رواية زواج إجباري عشق السيد الفصل الخامس بقلم جمانه السعيدي
اماني.....من سمعت ام احمد اني مريضه واهلي اخذوني للدكتور ومافادني اي علاج
وحالتي بيه وماتسوء اكثر واكثر خصوصا
وامي ماخذتني للسيد ادورلي علاج
واكيد اكثر من هذا الكلام حجت عني
الناس اتوصل الحجي وتزود علي كل حرف بالف حرف
كل ساعه يجوون يكولون ام احمد تكوول
ام احمد تحجي عليكم
اماني عاشقه احمد وتمرضت لان مااخذه
اماني مريضه من زمان واهله يردون يشمرونه علينا
حتى نحير بيه وبمرضه
اماني وامه وكحات ماادخلهن بيتي ابد
اماني تريد تقشمر احمد وتاخذه لان محد يخطبه
اماني هي وامه يقشمرن احمد يردن ياخذنا لان شاطر
اماني....اماني...اماني...واكو كلام مااكدر احجي
جمانه السعيدي
امي مجرد يوصله هيج كلام تصعد للسما من كد العصبيه
وتزيد على هذا الكلام وترد عليهم بغلط ومسبه
امي ترجع الكلمه بعشره وازود عليه حتى تقهر ام احمد
امي بدت توصللهم كلام
احمد مابي خير وجاي يخطب بنتي يحلم يشوف اضفره
احمد دايح ومحد تقبل بي وجاي على بنتي
صبيحه تسوي سحر وتشمر علينا لمن مرضت اماني
شمالني مخبله انطي بتي الصبيحه ام السحوره
لوتجي هي وابنه يبوسون نعالي هم مااقبل
وأشكال حجي حرب مناوشات من الجهتين
اما عمي وابوي قررو مالهم دخل بهاي الحرب وبيقون على خوتهم حتلو احمد ماأخذ اماني
عادي كلشي قسمه ونصيب بهاي الدنيا
بس امي وأم احمد شيسكتهن ابد مايسكتن
والطرف الثالث صاير ساعي بريد يوصل الزغيره والجبيره
ومايقبل يطفي نار الحرب بكلام حلو
لو يهدي النفوس يريد المشاكل تبقى مستمره وهو يتفرج
ومستمتع
اماني...من اسمع كلام امي وأم احمد اتمرض واتعب بلزايد
وامي كل شويه تعيد الكلام عليه
لمن رجعت حالتي انتكست بلزايد لا اكدر اكل ولا اشرب
حتى نوم مانام رجعت العلاج الدكتور حتى اكدر انام
وانسى كلشي مر عليه
جمانه السعيدي
امي.....ابو جاسم البنيه راح تروح منا شلون
بابا.....اخذيه السيد هادي مو ذيج المره قرأ عليه وصارت زينه
امي....اي ولله مالنا غير رب العالمين وسيد هادي هو الي يحله
خل احجيلكم شويه عن سيد هادي
سيد هادي سيد حسين
العمر ٤٠ سنه
مزوج بت عمه سيد علوان اسمه سكينه اكبر منه بسنتين
مخلص كليه تربيه قسم عربي
زوجته مخلصه ابتدائيه
عندا ٣ اولاد اكبر واحد يوسف عمرا ١٧ سنه
يعني اكبر واحد بولده ازغر مني ٣ سنوات
عدهم أملاك ماتعد ولا تحصى حقول دواجن اراضي
زراعيه بساتين حلال أغنام وبقر
بيوت قطع اراضي فلوس بلمصرف
بس الناس اله الضاهر ماتعرف حياتهم الخاصه شلون عايشين من الاحداث الي راح تجي راح نعرف كلشي
اماني امي اخذتني قبل المغرب بشويه ودخلنا مالكينا بس
وحده كاعده انطاها حرز وطلعت
امي....شلونك سيد
السيد.... اهلا وسهلا
امي ... احنا بيت ابو جاسم
السيد....اهلا وسهلا عرفتج من صوتج شلونج شلون صارت البنيه
امي....ولله صارت زينه بس رجعت حالته مثل قبل
السيد....هي بلمدرسه
امي...لا ابوها بطله من خلصت ثالث متوسط
السيد...ليش حجيه جان خليتيه تكمل
امي...ماعدنا بنات تكمل مدرسه اخته الصف سادس وبطلت
