رواية بنات سهر الفصل الرابع بقلم فراقد حسن علي
ارد احچي واسولف أسمِع العالم
يتيم آنه وزماني اعليه بالحكم ظالم
خاف احچي ويگول يبالغ البطران !!!
حگه لأن معنى اليتم ابد ما فاهم....
==========================
خالتي فاطمة سألتنا من خلصنا صلاة وقراءه القران
/ يمة ليش متصلن على التربة ؟؟
كتلها / لا المهم عدنا صفاء النيه بقيام الصلاة
من دون رياء وحق السجود لله
هي سكتت لمى بعد ما ناقشت ويانه
10
خالتي رجعت سألتنا / يمة أنتن تعرفن شنو أصلجن ؟؟
اقصد تعرفن أسم عشيرتجن شنو ؟؟
جاوبتها سوار / اي عشيرتنا الجبوري
خالتي طبكت حواجبها وكالت / منو كاللجن عشيرتجن الجبوري ؟؟
أني جاوبتها/ ماما دوم جانت تكول ألنا
أحنا تابعين لجبور البو خطاب
خالتي هزت أيدها وكالت / الله يرحمها ويغفر لها
يمة الينكر أصله يكولون عليه نغل
أنتن بنات عدنان أبن محمد الكعبي
أصلجن وأصل أبوجن وأجدادجن من بني كعب
خالتي كالت / الله يهديجن ويستر عليجن
بس أحب أكلجن شغلة وحفظنها مني
أنتن بنات ١. (عدنان محمد الكعبي )
وعمجن شك المنشار ٢.
(حاتم محمد الكعبي )
وهو ضابط رتبته عقيد
يداوم هو وأبني طارق بالناصريه
15 ت
عاينن علية زين ،،عمام أبوجن
١.جابر / وعنده ٥ اولاد
كلهم متزوجين
ومنهم سعيد زوج بنتي سهى
6 ت
٢. جدكم محمد / وعندة ٣ أولاد ،،
أبوجن عدنان
وعمجن فهد شهيد بحرب ايران
وعمجن حاتم
5 ت
٣.وشامل / عندة ٤ أولاد
وكلهم متزوجين
ومنهم مهند زوح بنتي هدى
2 ت
٤. كاظم / عندة ٣ أولاد
هو زوجي وأبو اولادي ،،منتصر،، طارق ،، وهمام
3 ت
٥. حميد / عندة ٣ أولاد
المغدور المرحوم كريم
والنقيب مازن
والدكتور حيدر خطيب لمى
7 ت
٦. علي / ماعندة أولاد فقط أثنين بنات
ساهرة ،، وسهام
هذولة أعمامجن وأعمام أبوجن
واصلهم واضح وضوح الشمس من بني كعب
وللعلم الشباب المتزوجين كلهم مخلفين أولاد
فتعلمن لا تنكر أصلجن عيب
اذا واحد سألجن شنو عشيرتكم
كولن كعبي او بني كعب
18
وهسة تعالن يمي بالمطبخ نسولف هناك بين ما لمى تسوي العشاء
1 ت
يالله أصعب شعور الواحد يحس بي
هو شعور الغربة
حتى مانعرف شلون نتصرف
شدكول خالتي نسوي ونمشي وراها
مااعرف لان نحس نفسنا تايهات من بعد ماما
ونريد نجلب بخالتي ونشوفها هي ملجأ الامان النا
من بعد جناح ماما وبابا لان أمبينا حبابة
لو لان أحنا فقيرات وكنا حبيسات البيت
وما عدنا أختلاط ويه الناس
ومعرفتنا على كد تعليم ماما
واشياء بسيطة نتعلمها من التلفزيون
حتى مانعرف نلطم ونبجي
و ننعى على فقدان ماما
بس دموعنا هي الكفيلة بالتعبير عن حزنه
7 ت
صدك كعدنا بالمطبخ ودموعنا تسيح على وجهنا
كل وحده من عدنا تواسي الثانيه
وخالتي كاعدة يمنا تسبح
ولمى واكفة على الطباخ بالمطبخ الثاني. وتعلم بهاي البنيه الصغيرة شلون تسوي عشا
3 ت
هنا دخل علينا همام وياه شاب ثاني مملوح المعاني
خالتي بسرعة طفرت وكامت وكفت بوجهه
وفتحت ايديها تمنع تقدمة علينا
وكالتله / عمه أمشي عليك غيره العباس
لا تأذيهن تراهن نثاية يكسرن الخاطر لا تحملهن ذنب غيرهن !!!!!
