رواية احببت من لا يراني الفصل الخامس 5 بقلم سحر السحرتي

*كانت من تطرق الباب ميرال ابنه خاله لمياء 

اميره :نعم مين حضرتك

:انا ميرال عمو سلطان هنا

:ايوه يا حبيبتي اتفضلي 

*سمع سلطان اسمه فذهب ليرى من الذي جاء

 :مين ميرال .. ازيك يا حبيبتي ... ايه الشنطه اللي في ايدك دي 

:معلش يا عمو اصل اتخ-انقت مع بابا وماما  ولما لمياء عرفت قالت لي ان ممكن اقعد عند حضرتك يومين اصلهم عايزين يجوزوني بالع-افيه

:تنوري يا حبيبتي بس مش هقدر اتدخل انت عارفه علاقتي مع ابوك مش كويسه من زمان 

:مش بطلب من حضرتك تتدخل بس هقعد يومين لما يقتنع ان مش هتجوز بالع-افيه

:ماشي ادخلي غرفه لمياء ريحي شويه 

:هو ينفع اقعد مع سماء اصل بخاف انام لوحدي من زمان وانت عارف ... ولمياء قالت ان مراتك عندها بنت

: اه بس سماء عندها امتحانات ثانويه عامه وانت عارفه انها سنة مهمة ولازم تركز كويس 

:ما انا مش هعطلها هقعد من غير صوت 

*كان سلطان محرج ولم يعرف كيف يتصرف

:طب يا ميرال لو سمحت خليك هاديه عشان دي امتحانات مهمه جدا 

*دخلت ميرال بكل كب-رياء وتع-جرف

 :هاي انا هقعد معاكي كام يوم يا اسمك ايه ... اه صح سماء

: اهلا وسهلا تنوري

*بعد ان دخلت تحدثت اميره مع سلطان 

: مين دي يا معلم 

: دى بنت خالة الولاد 

: معلش ما تأخذنيش هو بيتك وانت حر بس تقعد مع سماء وانت عارف السنة دي مهمة بالنسبة لها قوي

: عارف يا اميره بس اتحرجت والبنت من وهي صغيره عندها فوبيا من النوم لوحدها واهلها حاولوا زمان معاها كثير مفيش فايده 

: طب وبعدين 

: ما تقلقيش هي هادئة ومش هتدايق سماء 

*لم تستطيع المجادله ودعت الله أن يسترها مع ابنتها

*في المساء دخلت سماء البلكونه كي تدرس شاهدها ادهم وكانت مهمومة

: ايه مستنيه دليفري ولا مخن-وقه من الاوضه 

*نظرت له بح-زن

: لا ميرال بنت خالة لمياء قاعده معايا ومش عارفه اركز منها 

:عامله دوشه ولة بتضايقك

:لا حاطه سماعات في ودنها وعماله ترقص ومن وقت للثاني صوتها بيعلى مع كلمات الاغنيه 

:طب انا هخلي سماح تاخدها تقعد معاها شويه

:سماح عندها امتحان في الجامعه بكره مش معقوله اعطلها 

:شويه بس على ما تذاكري 

:لا ما ارضاش لها تتعطل بسببي و الماده بتاعتها صعبه انا بعرف اذاكر في البلكونه 

: يا ستي مش مشكله هي في هندسه دي تجارة

: تفتكر هبقى مبسوطه لما تشيل المادة بسببي وابدي مصلحتي على مصلحتها 

:طب لو محتاجه حاجه انا موجود

 :شكرا يا معلم ادهم

*شعر ادهم انها انسانه خلوقة فمن يهتم بمصلحة الآخرين إذا كانت تتعارض مع مصلحته

*خرجت ميرال الى البلكونه فقد سمعت سماء وهي تتحدث 

:ايه ده ادهم انت هنا بقالي كثير ما شفتكش 

*وبدأت تجر معه حديث فلاحظ علامات الض-يق على وجه سماء من هذه الض-وضاء

:انت كمان لك وحشه بقول لك تعالي لفي نشرب حاجه و ندردش مع بعض بدل ما انا قاعد لوحدي أو ممكن نتفرج على فيلم سوا

