رواية زواج إنقاذ الفصل الخامس بقلم جمانه السعيدي
ياس فات يومين واحنا ماكو كلام بينا اله كلمات قليله وهي مبتعده عني وتجنبني
لكن كنت احس بيه حزينه وتحس بلوحده ومرات اسمعها تبجي
وصل عمي وعمتي اللمانيا وخابروني واني احجي وياهم هي سمعت واجت تركض
اخذت التليفون مني وبس كالت هلووو ماما
نزلن دموعه وبقت تناشغ وماتكدر تحجي
اخذت التليفون منها
هلووو عمه اعذريه مامفاركتكم قبل
....الله عليك ياس شبيها شمس ليش تبجي
...ولله مابيه شي
...ياس امانه دير بالك عليه
...تدللين عمه بعيوني
...باجر نعرض اوراقنا للدكتور ونشوف شيكول
...انشاء الله خير
اخذت التليفون مني شمس وهي تناشغ
...الو ماما بابا شلونه
...الحمد لله زين لاتبجين حبيبتي هسه نخلص ونرجعلج بسرعه
...ماما لاتتاخرون ولله تعبانه بدونكم
جمانه السعيدي
انطتني التليفون وكملت المكالمه وهي راحت الغرفته تبجي
على فكره اكلنا بهذني اليومين كله تكلى لان شمس ماتعرف تطبخ
ام شمس محضره كبب وشغلات بلمجمده نطلع نحمي وناكل
شمس هذني الايام اسؤ ايام حياتي حسيت بكئابه وضوجه مو طبيعيه
حتى سماهر احسه متغيره عليه مره تجاوب ومره لاء
دائما مشغوله
ياس اريد احجي وياها بس ماتنطي مجال تتهرب مني
واني ولاجني مخلص كليه وشايف بنات بكد شعر راسي
ادور على موضوع احجي بي وياها ماكو
تحديدا اليوم الثالث بليل تقريبا بلثنتين حسيت ايد تهزني من جتفي وتحجي بصوت ناصي
ياس ياس اكعد اكو حركه بلمطبخ
شمس غسلت وجهي وفرجت اسناني ولبست دشداشه قصيره انام بيها بيضه وبيه نقطه سوده وبيها دانتيل حلو من جوه ربع ردن
باوعت للساعه بلوحده وثلث تمددت وتغطيت اذكرت ماما وبابا ودعيت من كل كلبي يرجعون بلسلامه
جمانه السعيدي
نمت غفيت شويه واسمع صوت بلمطبخ وطكطكه
طفرت كلش خفت زين شسوي معقوله حرامي زين خاف يجي على غرفتي
يمكن يتوقع بيها فلوس او ذهب
ياربي غير يكعد ياس شني من نومه هاي مايسمع
خفت اكثر
هذا شبي ميت مايسمع الصوت
لبست روبي وفتحت الباب على كيف ومشيت على اطراف اصابعي
ودخلت للاستقبال وقربت على ياس
هزيت جتفه واني احاجي بصوت ناصي خاف الحرامي يسمعني
ياس ياس اكعد اكو صوت بلمطبخ
ياس...فتحت عيني هاي شمس شكووووو
. شمس .احجي. على كيفك اكو صوت بلمطبخ بهاي الاثناء وكع شي بلمطبخ اني صحت يمه ولزمته من جتفه
....لاتخافين هسه اشوفه شنو كمت وكفت على حيلي اريد اطلع من الاستقبال
جان تلزمني من جف ايدي لاتعوفني وحدي اخاف
التفتت عليه ناسيه الروب مفتوح والدشداشه الابسته كله تور من صدرها
درت وجهي وكلت استغفر الله
شمس. ..هاي شبيك لاتعوفني اخاف الحرامي يفلت منك ويجي هنا ويكمشني
...تعاي وياي بقت لازمه ايدي وتمشي وراي
الصوت اكثر بلمطبخ فتحت باب المطبخ جان اشوف المفاجئه
ناسيه شباك المطبخ مفتوح وداخله بزونه وهي سبب هذا الازعاج الحلو
كلت بكلبي تعاي ابوسج يا احلى بزونه
البزونه شافتني ونهزمت من الشباك مرت سريعه من يمي
