رواية سلسلة العالم الاخر الفصل الرابع 4 بقلم اسلام الامير

 اشهر شخصيات الجن، وبنات ابليس" 

يا مساء الفل يامرعبين في الجزء اللي فات اتكلمنا عن ملوك الجن، العلوي منهم والسفلي وفي الجزء دا هنتكلم عن 

▪︎اشهر شخصيات عالم الجن 

▪︎ملكات الجن

▪︎بنات ابليس 

وفي البدايه كدا وزي ما اتعودنا

مكانك الهادي

مشروبك المفضل

وطفي النور يامرعب وفي الجزء دا اوعدك انك هتعرف حاجات واسماء من الجن عمرك ما عرفتها قبل كدا

ويلا بسم الله نبدأ 

▪︎وفي البدايه كدا خلينا نبدأ بأشهر شخصيات الجن 

▪︎"بافو*ميت" شيطان الم*اث*ون*يه، وبافو*ميت دا يبقي حفيد ابليس من ابنة زيتونه يعني ابليس يبقي جد بافو*ميت وهو شيطان عب*ده فرسان المع*بد الصل*يبي او زي ما هما مشهورين بأسم "فرسان اله*يكل" منذ عام 1307ميلاديه وقد رسموه علي هيئه رجل بشري لكن بوجه ماعز وله قرنان كبيران وكمان بأث*داء كبيره وقد حر*قت الكنيسه فرسان المع*بد وكل من عب*د هذا الشيطان 

▪︎"فالاك" ودا مهمته ايجاد الكنوز ولكن بمقابل قراب*ين ومعظمها بيكون قراب*ين بشر,يه وخليني اقولك يامرعب ان فالاك دا هو اق*ذر شيطان مر علي تاريخ البشريه بعد ايليس ولك ان تتخيل ان فالاك يتفوق علي بافو*ميت، بافو،ميت اللي هو حفيد ابليس اهو فالاك تفوق عليه في الق*ذراه والقوه ولك ان تتخيل ان ابليس لما شاف اللي بيعمله فالاك في البشر وازاي بيف*تك بيهم بلا اي رحمه خاف لأحسن فالاك يخ*لص علي البني ادمين وقرر انه يس*جن فالاك وبالفعل تم سج*ن فالاك سنين طويله لحد ما ابليس قرر يطلعه من تاني ولازال فالاك بيم،ارس افعاله الشن*يعه مع بني البشر 

▪︎"خنذب" هو شيطان موكل بالوسوسه للانسان وهو في صلاته يعني تبقي نويت الصلاه وتلاقي الشيطان دا مثلاً بيوسوس ليك بحاجات خارج الصلاه ودا النبي امرنا اننا لما نشعر بيه نستعيذ بالله ونتفل علي شمالنا 3 مرات ونكمل صلاه عادي جداً 

▪︎"ذلانتور" ودا جن يحرض الانسان علي قول الباطل ويحرضه علي الكذب 

▪︎"اعور" ودا كل مهمته هو تحفيز البشر وتشجيعهم علي الز*نا 

▪︎"تمريح" وهو يبث الكسل والارهاق بين البشر 

▪︎"مقلاس" ودا شيطان كل مهمته هي ان يبث الفتن بين الناس ويدخلهم في مشا*جرات ونزا*عات.. 

▪︎"دهار" ودا شيطان رخم شويه وكل مهمته هو انه يظهر للأنسان وهو نايم ويسلط عليه الكوابيس ويخليه يخاف يعني لا هتعرف تبعد عنهم لا وانت صاحي ولا حتي وانت نايم🤦‍♂️ 

▪︎"طارش" وهو سيد وملك عمار المنازل ومهمته حمايه اهل المنازل من ا*ذي الشياطين والسحره 

▪︎"داسم" وهو الابن المقرب والتلميذ النجيب لأبليس وهو مهمته نشب الخلاف بين الازواج علشان يفرقهم عن بعض وحرفياً يامرعب دي بالنسبه لأبليس هي افضل مهمه وهي تفريق الازواج 

