رواية انتقامي الفصل الخامس بقلم جمانه السعيدي
شاهين...ماكنت شاك لو ذره من الشك بيها
ابد ما متوقع هي الي جاي تاخذ الفلوس كنت أتوقع
ضايعات بلبيت
لان احنا بيتنا مادخلته رجل غريبه
واذا اجانا احد حتلو من اقاربنا مايكعد يفتر بيتنا
يكعد بلاستقبال ياخذ ضيافته ويروح
وعمرنا كله مافقدنا شي بلبيت
اصلا اي واحد عنده فلوس يشمرهن باي مكان
محد يقرب عليهم
كنت خال ابالي هي وحده حساسه ودولعه وجاي تتحسس من كلامنا بلبيت
اكثر شي متعبني بهاي الزواجه
تدخل اهلها بلزغيره والجبيره الي تصير بيتنا
مجاي يخلون حدود للعلاقه العائليه بينا
المهم منى بدت توصل كلام أشكال واللوان الصديقة ام رياض على لسان اختي
انو اختي ابد ماطايقه العيشه بيتهم
وتكرهم لان يعاملونها معامله موزينه
بس الحمد لله ام رياض انسانه عاقله ومحترمه
ولأن اختي صار اربع سنوات بيتهم كانت تعرف طبعها
وتعرف هي مو ممكن تحجي هيج عليهم
بلعكس ام رياض تكول على اختي
احن من بتها عليها
يعني معاشرينها ويعرفون طبعها جمانه السعيدي
صديقة ام رياض....ترا منى جاي توصلي حجي عن جنتكم
تكول تشكي منكم وتكول بخلاء ومتعبيني
ام رياض ...ترا ماكو هيج حجي مستحيل البنيه حبابه واصيله صار شكد عدنا ابد ماتسوي مشاكل
بلكمس شايله البيت شيل
وكلنا نحبها وهي تحبنا
عمها يموت عليها وعلى جهالها معليج بيها هاي وحده منافقه
....لعد ليش تحجي هيج
...يمكن غيره يمكن تريد تخرب
شاهين...اختي تكول عمتي صاحت عليه وكدام صديقتها حجت حجي ابد مو معقول على لسان منى
تكول بقيت متبسمره بمكاني
معقوله منى هيج تحجي عليه واني شكد احبها وابد ما انساها من اروح الاهلي لازم اخذلها وياي هديه
اختي...يااا عود صدك هاي شنو من بشر ليش تريد تخرب حياتي وشنو هذا النفاق
ام رياض...اني هم كلت كلت هذا الحجي ما يطلع منج
هاي مو بنيه هاي حيه
اختي...بس ليش اكو واحد يااذي واحد بدون سبب
لا واني ولله احبها واسئل عنها
ليش تحفر وراي ودور مشاكل
ام رياض...اكيد بسبب الغيره الناس حتى تكتل بسبب الغيره
شاهين...ثاني يوم اختي اجت علينا خطاره عمها وصلها هي وجهالها ثنيينهم
اول مره تجينا هيج مدخنه وضايجه
احنا شكد نفرح بجيتها ونحب جهالها حلوين ونظيفين
امي...هااا ياستار شو مدخنه شكووو
اختي..اسئلي جنتج المنافقه جاي توصل كلام عني العيالي
تريد تخرب بيني وبينهم
امي...يااا منى ومنى شنو علاقتنا بيج
اختي...ولله مااعرف اني لا مامئذيتها ولا مقربه عليها ليش اطلع عليه حجي مااعرف
المهم اختي انتضرت لمن انجمعنا سوا وفجرت المفاجئه
واجهة منى وجه الوجه
راسا منى وكفت وكامت تصيح طبعا معروف البشر الغلطان من يحجي يحجي بصياح حتى يضم عملته
منى...انتم شنو ادورون مشاكل اني ماحاجيه عليج
وهاي الي وصلت الكلام وحده منافقه
وحده جذابه انتم تكرهوني ماتردوني بلبيت
شاهين...كامت تصيح الله شبلاني بهاي القسمه
وين جانتلي كلها تكرهني وماتريدني
