رواية تاج مصر الفصل الرابع بقلم ليل ادم
تاج : ( أول ما سمعت صوت راجل ابو صهيب جوه البيت بيبعد عن باب الشقه عرفت انه شك في الأمر بعدت فرد الحراسه عن الباب وكسرت الباب ودخلت اول ما الباب اتفتح لقيت وابل من الرصاص في كل مكان ضرب عشوائي ضرب واحد خايف و مرعوب دخلت على زرار النور قفلت النور بما أن الشقه في الدور التاسع عمره ما هيفكر ينط هو كده خلاص مفيش معاه اي امل طول ما النور مقفول من تدريبات الفرقه أتعلمنا ازاي نتعامل مع تشكيل كامل في الأجواء دي علشان كده كان سهل عليا جدا ادخل اجيب ابو صهيب و اخرج بي بدون اي قلق الموضوع انتها في تلات دقائق من بعد ما قفلت نور الشقه ورجعت ومعايا ابو صهيب ابو صهيب بالنسبة ل ابو القاسم بالعكس دا اهم ترس عنده في المكنه تأمين دخول العناصر التكفيرية بعد التدريب مش حاجه بس صعبه على ابو القاسم لا دي صعبه على اي حد وخصوصاً أن الخوف بتاع الجمعات الارهابيه على العناصر بتوعها بعد التدريب بيكون اكبر لأنهم بقوا خلاص قوه تفجيريه متنشطه وجاهزه اي وقت تضرب علشان كده ابو صهيب ضربه قويه جدا جدا ل ابو القاسم
بعد رجوع تاج الي الوحده
سيف : تاج القائد مستنيك من بدري
تاج: في اي
القائد: لا منا اكيد مش هكون عارف خش وانت تفهم
تاج : تمام الواد اللي طالع ده روق عليه اخر ترويق الواد ده هو مربط الفرس
سيف: اعتبره حصل
تاج: تمام ( وراح مكتب القائد)
القائد: ادخل
تاج : تحت امرك يا فندم
القائد: ادخل يا تاج
تاج : خير يا فندم
القائد: أعرفكم ببعض
تاج : ازاي بس يا قائد دا فارس بيه وحش ٩٩٩ حبيبي خدمنا مع بعض اربع سنين في الفرقه
فارس: ليك وحشه والله يا تاج
تاج : وانت اكتر يا فارس ( وحضن فارس )
القائد: أنا شوفت رسم تخطيتي ل المزرعه اللي قاعد فيها ابو القاسم علشان كده تأكدت انك محتاج معاك قناص محترف ومش اي قناص انت عايز الصياد بنفسه
تاج: دا فعلاً أنا كنت محتاج قناص ومهم اسرح في أحلامي مكنتش متخيل أن حضرتك تجيب الصياد بنفسه
فارس: أنا اللي ليا الشرف اني اخدم تحت رايه حضرتك يا فاضل بيه و طبعاً مع تاج بيه
القائد: اي اخبار عراقي بيه
فارس: الحمد لله تمام والله يا قائد
القائد: ربنا يديله الصحة
تاج: اللهم امين
القائد: طيب اسيبك بقا يا فارس مع تاج تفهم منه كل حاجه
فارس: تحت امر حضرتك يا فندم
تاج: ياله بينا
فارس: ياله بينا
وخرج فارس مع تاج على مكتبه
تاج : آخر حاجه كنت ممكن أتخيلها نخدم مع بعض من تاني والله يا صياد
الصياد : مش انت ياعم تاج اللي طلعت تجري على gis
تاج: ما انت جالك نفس التكليف مطلعتش معايا ليه يا فارس
فارس: علشان أنا مش ناوي اسيب ٩٩٩ إلا وأنا جثه هامدة
تاج: لسه مجنون ولا الجواز غيرك يا صياد
الصياد: عضله القلب ملهاش تمارين يا نجم
تاج : (بيضحك) أهلا بالمتعه ياعم
الصياد: قولي بقا اي الموضوع
تاج: اسمع ياعم ( وبدأ يحكي كل حاجه تخص التحقيقات ل الصياد)
الصياد: بس ابو صهيب ده مدخل حلو اوي احنا ممكن ناكل عليه احلى عيش