*نجح ادهم في استدراجها وابعادها عن سماء فنظرت له نظره شكر وتقدير

*شعر انها طيبه عكس ما تحاول خطيبته ان توصل له 

*ذهبت سماء الى الامتحان ولكنها كانت مجهده فميرال كانت تسهر طوال الليل و بصع-وبه غفت ساعات قليلة 

*شعرت سماء ان هدف ميرال هو تعطيلها فذهبت إلى سلطان في المحل 

: بابا لو سمحت عايزه اطلب منك حاجه وارجوك توافق 

: انا عارف و شايلك عظم كويس 

: لا مش ده اسمحلي اقعد في شقتنا القديمة فترة الامتحانات 

: ليه يا سماء حد زعلك 

: لا بس هركز هناك أكثر 

: هي ميرال ضايقتك 

: بصراحه مش بعرف اركز وحد معايا هي مش بتعمل حاجه بس انا مش مستريحة

: بس دي ضيفة ومقدرش امشيها

: ما عشان كده بطلب اقعد في شقتنا القديمه 

: احنا سلمناها من شهرين يا سماء هي اميره ما قالتلكيش

*ص-دمت سماء من سماعها للخبر فقد كانت الشقه ملاذها الوحيد 

: ايه لا ما قالتش يمكن نسيت  ... خلاص يا بابا انا هتصرف

*كانت ميرال تتحدث الى لمياء في الهاتف بس يا ستي وفضلت ارقص لما خليتها دخلت قعدت في البلكونه

لمياء : كويس مش عيزاك تديها فرصه تقعد بحريتها وتحس أنه بيتها

: لكن واضح انها منسجمه مع خطيبك قوي مش زي ما انت فاهمه

: ازاي يعني منسجمة معاه

: لقيتهم بيتكلموا براحة مع بعض و بيسالها عن حالها مش زي ما فهمتيني انه متجنبها و راسم الوش الخشب معاها 

: يمكن عشان لمحها في البلكونه وعموما هشوف الموضوع ده بعدين 

:انا كنت خاي-فه ان عمي يكلم بابا بس عارفة ان علاقتهم مش كويسه

: المهم استمري بقى كل امتحان  شتتيها

: ما انا مش هقدر اقعد اكتر من اسبوع بس محضرالها شويه حاجات هتعجبك قوي 

: عارفه لو نفذتي كلامي صح ليكي عندي هديه وانا راجعه بس ايه

: هو ده الكلام فتحتي نفسي انفذ بذمة 

بقلمي سحر السحرتي 

*كانت سماء سوف تج-ن وهي تبحث عن اوراق مهمة

:ميرال كان هنا في ورق مراجعه ما شفتهوش

: اه يا خبر ...  هو انت كنت عايزاه اصل وقع مني النسكافيه غص-ب عني عليهم رحت رميتهم 

:ايه .. دي اوراق مهمه ح-رام عليك 

*اسرعت وهي تجري في الشارع وتبكي اصط-دمت بادهم امسكها من ذراعها

:في ايه مالك بتجري كده واحنا بالليل 

:سيبني ارجوك خليني الحق اجيب الورق من صاحبتي واصوره قبل المكتبه ما تقفل

:اهدي ورق ايه فهميني

: ميرال دلقت النسكافيه على ورق مراجعه امتحان بكره زي ما يكون حد مسلطها تعطلني بس مش هدي لها فرصه  ...وبلغ خطيبتك تستريح وتبطل مخططاتها الق-ذرة هخلص امتحانات وهسكن في مكان ثاني بس خليها تمشي بنت خالتها ... ارجوك ده مستقبلي ولو عايزه ماما كمان تسيب ابوها هكلمها ... هو الك-ره يوصل لكده تدمر مستقبل انسان 

: مالها لمياء بتتهميها من غير دليل ما اسمحلكيش ... وكمان هي اكبر من انها تعمل حاجه زي دي