جان شمس اتصير وراي وتكمشني من تشيرتي
. ياس ...لاتخافين بزونه وطلعت
سديت الشباك ورجعنا كل واحد المكانه هي بغرفته واني بلاستقبال
بس تمددت شويه واني اضحك على الموقف الصار
يعني ياشموسه اله تخافين يله تجين يمي
شويه جان اشوفه رجعت اجت يمي
...ياس ياس
...شكو
..بعد اكو صوت بلمطبخ
...ماكو شي بس انتي خوافه
...لاولله اكو هسه سمعته فدوه روح شوفه
اني ابقه هنا
عفيه اقفل الباب عليه خاف حرامي
طلعت للمطبخ اثاري اكو بزونه ازغيره خاتله جوه الكاونتر
فتحت باب المطبخ وطلعته
وتأكدت ماكو اي شي بعد
امشي واكول الاهي فد بزونتين بعد حتى تبقى كاعده يمي
الخوفه شلونه ولازمه ايدي
رجعت كلت خلي اثكل عليه
ماكو شي بزونه ازغيره وطلعته
. شمس ...شني سالفة االبزازين اليله حتى زباله ماعدنا بلمطبخ
...كتله هذني الله وداهن اليه حاير شلون اجيبج يمي
....نعم شكلت ماسمعت
...لااكول عبالهن اكو زباله ودخلن
ياس طلعت من يمي واني تمددت وتغطيت تقريبا عشر دقايق
سمعته اجت سويت نفسي نايم بلكت تندهني تلزمني
خوب العطر خبلني قررت اشتري مثله واخلي ويه غراضي
كلما اشتاق اطلعه واشمه
سويت نفسي نايم
اباوع جايبه بطانيته ومخدته وتمددت على القنفه مال التخم وتغطت
طبعا اني فاتح عيني على كيف واباوع عليه هي متوقعه اني نمت
كعدت الصبح قبله جان اشوف الغطه واكع وهي نايمه ضهراها عليه والثوب صاعد
ياربي ليش هيج واحد كدامه الخير كله وممنوع اللمس
استغفر الله واتوب اليه
كمت عدلت ثوبه وغطيته ورحت توضيت وصليت
شفت باب غرفته مفتوح طبعا اني ابد ما داخل غرفته
حلوه وكلش مرتبه
قربت على العطور ولكيت العطر المخبلني
عاد مدري العطر طيب مدري هي مطيبته
جبت موبايلي واخذتله صوره وحفضت اسمه
جمانه السعيدي
طلعت خليت القوري على النار وطلعت خبز خليته بل اوفن
اشتغل واضحك اذكر شلون لازمتني وخاتله وراي
سويت بيض وجبن اني احبهم سوا ورحت اندها
قربت عليه يربي من الدفو خدوده ورديات وخشمه وردي
جمانه السعيدي
شمس شمس تكعدين نتريك
حجت وهي مغمضه انعس البارحه مانمت زين
طلعت اديه من البطانيه نايمه بروبه وهي مغمضه
كلت خطيه خلي اعوفه اتريك اني واروح اجيب مسواك
واطبخ لعبت نفسي صار ثالث يوم كله مقليات
رحت للسوك جبت دجاج ذبحو ونضفو اليه وفواكه وكرزات وجبت لحم ورجعت لكيته كاعده تتريك
اني عندي مفتاح البيت من شافتني لفت الروب على نفسه زين ماتدري اني البارحه شفت كلشي
سلمت وخليت المسواك على الكاونتر ورحت البس تراكي وارجع
جان اسمع ووووع وووووع وركضت
اجيت للمطبخ شكو شصاير
شايله ياخت الروب وخالته على خشمه
هاي شني ريحت الدجاجه تسطر زفررره كلوش
ياس ....انتم ماجيبووون دجاج
...لا انجيب بس اني ما اقرب اله ابد هاي شني ريحته
جان تروح اجيب شال وتخليله عطر وتشده على خشمه
اني شفته وكمت اضحك كطعت الدجاجه ونكعته بخل وليمون وزنجبيل وملح
كتله اليوم تاكلين طبخ من
شكرا لزيارتكم عالم روايات سكيرهوم