11 ت
هو وكف كدامنا ويستغفر وينافخ
أحنا ثلاثتنا كاعدات على نفس القنفة الجلد
وكال / أتمنيتجن زلم
بالعباس لوذرجن واخلي كل وذره منجن بصوب
تف 💦 عليجن وعلى أبوجن العار
تفل علينا وطلع من المطبخ راح للصاله
24 ت
وهمام كام يصيح على خالتي فاطمة
يكلها / هيج أحسن تفشلين بروحج
أحسبي حسابج عود عمامي بعد مايعرفون بسالفة
الا يهجمون الدنيا على راسج وراس منتصر
12 ت
خالتي عاطت عليه / أنجب واكل خ...
لا تعلي صوتك عليه
يعني نثاية وين تريد نشمرهن بالشارع
هسة ما تردوهن لان تحملوهن ذنب أبوهن العار
بس من يصخمن وجوهكم ويطلعن عن الطريق كلكم تتحزمون بغسل عارهن واحدكم يصير يامرجلة
16 ت
وهنا و نسمع عيطة هذاك الشاب
ودخل للمطبخ شايط من الاعصاب
- عمة نسيتي أبوهن شسوه لو لا ؟!
والعباس بس ينزل مازن
الا أخلي يوزعهن سبايا على العشيرة
اريد أحرك روح أبوهن السكط بيهن وهو بكبرة من تف عليهن وعلى الخلفوهن
22
أحنا كمنا نتراجف ونبجي بصوت عالي خايفات من هذا الشاب
مانعرف شبي ؟؟
لو شعنده ويه بابا كلساع وغالط عليه
8 ت
وهو تخبل بس يعيط ويصيح
وأنوب لمى صركعته بالزايد
أجتي من المطبخ الثاني
وكالتله/ حيدر ليش تصيح على البنات هن شنو ذنبهن ؟؟
8 ت
وهو كام يرعد / ولج تمنيتهن زلم
والله هسة اخلي عليهن نفط وأشعلهن وماتبرد نار قلبي
9 ت
وهو كام يرعد / ولج تمنيتهن زلم
والله هسة اخلي عليهن نفط وأشعلهن وماتبرد نار قلبي
لمى جابتله كلاص مي
وهي تمشي تقدمت عليه
كالتله / يااخي أعصابك راح تنجلط هن مالهن ذنب
تلكاهن حتى مايعرفن شنو سالفة أبوهن !!!
5 ت
هو لكف كلاص المي من ايدها ولطشة بالكاع
خله الكزاز يطشر علينا
ويصيح / أاااااااني موووو أخووووج
ليش تخليني هسة اطلع ضيم الله بيج !!!
20 ت
همام دفع لمى من جتفها بقوة وكاللها / جفينه شرجج ترى مو كتج انتي ثانية
لمى نترت ايد همام بقوة
وكالت/ كومن ويايه نصعد الغرفتي
وخليهم نارهم تاكل حطبهم
هسة يجي منتصر وهو يصفيها
10 ت
من طلعنا من المطبخ ما صعدنا فوك لا رحنا الغرفة خالتي فاطمة جوة وكعدنا بيها
ولمى بقت تبجي
كالتله / روح كله عمتي تكول ما أجي
وشوكت ما بردت وتتناقش بهدوء أجي
6
حسين عبالك يشوف ولا عبالك أعمى
تقدم عليها ويحسب خطواته وصل يمها
ضحك وكاللها / دكومي يا حلوة
هو كصاب بشري
على كولت عمي طارق أيدة والموس
شتترجين من عندة يصير مؤمن ويسولف بهدوء
بوية هذا شروكي دمة حامي
13
ضحكت لمى وضربته راشدي خفيف
وكالتله/ محد مصبرني على ضيمي غير سوالفك
روح كدامي هسة اغسل وجهي واجي وراك
4 ت
صدك طلع حسين ولحكته لمى
وأحنا بقينا وحدنا بالغرفة
مرت يمكن ساعة اكثر
سوار سوت سجادة الصلاة مخدة
وتمددت بالكاع وغفت
وغصة فراك ماما
وشهكت البجي تشخر بصدرها
9 ت
وأساور اخذت القران وبلشت تقرأ من جديد
وتمسح بدموعها وتهدي ثواب القراءة لروح ماما
2 ت
واني كمت تمددت على سرير خالتي هلكني القهر والتعب وآلم فراك ماما
1 ت
هنا ونسمع صوت مراه يلعلع
وتصيح / يمة وينهن بنات الساقطة
هسة تطلعيهن من بيت أبويه
والله اليوم ما يباتن هنا !!!