تاج: هو ده اللي في دماغي
الصياد: حققت معاه
تاج : لسه جايبه طازه
الصياد: ومستني اي ياله على التحقيق
تاج: مستني سيف بس بيعمل تحريات عن الواد علشان اعرف أخليه يتكلم
الصياد: تمام
في جانب آخر كان وصل ل ابو القاسم خبر ابو صهيب
ابو الحسن: هنعمل اي يا أمير الموضوع زاد خطوره
ابو القاسم: ابو صهيب يعرف مكان المجاهدين اللي جاين من ليبيا اليوم
ابو الحسن: مش عارف بس تقريبا يعرف
ابو القاسم: الغي مجئ المجاهدين اليوم عبال ما نأمن ليهم طريق تاني
ابو الحسن: تحت امرك يا أمير
ابو القاسم: ابو الحسن خلي بالك المزرعه بما فيها بقيت موجوده في ايد الأمن يعني الاقتحام مسألة وقت
ابو الحسن: انت شايف اي
ابو القاسم: أولا في تغيرات لازم تحصل بس اللي عايزك تعرفه عايز ألغام التأمين في الجزء الأمامي تزيد بين كل متر ومتر نزرع عبوه ومعاك الجانب الشرقي البحيره ضعيفه جدا جدا في التأمين يعني اول احتمال ليهم هيكون البحيره
ابو الحسن: بس البحيره تأمينها هيكون مستحيل يا ابو القاسم
ابو القاسم: مين قالك كده
ابو الحسن: هتتأمن منين
ابو القاسم: سيب الموضوع ده عليا تابع موضوع زرع العبوات بنفسك يا ابو الحسن
ابو الحسن: تحت امرك يا أمير
في جانب آخر
تاج : اي رايك في الزيارة الحلوه دي
ابو صهيب: عايزك تفهم انا حتا لو عايز اتكلم مش هقدر اتكلم اخاف على أهل بيتي
تاج : اهل بيتك عشر دقائق ويكونوا هنا متقلقش
ابو صهيب: هنا ليه
تاج: تحب ارجع الرجاله و اسيب اهلك ل ابو القاسم
ابو صهيب: اهلي محدش منهم ليه ذنب
تاج: من غير ما تقول انا عارف مين ليه ذنب ومين لأ أنا جايبهم هنا علشان تتكلم من غير ما تخاف
ابو صهيب: أشوفهم أتكلم
تاج: لا بقا انت كده هتخليني ارفع تليفوني أرجع الرجاله من غيرهم وبرضه هتتكلم ها تحب تشوف
ابو صهيب: خلاص هتكلم
تاج : تمام قولي بقا اخر كام واحد دخلوا القاهره راحوا على فين
ابو صهيب: حلوان
تاج : معاهم سلاح ولا عبوات
ابو صهيب: عبوات و أحزمه ناسفه وسلاح
تاج : يا ولاد الكلب كل ده وسط المدنيين
ابو صهيب: المجموعه دي مطلوب منها زرع عبوات في أماكن مختلفة من غير خطه اللي يعرف يفجر حاجه يفجرها
تاج: اللي على الايد واكل يعني
ابو صهيب: بالظبط
تاج: و المجموعه اللي جايه مكانها فين
ابو صهيب: اللي اعرفه انهم في سيناء بس فين بالظبط مش عارف
تاج : طبيعي زمان كمان مكانهم اتغير ماشي يا عم محمد ولا تحب اقولك يا ابو صهيب
ابو صهيب: قول اللي عايز تقوله اهم حاجه فين عيالي
الصياد على اللاسلكي
تاج : معاك يا صياد
الصياد: وصلنا القطاع
تاج : تمام تسلم ايدك يا صياد
ابو صهيب: عيالي وصلو
تاج: قوم معايا
ابو صهيب: (قام من مكانه راح مع تجاه على نافذه الغرفه شاف أولاده نازلين من عربيه القطاع وشاف الصياد ) ولد العرقي
تاج : تعرفه
ابو صهيب: مين ميعرفش الصياد دا العن قناص دخل علينا سيناء تسبب لينا في رعب شديد
تاج: وهيكون عليكم برضوه العن قناص دخل القاهره اترزع مكانك (وخرج تاج راح على الصياد )