السيد...خل احجي وياها
السيد....شلونج بويه
اماني...اهلا وسهلا
السيد...من شنو تشكين
اماني....مااعرف بس احس نفسي تعبانه ورجليه بوجعني
ومااشتهي اكل
السيد....احد مضوجج عليج ضغوطات
اماني....لا
السيد...عندج صديقات خوات بنات عم
اماني...ماعندي صديقات وبس اخت وحدا
طبعا هذا الكلام كله من ورا البردا هو لا شايفني ولا اني شايفته
بس مااعرف ليش حسيت براحه من كلامه
يحجي وياي بطريقه هادئه
حسيت نفسي اريد ابقه كاعده واحجيله قصة حياتي كله
واسمعه شيكول
بس استحي منه كوه اطلع الكلمه
السيد....قربي ورا البرده خل اقرا على راسج
مد ايده واني قربت وصارت على راسي
وبدأ يقرأ وذا النون إذ ذهب مغاضبا فضن ان لن نقدر عليه
يقرأ بطريقة التجويد وصوته كلش عذب
حسيت نفسي ارتاحيت
جمانه السعيدي
بعد ماخلص
السيد....حجيه اخذيه للزياره اطلعي انتي وياها البيت اختج البيت عمها اذا عدهم بنات
ترا الحبس بلبيت يولد ضغوطات نفسيه
امي... ابوها واخوانه مايقبلون تطلع ابد
السيد....ادري هو سجن خوما سجن انتم ناس معروفين وسمعتكم طيبه
شكو اذا طلعتو طلعه عائليه كل شهر مره
امي.. قابل بكيفي اني مارايحه للزياره اله اخذ اماني وياي هي لابسه عبايه من صف سادس ابتدائي
ونوب لبسوها بوشيه
وكاعده بلبيت مايقبلون تطلع
السيد....الله يهديهم بس الشريفه مو بلحبس بلبيت
وين ماتخليه شريفه
ذوله فاهمين الدين غلط
الإمام الحسين عليه السلام من طلع يقاتل يزيد جان يعرف هو راح يستشهد
وعياله تنسبي وهمه مو اي عيال ذوله عيال رسول الله
مع ذالك أخذهم وياا الساحة الحرب
بس السيده زينب والنساء الهاشميات ماكشفن خدرهن
بلعكس وصلن رساله للعالم ان المراءه نص المجتمع
وكدرن يوصلن مضلومية الحسين عليه السلام
للعالم كله المفروض احنا نقتدي بلامام الحسين واهل بيته
اماني....كاعده واحس كلامه ينزل على الروح يطمنه
ودي ابقه كاعده واسمع كلامه
جمانه السعيدي
امي. كلامك ذهب سيد بس منو يقتنع
السيد....جيبيه المغرب ٣ ايام اقراله وإنشاء الله تصير زينه
اماني...رجعت للبيت واني روحي مطمنه من كلام السيد
ثاني يوم امي اخذتني اله
لكينا اكو يمه رجال وثنيين نسوان
كعدنا وبقينا ننتضره لمن خلص
امي....شلونك سيدنا
السيد....هلا هلا ام جاسم شلونكم شلونه اماني
اماني....تسلم سيد
السيد....صرتي احسن
اماني....من تقرأ عليه اصير احسن ومن ادخل بيتنا اختنك
السيد...هسه انشاء الله تصيرين احسن
اماني...رحمله والديك
السيد....قربي خل اقرا عليج
قربت وبدأ يقرأ عليه احس ماي بارد ونزل على كلبي
السيد....اماني
اماني....نعم سيدنا
السيد....عدكم قراءان بلبيت
اماني...اي عدنا
السيد.. راح اكتبلج اسم كم ايه قرائانيه وحاولي تقريهن
من اضوجين
اماني...انشاء الله سيدنا
كتبلي بورقه الايات اخذت الورقه وطلعت
بس وصلت للبيت اذن الاذان صليت وطلعت القراءان
وبديت اقرا
بعد ماخلصت قررت انسى كلشي وابدي من جديد
خلاص احمد مو من قسمتي ولا نصيبي
ليش اتعب نفسي لازم اساعد نفسي حتى اطلع من هاي الازمه وانتبه الصحتي زين
شكرا لزيارتكم عالم روايات سكيرهوم