26 ت
ودخلت علينا للغرفة مراه بالأربعين من عمرها
يمكن تطلع بكبر ماما
بس مبين عليها الغرور والتكبر
كلش متكلفه بملابسها وكمية الذهب اللابسته
7 ت
تقدمت بسرعة تمشي لداخل الغرفة
وصارت اقرب وحده عليها أساور
خمطتها من شعرها
يعني هي بعدها أساور لابسة حجابها
وهاي المراة خمطتها من شعرها و حجابها
تريد تطلعها برة الغرفة
9 ت
اني فزيت بسرعة
اريد افك أختي من ايد هاي المراة
سوار سودة علية هي نايمة وفزت على صوت العياط
كامت وكفت على طولها وشافت هاي المراه
شلون تجر بشعر أساور
واني مجلبه بيدها اريد افك أختي
وهي خربت وكعت بالكاع
5 ت
وخالتي فاطمة وهمام ولمى وحيدر
كلهم اجوي ركض ورة هاي المراه
بس هي مبينه صلفه ووكحة
يعني هاي الهوسة ثواني
مرت بلمح البصر
2 ت
همام وحيدر دفعوا هاي المراة
ووخروها من أساور وطلعوها برة الغرفة وهي تغلط وتفشر على ماما
4 ت
وأساور كامت وختلت ورة خالتي فاطمة
تشهك وتبجي بخوف ورعب
والله مانعرف شنو السالفه
لو شكو ؟؟ لو شنو الموضوع؟!
شو كلساع واحد هاجم علينا!!!!!
3 ت
ولمى راحت تركض على سوار
واني هم رحت عليها
عاد اجى هذا الشاب حيدر بس لزم معصم أيدها
كال / هاي عدها هبوط بالضغط ارفعن رجليها
وانطنها اكل بي ملوحة
7 ت
كلهم طلعوا ولمى قفلت الباب علينا
وشمرت المفتاح النه من جوة الباب
كالت / ممنوع تفتحن الباب
4 ت
اني قلبي هنا أطشر من القهر
على حالي وحال خواتي
وين جنا البارحه ......
وين صرنا اليوم...........
7 ت
ختلنا وحده بحظن الثانيه
وهنا بجينا
تحول بجي خوف ورعب من القادم علينا
بدل البجي على فراك ماما
مانعرف شنو الموضوع
وليش هذوله الناس متحملين علينا
ويردون اذيتنا
2 ت
يمكن نص ساعة واجت لمى دكت الباب
فتحتها الها جابتلنا عشا
بس طلعت رجعنا قفلنا الباب وراها
من صدك الخوف سيطر علينا
ما نعرف مصيرنا شنو هنا ....
1 ت
يعنى بين ليله ويوم كنا بدون أقارب وأهل
وفجأه يطلع عدنا عمام وخوال
و عشيرة أهل وكلهم مانعرفهم
والمصيبه يردون أذيتنا
على شنو وليش ما نعرف!!!!
