رواية احببت من لا يراني الفصل الرابع 4 بقلم سحر السحرتي

*بعد قراءة الفاتحة فتحت سماء بعض الاغاني كي تفرح صديقتها وقامت بالرقص وكانت تتمايل مع الاشاره لكلمات الاغنيه والضحك مع سماح التي جذبتها لترقص معها فرحا بهذه المناسبة السعيدة 

*كان الجميع معجب برقصها المتقن والهادي 

*رأت لمياء نظرات الاعجاب من ادهم وعمار والجميع فقامت بكل غض-ب اغلقت الصوت وقالت بح-ده 

:ايه الطريقه البلدي دي ومش المفروض انك محجبه احترمي حجابك وانك بترقصي قدام اغراب مش اهلك 

*تحدثت سماء والدموع في عينيها

 :اسفه يا ابله لمياء عندك حق مكاني مش هنا عن اذنكم 

*قبل ان تذهب اوقفتها سماح وتوجهت بالحديث بحدة إلى لمياء 

:استني يا سماء انت اختي وصاحبتي ومش عيب انك تفرحيلي على الاقل احسن من ناس عاصرة على نفسها ليمونة وهي قاعده حتى كلمة مبروك ما قالتهاش

*تدخل سلطان

:لمياء اتكلمي مع سماء احسن من كده لانه لو اتكرر تاني انت عارفه هتصرف ازاي 

اميره :هي ما تقصدش يا معلم 

:اسكتي انت انا فاهم هي بتعمل ايه كويس قوي 

سماء: خلاص يا بابا ما حصلش حاجه انا كنت راجعه علشان اذاكر انت عارف عندي مذاكرة كثير... مبروك يا موحه ... عن اذنكم ربنا يديم الافراح عليكم

*وانسحبت من بينهم بهدوء 

*نظر سلطان الى لمياء بغ-ضب ولكنه فضل السكوت كي تكمل سماح فرحتها 

*بعد انتهاء الاحتفال ذهب سلطان الى غرفه سماء كي يعتذر لها وجدها نائمه ... لكنها لم تكن كذلك فقد تظاهرت انها نائمه وعندما تأكدت من ذهابه جلست في البلكونه تبكي 

*بالصدفه دخل ادهم وشاهدها فالفاصل بينهم سور صغير فكح

:احممم 

*فانتبهت سماء وقبل ان تدخل تحدث اليها

:سماء استني ما تزعليش من لمياء هي طيبه بس ساعات بتبقى زي القطر ومش بتفكر هي بتقول ايه 

:ما اظنش واحده في مستواها ومكانتها الاجتماعيه والعلمية تكون ما بتفكرش هي بتقول ايه ...  هي فاهمه وعارفه .. وعموما انا اكبر من ان واحده زيها تزعلني انا متض-ايقه من حاجه ثانيه 

:ممكن اعرفها

:للاسف لا وشكرا انك بتحاول تطيب خاطري ... بس على فكره انت كمان ما تفرقش عنها كثير معاملتك لينا زيها بس الفرق انك بتخاف على زعل عمك شويه وبتعمل له حساب

: مين قال لك كده

:انا اه صغيره بس بفهم في نظرات الناس كويس وعندي خبرة من شغل ماما... لما كانت واحده بتيجي تفصل عند ماما فستان وتشوفه وتنبهر بيه وتقول لها يعني مش بطال عشان تدفع فلوس اقل كنت انا ببقى فاهمه نظره عينيها وياما شفت

: بمناسبه الفستان شكرا على فستان سماح عرفت انه تفصيل والدتك وانه بتاعك اكيد سماح كسفتك عشان تاخذه

: انا اللي عرضت عليها تاخده لانها ما كانتش هتلحق تشتري 

:انت بتقبلي عادي الناس تستخدم حاجاتك 

:انا من يوم ما جيت وسماح  اعتبرتها اختي لاني ما ليش اخوات بنات وكان نفسي في اخت وربنا كرمني بيها وافتكرت انها افضل هديه من ربنا 

