رواية انتقامي الفصل الرابع بقلم جمانه السعيدي
شاهين....لان اني ماعندي تجارب حب قديم وماداخل علاقه سابقا كانت منى اول وحده تدخل حياتي
تكدرون تكولون اول حب بحياتي
الحب الحلال مثل ما يكولون
بالمقابل اني جنت اشوفها زوجه مثاليه
نظيفه مرتبه تلبس لبس على الموديل ابد مارجعت للبيت ولكيتها مخربطه
فرشة الجربايه تتغير مرتين بليوم
عطر الغرفه دائما حلو ملابس نظيفه ومرتبه
تتلكاني ببتسامه
حبيت اهتمامه بيها حبيت وجودها بحياتي
لكن اول مشكله كانت بينا هي ادخل اهلها بلزغيره والجبيره
اي مشكله حتلو زغيره الكا امها وخالتها وابوها فوك راسي
اني ما متعود هيج ذيج اختي صار كم سنه مزوجه
امي حتى ماتروح عليها اله مناسبه تصير بيت عيالها
تروح شويه وترجع
كعدت وياها وحبيت افهمها هذا الشي غلط مشاكلنا نحلها اني وياج ماكو داعي اهلج يدخلون بلزغيره والجبير
طبعا هي وافقت بس مانفذت
شاهين...تردين حياتنا تستمر ونعيش بسعاده
منى...اكيد
شاهين...طلعي اهلج من حياتنا لا ادخليهم بلزغيره والجبيره
منى...لا اني مامدخلتهم اني بس حجيت الامي
شاهين...وامج ماصدكت خبر اجت كبل تحاسبني
اريد تعرفين احنا مصار هواي مزوجين واكيد كل واحد بينا جاي من بيئه تختلف عن الثاني
اكيد يصير اختلاف بينا لازم نتعود على بعض
منى...صار بعد اهلي مالهم شغل بينا
شاهين...كلامها كان كلام تهدئه وبس بس مابطلت تحجي الزغيره والجبيره الاهلها
ماكو مصيبه مثل مصيبة ابوها رجال شكبره باقي يمشي ورا كلام النسوان كلما امها تحجيله شي الكا فوك راسي
رغم مشاكلنا كلها مشاكل عاديه تصير لكل العوائل
جمانه السعيدي
شاهين..منى ماكانت تعرف تطبخ امي بدت تعلمها على الطبخ
منى...اني مااريد اتعلم الطبخ تعب
شاهين....شلون يعني ماناكل
منى...احنا بيتنا ما نطبخ نشتري كبه جاهزه وحتى الدولمه نوصي وتجينا جاهزه والكليجه نفس الشي
والي يريد ياكل شي يروح يحضر النفسه وياكل ويغسل
مواعين ورا
شاهين....هاي شطلعت راتبكم خلصان على الاكل الجاهز
شنو هو الطبخ نمونه اني اعرف اطبخ
منى...اني ماأحب دخلت المطبخ ومااحب اغسل المواعين
شاهين...بس احنا كاعدين هنا بهذا البيت مو معقوله امي تطبخ وتغسل المواعين واحنا بس ناكل
حتى اختي عدها امتحانات وجاي تساعد
منى...يعني شنو تريدني اخدمهم ترا اني موظفه كلها كم يوم واداوم تريدني اخدم اهلك
شاهين...مو تخدميهم بس ساعدي بشغل البيت
حالج حال امي واختي
منى...ولله اني مايعجبني هذا الوضع
شاهين...لازم تتعودين منا لمن افتح مشروع خاص بيه واشتغل وساعته نطلع بيت وحدنا
ووقتها شوفي شلون ادبرين نفسج
منى...نطلع هسه وحدنا
شاهين...مايصير اني بعدني اخذ مصرفي من ابوي وانتي اداومين بدون راتب شلون راح ندبر معيشتنا
لازم تتعلمين تشاركين بشغل البيت جمانه السعيدي
على هاي زعلت اتصلت على امها تكوله شاهين فرض عليه انزل للمطبخ واخدمهم
بليل من رجعت امها وخالتها اجن علينا على اساس يشوفنها
صعدنا فوك بغرفتنا
امها فتحت هذا الموضوع
انت شلون تريدها تخدمكم هي مدلله ولاتدخل للمطبخ
وما متعوده على التعب
شاهين...باوعت على منى ( بمعنى حجيتي الامج)
خاله منو كال هذا الكلام