▪︎"جسار ابن ماذع" وهو امير قبيله الكثبان ودا ليه قصه شيقه جدا وهنعرفها في الجزء الخاص بقبائل  الجن، وجسار دا امير متمرد ومنشق عن قبيلته ومؤسس قبيله "العواشق" ودول كل مهمتهم هي عشق بني البشر رجال ونساء وبعيد عنك كدا بيفضلوا يستمتعوا بيهم لحد ما يخل*صوا عليهم وناهيك عن كم الع*ذاب اللي بيتسببوا فيه للبني ادم 

▪︎"قاذون" وهو شيطان ينبذ الخلافات داخل الاسره وخصوصا بين الاخوه 

▪︎"ميطرون" وهو شيطان قذر ومهمته هي تحفيز الشباب علي فعل محرمات الله بكل اشكالها وانواعها 

▪︎"قينان" ودا شيطان سفلي مهمته ربط الازواج ومنع اي علاقه ممكن تحصل بينهم 

طيب احنا كدا اتكلمنا عن جزء من اشهر شخصيات الجن تعالوا بقي نتكلم عن ملكات الجن هتسألني وتقولي جري ايه ياعم اسلام ايه الكلام الماسخ اللي بتقوله دا هو كمان الجن عندهم ملكات وعندهم مساواه بين الراجل والست زي عندنا هما كمان عندهم الاستاذه رضوي الشربيني ولا ايه 

هقولك ولد عيب انت مستهون بالبنات ولا ايه انت مسمعتش الفنانه سعاد حسني وهي بتقول " البنت زي الولد ماهيش كمالة عدد؟؟؟" ايوه يامرعب فيهم ملكات اينعم ملكات كدا مهماتهم محدوده ومهمشين بس اهم اسمهم ملكات، ومعلش خدهم معايا علي قد عقلهم وزق معايا القصه وعديها بقي علشان متطلعلناش مرعبه فيم*نست وتقولنا حقوق المرأه وازاي مفيش ملكات جن بنات ومش هنخلص، فلا يامرعبه مين قال كدا لا انتوا زي الفل وعندكم ملكات وكل حاجه وتعالوا نعرفهم🙂 

▪︎"شيطعونه بنت برقوش" 

اهو شايفين حتي عند الجن اسامي البنات كيوت شايفين الرقه في الاسم حاجه كدا تشرح القلب 🤦‍♂️🙂 

وشيطعونه دي ملكه من ملوك الجن السفلي بتيجي للانسان علي شكل قطه سوداء بعيون زرقاء والساحر اللي عايز يحضرها بتطلب منه انه اولا كدا يز*ني بها فلو وافق فبكدا بيكون تم توثيق عهد بينهم وعليها طاعته 

▪︎الجنيه السوداء "جيذانا" 

ودي بتظهر علي شكل امرأه  شديده السواد محاطه بكتله من الن*ار ومعاها ماردين من مرده الجن، والساحر اللي حابب يسخيرها بيتواصل معاها ووقتها هي بتبعت ليه المرده بتوعها وتطلب منهم يقولوا ليه انه يك*فر  بالله فلو وافق وك*فر فوقتها جيذانا بتتسخر ليه وبتلبي طلباته 

▪︎"رقيه بنت شمهورش" 

وهي جنيه مسلمه بنت ملك وقاضي العالم السفلي الملك شمهورش وهي شديده الجمال 

ولو في ساحر قرر انه يسخرها فلازم ينطق تعذيمتها وهي تأتيه في المنام وبتلبي طلباته 

▪︎"دبيلة بنت زحاليف" 

ودي بتظهر علي شكل حمامه بيضاء وهي ملكه بحريه وبيكون صعب تسخيرها وشبه مستحيل 

▪︎"غندوره بنت الجن" 

ودي لا يتم تحضيرها الا اذا كان القمر مكتمل

ويجب علي الساحر اللي بيستحضرها انه يكون لابس لباس ابيض وان يكون اقرع وبيقرأ التعذ*يمه الخاصه بها ووقتها بتحضر 