: انا سمعت ميرال وهي بتحكي لها عملت ايه معايا وانها لسه محضره لي حاجات اكثر

:انت ك-ذابه وبترمي بلاكي وفش-لك على خطيبتي 

:طب سيب ايدي خليني الحق ولا انت كمان مشترك معاها في خطه تعطيلي

: امشي اطلعي فوق الوقت متاخر ... عمي يعرف انك نزلت دلوقتي

: انت ما لكش حكم عليا وابعد من وشي احسن ممكن اصور قت-يل دلوقتي ح-رام عليكم بتعملوا معايا كده ليه كل ده عشان ماما اتجوزت عمك بتعاقبوني بأنكم تضيعوا مستقبلي

: اطلعي بقول لك كلمتي تتسمع احسن تشوفي وش مش اللي هو

:مش طالعه وريني هتعمل ايه 

*جذبها من ذراعها بالق-وه لم تستطع التحدث حتى لا تصبح فضي-حه امام الناس

*طرق ادهم باب شقه عمه بق-وه ففتحه سلطان

: في ايه يا ادهم ماسك سماء كده ليه وبتخبط بالطريقه دي ازاي

سماء :خليه يسيبني يا بابا عشان الحق اجيب الورق

: ورق ايه وبتعيطي وكمان نزلتي من غير ما تقولي 

:هقول لك بس سيبوني دلوقت 

اميره : في ايه يا سماء انا دخلت اشوفك عايزه حاجه لقيتك مش موجوده وميرال قالت انك في الحمام

ميرال : انا كنت بداري عليها مش عارفه نزلت تقابل مين في وقت متأخر زي ده 

اميره :اخ-رسي يعني ايه نزلت تقابل مين انا بنتي متربية احسن تربية

سلطان : بس خليني افهم مالك يا سماء 

*حكت سماء ما حدث 

*ميرال ببراءه

:النسكافيه وقع مني غص-ب عني يا عمي و الورق اتبهدل ما اعرفش انه بتاع امتحان جاي فكرته بتاع الامتحان اللي خلص 

:سيبني يا بابا الحق اجيبه

:لا مش هتنزلي

: ليه يا بابا كده هتعطل 

*بكل حزم 

:انزل يا ادهم هات لها الورق

: اجيبه منين

:من عند صاحبتها

: ما تكلمها تصوره على التليفون وخلاص 

سلطان : يبقى هنزل انا هي هتفضل طول الليل تبص في التليفون وتفقد تركيزها 

:حاضر نازل بس حسابها معايا بعدين عشان بتتهم لمياء بكلام ما حصلش

: كلام ايه

:ان لمياء هي اللي مسلطه ميرال تيجي تعطلها 

ميرال :ايه الك-ذب ده ما حصلش طبعا

*نظر لها سلطان بغض-ب بعد أن استوعب الخطة الق-ذرة التي دبرتها ابنته فتوترت 

:ايه يا عمي انت مصدق طب بنتك ممكن تفكر كده

:انزل يا ادهم وبعدين لينا كلام ثاني .. ادخلي يا سماء غرفتك ...وانت يا ميرال ادخلي نامي مع اميره عشان بتخافي تنامي لوحدك وانا هنام في غرفه الصبيان

: لا انا كده هحس اني غير مرحب بيا عندكم

: ليه يا بنتي انا بحل مشكلتك مع النوم الا اذا  كان كلام سماء صحيح 

:لا طبعا هو انا هعطلها ليه

 :خلاص ادخلي نامي من غير كلام كثير ... وانت يا اميره ادخلي اعملي حاجه سخنه لسماء عشان تهدى على ما الورق يوصل 

*احضر ادهم الورق واخذته منه سماء بح-زن 

:شكرا 

:العفو انا سهران شويه رغم اني زعلان منك بس لو احتجتي حاجه نادي عليا اشرحها لك

:اسفه عشان زعق-ت فيك اظن انت مقدر موقفي و توتري بسبب الامتحان ..... ونام مش هحتاج حاجه

