رواية دكتوره رفيف الفصل الخامس بقلم جمانه السعيدي
رفيف...طول النهار مااجه ولا قرب عليه
ولا حاول يحجي وياي اجاهلني تماما وكانما ماموجوده
وهذا الشي ضوجني بلزايد
خلص الدوام وطلع قبلي
كل يوم ينتضرني ويوصلني للبيت
رجعت للبيت كلش ضايجه ومالي خلك صعدت الغرفتي ونمت
لليل كعدت ومالكيت منه اي اتصال اومسج
واني هم مراح اتصل ولا اتنازل عن رائي لو بيت بغداد لو كلمن يروح بطريقه
ثاني يوم شفته بغرفته يحجي وياا الممرضه ويضحك
درت وجهي عنه دخلت غرفتي وبعد ماطلعت
خلص الدوام وهو يفتر بلمستشفى ويسولف ويضحك
ومااجا ولا سئل عني
معقوله هو هذا اسامه الي كان قبل طول النهار لازكلي
ومايفاركني ابد
مااخفي عليكم كنت كلش ضايجه ومقهوره منه
مع ان كلمتين حلوات منه يمكن ينهي الزعل كله
اني احبه ومتعلقه بي
بس هذا موقفه ضوجني حيل
قررت اعيش حياتي ومااهتم اذا اجا صالحني او لا
اكشخ واتمكيج واسولف واضحك وياا الكل
وهو من يجي أدير وجهي
كل الكادر الي بلمستشفى عرف احنا اكو بينا خلاف
لان مامتعودين نبقى واحد بعيد عن الثاني كل هذا الوقت
واكثر من دكتوره وممرضه سئلني
بس ماكنت اجاوب
كل تفكير كان ان اسامه مستحيل يستغني عني
وراح يجي يصالحني
جمانه السعيدي
وراح نلكه حل الهذا الموضوع لان الشي الي بينا مستحيل يخلص بين يوم وليله
اسبوع كامل واحنا واحد مايحجي وياا الثاني
كل واحد منا يكابر ومايقبل ينزل من نفسه حتى ينقذ
هذا الحب
بعد الأسبوع كانت عطله الجمعه والسبت
واني كلما اشوف الاشياء الي اشتريته وحضرته للعرس انقهر بلزايد
داومت الأحد وبس وصلت شفته طلع من غرفته واجا
بتجاه غرفتي
حسيت كلبي كام يكمز من الفرح
خلاص اسامه اجا يصالحني ياربي شكد مشتاقتله
اريد اموت واحجي ويااا
اسامه....شلونج
رفيف...قررت ابيع علي ثكل واني اموت واحجي ويااا
رديت اهلا
اسامه....شقررتي
رفيف...بشنو
اسامه...بعلاقتنا
رفيف...القرار الك اني بلغتك اريد بيت بغداد ومااعيش
يم اهلك ابد
اسامه...هذا قرارج الاخير
رفيف...اي ومااتراجع عنه مثل ماامك اله خاطر عندك اني هم اريد يكون الي خاطر عندك واحسك تحبني صدك
وماتكدر تستغني عني وانت بايدك هذا الحب يستمر لو يفشل
اسامه....هذا اخر كلام
رفيف...هزيت راسي بقه يباوع عليه شويه وكال اسف احنا مراح نكمل مع بعض
اني مااكدر اعوف امي
جمانه السعيدي
رفيف....شكد جنت مصدومه من ردت فعله وشلون اتخلى عني بهاي السهوله
بس مااعرف شلون كدرت اسيطر على اعصابي
رديت علي براحتك
اسامه...باجر اطلكج يم الشيخ وتوصلج ورقة طلاكج
رفيف....مو كلمتين كالهن عبالك رصاصه وخترقت كلبي
حسيت كلبي انمرد مرد
هو طلع واني كعدت على الكرسي مثل الي انشليت
اريد اتحرك مااكدر
احس ضيق بصدري المكان شكبره احسه ضاق عليه
ومااكدر اتنفس
اخذت جنطتي وطلعت
باب غرفته كان مفتوح شافني من طلعت ولا اهتم ولا ابد
ماكدرت انتضر المصعد
نزلت على الدرج ودموعي تنزل منا ومنا
مااعرف شلون ماوكعت لان مااحس بلتوازن
هاي اكبر هزيمه اتعرض اله بحياتي
احاول اخفي دموعي مااريد احد يشوفني بهذا المنضر
طلعت برا اجرت تكسي
كتله اطلع وانفجرت من البجي
جمانه السعيدي
السايق بقه مذهول لان ماكتله وين يوصلني
مدنكه وابجي
اريد اسيطر على نفسي
السايق...شكو اختي .مات الكم احد بلمستشفى
انتبهت النفسي مسحت دموعي
رفيف.... لا اطلع ماكو شي