:طب عدي عليا بكره في المحل عشان اشكرك على الفستان واعتذر عن اللي عملته خطيبتي

:ليه وازاي

*همس بابتسامه جذابه

:هدي لك شويه عظم حلوين لبسبوسه 

:مش عايزه ... ايه احلف 

:نوع محترم

:اذا كان كده موافقه وحته دهن لشنكل

:مين شنكل

:ده قط غلبان 

: هههههه حاضر يا ستي المهم ما تبقيش زعلانه

*نظرت له بتعجب 

: بتبصيلي كده ليه 

:انت بتعرف تضحك اهو

*عاد الى وقاره 

:شايفاني تمثال مثلا 

:ما اقصدش اوقات ... اقول لك ادخل انام عشان ما البخش تزعل انت واحرم بسبوسه من شويه العظم

*وغادرت من امامه مسرعه وهي سعيده انها ستاخذ بعض العظام لكلبتها 

بقلمي سحر السحرتي 

*في اليوم التالي كانت سماح توقظها من نومها 

سماء :ايه يا مؤذيه عايزه انام

سماح :قومي خدي فستانك وما تزعليش

: مش زعلانه خلاص اخوكي هيصالحني النهارده

: اخويا ازاي مش فاهمه 

:هحكي لك بس بقول لك بعد العق-ربه ما تسافر ... يا نهار ابيض اقفلي الباب بسرعه 

*بعد ان اغلقت الباب

:خليتيني اقفل ليه 

:عشان ما تسمعناش اصل سمعتها وهي بتتخانق مع اخوك عشان خطوبتك 

:ما ده المتوقع ايه اللي حصل بينهم

: لا طبعا مش هحكي لك هقول لك على المفيد انا مش فتانة

:مختصر الحوار يعني عايزه اعرف ايه اللي حصل بينهم

:لا طبعا انا سمعتهم غص-ب عني لانها كانت بتزع-ق المهم انت طبعا هتعملي الخطوبه اول يوم العيد صح 

:اه اتفقنا على كده

: طيب حلو قوي... اسمعي قبلها بيوم خلي عمار يطلب من ادهم انه عايز يكتب الكتاب كمان مع الشبكه وحجته انه هيفضل داخل خارج بحكم صداقته مع ادهم وما يصحش المهم اي حجه اهم حاجه انه يقنعه 

:ليه يعني كل ده 

:انت مش سمعتي كلامي في طريقه اقناع ادهم بالموافقه على الخطوبه اسمعي كلامي في ده المره دي مش انت متأكدة من حبكم لبعض 

: اه طبعا... بس بقول لك ايه يا تحكي لي و تتكلمي عدل عشان افهم يا اما امشي

: خلاص ات-رزعي ... سامحني يا رب ... اللي حصل 

*بعد ان انتهت من حديثها

:فهمتي بقى ليه بقول لك اكتبي الكتاب 

:بنت ال ... هشت-مها بس ده عمي سكر .... بقى مش عاجبها عمار ...  غير بس أن امها دعيالها وقعها في ادهم كان حد يرضى يبصلها حتى لو كانت وزيرة مش دكتوره 

: انا خاي-فه انها توقع بينكم او بينه وبين ادهم و تبوظ الجوازه  لان واضح انها غلا-وية ...بس اخوك صحيح هيبه قدامنا و معاها.... 

: كملي معاها فرخه بلدي كلنا عارفين زي ما تكون ساحره له ربنا يبعده عنها  ...  ماشي يا سمسمه هروح اقول لماما وعمار على اقتراحك

: اسمعي قبلها بيوم يكلموا او مامتك تقترح عليه عشان ما يلحقش يبلغ الع-قربه وتلعب في دماغه خلينا نديها على قفاها 

: صح عندك حق دى هيبقى حتة قفا

 *ذهبت سماح وسماء في نفسها 

:طيب يا عق-ربه يانا يا انت اهو جوازهم هيف-رسك ويغي-ظك ربنا يقدرني على ح-رق دمك بقى انا تحرجيني قدام الناس 