: انا مش هحاسبك على الكلام اللي قلتيه دلوقتي

:انا ما قلتش حاجه غلط وبكره هتتاكد انها حقيقه 

:وهتاكد ازاي عندك دليل

:لا من غير دليل اتصل على خطيبتك مش هتنكر بالعكس هتفتخر باللي عملته

: دي مش شخصية لمياء انت فاهمه غلط 

: واضح انك انت اللي فاهم شخصيتها غلط عن اذنك اتعطلت بما فيه الكفاية 

*لم يصدقها ولم ينتظر واتصل بالفعل على خطيبته التي اكدت كلام سماء من تفاخر 

:اه انا اللي بعت ميرال لازم اطف-شها هي وامها

: انا مش مصدق انك تعملي كده تدم-ري مستقبلها 

:ما سابوليش حل ثاني هي وامها واكلين عقل بابا مش هستنى لما يكتب لها كل ما يملك 

:عمي مش اه-بل وعمره ما هيظل-مكم غير انهم مش بيطلبوا اي حاجه منه مصاريفهم العادي ويمكن اقل ما كان بيصرف وهو لوحده لانه كان بيجب حد يهتم بالبيت ونظافته

:وعرفت منين

: انا اللي معايا الحسابات كلها وبعرف كل جنيه راح فين 

:كويس ... لو قرر انه يكتب لها حاجه بلغني عشان اتصرف 

: هو ده كل اللي همك و هتعملي ايه

: بعدين هتبقى تعرف بس تاكد اني مش هسكت

*شعر ادهم بالاسف تجاه سماء فطلب لها عشاء من الخارج واخذ يلقي بعض الحصى على البلكونه كي تخرج 

:هو انت اللي بتحدف الطوب ده 

:اه مش عارف انادي عليك احسن حد يسمعنا ومش معايا لغايه دلوقتي رقمك حتى سماح نامت

:نعم في حاجه نسيت تقولها

:انا جبت لك الاكل ده امسكي 

*ابتسمت

 :اعتذار مقبول

: انا مش بعتذر

:لا واضح انك كلمت خطيبتك وطلع كلامي صح

: لا طبعا

:باين على وشك على فكره ... عموما شكرا

:قد كده بتفهمي في وشوش الناس

: مش قلت لك عندي خبره كويسه وانت شخص سهل قرايته 

: ليه

: طيب عكس ما بتظهر ومش خب-يث مخلص ... اروح اكمل مذاكره وبعدين ابقى أحلل شخصيتك اكثر 

*ابتسم

:برضه انا سهران شويه لو احتجتي حاجه يا قارئه الفنجان 

:معلم ادهم

:نعم

:انت بجد مش زعلان مني لان صوتي علي شويه عليك انا من ساعتها مت-ضايقه وبركز بالعافيه 

:انت حساسه قوي يا سماء لا مش زعلان انت معذوره مفيش اهم على الانسان من مستقبله ... وعلى فكره انا مش هسكت لميرال لما قالت عليك قدامنا انك نزلتي تقابلي حد 

:  هتعمل ده عشاني ليه 

: عشان انت زي اختي ومتأكد من اخلاقك 

: طب وبالنسبة انها جايه تعطلني هتتصرف فيه هو كمان 

: اكيد هتصرف بس مش هقدر ادخل عمي في الموضوع لانه هيعاقب لمياء بشده وممكن يحرمها من التعليم يرضيك 

: رغم اللي عملته لا ما يرضنيش

بقلمي سحر السحرتي 

*عادت سماء للمذاكره واليوم التالي ذهبت للامتحان برفقه ادهم دعما لها واعتذار عن ما حدث 

*عاد ادهم وقام بفتح محل عمه فوجده ينادي عليه

: تعالى يا ادهم 

:نعم يا عمي خير 

:اما تكلم لمياء حذرها تكرر اللي هي عملته احسن اخليها تنزل من غير ما تكمل تعليمها

: هو انت مصدق اللي سماء قالته

:ايوه مصدق لاني عارف لمياء وحركتها وانها في الاول كانت رافضه جوازي غير اللي عملته معاها في الاسبوع اللي كانت اجازه هنا واللي كانت بتعمله مع اختك وهما صغيرين عشان بتغ-ير من اهتمامي بيكم ... اكمل

:لا يا عمي لمياء ما تعملش كده 

:ادهم بلاش اثبت لك هيبقى شكلك وح-ش 

*خ-اف ادهم على لمياء اذا علم والدها انها فعلت ذلك 

:هتثبت ازاي ميرال انكرت 

:هتشوف دلوقتي انت لسة مش فاهم عمك انه بيفهمها وهي طايرة رغم أنه جاهل

: العفو يا عمي مش قصدي 

*اتصل سلطان على والد ميرال وتحدث معه وكان مكبر الصوت مفتوح وبعد السلامات 

:بشكرك يا حاج انك بعت لنا ميرال

:على ايه احنا اهل واول ما لمياء قالت ان مراتك محتاجه مساعده لبنتها في الشرح قلنا ان جمايلك كتير علينا ونرد جزء صغير منها 