تاج: بقولك اي جاهز الوقتي حالا
الصياد: طبعا جاهز في اي
تاج : في مجموعة تكفيرية في حلوان معانا مكانهم بس معاهم كل حاجه من عبوات ل أحزمه ل سلاح على كل لون يا عذاب
الصياد: معاك طبعا تحب نتحرك الوقتي ياله
تاج : تمام ياله بينا ( بعد وصول تاج و الصياد الي المكان )
الصياد: هتعمل اي
تاج : لا منا مش ناوي اعمل اللي انت خايف منه
الصياد: ايوه كده احنا لو دخلنا عليهم هنخسر كتير العيال دي عايزه مفاجأة
تاج : احنا نركب العالي نراقب الأول وبعدين نشوف هندخل ازاي
الصياد: أنا عندي مكان حلو نراقب العيال منه ومحدش يعرف احنا فين
تاج: تمام ياله بينا
الصياد:( خد تاج وطلع بيه فوق عماره في مكان ما حوالين المجموعة التكفيرية يقدر من خلال المكان ده يشوف الجميع ومحدش يقدر يتعرف على مكانهم )
تاج: شايف اي يا فارس
فارس: ١٢ عيل و معاهم فعلاً متفجرات و سلاح شكلهم كمان عندهم تجهيز في واحد بيلبس الحزام قصادي اهو
تاج : وبعدين كده لازم تدخل حالا
الصياد: لا ليه اهدا بس
تاج: انت بتقول في واحد بيتجهز نستنا لحد ما ينزل يموت الناس معاه
الصياد: مين قالك أننا هنسيبه يعمل كده أنا بس مستني ينزل
تاج: خلي بالك العيال دي لما تلبس الحزام بتفجر بجد يعني لو لمح حد مننا داخل عليه هيفجر نفسه
الصياد: هو احنا بنتلمح برضو يا تاج
تاج : طب وباقي العيال
الصياد : الواد نزل هنزله أجيبه أنا وأنت خليك هنا مراقب العيال دي ومعايا على اللاسلكي
تاج: لا خليك انت
الصياد: عيب أنا ضيف عندك امسك النضاره وخليك متابع الواد
تاج: فارس ع الهادي مش عايز نخسر مدانين ولا العيال دي
الصياد: سلمها لله يا تاج
الصياد:( ونزلت تابعت خط سير العنصر بس الغريب أن على كلام ابو صهيب العيال دي مفيش عندهم خطه بس الواد ده عارف هو رايح فين كويس جدا ماشي ثابت مش مهزوز يعني رايح على خطه مدروسة ومن ذكاء العنصر أختياره ل الطرق اللي ماشي منها مختار كل الطرق اللي فيها زحام شديد علشان لو حد ماشي ورا ميقدرش يفكر يدخل عليه لأنه بكل بساطة جاهز جدا يفجر نفسه في اي وقت
تاج :(على اللاسلكي) فارس طمني في جديد
الصياد: تاج الواد ده رايح على خطه الواد ماشي عارف هو رايح فين
تاج: انت بقيت فين يا صياد
الصياد: مش عارف بس بيني وبينك ٥٠٠ متر
تاج : فارس في فوق راسك كبري
الصياد: اه وفي موفق عربيات شكله جديد
تاج : فارس الواد ده رايح كنيسة -------- اوعي يدخل الكنيسة يا فارس وقفه بأي شكل الحق الموقف يا صياد أنا نازل جايلك
الصياد: تاج اوعي عينك تنزل من على العيال اللي عندك أنا عجيبه خليك مكانك اسمع كلامي
تاج : خلاص ماشي يا فارس بس حل بسرعه مع الواد ده مش عايزين كارثه تحصل
الصياد: تمام سبني الوقتي يا تاج
( الصياد فعلاً طلع كلام تاج صح بالذات بعد ما بقيت الكنيسه على مرمى البصر مفيش قصادي حل إلا أني أستقبل الواد جوه الكنيسة علشان كده خدت طريق معاكس و بأقصى سرعة دخلت الكنيسة من مدخل خلفي ولمحت العنصر بيقترب من الكنيسة وبدأ في أعداد نفسه للتفجير
