رواية حطام امراءه الفصل الخامس بقلم جمانه السعيدي
اجت امل ورحت وياها البيتهم
هو مو بيت شقه بعمارة قديمه لان همه ناس على كد حالهم
عائلتهم تتكون من بنات ثنيين امل ولبنى وامهن
امهن عدها راتب رعايه وأمل تشتغل كاتبه بمدرسه
ولبنى طالبة كليه
وضعهم على كده حاله
بس ابد ما كشت بوجهي لا هي ولا اهله
رحبو بيه ودخلوني شقتهم وجابولي اكل اليه وللجهال
امل احجيلي شنو صار وياج
فاتن كل زواجي غلط من البدايه ابوي ورطني ويه ناس متتخاف من الله
وكلت ميخالف وعشت وسكتت
والنوب التحفه راح ازوج وحده بت شوارع وشرطت علي
ما تريدني لا اني ولا جهالي
شمرني بلشارع ولا اهتم لا ليه ولا الاطفاله
البارحة نمنا بلحسينيه بعد ما طاحن رجليه من المشي
اني والجهال
وابوي اكبر ضالم بلدنيا
اني شايفه الآباء دور راحة ابنائه
تشوف مستقبلهم
اني شمرني وما سئل عليه حتى ما يقبل يساعدني
لو يدافع عني
المفروض يروح الرياض ويحجي علي
ويسئله شنو غلطه ليش هيج اسوي بيه
ليش شمرته بلشارع
ليش تزوج عليه
لا طردني روحي البيته واكعدي بلباب بلكت رياض يحن كلبه ويخليج تدخلين
جمانه السعيدي
هو رياض منيله رحمه انسان لاذمه ولا ضمير
ابوي يخاف ابو رياض يزعل علي
وما يخاف بنته تبات بلشارع
اني بس عندي عتاب ويه رب العتلمين المثل ابوي ليش ينطي بنات حتى يبهذلهن ويدمر حياتهن
كل عمري عايشه ويااا ابوي بذل وقابله
رغم البنات كانت بلمدرسه كلهن بس يسولفن بابوهن
واني الوحيده الي اتحسر واسكت
بس اريد رب العالمين ياخذ حوبتي وحوبت جهالي من ابوي ورياض
امل ميخالف حبيبتي هذا بيتج اكعدي وحالج من حالنا
نكسم الخبره سوووا
لاتهمين الله موجود ومراح ينساج ابد
بقيت عدهم اسبوع ولله بيت اهلي وبيت رجلي محد معاملني هاي المعامله الطيبه
ناس على كد حالهم بس كلبهم طيب
ولا عدهم بخل ابد
بس اني إلى متى راح ابقه كاعده على كلبهم
وشنو مصيري
الناس ما مقصرين وياي بس حالتهم ماتساعد ابد
حرام عليه
فاتن اني اريد اشتغل
امل شنو تشتغلين بله
فاتن اي شي انضف شقق اطبخ اي شغله واصرف على اطفالي اني وضعي مو مال يوم لو يومين
اني لازم ادبر نفسي
جمانه السعيدي
امل ليس احنا زعلناج بشي
فاتن يا فدوه ماكو مثلكم بلدنيا كله اهلي ورجلي طردوني وانتم استقبلتوني طول عمري ما اجازتكم ابد
واريد سكن اليه اني وجهالي
امل ليش اشتغلي عادي بس ابقي يمنا
فاتن إلى متى ابقه يمكم اني شغلتي مطوله
لازم اعتمد على نفسي
امل بكيفج وهذا بيتج اكعدي شكد ما تردين
فاتن لا اريد اسكن اني وجهالي وحدنا احسن
امل ومنيين تدفعين الايجار
فاتن اشتغل وادفع الايجار
امل باجر نروح اني وياج الصاحب العماره
اكو شقه بلطابق السادس محد ساكنه جي عاليه
انروح نقنعه بلكت يقبل ياخذ منج إيجار رمزي وتكعدين بيه
وراح افتر على الناس الي اعرفهم
اذا وحده تريد تنضيف طبخ لو تخلي جهاله يمج
فاتن اي فدوه العمرج اني اشتغل اي شي اي شغله اشتغل
ماعندي مانع ابد
رحنا العصر الصاحب العماره
واتفقنا نكله عدها أيتام مانكول مطلقه بلكت يحن كلبه
وياجر الشقه علينه بسعر مناسب
وصلنا للمكتب مالته
وأمل كالتله هاي صديقتي عدها أيتام وماعدها سكن
وتريد الشقه الفارغه بلطابق السادس
عينك عليه ضروفه صعبه حيل
وافق يأجره عليه ٦٠ الف بلشهر
امل انطته مال الشهر الأول
وصعدنا اني وياها نضفناها وجابتلي فراش اليه وللجهال
وجابتلي كم كدر مواعين من عدهم
وعين طباخ اطبخ بيه للجهال
اول اسبوعين ماكو شغل كوه مدبره نفسي
بعت حلقتي والتراجي
ومشيت نفسي بيهن
بعدين وحده جانت امومه وتريد ترجع خلت جهاله يمي
طبعا هي معلمه ويه امل
وأمل حجتله عني
جمانه السعيدي
ووحده طلعتني انضف بيته خليت جهالي يم ام امل
ورحت العصر
لان الصبح جهال هاي المعلمه يمي
نضفت بيته خليته يلمع تعجبت بشغلي
انطتني الفلوس الي متفقين عليهن وفوكاهن اكراميه
اشتريت طباخ منضدي وثلاجه مستعمله
شويه شويه بده الشغل يصير احسن
حتى كمت الف كبه وابيع
واسوي طرشي
صارت عليه رجل وكمت اجمع فلوس
اشتريت ملابس الجهالي
واشتريت كم حاجه للبيت
من بين كل العالم الي اعرفهم بس امي كانت تطمن عليه بلتليفون
وتعرف اخباري
ومره وحده اجتني وجابتلي مسواك ونطتني مصرف وراحت
بسرعه ماتريد ابوي يعرف
من سئلته هم ابوي يسئل عليه
تكووول لا ابد ما يسئل عليج ولا يعرف وين صرتي
ساعته كلش ضجت وحسيت كلبي انقبض
ما اعرف هذا شنو من اب
وكلبه شنو من كلب
ولاذرت رحمه بكلبه
حتى البزونه هم ادافع عن جهاله اذا واحد قرب عليهم
بس ميخالف الله كريم الله موجود ومراح ينساني ابد
الله لايعوزني اله
جمانه السعيدي
انتشرت اخباري بين المعلمات
شلون انضف وشلون اطبخ
طبعا الفضل كله الامل ام كلب الطيب
وبديت اشتغل
كل الأبواب انسدت بوجهي ورب العالمين فتحلي باب رحمته
الحمد لله حمدت ربي وشكرته
ما عرفت اخبار رياض ولا هو حاول يعرف اخبار جهاله
شغلي ماشي والحمد لله
ولله ساتره وياي
اشتريت كل النواقص البيتي
حتى مجمده زغيره اشتريت
كنت حريصه بلمصرف واجمع فلس على فلس
اريد اكون نفسي
لمن بدت المدرسه سجلت حمودي ويه امل بنفس المدرسه
ويوميه تأخذه وياها وترجعه وياها
حتى بليل ادز علي تقري دروسه
الحمد لله كلش شاطر بمدرسته
بقت بس جنه اذا اطلع انضف بلبيوت اخليه يم ام امل
هي زينه هادئه
وهمه يحبونه يكولون مونستنه
شكرا لزيارتكم عالم روايات سكيرهوم