:ده العشم عشان كده بشكرك  ...هي سماء خلصت فعلا الامتحان اللي كانت محتاجه ميرال فيه وطلبت مني اشكرك بالنيابه عنها على تربيتك لبنتك اللي ما بخلتش عنها بحاجه وعملت الواجب وزيادة 

: لو احتاجتم اي حاجه ثانيه اؤمر بس

:لا كفايه قوي كده كثير 

:احنا اهل يا معلم سلطان ولا عشان الحاجه مات-ت هنقطع بعض

 *انتهت المكالمه ونظر سلطان لادهم نظره الواثق من كلمته 

:اتصل على لمياء وخليها تمشي ميرال عشان لو طلعت انا امشيها هجيبها من شعرها وتبقى قطيعه بين العيلتين وربنا يستر على البنت وتعرف تحل

:حاضر بالليل هكلمها 

:قبل ما سماء ترجع من الامتحان تكون ميرال مشيت سامعني ... و بلغها لو حصل وسماء جابت مجموع وحش هدخلها جامعه خاصه في احسن مكان حتى لو هسفرها باره خليها تشوف نتيجه عمايلها ... كفايه اميره زعلانة وساكتة واحده غيرها كانت طربقت الدنيا لكن هي بنت اصول مش زي ما لمياء مفكره 

*نفذ ادهم كلام عمه وكان رد لمياء عليه

:نعم يدخلها فين بعينها طب يصرف عليها جنيه واحد وانا مش هسكت وبكره هيكون اخواتي عنده يسمعوه كلام عمره ما سمعه

: لمياء اهدي وبلاش تغلطي اكتر انت عارفه غلاوة عمي عندي ازاي ... ادعي بس انها تنجح وتجيب مجموع

: يا رب تعيد السنه

:انت بجد مش معقوله هي كانت عملت لك حاجه... اتصلي يلا على ميرال خليها ترجع بيتها ... وبعدين انت بتبقي غلطانة وتقاوحي

: لا مش غلطانة ده حقي وبدافع عنه باي طريقة 

*اغلقت معه وتحدثت مع نفسها 

:طيب يا بنت الخياطه فلتي منها صبرك عليا 

*تاكد ادهم ان لمياء تكن ضغ-ينة لسماء دون أي سبب معقول سوى أن والدها تزوج من اميرة

بقلمي سحر السحرتي 

*كانت سماح تتحدث مع عمار وتروي له ما حدث من لمياء

 :معقول عملت كده 

:انا خ-ايفه على ادهم منها كل الناس شايفه انها مش مناسبه له الا هو تخيل

:عندك حق انا ياما نصحته وحذرته منها وهو مش راضي يسمع ... المهم سيبك منه هو مش عيل صغير حبيبي عمل ايه في الامتحانات 

:هجيب تقدير السنه دي اعلى من كل سنه عشان انت معايا

:يا سلام على الكلام الحلو ما تيجي نتجوز في الاجازه واخر سنه دراسه تاخذيها وانت في بيتي

: لا هو انت هتخليني اعرف اذاكر دى انا ذاكرت الترم ده بالعافيه وانا بحاول ابطل تفكير فيك

:تفتكري ممكن اعطلك وبعدين انا بشتغل في المزرعه لوقت متأخر تقدري تخلصي مذاكره وتديني ساعه من وقتك لما ارجع

: طب افرض حصل حمل

:يا ستي نأجله لما تخلصي قلتي ايه

: ادهم هيرفض 

:سيبي ادهم عليا انا شقتي جاهزه يبقى فاضل العفش

: هو احنا مش هنقعد في شقتي في العماره اللي عمي بناها على اول الشارع

: يرضيكي ادخل على شقه مراتي عايزاهم يقولوا عليا طمعان فيكي

: ما حدش هيقول كلهم عارفينك و بيحبوك عشان ابقى قريبه من ماما 

:ما شقتي بعيد عنها 15 دقيقه مواصلات ريحيني ندخل في شقتي وممكن بعد كده ننقل في شقتك بس مش في الاول

