رواية عدالة الله الفصل الخامس بقلم جمانه السعيدي
سوسن...الكل عرف من رد نهله على موضوع المصرف
لمن كالت شسوين بلفلوس عرفو هي مراح تقبل صادق ينطيني فلوس
لان يعرفون هي شلون مسيطره علي
يخاف منها ومايرفضلها طلب
وكلامها ماشي علي خصوصا بعد ما طلعت حامل
عبالك راح اجيب ولي العهد
فاضل من رجع من الشغل اني واكفه بلمطبخ اجا وكف بصفي وانطاني ٥٠ يحجي بصوت ناصي
فاضل...هاج هاي ٥٠ واني كل أسبوع راح انطيج ٥٠
بس لا تخلين احلام ونهله تعرف
سوسن...تسلم شكرا بس مراح اخذهن
فاضل...اخذيها ذني حقج اني اعرف نهله مراح تقبل تاخذين مصرف من صادق
سوسن...مااريد
فاضل...اخذيها لا تجي السعلوه وتشوفنا
سوسن...شكد جنت ضايجه بس ضحكت من كال السعلوه
وهي صدك سعلوه اخذت الفلوس وضميتهن
اما صادق غلس وابد مافكر ينطيني شي ولا حتى يسوي مثل فاضل ينطيني مصرف بدون ما تعرف زوجته
ولله عجيبه شلون اتغير هيج
تغير بين يوم وليله ونسى كلشي
للعصر خالتي جابتلي ١٠٠ من عمي
خالتي...هاج عمج دزلج ١٠٠ تشترين بيه اي شي تردي
سوسن...شكرا خاله على الاقل احسن من صادق
خالتي...عمج يكول مصرفها عليه معليج بصادق
سوسن...ليش معليه بي بس من يريد شي يصيح سوسن
مو زوجته ومسجله على اسمه
خالتي...ميخالف يمه اتحملي الله كريم
سوسن.....انتم جاي تشجعون هيج المفروض اني زوجته وحالي حال نهله
لو حلال عليها وحرام عليه
خالتي....اذا على المصرف عمج يتكفل بي
سوسن...اني مزوجه صادق لو عمي ليش عمي يتكفل بمصرفي وهو منطيني الأذن الطرشه
خالتي...اصبري الله كريم
سوسن...ونعم بلله هو بس الله بقالي كلها ضدي
جمانه السعيدي
كل ما يفوت وقت اكثر صادق يبتعد اكثر
اصلا مايشوفني بعيونه
بس يدخل للبيت تبقى تمشي وياا منا لمن يدخل غرفتهم
وهو يمشي بكلامها مثل الطلي
ابد مايفكر بيه ولا بمشاعري
اهم شي عنده نهله لاضوج ولا تتعب لان حامل
اما سوسن ما معتبرها موجوده اصلا
طبعا الحجي شي والقهر الي اني عايشه بي شي
كلما اشوفهم سوا يضحكون ويسولفون وشلون هو مهتم بيها
كلبي يفور
كمت مااكدر اكل مثل قبل ضعفت كلش
قالوني دائما متهيج من اكعد لمن انام بس القهر من وراهم
بس مابيدي شي وين اروح والمن اشكي
كل الي بلبيت صايرين وياا نهله
اما اني المفروض اعدي واسكت
الكل يكول اي اكعدي واسكتي شتريدين قابل
اذا اطلكتي قابل تاخذين واحد شاب ما متزوج
اكيد تاخذين واحد مزوج
مراح تغيرين شي على الاقل هذا زوجج تعرفينه وتعرفين اهله زين
سلمت امري لله وسكتت انتضر الفرج من رب العالمين
وصلت نهله الشهرها جابت ولد سمته محمد
اتخيلو ما قبلت اجيب بيت اهلها خاف صادق يرجع للبيت ويحجي وياي لو يقرب عليه
رجعت البيتنا
تكول احلام اداريني رغم احلام حامل بالشهر السابع
بعد ولادتها رجع البيت كله عليه
احلام حامل وهاي جايبه
واني اركض النهار كله تنضيف وطبخ
وشغل ما يخلص اخلص وقتي بلشغل اريد الوقت يمر وبس
نهله...اريد غرفه الابني
صادق...ليش ما تخلين الجربايه هنا بغرفتنا حتى اديرين بالج علي
نهله...لا عيوني بس يتعود عليه بعد يلزك بيه
صادق...ماكو غرفه زايده الغرف الجوه بيها فاضل والثانيه
امي وابوي
وهنا فوك غرفتنا وغرفة سوسن
نهله.. وسوسن ليش الها غرفه هي هاي غرفة ابني
اني اخلي بيها جرباية حمودي وكنتوره وهي اذا ما يعجبها تطلع تنام بلهول
صادق...بس شلون
نهله...هذا الي عندي غرفة سوسن هي غرفة جهالي بلاصل
واذا ما يعجبها وين متريد تروح خل تروح
شنو احنا ابتلينا بيها خوما ابتلينا
وجودها بلبيت ما منه فايده وفوكاها حاجزه غرفه شكبرها وحدها هاي الغرفه غرفة جهالي
وهذا آخر كلام عندي
سوسن...ماحسيت غير صادق واحلام جايبين جربايه الطفل وخالينها بغرفتي بدون حتى ما يستئذنون مني
شالو جربايتي حتى يخلون كنتور حمودي لان المكان مايكفي
واني واكفه واباوع بعيوني ماتكدر اسوي شي
طبعا هاي جانت خطه من نهله واحلام حتى يهججني