اختي...لا الي وصلت الحجي هذا موجذابه لان عدها وصف دقيق الحياتنا والكلام الي نحجي بي شلون عرفت كل هاي التفاصيل جمانه السعيدي
اريد اعرف اني بيش اذيتج
ليش تردين تخربين بيتي ليش
منى...كافي اكلتوني حاصل فاصل اني ليش اخرب حياتج
اني شنو علاقتي بيج
كتلج هاي وحده منافقه
اختي.. انتي اكبر منافقه هاي صديقة خالتي صار عمر وياها
وابد ما حاولت تخلق مشاكل
وهي اصلا متفاجئه من كلامج عليه
منى.. اي مبينه خوش مره لان راحت طلعت عليه كلام
اني ما حاجيته باجر اني اعلمها بلمدرسه
شاهين...زعلت منى اخذت ملابسها وراحت بيت اهلها
اني الصراحه صدكتها صدكت منى وكمت احجي على اختي
شاهين....انت جايه وجايبه وياج المشاكل ليش اصدكين بهاي
الحقيره لو بيها خير جان ماوصلت الكلام
هاي اكبر منافقه تريد تخلق فتنه
زعلت على اختي وتهمتها جاي تخرب علاقتي بزوجتي
اختي زعلت من كلامي ورجعت لعيالها وقررت بعد ما تدخل بيتنا حتى لا تشوف منى ولا منى تشوفها
كانت مصدومه من تصرف زوجتي
زعلت مني وطلعت من البيت
اما منى بس وصلت بيت اهلها وحجت كلشي صار
ابوهااتصل عليه كال تعال نتفاهم تعال بيتنا
ابوي كال روح شوف عمك شيريد ورجع زوجتك للبيت
الموضوع ما مستاهل الزعل
شاهين رحت البيتهم خل ابالكم اني جنت ما مصدك زوجتي تحجي هيج حجي
وكنت اعتقد الي وصلت هذا الكلام وحده منافقه وتريد تخرب علينا
شاهين... رديت على ابوها .اني حجيت على اختي ودافعت عن منى
وبعد ماكو هيج شي راح يصير مره ثانيه
عمي...هاي مو اول مره تخربون عليها مرتين اتهمتوها تبوك
وهسه جاي تتهمةها تخرب بيت اختك
ترا هذا الحجي مايصير شنو انتم لكيتوها بلشارع
شاهين. محد اتهمها تبوك هي حساسه اي كلام تاخذه على نفسها
ام منى...طبعا حساسه ومدلله انتم شنو ماخذيها عبده
ترجع من الدوام تعبانه وتكعد تحضر العشى الكم
شاهين...بس هي كلشي ما تشتغل بس تحضر العشى
ترا مو معقول امي واختي يخدمنها
عمي. .... ملخص الكلام بتنا تعزل وحدها
شاهين. اني ماعندي امكانيه اعزل بيت وحدي
عمي. حتلو بنفس البيت بس تعزل وحدها مالها شغل بااهلك
ولا الهم شغل بيها
مو جانو اخوانك عازلين وحدهم فوك هي هسه تعزل وحدها
تخدم نفسها وبس هذا اخر كلام عدنا
جمانه السعيدي
شاهين طلعت من بيتهم حيل ضايج
الدنيا سوده بعيني عبالي ازوج وارتاح تالي المشاكل مجاي تخلص
من رجعت للبيت وحجيت الابوي كلشي صار بيتا
كال سهله باجر نجيب طباخ وكاونتر زغير وانتم عدكم ثلاجه واني اجيبلكم مسواك وياي
وخل زوجتك ترجع البنيه على وجه ولاده
رجعها زحمه كدام الناس بعدها ماكملت سنه وزعلانه بيت اهلها
صعدت الغرفتي اتصلت عليه منى تبجي
منى...حبيبي لا تزعل من اهلي اني احبك وماكدر استغني عنك بس ولله هواي اهلك جاي يااذوني
شاهين. لا تبجين ابوي كال اعزلو وحدكم باجر اجيب
كم شغله واجي ارجعج بليل
شاهين.....اكيد كلكم راح تحجون عليه بس اني ماكنت بهذا الوقت كاشف شخصيتها الحقيقيه