السايق...بس انتي ماكلتي وين اوصلج
رفيف...اي اني هسه اكلك
وصلني انطيته الاجره
السايق...ماعندي باقي
رفيف....ماحجيت وياا نزلت وكبل دخلت للبيت
ماكو احد الكل طالعين للدوام
كعدت وكمت اعيط بصوت عالي
معقوله اسامه ماكان يحبني معقوله هاي المشاعر كله جذب اول عقبه تصادفنا يتخلى عني
مو مهم عندا اني ولا مهمه كرامتي
لو يدوس عليه هو وأمه لو يعوفني
شلون راح اكدر اجاوز هاي الازمه
بجيت الحد ماحسيت راسي راح ينفجر من البجي
والحسره بكلبي ماتطلع
جمانه السعيدي
صعدت الغرفتي وطلعت كل الاشياء الي اشتريته للعرس
كسرت التحف كطعت الورد
حتى ملابس النوم شككتتهن
وكمت ادوس عليهن من كد القهر اريد اكسر اي شي كدامي
اريد القهر يطلع من كلبي ماكوو
اني غبيه كل الي حولي كالو انتي ماتصيرون البعض
حتى الممرضه تفتهم احسن مني
امي حذرتني واني كنت عميه
ومااشوف كدامي
كعدت على الملابس الي شككته وكمت ابجي
يارب يطلع حلم
واكعد والكه كلشي مريت بي اليوم مو حقيقه
يرجعلي ويكوول اشتاقيتلج
انتي ليش كلبج حجر شلون تحملتي تبتعدين عني هلكد
انتي حبيبتي الي مااكدر اعيش من دونها
رجعت باوعت للاشياء الي كسرته
وعرفت الي جاي امر بي حقيقه مو حلم
تمددت على الملابس واني مامصدكه
راسي كام يوجعني
بقيت هيج لمن رجعت امي من شافت الجنطه والحذاء مشمورات جوه عرفت اني اجيت
ومزاجي مو تمام لان مامتعوده اشمر غراضي جوه
صعدت ولكتني ممدده على الملابس وعيوني حمر
امي.. هااا خير انشاء الله شكوووو شصاير
رفيف....اسامه راح يطلكني
امي...ياستار ليش
رفيف...امه ماتريدني
امي...شنو امه ماتريدج هو يزوج لو امه
رفيف....امه ماتحبني وبسبه تخلى عني بكل بسهوله
امي....ولله انتي تستاهلين واحد احسن منه
واني من البدايه ماعاجبني بس ماحبيت اضوجج
يله كومي شنو قحط اسامه اخر رجال بلارض
انت الف واحد يتمناج
وعسى أن تكرهو شيئا وهو خيرا لكم
كومي اسبحي وبدلي
الله يحبج خلصج منه وواحد قروي لا مستوانا
ولا تفكيرنا ولا اطباعنا
طبعا اكبر غلط وحده تزوج واحد مو نفس اطباعه
ومستواها راح تعاني هواي
اعتبري هذا درس تعلمتي منه شلون تعرفين الناس المقابلج
درس حتى تختارين احسن بلمره الجايه
كومي عليمن تبجين
حلوه وزغيره ودكتوره ومثقفه والف واحد يتمناج
رفيف...كومتني امي ودخلت سبحت وطلعت نمت
من كعدت حسيت نفسي احسن
اجا بابا وامي حجتله كلشي صعد لكاني كاعده على الجربايه
بابا...هاا حبيبتي شلون صرتي ميخالف كلشي قسمه ونصيب
رفيف....الحمد لله
بابا....يستاهل الحمد لان رب العالمين دائما يختارلنا الاحسن
واسامه ماكان احسن شي
انتي ينتضرج شي احلى واحسن
رفيف....الي مضوجني اتخلى عني بسهوله واني كنت متوقعه مستحيل يعوفني بيوم من الايام
بابا...خلاص يعني مايستاهلج
اريدج قويه وماتهزج هاي الاشياء البسيطه
هسه يعوفج احسن ماترتبطون ويصير عندج اطفال وتكتشفين حقيقته
وساعته الانفصال يصير صعب
بعدكم على البر وهذا القرار احسن قرار صار بوقته
لا اضوجين حبيبتي
جان طلعنا سفره الاربيل تغيرين جووو
بس مو رفيف الي يكولون عليه انهزمت من المستشفى
لان اسامه موجود
باجر اريدج احلى من اليوم
ومن تتعافين من جرحج الج عندي سفره اسبوع الاربيل
رفيف...تمام
بابا...يله انزلي خل نأكل سوا
حضني بابا ونزلت ويااا اتعشينا وبعدين طلعنا نتمشى
حسيت هواي عندي فرق
صحيح الاهل اكبر داعم
