بس هذا كُلش هواي إلي
- قليل وربچ
- زين راَح تاَخِذني واصِير مْرتك ؟
- لاَ
- همَ لا !!!!
- تصِيرين تاَج راسي ؟
- بودي اصير دنيتك وام ُجهالك الستة
- اتمناچ كلِش تعالي لحضني
إبتسمت شمرت روحي بحضنه حضني من خصري لصدرة..
- أحبچ يا كُل شي حلو ينگال بلساني
أبتسمت وضحك بحب..
- أعترف بشيء الك ؟
- اي حبيبي..
- أحب ضحكتك هذِه كلش..
- و اگلچ بسر ؟
- آيي..
- اعرف..
- شلون!؟..
- لان انتي السبب بكُـل ضِحكة
-يابعد عمري احبك حيدرة هواي..
- أحبچ أنا اكثر مماَ تتصورين وماكو حب مثل حُب حيدرة الچ وحق الخلق السبع سمواتَ أنتي سبب علاجي ونسياني الماضي أنتي ناري ودنياي الوحيدة حُب عظيم الچ
يا مُلكي وملآكِي
ومليكَتي ومُكملي
وكمَآلي وكلآمي وكلي
يا نـاري و نـارا حيـدرة
يا سيـدة كل النـساء
انـتِ امـرأة لا تتكـرر
...
بعد مرور أشهر
أربيل_شلال بيخال
ناردين: گاعدة علئ الكرسي وبحضني بسملة لابسة بدله ورائد اجا بيده كيكه عيد ميلادها
والكُل گاعد ..
حچيت:- لعد و الببسي وينه ؟
رائـد: نسيته بالمحل يمعودين دخت والله أمسحوها بوجهي!!
ضحكنه وراسي علئ چتف حيدرة باوعتلة ورفع راسه باسني وعصر ايدي..
نبـراس: حساني أريد كيكة عليها مربئ
حسن :- لا اله الا الله، يمته تولدين وارتاح كل شوي ومتوحمه ياطلابه حسن
- اريد مربئ بالرگي
- حبيبي منين اجيبلچ رحمة لالله حتئ نساوتچ بخبال!!
- معليييييه
ضلو يتعاركون واحنه نضحك أنتصرت نبراس وراح حسن يجيبلها من المحلات القريبة ويجي
خلينه الشموع بالكيكه وشغلناها..
نـور : أميرتي الصغيرة گولي اوووفف ونفخي الشموع..
شلتها ونفخنه سويه وصفگنه وهيه تضحك ببرائة گمت قطعت الكيكة..
رائـد: بنيتي وحبيبتي وروحي كبرت سنة
نـور:- هاي كلها هيه لعد واني شنو واكفة كبالك رائدنا
- انتي حياتي كُلها
غمزلها وأبتسمت ورجعت تاكل
اكلنا واخذت كريمة بيدي دمرت حيدرة بيها ضاج ورفعلي حاجبة بمعنئ "أصبريلي
مـتت ضحك علئ شكلة..
- ناااري ليش هيچ بووووية!!
- بااع كيك و ياكل كيك
- لا تگولين باع
گلتله بخبث: باع باع باع وشتره هههههههه
اخذت موبايله ورحت أركض وهو يمشي وراي ويصيح بأسمي
تالي لزم ايدي واني سكرانة ضحك عليه گعدته علئ بالأرض ..
- خاب صدقة لهل وجهه الضايج
- يروحي لا تعيديها بعـد
- يا ولد أحبك
ما رد بس مُبستم بوجهي..
- احم زعلان هسه انت ضايج مني
شسمه ياولد مُمكن نتعرف؟
- لا
- شهل الجمال باع الحواجب
المطبوگه شحلاتها ..