ام منى...انت كلت واني جاي اكولك بنتي مدلله وماتنزل للمطبخ
شاهين....بس اني زوجها واريد اكل من ايدها اني ماأحب اكل المطاعم
ام منى...مشكلتك تعود على الاكل الجاهز
عفتها وطلعت
من رجعت ماحجيت وياها بدلت ملابس وتمددت
منى. انت زعلان
شاهين...لا فرحان لان امج واكفه بلعومي تحاسبني على النفس احنا مو اتفقنا الكلام يبقى بينا ما يطلع
ليش مصممه ادخلي اهلج بينا
منى...اهلي ياخذولي حقي
شاهين...اي مو اني لازم سيف واكطع بيج بابا بطلي هاي السوالف التعبانه ليش تخربين حياتنا
بقيت يومين مااحجي وياااها اجت اتصالحني وحلفت بعد هذا الحجي ما ينعاد
طبعا كل فلس احصله من شغلي رايح عليها
خلال شهرين اني صارف كل فلوس شغلي وابو الأسواق يطلبني ٥٠ الف مال حلويات وشغلات
لان هي ما تقبل تاكل حالها حالنا تريد اكل خاص
كلت ميخالف اني علمود منو اشتغل غير علمودها
الحمد لله بعد ٣ اشهر طلعت حامل
هنا حسيت سعادتي راح تكمل
كنت اصبر نفسي واكول راح تتعود عليه ووتتغير لازم اصبر واتحمل اكيد من تصير ام تتغير جمانه السعيدي
بعد زواجنا بست اشهر اختي الزغيره ابوي انطاها فلوس دورة رياضيات لان هي سادس خلتهن بلكنتور على اساس تاخذهن من تطلع
ثاني يوم الصبح
شاهين...صحت على اختي كتلها يله حضري نفسج ناخذج ويانا للدوره
بدلت ملابسها اجت للفلوس ماكو
دورت كلبت الكنتور ماكو طبعا احنا ابد ماتضيع فلوس بيتنا ابوي من يرجع يخلي الفلوس على الميز
لو ربع مايضيع من بيتنا
شاهين...يله وينج تاخرنا
اختي...الفلوس ماكو كلبت الكنتور ماكو
شاهين.. اذكري وين خليتهن
اختي..متاكده بلكنتور اني ماعندي غير هذا المكان اخلي بي كلنا دورنا وياها بس الفلوس فص ملح وراح
امي...وين راحن حتى محد دخل علينا غريب
شاهين...امي حجت هيج كلمه عاديه كلنا نقولها اذا راح شي غالي علينا
راسا منى صعدت الغرفتها فوك صعدت وراها لكيتها تبجي
شاهين...شكو ليش تبجين
منى...امك تقصد. اني غريبه واني اخذت الفلوس
شاهين...اكيد لا مو هذا قصدها
منى...لا تقصدني ترا اني بت خير مو فقيره
شاهين...انتي ليش جاي تكبرين الموضوع منو قرب عليج
منى...اهيي اهيي امك ما تحبني امك تشمر الكلام عليه
شاهين...انتي مو طبيعيه خل انزل احسن
طلعت من البيت ضايج
ابوي انطا فلوس الاختي غيرهن وكل توقعه اختي خالتهن بمكان وناسيه اكيد راح تلكاهن وترجعهن اله
بس الفلوس ماكووو راحن
بعدها بشهر ابوي اجنا فلوس ورق دولار
تقريبا عشر اوراق
اول مادخل للغرفه خلاهن على الميز ودخل للحمام
كل عمره وهو يخلي فلوسه على الميز لو بيقن شهر
محد.يقرب عليهن
من داخل الحمام صاح على امي ملابسي وكعن بلحمام اريد غيرهن
امي جانت مشغوله بلمطبخ
طلبت من منى تروح تاخذله ملابس
راحت منى طلعت ملابس واخذتهن الابوي
بدل وطلع من الحمام صلى وتغده واجا يضم فلوسه
حسبهن لكاهن ناقصات ورقه
شاهين....ابوي اجا على امي
ابوي...هم اخذتي من الفلوس
امي..... لا اصلا مادخلت للغرفه جاي اشتغل بلمطبخ
ابوي.. عندي عشر اوراق حسبتهن اكثر من مره
هسه اجيت لكيتهن ناقصات ورقه
امي خاف بجيبك دور زين لو وكعن جوه الميز
دورنا الغرفه كلها كلشي ماكوووو حتى شلنا الميز من مكانه