من البيت يعني بمعنى اطلعي من البيت مالج مكان بي
اني لو عندي مكان جان طلعت ولا هاي الذله
بس وين اروح اذا حتى اخوي مايريدني
حتى غرفتي مالي حق بيها
ومااكدر اقفل الغرفه عليه لان راح يخلون هذا الطفل
بيها اكيد راح تكون امه داخله طالعه علموده
وراح يبجي ويقلق راحتى
نهله هاي شيطانه حتى على غرفتي حاربتني
تريد اطلعني من البيت باي طريقه
رغم هي خلت صادق حتى مايباوع بوجهي
جمانه السعيدي
راح يكتلني القهر باناس عايشه بلكوه عايشه داخل حرب
كلشي مااملك
وكل الناس الي حولي يكرهوني
بلبدايه بليل حان ابنها يبقى يمها والنهار اجيبنه تنومه بغرفتي
من اجيبه ما تخلي وتكست اضل اشمر بلحجي
وليدي الماكو منه ماكو مره جايبه مثله
انت ابن صادق انتي الاصل
هذا حبيب كلب ابو
ومن هذا الحجي بس حتى تحرك كلبي
اما اني اكثر شي كان يقهرني من اشوف لهفة صادق علي
وشلون يشيله ويشم بي
كامت تعوف حمودي بغرفتي وتروح تنام
مرات تنسا تدخل الحمام ومالها شغل بي
اني انقهر علي من اشوفه يبجي اشيله واسكته
طفل زغير ماله ذنب بعلاقتي باامه وابو
بديت اتعلق بي
جمانه السعيدي
سوسن...سبحان الله رب العالمين حول هذا القهر الي بروحي الي سعاده
بديت اتعلق بهذا الطفل من تعرفه يمي ويبجي
اشيله واللعب ويااا
كلش تعلقت بي مرات بليل تنومه بغرفتي
اني اكعده اذا بجه واسوي ممه واشيله منا لمن يرجع ينام
مره هي سمعته يبجي اجت للغرفه لكتني شايلته
واسكت بي
اني توقعت راح اصيح عليه لو تاخذه مني
بس هي بس شافتني شايلته واسكت بي عافته وراحت
ومن هاي اليله بدت تعرفه بليل بغرفتي وتروح تنام
مالها شغل ولا تخاف علي
لان تعرف اني شكد نفسيتي طيبه ومستحيل ااذي
شكد جنت فرحانه بي احس حياتي صار بيها معنى
وخاصه من كبر شويه وكام يعرفني
ومن يشوفني يضحك عبالك الدنيا ضحكتلي
تعلقت بي بشكل مو معقول
وهي من حست بلامان من ناحية اهتمامي بي
وخوفي علي كامت تعرفه عندي اكثر وقت من قبل
بعد ست اشهر ولأن هي ماترضعه على صدرها
طلعت حامل للمره الثانيه
بحملها الأول من عرفت هي حامل حيل ضجت
حسيت اني عندي نقص بس هي مره كامله ما ناقصها شي
بس هلمره بلحمل الثاني صار عندي عادي
لان حمودي اخذ كل وقتي ويحب القهر من روحي
بعد ماعرفت هي حامل عافت حمودي عندي اني اوكله والبسه وينام بغرفتي
اما احلام جابت بنيه صار عدها ولد وبنيه
دوم اتحرض نهله عليه حتى تاخذ حمودي مني لان تشوفني متعلقه بي حيل واحبه
بس نهله عجوزيه اهم شي عدها راحتها
ماتحب تعتني وتغسل وتبدل وتريد تشبع نوم
ماكنت تسمع كلام احلام
بس تعرفون شنو احلى شي بلموضوع
حمودي متعلق بيه اذا افوت ومااشيله يتخبل يبقى يبجي
واذا فاتت نهله من يمه ماله شغل بيها
مرات تجي تشيله واني افوت يبقى يبجي عليه
هي تكوم تعيط علي حتى اضربه
لان مايريدها يريدني جمانه السعيدي
احلى شعور بلدنيا من اشوفه يريدني ويبجي عليه
من اخذه منها يضحك
هذا الشي الوحيد الي كان يواسيني ويخفف عني
احلام....كله بسببج عفتي الها لمن كام مايريدج
نهله...اهو ينرادله خلك انتي شايفته بليل شلون يكعد يبجي وتعاي روحي سوي ممه وبدلي الحفاضه
هو اني كوه انام بطني واني
طبعا اني بعد مااحبل اووي تعبت
احلام...هذا ابنج بعد مايريدج تعلق بيها
نهله...واذا خليها اعتبرها خدامه اله اعتبرها مربيه
مو الناس اجيب مربيه خليها تربي بلكمتها
اهم شي اني مااتعب
احلام...ولج مو راح تتندمين
نهله....هسه بيتنا راح يكمل واني اجيب اخذهم واروح البيتنا بعد ما يشوفها
شويه شويه ينساها
خليها هسه مخلصتني منه
صادق يكول بعد بس السيراميك والبياض ويكمل البيت
علما اجيب بلسلامه يكمل بيتنا وننتقل بي
واخذ منها خليها تتعلق بي حتى من اخذه منها يحترك كلبها بلزايد
احلام...بكيفج اني اريد مصلحتج
نهله...اني مصلحتي اشبع نوم وارتاح خليها حايره بي
شكرا لزيارتكم عالم روايات سكيرهوم