مُمكن نتعرف مو گلبي تزرف
- مرتي ما تقبل
- يا ويلي أموت عليك وروحه للنبي
أبتسم: مو بگدي
- شسمه لحظة انطيني موبايلك
- شتسوين بي ؟
- بس انطينياه، أشغل أغنية
أخدته و شغلت أغنية لأسراء الاصيل
"وردة حمـرة"
كُـلش أحبها شغلتها بصوت عالي اسمعها و ادندن بكلماتها بهمس..
اجا حسن مبوز، جايب مربه بالباذنجان
ونبراس باقية تدك وتطلم ههههههههه
اجا رائد خله بسمله بحضني وطيبة ونور ونبراس گعدن يمي
وسالار وگف گبالنه گال: يلا اخذ الكم صورة قبل ما نرجع للبيت
رائد :- كولو ششيززز
ضحكنة واخذ إلنه صور ولقطات حلوة
گامو راحو للشلال بقينه بس اني وياا واگفين و حمامات هواي يطيرن
- شسمه
- گولي إلي شنو بيچ صارلچ ساعة تفكرين احچي ؟
- اريد اصير أم مثل نور يصير عندي بنية مثلي طبعًا
- إن شاءالله ناري البنية نسخة منچ وتخبلني بخبالچ اويلي تصير ناردين نسخة المصغرة
- هههههه حدحد إذا صار عدنا أطفال شنسميهن ؟
- شوفي هو هسة ماكو بس إذا تردين
انا جاهز بكل وقت
- ياَا حدحد
- ههههههههههههههه يا روحي سكتت
- ما گلت إلي شنو نسميهم ؟
- أنا أسمي البنية الاولئ
- ليش هو اكو ثانية هم ؟
- حبيبي إنا لو عمري 60 هم أخلف
- لو اعرف شوكت تتأدب ؟
- أنتي حرفتيني هههههههههههه من تبطلين تحبيني ابطل وكاحة ؟
- إذا هيج عمرنا كله ما رح نشوف هاليوم
- أحبچ
- أني أكثر ولا تگول لا أني لا والله ابچي
- جاي تهدديني هيچ
- كيفي والله
- ماشي عمي أمرنا لله انتي تحبيني أكثر
- اموت بيك و روحه للنبي
أي شنو نختار اسم بنتنه ؟
- "نـورسيـن"
- حلو بس ليش هذا الأسم ؟
- قريب علئ اسمچ و عندي أحساس رح تكون الها قصة حُب مميزة مثل قصتنه
- صُدگ، لعد كُلش حلو
- أي يا ناري
- هسة البنية نـورسين الولد شنـو انسمي ؟
- أنا سميت البنية انتي سمي الولد
- رح اسمي الـ حيـَدر
- ورح تحبينا أكثر مني أكيد ؟
- يولن إني احبة لان منك هو !
- أحبچ ياروح حيدرة انتي
...شِني هـاي ؟
- شنو ؟
- لـيش هلگد حِلوة من تحچين ؟
- عيونك تشوفني هيچ
- لا مو عيوني عيونچ الخضر
وكل يوم لون، شلت روحي
- يِشهـد رَبك عليه عيوني
و كُلشي بيه مَيشوفن غيرك
- عادي اگـلچ شيء ؟
- گـول ؟
- وين مآدِرتي وجهچ ﭑحبِچ ، ﭑنتي چنج بَغـداد
- عادي اگلك شيء ؟
- گولي
- عَظيم انـتَ
- شلـون ؟
- تِشبَه بَـغْـداد هِواي
- أگلچ شيء ؟
- أي
- عَظيـمة انتي
- شلون؟
- تشبهـين دجلة هواي
أبتسمت حضنتُ ايده حيل
- نـاراحيـدرة
- عيونها لنارك
- ناري ناري حبچ أبد ما طفئ
- مشتعل شوگ و وفه
- وگلبي بيچ مكتفه
أباوع علئ الحمامات بالأرض ..
شلت حمامة بيدي وهو قريب عليه
لزمها ويـاي ..
ضحكت عالي، وطيرناها سوا للسما
باوعتله مبتسمة، فتح ايديه وشمرت روحي
بحضنه و حضنني قوي ........))