▪︎"ام النور" وهي جنيه شديده الجمال 

ويجب علي الساحر اللي عايز يحضيرها ان يمكث خلوه في الصحراء لمده 3 ايام وفي اليوم الرابع تظهر له علي هيئه سيده جميله وتسخر له 

▪︎"هند بنت الاحمر" 

وهي تظهر علي شكل سيده جميله 

ويجب علي الساحر اللي عايز يحضرها ان يذهب معها للعالم السفلي لمده يومين بعدها تسخر له 

▪︎"ذخبيله بنت الابيض"

وتظهر علي هيئه بنت بشعر اشقر طويل وعيون ذرقاء وهي خبيره في معرفه اماكن الكنوز 

▪︎"هبينانه بنت البارش" 

وهي تظهر للساحر علي هيئه ثور اسود بقرون كبيره وعيون حمراء وتها*جم الساحر ويجب علي الساحر اكمال طقوسه والا قت*لته 

طيب كدا خلصنا ملكات الجن تعالوا نتكلم عن الملكات من بنات ابليس 

بص يامرعب ابليس كان مؤمن بمقولة الفنانه نانسي عجرم لما قالت "يا بنات يا بنات يا بنات اللي مخلفش بنات مشبعش من الحنيه ومدقش الحلويات" فقال لنفسه طيب ما اشبع من الحنيه وادوق الحلويات وراح مخلف 4 بنات، ومخلفش اولاد 

وياريته ما كان خلف لا اولاد ولا بنات ولكنه خلف 4 بنات ودول هما اقوي ملكات الجن علي الاطلاق

وتعالي يامرعب اقولك هما مين 

▪︎"زيتونه" وهي الابنه الكبري لابليس، وام الشيطان بافو*ميت، وهي جنيه قويه جدا والساحر اللي عايز يسخرها بتظهر ليه وبتطلب منه طلب ولو نفذ الطلب ببقدر يسخرها ولو منفذش الطلب فزيتونه بتق*تله علطول 

▪︎"لاقيس" الابنه الثانيه لابليس واقذر ما انجب الجن علي الاطلاق وهي اول من علمت نساء قوم لوط الشذ*وذ الجن*سي وهي اللي بتوسوس لبنات البشر بممارسة الش*ذوذ اعاذكم الله 

▪︎"سيده المحاسن" وهي الابنه الثالثه لابليس 

وهي غايه في الجمال وبتظهر في المقابر ويقال انها سميت بسيده المحاسن نسبه الي جمالها الذي لا يوصف 

وتظهر علي شكل سيده جميله ذات ثد*يين عظيمين وعا*ريه تماماً الا من الذهب الذي تتزين به 

▪︎"عائنه" الابنه الصغري لأبليس ودي بقي زي ما بيقولوا اخر العنقود سكر معقود ودي الدلوعه بتاعت العيله النتنه دي، بس دي مش سكر معقود خالص علشان بعيد عنك هي قبي*حه جدا ويقال ان ابليس ذات نفسه اول ما شاف منظرها طردها واتبري منها بس لحظه هو مستنيها تطلع حلوه شبهه يعني دا علي اساس انه ملك جمال تايلاند.؟!! 

هيجي مرعب ويقولي تطلع حلوه لمامتها هقولك كان بودي اناقشك ولكن في حاجه صغيره كدا هتعطلنا وهي ان اصلا هي ملهاش ام ايوه زي مبقولك كدا ملهاش ام علشان ابليس تكا*ثر ذاتياً هتقولي ازاي يا اسلام تكا*ثر ذاتياً هقولك ولد عيب لما تكبر هبقي اقولك🙂🤦‍♂️ 

بس يامرعب والست عائنه الساحر اللي عايز يحضرها ومعرفش هيحضرها علي فقر ايه بس عموما مطلوب منه انه يكتب الطلا*سم الخاصه بتحضيرها علي اماكن عو*رته ويردد التعذيمه الخاصه بها وبكدا هي بتحضر وبتسخر ليه