امي...اني ابد مادخلت الغرفه حتى من ردت ملابسك منى
دخلت اخذتهن
شاهين امي كالت هيج راسا هاي انفجري بلبجي
شنو قصدكم اني حراميه
هاي مو اول مره انتم متقصدين تحجون عليه
راسا اتصلت على اهلها ماكو شويه وامها ابوها فوك راسنا
ابوي بقه متفاجئ هو وامي
لان الساعه وحده ونص الضهر اهلها كلهم يمنا
ابوي....شكو صاير شي
ابو منى...شلون تتهم منى ماخذ منكم فلوس
ابوي...منو الي اتهمها احنا ضايع النا ورقه وجاي ندور
وهي تدور ويانا
ولله حتى ما تستاهل هاي الهوسه كلها
ام منى...لا ام شاهين تكول ماكو غير منى دخلت الغرفه
ابوي...وخير انشاء الله واذا كالت هذا يعني احنا جاي نتهمها
ام منى...شنو تفسير الشي الي صار قبل كم يوم هم فلوس الدوره ضاعن مااعرف وين صارن وأم شاهين تكول ماكو احد غريب دخل البيت
يعني تقصدها لان بس هي غريبه بيتكم جمانه السعيدي
ابوي...اني ماحاسبه غريبه حاسبها وحده من بناتي
واذا اني شاك بيها تاخذ فلوس ليش اخلي فلوسي على الميز
ترا انتم جاي تخلقون مشكله
شاهين....بقيت ساكت لان اني الف مره حذرتها ماتوصل شي الاهلها وهي ابد مجاي تاخذ كلامي
ومامصبرني غير موضوع حملها
زعلت عليها مااحجي وياها بقت تتوسل بيه
شاهين...انتي ابد مو اداميه اني احجي ويا الحايط
منى...هاي فوكاها
شاهين...لا جواها ليش تاخذين على نفسج قابل بس انتي عايشه بهذا البيت ليش ازغريني كدام اهلي
منى....اني حساسه وأهلك يدوسون بلبطن
شاهين...هذا اخر انذار اللج اذا انعاد هيج شي ترحين وياا اهلج بعد مااريدج
جمانه السعيدي
بدا الدوام امي ابد ما تخليها تشتغل
تكول حامل ماتكدر وتجي تعبانه
امي تخلي الاكل بجدر زغير من ترجع منى تاخذ الجدر وتصعد من ارجع من الشغل نتغدا سوا ونام
المغرب تنزل على كد العشى تكلي العشى واتنظف المطبخ وتصعد بعد مالها شغل بكلشي
من تصعد تبقى ادردم مو بيت مطعم شكد اطبخون
شكد تاكلون شنو هاي المواعين
شاهين...اسكت ماارد عليها لان هي متعوده على الفات
ماشايفه خير
اختي المزوجه جانت تجينا وهي كاشخه ومبدله ولابسه أرقى ملابس والذهب تكعد بس تحجي بعيالها
شلون يحبونها وشلون طايرين بيها وبجهالها وشلون عمها
يشتريلها هي وجهالها
شلون حماها يكول ماازوج اله وحده نفس تربيتها واخلاقها
ست منى اخذتها الغيره شلون اختي سعيده هيج
بقت تخطط شلون تخرب عليها
اكو بلمدرسه مدرسه جبيره بلعمر تصير صديقة ام رياض
وتعرف هاي اتصير جنتنا
بدت منى تصادقها وتوصلها حجي من تاليفها
تحجي عن لسان اختي
يعني اختي جاي تشكي من عيالها وتكول عليهم بخلاء
ويكرهونها ومشغليها خدامه عدهم
وعمها يغلط عليها وعلى اهلها
وتوصل كلام على لسان امي تحجي بي على عيال اختي
ماخلت شي ماحجته كلشي يجي بخاطرها تحجي
بس حتى تخرب على اختي حياتها
ماتريدها احسن منها وماتريد اي احد احسن منها
مستعده تسوي اي شي حتى تخرب عليها
رغم اني ولله بعمري ما قصرت وياها كل فلس احصله
لو انطي الها لو اشتريلها بي
واختي نفسها ماتجي ايدها فارغه لو اجيبلها سيت لو دشدلشه لو عطر لومكياج
وامي كلش مريحتها بلبيت وما تلبي عليها شغل هواي
بسبب دوامها الي هي الحد الان ما جاي تقبض راتب منه
شكرا لزيارتكم عالم روايات سكيرهوم