:حاضر رغم اني مش مقتنعه هتكلم ادهم امتى

: بكره هعدي عليه بعد الشغل 

*انتهت سماء من اداء الامتحانات ووافق ادهم على زواج اخته بعد شهرين بعد ان استشار والده وعمه

*كانت سماح تصطحب سماء معها لشراء مستلزمات الجهاز فهي تشعر انها كاختها 

*بعد ايام ظهرت نتيجه الثانويه في الصباح الباكر صرخت سماء بصوت عالي جدا فزع كل من كان نائما وقامت بتشغيل الاغاني بصوت عالي

: ونجحنا كله يرقص ... وفرحنا كله يرقص 

*ووقفت في البلكونه تخبر الشارع بصوت عالي

: الحمد لله يا رب نجحت نجحت يا ناس هبقى دكتوره افرحوا 

*استيقظ ادهم مف-زوع 

: ايه يا مج-نونه في حد يعمل كده

: نجحت يا ادهم نجحت وجبت 98% ..  اسفه يا معلم ادهم الفرحه طيرت عقلي 

:فعلا لان مفيش عاقل يعمل كده 

*دخلت اميره وجذبتها من شعرها 

:ادخلي يا بنت المج-نونه المعلم قام مف-زوع يعني جبتي الديب من ديله

:نجحت يا ميرو وهبقى دكتوره واعالج بسبوسه 

*خلعت اميره فردت الشبشب وبدات تجري وراءها وضحك ادهم عليها كثيرا وقال في نفسه

:صحيت مخ-ضوض بس تستاهلي اهم حبه الضحك دول نسوني الخ-ضه 

*عادت سماء له بعد ان هربت من اميره وكانت تسمعه يضحك

:هديه نجاحي بقى شويه عظم ما تنساش 

*دخلت اميره مره اخرى وقد احضرت المنفضه

:هديتك عندي انا ناويها لك

: ليه كده يا مراميرو حرام عليك بدل ما تباركيلي على تعبي 

:هو في حد تعب قدي اكل داخل و اكل خارج كاني بعلف في جاموسه وكل ما اقول لك اعملي حاجه تقولي بذاكر ... امسكي المنفضه الشقه كلها تبقى فله 

*استسلمت سماء لعق-اب والدتها واخذت تغني بعد أن ربطت شعرها كالخادمات

:والله يا زمن لا بأيدينا زرعنا الشوك ولا روينا يا زمن ... هقول ايه دي برضة امي لو كانت مرات ابويا كنت دعيت عليها الله يسامحك يا ميرو

*وهي تقوم بتنفيض السجاد وكان ادهم يضحك على منظرها بشكل هستيري

:لما اروح افطر بنفس بقى 

*احضر سلطان عازفين مزمار وصار يرقص وذب-ح عجل بمناسبه نجاح سماء وهي كانت فرحه جدا بما فعله

: انت اللي ليا يا ابو السلاطين يا حبيبي شفت مراتك عملت ايه فيا على الصبح

:تستاهلي خض-تينا بس الف مبروك يا حبيبتي 

*في اليوم التالي اعطى سلطان مبلغ لادهم لكي ياخذ سماء ويشتري لها سلسله ذهبيه بمناسبه نجاحها فذهبت معها سماح وعمار

سماح: عموري 

عمار: نعم يا حبيبتي 

: الجو حر قوي هات لنا عصير من هناك 

: عيوني يا حبيبي تعالى معايا 

ادهم: لا تعالى نروح انا وانت

عمار: يا ابني انت خايف عليها وهي معايا دي مراتي وياما خرجنا

: لا يا ناصح ما يصحش اقف انا وسماء لوحدنا قدامي خلصنا 

*وبينما كانوا يتحدثون كلا من سماح وسماء في انتظار عمار وادهم فقد ذهبوا لجلب عصير لان الجو فعلا كان شديد الحراره اتت سياره مسرعه

$ هل ستصطدم السيارة بأحد ؟ ومن سيكون ؟