*ظلت سماء في غرفتها عده ايام حتى لا تحتك بلمياء الى ان سافرت وبدات بالخروج ففهم سلطان 

:واضح انك ما كنتيش حابسه نفسك للمذاكره

: لا يا بابا اصل زهقت قلت اغير جو

: بنت انت تعالي كده شوفي شعري

:ماله يا بابا

:لونه ابيض صح ومع كل شعره بتبيض بفهم الناس من جوه قبل باره فبلاش تغلطيني تاني في الكلام 

:تصدق احلى شعر ابيض شفته في حياتي

: سماء انا بقالي كام شهر متجوز امك بس حسيتك بنتي وعمري ما هخلي حد يض-ايقك او يدوس على كرامتك 

:بصراحه حسيتها مش بتحبني قلت تقعد في بيتها الكام يوم دول براحتها واهي مسافره

:انا فوت لها يوم خطوبة سماح عشان ما انكدش على البنت لكن بعد كده لو حد زعلك تعالي وشوفي هعمل فيه ايه حتى لو حد من عيالي

: حاضر يا بابا ربنا ما يحرمني منك ومن حنيتك

*قبلته في خده وانصرفت

*كانت سماح تتحدث مع عمار 

: ايوه يا حبيبي كلها كام يوم ونتخطب رسمي

: انا مش مصدق بجد يا حبيبتي انك كمان كنتي بتحبيني زي ما بحبك 

:ده انا اللي مش مصدقه بجد وكنت مفكرة الهدايا اللي بتجيبها لانك بتعتبرني زي اختك لما كنت بتقول لادهم كدة

: انا كنت بجيبها لاني بحبك بس مش عارف اديهالك ازاي اضطريت اقول كدة وكنت خاي-ف تكون مشاعري من اتجاه واحد 

:طب ايه رايك مع الشبكه نكتب الكتاب

: نفس اللي كنت بفكر فيه ... قد كده مش قادره على بعدي 

: بصراحه اه وحاجة ثانيه مخوفاني

: خا-يفة اسيبك هههههه 

: انا فعلا خا-يفة تسيبني 

: بس انا عمري ما هسيبك 

 :مش خاي-فه منك يا عمار انا خا-يفة ان لمياء تحاول توقع ما بينك وما بين ادهم فتضطر تسيبني هي مش موافقة على ارتباطنا وحاولت تأثر عليه يرفض

: عندك حق هي فعلا حاجه تخ-وف ولميا ليها تأثير جامد على ادهم رغم ان هو ممكن يبقى ملتزم معايا بكلمته تفتكري ممكن تأثر عليه انه يغيرها معايا 

: مش عارفه بس بقول الاحسن اننا نكتب الكتاب ونضمن ان احنا لبعض على طول حتى لو عملت حاجه ادهم هيخاف ابقى مطلقة قدام الناس 

: خلاص هكلمه وان شاء الله يوافق 

بقلمي سحر السحرتي 

*مرت الايام ونفذت سماح خطه سماء و اقنعت عمار ووالدتها وتم كتب كتابها مع خطوبتها 

*علمت لمياء بذلك و تش-اجرت مع ادهم

: انت ازاي ما تقوليش ان اختك اتجوزت عمار

:هي بس كتبت الكتاب عشان يعرف يجيلي ويقدر يخرج معاها وده الصح

:مش كان المفروض فتره خطوبه الأول عشان يعرفوا بعض دلوقتي لو اتخان-قوا و ما اتفقوش و سابوا بعض هتبقى مطلقه

:وهي ايه اللي هيخليها تتخ-انق هي طول عمرها عارفاه و بتحبه في صمت وبتتمناه جوزها وهو كمان ايه اللي هيخلي حد فيهم يزعل الثاني

: بتحصل ايه ما بتحصلش

: لا بتحصل معانا احنا بس مش معقول كل شويه هنتخ-انق ما لكيش دعوه بأختي وخلينا في نفسنا هتنزلي امتى 