كنت اشوفها مضلومه فعلا ويا اهلي
لان هي كانت مدلعتني اخر دلع من ناحية علاقتنا اني وياها كلش زينه
كنت اشوفها حبابه وطيبه وعادي جاي اطالب بحقها تعيش وتستقل وحدها
ثاني يوم ابوي اشترالي كاونتر جاهز وطباخ زغير
صعدتهن بيتنا فوك رتبتهن واتصلت عليها فديو
وكتلها ابوي جابلنا مسواك
وكال عادي اعزلو وحدكم بليل اجي ترجعين وياي
منى.. اي حبيبي ارجع وياك لعد شعندي باقيه هنا
اني اصلا من البارحه مانايمه
مااعرف اغفى اله على ريحتك
شاهين...رحت بليل اجيبها اجت ويانا امه على اساس توصلها
طول الطريق تحجي عليه وتوصي بيه دير بالك عليها
حامل وماتكدر وهي مددلله
وصلنا للبيت امها صعدت ويانا فوك تتأكد كلشي تمام
وبقت كاعده اكثر من ساعه على كلبي بعدين لحكها ابوها
صعد فوك يتاكد كلشي تمام
هم كعد اكثر من نص ساعه
بعدين اخذ امها وراح
ثاني يوم منى راحت اتعاركت ويا صديقة ام رياض
عركه شكبرها كدام الكادر كله
وتصيح عليها منافقه تردين تخربين بيتي
اني يمته حاجيه هيج ليش تنافقين عليه
اكول مثل يكول فوك شينه كوات عينه
هذا المثل ينطبق على منى
جمانه السعيدي
هسه هي عزلت وحدها برائيكم انتهت المشاكل
لا ولله ماانتهت
من تسمع امي واختي يسولفن تنزل على الدرج على كيف تريد تسمع يحجن عليها لو لا
ومرات تفتح تسجيل وتعوف التليفون قريب عليهن
حتى تسمع شجاي يحجن
عدها نقص تحسهن يحجن عليها وحده مريضه نفسيه
امي ابد ما تنتبه الهذا الشي من الامهات القديمات
بس اختي انتبهت اكثر من مره للتليفون وشافته تسجل كلامهن
ونبهت امي
اختي.. جنتج جاي اسجل كلامنا شوفي تليفونه
تليفونها شعنده يمنا هنا وهي كاعده فوك
امي...لا يمه حرام تحجين عليها واذا تليفونها هنا
اختي...ولله انتي على نياتج جاي اسجل كلامنا
امي...وشسوي بكلامنا
اختى...متوقعه نحجي عليها كتلج هاي البنيه موطببعيه
امي....لا تحجين اسكتي اني ماريد مشاكل
امي اخذت التليفون وكفت باب الدرج
امي. خاله منى هذا تليفونج
منى...هااا خاله اي عفته يشحن لان شاحنتي عطلانه
نزلت اخذت التليفون
امي...ليش ضلمتيها شاحنتها عطلانه
اختي...اي اني هم صدكت غير شاهين قبل يومين جابلها شاحنه جديده ولله جاي اسجل كلامنا
شاهين...طبعا من ضمن الكلام الي سجلته منى
بتليفونها بين امي واختي
امي مجمعه ١٣٥ عد اختي من يزود من مصرف البيت اجمع
متفقه وياا اختي اجمع عليهن بعد وتأخذ بيهن تراجي ذهب الاختي
اختي جايه للكنتور لكتهن ماكوووو
رغم محد يدخل بيتنا حتى اختي المزوجه زعلت وبعد ما تجي تتصل بس بلتليفون على امي
تكول بعد مااجيكم ماطول منى بلبيت
مو بس الفلوس جاي تنفقد من بيتنا
اكو بعد شغلات جلي تنفقد بس ابد مو على بالها منى جاي تاخذهن
امي مشتريه سجاجين جدد وخواشؤك اصليات
اجت ملاكتهن
اشترت كوابه ورا فتره مالكتهن
امي رجليها ؤوجعهنا ما تصعد فوك ابد
اذا تطبخ وتريد تنطي منى تصيح عليها من باب الدرج وتنزل تاخذ الاكل
شكرا لزيارتكم عالم روايات سكيرهوم