7 ت
بقت وحدة تقنع بالثانية على الاكل
وانوب هذا صمون وكبة جاهزه وكباب مشوي
وأحنا منعرف ناكل اي شي من بره
والله بس نضوك اكل البره نتمرض
بالكوة اتجرعنا النعمه الله يزيدها
لان من البارحه العشاء اكلنا
وهي أخر وجبة دخلت لمعدتنا
4 ت
وبقينا الليل كله وحدنا
نمنه بغرفة خالتي
حتى لا احد دك علينا الباب
ولا طلعنه مواعين العشا
ولا احنا طلعنا برة
1 ت
خلصنا اول ليله النا بيت خالتي بخوف وقلق
من صدك مرت علينا ليلة الوحشة ......
7 ت
كعدنا الصبح
واني الفتحت باب الغرفة
العفو محتاجه اروح للحمام
وحتى من طلعت قفلت الباب على خواتي واخذت المفتاح وياية
1 ت
اني بالحمام سمعت خالتي ادك الباب وتصيح / يمة كاعدات ،، نايمات هي لحد هسة متعرف أسمائنا وخواتي ما ردن عليها
اني من طلعت ورجعت للغرفة
خليت الباب مفتوحه
بين ماهن راحن غسلن
سوار صبحت ممرودة مرد مابيها حيل تمشي
وأساور ملامح وجهه كلها منفوخة من البجي
واني مو احسن حال منهن
بس اقوي بروحي الخاطرهن
1 ت
هنا سمعنا صوت رجال يكول بصوت مسموع / يالله
وخالتي تكول/ دقيقة يمة خاف وحدة بيهن
ما لابسه حجابها ودخلت صبحت علينا
وكالت / ابو حسين ظل باله يمجن
يريد يسلم عليجن
6 ت
هو هنا دك الباب وبقى واكف خارجها
لابس دشداشة لونها نيلي وبيده سبحة
وكال / يالله،، السلام عليكم
شلونجن بويه ،
عظم الله أجوركم
بوفاة المغفور لذنبها أمكم المرحومة
ربي يسكنها بمنزل يرضيها
ويعوضها تعب الدنيا
10 ت
بوية اني اعتذر منجن عن الحصل والجرى امس
سولفتلي الحجية
حيدر اخوي وأبن عمي متعصب عليجن
وأختي ام تأميم متجاوزة بحقجن
اعتذر بالنيابه عنهم
12 ت
وأنتن هنا بحمايتي وأمانتي
لحد ما ينزل عمجن حاتم من دوامة
البيت بيتجن
انتن صاحبات البيت وأحنا الخطار عدجن
اخذن راحتجن
وأي شي تحتاجنه الحجية يمجن
ان شاءالله نكون عد حسن ضنكم بينا
10 ت
خلانا نتباجة على كلامة واعتذارة
وقبل ما يطلع من الكلدور الخاص بالغرفة
كال / يوم اذا تحتاجون شي
اتصلوا عليه لو على مهند
وراح .
يالله شلون رجال حباب
حتى ما رفع عيونه علينا
منزل نظرة بالكاع وسولف ويانه
خالتي فاطمة سحبتنا كدامها
واخذتنا نتريك بالمطبخ
والله بلشنا بالاكل
وما شاء الله السفرة خير وبركة
وهنا تدخل علينا هاي المراة الوكحة
وحدتنا جمدت من الخوف
وهي هزت أيدها من شافتنا
كالت /يوم انتي ما توبين من سالفة تلفيه المجاديه
يوميه طالعتنا بسالفة شكل والله ادورين اجر
الا تجيبيلنا مصيبه وبذاك الوكت عود هم كولي
العد الله ما يضيع
وحسين كعد بصف عمته و سوار
ويكول / من نخلص اكل بس الزم وجهكم
حتى اعرف منو احلى وحدة بيكم
وهااا ترى لحد هسة مااعرف شنو أسمائكم ؟؟
ردت عليه سوار
أني اسمي سوار اصغر وحدة بخواتي
وأنوب أساور حجت / اني أساور اكبر من عدها
وانوب رديت اني /أني مسرة كبيرة خواتي
6
هو ضحك وكال /صوت أساور حلو
يمكن هي احلى وحدة بيكم ؟!