:مش عارفه ليه

:عمي بيقول لك خليك عندك وانزلي بعد امتحانات سماء 

:نعم هو هيمنعني اقعد في بيتي عشان خاطر بنت الخياطة 

:لا مش هيمنعك هو بس عارف انك مش بتحبيها فبلاش مشاكل وهي فاضل لها كام شهر على الامتحانات فظبطي اجازتك بعد امتحاناتها 

:وهي امتحاناتها امتى

:اما ينزل جدولها هقول لك 

:ضروري عشان اظبط اموري مش ناقص غير بنت الخياطه كمان وانت اظن بتتكلم معاها وتاخذ وتدي

:لا مش بشوفها ايه يا حبيبتي بتغ-يري عليا 

:طبعا يا قلبي بس لو ناوي تخ-وني ابقى استنضف

:وانا الاقي زيك ابدا 

:اوعى يا ادهم تخليها تاخذ عليك لغايه لما نخلص منها هي وامها 

:ليه يا لمياء عمي مستريح ومبسوط انت مالك بيهم 

:مش بعرف اقعد في بيتي في وجودهم وبعدين لا مستوانا ولا قيمتنا وهما الاثنين لعبيين اكلوا عقل بابا وممكن يخلوه ينساني 

:انت بتنزلي اجازه صغيره وبعد ما تخلصي هنتجوز على طول يعني مش هتلحقي تقعدي شيليهم من دماغك طول ما عمي مبسوط 

:وانا احط ناس زي دي في دماغي ليه انا هبقى دكتوره وهما عمرهم ما هيبقوا في مستوايا ... اسيبك بقى عندي محاضره 

*كانت لمياء تملأ رأس ادهم بكلامها عن سماء ووالدتها الى ان حدث سوء التفاهم بينه وبين سماء عندما صعد خلفها الى السطح

*عوده للحاضر

*في اليوم التالي شعرت سماء ان سلطان مازال مستاء منها عندما خبأت عنتر في غرفه السطح فذهبت له المحل و بدات تغني له

: يا اللي زعلان مني ومخاصمني ومش عايز تاني تكلمني واخد على خاطرك قوي مني معلش انا اسف

*بعد ان انتهت قامت باحتضانه 

:خلاص بقى يا ابو السلاطين حقك علي مش هطلع كلاب ثاني فوق غير لما استاذن

:يعني كلامي مش بيتسمع ولو كان حد غير ادهم شافك و مش عارف ان اللي جوه الاوضه كلب كان فكر فيك ايه

: ما يهمنيش غيرك يلا بقى اطلع اتغدى عشان تاخد الدوا عشان الست اميره شاكه اني مزعلاك ولو عرفت هاكل شبشبين 

:يعني ده اللي منزلك تصالحيني 

:لا طبعا مش عارفه اذاكر وانت زعلان يرضيك اجيب مجموع وحش  

: هتجيبيه بسببي يعني

: طبعا شاغل تفكيري أن حبيبي زعلان مني تفتكر هركز ازاي 

:طب اطلعي وانا جاي وراكي

:وعد مش زعلان

: وعد بس ما تتكررش ثاني 

:لا انت توعدني ما تزعلش  انا ما اقدرش على زعلك ... ايه رأيك تخلي الاوضه دي عياده الكشف بتاعتي 

:هو في مرضى هتطلع تكشف في اوضه على السطح

: نعم هما كمان هيتامروا 

:الناس بتحب تروح عياده كبيره ومكانها كويس 

:ناس مين هو انا هكشف على بني ادمين

: امال ايه

 :حيوانات ما انا هدخل طب بيطري 

:وامك عارفه

:عرفت وطيرت شبشبين على دماغي

: غلطانه قليل عليك شبشبين انا طالع اديها 10 تحذفهم عليك كويس

: ليه كده ده انا بحبك يا سلطان ده انا قلت انت اللي هتقف جنبي وتقنعها

 :ده انا هقنعها تعل-قك امشي 

:ماشي شكرا يا ذوق ما تتاخرش ده انا طبخت لك بايديا دول عشان اصالحك (وهي ترفع كفيها و تقلبهم أمام عينيها وتحول )