9 ت
ردت علية لمى / هن كلهن حلوات
بس سوار كلش حلوة
وعيونها مميزة
وحدة لونها عسلي وحدة زركة
5 ت
هو شلون التفاجئ وكال / الله
يعني وحدة بحلاة طعم العسل
وحدة بحلاة المي المجرش بعز الصيف
أني أبتسمت على التشبيه العندة
17 ت
هو رد وكال / لا تستغربن وتضحكن
اني مااشوف من اجيت للدنيا
مااعرف الشكل الا الزمة بيدي
وعقلي يحفظ اله صورة بخانه الاشكال
و ألالوان احفظ لونها الخاص على طعم الاكل
بهاي الحاله صرت اشوف حالي حالكم
هاي صديقتي لمى علمتني
5 ت
هو اندار على لمنى كاعدة على ايدة اليمنى
وسوار على ايدة اليسرة
وكاللها / عادي اكول صديقتي
لو الا عمة ؟؟!!
ترى اخاف من الكصاب البشري
لا يسويلنا مشكله
8 ت
لمى / ردت عليه وهي تاكل
عادي كلشي الجان عمتك ،،صديقتك،، اختك
كلشي منك حلو أبو الشباب
مو هيج يسميك طارق ؟
ردت عليه خالتي فاطمة وهي تخابر
على بناتها اتصلت عليهن بالسرة
تسأل عن اخبارهن
/ اي يمه باجر يجي بسلامه
ورجعت تحجي ويه وحدة من بناتها
وتسولف الها عن هجوم هاي هدى الوكحة علينا
5 ت
بهذا اليوم خلصنا كل وكت الصبح
كاعدات وحدنا بغرفة خالتي
بقينا نصلي ونقرة قران ونهدي ثواب القراءة
على روح ماما ،، وبابا ،، ومحمد أخونا
ابد ما طلعنا بره الغرفة لو أفترينا بالبيت
نخاف من هاي هدى الوكحة بعدها موجودة
واستغفر الله نسمع صوتها قريب على الغرفة
كأنما تسمعنا حجيها السم
مرة تكول / شلون وكت أعوج
الجبر منتصر وفاطمة يلفون نغوله بالبيت
تمنيت ابويه عدل الا يلعب بيهم فلك
7 ت
ومرة تكول / منين الله جاب هاي المشكله على روسنا
ووكت بيت أبوية تلفي بي الك.....
5 ت
صار الظهر وهنا سمعنا صوت رجال
يصيح ويعيط وصوته عالي يخوف
ومبين يصيح على هاي هدى الوكحة
لان يكول / امشي البيتج الجهال وحدهم بالبيت
الصغير مسودن خواته يبجي عليج
مااعرف شنو كالتله
لان هي هنا صوتها ناصي ما نسمعه
4 ت
ورجعنا سمعنا عيطت الرجال رجت البيت رج
/ ولج لا تسودنيني امشي ويايه للبيت
مالج علاقة بالبنات منتصر يحل سالفتهن
ابنج مات وراج من البجي
عمة فاطمة ما تحجين شي .....
مانسمع خالتي حجت لو لا
وراها ما سمعنا بس صوت الباب انركع وصار هدوء ......
20 ت
يمكن وره ساعة اكثر
ودخلت علينا لمى كالت / يلا بنات
امشن نتغدا الجميع منتظركم
أساور كالتللها / حبابه خلينا نتغدة بعدين
منريد نسببلكم ازعاج
1 ت
هي لمى ابتسمت وكالت / ديلا عيني ام الازعاج
امشي كدامي ابو حسين وكع من الجوع
خطيه مياكل برة البيت
وهو الدزني عليجن
4 ت
وتقدمت وجرت أساور من ايدها
ونهضتها من السرير
وردت كالت /يلا ولجن أمشن كدامي
راح اتخربط ساعة ب ٤
شكلنا هن بيضات مو قوزي
وكامت ادفع بينا كدامها
كلش حبابه وخلوقة ووجها بشوش
من خلصنا الاكل منتصر كال / عندي حجي وياجن
تعالن وراية للصاله
صدك لحكناه للصاله،
بسم ألله ما شاء الله
تفتح النفس من الوان الاثاث ،
ومسارح البردات
والتحفيات،
والطبلات الكزاز ،
ومزاهر الورود
صدك مكان راقي وخرافي
ربي يرزق امه محمد من اوسع أبوابه
10 ت
كعدنا ثلاثتنا وحدة بصف الثانيه على نفس القنفة
وهو منتصر وخالتي فاطمة كعدوا كدامنا
وبدة يحجي كال / بليل يشرفوني عمامي
حتى يسولفون وياجن ويشوفون حل الحياتجن
لا تزعل مني اخليجن على راسي
بس كعدتجن هنا واني عود اصير ابن عم أبوجن
والله تصير لي مشاكل من وراها
من جهه ويه خوالجن !!!!
ويه عمجن حاتم من جهه ثانية
احسن حل اليه والجن هو الشور والاتفاق
الراح يتفقون عليه عمامي
والله هم شيفصلون وبي صالح الجن
اني انفذه ، ابد مااتخلى عنجن لا تخافن
6 ت
هنا نطت البنيه السمينه الصغيرة
وهي بيدها صينية الجاي تقدم لمنتصر
وخالتي فاطمة / بابا شنو تريد تبقي هذني الفكور بيتنه
وحدتهن جنها غراب البين ....
13 ت
بعدها ما كملت كلامها
ومنتصر عاط بيها خرسها
5 ت
وهي عافت صينية الجاي على الطبله
وراحت تركض صعدت فوك زعلت من ابوها
والله اني من يمي أستحيت
من شفت جسمها شلون يهتز من صعدت الدرج ،
لبسها مخازي
بقينا كاعدات شويه بالصالة
وخالتي كالت المنتصر/ يوم اخذ اخوك
وروح هسة للطبيب جيك صدرك
شو صاير صوت نفسك خرخاشة
1 ت
هو بس حرك راسة بتعب يعني اي
جان ساند راسة ليورة على تجوة القنفة
و مغمض عيونه مبين عليه التعب والارهاق
كام وكف على طوله وبالكوة يمشي
كال / لمى أصعدي كعديلي همام يسوق سيارة
مالي حيل السياقة وازدحام الطريق
5 ت
هنا بقينا وحدنا يم خالتي
وحسين تمدد على القنفة وسند راسه على رجلها
وهي بدت تحرك اصابعها على شعرة ادلك فروة راسة
وبدت تسألنا عن حياتنا
وعيشتنا قبل
وشنو مخلصات دراسة
وشعجب لحد هسة ما متزوجات
ومن جاوبتها اني أرمله
خطية انصدمت
وكلش أنقهرت عليه لان صغيرة وترملت
وما فرحت بفرحة عرس حالي حال البنات وأنقهرت على زوجي المرحوم
وحياتي التعبانه
6 ت
احنا أنسولف دخلت علينا هاي هدى الوكحة
شكلها هسة كاعدة من النوم
بس دخلت كالت / يوم شكو شاكيه
بحال الدايحات لسهى ،،ونهى
اتصلن عليه ويلومن بيه لان ردت انظف بيت
أبويه من القاذورات
9 ت
خالتي تخبلت من سمعت كلامها
ماقبلت على حجيها وكالتللها / يمه بدون مطرود
أمشي البيتج جهالج ورجلج وحدهم هناك
ورجلج متسودن من وره عنادج
ليش ما تردين البيتج وتتكفين الشر
مالج دخل بالبنات هن بحماية منتصر
ومايرضى واحد يتجاوز عليهن
5 ت
أني ندست خواتي وكمنا رجعنا للغرفة ختلنا
والله مابيه حيل لهاي العكربة
شكد سمانيه وخبيثه وجهه ينكط سم
2 ت
تعدى الوكت وراح وكت المغرب ماكو شي
وتعدى الليل وهم ماكو شي جديد
لا اجوي عمام منتصر ولا واحد حجى ويانه
وهاي ثاني ليله أنام بيت خالتي
غريبات وحزينات
ودمعة الحزن والخوف تهمل من عيونه ...........
11 ت
شكرا لزيارتكم عالم روايات سكيرهوم