*صعدت وكان سلطان وادهم يضحكون على جنانها

سلطان : ادهم خليك هنا على ما اكل لقمه وانزل احسن البت دي فعلا مش هتذاكر غير لما تطمن علي اني اخدت الدواء 

:ربنا يسعدها ... كنت عايز اروح اشوف محل السيده

: لا أما انزل ابقى روحه و هبعتك المحل الكبير كمان 

*بعد قليل كانت سماء تحمل صينيه طعام

:يا معلم ادهم بابا بعت لك ده 

:ما انا هطلع اكل في البيت 

:هو قال لي اديها له وقولي له يا نعيش سوا يا نم-وت سوا بس ما فهمتش قصده ايه 

: هههههه هو انت اللي طابخه

: اه ليه ... هو قصده ... طب مش هطلع الا لما تذوق وتقول رأيك بالامانه

: طب اقعدي كلي معايا

: سبقتك مع سماح وطنط اصل دخلت صينيه زيها عندكم عشان طنط عندها دور برد ما قدرتش تعمل حاجه 

:وسماح كانت فين

:عندها محاضرات

*تذوق بعض منه

: تسلم ايدك اقعدي بقى كلي معايا مش بحب اكل لوحدي

:بس لو ما كنتش تحلف انا ثانويه و محتاجه اتغذى امال الصبي فين كان اكل وداق عمايل ايديا واعرف بابا أن الناس كلها بتشكر في طبيخي

: تعبان دور البرد اللي ماشي اليومين دول عشان كده انا النهارده هنا مع عمي 

*ظل يتحدث ويضحك معها وشعر براحه كبيره في تواجده بقربها الى ان نزل سلطان

 :ايه يا ادهم لسه عايش

سماء : كده يا بابا قصدك ايه 

: هههههه هو انا قلت حاجه

:هطلع اجيب لكم رز بلبن قبل ما اروح الدرس 

:طب بسرعه عشان ادهم يوصلك في طريقه

*بعد ان احضرت الحلو

: ايه رايك بقى

سلطان : انت اللي عاملاه

:لا ماما

:يبقى حلو قوي

:طب انا اللي عاملاه

:يع ده وحش جدا 

:طب انا بقى سجلت لك و هطلع اقول لها انك بتقول عليه وحش هي اللي عملته انا كنت بختبرك 

ادهم :وانا شاهد 

سلطان :اعمليها وهي ياما قالت لي اذب-ح بسبوسه هتلاقيها متعلقه على باب المحل

*تتحدث وهي تتظاهر بطلب العفو 

 :ابوس ايدك دي غلبانه وبتربي ايتام شفت عنتر ضعيف ازاي يا حبيبي اصغر اخواته ومش بيرضع كويس 

:خد يا ادهم البنت دي وصلها ولو تدو-سها بالعربيه يبقى احسن 

:كده انا عارفه في النهايه ما حدش هيزعل عليا غير عنتر ... انت فين يا سلامه ...قصدي يا عنتر...  يا خبر المستر هيطردني شايف اخره الوقفه معاك يا سلامه ...  قصدي يا سلطان  ...سلام بقى

: استنى ادهم هيوصلك

*همس لادهم

:عشان خاطري وصلها و ما تزعلهاش 

:حاضر يا عمي

بقلمي سحر السحرتي 

*تمر الايام وسماء تدرس بجد وتجلس في البلكونه يراها ادهم 

:قاعده هنا ليه 

:زهقت من الاوضه غير اني لو شفت السرير هنام وعايزه احل مسائل الفيزياء الصعبه دي الاول لانها بتجيلي في الحلم وانا نايمه بحسها بتجري ورايا

: هههههه طب وريني كده يمكن اساعدك ... دي سهله خالص

: طب ربنا يخلي لك عيالك اشرحها لي

: هههههه مش لما اتجوز الاول ادعي لي بالجواز

: ربنا يجوزك اربعه في يوم واحد ... اشرح بقى

: لا مش هشرح  الا لما تدعي لي اتجوز خطيبتي

: يا رب تتجوز اللي بتحبك

:انت ليه بتلاوعي في الدعوه 

:انا ليه ... هي ابله لمياء مش بتحبك 

:ايه اه بتحبني طبعا

: يبقى مين فينا اللي بيلاوع ومش عايز يشرح

:طب يا لمضه شوفي تيجي ازاي

*بعد ان شرح لها بطريقة سهلة 

:لا مهندس بجد انت شرحك احسن من المدرس اللي عندي شكرا قوي يا رب تبقى شيخ معلم الجزارين كلهم

: ده انا بفكر اسيب الجزاره وابقى مهندس في شركه

: وماله ايه المشكله

: يعني مهندس احسن ومستوى

:انت عايز تسيب الجزارة وتبقى مهندس عشان المستوى مش عشان انت بتحب الهندسه

: انت ايه رأيك مش الهندسه أحسن 

:هي أحسن لو انت بتحبها هتبقى متميز لكن لو هي بالنسبه لك مستوى هيبقى زيك زي الاف المتخرجين ... انت كمعلم هنا الناس بتحبك وتحترمك ولك هيبه وطله و بصراحه ساعات بخ-اف منك 

:ليه 

:عليك بصه تخلي الواحد يكش لجوه 

: هههههه انا ح-رام عليك ده انا طيب 

:طيب  ... طيب ادخل انام من غير ما المسائل تيجي لي في الكواب-يس شكرا يا باشمهندس 

:مش كنت بتقولي لي يا معلم 

:مش انت هتغير لخبطني

:لا ده انا بدردش معاك 

:بقى كده طيب يا معلم شكرا 

*في اليوم التالي سمع ادهم همس داخل البلكونه وكان المساء قد حل

: ايوه بقول لك لف الناحيه الثانيه في ظهر العماره .. يا عم مش هتطلع هنزلك سبت الغسيل  ...هو انت عايز تطلع ليه  ...لو طلعت وماما شافتك هت-رمينا احنا الاتنين من البلكونه  ...يا عم انت خ-ايف على الفلوس هنزلها في السبت 

ادهم :بتعملي ايه يا مص-يبه انت

:بسم الله خض-تني يا ادهم قصدي يا معلم استنى بس اما اشوف الح-مار بتاع التوصيل ده  ...اه حم-ار وكلمه كمان هعمل فيك شكوى ومش هستلم حاجه و البسها انت ... اه شفتك كل ده عشان تلف في ظهر العماره  ...هنزل لك السبت ما تزعلش بعت لك بقشيش كويس  ..بس ابقى راعي الناس الجعانه اللي امهم ممكن تعملهم كفته لو عرفوا انهم اشتروا من باره 

*انتهت و التفتت لادهم 

:تاكل معايا 

:هو انت كل يوم بمص-يبه شكل فكرتك بتكلمي واحد

: طب ما انا كنت بكلم واحد بس واحد دليفري

: لا جاء في بالي حاجه ثانيه وانت بتهمسي مش تبطلي 

: هو انت على طول كده سئ الظن .... جعانه من المذاكره و مكسله اعمل اكل وماما لو عرفت هت-زعق 

:عندها حق انا نفسي مش بحب اكل الشارع 

:هو في زي جمال اكل الشارع ... وبعدين هي هت-زعق عشان ما صحتهاش تعمل لي هي الاكل ... بذمتك اخبط عليها وهما نايمين اقول لها جعانه وانا زي الشحطه كده

: لا ما يصحش 

:تاكل

:اكل 

: الله مش كنت بتكره اكل الشارع 

:يعني دي عزومه مراكبيه

: لا بجد عشان ما تفتنش عليا 

:طب هاكل و افتن

: لا ده انت ابو الجدعنه كلها 

: هههههه انت مشكله 

بقلمي سحر السحرتي 

*مرت الايام ومع بدايه الامتحانات دق باب منزل سلطان وكانت .....

$ هل ستمر امتحانات سماء على خير ام ستقابلها صعوبات ؟